Mahabharata — Volume VI (Dutt edition) — Chapter 125
MBh 6 125.1
संजय उवाच ततः क्रुद्धा महाराज सौवलस्य पदानुगाः। त्यक्त्वा जीवितमाक्रन्दे पाण्डवान् पर्यवारयन्॥
saṃjaya uvāca tataḥ kruddhā mahārāja sauvalasya padānugāḥ| tyaktvā jīvitamākrande pāṇḍavān paryavārayan||
Sanjaya said After this, the followers of Subala's son, O king, were worked up with rage. Prepared to sacrifice their lives in that dreadful encounter, they began to oppose the Pandavas.
— tr. M.N. Dutt (1891–96) (public domain)
MBh 6 125.2
तानर्जुनः प्रत्यगृह्णात् सहदेवजये धृतः। भीमसेनश्च तेजस्वी क्रुद्धाशीविषदर्शनः॥
tānarjunaḥ pratyagṛhṇāt sahadevajaye dhṛtaḥ| bhīmasenaśca tejasvī kruddhāśīviṣadarśanaḥ||
Resolved to help Sahadeva in his victory, the energetic Arjuna and Bhimasena, resembling an infuriated venomous serpent, received those warriors.
— tr. M.N. Dutt (1891–96) (public domain)
MBh 6 125.3
शक्त्यृष्टिप्रासहस्तानां सहदेवं जिघांसताम्। संकल्पमकरोन्मोघं गाण्डीवेन धनंजयः॥ ते
śaktyṛṣṭiprāsahastānāṃ sahadevaṃ jighāṃsatām| saṃkalpamakaronmoghaṃ gāṇḍīvena dhanaṃjayaḥ|| te
With his Gandiva, Dharianjaya baffled the object of those warrior who, armed with darts and swords and lances, desired to kill Sahadeva.
— tr. M.N. Dutt (1891–96) (public domain)
MBh 6 125.4
संगृहीतायुधान् वाहून् योधानामभिधावताम्। भल्लैश्चिच्छेद बीभत्सुः शिरांस्यपि हयानपि॥
saṃgṛhītāyudhān vāhūn yodhānāmabhidhāvatām| bhallaiściccheda bībhatsuḥ śirāṃsyapi hayānapi||
Vibhatsu, with his broad-headed arrows, cut off the horses, the heads and the arms, with weapons in grasp, of those rushing warriors.
— tr. M.N. Dutt (1891–96) (public domain)
MBh 6 125.5
हयाः प्रत्यपद्यन्त वसुधां विगतासवः। चरता लोकवीरेण प्रहताः सव्यसाचिना॥
hayāḥ pratyapadyanta vasudhāṃ vigatāsavaḥ| caratā lokavīreṇa prahatāḥ savyasācinā||
The powerful horses of those great heroes, struck by Savyasachin, dropped down on the earth, dead.
— tr. M.N. Dutt (1891–96) (public domain)
MBh 6 125.6
ततो दुर्योधनो राजा दृष्ट्वा स्वबलसंक्षयम्। हतशेषान् समानीय क्रुद्धो रथगणान् बहून्॥ कुञ्जरांश्च हयांश्चैव पादातांश्च समन्ततः। उवाच सहितान् सर्वान् धार्तराष्ट्र इदं वचः॥ समासाद्य रणे सर्वान् पाण्डवान् ससुहृद्गणान्। पाञ्चाल्यं चापि सबलं हत्वा शघ्रं न्यवर्तत॥
tato duryodhano rājā dṛṣṭvā svabalasaṃkṣayam| hataśeṣān samānīya kruddho rathagaṇān bahūn|| kuñjarāṃśca hayāṃścaiva pādātāṃśca samantataḥ| uvāca sahitān sarvān dhārtarāṣṭra idaṃ vacaḥ|| samāsādya raṇe sarvān pāṇḍavān sasuhṛdgaṇān| pāñcālyaṃ cāpi sabalaṃ hatvā śaghraṃ nyavartata||
Beholding that onslaugh of his own soldiers. O lord, King Duryodhana was filled with rage. Collecting the residue of his cars which was still many hundreds in number, as also his elephants and horse and foot, O scorcher of foes, your son said to those warriors:-"Meeting all the Pandavas with their friends and allies, in this battle and the Panchala prince also with his own army and killing them speedily turn back from the field.
— tr. M.N. Dutt (1891–96) (public domain)
MBh 6 125.7
तस्य ते शिरसा गृह्य वचनं युद्धदुर्मदाः। अभ्युद्ययू रणे पार्थांस्तव पुत्रस्य शासनात्॥
tasya te śirasā gṛhya vacanaṃ yuddhadurmadāḥ| abhyudyayū raṇe pārthāṃstava putrasya śāsanāt||
Respectfully obeying that mandate, those invincible warriors proceeded once against the Parthas in that battle.
— tr. M.N. Dutt (1891–96) (public domain)
MBh 6 125.8
तानभ्यापततः शीघ्रं हतशेषान् महारणे। शरैराशीविषाकारैः पाण्डवाः समवाकिरन्॥
tānabhyāpatataḥ śīghraṃ hataśeṣān mahāraṇe| śarairāśīviṣākāraiḥ pāṇḍavāḥ samavākiran||
The Pandavas, however, enshrouded with their arrows resembling venomous snakes, all the remnant of the Kaurava army, that thus rushed quickly against them in that dreadful battle. more
— tr. M.N. Dutt (1891–96) (public domain)
MBh 6 125.9
तत् सैन्यं भरतश्रेष्ठ मुहूर्तेन महात्मभिः। अवध्यत रणं प्राप्य त्रातारं नाभ्यविन्दत॥
tat sainyaṃ bharataśreṣṭha muhūrtena mahātmabhiḥ| avadhyata raṇaṃ prāpya trātāraṃ nābhyavindata||
That army, O Bharata chief, as it came to battle, was in no time killed by those great warriors, for it had no protector.
— tr. M.N. Dutt (1891–96) (public domain)
MBh 6 125.10
प्रतिष्ठमानं तु भयान्नावतिष्ठति दंशितम्। अश्वैर्विपरिधावद्भिः सैन्येन रजसा वृते॥
pratiṣṭhamānaṃ tu bhayānnāvatiṣṭhati daṃśitam| aśvairviparidhāvadbhiḥ sainyena rajasā vṛte||
These horses running hither and thither that were all covered with the dust raised by the army, the cardinal and they subsidiary points of the horizon could not be discerned.
— tr. M.N. Dutt (1891–96) (public domain)
MBh 6 125.11
न प्राज्ञायन्त समरे दिश: सप्रदिशस्तथा। ततस्तु पाण्डवानीकान्निःसृत्य बहवो जनाः॥
na prājñāyanta samare diśa: sapradiśastathā| tatastu pāṇḍavānīkānniḥsṛtya bahavo janāḥ||
Coming out of the Pandava army, O Bharata, many warriors killed your soldiers in a moment in that battle.
