Mahabharata — Volume VII (Dutt edition) — Chapter 14

MBh 7 14.1

वैशम्पायन उवाच अव्याहरति कौन्तेये धर्मराजे युधिष्ठिरे। भ्रातॄणां ब्रुवतां तास्तान् विविधान् वेदनिश्चयान्॥

vaiśampāyana uvāca avyāharati kaunteye dharmarāje yudhiṣṭhire| bhrātṝṇāṃ bruvatāṃ tāstān vividhān vedaniścayān||

Vaishampayana said When after listening to his brothers who were telling these truths of the Vedas, Kunti's son king Yudhishthira just remained silent.

— tr. M.N. Dutt (1891–96) (public domain)

MBh 7 14.2

महाभिजनसम्पन्ना श्रीमत्यायतलोचना। अभ्यभाषत राजेन्द्र द्रौपदी योषितां वरा॥ आसीनमृषभं राज्ञां भ्रातृभिः परिवारितम्। सिंहशार्दूलसदृशैर्वारणैरिव यूथपम्॥

mahābhijanasampannā śrīmatyāyatalocanā| abhyabhāṣata rājendra draupadī yoṣitāṃ varā|| āsīnamṛṣabhaṃ rājñāṃ bhrātṛbhiḥ parivāritam| siṃhaśārdūlasadṛśairvāraṇairiva yūthapam||

That foremost of nobly born women, viz., Draupadi, of large eyes and great beauty, O king, said these words unto that foremost of kings seated in the midst of his brothers who were like many lions and tigers, and like the leader of an elephantine herd in the midst of a herd of elephants.

— tr. M.N. Dutt (1891–96) (public domain)

MBh 7 14.3

अभिमानवती नित्यं विशेषेण युधिष्ठिरे। लालिता सततं राज्ञा धर्मज्ञा धर्मदर्शिनी॥ आमन्त्र्य विपुलश्रोणी साम्ना परमवल्गुना। भर्तारपभिसम्प्रेक्ष्य ततो वचनमब्रवीत्॥

abhimānavatī nityaṃ viśeṣeṇa yudhiṣṭhire| lālitā satataṃ rājñā dharmajñā dharmadarśinī|| āmantrya vipulaśroṇī sāmnā paramavalgunā| bhartārapabhisamprekṣya tato vacanamabravīt||

Always expecting respectful love from all her husbands but especially from Yudhishthira, she was always treated with love and indulgence by the king. Conversant with duties and always satisfying them, that lady of large hips, eyeing her husband, drew his attention in soothing and sweet words, and said as follows:

— tr. M.N. Dutt (1891–96) (public domain)

MBh 7 14.4

द्रौपद्युवाच इमे ते भ्रातरः पार्थ शुष्यन्ते स्तोकका इव। वावाश्यमानास्तिष्ठन्ति न चैनानभिनन्दसे॥

draupadyuvāca ime te bhrātaraḥ pārtha śuṣyante stokakā iva| vāvāśyamānāstiṣṭhanti na cainānabhinandase||

These your brothers, O Partha, are crying and drying their tongues like Chatakas, but you do not please them.

— tr. M.N. Dutt (1891–96) (public domain)

MBh 7 14.5

नन्दयैतान् महाराज मत्तानिव महाद्विपान्। उपपन्नेन वाक्येन सततं दुःखभागिनः॥

nandayaitān mahārāja mattāniva mahādvipān| upapannena vākyena satataṃ duḥkhabhāginaḥ||

O king, cheer up these your brothers, who are like infuriate elephants (in prowess) with proper words,-these heroes who have always suffered miseries!

— tr. M.N. Dutt (1891–96) (public domain)

MBh 7 14.6

कथं द्वैतवने राजन् पूर्वमुक्त्वा तथा वचः। भ्रातृनेतान् स्म सहिताशीतवातातपार्दितान्॥ वयं दुर्योधनं हत्वा मृधे भोक्ष्याम मेदिनीम्। सम्पूर्णां सर्वकामानामाहवे विजयैषिणः॥

kathaṃ dvaitavane rājan pūrvamuktvā tathā vacaḥ| bhrātṛnetān sma sahitāśītavātātapārditān|| vayaṃ duryodhanaṃ hatvā mṛdhe bhokṣyāma medinīm| sampūrṇāṃ sarvakāmānāmāhave vijayaiṣiṇaḥ||

Why, O king, while living on the bank of the Dvaita lake, did you say to these your brothers then living with you, and suffering from cold and wind and sun, these words, viz.,-engaging in battle to win victory, we will kill Duryodhana and enjoy the Earth that is capable of granting every desire.

