Mahabharata — Volume VI (Dutt edition) — Chapter 136
MBh 6 136.1
जनमेजय उवाच कथमार्टिषेणो भगवान् विपुलं तप्तवांस्तपः। सिन्धुद्वीपः कथं चापि ब्राह्मण्यं लब्धवांस्तदा॥
janamejaya uvāca kathamārṭiṣeṇo bhagavān vipulaṃ taptavāṃstapaḥ| sindhudvīpaḥ kathaṃ cāpi brāhmaṇyaṃ labdhavāṃstadā||
Janamejaya said "Why did the worshipful Arshtishena practise the severest of penances? How also did Sindhudvipa acquire the dignity of a Brahmana?
— tr. M.N. Dutt (1891–96) (public domain)
MBh 6 136.2
देवापिश्च कथं ब्रह्मन् विश्वामित्रश्च सत्तम। तन्ममाचक्ष्व भगवन् परं कौतूहलं हि मे॥
devāpiśca kathaṃ brahman viśvāmitraśca sattama| tanmamācakṣva bhagavan paraṃ kautūhalaṃ hi me||
How also did Devapi, O Brahmana and how did Vishvamitra, O best of men, become Brahmanas. Tell me all this, O worshipful One! Great is my curiosity to hear of all this."
— tr. M.N. Dutt (1891–96) (public domain)
MBh 6 136.3
वैशम्पायन उवाच पुरा कृतयुगे राजन्नार्टिषेणो द्विजोत्तमः। वसन् गुरुकले नित्यं नित्यमध्ययने रतः॥
vaiśampāyana uvāca purā kṛtayuge rājannārṭiṣeṇo dvijottamaḥ| vasan gurukale nityaṃ nityamadhyayane rataḥ||
Vaishampayana said "Formerly, in the Krita age, O king, there was a great Rishi called Arshtishena. Living in his preceptor's house, he attended to his lessons every day.
— tr. M.N. Dutt (1891–96) (public domain)
MBh 6 136.4
तस्य राजन् गुरुकुले वसतो नित्यमेव च। समाप्ति नागमद् विद्या नापि वेदा विशाम्पते।॥
tasya rājan gurukule vasato nityameva ca| samāpti nāgamad vidyā nāpi vedā viśāmpate|||
Although, O king, he lived long in the residence of his preceptor, he could not master any branch of learning or the Vedas, O monarch.
— tr. M.N. Dutt (1891–96) (public domain)
MBh 6 136.5
स निर्विणस्ततो राजंस्तपस्तेपे महातपाः। ततो वै तपसा तेन प्राप्य वेदाननुत्तमान्॥
sa nirviṇastato rājaṃstapastepe mahātapāḥ| tato vai tapasā tena prāpya vedānanuttamān||
Greatly disappointed, O king, the great ascetic practised very rigid penances. By his penances he afterwards acquired the mastery of the Vedas which is best of all forms of learning.
— tr. M.N. Dutt (1891–96) (public domain)
MBh 6 136.6
वरान् प्रादात् त्रीनेव स विद्वान् वेदयुक्तश्च सिद्धश्चाप्यषिसत्तमः। तत्र तीर्थे सुमहातपाः॥
varān prādāt trīneva sa vidvān vedayuktaśca siddhaścāpyaṣisattamaḥ| tatra tīrthe sumahātapāḥ||
Acquiring great learning and a mastery of the Vedas, that best of Rishis became highly successful in that tirtha. He then conferred three boons on that place.
— tr. M.N. Dutt (1891–96) (public domain)
MBh 6 136.7
अस्मिंस्तीर्थे महानद्या अद्यप्रभृति मानवः। आप्लुतो वाजिमेधस्य फलं प्राप्स्यति पुष्कलम्॥
asmiṃstīrthe mahānadyā adyaprabhṛti mānavaḥ| āpluto vājimedhasya phalaṃ prāpsyati puṣkalam||
He said-"From this day, a person, by bathing in this tirtha of the great river Sarasvati, shall reap the great fruit of a horse sacrifice.
— tr. M.N. Dutt (1891–96) (public domain)
MBh 6 136.8
अद्यप्रभृति नैवात्र भयं व्यालाद् भविष्यति। अपि चाल्पेन कालेन फलं प्राप्स्यति पुष्कलम्॥
adyaprabhṛti naivātra bhayaṃ vyālād bhaviṣyati| api cālpena kālena phalaṃ prāpsyati puṣkalam||
From this day there will be no fear in this tirtha from serpents and wild beasts. By the slightest of endeavours, again, one shall reap great results here."