— tr. M.N. Dutt (1891–96) (public domain)
MBh 6 125.12
अभ्यघ्नंस्तावकान् युद्धे मुहूदिव भारत। ततो नि:शेषमभवत् तत् सैन्यं तव भारत॥ अक्षौहिण्यः समेतास्तु तव पुत्रस्य भारत। एकादश हता युद्धे ताः प्रभो पाण्डुसृञ्जयैः॥
abhyaghnaṃstāvakān yuddhe muhūdiva bhārata| tato ni:śeṣamabhavat tat sainyaṃ tava bhārata|| akṣauhiṇyaḥ sametāstu tava putrasya bhārata| ekādaśa hatā yuddhe tāḥ prabho pāṇḍusṛñjayaiḥ||
Eleven Akshauhinis, O Bharata, of troops had been collected for your son. All those O lord, were killed by the Pandus and the Srinjayas.
— tr. M.N. Dutt (1891–96) (public domain)
MBh 6 125.13
तेषु राजसहस्रेषु तावकेषु महात्मसु। एको दुर्योधनो राजन्नदृश्यत भृशं क्षतः॥
teṣu rājasahasreṣu tāvakeṣu mahātmasu| eko duryodhano rājannadṛśyata bhṛśaṃ kṣataḥ||
Amongst those thousands and thousands of great kings belonging to your party, only Duryodhana now, O king, exceedingly mangled, survives.
— tr. M.N. Dutt (1891–96) (public domain)
MBh 6 125.14
ततो वीक्ष्य दिशः सर्वा दृष्ट्वा शून्यां च मेदिनीम्। विहीनः सर्वयोधैश्च पाण्डवान् वीक्ष्य संयुगे॥ मुदितान् सर्वतः सिद्धान् नर्दमानान् समन्ततः। बाणशब्दरवांश्चैव श्रुत्वा तेषां महात्मनाम्॥ दुर्योधनो महाराज कश्मलेनाभिसंवृतः। अपयाने मनश्चक्रे विहीनबलवाहनः॥
tato vīkṣya diśaḥ sarvā dṛṣṭvā śūnyāṃ ca medinīm| vihīnaḥ sarvayodhaiśca pāṇḍavān vīkṣya saṃyuge|| muditān sarvataḥ siddhān nardamānān samantataḥ| bāṇaśabdaravāṃścaiva śrutvā teṣāṃ mahātmanām|| duryodhano mahārāja kaśmalenābhisaṃvṛtaḥ| apayāne manaścakre vihīnabalavāhanaḥ||
Looking on all sides and seeing the earth vacant, himself deprived all his troops while the Pandavas were joyously roaring aloud for the fulfillment of all their objects, Duryodhana, O king, unable to bear the sound of arrows discharged by those great heroes, became stupefied. Deprived of troops and animals, he made up his mind to fly from the field.
— tr. M.N. Dutt (1891–96) (public domain)
MBh 6 125.15
धृतराष्ट्र उवाच निहते मामके सैन्ये निःशेषे शिबिरे कृते। पाण्डवानां बले सूतं किं नु शेषमभूत् तदा।॥
dhṛtarāṣṭra uvāca nihate māmake sainye niḥśeṣe śibire kṛte| pāṇḍavānāṃ bale sūtaṃ kiṃ nu śeṣamabhūt tadā|||
Dhritarashtra said When my soldiers were killed and our camp made entirely empty, what was the strength. O Suta, of the remnant the Pandavas army? 1 desire of know this. Therefore, tell me O Sanjaya, for you are a skillful narrator.
— tr. M.N. Dutt (1891–96) (public domain)
MBh 6 125.16
एतन्मे पृच्छतो ब्रूहि कुशलो ह्यसि संजय। यच दुर्योधनो मन्दः कृतवांस्तनयो मम॥ बलक्षयं तथा दृष्ट्वा स एकः पृथिवीपतिः।
etanme pṛcchato brūhi kuśalo hyasi saṃjaya| yaca duryodhano mandaḥ kṛtavāṃstanayo mama|| balakṣayaṃ tathā dṛṣṭvā sa ekaḥ pṛthivīpatiḥ|
Tell me also, O Sanjaya, that which was done by my son, the wicked Duryodhana, that king of the earth, the sole survivor of so many men, when he saw his army entirely destroyed.
— tr. M.N. Dutt (1891–96) (public domain)
MBh 6 125.17
संजय उवाच स्थानां द्वे सहस्रे तु सप्त नागशतानि च॥ पञ्च चाश्वसहस्राणि पत्तीनां च शतं शताः। एतच्छेषमभूद् राजन् पाण्डवानां महद् बलम्॥ परिगृह्य हि यद् युद्धे धृष्टद्युम्नो व्यवस्थितः।
saṃjaya uvāca sthānāṃ dve sahasre tu sapta nāgaśatāni ca|| pañca cāśvasahasrāṇi pattīnāṃ ca śataṃ śatāḥ| etaccheṣamabhūd rājan pāṇḍavānāṃ mahad balam|| parigṛhya hi yad yuddhe dhṛṣṭadyumno vyavasthitaḥ|
Sanjaya continued Two thousand cars, hundred elephants, five thousand horse and ten thousand foot-soldiers was the remnant, O king, of the mighty army of the Pandavas. Looking after this army Dhrishtadyumna waited in that battle.
— tr. M.N. Dutt (1891–96) (public domain)
MBh 6 125.18
एकाकी भरतश्रेष्ठ ततो दुर्योधनो नृपः॥ नापश्यत् समरे कंचित् सहायं रथिनां वरः।
ekākī bharataśreṣṭha tato duryodhano nṛpaḥ|| nāpaśyat samare kaṃcit sahāyaṃ rathināṃ varaḥ|
Meanwhile, O chief of the Bharatas, king Duryodhana, that best of car-warriors, did not find a single warrior on his side.
— tr. M.N. Dutt (1891–96) (public domain)
MBh 6 125.19
नर्दमानान् परान् दृष्ट्वा स्वबलस्य संक्षयम्॥ तथा दृष्ट्वा महाराज एकः स पृथिवीपतिः। हतं स्वहयमुत्सृज्य प्राङ्मुखः प्राद्रवद् भयात्॥
nardamānān parān dṛṣṭvā svabalasya saṃkṣayam|| tathā dṛṣṭvā mahārāja ekaḥ sa pṛthivīpatiḥ| hataṃ svahayamutsṛjya prāṅmukhaḥ prādravad bhayāt||
Seeing his enemies roaring aloud and the destruction of his own army, that lord of earth Duryodhana, without a comrade, left off his seven slain horse and fled from the field with face turned eastwards.
