Mahabharata — Volume VII (Dutt edition) — Chapter 133
MBh 7 133.1
भीष्म उवाच स्वराष्ट्रात् परराष्ट्राच्च कोशं संजनयेन्नृपः। कोशाद्धि धर्मः कौन्तेय राज्यमूलं च वर्धते॥
bhīṣma uvāca svarāṣṭrāt pararāṣṭrācca kośaṃ saṃjanayennṛpaḥ| kośāddhi dharmaḥ kaunteya rājyamūlaṃ ca vardhate||
Bhishma said By taking riches from his own kingdom as also from the kingdoms of his enemies, the king should, replenish his treasury. Religious merit springs from the treasury, O son of Kunti, and it is through the treasury that the roots of his kingdom extend.
— tr. M.N. Dutt (1891–96) (public domain)
MBh 7 133.2
तस्मात् संजनयेत् कोशं सत्कृत्य परिपालयेत्। परिपाल्यानुतनुयादेष धर्मः सनातनः॥
tasmāt saṃjanayet kośaṃ satkṛtya paripālayet| paripālyānutanuyādeṣa dharmaḥ sanātanaḥ||
For these reasons the treasury must be replenished; and when filled, it should be carefully kept, and even sought to be increased. This is the eternal practice.
— tr. M.N. Dutt (1891–96) (public domain)
MBh 7 133.3
न कोशः शुद्धशौचेन न नृशंसेन जातुचित्। मध्यमं पदमास्थाय कोशसंग्रहणं चरेत्॥
na kośaḥ śuddhaśaucena na nṛśaṃsena jātucit| madhyamaṃ padamāsthāya kośasaṃgrahaṇaṃ caret||
The treasury cannot be replenished by (acting with) purity and fairness, nor by (acting with) ruthless cruelty. It should be filled by following a middle course.
— tr. M.N. Dutt (1891–96) (public domain)
MBh 7 133.4
अबलस्य कुत: कोशो ह्यकोशस्य कुतो बलम्। अबलस्य कुतो राज्यमराज्ञः श्रीर्भवेत् कुतः॥
abalasya kuta: kośo hyakośasya kuto balam| abalasya kuto rājyamarājñaḥ śrīrbhavet kutaḥ||
How can a weak king have a treasury? How can a king who has no treasury have strength? How can a weak man maintain a kingdom? How, again, can one, who has no kingdom of his own, acquire prosperity?
— tr. M.N. Dutt (1891–96) (public domain)
MBh 7 133.5
उच्चैर्वृत्तेः श्रियो हानिर्यथैव मरणं तथा। तस्मात् कोशं बलं मित्रमथ राजा विवर्धयेत्॥
uccairvṛtteḥ śriyo hāniryathaiva maraṇaṃ tathā| tasmāt kośaṃ balaṃ mitramatha rājā vivardhayet||
Adversity is like death to a person of high rank. Therefore, the king should always multiply his treasury, and army, and allies and friends.
— tr. M.N. Dutt (1891–96) (public domain)
MBh 7 133.6
हीनकोशं हि राजानमवजानन्ति मानवाः। न चास्याल्पेन तुष्यन्ति कार्यमप्युत्सहन्ति च॥
hīnakośaṃ hi rājānamavajānanti mānavāḥ| na cāsyālpena tuṣyanti kāryamapyutsahanti ca||
All men disregard a king, who has an empty treasury. Without being pleased with the little that such a king can give, his servants never show any zeal in his business.
— tr. M.N. Dutt (1891–96) (public domain)
MBh 7 133.7
श्रियो हि कारणाद् राजा सक्रियां लभते पराम्। सास्य गृहति पापानि वासो गुह्यमिव स्त्रियाः॥
śriyo hi kāraṇād rājā sakriyāṃ labhate parām| sāsya gṛhati pāpāni vāso guhyamiva striyāḥ||
By riches, the king acquires great honours. Indeed, riches conceal his very sins, as a dress conceals such parts of a female form as should not be exposed to the public gaze.
— tr. M.N. Dutt (1891–96) (public domain)
MBh 7 133.8
ऋद्धिमस्यानु तप्यन्ते पुरा विप्रकृता नराः। शालावृका इवाजस्त्रं जिघांसुमेव विन्दति॥
ṛddhimasyānu tapyante purā viprakṛtā narāḥ| śālāvṛkā ivājastraṃ jighāṃsumeva vindati||
The former enemies of the king become stricken with grief on seeing his newly acquired riches. Like dogs they once more serve him, and though they only seek an opportunity to kill him, he treats them as if nothing has taken place.
— tr. M.N. Dutt (1891–96) (public domain)
MBh 7 133.9
ईदृशस्य कुतो राज्ञः सुखं भवति भारत। उद्यच्छेदेव न नमेदुद्यमो ह्येव पौरुषम्॥
īdṛśasya kuto rājñaḥ sukhaṃ bhavati bhārata| udyacchedeva na namedudyamo hyeva pauruṣam||
How, O Bharata, can such a king enjoy happiness? The king should always try for acquiring greatness.
— tr. M.N. Dutt (1891–96) (public domain)
MBh 7 133.10
अप्यपर्वणि भज्येत न नमतेह कस्यचित्। अप्यरण्यं समाश्रित्य चरेन्मृगगणैः सह॥
apyaparvaṇi bhajyeta na namateha kasyacit| apyaraṇyaṃ samāśritya carenmṛgagaṇaiḥ saha||
He should never bend low in humility. Exertion is manliness. He should rather break when an unfavourable opportunity comes than bend low before any one. He should rather go to the forest and live there with wild animals.
