Mahabharata — Volume VI (Dutt edition) — Chapter 176
MBh 6 176.1
वैशम्पायन उवाच दृष्टैव नरशार्दूल तावग्निसमतेजसौ। गाण्डीवधन्वा संचिन्त्य प्राप्तकालं महारथः। संजहार शरं दिव्यं त्वरमाणो धनंजयः॥
vaiśampāyana uvāca dṛṣṭaiva naraśārdūla tāvagnisamatejasau| gāṇḍīvadhanvā saṃcintya prāptakālaṃ mahārathaḥ| saṃjahāra śaraṃ divyaṃ tvaramāṇo dhanaṃjayaḥ||
Vaishampayana said "O foremost of men, seeing those two Rishis effulgent like fire, Dhananjaya quickly resolved to withdraw his celestial arrows.
— tr. M.N. Dutt (1891–96) (public domain)
MBh 6 176.2
उवाच भरतश्रेष्ठ तावृषी प्राञ्जलिस्तदा। प्रमुक्तमस्त्रमस्त्रेण शाम्यतामिति वै मया॥
uvāca bharataśreṣṭha tāvṛṣī prāñjalistadā| pramuktamastramastreṇa śāmyatāmiti vai mayā||
Joining his hands, he said to those Rishis,'I discharged this weapon, saying,—Let it neutralise the enemy's weapon.
— tr. M.N. Dutt (1891–96) (public domain)
MBh 6 176.3
संहते परमास्त्रेऽस्मिन् सर्वानस्मानशेषतः। पापकर्मा ध्रुवं द्रौणिः प्रधक्ष्यत्यस्त्रतेजसा॥
saṃhate paramāstre'smin sarvānasmānaśeṣataḥ| pāpakarmā dhruvaṃ drauṇiḥ pradhakṣyatyastratejasā||
If I withdraw this great weapon. Drona's sinful son will then, forsooth, consume us all with the power of his weapon.
— tr. M.N. Dutt (1891–96) (public domain)
MBh 6 176.4
यदत्र हितस्माकं लोकानां चैव सर्वथा। भवन्तौ देवसंकाशौ तथा सम्मन्तुमर्हतः॥ इत्युक्त्वा संजहारास्त्रं पुनरेवं धनंजयः। संहारो दुष्करस्तस्य देवैरपि हि संयुगे॥
yadatra hitasmākaṃ lokānāṃ caiva sarvathā| bhavantau devasaṃkāśau tathā sammantumarhataḥ|| ityuktvā saṃjahārāstraṃ punarevaṃ dhanaṃjayaḥ| saṃhāro duṣkarastasya devairapi hi saṃyuge||
You two are like gods. You should find out some means by which our well-being, as also that of the three worlds may be secured.'-Saying so Dhananjaya withdrew his weapon. The withdrawal of that weapon can with difficulty be made by the gods themselves in battle.
— tr. M.N. Dutt (1891–96) (public domain)
MBh 6 176.5
विसृष्टस्य रणे तस्य परमास्त्रस्य संग्रह। अशक्तः पाण्डवादन्यः साक्षादपि शतक्रतुः॥
visṛṣṭasya raṇe tasya paramāstrasya saṃgraha| aśaktaḥ pāṇḍavādanyaḥ sākṣādapi śatakratuḥ||
Not excepting the great Indra himself, there was none save the son of Pandu, who could withdraw that high weapon after it had one been discharged.
— tr. M.N. Dutt (1891–96) (public domain)
MBh 6 176.6
ब्रह्मतेजोद्भवं तद्भि विसृष्टमकृतात्मना। न शक्यमावर्तयितुं ब्रह्मचारिव्रतादृते॥
brahmatejodbhavaṃ tadbhi visṛṣṭamakṛtātmanā| na śakyamāvartayituṃ brahmacārivratādṛte||
That weapon was begotten of Brahma energy. No person of impure soul can withdraw it after it is once discharged. Only one who leads the life of a Brahmacharin can do it.
