Mahabharata — Volume V (Dutt edition) — Chapter 73
MBh 5 73.1
युधिष्ठिर उवाच त्वयि याते महाबाहो संशप्तकबलं प्रति। प्रयत्नमकरोत् तीव्रमाचार्यो ग्रहणे मम॥
yudhiṣṭhira uvāca tvayi yāte mahābāho saṃśaptakabalaṃ prati| prayatnamakarot tīvramācāryo grahaṇe mama||
Yudhishthira said When, O mighty-armed one, you had gone against the Samshaptaka hosts, the preceptor Drona exerted himself vigourously for capturing me.
— tr. M.N. Dutt (1891–96) (public domain)
MBh 5 73.2
व्यूढानीका वयं द्रोणं वारयामः स्म सर्वशः। प्रतिव्यूह्य स्थानीकं यतमानं तथा रणे॥
vyūḍhānīkā vayaṃ droṇaṃ vārayāmaḥ sma sarvaśaḥ| prativyūhya sthānīkaṃ yatamānaṃ tathā raṇe||
We then began to resist Drona and his troops arrayed in order on all sides, by dispensing off our troops and car divisions in counter array and striving hard.
— tr. M.N. Dutt (1891–96) (public domain)
MBh 5 73.3
स वार्यमाणो रथिभिर्मयि चापि सुरक्षिते। अस्मानभिजगामाशु पीडयन् निशितैः शरैः॥
sa vāryamāṇo rathibhirmayi cāpi surakṣite| asmānabhijagāmāśu pīḍayan niśitaiḥ śaraiḥ||
Though he was thus resisted by many and though I was well protected, yet he began to smite us with agility, afflicting us with his sharp shafts.
— tr. M.N. Dutt (1891–96) (public domain)
MBh 5 73.4
ते पीड्यमाना द्रोणेन द्रोणानीकं न शक्नुमः। प्रतिवीक्षितुमप्याजौ भेत्तुं तत् कुत एव तु॥
te pīḍyamānā droṇena droṇānīkaṃ na śaknumaḥ| prativīkṣitumapyājau bhettuṃ tat kuta eva tu||
My troops then, thus afflicted by Drona, were not even able, in battle, to look at his divisions what to speak of the thought of breaking through them!
— tr. M.N. Dutt (1891–96) (public domain)
MBh 5 73.5
वयं त्वप्रतिमं वीर्ये सर्वे सौभद्रमात्मजम्। उक्तवन्तः स्म तं तात भिन्ध्यनीकमिति प्रभो॥
vayaṃ tvapratimaṃ vīrye sarve saubhadramātmajam| uktavantaḥ sma taṃ tāta bhindhyanīkamiti prabho||
Then we all, O sire, spoke to Subhadra's son, who was unequalled in his prowess, saying-'O lord, do you break through these divisions of the enemy.'
— tr. M.N. Dutt (1891–96) (public domain)
MBh 5 73.6
स तथा नोदितोऽस्माभिः सदश्व इव वीर्यवान्। असह्यपि तं भारं वोदुमेवोपचक्रमे॥
sa tathā nodito'smābhiḥ sadaśva iva vīryavān| asahyapi taṃ bhāraṃ vodumevopacakrame||
That highly puissant hero then thus urged on by ourselves, like a good horse, prepared himself to take that burden upon himself, however unbearable it might have been for him.
— tr. M.N. Dutt (1891–96) (public domain)
MBh 5 73.7
स तवास्त्रोपदेशेन वीर्येण च समन्वितः। प्राविशत् तद्बलं बालः सुपर्ण इव सागरम्॥
sa tavāstropadeśena vīryeṇa ca samanvitaḥ| prāviśat tadbalaṃ bālaḥ suparṇa iva sāgaram||
Then that boy of tender years, endued with energy and possessed of the knowledge of weapons received from you, broke through that array, like Suparna entering into the ocean.
— tr. M.N. Dutt (1891–96) (public domain)
MBh 5 73.8
तेऽनुयाता वयं वीरं सात्वतीपुत्रमाहवे। प्रवेष्टकामास्तेनैव येन स प्राविशच्चमूम्॥
te'nuyātā vayaṃ vīraṃ sātvatīputramāhave| praveṣṭakāmāstenaiva yena sa prāviśaccamūm||
Then we followed that hero in battle, that son of a daughter of the Satvata race, desirous of entering the hostile ranks even through the path he then opened for us.