— tr. M.N. Dutt (1891–96) (public domain)

MBh 7 14.7

विस्थांश्च रथान् कृत्वा निहत्य च महागजान्। संस्तीर्य च रथैर्भूमि ससादिभिररिन्दमाः॥ यजतां विविधैर्यज्ञैः समृद्धैराप्तदक्षिणैः। वनवासकृतं दुःखं भविष्यति सुखाय वः॥

visthāṃśca rathān kṛtvā nihatya ca mahāgajān| saṃstīrya ca rathairbhūmi sasādibhirarindamāḥ|| yajatāṃ vividhairyajñaiḥ samṛddhairāptadakṣiṇaiḥ| vanavāsakṛtaṃ duḥkhaṃ bhaviṣyati sukhāya vaḥ||

Depriving great car-warriors of their cars and killing huge elephants, and covering the battle-field with the bodies of car-warriors and horsemen and horses, O chastiser of foes, you will celebrate great sacrifices of various kinds with profuse presents! All these sufferings of a life of exile in the forest will then end in happiness!

— tr. M.N. Dutt (1891–96) (public domain)

MBh 7 14.8

इत्येतानेवमुक्त्वा त्वं स्वयं धर्मभृतां वर। कथमद्य पुनर्वीर विनिहंसि मनांसि नः॥

ityetānevamuktvā tvaṃ svayaṃ dharmabhṛtāṃ vara| kathamadya punarvīra vinihaṃsi manāṃsi naḥ||

O foremost of the virtuous, having yourself said these words to your brothers then, why, O hero, do you depress our hearts now?

— tr. M.N. Dutt (1891–96) (public domain)

MBh 7 14.9

न क्लीबो वसुधां भुक्के न क्लीबो धनमश्नुते। न क्लीबस्य गृहे पुत्रा मत्स्याः पङ्क इवासते॥

na klībo vasudhāṃ bhukke na klībo dhanamaśnute| na klībasya gṛhe putrā matsyāḥ paṅka ivāsate||

A eunuch can never enjoy wealth. A eunuch can never have children, as there can be no fish in a mud (destitute of water).

— tr. M.N. Dutt (1891–96) (public domain)

MBh 7 14.10

नादण्डः क्षत्रियो भाति नादण्डो भूमिमश्नुते। नादण्डस्य प्रजा राज्ञः सुखं विन्दन्ति भारत॥

nādaṇḍaḥ kṣatriyo bhāti nādaṇḍo bhūmimaśnute| nādaṇḍasya prajā rājñaḥ sukhaṃ vindanti bhārata||

A Kshatriya without the rod of chastisement never prosper. Without the rod of chastisement a Kshatriya can never enjoy the Earth. The subjects of a king who has no rod of chastisement can never enjoy happiness!

— tr. M.N. Dutt (1891–96) (public domain)

MBh 7 14.11

मित्रता सर्वभूतेषु दानमध्ययनं तपः। ब्राह्मणस्यैव धर्म: स्यान्न राज्ञो राजसत्तम॥

mitratā sarvabhūteṣu dānamadhyayanaṃ tapaḥ| brāhmaṇasyaiva dharma: syānna rājño rājasattama||

Love for all creatures, charity, study of the Vedas, penances, are are the duties of a Brahniana and not of a king, O best of kings!

— tr. M.N. Dutt (1891–96) (public domain)

MBh 7 14.12

असतां प्रतिषेधश्च सतां च परिपालनम्। एष राज्ञां परो धर्मः समरे चापलायनम्॥

asatāṃ pratiṣedhaśca satāṃ ca paripālanam| eṣa rājñāṃ paro dharmaḥ samare cāpalāyanam||

Suppressing the wicked, maintaining the honest, and never retreating from battle are the highest duties of kings! can

— tr. M.N. Dutt (1891–96) (public domain)

MBh 7 14.13

यस्मिन् क्षमा च क्रोधश्च दानादाने भयाभये। निग्रहानुग्रहौ चोभौ स वै धर्मविदुच्यते॥

yasmin kṣamā ca krodhaśca dānādāne bhayābhaye| nigrahānugrahau cobhau sa vai dharmaviducyate||

He is the master of duties in whom reside forgiveness and anger, giving and taking, terror and fearlessness, and chastisement and reward!