— tr. M.N. Dutt (1891–96) (public domain)
MBh 6 125.20
एकादशचमूभर्ता पुत्रो दुर्योधनस्तव। गदामादाय तेजस्वी पदातिः प्रस्थितो हृदम्॥
ekādaśacamūbhartā putro duryodhanastava| gadāmādāya tejasvī padātiḥ prasthito hṛdam||
That lord of eleven Akshauhinis, viz., the energetic Duryodhana, taking up his mace, fled on foot towards a lake.
— tr. M.N. Dutt (1891–96) (public domain)
MBh 6 125.21
नातिदूरं ततो गत्वा पद्भ्यामेव नराधिपः। सस्मार वचनं क्षत्तुर्धर्मशीलस्य धीमतः॥ इदं नूनं महाप्राज्ञो विदुरो दृष्ट्वान् पुरा। महद् वैशसमस्माकं क्षत्रियाणां च संयुगे॥ एवं विचिन्तयानस्तु प्रविविक्षुर्हदं नृपः। दुःखसंतप्तहृदयो दृष्ट्वा राजन् बलक्षयम्॥
nātidūraṃ tato gatvā padbhyāmeva narādhipaḥ| sasmāra vacanaṃ kṣatturdharmaśīlasya dhīmataḥ|| idaṃ nūnaṃ mahāprājño viduro dṛṣṭvān purā| mahad vaiśasamasmākaṃ kṣatriyāṇāṃ ca saṃyuge|| evaṃ vicintayānastu pravivikṣurhadaṃ nṛpaḥ| duḥkhasaṃtaptahṛdayo dṛṣṭvā rājan balakṣayam||
Before he had proceeded far on foot, the king remembered the words of the intelligent and virtuous Vidura. "Forsooth, this had been foreseen by the wise Vidura viz., this great destruction of Kshatriyas and of ourselves in battle.” Reflecting on this, the king, with heart burning in grief at having seen the extermination of his army, desired to go into the depths of that lake.
— tr. M.N. Dutt (1891–96) (public domain)
MBh 6 125.22
पाण्डवास्तु महाराज धृष्टद्युम्नपुरोगमाः। अभ्यद्रवन्त संक्रुद्धास्तव राजन् बलं प्रति॥
pāṇḍavāstu mahārāja dhṛṣṭadyumnapurogamāḥ| abhyadravanta saṃkruddhāstava rājan balaṃ prati||
The Pandavas, O king, with Dhrishtadyumna at their head, worked up with anger, rushed against the residue of your army.
— tr. M.N. Dutt (1891–96) (public domain)
MBh 6 125.23
शक्त्वृष्टिप्रासहन्तानां बलनामभिगर्जताम्। शंकल्पमकरोन्मोघं गाण्डीवेन धनंजयः॥
śaktvṛṣṭiprāsahantānāṃ balanāmabhigarjatām| śaṃkalpamakaronmoghaṃ gāṇḍīvena dhanaṃjayaḥ||
With his Gandiva, Dhananjaya baffled the object of the Kaurava troops, who, armed with darts and swords and {ances, were crying aloud.
— tr. M.N. Dutt (1891–96) (public domain)
MBh 6 125.24
तान् हत्वा निशितैर्वाणैः सामात्यान् सह बन्धुभिः। रथे श्वेतहये तिष्ठन्नर्जुनो बह्वशोभत॥
tān hatvā niśitairvāṇaiḥ sāmātyān saha bandhubhiḥ| rathe śvetahaye tiṣṭhannarjuno bahvaśobhata||
Having, with his sharp arrows, killed those troops with allies and relatives, Arjuna, as he stood on his car having white horses yoked to it, shone highly beautiful.
— tr. M.N. Dutt (1891–96) (public domain)
MBh 6 125.25
सुबलस्य हते पुत्रे सवाजिरथकुञ्जरे। महावनमिव च्छिन्नमभवत् तावकं बलम्॥
subalasya hate putre savājirathakuñjare| mahāvanamiva cchinnamabhavat tāvakaṃ balam||
Upon the death of Subala's on along with horse, cars and elephants, your army looked like a large forest divested by a storm.
— tr. M.N. Dutt (1891–96) (public domain)
MBh 6 125.26
अनेकशतसाहस्र बले दुर्योधनस्य ह। नान्यो महारथो राजन् जीवमानो व्यदृश्यत॥ द्रोणपुत्रादृते वीरात् तथैव कृतवर्मणः। कृपाच गौतमाद् राजन् पार्थिवाच तवात्मजात्॥
anekaśatasāhasra bale duryodhanasya ha| nānyo mahāratho rājan jīvamāno vyadṛśyata|| droṇaputrādṛte vīrāt tathaiva kṛtavarmaṇaḥ| kṛpāca gautamād rājan pārthivāca tavātmajāt||
In Duryodhana's army then, O monarch, which had many hundred thousands of warriors, not one single car-warrior was alive, save the heroic son of Drona and Kritavarman and Kripa the son of Gotama, the lord of earth viz., your son.
— tr. M.N. Dutt (1891–96) (public domain)
MBh 6 125.27
धृष्टद्युम्नस्तु मां दृष्ट्वा हसन् सात्यकिमब्रवीत्। किमनेन गृहीतेन नानेनार्थोऽस्ति जीवता॥
dhṛṣṭadyumnastu māṃ dṛṣṭvā hasan sātyakimabravīt| kimanena gṛhītena nānenārtho'sti jīvatā||
Seeing me, Dhrishtadyumna, laughingly addressed Satyaki, saying-What is the use of seizing the man. We will gain nothing by keeping him alive.
— tr. M.N. Dutt (1891–96) (public domain)
MBh 6 125.28
धृष्टद्युम्नवचः श्रुत्वा शिनेर्नप्ता महारथः। उद्यम्य निशितं खड्गं हन्तुं मामुद्यतस्तदा॥
dhṛṣṭadyumnavacaḥ śrutvā śinernaptā mahārathaḥ| udyamya niśitaṃ khaḍgaṃ hantuṃ māmudyatastadā||
Hearing these words of Dhrishtadyumna, the grandson of Shini, that great car-warrior, raising up his sharp sword, was ready to kill me.
— tr. M.N. Dutt (1891–96) (public domain)
MBh 6 125.29
तमागम्य महाप्राज्ञः कृष्णद्वैपायनोऽब्रवीत्। मुच्यता संजयो जीवन्न हन्तव्यः कथंचन॥
tamāgamya mahāprājñaḥ kṛṣṇadvaipāyano'bravīt| mucyatā saṃjayo jīvanna hantavyaḥ kathaṃcana||
Just at the neck of time the wise Vyasa, coming there, said-Let Sanjaya be sent away alive. On no account he should be killed.
— tr. M.N. Dutt (1891–96) (public domain)
MBh 6 125.30
द्वैपायनवचः श्रुत्वा शिनेर्नप्ता कृताञ्जलिः। ततो मामब्रवीन्मुक्त्वा स्वस्ति संजय साधय॥
dvaipāyanavacaḥ śrutvā śinernaptā kṛtāñjaliḥ| tato māmabravīnmuktvā svasti saṃjaya sādhaya||
Hearing these words of Vyasa, the grandson of Shini joined his hands and then setting me free, said to me-Peace to you, O Sanjaya, you may go away.