— tr. M.N. Dutt (1891–96) (public domain)
MBh 6 176.7
अचीर्णब्रह्मचर्यो यः सृष्ट्वा वर्तयते पुनः। तदस्त्रं सानुबन्धस्य मूर्धानं तस्य कृन्तति॥
acīrṇabrahmacaryo yaḥ sṛṣṭvā vartayate punaḥ| tadastraṃ sānubandhasya mūrdhānaṃ tasya kṛntati||
If one who had not practised the vow of Brahmacharya tries to withdraw it after having shot it, it strikes off his own head and kills him with all his equipment's.
— tr. M.N. Dutt (1891–96) (public domain)
MBh 6 176.8
ब्रह्मचारी व्रती चापि दुरवापमवाप्य तत्। परमव्यसनार्तोऽपि नार्जुनोऽस्त्रं व्यमुञ्चत॥
brahmacārī vratī cāpi duravāpamavāpya tat| paramavyasanārto'pi nārjuno'straṃ vyamuñcata||
Arjuna was a Brahmacharin and an observer of vows. Having secured that almost unattainable weapon, he had tiever used it even when put into the greatest of difficulties.
— tr. M.N. Dutt (1891–96) (public domain)
MBh 6 176.9
सत्यव्रतधरः शूरो ब्रह्मचारी च पाण्डवः। गुरुवर्ती च तेनास्त्रं संजहारार्जुनः पुनः॥
satyavratadharaḥ śūro brahmacārī ca pāṇḍavaḥ| guruvartī ca tenāstraṃ saṃjahārārjunaḥ punaḥ||
Truthful, heroic, and leading the life of a Brahmacharin, the son of Pandu was ever obedient to all his superiors. It was for this that he could withdrew his weapon.
— tr. M.N. Dutt (1891–96) (public domain)
MBh 6 176.10
द्रौणिरप्यथ सम्प्रेक्ष्य तावृषी पुरतः स्थितौ। न शशाक पुनर्घोरमस्त्रं संहर्तुमोजसा॥
drauṇirapyatha samprekṣya tāvṛṣī purataḥ sthitau| na śaśāka punarghoramastraṃ saṃhartumojasā||
Seeing those two Rishis standing before him, Drona's son could not by his energy withdraw his own dreadful weapon.
— tr. M.N. Dutt (1891–96) (public domain)
MBh 6 176.11
अशक्तः प्रतिसंहारे परमास्त्रस्य संयुगे। द्रौणिर्दीनमना राजन् द्वैपायनमभाषत॥
aśaktaḥ pratisaṃhāre paramāstrasya saṃyuge| drauṇirdīnamanā rājan dvaipāyanamabhāṣata||
Unable to withdraw the great weapon in battle, Drona's son, O king, with a depressed heart, said to the Rishi, Vyasa.
— tr. M.N. Dutt (1891–96) (public domain)
MBh 6 176.12
उत्तमव्यसनातन प्राणत्राणमभीप्सुना। मयैतदस्त्रमुत्सृष्टं भीमसेनभयान्मुने॥
uttamavyasanātana prāṇatrāṇamabhīpsunā| mayaitadastramutsṛṣṭaṃ bhīmasenabhayānmune||
In fear of a great calamity, and desirous of saving my life, I discharged this weapon, through fear of Bhimasena, O Sage.
— tr. M.N. Dutt (1891–96) (public domain)
MBh 6 176.13
अधर्मश्च कृतोऽनेन धार्तराष्ट्र जिघांसता। मिथ्याचारेण भगवन् भीमसेनेन संयुगे।॥
adharmaśca kṛto'nena dhārtarāṣṭra jighāṃsatā| mithyācāreṇa bhagavan bhīmasenena saṃyuge|||
This Bhimasena acted sinfully, and dishonestly while killing the son of Dhritarashtra in battle.
