Mahabharata — Volume VII (Dutt edition) — Chapter 147
MBh 7 147.1
भीष्म उवाच ततः स लुब्धकः पश्यन् क्षुधयापि परिप्लुतः। कपोतमग्निपतितं वाक्यं पुनरुवाच ह॥ किमीदृशं नृशंसेन मया कृतमबुद्धिना। भविष्यति हि मे नित्यं पातकं कृतजीविनः॥
bhīṣma uvāca tataḥ sa lubdhakaḥ paśyan kṣudhayāpi pariplutaḥ| kapotamagnipatitaṃ vākyaṃ punaruvāca ha|| kimīdṛśaṃ nṛśaṃsena mayā kṛtamabuddhinā| bhaviṣyati hi me nityaṃ pātakaṃ kṛtajīvinaḥ||
Beholding the pigeon fall into the fire, the fowler filled with compassion once more said,-Alas, cruel and senseless that I am, what have I done! I am, forsooth, a mean wretch! Great will be my sin which will last for ever.
— tr. M.N. Dutt (1891–96) (public domain)
MBh 7 147.2
स विनिन्दंस्तथाऽऽत्मानं पुनः पुनरुवाच ह। अविश्वास्यः सुदुर्बुद्धिः सदा निकृतिनिश्चयः॥
sa vinindaṃstathā''tmānaṃ punaḥ punaruvāca ha| aviśvāsyaḥ sudurbuddhiḥ sadā nikṛtiniścayaḥ||
Thus censuring himself he began to say again and again,-I do not deserve any credit! My understanding is wicked! I am ever sinful!
— tr. M.N. Dutt (1891–96) (public domain)
MBh 7 147.3
शुभं कर्म परित्यज्य सोऽहं शकुनिलुब्धकः। नृशंसस्य ममाद्यायं प्रत्यादेशो न संशयः॥ दत्तः स्वमांसं दहता कपोतेन महात्मना।
śubhaṃ karma parityajya so'haṃ śakunilubdhakaḥ| nṛśaṃsasya mamādyāyaṃ pratyādeśo na saṃśayaḥ|| dattaḥ svamāṃsaṃ dahatā kapotena mahātmanā|
Alas, renouncing all sorts of honourable occupation, I have become a fowler! A cruel wretch that I am, forsooth, this noble pigeon, by sacrificing his own life, has taught me a great lesson.
— tr. M.N. Dutt (1891–96) (public domain)
MBh 7 147.4
सोऽहं त्यक्ष्ये प्रियान् प्राणान् पुत्रान् दारांस्तथैव च।।५। उपदिष्टे हि मे धर्मः कपोतेन महात्मना।
so'haṃ tyakṣye priyān prāṇān putrān dārāṃstathaiva ca||5| upadiṣṭe hi me dharmaḥ kapotena mahātmanā|
Renouncing wives and sons, I shall certainly cast off my very life which is so dear! The great pigeon has taught me that duty.
— tr. M.N. Dutt (1891–96) (public domain)
MBh 7 147.5
अद्यप्रभृति देहं स्वं सर्वभोगैर्विवर्जितम्॥ यथा स्वल्पं सरो ग्रीष्मे शोषयिष्याम्यहं तथा।
adyaprabhṛti dehaṃ svaṃ sarvabhogairvivarjitam|| yathā svalpaṃ saro grīṣme śoṣayiṣyāmyahaṃ tathā|
From this day, denying every comfort to my body, I shall exhaust it like a shallow tank in summer.
— tr. M.N. Dutt (1891–96) (public domain)
MBh 7 147.6
क्षुत्पिपासातपसहः कृशो धमनिसंततः॥ उपवासैर्बहुविधैश्चरिष्ये पारलौकिकम्।
kṣutpipāsātapasahaḥ kṛśo dhamanisaṃtataḥ|| upavāsairbahuvidhaiścariṣye pāralaukikam|
Capable of bearing hunger, thirst, and penances, and being emaciated with veins visible all over, I shall by various sorts of fasts, practise such vows as will take me to the other world.
— tr. M.N. Dutt (1891–96) (public domain)
MBh 7 147.7
अहो देहप्रदानेन दर्शितातिथिपूजना॥ तस्माद् धर्मं चरिष्यामि धर्मो हि परमा गतिः। दृष्टो धर्मो हि धर्मिष्ठे यादृशो विहगोत्तमे॥
aho dehapradānena darśitātithipūjanā|| tasmād dharmaṃ cariṣyāmi dharmo hi paramā gatiḥ| dṛṣṭo dharmo hi dharmiṣṭhe yādṛśo vihagottame||
Alas, by giving up his body the pigeon has shown how a guest should be adored! Taught by his example, I shall hereafter practise righteousness. Righteousness is the greatest refuge! Indeed, I shall practise the righteousness shown by the virtuous pigeon, that foremost of all winged creatures.
— tr. M.N. Dutt (1891–96) (public domain)
MBh 7 147.8
एवमुक्त्वा विनिश्चित्य रौद्रकर्मा स लुब्धकः। महाप्रस्थानमाश्रित्य प्रययौ संशितव्रतः॥
evamuktvā viniścitya raudrakarmā sa lubdhakaḥ| mahāprasthānamāśritya prayayau saṃśitavrataḥ||
Having thus made up his mind and said these words, that fowler, once of dreadful deeds, started on a journey never to end, observing all the while the most rigid vows.
— tr. M.N. Dutt (1891–96) (public domain)
MBh 7 147.9
ततो यष्टिं शलाकां च क्षारकं पञ्जरं तथा। तां च बद्धा कपोती स प्रमुच्य विससर्ज ह॥
tato yaṣṭiṃ śalākāṃ ca kṣārakaṃ pañjaraṃ tathā| tāṃ ca baddhā kapotī sa pramucya visasarja ha||
He threw away his strong staff, his sharp iron-stick, his nets and springes, and his iron cage, and liberated the she-pigeon that he had caught and imprisoned.'
— tr. M.N. Dutt (1891–96) (public domain)