— tr. M.N. Dutt (1891–96) (public domain)

MBh 7 14.14

न श्रुतेन न दानेन न सान्त्वेन न चेज्यया। त्वयेयं पृथिवी लब्धा न संकोचेन चाप्युत॥

na śrutena na dānena na sāntvena na cejyayā| tvayeyaṃ pṛthivī labdhā na saṃkocena cāpyuta||

It was not by study, or gift, or mendicancy, that you have acquired the Earth?

— tr. M.N. Dutt (1891–96) (public domain)

MBh 7 14.15

यत् तद् बलममित्राणां तथा वीर्यसमुद्यतम्। हस्त्यश्वरथसम्पनं त्रिभिरङ्गैरनुत्तमम्॥ रक्षित द्रोणकर्णाभ्यामश्वत्थाम्ना कृपेण च। तत त्वया निहतं वीर तस्माद् भुक्ष्व वसुन्धराम्॥

yat tad balamamitrāṇāṃ tathā vīryasamudyatam| hastyaśvarathasampanaṃ tribhiraṅgairanuttamam|| rakṣita droṇakarṇābhyāmaśvatthāmnā kṛpeṇa ca| tata tvayā nihataṃ vīra tasmād bhukṣva vasundharām||

That army of the enemy, O hero, ready to attack you with all its might, consisting of elephants and horses and cars, protected by Drona and Karna and Ashvatthaman and Kripa, has been defeated and killed by you, O hero. It is for this that I request you to enjoy the Earth.

— tr. M.N. Dutt (1891–96) (public domain)

MBh 7 14.16

जम्बूद्वीपो महाराज नानाजनपदैर्युतः। त्वया पुरुषशार्दूल दण्डेन मृदितः प्रभो॥

jambūdvīpo mahārāja nānājanapadairyutaḥ| tvayā puruṣaśārdūla daṇḍena mṛditaḥ prabho||

(Formerly), O powerful one, you had, O king, governed with might, the region called Jaimbu, O foremost of men, abounding with populous districts!

— tr. M.N. Dutt (1891–96) (public domain)

MBh 7 14.17

जम्बूद्वीपेन सदृशः क्रौञ्चद्वीपो नराधिप। अधरेण महामेरोर्दण्डेन मृदितस्त्वया॥

jambūdvīpena sadṛśaḥ krauñcadvīpo narādhipa| adhareṇa mahāmerordaṇḍena mṛditastvayā||

You had also, O king, governed with might, that other region called Kraunchadvipa situated on the west of the great Meru and equal to Jambudvipa itself!

— tr. M.N. Dutt (1891–96) (public domain)

MBh 7 14.18

क्रौञ्चद्वीपेन सदृशः शाकद्वीपो नराधिप। पूर्वेण तु महामेरोर्दण्डेन मृदितस्त्वया॥

krauñcadvīpena sadṛśaḥ śākadvīpo narādhipa| pūrveṇa tu mahāmerordaṇḍena mṛditastvayā||

You had governed with might, O king, that other region called Shakadvipa on the east of the great Meru and equal to Kraunchadvipa itself!

— tr. M.N. Dutt (1891–96) (public domain)

MBh 7 14.19

उत्तरेण महामेरोः शाकद्वीपेन सम्मितः। भद्राश्वः पुरुषव्याघ्र दण्डेन मृदितस्त्वया॥

uttareṇa mahāmeroḥ śākadvīpena sammitaḥ| bhadrāśvaḥ puruṣavyāghra daṇḍena mṛditastvayā||

The region called Bhadrashva, on the north of the great Meru and equal to Shakadvipa was also governed by you, O foremost of Men!

— tr. M.N. Dutt (1891–96) (public domain)

MBh 7 14.20

द्वीपाश्च सान्तरद्वीया नानाजनपदाश्रयाः। विगाह्य सागरं वीर दण्डेन मृदितास्त्वया॥

dvīpāśca sāntaradvīyā nānājanapadāśrayāḥ| vigāhya sāgaraṃ vīra daṇḍena mṛditāstvayā||

You had even entered the ocean and governed with inight other regions, too, O hero, and the very islands encircled by the sea and containing many populous districts.

