Mahabharata — Volume V (Dutt edition) — Chapter 72
MBh 5 72.1
संजय उवाच तस्मिन्नहनि निर्वृत्ते घोरे प्राणभृतां क्षये। आदित्येऽस्तं गते श्रीमान् संध्याकाल उपस्थिते॥
saṃjaya uvāca tasminnahani nirvṛtte ghore prāṇabhṛtāṃ kṣaye| āditye'staṃ gate śrīmān saṃdhyākāla upasthite||
Sanjaya said When that dreadful day so fraught with the slaughter of creatures had passed away and when the sun set, the auspicious shade of twilight began to spread itself.
— tr. M.N. Dutt (1891–96) (public domain)
MBh 5 72.2
व्यपयातेषु वासाय सर्वेषु भरतर्षभ। हत्वा संशप्तकवातान् दिव्यैरस्त्रैः कपिध्वजः॥ प्रायात् स शिबिरं जिष्णु जैत्रमास्थाय तं रथम्। गच्छन्नेव च गोविन्दं साश्रुकण्ठोऽभ्यभाषत॥
vyapayāteṣu vāsāya sarveṣu bharatarṣabha| hatvā saṃśaptakavātān divyairastraiḥ kapidhvajaḥ|| prāyāt sa śibiraṃ jiṣṇu jaitramāsthāya taṃ ratham| gacchanneva ca govindaṃ sāśrukaṇṭho'bhyabhāṣata||
Then, O foremost of the Bharatas, when the troops of both the hosts had retired to their respective quarters, the ape-bannered Jishnu having slain the Samshaptaka hosts with his celestial weapons, proceeded towards his pavilion mounted on that victorious chariot of his. As he went on, he asked Govinda, in a voice choked with tears.
— tr. M.N. Dutt (1891–96) (public domain)
MBh 5 72.3
किं नु मे हृदयं त्रस्तं वाक् च सज्जति केशव। स्यन्दन्ति चाप्यनिष्टानिगात्रं सीदति चाप्युत॥
kiṃ nu me hṛdayaṃ trastaṃ vāk ca sajjati keśava| syandanti cāpyaniṣṭānigātraṃ sīdati cāpyuta||
“Why, O Keshava, does my mind misgive and why does my speech falter? Evil portents reveal themselves to me and my limbs are becoming weak.
— tr. M.N. Dutt (1891–96) (public domain)
MBh 5 72.4
अनिष्टं चैव मे श्लिष्टं हृदयान्नापसर्पति। भुवि ये दिक्षु चात्युग्रा उत्पातास्त्रासयन्ति माम्॥
aniṣṭaṃ caiva me śliṣṭaṃ hṛdayānnāpasarpati| bhuvi ye dikṣu cātyugrā utpātāstrāsayanti mām||
Thoughts, such as a calamity has befallen me, occupying my heart, does not leave it; on earth, in all the directions, various dreadful portents affright me.
— tr. M.N. Dutt (1891–96) (public domain)
MBh 5 72.5
बहुप्रकारा दृश्यन्ते सर्व एवाघशंसिनः। अपि स्वस्ति भवेद् राज्ञः सामात्यस्य गुरोर्मम॥
bahuprakārā dṛśyante sarva evāghaśaṃsinaḥ| api svasti bhaved rājñaḥ sāmātyasya gurormama||
Various kinds of omens are being seen by me and they harbinger the happening of a calamity, May all things fare well with the king, my venerable superior and with his followers."
— tr. M.N. Dutt (1891–96) (public domain)
MBh 5 72.6
वासुदेव उवाच व्यक्तं शिवं तव भ्रातुः सामात्यस्य भविष्यति। मा शुचः किञ्चदेवान्यत् तत्रानिष्टं भविष्यति॥
vāsudeva uvāca vyaktaṃ śivaṃ tava bhrātuḥ sāmātyasya bhaviṣyati| mā śucaḥ kiñcadevānyat tatrāniṣṭaṃ bhaviṣyati||
The son of Vasudeva said It is evident that everything fares well with your brothers and his ministers. Do not give way to evil thoughts; it is probable, that some trivial calamity has taken place.