— tr. M.N. Dutt (1891–96) (public domain)
MBh 6 176.14
अतः सृष्टमिदं ब्रह्मन् मयास्त्रमकृतात्मना। तस्य भूयोऽद्य संहारं कर्तुं नाहमिहोत्सहे॥
ataḥ sṛṣṭamidaṃ brahman mayāstramakṛtātmanā| tasya bhūyo'dya saṃhāraṃ kartuṃ nāhamihotsahe||
It is for this, O Rishi, I discharged this weapon! I dare not, however, withdraw it now.
— tr. M.N. Dutt (1891–96) (public domain)
MBh 6 176.15
विसृष्टं हि मया दिव्यमेतदस्त्रं दुरासदम्। अपाण्डवायेति मुने वह्नितेजोऽनुमन्त्र्य वै॥
visṛṣṭaṃ hi mayā divyametadastraṃ durāsadam| apāṇḍavāyeti mune vahnitejo'numantrya vai||
Having put into this irresistible and celestial weapon the energy of fire, I discharged it for the destruction of the Pandavas.
— tr. M.N. Dutt (1891–96) (public domain)
MBh 6 176.16
तदिदं पाण्डवेयानामन्तकायाभिसंहितम्। अद्य पाण्डुसुतान् सर्वान् जीविताद् भ्रंशयिष्यति॥
tadidaṃ pāṇḍaveyānāmantakāyābhisaṃhitam| adya pāṇḍusutān sarvān jīvitād bhraṃśayiṣyati||
Discharged for the destruction of the Pandavas, this weapon, therefore, will take away the lives of all the sons of Pandu.
— tr. M.N. Dutt (1891–96) (public domain)
MBh 6 176.17
कृतं पापमिदं ब्रह्मन् रोषाविष्टेन चेतसा। वधमाशास्य पार्थानां मयास्त्रं सृजता रणे॥
kṛtaṃ pāpamidaṃ brahman roṣāviṣṭena cetasā| vadhamāśāsya pārthānāṃ mayāstraṃ sṛjatā raṇe||
O Rishi, I have, under the influence of anger, done this sinful deed! I invoked this weapon in battle for the destruction of the Pandavas!'
— tr. M.N. Dutt (1891–96) (public domain)
MBh 6 176.18
व्यास उवाच अस्त्रं ब्रह्मशिरस्तात विद्वान् पार्थो धनंजयः। उत्सृष्टवान्न रोषेण न नाशाय तवाहवे॥
vyāsa uvāca astraṃ brahmaśirastāta vidvān pārtho dhanaṃjayaḥ| utsṛṣṭavānna roṣeṇa na nāśāya tavāhave||
Pritha's son Dhananjaya, O child, knew the use of the weapon called Brahmashira. Neither from anger, nor for your destruction in battle, did he discharge that weapon.
— tr. M.N. Dutt (1891–96) (public domain)
MBh 6 176.19
अस्त्रमस्त्रेण तु रणे तव संशमयिष्यता। विसृष्टमर्जुनेनेदं पुनश्च प्रतिसंहृतम्॥
astramastreṇa tu raṇe tava saṃśamayiṣyatā| visṛṣṭamarjunenedaṃ punaśca pratisaṃhṛtam||
Arjuna, on the other hand, let it off for baffling your weapon. He has again withdrawn it.
— tr. M.N. Dutt (1891–96) (public domain)
MBh 6 176.20
ब्रह्मास्त्रमण्यवाप्यैतदुपदेशात् पितुस्तव। क्षत्रधर्मान्महाबाहुर्नाकम्पत धनंजयः॥
brahmāstramaṇyavāpyaitadupadeśāt pitustava| kṣatradharmānmahābāhurnākampata dhanaṃjayaḥ||
Having obtained even the Brahma weapon through your fathers instructions the powerful Dhananjaya did not deviate from a Kshatriya's duties.
— tr. M.N. Dutt (1891–96) (public domain)
MBh 6 176.21
एवं धृतिमतः साधोः सर्वास्त्रविदुषः सतः। सभ्रातृबन्धोः कस्मात् त्वं वधमस्य चिकीर्षसि॥
evaṃ dhṛtimataḥ sādhoḥ sarvāstraviduṣaḥ sataḥ| sabhrātṛbandhoḥ kasmāt tvaṃ vadhamasya cikīrṣasi||
Arjuna is endued with such patience, and honesty. He is, besides, a master of every weapon. Why do you try to bring about the destruction of such a man with all his brothers.