— tr. M.N. Dutt (1891–96) (public domain)
MBh 6 125.31
अनुज्ञातस्त्वहं तेन न्यस्तवर्मा निरायुधः। प्रातिष्ठं येन नगरं सायढे रुधिरोक्षितः॥
anujñātastvahaṃ tena nyastavarmā nirāyudhaḥ| prātiṣṭhaṃ yena nagaraṃ sāyaḍhe rudhirokṣitaḥ||
Permitted by him, myself then putting off my armour and surrendering my weapons, started in the evening for the city, my limbs covered with blood.
— tr. M.N. Dutt (1891–96) (public domain)
MBh 6 125.32
क्रोशमात्रमपक्रान्तं गदापाणिमवस्थितम्। एकं दुर्योधनं राजन्नपश्यं भृशविक्षतम्॥
krośamātramapakrāntaṃ gadāpāṇimavasthitam| ekaṃ duryodhanaṃ rājannapaśyaṃ bhṛśavikṣatam||
After I had come about two miles O king I beheld Duryodhana, standing alone, mace in hand and greatly wounded.
— tr. M.N. Dutt (1891–96) (public domain)
MBh 6 125.33
स तु मामश्रुपूर्णाक्षो नाशक्नोदभिवीक्षितुम्। उपप्रैक्षत मां दृष्ट्वा तथा दीनमवस्थितम्॥
sa tu māmaśrupūrṇākṣo nāśaknodabhivīkṣitum| upapraikṣata māṃ dṛṣṭvā tathā dīnamavasthitam||
His eyes were full of tears and, therefore, he could not see me. I stood depressed before him. He saw me but could not recognise me.
— tr. M.N. Dutt (1891–96) (public domain)
MBh 6 125.34
तं चाहमपि शोचन्तं दृष्ट्वैकाकिनमाहवे। मुहूर्तं नाशकं वक्तुमतिदुःखपरिप्लुतः॥
taṃ cāhamapi śocantaṃ dṛṣṭvaikākinamāhave| muhūrtaṃ nāśakaṃ vaktumatiduḥkhapariplutaḥ||
Beholding him standing alone on the field, I also, laden with grief could not speak a single word for some time.
— tr. M.N. Dutt (1891–96) (public domain)
MBh 6 125.35
ततोऽस्मै तदहं सर्वमुक्तवान् ग्रहणं तदा। द्वैपायनप्रसादाच जीवतो मोक्षमाहवे॥
tato'smai tadahaṃ sarvamuktavān grahaṇaṃ tadā| dvaipāyanaprasādāca jīvato mokṣamāhave||
Then I described to him everything about my own capture and my release by the favour of Vyasa.
— tr. M.N. Dutt (1891–96) (public domain)
MBh 6 125.36
स मुहूर्तमिव ध्यात्वा प्रतिलभ्य च चेतनाम्। भ्रातूंश्च सर्वसैन्यानि पर्यपृच्छत मां ततः॥
sa muhūrtamiva dhyātvā pratilabhya ca cetanām| bhrātūṃśca sarvasainyāni paryapṛcchata māṃ tataḥ||
Having reflected for a moment and regained his consciousness he enquired of me after his brother and his soldiers.
— tr. M.N. Dutt (1891–96) (public domain)
MBh 6 125.37
तस्मै तदहमाचक्षे सर्वं प्रत्यक्षदर्शिवान्। भ्रातंश्च निहतान् सर्वान् सैन्यं च विनिपातितम्॥
tasmai tadahamācakṣe sarvaṃ pratyakṣadarśivān| bhrātaṃśca nihatān sarvān sainyaṃ ca vinipātitam||
I had seen everything with my eyes and therefore, told him everything viz., that his brothers had all been killed and that his entire army destroyed.
— tr. M.N. Dutt (1891–96) (public domain)
MBh 6 125.38
त्रयः किल रथाः शिष्टास्तावकानां नराधिप। इति प्रस्थानकाले मां कृष्णद्वैपायनोऽब्रवीत्॥
trayaḥ kila rathāḥ śiṣṭāstāvakānāṃ narādhipa| iti prasthānakāle māṃ kṛṣṇadvaipāyano'bravīt||
I told the king that we had that time only three car-warriors left alive, for Vedavyasa told me so when I set out (froin the Pandaya camp).
— tr. M.N. Dutt (1891–96) (public domain)
MBh 6 125.39
स दीर्घमिव निःश्वस्य प्रत्यवेक्ष्य पुनः पुनः। असौ मां पाणिना स्पृष्ट्वा पुत्रस्ते पर्यभाषत॥ त्वदन्यो नेह संग्रामे कश्चिज्जीवति संजय। द्वितीयं नेह पश्यामि ससहायाश्च पाण्डवाः॥
sa dīrghamiva niḥśvasya pratyavekṣya punaḥ punaḥ| asau māṃ pāṇinā spṛṣṭvā putraste paryabhāṣata|| tvadanyo neha saṃgrāme kaścijjīvati saṃjaya| dvitīyaṃ neha paśyāmi sasahāyāśca pāṇḍavāḥ||
Sighing heavily and looking repeatedly at me, your son touched me with his hand and said-"Save you, O Sanjaya, no one else is alive, amongst those engaged in this battle. See there is no one on my side, while the Pandavas have their allies living.
— tr. M.N. Dutt (1891–96) (public domain)
MBh 6 125.40
ब्रूयाः संजय राजानं प्रज्ञाचक्षुषमीश्वरम्। दुर्योधनस्तव सुतः प्रविष्टो हृदमित्युत॥
brūyāḥ saṃjaya rājānaṃ prajñācakṣuṣamīśvaram| duryodhanastava sutaḥ praviṣṭo hṛdamityuta||
Say, O Sanjaya, to the blind king Dhritarashtra, that his son Duryodhana has entered into a lake.
— tr. M.N. Dutt (1891–96) (public domain)
MBh 6 125.41
सुहृद्धिस्तादृशै_नः पुत्रैर्धातृभिरेव च। पाण्डवैश्च हृते राज्ये को नु जीवेत मादृशः॥
suhṛddhistādṛśai_naḥ putrairdhātṛbhireva ca| pāṇḍavaiśca hṛte rājye ko nu jīveta mādṛśaḥ||
Shorn of friends, deprived of sons and brothers and seeing his kingdom taken by the Pandavas who is there like me that would desire to live.