— tr. M.N. Dutt (1891–96) (public domain)

MBh 7 14.21

एतान्यप्रतिमेयानि कृत्वा कर्माणि भारत। न प्रीयसे महाराज पूज्यमानो द्विजातिभिः॥

etānyapratimeyāni kṛtvā karmāṇi bhārata| na prīyase mahārāja pūjyamāno dvijātibhiḥ||

Having, O Bharata, made such wonderful conquests, and having obtained (through them) the worship of the Brahmanas, how is it that your mind is not satisfied.

— tr. M.N. Dutt (1891–96) (public domain)

MBh 7 14.22

स त्वं भ्रातृनिमान् दृष्ट्वा प्रतिनन्दस्व भारत। ऋषभानिव सम्मत्तान् गजेन्द्रानूर्जितानिव॥

sa tvaṃ bhrātṛnimān dṛṣṭvā pratinandasva bhārata| ṛṣabhāniva sammattān gajendrānūrjitāniva||

Seeing these brothers of your before you, O Bharata,these heroes endued with might and resembling bulls or infuriate clephants-why do you not speak to them sweet words.

— tr. M.N. Dutt (1891–96) (public domain)

MBh 7 14.23

अमरप्रतिमाः सर्वे शत्रुसाहाः परंतपाः। एकोऽपि हि सुखायैषां मम स्यादिति मे मतिः।।२८।

amarapratimāḥ sarve śatrusāhāḥ paraṃtapāḥ| eko'pi hi sukhāyaiṣāṃ mama syāditi me matiḥ||28|

All of you are like celestials. All of you are capable of withstanding enemies. All of you are capable of scorching your enemies. If only one of you had become my husband. my happiness would even then have been very considerable.

— tr. M.N. Dutt (1891–96) (public domain)

MBh 7 14.24

किं पुनः पुरुषव्याघ्र पतयो मे नरर्षभाः। समस्तानीन्द्रियाणीव शरीरस्य विचेष्टने॥

kiṃ punaḥ puruṣavyāghra patayo me nararṣabhāḥ| samastānīndriyāṇīva śarīrasya viceṣṭane||

What need I say then, O foremost of men, when all of you, five in number, are my husbands (and take care of me) like the five senses working up the body.

— tr. M.N. Dutt (1891–96) (public domain)

MBh 7 14.25

अनृतं नाब्रवीच्छ्वश्रूः सर्वज्ञा सर्वदर्शिनी। युधिष्ठिरस्त्वां पाञ्चालि सुखे धास्यत्यनुत्तमे॥

anṛtaṃ nābravīcchvaśrūḥ sarvajñā sarvadarśinī| yudhiṣṭhirastvāṃ pāñcāli sukhe dhāsyatyanuttame||

The words of my mother-in-law who is endued with great knowledge and foresight, cannot be untrue. She said,-O princess of Panchala, Yudhishthira will always keep you in happiness, O excellent lady.

— tr. M.N. Dutt (1891–96) (public domain)

MBh 7 14.26

हत्वा राजसहस्राणि बहून्याशुपराक्रमः। तद् व्यर्थं सम्प्रपश्यामि मोहात् तव जनाधिप॥

hatvā rājasahasrāṇi bahūnyāśuparākramaḥ| tad vyarthaṃ samprapaśyāmi mohāt tava janādhipa||

Having killed many thousands of powerful kings, I see, O monarch, that through your folly you are about to make such an attachment futile.

— tr. M.N. Dutt (1891–96) (public domain)

MBh 7 14.27

येषामुन्मत्तको ज्येष्ठः सर्वे तेऽप्यनुसारिणः। तवोन्मादान्महाराज सोन्मादाः सर्वपाण्डवाः॥

yeṣāmunmattako jyeṣṭhaḥ sarve te'pyanusāriṇaḥ| tavonmādānmahārāja sonmādāḥ sarvapāṇḍavāḥ||

They whose eldest brother runs mad, have all to follow him like mad men. For your madness, O king, all the Pandavas, are about to become mad.