— tr. M.N. Dutt (1891–96) (public domain)
MBh 5 73.9
ततः सैन्धवको राजा क्षुद्रस्तात जयद्रथः। वरदानेन रुद्रस्य सर्वान् नः समवारयत्॥
tataḥ saindhavako rājā kṣudrastāta jayadrathaḥ| varadānena rudrasya sarvān naḥ samavārayat||
Then alas, O sire, the puny ruler of the Sindhus, king Jayadratha resisted us all, through the virtue of a boon received from the god Rudra (Mahadeva).
— tr. M.N. Dutt (1891–96) (public domain)
MBh 5 73.10
ततो द्रोणः कृपः कर्णो द्रौणिः कौसल्य एव च। कृतवर्मा च सौभद्रं षड् रथाः पर्यवारयन्॥
tato droṇaḥ kṛpaḥ karṇo drauṇiḥ kausalya eva ca| kṛtavarmā ca saubhadraṃ ṣaḍ rathāḥ paryavārayan||
Thereupon Drona, Kripa, Karna, Drona's son, the king of the Kosalas and Kritavarman-these six car-warriors surrounded the son of Subhadra.
— tr. M.N. Dutt (1891–96) (public domain)
MBh 5 73.11
परिवार्य तु तैः सर्वैर्युधि वालो महारथैः। यतमानः परं शक्त्या बहुभिर्विरधीकृतः॥
parivārya tu taiḥ sarvairyudhi vālo mahārathaiḥ| yatamānaḥ paraṃ śaktyā bahubhirviradhīkṛtaḥ||
Thus surrounded by all those mighty carwarriors in battle, that boy though striking to the best of his abilities, was deprived of the use of his car, by the tremendous odds he was fighting against.
— tr. M.N. Dutt (1891–96) (public domain)
MBh 5 73.12
ततो दौःशासनिः क्षिप्रं तथा तैर्विरथीकृतम्। संशयं परमं प्राप्य दिष्टान्तेनाभ्ययोजयत्॥
tato dauḥśāsaniḥ kṣipraṃ tathā tairvirathīkṛtam| saṃśayaṃ paramaṃ prāpya diṣṭāntenābhyayojayat||
Thus when Abhimanyu was deprived of the use of his car by those warriors, Dushasana's son, who himself was involved in great catastrophe, succeeded, as fate would have it, in making Abhimanyu see his end.
— tr. M.N. Dutt (1891–96) (public domain)
MBh 5 73.13
स तु हत्वा सहस्राणि नराश्वरथदन्तिनाम्। अष्टौ रथसहस्राणि नव दन्तिशतानि च॥
sa tu hatvā sahasrāṇi narāśvarathadantinām| aṣṭau rathasahasrāṇi nava dantiśatāni ca||
Having slain thousands of men, steeds, carwarriors and tusked elephants and eight thousands car-warriors and nine hundred elephants.
— tr. M.N. Dutt (1891–96) (public domain)
MBh 5 73.14
राजपुत्रसहस्रे द्वे वीरांश्चालक्षितान् बहून्। वृद्धलं च राजानं स्वर्गेणाजौ प्रयोज्य ह॥
rājaputrasahasre dve vīrāṃścālakṣitān bahūn| vṛddhalaṃ ca rājānaṃ svargeṇājau prayojya ha||
Two thousand princes and many other unknown heroes and also having dispatched king Brihadbala to Heaven.
— tr. M.N. Dutt (1891–96) (public domain)
MBh 5 73.15
ततः परमधर्मात्मा दिष्टान्तमुपजग्मिवान्। एतावदेव निवृत्तमस्माकं शोकवर्धनम्॥
tataḥ paramadharmātmā diṣṭāntamupajagmivān| etāvadeva nivṛttamasmākaṃ śokavardhanam||
That one of highly illustrious soul through Destiny, attained his own end. Thus everything that now burns us with grief, has taken place.