— tr. M.N. Dutt (1891–96) (public domain)
MBh 6 125.42
आचक्षीथाः सर्वमिदं मां च मुक्तं महाहवात्।, अस्मिंस्तोयह्रदे गुप्तं जीवन्तं भृशविक्षतम्॥
ācakṣīthāḥ sarvamidaṃ māṃ ca muktaṃ mahāhavāt|, asmiṃstoyahrade guptaṃ jīvantaṃ bhṛśavikṣatam||
Say all this to the king and tell him further that I have escaped with life from that dreadful battle and that, alive, though exceedingly mangled, I shall live within the lake."
— tr. M.N. Dutt (1891–96) (public domain)
MBh 6 125.43
एवमुक्त्वा महाराज प्राविशत् तं महाह्रदम्। अस्तम्भयत तोयं च मायया मनुजाधिपः॥
evamuktvā mahārāja prāviśat taṃ mahāhradam| astambhayata toyaṃ ca māyayā manujādhipaḥ||
Saying this to me, O king, the king, entered that lake. By his power of illusion king Duryodhana charmed the waters of the lake, making room for him.
— tr. M.N. Dutt (1891–96) (public domain)
MBh 6 125.44
तस्मिन् ह्रदं प्रविष्टे तु त्रीन् रथान् श्रान्तवाहनान्। अपश्यं सहितानेकस्तं देशं समुपेयुधः॥
tasmin hradaṃ praviṣṭe tu trīn rathān śrāntavāhanān| apaśyaṃ sahitānekastaṃ deśaṃ samupeyudhaḥ||
After he had entered that lake, myself, without anybody on my side, saw those three car-warriors coming together there with their tired animals.
— tr. M.N. Dutt (1891–96) (public domain)
MBh 6 125.45
कृपं शारद्वतं वीरं द्रौणिं च रथिनां वरम्। भोजं च कृतवर्माणं सहिताशरविक्षतान्॥
kṛpaṃ śāradvataṃ vīraṃ drauṇiṃ ca rathināṃ varam| bhojaṃ ca kṛtavarmāṇaṃ sahitāśaravikṣatān||
They were Kripa, the son of Saradvat and the heroic Ashvatthaman, that best of carwarriors and Kritavarman of Bhoja's race. Wounded with arrows, all of them came together there.
— tr. M.N. Dutt (1891–96) (public domain)
MBh 6 125.46
ते सर्वे मामभिप्रेक्ष्य तूर्णमश्वाननोदयन्। उपायाय तु मामूचुर्दिष्ट्या जीवसि संजय॥
te sarve māmabhiprekṣya tūrṇamaśvānanodayan| upāyāya tu māmūcurdiṣṭyā jīvasi saṃjaya||
Seeing me, they all urged their horses to greater speed and coming up to me, said-By good luck, O Sanjaya, you are still alive.
— tr. M.N. Dutt (1891–96) (public domain)
MBh 6 125.47
अपृच्छंश्चैव मां सर्वे पुत्रं तव जनाधिपम्। कच्चिद् दुर्योधनो राजा स नो जीवति संजय॥
apṛcchaṃścaiva māṃ sarve putraṃ tava janādhipam| kaccid duryodhano rājā sa no jīvati saṃjaya||
All of them then enquired after your son, saying—"Is our king Duryodhana still alive, O Sanjaya?"
— tr. M.N. Dutt (1891–96) (public domain)
MBh 6 125.48
आख्यातवानहं तेभ्यस्तदा कुशलिनं नृपम्। तचैव सर्वमाचक्षं यन्मां दुर्योधनोऽब्रवीत्॥ ह्रदं चैवाहमाचक्षं यं प्रविष्टो नराधिपः।
ākhyātavānahaṃ tebhyastadā kuśalinaṃ nṛpam| tacaiva sarvamācakṣaṃ yanmāṃ duryodhano'bravīt|| hradaṃ caivāhamācakṣaṃ yaṃ praviṣṭo narādhipaḥ|
I then told them that the king was physically well. I also related to them everything that Duryodhana had said to me. I also pointed out to them the lake where the king had entered.
— tr. M.N. Dutt (1891–96) (public domain)
MBh 6 125.49
अश्वत्थामा तु तद् राजन् निशम्य वचनं मम॥ तं ह्रदं विपुलं प्रेक्ष्य करुणं पर्यदेवयत्। अहो धिक् स न जानाति जीवतोऽस्मान् नराधिपः॥६१ पर्याप्ता हि वयं तेन सहं योधयितुं परान्।
aśvatthāmā tu tad rājan niśamya vacanaṃ mama|| taṃ hradaṃ vipulaṃ prekṣya karuṇaṃ paryadevayat| aho dhik sa na jānāti jīvato'smān narādhipaḥ||61 paryāptā hi vayaṃ tena sahaṃ yodhayituṃ parān|
O king, having heard those words, then Ashvatthaman looked at that extensive lake and began to wail in grief, saying, "Alas, Alas, the king knew not that we are still alive! With him amongst us, we are still quite competent to fight with our enemies."
— tr. M.N. Dutt (1891–96) (public domain)
MBh 6 125.50
ते त तत्र चिरं कालं विलय न महारथाः॥ प्राद्रवन् रथिनां श्रेष्ठा दृष्ट्वा पाण्डुसुतान् रणे।
te ta tatra ciraṃ kālaṃ vilaya na mahārathāḥ|| prādravan rathināṃ śreṣṭhā dṛṣṭvā pāṇḍusutān raṇe|
Having wept there for a long time, those great car-warriors fled away seeing the sons of Pandu.
— tr. M.N. Dutt (1891–96) (public domain)
MBh 6 125.51
ते तु मां रथमारोप्य कृपस्य सुपरिष्कृतम्॥ सेनानिवेशमाजग्मुर्हतशेषास्त्रयो स्थाः।
te tu māṃ rathamāropya kṛpasya supariṣkṛtam|| senāniveśamājagmurhataśeṣāstrayo sthāḥ|
Those three car-warriors, the remnant of our army, took me up on the well-adorned car of Kripa and then set out for the Kuru camp.
— tr. M.N. Dutt (1891–96) (public domain)
MBh 6 125.52
तत्र गुल्मा: परित्रस्ताः सूर्ये चास्तमिते सति॥ सर्वे विचुक्रुशुः श्रुत्वा पुत्राणां तव संक्षयम्।
tatra gulmā: paritrastāḥ sūrye cāstamite sati|| sarve vicukruśuḥ śrutvā putrāṇāṃ tava saṃkṣayam|
The sun had set a little before. Learning that all your sons had been killed the troops, forming the outposts of the camp, wept aloud.
— tr. M.N. Dutt (1891–96) (public domain)
MBh 6 125.53
ततो वृद्धा महाराज योषितां रक्षिणो नराः॥ राजदारानुपादाय प्रययुनगरं प्रति।
tato vṛddhā mahārāja yoṣitāṃ rakṣiṇo narāḥ|| rājadārānupādāya prayayunagaraṃ prati|
Then, O king, the old men, that had been engaged to look after the ladies of the royal household, set out for the city, taking the princesses after them.