— tr. M.N. Dutt (1891–96) (public domain)

MBh 7 14.28

यदि हि स्युरनुन्मत्ता भ्रातरस्ते नराधिप। बद्ध्वा त्वां नास्तिकैः सार्धं प्रशासेयुर्वसुन्धराम्।।३३ कुरुते मूढ एवं हि यः श्रेयो नाधिगच्छति।

yadi hi syuranunmattā bhrātaraste narādhipa| baddhvā tvāṃ nāstikaiḥ sārdhaṃ praśāseyurvasundharām||33 kurute mūḍha evaṃ hi yaḥ śreyo nādhigacchati|

If, O King, these your brothers had been sane, they would then have locked you up with all unbelievers (in a prison) and taken charge of the government of the Earth. The man who for feeble intellect acts thus never succeeds in winning prosperity.

— tr. M.N. Dutt (1891–96) (public domain)

MBh 7 14.29

धूपैरञ्जनयोगैश्च नस्यकर्मभिरेव च॥ भेषजैः स चिकित्स्यः स्याद् य उन्मार्गेण गच्छति।

dhūpairañjanayogaiśca nasyakarmabhireva ca|| bheṣajaiḥ sa cikitsyaḥ syād ya unmārgeṇa gacchati|

The man who behaves like a mad, man should be subjected to medical treatment by the aid of incense and collyrium, of drugs applied through the nose, and of other medicaments.

— tr. M.N. Dutt (1891–96) (public domain)

MBh 7 14.30

साहं सर्वाधमा लोके स्त्रीणां भरतसत्तम॥ तथा विनिकृता पुत्रैर्याहमिच्छामि जीवितुम्।

sāhaṃ sarvādhamā loke strīṇāṃ bharatasattama|| tathā vinikṛtā putrairyāhamicchāmi jīvitum|

O best of the Bharatas, I am the worst of all females, since I wish to live on even though I am deprived of my children.

— tr. M.N. Dutt (1891–96) (public domain)

MBh 7 14.31

एतेषां यतमानानां न मेऽद्य वचनं मृषा॥ त्वं तु सर्वां महीं त्यक्त्वा कुरुषे स्वयमापदम्।

eteṣāṃ yatamānānāṃ na me'dya vacanaṃ mṛṣā|| tvaṃ tu sarvāṃ mahīṃ tyaktvā kuruṣe svayamāpadam|

You should not disregard the words spoken by me and by these brothers of yours who are trying thus to dissuade you. Indeed, abandoning the whole Earth, you are inviting adversity and danger to assail you.

— tr. M.N. Dutt (1891–96) (public domain)

MBh 7 14.32

यथाऽऽस्तां सम्मतौ राज्ञां पृथिव्यां राजसत्तम॥ मान्धाता चाम्बरीषश्च तथा राजन् विराजसे।

yathā''stāṃ sammatau rājñāṃ pṛthivyāṃ rājasattama|| māndhātā cāmbarīṣaśca tathā rājan virājase|

You appear in splendour now, O monarch, even as those two foremost of kings, viz., Mandhatri and Ambarisha, respected by all the kings, did in former days.

— tr. M.N. Dutt (1891–96) (public domain)

MBh 7 14.33

प्रशाधि पृथिवीं देवीं प्रजा धर्मेण पालयन्॥ सपर्वतवनद्वीपां मा राजन् विमना भव।

praśādhi pṛthivīṃ devīṃ prajā dharmeṇa pālayan|| saparvatavanadvīpāṃ mā rājan vimanā bhava|

Protecting your subjects righteously, rule over the goddess Earth with her mountains and forests and islands. Do not, O king, become disspirited.

— tr. M.N. Dutt (1891–96) (public domain)

MBh 7 14.34

यजस्व विविधैर्यज्ञैर्युध्यस्वारीन् प्रयच्छ च। धनानि भोगान् वासांसि द्विजातिभ्यो नृपोत्तम॥

yajasva vividhairyajñairyudhyasvārīn prayaccha ca| dhanāni bhogān vāsāṃsi dvijātibhyo nṛpottama||

Worship the gods with various sacrifices. Fight your foes! Present wealth, clothes and other objects of enjoyment to the Brahmanas, O foremost of kings!

— tr. M.N. Dutt (1891–96) (public domain)