— tr. M.N. Dutt (1891–96) (public domain)
MBh 5 73.16
स चैवं पुरुषव्याघ्रः स्वर्गलोकमवाप्तवान्। ततोऽर्जुनो वचः श्रुत्वा धर्मराजेन भाषितम्॥
sa caivaṃ puruṣavyāghraḥ svargalokamavāptavān| tato'rjuno vacaḥ śrutvā dharmarājena bhāṣitam||
That foremost of men has also in his way, ascended to paradise.” Sanjay Said-Thus Arjuna hearing the word spoken by the virtuous king Yudhishthira.
— tr. M.N. Dutt (1891–96) (public domain)
MBh 5 73.17
हा पुत्र इति निःश्वस्य व्यथितोन्यपतद् भुवि। विषण्णवदनाः सर्वे परिवार्य धनंजयम्॥
hā putra iti niḥśvasya vyathitonyapatad bhuvi| viṣaṇṇavadanāḥ sarve parivārya dhanaṃjayam||
And saying, O my son! and sighing like a furnace, fell down on the earth in great distress. Then every one present, with melancholy countenances sat surrounding Dhananjaya.
— tr. M.N. Dutt (1891–96) (public domain)
MBh 5 73.18
नेत्रैरनिमिषैर्दीनाः प्रत्यवेक्षन् परस्परम्। प्रतिलभ्य ततः संज्ञा वासविः क्रोधमूच्छितः॥
netrairanimiṣairdīnāḥ pratyavekṣan parasparam| pratilabhya tataḥ saṃjñā vāsaviḥ krodhamūcchitaḥ||
And highly distressed they began to gaze vacantly at one another with winkless eyes. Then regaining his consciousness and burning with rage, the son of Vasava.
— tr. M.N. Dutt (1891–96) (public domain)
MBh 5 73.19
कम्पमानो ज्वरेणेव निःश्वसंश्च मुहुर्मुहुः। पार्णि पाणौविनिष्पिष्य श्वसमानोऽश्रुनेत्रवान्॥
kampamāno jvareṇeva niḥśvasaṃśca muhurmuhuḥ| pārṇi pāṇauviniṣpiṣya śvasamāno'śrunetravān||
Shivering as if with fever and repeatedly sighing and squeezing his hands and drawing deep breaths and with eyes flooded with tears and rolling his eyes like one mad, said these
— tr. M.N. Dutt (1891–96) (public domain)
MBh 5 73.20
अर्जुन उवाच उन्मत्त इव विप्रेक्षन्निदं वचनमब्रवीत्। सत्यं वः प्रतिजानामि श्वोऽस्मि हन्ता जयद्रथम्। न चेद् वधभयाद् भीतो धार्तराष्ट्रान् प्रहास्यति॥
arjuna uvāca unmatta iva viprekṣannidaṃ vacanamabravīt| satyaṃ vaḥ pratijānāmi śvo'smi hantā jayadratham| na ced vadhabhayād bhīto dhārtarāṣṭrān prahāsyati||
Arjuna said I tell you this for sooth that, tomorrow I will slay Jayadrath, provided that, afraid of being slain, he does not forsake the sons of Dhritarashtra.
— tr. M.N. Dutt (1891–96) (public domain)
MBh 5 73.21
न चास्माशरणं गच्छेत् कृष्णं वा पुरुषोत्तमम्। भवन्तं वा महाराज श्वोऽस्मि हन्ता जयद्रथम्॥
na cāsmāśaraṇaṃ gacchet kṛṣṇaṃ vā puruṣottamam| bhavantaṃ vā mahārāja śvo'smi hantā jayadratham||
Or seek our refuge or that of Krishna the foremost of all male being or that of yourself, O monarch. I will surely slay Jayadratha tomorrow.
— tr. M.N. Dutt (1891–96) (public domain)
MBh 5 73.22
धार्तराष्ट्रप्रियकरं मयि विस्मृतसौहृदम्। पापं बालवधे हेतुं श्वोऽस्मि हन्ता जयद्रथम्॥
dhārtarāṣṭrapriyakaraṃ mayi vismṛtasauhṛdam| pāpaṃ bālavadhe hetuṃ śvo'smi hantā jayadratham||
Tomorrow will I slay Jayadratha who forgetting his friendship for me, has been doing good to the sons of Dhritarashtra and who has become instrumental in bringing about the slaughter of my boy.