— tr. M.N. Dutt (1891–96) (public domain)
MBh 6 136.9
एवमुक्त्वा महातेजा जगाम त्रिदिवं मुनिः। एवं सिद्धः स भगवानार्टिषेणः प्रतापवान्॥
evamuktvā mahātejā jagāma tridivaṃ muniḥ| evaṃ siddhaḥ sa bhagavānārṭiṣeṇaḥ pratāpavān||
Having said these words, that energetic Rishi proceeded to heaven. Thus the worshipful Arshtishena became successful.
— tr. M.N. Dutt (1891–96) (public domain)
MBh 6 136.10
तस्मिन्नेव तदा तीर्थे सिन्धुद्वीपः प्रतापवान्। देवापिश्च महाराज ब्राह्मण्यं प्रापतुर्मह ॥
tasminneva tadā tīrthe sindhudvīpaḥ pratāpavān| devāpiśca mahārāja brāhmaṇyaṃ prāpaturmaha ||
In that very tirtha, in the Krita age th greatly energetic Sindhudvipa and Devapi also, had acquired the dignity of Brahman-hood.
— tr. M.N. Dutt (1891–96) (public domain)
MBh 6 136.11
तथा च कौशिकस्तान् तपोनित्यो जितेन्द्रियः। तपसा वै सुतप्तेन ब्राह्मणत्वमवाप्तवान्॥
tathā ca kauśikastān taponityo jitendriyaḥ| tapasā vai sutaptena brāhmaṇatvamavāptavān||
Similarly Kushika's ascetic son, having controlled his senses and practised austerities became a Brahmana.
— tr. M.N. Dutt (1891–96) (public domain)
MBh 6 136.12
गाधिर्नाम महानासीत् क्षत्रियः प्रथितो भुवि। तस्य पुत्रोऽभवद् राजन् विश्वामित्रः प्रतापवान्॥
gādhirnāma mahānāsīt kṣatriyaḥ prathito bhuvi| tasya putro'bhavad rājan viśvāmitraḥ pratāpavān||
There was a great Kshatriya, celebrated over the world, by the name of Gadhi. He had a son by the name of Vishvamitra of great prowess.
— tr. M.N. Dutt (1891–96) (public domain)
MBh 6 136.13
स राजा कौशिकस्तात महायोग्यभवत् किला स पुत्रमभिषिच्याथ विश्वामित्रं महातपाः॥ देहन्यासे मनश्चक्रे तमूचुः प्रणताः प्रजाः। न गन्तव्यं महाप्राज्ञ त्राहि चास्मान् महाभयात्॥
sa rājā kauśikastāta mahāyogyabhavat kilā sa putramabhiṣicyātha viśvāmitraṃ mahātapāḥ|| dehanyāse manaścakre tamūcuḥ praṇatāḥ prajāḥ| na gantavyaṃ mahāprājña trāhi cāsmān mahābhayāt||
King Kaushika became a great ascetic. Possessed of great ascetic merit, he wished to place his son Vishvamitra on his throne, himself having made up his mind to renounce his body. His subjects, bowing unto him, said-You should not go away, O you of great wisdom and protect us from a great fear.'
— tr. M.N. Dutt (1891–96) (public domain)
MBh 6 136.14
एवमुक्तः प्रत्युवाच ततो गाधिः प्रजास्ततः। विश्वस्य जगतो गोप्ता भविष्यति सुतो मम॥
evamuktaḥ pratyuvāca tato gādhiḥ prajāstataḥ| viśvasya jagato goptā bhaviṣyati suto mama||
Thus addressed, Gadhi replied to his subjects, saying-"My son will be the protector of the vest universe.
— tr. M.N. Dutt (1891–96) (public domain)
MBh 6 136.15
इत्युक्त्वा तु ततो गाधिर्विश्वामित्रं निवेश्य च। जगाम त्रिदिवं राजनं विश्वामित्रोऽभवन्नृपः॥ न स शक्नोति पृथिवीं यत्नवानपि रक्षितुम्।
ityuktvā tu tato gādhirviśvāmitraṃ niveśya ca| jagāma tridivaṃ rājanaṃ viśvāmitro'bhavannṛpaḥ|| na sa śaknoti pṛthivīṃ yatnavānapi rakṣitum|
Having said these words and placed Vishvamitra on the throne, Gadhi, O king ascended heaven and Vishvainitra became king. He could not, however, protect the earth even trying his level best.