— tr. M.N. Dutt (1891–96) (public domain)
MBh 6 176.22
अस्त्रं ब्रह्मशिरो यत्र परमास्त्रेण वध्यते। समा द्वादश पर्जन्यस्तद्राष्ट्र नाभिवर्षति॥
astraṃ brahmaśiro yatra paramāstreṇa vadhyate| samā dvādaśa parjanyastadrāṣṭra nābhivarṣati||
The region where the weapon Brahmashira is counteracted by another high weapon, suffers from a drought for twelve years, for the clouds do not pour a drop of water you.
— tr. M.N. Dutt (1891–96) (public domain)
MBh 6 176.23
एतदर्थं महाबाहुः शक्तिमानपि पाण्डवः। न विहन्त्येतदस्त्रं तु प्रजाहितचिकीर्षया।॥
etadarthaṃ mahābāhuḥ śaktimānapi pāṇḍavaḥ| na vihantyetadastraṃ tu prajāhitacikīrṣayā|||
Therefore the mighty-armed son of Pandu, although he had the power, would not still, for doing good of living creatures, baffle your weapon with his.
— tr. M.N. Dutt (1891–96) (public domain)
MBh 6 176.24
पाण्डवास्त्वं च राष्ट्रं च सदा संरक्ष्यमेव हि। तस्मात् संहर दिव्यं त्वमस्त्रमेतन्महाभुज॥
pāṇḍavāstvaṃ ca rāṣṭraṃ ca sadā saṃrakṣyameva hi| tasmāt saṃhara divyaṃ tvamastrametanmahābhuja||
The Pandavas should be protected; your self should be protected; the kingdom also should be protected. Therefore, withdraw this your celestial weapon.
— tr. M.N. Dutt (1891–96) (public domain)
MBh 6 176.25
अरोषस्तव चैवास्तु पार्थाः सन्तु निरामयाः। न ह्यधर्मेण राजर्षिः पाण्डवो जेतुमिच्छति॥
aroṣastava caivāstu pārthāḥ santu nirāmayāḥ| na hyadharmeṇa rājarṣiḥ pāṇḍavo jetumicchati||
Drive away from your heart, and let the Pandavas be self! The royal sage Yudhishthira never wishes to gain victory be perpetrating any sinful act.
— tr. M.N. Dutt (1891–96) (public domain)
MBh 6 176.26
मणिं चैव प्रयच्छाद्य यस्ते शिरसि तिष्ठति। एतदादाय ते प्राणान् प्रतिदास्यन्ति पाण्डवाः॥
maṇiṃ caiva prayacchādya yaste śirasi tiṣṭhati| etadādāya te prāṇān pratidāsyanti pāṇḍavāḥ||
Give them that gem which is on your head. Taking that, the Pandavas will grant in return your life.
— tr. M.N. Dutt (1891–96) (public domain)
MBh 6 176.27
द्रौणिरुवाच पाण्डवैर्यानि रत्नानि यच्चान्यत् कौरवैर्धनम्। अवाप्तमिह तेभ्योऽयं मणिर्मम विशिष्यते॥
drauṇiruvāca pāṇḍavairyāni ratnāni yaccānyat kauravairdhanam| avāptamiha tebhyo'yaṃ maṇirmama viśiṣyate||
Drona's son said This my gem is more valuable than all the wealth that has ever been acquired by the Pandavas and the Kauravas.
— tr. M.N. Dutt (1891–96) (public domain)
MBh 6 176.28
यमाबध्य भयं नास्ति शस्त्रव्याधिक्षुधाश्रयम्। देवेभ्यो दानवेभ्यो वा नागेभ्यो वा कथंचन॥
yamābadhya bhayaṃ nāsti śastravyādhikṣudhāśrayam| devebhyo dānavebhyo vā nāgebhyo vā kathaṃcana||
Whenever this gem is used, the wearer entertains no fear from weapons or discase or hunger. He ceases to have any fear of celestials and Danavas and Nagas.