— tr. M.N. Dutt (1891–96) (public domain)
MBh 5 73.23
रक्षमाणाश्च तं संख्ये ये मां योत्स्यन्ति केचन। अपि द्रोणकृपौ राजन् छादयिष्यामि ताञ्छरैः॥
rakṣamāṇāśca taṃ saṃkhye ye māṃ yotsyanti kecana| api droṇakṛpau rājan chādayiṣyāmi tāñcharaiḥ||
Desirous of protecting him in battle whosoever shall fight with me, I will cover him, O king, with my arrows, be he Drona himself or Kripa.
— tr. M.N. Dutt (1891–96) (public domain)
MBh 5 73.24
यद्येतदेवं संग्रामे न कुर्यां पुरुषर्षभाः। मा स्म पुण्यकृतां लोकान् प्राप्नुयां शूरसम्मतान्॥
yadyetadevaṃ saṃgrāme na kuryāṃ puruṣarṣabhāḥ| mā sma puṇyakṛtāṃ lokān prāpnuyāṃ śūrasammatān||
O foremost of men, O best of heroes, if I do not do tomorrow in battle what I promise to do, then let me not ever attain to the regions which the righteous attain after death.
— tr. M.N. Dutt (1891–96) (public domain)
MBh 5 73.25
ये लोका मातृहतॄणां ये चापि पितृघातिनाम्। गुरुदारगतानां ये पिशुनानां च ये सदा॥ साधूनसूयतां ये च ये चापि परिवादिनाम्। ये च निक्षेपहर्तृणां ये च विश्वासघातिनाम्॥ भुक्तपूर्वां स्त्रियं ये च विन्दतामघशंसिनाम्। ब्रह्मघ्नानां च ये लोका ये च गोघातिनामपि॥ पायसं वा यवान्नं वा शाकं कृसरमेव वा। संयावापूपमांसानि ये च लोका वृथाश्नताम्॥
ye lokā mātṛhatṝṇāṃ ye cāpi pitṛghātinām| gurudāragatānāṃ ye piśunānāṃ ca ye sadā|| sādhūnasūyatāṃ ye ca ye cāpi parivādinām| ye ca nikṣepahartṛṇāṃ ye ca viśvāsaghātinām|| bhuktapūrvāṃ striyaṃ ye ca vindatāmaghaśaṃsinām| brahmaghnānāṃ ca ye lokā ye ca goghātināmapi|| pāyasaṃ vā yavānnaṃ vā śākaṃ kṛsarameva vā| saṃyāvāpūpamāṃsāni ye ca lokā vṛthāśnatām||
Those regions which are allotted to those who ravish their own mothers, to those who slay their fathers, who violate their preceptor's beds and who are malicious; those regions which are reserved for those who harbour hatred against the righteous, who speak maliciously of others, who appropriate the wealth entrusted with them and who betray their trusts; those regions that are for them who abuse others' wives enjoyed by them before or for them that slay Brahmanas or for them that slaughter the kine or for them that drink payasas or eat food prepared from barley or herbs or articles prepared from milk, sesamum and rice and Pupas and other kinds of cakes or meat, without having first offered them to the gods.
— tr. M.N. Dutt (1891–96) (public domain)
MBh 5 73.26
तानन्हायाधिगच्छेयं न चेद्धन्यां जयद्रथम्। वेदाध्यायिनमत्यर्थं संशितं वा द्विजोत्तमम्॥ अवमन्यमानो यान् याति वृद्धान् साधून् गुरुंस्तथा। स्पृशतो ब्राह्मणं गां च पादेनाग्निं च या भवेत्॥ याऽप्सु श्लेष्म पुरीषं च मूत्रं वा मुञ्चतां गतिः। तां गच्छेयं गतिं कष्टां न चेद्धन्यां जयद्रथम्॥
tānanhāyādhigaccheyaṃ na ceddhanyāṃ jayadratham| vedādhyāyinamatyarthaṃ saṃśitaṃ vā dvijottamam|| avamanyamāno yān yāti vṛddhān sādhūn guruṃstathā| spṛśato brāhmaṇaṃ gāṃ ca pādenāgniṃ ca yā bhavet|| yā'psu śleṣma purīṣaṃ ca mūtraṃ vā muñcatāṃ gatiḥ| tāṃ gaccheyaṃ gatiṃ kaṣṭāṃ na ceddhanyāṃ jayadratham||
Even those regions shall I attain to, if I do not slay Jayadratha. Those regions to which they go who contemn the Brahmanas devoted to the study of the Vedas or otherwise deserving of veneration or those that are senior in years or those that are senior in years or those that are pious or those that are preceptors, (even those region shall mine if I do not slay Jayadratha). That end which becomes theirs who touch the Brahmanas and the fire with their feet, that end which becomes theirs, who throw phlegm or excretions on and discharge urine in water, even that most miserable end shall be mine, if indeed I do not slay Jayadratha tomorrow.