— tr. M.N. Dutt (1891–96) (public domain)
MBh 7 133.11
न त्वेवोज्झितमर्यादैर्दस्युभिः सहितश्चरेत्। दस्यूनां सुलभा सेना रौद्रकर्मसु भारत॥
na tvevojjhitamaryādairdasyubhiḥ sahitaścaret| dasyūnāṃ sulabhā senā raudrakarmasu bhārata||
But he should not, however, live in the midst of ministers and officers who have like robbers transgressed all restraints. Even the wild robbers may supply a large number of soldiers for the performance of the fiercest of deeds. O Bharata.
— tr. M.N. Dutt (1891–96) (public domain)
MBh 7 133.12
एकान्ततो ह्यमर्यादात् सर्वोऽप्युद्विजते जनः। दस्यवोऽप्यभिशङ्कन्ते निरनुक्रोशकारिणः॥
ekāntato hyamaryādāt sarvo'pyudvijate janaḥ| dasyavo'pyabhiśaṅkante niranukrośakāriṇaḥ||
If the king disregards all healthy restraints, all people are filled with terror. They very robbers who know not what mercy is, fear such a king.
— tr. M.N. Dutt (1891–96) (public domain)
MBh 7 133.13
स्थापयेदेव मर्यादां जनचित्तप्रसादिनीम्। अल्पेऽप्यर्थे च मर्यादा लोके भवति पूजिता॥
sthāpayedeva maryādāṃ janacittaprasādinīm| alpe'pyarthe ca maryādā loke bhavati pūjitā||
Therefore, the king, should always set down rules and restraints for pleasing his subjects. People always welcome rules even regarding insignificant matters.
— tr. M.N. Dutt (1891–96) (public domain)
MBh 7 133.14
नायं लोकोऽस्ति न पर इति व्यवसितो जनः। नालं गन्तुं हि विश्वासं नास्तिके भयशङ्किते॥
nāyaṃ loko'sti na para iti vyavasito janaḥ| nālaṃ gantuṃ hi viśvāsaṃ nāstike bhayaśaṅkite||
There are men who hold that this world is nothing and the future also is a myth. He, who is such an undeliever, though his heart is moved by secret fears, should never be trusted.
— tr. M.N. Dutt (1891–96) (public domain)
MBh 7 133.15
यथा सद्भिः परादानमहिंसा दस्युभिः कृता। अनुरज्यन्ति भूतानि समर्यादेषु दस्युषु॥
yathā sadbhiḥ parādānamahiṃsā dasyubhiḥ kṛtā| anurajyanti bhūtāni samaryādeṣu dasyuṣu||
If the wild robbers, while observing other virtues, commit robberies, in respect of properties those deeds may be considered as innocent. The lives of thousands of creatures are protected when robbers follow such restraints.
— tr. M.N. Dutt (1891–96) (public domain)
MBh 7 133.16
अयुद्ध्यमानस्य वधो दारामर्षः कृतघ्नता। ब्रह्मवित्तस्य चादानं निःशेषकरणं तथा॥ स्त्रिया मोषः पतिस्थानं दस्युष्वेतद् विगर्हितम्। संश्लेषं च परस्त्रीमिर्दस्युरेतानि वजयेत्॥
ayuddhyamānasya vadho dārāmarṣaḥ kṛtaghnatā| brahmavittasya cādānaṃ niḥśeṣakaraṇaṃ tathā|| striyā moṣaḥ patisthānaṃ dasyuṣvetad vigarhitam| saṃśleṣaṃ ca parastrīmirdasyuretāni vajayet||
Killing a retreating enemy, ravishment of wives, ingratitude, plundering the property of a Brahmana, depriving a person of his entire property, violation of maidens, continued occupation of villages and towns as their lawful lords, and adultery with other people's wives.-these are known as sinful acts among even robbers, and robbers should always stand aloof from them.
— tr. M.N. Dutt (1891–96) (public domain)
MBh 7 133.17
अभिसंदधते ये च विश्वासायास्य मानवाः। अशेषमेवोपलभ्य कुर्वन्तीति विनिश्चयः॥
abhisaṃdadhate ye ca viśvāsāyāsya mānavāḥ| aśeṣamevopalabhya kurvantīti viniścayaḥ||
It is again certain that those kings, who try to create confidence in robbers, succeed, after watching all their ins and outs, in rooting them out.
— tr. M.N. Dutt (1891–96) (public domain)
MBh 7 133.18
तस्मात् सशेषं कर्तव्यं स्वाधीनमपि दस्युभिः। न बलस्थोऽहमस्मीति नृशंसानि समाचरेत्॥
tasmāt saśeṣaṃ kartavyaṃ svādhīnamapi dasyubhiḥ| na balastho'hamasmīti nṛśaṃsāni samācaret||
Therefore, in dealing with robbers, it is necessary that they should not be destroyed outright. They should be gradually brought under the king's sway. The king should never treat them cruelly, thinking that he is more powerful than they.
— tr. M.N. Dutt (1891–96) (public domain)
MBh 7 133.19
स शेषकारिणस्तत्र शेषं पश्यन्ति सर्वशः। निःशेषकारिणो नित्यं निःशेषकरणाद् भयम्॥
sa śeṣakāriṇastatra śeṣaṃ paśyanti sarvaśaḥ| niḥśeṣakāriṇo nityaṃ niḥśeṣakaraṇād bhayam||
Those kings, who do not root them out outright have no fear of their ruin, They, however, that do root them out, stand always in dread of them.'
— tr. M.N. Dutt (1891–96) (public domain)