— tr. M.N. Dutt (1891–96) (public domain)
MBh 6 176.29
न च रक्षोगणभयं न तस्करभयं तथा। एवंवीर्यो मणिरयं न मे त्याज्यः कथंचन॥
na ca rakṣogaṇabhayaṃ na taskarabhayaṃ tathā| evaṃvīryo maṇirayaṃ na me tyājyaḥ kathaṃcana||
He does not fear the Rakshasas and the robbers, these are the virtues of my gem.
— tr. M.N. Dutt (1891–96) (public domain)
MBh 6 176.30
यत्तु मे भगवानाह तन्मे कार्यमनन्तरम्। अयं मणिरयं चाहमीषिका तु पतिष्यति॥ गर्भेषु पाण्डवेयानाममोघं चैतदुत्तमम्। न च शक्तोऽस्मि भगवन् संहर्तुं पुनरुद्यतम्॥ एतदस्त्रमतश्चैव गर्भेषु विसृजाम्यहम्। न च वाक्यं भगवतो न करिष्ये महामुने॥
yattu me bhagavānāha tanme kāryamanantaram| ayaṃ maṇirayaṃ cāhamīṣikā tu patiṣyati|| garbheṣu pāṇḍaveyānāmamoghaṃ caitaduttamam| na ca śakto'smi bhagavan saṃhartuṃ punarudyatam|| etadastramataścaiva garbheṣu visṛjāmyaham| na ca vākyaṃ bhagavato na kariṣye mahāmune||
I cannot, by any means, part with it. Whatever, O holy one, you command me, should be done by me. Here is this gem! Here is myself! This blade of grass, converted into a dreadful weapon, will, however, fall into the wombs of the Pandava women, for this weapon is high and powerful, and cannot be baffled. O Rishi, I am unable to withdraw it, having once discharged it. I will not throw this weapon into the wombs of the Pandava women. As regards your other commands, O Rishi, I will obey them.
— tr. M.N. Dutt (1891–96) (public domain)
MBh 6 176.31
व्यास उवाच एवं कुरु न चान्या तु बुद्धिः कार्या त्वयानघ। गर्भेषु पाण्डवेयानां विसृज्यैतदुपारम॥
vyāsa uvāca evaṃ kuru na cānyā tu buddhiḥ kāryā tvayānagha| garbheṣu pāṇḍaveyānāṃ visṛjyaitadupārama||
Vyasa said Do then this. Do not, however, cherish any other purpose, O sinless one. Stop throwing this weapon into the wombs of the Pandava women.
— tr. M.N. Dutt (1891–96) (public domain)
MBh 6 176.32
वैशम्पायन उवाच ततः परममस्त्रं तु द्रौणिरुद्यतमाहवे। द्वैपायनवच : श्रुत्वा गर्भेषु प्रमुमोच ह॥
vaiśampāyana uvāca tataḥ paramamastraṃ tu drauṇirudyatamāhave| dvaipāyanavaca : śrutvā garbheṣu pramumoca ha||
Vaishampayana said Having heard these words of Dvaipayana Vyasa, the son of Drona threw that uplifted weapon into the wombs of the Pandava women.
— tr. M.N. Dutt (1891–96) (public domain)
MBh 6 176.33
वैशम्पायन उवाच ततः परममस्त्रं तु द्रौणिरुद्यतमाहवे। द्वैपायनवच : श्रुत्वा गर्भेषु प्रमुमोच ह॥
vaiśampāyana uvāca tataḥ paramamastraṃ tu drauṇirudyatamāhave| dvaipāyanavaca : śrutvā garbheṣu pramumoca ha||
Vaishampayana said Having heard these words of Dvaipayana Vyasa, the son of Drona threw that uplifted weapon into the wombs of the Pandava women.
— tr. M.N. Dutt (1891–96) (public domain)