— tr. M.N. Dutt (1891–96) (public domain)
MBh 5 73.27
नग्नस्य नायमानस्य या च वन्ध्यातिथेर्गतिः। उत्कोचिनां मृषोक्तीनां वञ्चकानां च या गतिः॥ आत्मापहारिणां या च या च मिथ्याभिशंसिनाम्। भृत्यैः संदिश्यमानानां पुत्रदाराश्रितैस्तथा॥ असंविभज्य क्षुद्राणां या गतिर्मिष्टमश्नताम्। तां गच्छेयं गति घोरां न चेद्धन्यां जयद्रथम्॥
nagnasya nāyamānasya yā ca vandhyātithergatiḥ| utkocināṃ mṛṣoktīnāṃ vañcakānāṃ ca yā gatiḥ|| ātmāpahāriṇāṃ yā ca yā ca mithyābhiśaṃsinām| bhṛtyaiḥ saṃdiśyamānānāṃ putradārāśritaistathā|| asaṃvibhajya kṣudrāṇāṃ yā gatirmiṣṭamaśnatām| tāṃ gaccheyaṃ gati ghorāṃ na ceddhanyāṃ jayadratham||
That end that overtakes him who bathes naked in water or him who does not hospitably entertain a guest; that and that overtakes them who accept bribes, speak falsehoods and deceive and cheat men; that end that overtakes them who offend against their own souls or who falsely utter praises, that end ihat overtakes low wretches who eat sweetmeats before servants, and wives and dependents without giving them a share of them, may that end also overtake me if I do not slay Jayadratha.
— tr. M.N. Dutt (1891–96) (public domain)
MBh 5 73.28
संश्रितं चापि यस्त्यक्त्वा साधुं तद्वचने रतम्। न विभर्ति नृशंसात्मा निन्दते चोपकारिणम्॥ अर्हते प्रातिवेश्याय श्राद्धं यो न ददाति च। अनर्हेभ्यश्च यो दद्याद् वृषलीपतये तथा॥ मद्यपो भिन्नमर्यादः कृतघ्नो भर्तृनिन्दकः। तेषां गतिमियां क्षिप्रं न चेद्धन्यां जयद्रथम्॥
saṃśritaṃ cāpi yastyaktvā sādhuṃ tadvacane ratam| na vibharti nṛśaṃsātmā nindate copakāriṇam|| arhate prātiveśyāya śrāddhaṃ yo na dadāti ca| anarhebhyaśca yo dadyād vṛṣalīpataye tathā|| madyapo bhinnamaryādaḥ kṛtaghno bhartṛnindakaḥ| teṣāṃ gatimiyāṃ kṣipraṃ na ceddhanyāṃ jayadratham||
That end which overtakes the cruel-hearted wretch who without maintaining a pious and sons obedient protege casts him off or him who without giving a deserving neighbour the offerings in a sraddha, gives them to one undeserving of them; that end that overtakes them who accept in marriage Vrishalis; that end which becomes his who indulges in wine, his who contemns those that are worthy of veneration or his who is ungrateful or his who speaks evil of his brethren, that end shall also soon overtake me if I do not slay Jayadratha.
— tr. M.N. Dutt (1891–96) (public domain)
MBh 5 73.29
भुञ्जानानां तु सव्येन उत्सङ्गे चापि खादताम्। पालाशमासनं चैव तिन्दुकैर्दन्तधावनम्॥ ये चावर्जयतां लोकाः स्वपतां च तथोषसि।
bhuñjānānāṃ tu savyena utsaṅge cāpi khādatām| pālāśamāsanaṃ caiva tindukairdantadhāvanam|| ye cāvarjayatāṃ lokāḥ svapatāṃ ca tathoṣasi|
(If I fail in killing Jayadratha) the hellish living obtained by the people eating meal through left hand, put the food on lap while eating, not abandon the seat of Palasha and brush of Tenduki shall be accepted by me.