— tr. M.N. Dutt (1891–96) (public domain)
MBh 6 136.16
ततः शुश्राव राजा स राक्षसेभ्यो महाभयम्॥ निर्ययौ नगराचापि चतुरङ्गबलान्वितः।
tataḥ śuśrāva rājā sa rākṣasebhyo mahābhayam|| niryayau nagarācāpi caturaṅgabalānvitaḥ|
The king then heard of the fear of Rakshasa in his kingdom. With his fourfold forces, he went out of his capital.
— tr. M.N. Dutt (1891–96) (public domain)
MBh 6 136.17
स गत्वा दूरमध्वानं वसिष्ठाश्रममभ्ययात्॥ तस्य ते सैनिका राजंश्चक्रुस्तत्रानयान् बहून्।
sa gatvā dūramadhvānaṃ vasiṣṭhāśramamabhyayāt|| tasya te sainikā rājaṃścakrustatrānayān bahūn|
Having proceeded far on his way, he reached the hermitage of Vashishtha. His troops, O king, caused immense mischief there.
— tr. M.N. Dutt (1891–96) (public domain)
MBh 6 136.18
ततस्तु भगवान् विप्रो वसिष्ठोऽऽश्रममभ्ययात्॥ ददृशोऽथ ततः सर्वं भज्यमानं महावनम्।
tatastu bhagavān vipro vasiṣṭho''śramamabhyayāt|| dadṛśo'tha tataḥ sarvaṃ bhajyamānaṃ mahāvanam|
The worshipful Brahman Vashishtha, when he came to his hermitage, saw the vast forest devastated.
— tr. M.N. Dutt (1891–96) (public domain)
MBh 6 136.19
तस्य क्रुद्धो महाराज वसिष्ठो मुनिसत्तमः॥ सृजस्व शवरान् घोरानिति स्वां गामुवाच ह।
tasya kruddho mahārāja vasiṣṭho munisattamaḥ|| sṛjasva śavarān ghorāniti svāṃ gāmuvāca ha|
That best of Rishis, viz., Vashishtha O king, became angry with Vishvamitra. He commanded his own sacrificial cow, saying "Create a number of terrible Shavaras.
— tr. M.N. Dutt (1891–96) (public domain)
MBh 6 136.20
तथोक्ता साऽसृजद् धेनुः पुरुषान् घोरदर्शनान्॥ ते तु तद्बलमासाद्य बभञ्जुः सर्वतोदिशम्।
tathoktā sā'sṛjad dhenuḥ puruṣān ghoradarśanān|| te tu tadbalamāsādya babhañjuḥ sarvatodiśam|
Thus addressed the cow created a number of men of terrific visages. These fought with the army of Vishvamitra and made a great onslaught.
— tr. M.N. Dutt (1891–96) (public domain)
MBh 6 136.21
तच्छुत्वा विद्रुतं सैन्यं विश्वामित्रस्तु गाधिजः॥ तपः परं मन्यमानस्तपस्येव मनो दधे।
tacchutvā vidrutaṃ sainyaṃ viśvāmitrastu gādhijaḥ|| tapaḥ paraṃ manyamānastapasyeva mano dadhe|
Seeing this, the troops fled away. Regarding ascetic austerities highly efficacious, Vishvamitra, the son of Gadhi made up his mind to practise the same.
— tr. M.N. Dutt (1891–96) (public domain)
MBh 6 136.22
सोऽस्मिंस्तीर्थवरे राजन् सरस्वत्याः समाहितः॥ नियमैश्चोपवासैश्च कर्षयन् देहमात्मनः।
so'smiṃstīrthavare rājan sarasvatyāḥ samāhitaḥ|| niyamaiścopavāsaiśca karṣayan dehamātmanaḥ|
In this best of tirthas of the Sarasvati, O king, he began to emaciate his own body by Vows and fasts.
— tr. M.N. Dutt (1891–96) (public domain)
MBh 6 136.23
जलाहारो वायुभक्षः पर्णाहारश्च सोऽभवत्॥ तथा स्थाण्डिलशायी च ये चान्ये नियमाः पृथक्।
jalāhāro vāyubhakṣaḥ parṇāhāraśca so'bhavat|| tathā sthāṇḍilaśāyī ca ye cānye niyamāḥ pṛthak|
He lived on water, air and the fallen leaves of trees. He slept on the naked earth and practised other vows of the ascetics.