— tr. M.N. Dutt (1891–96) (public domain)
MBh 5 72.7
संजय उवाच ततः संध्यामुपास्यैव वीरौ वीरावसादने। कथयन्तौ रणे वृत्तं प्रयातौ रथमास्थितौ॥
saṃjaya uvāca tataḥ saṃdhyāmupāsyaiva vīrau vīrāvasādane| kathayantau raṇe vṛttaṃ prayātau rathamāsthitau||
Sanjaya said Then those two heroes, having adored the evening twilight, proceeded on their car talking of the incidents of that day's battle so destructive of heroes.
— tr. M.N. Dutt (1891–96) (public domain)
MBh 5 72.8
ततः स्वशिबिरं प्राप्तौ हतानन्दं हतत्विषम्। वासुदेवोऽर्जुनश्चैव कृत्वा कर्म सुदुष्करम्॥
tataḥ svaśibiraṃ prāptau hatānandaṃ hatatviṣam| vāsudevo'rjunaścaiva kṛtvā karma suduṣkaram||
Thereafter having achieved feats difficult of being achieved, Arjuna and Vasudeva reached the Pandava encampments, joyless joyless and melancholy.
— tr. M.N. Dutt (1891–96) (public domain)
MBh 5 72.9
ध्वस्ताकारं समालक्ष्य शिबिरं परवीरहा। बीभत्सुब्रवीत् कृष्णमस्वस्थहृदयस्ततः॥
dhvastākāraṃ samālakṣya śibiraṃ paravīrahā| bībhatsubravīt kṛṣṇamasvasthahṛdayastataḥ||
Then that slayer of foes, Vibhatsu, beholding the camp in confusion, said to Krishna with a sorrowful heart-
— tr. M.N. Dutt (1891–96) (public domain)
MBh 5 72.10
अर्जुन उवाच नदन्ति नाद्य तूर्योणि मङ्गल्यानि जनार्दन। मिश्रा दुन्दुभिनिर्घोषैः शङ्खाश्चाडम्बरैः सह॥
arjuna uvāca nadanti nādya tūryoṇi maṅgalyāni janārdana| miśrā dundubhinirghoṣaiḥ śaṅkhāścāḍambaraiḥ saha||
Arjuna said O Jaraddana, the auspicious drums are not best today and their sound does not add to the din created by the trumpet-blasts and conchblares.
— tr. M.N. Dutt (1891–96) (public domain)
MBh 5 72.11
वीणा नैवाद्य वाद्यन्ते शम्यातालस्वनैः सह। मङ्गल्यानि च गीतानि च गायन्ति पठन्ति च॥ स्तुतियुक्तानि रम्याणि ममानीकेषु बन्दिनः। योधाश्चापि हि मां दृष्ट्वा निवर्तन्ते ह्यधोमुखाः॥
vīṇā naivādya vādyante śamyātālasvanaiḥ saha| maṅgalyāni ca gītāni ca gāyanti paṭhanti ca|| stutiyuktāni ramyāṇi mamānīkeṣu bandinaḥ| yodhāścāpi hi māṃ dṛṣṭvā nivartante hyadhomukhāḥ||
The melodious Venu is not played upon accompanied by claps; auspicious songs, fraught with praises and delightful, are not sung in my troops today, by the minstrels and the bards. All warriors also, beholding me, are turning away.with their faces cast down.
— tr. M.N. Dutt (1891–96) (public domain)
MBh 5 72.12
कर्माणि च यथापूर्वं कृत्वा नाभिवदन्ति माम्। अपि स्वस्ति भवेदध भ्रातृभ्यो मम माधव॥
karmāṇi ca yathāpūrvaṃ kṛtvā nābhivadanti mām| api svasti bhavedadha bhrātṛbhyo mama mādhava||
Duly performing the ceremonies one after another, they do not come forward to salute me. O Madhava, is everything well with all my brothers?
— tr. M.N. Dutt (1891–96) (public domain)
MBh 5 72.13
न हि शुद्ध्यति मे भावो दृष्ट्वा स्वजनमाकुलम्। अपि पाञ्चालराजस्य विराटस्य च मानद॥
na hi śuddhyati me bhāvo dṛṣṭvā svajanamākulam| api pāñcālarājasya virāṭasya ca mānada||
Seeing my own people distressed with sorrow, my mind does not obtain peace. Does everything fare well, o bestower of honour, with the Panchala king or the ruler of the Viratas.
