Mahabharata — Volume VII (Dutt edition) — Chapter 106

MBh 7 106.1

राजोवाच न निकृत्या न दम्भेन ब्रह्मन्निच्छामि जीवितुम्। नाधर्मयुक्तानिच्छेयमर्थान् सुमहतोऽप्यहम्॥

rājovāca na nikṛtyā na dambhena brahmannicchāmi jīvitum| nādharmayuktāniccheyamarthān sumahato'pyaham||

I do not wish, O Brahmana, to support life by deceit or fraud. I do not seek wealth, however profuse, which is to be acquired by unfair means.

— tr. M.N. Dutt (1891–96) (public domain)

MBh 7 106.2

पुरस्तादेव भगवन् मयैतदपवर्जितम्। येन मां नाभिशङ्केत येन कृत्स्नं हितं भवेत्॥ आनृशंस्येन धर्मेण लोके ह्यस्मिन् जिजीविषुः। नाहमेतदलं कर्तुं नैतत् त्वय्युपपद्यते॥

purastādeva bhagavan mayaitadapavarjitam| yena māṃ nābhiśaṅketa yena kṛtsnaṃ hitaṃ bhavet|| ānṛśaṃsyena dharmeṇa loke hyasmin jijīviṣuḥ| nāhametadalaṃ kartuṃ naitat tvayyupapadyate||

In the very beginning of our present discourse I excepted these means. By adopting only such means as would not incur censure, such means as would benefit me in every respect, by doing only such acts as are not harmful, I wish to live in this world! I cannot follow these ways which you point out to me! Indeed, these instructions do not become you!

— tr. M.N. Dutt (1891–96) (public domain)

MBh 7 106.3

मुनिरुवाच उपपन्नस्त्वमेतेन यथा क्षत्रिय भाषसे। प्रकृत्या ह्युपपन्नोऽसि बुद्ध्या वा बहुदर्शनः॥

muniruvāca upapannastvametena yathā kṣatriya bhāṣase| prakṛtyā hyupapanno'si buddhyā vā bahudarśanaḥ||

The sage said-These words, O Kshatriya. which you give vent to, point you out as a pious men. Indeed, you are pious by nature and understanding, O you of great experience.

— tr. M.N. Dutt (1891–96) (public domain)

MBh 7 106.4

उभयोरेव वामर्थे यतिष्ये तव तस्य च। संश्लेषं वा करिष्यामि शाश्वतं पनपायिनम्॥

ubhayoreva vāmarthe yatiṣye tava tasya ca| saṃśleṣaṃ vā kariṣyāmi śāśvataṃ panapāyinam||

I shall try for the good of you both. I shall create a union, between you and that king, which should be eternal and cannot be broken.

— tr. M.N. Dutt (1891–96) (public domain)

MBh 7 106.5

त्वादृशं कि कुले जातमनृशंसं बहुश्रुतम्। अमात्यं को न कुर्वीत राज्यप्रणयकोविदम्॥

tvādṛśaṃ ki kule jātamanṛśaṃsaṃ bahuśrutam| amātyaṃ ko na kurvīta rājyapraṇayakovidam||

Who is there that would not like to have a minister like you who are born of a noble family, who abstain from all unfair acts and cruelties, who are highly learned, and who are well versed in the art of government and of conciliation.

— tr. M.N. Dutt (1891–96) (public domain)

MBh 7 106.6

यस्त्वं प्रच्यावितो राज्याद् व्यसनं चोत्तमं गतः। आनृशंस्येन वृत्तेन क्षत्रियेच्छसि जीवितुम्॥

yastvaṃ pracyāvito rājyād vyasanaṃ cottamaṃ gataḥ| ānṛśaṃsyena vṛttena kṣatriyecchasi jīvitum||

I say this, O Kshatriya, because, though bereft of kingdom and plunged into great distress, still you wish to follow a pious course.

— tr. M.N. Dutt (1891–96) (public domain)

MBh 7 106.7

आगन्ता मद्गहं तात वैदेहः सत्यसंगरः। अथाहं तं नियोक्ष्यामि तत् करिष्यत्यसंशयम्॥

āgantā madgahaṃ tāta vaidehaḥ satyasaṃgaraḥ| athāhaṃ taṃ niyokṣyāmi tat kariṣyatyasaṃśayam||

The king of the Videhas, ever devoted to truth, will come to my residence soon. For sooth, he will do what I will request him to do.

— tr. M.N. Dutt (1891–96) (public domain)

MBh 7 106.8

तत आहूय वैदेहं मुनिर्वचनमब्रवीत्। अयं राजकुले जातो विदिताभ्यन्तरो मम॥

tata āhūya vaidehaṃ munirvacanamabravīt| ayaṃ rājakule jāto viditābhyantaro mama||

Bhishma said Thereafter, inviting the king of the Videhas, the sage said these words to him,-This person is of royal birth. I know his very heart.