— tr. M.N. Dutt (1891–96) (public domain)
MBh 6 125.54
तत्र विक्रोशमानानां रुदतीनां च सर्वशः॥ प्रादुरासीन्महाशब्दः श्रुत्वा तद् बलसंक्षयम्।
tatra vikrośamānānāṃ rudatīnāṃ ca sarvaśaḥ|| prādurāsīnmahāśabdaḥ śrutvā tad balasaṃkṣayam|
The attendants and ladies wept aloud when they heard of the destruction of the whole army.
— tr. M.N. Dutt (1891–96) (public domain)
MBh 6 125.55
ततस्ता योषितो राजन् क्रन्दन्त्यो वै मुहुर्मुहुः॥ कुरर्य इव शब्देन नादयन्त्यो महीतलम्।
tatastā yoṣito rājan krandantyo vai muhurmuhuḥ|| kurarya iva śabdena nādayantyo mahītalam|
O king, crying ceaselessly, the women caused the earth to resound with their voices like a warm of she-ospreys.
— tr. M.N. Dutt (1891–96) (public domain)
MBh 6 125.56
आजघ्नुः करजैश्चापि पाणिभिश्च शिरांस्युत॥ लुलुचुश्च तदा केशान् क्रोशत्यस्तत्र तत्र ह।
ājaghnuḥ karajaiścāpi pāṇibhiśca śirāṃsyuta|| lulucuśca tadā keśān krośatyastatra tatra ha|
They tore their bodies with their nails and struck their heads with their hands and loosened their braids, crying all the while aloud.
— tr. M.N. Dutt (1891–96) (public domain)
MBh 6 125.57
हाहाकारविनादिन्यो विनिघ्नन्त्य उरांसि च॥ शोचन्त्यस्तत्र रुरुदुः क्रन्दमाना विशाम्पते।
hāhākāravinādinyo vinighnantya urāṃsi ca|| śocantyastatra ruruduḥ krandamānā viśāmpate|
Filling the sky with exclamations of grief and beating their breasts, they cried aloud and wept, O king.
— tr. M.N. Dutt (1891–96) (public domain)
MBh 6 125.58
ततो दुर्योधनामात्याः साश्रुकण्ठा भृशातुराः॥ राजदारानुपादाय प्रययुर्नगरं प्रति।
tato duryodhanāmātyāḥ sāśrukaṇṭhā bhṛśāturāḥ|| rājadārānupādāya prayayurnagaraṃ prati|
Then the friends of Duryodhana, deeply afflicted and their voice suppressed by their tears, started for the city, taking the royal ladies with them.
— tr. M.N. Dutt (1891–96) (public domain)
MBh 6 125.59
वेत्रव्यासक्तहस्ताश्च द्वाराध्यक्षा विशाम्पते॥ शयनीयानि शुभ्राणि स्पास्तरणवन्ति च।
vetravyāsaktahastāśca dvārādhyakṣā viśāmpate|| śayanīyāni śubhrāṇi spāstaraṇavanti ca|
The camp-guards quickly fled towards the city, taking with them many white beds covered with rich sheets.
— tr. M.N. Dutt (1891–96) (public domain)
MBh 6 125.60
समादाय ययुस्तूर्णं नगरं दाररक्षिणः॥ आस्थायाश्वतरीयुक्तान् स्यन्दनानपरे पुनः। स्वान् स्वान् दारानुपादाय प्रययुनगरं प्रति॥
samādāya yayustūrṇaṃ nagaraṃ dārarakṣiṇaḥ|| āsthāyāśvatarīyuktān syandanānapare punaḥ| svān svān dārānupādāya prayayunagaraṃ prati||
Others, Placing their wives on cars drawn my mules, set out for the city.
— tr. M.N. Dutt (1891–96) (public domain)
MBh 6 125.61
अदृष्टपूर्वा या नार्यो भास्करेणापि वेश्मसु। ददृशुस्ता महाराज जना याताः पुरं प्रति॥
adṛṣṭapūrvā yā nāryo bhāskareṇāpi veśmasu| dadṛśustā mahārāja janā yātāḥ puraṃ prati||
Those ladies, O king, who were not before seen even by the sun, were not, as they started for the city, exposed to the view of the common people.
— tr. M.N. Dutt (1891–96) (public domain)
MBh 6 125.62
ताः स्त्रियो भरतश्रेष्ठ सौकुमार्यसमन्विताः। प्रययुर्नगरं तूर्णं हतस्वजनबान्धवाः॥
tāḥ striyo bharataśreṣṭha saukumāryasamanvitāḥ| prayayurnagaraṃ tūrṇaṃ hatasvajanabāndhavāḥ||
Those women, O head of the Bharatas, who were very delicate, now proceeded quickly towards the city, having lost their dear ones and kinsmen.
— tr. M.N. Dutt (1891–96) (public domain)
MBh 6 125.63
आलोपालाविपालेभ्यो द्रवन्तो नगरं प्रति। ययुर्मनुष्याः सम्भ्रान्ता भीमसेनभयार्दिताः॥
ālopālāvipālebhyo dravanto nagaraṃ prati| yayurmanuṣyāḥ sambhrāntā bhīmasenabhayārditāḥ||
The very cowherds and shepherds and common men, stricken with panic for the fear of Bhimasena, fled towards the city.
— tr. M.N. Dutt (1891–96) (public domain)
MBh 6 125.64
अपि चैषां भयं तीव्र पार्थेभ्योऽभूत् सुदारुणम्। प्रेक्षमाणास्तदान्योन्यमाधावनगरं प्रति॥
api caiṣāṃ bhayaṃ tīvra pārthebhyo'bhūt sudāruṇam| prekṣamāṇāstadānyonyamādhāvanagaraṃ prati||
They were also filled with a great fear of the Parthas. Looking at one another, all of them fled towards the city.
— tr. M.N. Dutt (1891–96) (public domain)
MBh 6 125.65
तस्मिंस्तथा वर्तमाने विद्रवे भृशदारुणे। युयुत्सुः शोकसम्मूढः प्राप्तकालमचिन्तयत्॥
tasmiṃstathā vartamāne vidrave bhṛśadāruṇe| yuyutsuḥ śokasammūḍhaḥ prāptakālamacintayat||
During that general flight accompanied with fear, Yuyutsu, beside himself with grief, thought upon what he should do under the present circumstances.
— tr. M.N. Dutt (1891–96) (public domain)
MBh 6 125.66
जितो दुर्योधनः संख्ये पाण्डवैर्भीमविक्रमैः। एकादशचमूभर्ता भ्रातरश्चास्य सूदिताः॥
jito duryodhanaḥ saṃkhye pāṇḍavairbhīmavikramaiḥ| ekādaśacamūbhartā bhrātaraścāsya sūditāḥ||
Duryodhana has been defeated in battle by the powerful Pandavas. He had eleven Akshauhinis of soldiers under hiin. All his brothers have been killed.