— tr. M.N. Dutt (1891–96) (public domain)
MBh 6 136.24
असकृत्तस्य देवास्तु व्रतविघ्नं प्रचक्रिरे॥ न चास्य नियमाद् बुद्धिरपयाति महात्मनः।
asakṛttasya devāstu vratavighnaṃ pracakrire|| na cāsya niyamād buddhirapayāti mahātmanaḥ|
The celestials repeatedly attempted for obstructing the observance of his vows. He, however, did not desist from practising his promised vow.
— tr. M.N. Dutt (1891–96) (public domain)
MBh 6 136.25
ततः परेण यत्नेन तप्त्वा बहुविधं तपः॥ तेजसा भास्कराकारो गाधिजः समपद्यत।
tataḥ pareṇa yatnena taptvā bahuvidhaṃ tapaḥ|| tejasā bhāskarākāro gādhijaḥ samapadyata|
Then having practised various austerities with great devotion, the son of Gadhi became effulgent like the Sun himself.
— tr. M.N. Dutt (1891–96) (public domain)
MBh 6 136.26
तपसा तु तथा युक्तं विश्वामित्रं पितामहः॥ अमन्यत महातेजा वरदो वरमस्य तत्।
tapasā tu tathā yuktaṃ viśvāmitraṃ pitāmahaḥ|| amanyata mahātejā varado varamasya tat|
The boon-giving Brahmana, of great energy, resolved to grant Vishvamitra, when he had succeeded in his ascetic observances, the boon the latter wanted.
— tr. M.N. Dutt (1891–96) (public domain)
MBh 6 136.27
स तु ववे वरं राजन् स्यामहं ब्राह्मणास्त्विति॥ तथेति चाब्रवीद् ब्रह्मा सर्वलोकपितामहः।
sa tu vave varaṃ rājan syāmahaṃ brāhmaṇāstviti|| tatheti cābravīd brahmā sarvalokapitāmahaḥ|
The boon that Vishvamitra prayed for was that he should be permitted to become a Brahmana. Brahmana, the grandfather of all the worlds, said to him-"So be it.'
— tr. M.N. Dutt (1891–96) (public domain)
MBh 6 136.28
स लम्वा तपसोग्रेण ब्राह्मणत्वं महायशाः॥ विचचार महीं कृत्स्नां कृतकामः सुरोपमः।
sa lamvā tapasogreṇa brāhmaṇatvaṃ mahāyaśāḥ|| vicacāra mahīṃ kṛtsnāṃ kṛtakāmaḥ suropamaḥ|
Having by his severe penances gained the status of Brahman-hood, the illustrious Vishvamitra, after the fulfillment of his desire, traveled over the whole earth like a god.
— tr. M.N. Dutt (1891–96) (public domain)
MBh 6 136.29
अथ वस्त्राण्यलङ्कारं भक्ष्यं पेयं च शोभनम्॥ अददन्मुदितो राजन् पूजयित्वा द्विजोत्तमान्। तस्मिंस्तीर्थवरे रामः प्रदाय विविधं वसु॥
atha vastrāṇyalaṅkāraṃ bhakṣyaṃ peyaṃ ca śobhanam|| adadanmudito rājan pūjayitvā dvijottamān| tasmiṃstīrthavare rāmaḥ pradāya vividhaṃ vasu||
Distributing various sorts of wealth in that best of tirthas, Rama also gladly gave away milch cows, vehicles, beds, ornaments, food and drink of the best kinds, O king, to many foremost of Brahmanas, after having adored them dully.
— tr. M.N. Dutt (1891–96) (public domain)
MBh 6 136.30
पयस्विनीस्तथा धेनूर्यानानि शयनानि च। ययौ राजंस्ततो रामो बकस्याश्रममन्तिकात्। यत्र तेपे तपस्तीव्र दाल्भ्यो बक इति श्रुतिः॥
payasvinīstathā dhenūryānāni śayanāni ca| yayau rājaṃstato rāmo bakasyāśramamantikāt| yatra tepe tapastīvra dālbhyo baka iti śrutiḥ||
Then, O king, Rama proceeded to the hermitage of Vaka which was not very far from where he was, the hermitage in which, as heard by us, Dalvya-vaka had practised the hardest of penances.”
— tr. M.N. Dutt (1891–96) (public domain)