Mahabharata — Volume VII (Dutt edition) — Chapter 125

MBh 7 125.1

युधिष्ठिर उवाच शीलं प्रधानं पुरुषे कथितं ते पितामह। कथं त्वाशा समुत्पन्ना या चाशा तद् वदस्व मे॥

yudhiṣṭhira uvāca śīlaṃ pradhānaṃ puruṣe kathitaṃ te pitāmaha| kathaṃ tvāśā samutpannā yā cāśā tad vadasva me||

Yudhishthira said You have said, O grandfather, that conduct is the first thing (for a man). Whence, however, does Hope arise? Tell me what it is.

— tr. M.N. Dutt (1891–96) (public domain)

MBh 7 125.2

संशयो मे महानेष समुत्पन्नः पितामह। छेत्ता च तस्य नान्योऽस्ति त्वत्तः परपुरजय॥

saṃśayo me mahāneṣa samutpannaḥ pitāmaha| chettā ca tasya nānyo'sti tvattaḥ parapurajaya||

This great doubt has occupied my mind. There is no other person than you, Osubjugator of hostile towns, who can remove it!

— tr. M.N. Dutt (1891–96) (public domain)

MBh 7 125.3

पितामहाशा महती ममासीद्धि सुयोधने। प्राप्ते युद्धे तु तद् युक्तं तत् कर्तायमिति प्रभो॥

pitāmahāśā mahatī mamāsīddhi suyodhane| prāpte yuddhe tu tad yuktaṃ tat kartāyamiti prabho||

O grandfather, I had great hope about Suyodhana that when a battle was about to take place, he would, O lord, do what was proper.

— tr. M.N. Dutt (1891–96) (public domain)

MBh 7 125.4

सर्वस्याशा सुमहती पुरुषस्योपजायते। तस्यां विहन्यमानायां दुःखो मृत्युर्न संशयः॥

sarvasyāśā sumahatī puruṣasyopajāyate| tasyāṃ vihanyamānāyāṃ duḥkho mṛtyurna saṃśayaḥ||

Hope is tne sheet-anchor of every man. When that hope is destroyed, great grief follows which, forsooth, is almost equal to death itself.

— tr. M.N. Dutt (1891–96) (public domain)

MBh 7 125.5

सोऽहं हताशो दुर्बुद्धिः कृतस्तेन दुरात्मना। धार्तराष्ट्रेण राजेन्द्र पश्य मन्दात्मतां मम॥

so'haṃ hatāśo durbuddhiḥ kṛtastena durātmanā| dhārtarāṣṭreṇa rājendra paśya mandātmatāṃ mama||

Fool that I am, Dhritarashtra's wicked son, Duryodhana, destroyed the hope I had entertained. Mark, O king, the foolishness of my mind.

— tr. M.N. Dutt (1891–96) (public domain)

MBh 7 125.6

आशां महत्तरां मन्ये पर्वतादपि सदुमात्। आकाशादपि वा राजनप्रमेयैव वा पुनः॥

āśāṃ mahattarāṃ manye parvatādapi sadumāt| ākāśādapi vā rājanaprameyaiva vā punaḥ||

I think that hope is bigger than a mountain with all its trees. Or, perhaps, it is bigger than the sky itself. Or, perhaps, O king, it is really immeasurable.

— tr. M.N. Dutt (1891–96) (public domain)

MBh 7 125.7

एषा चैव कुरुश्रेष्ठ दुर्विचिन्त्या सुदुर्लभा। दुर्लभत्वाच्च पश्यामि किमन्यद् दुर्लभं ततः॥

eṣā caiva kuruśreṣṭha durvicintyā sudurlabhā| durlabhatvācca paśyāmi kimanyad durlabhaṃ tataḥ||

Hope, O chief of the Kurus, is highly difficult of being understood and equally difficult of being conquered. Seeing this last attribute of Hope, I ask, what else is so unconquerable as this?

— tr. M.N. Dutt (1891–96) (public domain)

MBh 7 125.8

भीष्म उवाच अत्र ते वर्तयिष्यामि युधिष्ठिर निबोध तत्। इतिहासं सुमित्रस्य निर्वृत्तमृषभस्य च॥

bhīṣma uvāca atra te vartayiṣyāmi yudhiṣṭhira nibodha tat| itihāsaṃ sumitrasya nirvṛttamṛṣabhasya ca||

Bhishma said I shall describe to you, O Yudhishthira, regarding it, the discourse between Sumitra and Rishabha that took place in days of yore, Listen to it!

— tr. M.N. Dutt (1891–96) (public domain)

MBh 7 125.9

सुमित्रो नाम राजर्षिर्हहयो मृगयां गतः। ससार स मृगं विद्ध्वा बाणेनानतपर्वणा॥

sumitro nāma rājarṣirhahayo mṛgayāṃ gataḥ| sasāra sa mṛgaṃ viddhvā bāṇenānataparvaṇā||

A royal sage of the Haihaya family, Sumitra by namre, went a hunting. Having pierced a deer with a straight arrow, he pursued it.