— tr. M.N. Dutt (1891–96) (public domain)
MBh 6 125.67
हताश्च कुरवः सर्वे भीष्मद्रोणपुरःसराः। अहमेको विमुक्तस्तु भाग्ययोगाद् यदृच्छया॥
hatāśca kuravaḥ sarve bhīṣmadroṇapuraḥsarāḥ| ahameko vimuktastu bhāgyayogād yadṛcchayā||
All the Kauravas, led by Bhishma and Drona, have died. By good luck, only I have been saved.
— tr. M.N. Dutt (1891–96) (public domain)
MBh 6 125.68
विदूतानि च सर्वाणि शिविराणि समन्ततः। इतस्तत: पलायन्ते हतनाथा हतौजसः॥
vidūtāni ca sarvāṇi śivirāṇi samantataḥ| itastata: palāyante hatanāthā hataujasaḥ||
All those that were in the Kuru camp have fled. Alas, dispirited and helpless they are flying on all sides.
— tr. M.N. Dutt (1891–96) (public domain)
MBh 6 125.69
अदृष्टपूर्वा दुःखार्ता भयव्याकुललोचनाः। हरिणा इव वित्रस्ता वीक्षमाणा दिशो दशः॥
adṛṣṭapūrvā duḥkhārtā bhayavyākulalocanāḥ| hariṇā iva vitrastā vīkṣamāṇā diśo daśaḥ||
Such a spectacle had never been witnessed before. Assailed with sorrow, with eyes anxious in fear, they are flying away on all directions like a herd of deer looking at one another.
— tr. M.N. Dutt (1891–96) (public domain)
MBh 6 125.70
दुर्योधनस्य सचिवा ये केचिदवशेषिताः। राजदारानुपादाय प्रययुनगरं प्रति॥
duryodhanasya sacivā ye kecidavaśeṣitāḥ| rājadārānupādāya prayayunagaraṃ prati||
Amongst the counsellors of Duryodhana those, that are yet alive, have fled towards the city, taking with them the royal ladies.
— tr. M.N. Dutt (1891–96) (public domain)
MBh 6 125.71
प्राप्तकालमहं मन्ये प्रवेश तैः सह प्रभुम्। युधिष्ठिरमनुज्ञाय वासुदेवं तथैव च॥ एतम) महाबाहुरुभयो:स न्यवेदयत्।
prāptakālamahaṃ manye praveśa taiḥ saha prabhum| yudhiṣṭhiramanujñāya vāsudevaṃ tathaiva ca|| etama) mahābāhurubhayo:sa nyavedayat|
I think, O lord, that the time has appeared when I also should enter the city with them, after taking the permission of Yudhishthira and Vasudeva. For this purpose that powerful prince appeared before both those heroes.
— tr. M.N. Dutt (1891–96) (public domain)
MBh 6 125.72
तस्य प्रीतोऽभवद् राजा नित्यं करुणवेदिता॥ परिष्वज्य महाबाहुर्वैश्यापुत्रं व्यसर्जयत्।
tasya prīto'bhavad rājā nityaṃ karuṇaveditā|| pariṣvajya mahābāhurvaiśyāputraṃ vyasarjayat|
King Yudhishthira, who is always kind,। became highly pleased with him. The powerful Pandava embraced that child of a Vaishya mother and sent him away affectionately.
— tr. M.N. Dutt (1891–96) (public domain)
MBh 6 125.73
ततः स रथमास्थाय दुतमश्वानचोदयत्॥ संवाहयितवांश्चापि राजदारान् पुरं प्रति।
tataḥ sa rathamāsthāya dutamaśvānacodayat|| saṃvāhayitavāṃścāpi rājadārān puraṃ prati|
Getting upon his own car, he urged on his horse. He then looked after the departure of the ladies of the royal seraglio for the city.
— tr. M.N. Dutt (1891–96) (public domain)
MBh 6 125.74
तैश्चैव सहित: क्षिप्रमस्तं गच्छति भास्करे॥ प्रविष्टो हास्तिनपुरं बाष्पकण्ठोऽश्रुलोचनः।
taiścaiva sahita: kṣipramastaṃ gacchati bhāskare|| praviṣṭo hāstinapuraṃ bāṣpakaṇṭho'śrulocanaḥ|
The sun was setting. With those ladies, Yuyutsu entered the city of Hastinapur, with tearful eyes and with voice suppressed in grief.
— tr. M.N. Dutt (1891–96) (public domain)
MBh 6 125.75
अपश्यत महाप्राज्ञं विदुरं साश्रुलोचनम्॥ राज्ञः समीयान्निष्क्रान्तं शोकोपहतचेतसम्।
apaśyata mahāprājñaṃ viduraṃ sāśrulocanam|| rājñaḥ samīyānniṣkrāntaṃ śokopahatacetasam|
He then saw the highly wise Vidura sitting with tearful eyes. He had come away from Dhritarashtra, his heart possessed by great sorrow.
— tr. M.N. Dutt (1891–96) (public domain)
MBh 6 125.76
तमब्रवीत् सत्यधृतिः प्रणतं त्वग्रतः स्थितम्॥ दिष्ट्या कुरुक्षये वृत्ते अस्मिस्त्वं पुत्र जीवसि।
tamabravīt satyadhṛtiḥ praṇataṃ tvagrataḥ sthitam|| diṣṭyā kurukṣaye vṛtte asmistvaṃ putra jīvasi|
Saluting Vidura, he stood before him. Truthful Vidura said to him-"By good luck, O son you have survived the Kurus.
— tr. M.N. Dutt (1891–96) (public domain)
MBh 6 125.77
युयुत्सुरुवाच विना राज्ञः प्रेवशाद् वै किमसि त्वमिहागतः॥ एतद् वै कारणं सर्वं विस्तरेण निवेदय। निहते शकुनौ तत्र सज्ञातिसुतबान्धवे॥ हतशेषपरीवारो राजा दुर्योधनस्ततः। स्वकं स हयमुत्सृज्य प्राङ्मुखः प्राद्रवद् भयात्॥
yuyutsuruvāca vinā rājñaḥ prevaśād vai kimasi tvamihāgataḥ|| etad vai kāraṇaṃ sarvaṃ vistareṇa nivedaya| nihate śakunau tatra sajñātisutabāndhave|| hataśeṣaparīvāro rājā duryodhanastataḥ| svakaṃ sa hayamutsṛjya prāṅmukhaḥ prādravad bhayāt||
Why, however have you come without king Duryodhana, in your company? Tell me in detail the cause thereof. "Yuyutsu then said." After the destruction of Shakuni, O sire, with all his relations and friends, king Duryodhana, leaving behind his horse, fled away in fear towards the east.