— tr. M.N. Dutt (1891–96) (public domain)
MBh 5 72.14
सर्वेषां चैवयोधानां सामग्यं स्यान्ममाच्युत। न च मामद्य सौभद्रः प्रहृष्टो भ्रातृभिः सह। रणादायान्तुमुचितं प्रत्युद्याति हसन्निव॥
sarveṣāṃ caivayodhānāṃ sāmagyaṃ syānmamācyuta| na ca māmadya saubhadraḥ prahṛṣṭo bhrātṛbhiḥ saha| raṇādāyāntumucitaṃ pratyudyāti hasanniva||
Or with all of our warriors, you of undeteriorating glory? Alas, today Subhadra's son accompanied by his brothers, does not come out, smiling and joyful to receive me returning from battle.
— tr. M.N. Dutt (1891–96) (public domain)
MBh 5 72.15
संजय उवाच एवं सकथयन्तौ तौ प्रविष्टौ शिबिरं स्वकम्। ददृशाते भृशास्वस्थान् पाण्डवान् नष्टचेतसः॥
saṃjaya uvāca evaṃ sakathayantau tau praviṣṭau śibiraṃ svakam| dadṛśāte bhṛśāsvasthān pāṇḍavān naṣṭacetasaḥ||
Sanjaya said Thus talking to one another, they both entered into their encampments and they beheld the Pandavas sit cheerless and with hearts distracted (with grief).
— tr. M.N. Dutt (1891–96) (public domain)
MBh 5 72.16
दृष्ट्वा भ्रातूंश्च पुत्रांश्च विमना वानरध्वजः। अपश्यंश्चैव सौभद्रमिदं वचनमब्रवीत्॥
dṛṣṭvā bhrātūṃśca putrāṃśca vimanā vānaradhvajaḥ| apaśyaṃścaiva saubhadramidaṃ vacanamabravīt||
Then that hero bearing the ape as a device on his banner, seeing his brother and sons (thus depressed), himself became melancholy. Then not finding Subhadra's son he spoke these
— tr. M.N. Dutt (1891–96) (public domain)
MBh 5 72.17
अर्जुन उवाच मुखवर्णोऽप्रसन्नो वः सर्वेषामेव लक्ष्यते। न चाभिमन्यु पश्यामि न च मां प्रतिनन्दथ॥
arjuna uvāca mukhavarṇo'prasanno vaḥ sarveṣāmeva lakṣyate| na cābhimanyu paśyāmi na ca māṃ pratinandatha||
Arjuna said I see that the colour of your countenances has turned pale. I do not also see Abhimanyu here, nor do you welcome me.
— tr. M.N. Dutt (1891–96) (public domain)
MBh 5 72.18
मया श्रुतश्च द्रोणेन चक्रव्यूहो विनिर्मितः। न च वस्तस्य भेत्ताऽस्ति विना सौभद्रमर्भकम्॥
mayā śrutaśca droṇena cakravyūho vinirmitaḥ| na ca vastasya bhettā'sti vinā saubhadramarbhakam||
I have also heard that Drona today arrayed his troops in the circular order. There is also none among you capable of penetrating into that array, save my boy Abhimanyu.
— tr. M.N. Dutt (1891–96) (public domain)
MBh 5 72.19
न चोपदिष्टस्तस्यासीन्मयानीकाद् विनिर्गमः। कच्चिन्न बालो युष्माभिः परानीकं प्रवेशितः॥
na copadiṣṭastasyāsīnmayānīkād vinirgamaḥ| kaccinna bālo yuṣmābhiḥ parānīkaṃ praveśitaḥ||
But I did not teach him the means of coming out of that array. Is it that you made the boy enter the array of the enemy?
— tr. M.N. Dutt (1891–96) (public domain)
MBh 5 72.20
भित्त्वानीकं महेष्वासः परेषां बहुशो युधि। कच्चिन्न निहतः संख्ये सौभद्रः परवीरहा॥
bhittvānīkaṃ maheṣvāsaḥ pareṣāṃ bahuśo yudhi| kaccinna nihataḥ saṃkhye saubhadraḥ paravīrahā||
Has that fierce bowman, that slayer of hostile heroes, namely, the son of Subhadra, having penetrated into those numberless divisions of the enemy, been slain in battle.
— tr. M.N. Dutt (1891–96) (public domain)
MBh 5 72.21
लोहिताक्षं महाबाहुं जातं सिंहमिवाद्रिषु। उपेन्द्रसदृशं ब्रत कथमायोधने हतः॥
lohitākṣaṃ mahābāhuṃ jātaṃ siṃhamivādriṣu| upendrasadṛśaṃ brata kathamāyodhane hataḥ||
Tell me, Oh, how that hero possessed of mighty arms and red eyes, who was born in our race, like a lion on the mountain breast and who resembled Upendra himself, has been slain in battle?