— tr. M.N. Dutt (1891–96) (public domain)

MBh 7 125.10

स मृगो बाणमादाय यथामितविक्रमः। स च राजा बलात् तूर्णं ससार मृगयूथपम्॥

sa mṛgo bāṇamādāya yathāmitavikramaḥ| sa ca rājā balāt tūrṇaṃ sasāra mṛgayūthapam||

Endued with great strength, the deer ran ahead, with the arrow sticking to him. The king was equally powerful, and accordingly pursued his precious game with great speed.

— tr. M.N. Dutt (1891–96) (public domain)

MBh 7 125.11

ततो निम्न स्थलं चैव स मृगोऽद्रवदाशुगः। मुहूर्तमिव राजेन्द्र समेन स पथागमत्॥

tato nimna sthalaṃ caiva sa mṛgo'dravadāśugaḥ| muhūrtamiva rājendra samena sa pathāgamat||

The animal, highly fleet, quickly ran a low ground and then a level plain.

— tr. M.N. Dutt (1891–96) (public domain)

MBh 7 125.12

ततः स राजा तारुण्यादौरसेन बलेन च। ससार बाणासनभृत् सखगोऽसौ तनुत्रवान्॥

tataḥ sa rājā tāruṇyādaurasena balena ca| sasāra bāṇāsanabhṛt sakhago'sau tanutravān||

The king, young, active, and strong, and armed with bow and sword and protected with a coat of mail, still pursued it.

— tr. M.N. Dutt (1891–96) (public domain)

MBh 7 125.13

ततो नदान नदीश्चैव पल्वलानि बनानि च। अतिक्रम्याभ्यतिक्रम्य ससारैको वनेचरः॥

tato nadāna nadīścaiva palvalāni banāni ca| atikramyābhyatikramya sasāraiko vanecaraḥ||

Having none with him to chase the animal through the forest, the king crossed many rivers and lakes.

— tr. M.N. Dutt (1891–96) (public domain)

MBh 7 125.14

स तु कामान्मृगो राजन्नासाद्यासाद्य तं नृपम्। पुनरभ्येति जवनो जवेन महता ततः॥

sa tu kāmānmṛgo rājannāsādyāsādya taṃ nṛpam| punarabhyeti javano javena mahatā tataḥ||

Possessed of great fleetness the animal, at its will, appearing now and then before the king, ran on with great quickness.

— tr. M.N. Dutt (1891–96) (public domain)

MBh 7 125.15

स तस्य बाणैर्बहुभिः समभ्यस्तो वनेचरः। प्रक्रीडन्निव राजेन्द्र पुनरभ्येति चान्तिकम्॥

sa tasya bāṇairbahubhiḥ samabhyasto vanecaraḥ| prakrīḍanniva rājendra punarabhyeti cāntikam||

Pierced with many arrows by the king, that wild animal, O monarch, as if in sport, again and again lessened the distance between itself and the pursuer.

— tr. M.N. Dutt (1891–96) (public domain)

MBh 7 125.16

पुनश्च जवमास्थाय जवनो मृगयूथपः। अतीत्यातीत्य राजेन्द्र पुनरभ्येति चान्तिकम्॥

punaśca javamāsthāya javano mṛgayūthapaḥ| atītyātītya rājendra punarabhyeti cāntikam||

Repeatedly showing its quickness and crossing one forest after another, it now and then appeared before the king at a near point.

— tr. M.N. Dutt (1891–96) (public domain)

MBh 7 125.17

तस्य मर्मच्छिदं घोरं तीक्ष्णं चामित्रकदर्शनः। समादाय शरं श्रेष्ठं कार्मुके तु तथासृजत्॥

tasya marmacchidaṃ ghoraṃ tīkṣṇaṃ cāmitrakadarśanaḥ| samādāya śaraṃ śreṣṭhaṃ kārmuke tu tathāsṛjat||

At last, taking up a very excellent arrow, sharp, terrible, and capable of cutting the very vitals, the crusher of foes, set it on his bowstring.

— tr. M.N. Dutt (1891–96) (public domain)

MBh 7 125.18

ततो गव्यूतिमात्रेण मृगयूथपयूथपः। तस्य बाणपथं मुक्त्वा तस्थिवान् प्रहसन्निव॥

tato gavyūtimātreṇa mṛgayūthapayūthapaḥ| tasya bāṇapathaṃ muktvā tasthivān prahasanniva||

That huge animal then, as if laughing at the pursuer's efforts, suddenly went to a great distance by reaching a point full four miles ahead of the range of the arrow.

— tr. M.N. Dutt (1891–96) (public domain)

MBh 7 125.19

तस्मिन् निपतिते बाणे भूमौ ज्वलिततेजसि। प्रविवेश महारण्यं मृगो राजाप्यथाद्रवत्॥

tasmin nipatite bāṇe bhūmau jvalitatejasi| praviveśa mahāraṇyaṃ mṛgo rājāpyathādravat||

That effulgent arrow accordingly fell on the ground. The deer entered a large forest, but the king still pursued it.

— tr. M.N. Dutt (1891–96) (public domain)