— tr. M.N. Dutt (1891–96) (public domain)
MBh 6 125.78
अपक्रान्ते तु नृपतौ स्कन्धावारनिवेशनात्। भयव्याकुलितं सर्वं प्राद्रवन्नगरं प्रति॥
apakrānte tu nṛpatau skandhāvāraniveśanāt| bhayavyākulitaṃ sarvaṃ prādravannagaraṃ prati||
After the king's flight, all the Kuru people, worked up with fear, fled towards the city.
— tr. M.N. Dutt (1891–96) (public domain)
MBh 6 125.79
ततो राज्ञः कलत्राणि भ्रातृणां चास्य सर्वतः। वाहनेषु समारोप्य अध्यक्षाः प्राद्रवन् भयात्॥
tato rājñaḥ kalatrāṇi bhrātṛṇāṃ cāsya sarvataḥ| vāhaneṣu samāropya adhyakṣāḥ prādravan bhayāt||
Then the guards of the ladies, placing the wives of the king, as also those of his brothers, on vehicles, fled away in fear.
— tr. M.N. Dutt (1891–96) (public domain)
MBh 6 125.80
ततोऽहं समनुज्ञाप्य राजानं सहकेशवम्। प्रविष्टो हास्तिनपुरं रक्षन्ल्लोकान् प्रधावितान्॥
tato'haṃ samanujñāpya rājānaṃ sahakeśavam| praviṣṭo hāstinapuraṃ rakṣanllokān pradhāvitān||
With the permission of king Yudhishthira and Keshava, I started for Hastinapura, for protecting the people thus flying away.
— tr. M.N. Dutt (1891–96) (public domain)
MBh 6 125.81
एतच्छ्रुत्वा तु वचनं वैश्यापुत्रेण भाषितम्। प्राप्तकालमिति श्रुत्वा विदुरः सर्वधर्मवित्॥ अपूजयदमेयात्मा युयुत्सुं वाक्यमब्रवीत्।
etacchrutvā tu vacanaṃ vaiśyāputreṇa bhāṣitam| prāptakālamiti śrutvā viduraḥ sarvadharmavit|| apūjayadameyātmā yuyutsuṃ vākyamabravīt|
Hearing those words of the son of Dhritarashtra's Vaishya wife the great Vidura, conversant with practices and feelings for the hour, praised the eloquent Yuyutsu. come
— tr. M.N. Dutt (1891–96) (public domain)
MBh 6 125.82
प्राप्तकालमिदं सर्वं ब्रुवता भरतक्षये॥ रक्षितः कुलधर्मश्च सानुक्रोशतया त्वया।
prāptakālamidaṃ sarvaṃ bruvatā bharatakṣaye|| rakṣitaḥ kuladharmaśca sānukrośatayā tvayā|
And he said-"You have acted properly, thinking what has about of this destruction of all the Bharatas. You have also, from pity, maintained the honour of your family.
— tr. M.N. Dutt (1891–96) (public domain)
MBh 6 125.83
दिष्ट्या त्वामिह संग्रामादस्माद् वीरक्षयात् पुरम्॥ समागतमपश्याम ांशुमन्तमिव प्रजाः।
diṣṭyā tvāmiha saṃgrāmādasmād vīrakṣayāt puram|| samāgatamapaśyāma āṃśumantamiva prajāḥ|
By good luck we see you alive in this terrible battle in which heroes have been killed like creatures beholding the blazing sun.
— tr. M.N. Dutt (1891–96) (public domain)
MBh 6 125.84
अन्धस्य नृपतेर्यष्टिर्लुब्धस्य दीर्घदर्शिनः॥ बहुशो याच्यमानस्य दैवोपहतचेतसः। त्वमेको व्यसानर्तस्य ध्रियसे पुत्र सर्वथा॥
andhasya nṛpateryaṣṭirlubdhasya dīrghadarśinaḥ|| bahuśo yācyamānasya daivopahatacetasaḥ| tvameko vyasānartasya dhriyase putra sarvathā||
O son, you are now the only support of the blind king shorn of foresight, afflicted with calamity, struck by Destiny and who though repeatedly dissuaded, could not abstain from following his evil policy.
— tr. M.N. Dutt (1891–96) (public domain)
MBh 6 125.85
अद्य त्वमिह विश्रान्तः श्वोऽभिगन्ता युधिष्ठिरम्। एतावदुक्त्वा वचनं विदुरः साश्रुलोचनः॥
adya tvamiha viśrāntaḥ śvo'bhigantā yudhiṣṭhiram| etāvaduktvā vacanaṃ viduraḥ sāśrulocanaḥ||
Take rest here for this day. Tomorrow you may go to Yudhishthira."-Having said these words, Vidura, with tearful eyes.
— tr. M.N. Dutt (1891–96) (public domain)
MBh 6 125.86
पौरजानपदैर्दुःखाद्धाहेति भृशनादितम्॥ निरानन्दं गतश्रीकं हृताराममिवाशयम्।
paurajānapadairduḥkhāddhāheti bhṛśanāditam|| nirānandaṃ gataśrīkaṃ hṛtārāmamivāśayam|
Took leave of Yuyutsu and entered the palace of the king which was filled with the lamentations of woe-stricken citizens.
— tr. M.N. Dutt (1891–96) (public domain)
MBh 6 125.87
शून्यरूपमपध्वस्तं दुःखाद् दुःखतरोऽभवत्॥ विदुरः सर्वधर्मज्ञो विकुवेनान्तरात्मना।
śūnyarūpamapadhvastaṃ duḥkhād duḥkhataro'bhavat|| viduraḥ sarvadharmajño vikuvenāntarātmanā|
The cheerless place was shorn of beauty, comfort and happiness. It was all empty and disorderly. Already filled with grief, Vidura's sorrow increased at that spectacle.
— tr. M.N. Dutt (1891–96) (public domain)
MBh 6 125.88
विवेश नगरे राजन् निःशश्वास शनैः शनैः॥
viveśa nagare rājan niḥśaśvāsa śanaiḥ śanaiḥ||
Dutiful Vidura, with a sorrowful heart, entered the palace, sighing heavily.
— tr. M.N. Dutt (1891–96) (public domain)
MBh 6 125.89
युयुत्सुरपि तां सात्रिं स्वगृहे न्यवसत् तदा। वन्द्यमानः स्वकैश्चापि नाभ्यनन्दत् सुदुःखितः। चिन्तयानः क्षयं तीव्र भरतानां परस्परम्॥
yuyutsurapi tāṃ sātriṃ svagṛhe nyavasat tadā| vandyamānaḥ svakaiścāpi nābhyanandat suduḥkhitaḥ| cintayānaḥ kṣayaṃ tīvra bharatānāṃ parasparam||
As regards Yuyutsu, he passed that night in his own house. Possessed by miscry, he could find no delight at the panegyrics with which he was welcomed. He passed the time, thinking of the terrible onslaught of the Bharatas.
— tr. M.N. Dutt (1891–96) (public domain)