— tr. M.N. Dutt (1891–96) (public domain)

MBh 7 106.9

आदर्श इव शुद्धात्मा शारदश्चन्द्रमा यथा। नास्मिन् पश्यामि वृजिनं सर्वतो मे परीक्षितः॥

ādarśa iva śuddhātmā śāradaścandramā yathā| nāsmin paśyāmi vṛjinaṃ sarvato me parīkṣitaḥ||

His soul is as pure as the surface of a mirror or the disc of the autumnal moon. He has been perfectly examined by me. I do not see any shortcoming in him.

— tr. M.N. Dutt (1891–96) (public domain)

MBh 7 106.10

तेन ते संधिरेवास्तु विश्वसास्मिन् यथा मयि। न राज्यमनमात्येन शक्यं शास्तुमपि त्र्यहम्॥

tena te saṃdhirevāstu viśvasāsmin yathā mayi| na rājyamanamātyena śakyaṃ śāstumapi tryaham||

Let there be friendship between him and you. Do you place confidence in him as in myself. A king who has no capable minister cannot govern his kingdom even for three days.

— tr. M.N. Dutt (1891–96) (public domain)

MBh 7 106.11

अमात्यः शूर एव स्याद् बुद्धिसम्पन्न एव वा। ताभ्यां चैवोभयं राजन् पश्य राज्यप्रयोजनम्॥

amātyaḥ śūra eva syād buddhisampanna eva vā| tābhyāṃ caivobhayaṃ rājan paśya rājyaprayojanam||

The minister should be brave and highly intelligent. By these two qualities one may conquer both the worlds. Mark, O king, these two qualities well, since they are necessary for governing a kingdom.

— tr. M.N. Dutt (1891–96) (public domain)

MBh 7 106.12

धर्मात्मनां क्व चिल्लोके नान्यास्ति गतिरीदृशी। महात्मा राजपुत्रोऽयं सतां मार्गमनुष्ठितः॥

dharmātmanāṃ kva cilloke nānyāsti gatirīdṛśī| mahātmā rājaputro'yaṃ satāṃ mārgamanuṣṭhitaḥ||

Pious kings have no such refuge as a minister endued with such attributes. This great person is of royal birth. He always treads the path of the righteous.

— tr. M.N. Dutt (1891–96) (public domain)

MBh 7 106.13

सुसंगृहीतस्त्वेवैष त्वया धर्मपुरोगमः। संसेव्यमानः शत्रूस्ते गृह्णीयान्महतो गणान्॥

susaṃgṛhītastvevaiṣa tvayā dharmapurogamaḥ| saṃsevyamānaḥ śatrūste gṛhṇīyānmahato gaṇān||

This one, who always follows righteousness, has been a valuable acquisition. If treated by you with respect, he will subdue your enemies.

— tr. M.N. Dutt (1891–96) (public domain)

MBh 7 106.14

यद्ययं प्रतियुद्ध्येत् त्वां स्वकर्म क्षत्रियस्य तत्। जिगीषमाणस्त्वां युद्धे पितृपैतामहे पदे॥ त्वं चापि प्रतियुद्ध्येथा विजिगीषुव्रते स्थितः। अयुध्वैव नियोगान्मे वशे कुरु हिते स्थितः॥

yadyayaṃ pratiyuddhyet tvāṃ svakarma kṣatriyasya tat| jigīṣamāṇastvāṃ yuddhe pitṛpaitāmahe pade|| tvaṃ cāpi pratiyuddhyethā vijigīṣuvrate sthitaḥ| ayudhvaiva niyogānme vaśe kuru hite sthitaḥ||

If he engages in battle with you, he will do what as a Kshatriya he should do. Indeed, if, following the conduct of his ancestors, he fights for conquering you, it will be your duty to fight him, for as a Kshatriya it is your duty to conquer antagonists. Without engaging in battle, however, do you, at my behest, employ him under you from desire of benefiting yourself.

— tr. M.N. Dutt (1891–96) (public domain)

MBh 7 106.15

स त्वं धर्ममवेक्षस्व हित्वा लोभमसाम्प्रतम्। न च कामान्न च द्रोहात् स्वधर्मं हातुमर्हसि॥

sa tvaṃ dharmamavekṣasva hitvā lobhamasāmpratam| na ca kāmānna ca drohāt svadharmaṃ hātumarhasi||

Have your eyes on righteousness, casting off covetousness. You should not abandon the duties of your order from lust or from desire of battle.

— tr. M.N. Dutt (1891–96) (public domain)

MBh 7 106.16

नैव नित्यं जयस्तात नैव नित्वं पराजयः। तस्माद् भोजयतिव्यश्च भोक्तव्यश्च परो जनः॥

naiva nityaṃ jayastāta naiva nitvaṃ parājayaḥ| tasmād bhojayativyaśca bhoktavyaśca paro janaḥ||

Victory, O sire, is not certain. Defeat also is not certain. Knowing this, peace should be made with an cnemy by giving him food and other things of enjoyment.