— tr. M.N. Dutt (1891–96) (public domain)
MBh 5 73.30
शीतभीताश्च ये विप्रा रणभीताश्च क्षत्रियाः॥ एककूपोदकग्रामे वेदध्वनिविवर्जिते। षण्मासं तत्र वसतां तथा शास्त्रं विनिन्दताम्॥ दिवामैथुनिनां चापि दिवसेषु च शेरते। अगारदाहिनां चैव गरदानां च ये मताः॥ अग्न्यातिथ्यविहीनाश्च गोपानेषु च विघ्नदाः। रजस्वला सेवयन्तः कन्यां शुल्केन दायिनः॥ या च वै बहुयाजिनां ब्राह्मणानां श्ववृत्तिनाम्। आस्यमैथुनिकानां च ये दिवा मैथुने रताः॥ ब्राह्मणस्य प्रतिश्रुत्य यो वै लोभाद् ददाति न। तेषां गतिं गमिष्यामि श्वो न हन्यां जयद्रथम्॥
śītabhītāśca ye viprā raṇabhītāśca kṣatriyāḥ|| ekakūpodakagrāme vedadhvanivivarjite| ṣaṇmāsaṃ tatra vasatāṃ tathā śāstraṃ vinindatām|| divāmaithunināṃ cāpi divaseṣu ca śerate| agāradāhināṃ caiva garadānāṃ ca ye matāḥ|| agnyātithyavihīnāśca gopāneṣu ca vighnadāḥ| rajasvalā sevayantaḥ kanyāṃ śulkena dāyinaḥ|| yā ca vai bahuyājināṃ brāhmaṇānāṃ śvavṛttinām| āsyamaithunikānāṃ ca ye divā maithune ratāḥ|| brāhmaṇasya pratiśrutya yo vai lobhād dadāti na| teṣāṃ gatiṃ gamiṣyāmi śvo na hanyāṃ jayadratham||
If I fail in killing Jayadratha tomorrow, the status of living or the insults as befallen on the persons described hereinafter shall be accepted by me. These persons are-the Brahmins who fear of winter, the Kshatriya who fears of battle, the village where single well is dug for drinking water and where Vedic hymns never chanted-the persons living in such village for six mouths, the people who condemn the scriptures, who cohabit and sleep in the day, who set others' home on fire and poison them, who seldom arrange offering and entertain guests, who disturb cows to drink water, who enjoy intercourse with wife during her marriage by collecting fee, who make numerous clients and live on service even after born in Brahmin family, who enjoy intercourse unnatural way (insertion of penis in mouth) or do intercourse in the day and who promise to give something to any Brahmin but avoid lateron under influence of greed.
— tr. M.N. Dutt (1891–96) (public domain)
MBh 5 73.31
धर्मादपेता ये चान्ये मया नात्रानुकीर्तिताः। ये चानुकीर्तितास्तेषां गतिं क्षिप्रमवाप्नुयाम्॥ यदि व्युष्टामिमां रात्रिं श्वो न हन्यां जयद्रथम्।
dharmādapetā ye cānye mayā nātrānukīrtitāḥ| ye cānukīrtitāsteṣāṃ gatiṃ kṣipramavāpnuyām|| yadi vyuṣṭāmimāṃ rātriṃ śvo na hanyāṃ jayadratham|
The ends of all those wretched persons whom I have not enumerated, as also of those whom I have here mentioned, shall soon overtake me, if, after this night passing away, I do not slay Jayadratha tomorrow.
— tr. M.N. Dutt (1891–96) (public domain)
MBh 5 73.32
इमां चाप्यपरां भूयः प्रतिज्ञां मे निबोधत॥ यद्यस्मिन्त्रहते पापे सूर्योऽस्तमुपयास्यति। इहैव सम्प्रवेष्टाऽहं ज्वलितं जातवेदसम्॥
imāṃ cāpyaparāṃ bhūyaḥ pratijñāṃ me nibodhata|| yadyasmintrahate pāpe sūryo'stamupayāsyati| ihaiva sampraveṣṭā'haṃ jvalitaṃ jātavedasam||
Now listen to another oath of mine. If tomorrow's sun sets before I succeed in slaying this sinful wretch, then even here shall I enter into a blazing fire.