— tr. M.N. Dutt (1891–96) (public domain)

MBh 7 106.17

आत्मन्यपि च संदृश्यावुभौ जयपराजयौ। निःशेषकारिणां तात निःशेषकरणाद् भयम्॥

ātmanyapi ca saṃdṛśyāvubhau jayaparājayau| niḥśeṣakāriṇāṃ tāta niḥśeṣakaraṇād bhayam||

One may witness victory and defeat his own case. They, who seek to root out an cnemy, are sometimes exterminated themselves in their endeavours!

— tr. M.N. Dutt (1891–96) (public domain)

MBh 7 106.18

इत्युक्तः प्रत्युवाचेदं वचनं ब्राह्मणर्षभम्। प्रतिपूज्याभिसत्कृत्य पूजार्हमनुमान्य च॥ यथा ब्रूयान्महाप्राज्ञो यथा ब्रूयान्महाश्रुतः। श्रेयस्कामो यथा ब्रूयादुभयोरेव तत् क्षमम्॥ यद् यद् वचनमुक्तोऽस्मि करिष्यामि च तत् तथा। एतद्धि परमं श्रेयो न मेऽत्रास्ति विचारणा॥

ityuktaḥ pratyuvācedaṃ vacanaṃ brāhmaṇarṣabham| pratipūjyābhisatkṛtya pūjārhamanumānya ca|| yathā brūyānmahāprājño yathā brūyānmahāśrutaḥ| śreyaskāmo yathā brūyādubhayoreva tat kṣamam|| yad yad vacanamukto'smi kariṣyāmi ca tat tathā| etaddhi paramaṃ śreyo na me'trāsti vicāraṇā||

Thus accosted, king Janaka, properly saluting and honouring that foremost of Brahınanas worthy of every honour, replied to him, saying,-You are highly learned and wise. What you have said from desire of benefiting us, is certainly advantageous for both of us. Such a course of conduct is highly beneficial to us. I do not hesitate to say this!

— tr. M.N. Dutt (1891–96) (public domain)

MBh 7 106.19

ततः कौसल्यमाहूय मैथिलो वाक्यमब्रवीत्। धर्मतो नीतितश्चैव लोकश्च विजितो मया॥

tataḥ kausalyamāhūya maithilo vākyamabravīt| dharmato nītitaścaiva lokaśca vijito mayā||

Then, addressing the prince of Koshala, the king of Videha said these words,-Following Kshatriya duties as also with the help of policy, I have conquered the world.

— tr. M.N. Dutt (1891–96) (public domain)

MBh 7 106.20

अहं त्वया चात्मगुणैर्जितः पार्थिवसत्तम। आत्मानमनवज्ञाय जितवद् वर्ततां भवान्॥

ahaṃ tvayā cātmaguṇairjitaḥ pārthivasattama| ātmānamanavajñāya jitavad vartatāṃ bhavān||

I have, however, O best of kings, been conquered by you with your good qualities. Without feeling any sense of humiliation, live you with me as a victor.

— tr. M.N. Dutt (1891–96) (public domain)

MBh 7 106.21

नावमन्यामि ते बुद्धिं नावमन्ये च पौरुषम्। नावमन्ये जयामिति जितवद् वर्ततां भवान्।॥

nāvamanyāmi te buddhiṃ nāvamanye ca pauruṣam| nāvamanye jayāmiti jitavad vartatāṃ bhavān|||

I honour you intelligence, and I honour your power. I do not disregard you, saying that I have conquered you. On the other hand, live you with me as a victor.

— tr. M.N. Dutt (1891–96) (public domain)

MBh 7 106.22

यथावत् पूजितो राजन् गृहं गन्तासि मे भृशम्। ततः सम्पूज्य तौ विप्रं विश्वस्तौ जग्मतुर्ग्रहान्॥

yathāvat pūjito rājan gṛhaṃ gantāsi me bhṛśam| tataḥ sampūjya tau vipraṃ viśvastau jagmaturgrahān||

Honoured duly by me, o king, you will go to my house-Both the kings then adored that Brahmana, and trusting each other, proceeded to the capital of Mithila.

— tr. M.N. Dutt (1891–96) (public domain)

MBh 7 106.23

वैदेहस्त्वथ कौसल्यं प्रवेश्य गृहमञ्जसा। पाद्यार्घ्यमधुपर्केस्तं पूजाहँ प्रत्यपूजयत्॥

vaidehastvatha kausalyaṃ praveśya gṛhamañjasā| pādyārghyamadhuparkestaṃ pūjāha~ pratyapūjayat||

Making the prince of Koshala enter his house, the king of the Videhas honoured hiin, who was worthy of every honour, with offerings of water to wash his feet, honey and curds and the usual articles.

— tr. M.N. Dutt (1891–96) (public domain)

MBh 7 106.24

ददौ दुहितरं चास्मै रत्नानि विविधानि च। एष राज्ञां परो धर्मोऽनित्यौ जयपराजयौ॥

dadau duhitaraṃ cāsmai ratnāni vividhāni ca| eṣa rājñāṃ paro dharmo'nityau jayaparājayau||

King Janaka also conferred upon his guest his own daughter and various kinds of gems and jewels. This is the greatest duty of king; victory and defeat are both uncertain."

— tr. M.N. Dutt (1891–96) (public domain)