— tr. M.N. Dutt (1891–96) (public domain)
MBh 5 73.33
असुरसुरमनुष्या: पक्षिणो वोरगा वा पितृजनिचरा वा ब्रह्मदेवर्षयो वा। चरमचरमपीदं यत्परं चापि तस्मात् तदपि ममरिपुं तं रक्षितुं नैव शक्ताः॥
asurasuramanuṣyā: pakṣiṇo voragā vā pitṛjanicarā vā brahmadevarṣayo vā| caramacaramapīdaṃ yatparaṃ cāpi tasmāt tadapi mamaripuṃ taṃ rakṣituṃ naiva śaktāḥ||
Asuras and the celestials, mortals, winged creatures, reptiles or ancestral manes, rangers of the night, Brahmanical or celestials sages, the mobile and immobile things and beings and what other things there may be on the face of the earth, even all these will not be able to protect that foe of mine.
— tr. M.N. Dutt (1891–96) (public domain)
MBh 5 73.34
यदि विशति रसातलं तदग्यं वियदपि देवपुरं दितेः पुरं वा। तदपि शरशतैरहं प्रभाते भृशमभिमन्युरिपोः शिरोऽभिहर्ता॥
yadi viśati rasātalaṃ tadagyaṃ viyadapi devapuraṃ diteḥ puraṃ vā| tadapi śaraśatairahaṃ prabhāte bhṛśamabhimanyuripoḥ śiro'bhihartā||
If he enters the nether regions or ascends to the skies or repairs to the celestial regions or to the dominion of the Daityas, I will still, with a group of hundred, shafts, cut-off the head of Abhimanyu's enemy, when this night passed away."
— tr. M.N. Dutt (1891–96) (public domain)
MBh 5 73.35
संजय उवाच एवमुक्त्वा विचिक्षेप गाण्डीवं सव्यदक्षिणम्। तस्य शब्दमतिक्रम्य धनुः शब्दोऽस्पृशद् दिवम्॥
saṃjaya uvāca evamuktvā vicikṣepa gāṇḍīvaṃ savyadakṣiṇam| tasya śabdamatikramya dhanuḥ śabdo'spṛśad divam||
Sanjaya Said Having spoken these words, Arjuna began to twang his bow with both his right and left arms. Rising above the voice of Arjuna, the sound of the twanging bow touched even the very heavens.
— tr. M.N. Dutt (1891–96) (public domain)
MBh 5 73.36
अर्जुनेन प्रतिज्ञाते पाञ्चजन्यं जनार्दनः। प्रदध्मौ तत्रं संकुद्धो देवदत्तं च फाल्गुनः॥
arjunena pratijñāte pāñcajanyaṃ janārdanaḥ| pradadhmau tatraṃ saṃkuddho devadattaṃ ca phālgunaḥ||
When Arjuna had thus taken that oath Janardana blew the conch Panchajanya and Phalguna also excited with rage blew his conch Devadatta.
— tr. M.N. Dutt (1891–96) (public domain)
MBh 5 73.37
स पाञ्चजन्योऽच्युतवक्त्रवायुना भृशं सुपूर्णोदरनिःसृत ध्वनिः। जगत सपाताल वियद्दिगीश्वरं प्रकम्पयामास युगात्यये यथा॥
sa pāñcajanyo'cyutavaktravāyunā bhṛśaṃ supūrṇodaraniḥsṛta dhvaniḥ| jagata sapātāla viyaddigīśvaraṃ prakampayāmāsa yugātyaye yathā||
Then that conch Panchajanya being filled with the breath of the undeteriorating Krishna, emitted a loud sound and that sound then caused the universe, the nether regions, the heavens and the quarters O lord, to tremble, as if the end of a Yuga had come.
— tr. M.N. Dutt (1891–96) (public domain)
MBh 5 73.38
ततो वादित्रघोषाश्च प्रादुरासन् सहस्रशः। सिंहनादश्च पाण्डूनां प्रतिज्ञाते महात्मना॥
tato vāditraghoṣāśca prādurāsan sahasraśaḥ| siṃhanādaśca pāṇḍūnāṃ pratijñāte mahātmanā||
Then when the high-souled Arjuna had taken that oath, sounds of thousands of musical instruments and fierce war-cries, arose from the encampment of the Pandavas.
— tr. M.N. Dutt (1891–96) (public domain)