— tr. M.N. Dutt (1891–96) (public domain)
MBh 5 72.22
सुकुमारं महेष्वासं वासवस्यात्मजात्मजम्। सदा मम प्रियं ब्रूत कथमायोधने हतः॥
sukumāraṃ maheṣvāsaṃ vāsavasyātmajātmajam| sadā mama priyaṃ brūta kathamāyodhane hataḥ||
Tell me about Abhimanyu, the grandson of Indra, the great archer, delicate body youth and always dear to me. How was he slaughtered in the battle.
— tr. M.N. Dutt (1891–96) (public domain)
MBh 5 72.23
सुभद्रायाः प्रियं पुत्रं द्रौपद्याः केशवस्य च। अम्बायाश्च प्रियं नित्यं कोऽवधीत् कालमोहितः॥
subhadrāyāḥ priyaṃ putraṃ draupadyāḥ keśavasya ca| ambāyāśca priyaṃ nityaṃ ko'vadhīt kālamohitaḥ||
What warriors, urged on by their evil Destiny, ventured to slay that dear-loved son of Subhadra, that favourite of Draupadi and Keshava, who was always fondly loved by my own mother (Kunti)?
— tr. M.N. Dutt (1891–96) (public domain)
MBh 5 72.24
सदृशो वृष्णिवीरस्य केशवस्य महात्मनः। विक्रमश्रुतमाहात्म्यैः कथमायोधने हतः॥
sadṛśo vṛṣṇivīrasya keśavasya mahātmanaḥ| vikramaśrutamāhātmyaiḥ kathamāyodhane hataḥ||
How has that hero resembling the highsouled Vrishni hero Keshava himself in prowess, generosity and acquaintance with the Shastras, been slain in battle?
— tr. M.N. Dutt (1891–96) (public domain)
MBh 5 72.25
वार्ष्णेयीदयितं शूरं मया सततलालितम्। यदि पुत्रं न पश्यामि यास्यामि यमसादनम्॥
vārṣṇeyīdayitaṃ śūraṃ mayā satatalālitam| yadi putraṃ na paśyāmi yāsyāmi yamasādanam||
If today I do not see that hero dearly loved by that daughter of Vrishni race (Subhadra) and fondly brought up by myself, I shall be a guest of Death's abode.
— tr. M.N. Dutt (1891–96) (public domain)
MBh 5 72.26
मृदुकुञ्चितकेशान्तं बालं वालमृगेक्षणम्। मत्तद्विरदविक्रान्तं शालपोतमिवोद्गतम्॥ स्मिताभिभाषिणं दन्तं गुरुवाक्यकरं सदा। बाल्येऽप्यतुलकर्माणं प्रियवाक्यममत्सरम्॥ महोत्साहं महाबाहुं दीर्घराजीवलोचनम्। भक्तानुकम्पिनं दान्तं न च नीचानुसारिणम्॥ कृतज्ञं ज्ञानसम्पन्नं कृतास्त्रमनिवर्तिनम्। युद्धाभिनन्दिनं नित्यं द्विषतां भयवर्धनम्॥ स्वेषां प्रियहिते युक्तं पितॄणां जयगृद्धिनम्। न च पूर्वं प्रहर्तारं संग्रामे नष्टसम्भ्रमम्॥ यदि पुत्रं न पश्यामि यास्मामि यमसादनम्।
mṛdukuñcitakeśāntaṃ bālaṃ vālamṛgekṣaṇam| mattadviradavikrāntaṃ śālapotamivodgatam|| smitābhibhāṣiṇaṃ dantaṃ guruvākyakaraṃ sadā| bālye'pyatulakarmāṇaṃ priyavākyamamatsaram|| mahotsāhaṃ mahābāhuṃ dīrgharājīvalocanam| bhaktānukampinaṃ dāntaṃ na ca nīcānusāriṇam|| kṛtajñaṃ jñānasampannaṃ kṛtāstramanivartinam| yuddhābhinandinaṃ nityaṃ dviṣatāṃ bhayavardhanam|| sveṣāṃ priyahite yuktaṃ pitṝṇāṃ jayagṛddhinam| na ca pūrvaṃ prahartāraṃ saṃgrāme naṣṭasambhramam|| yadi putraṃ na paśyāmi yāsmāmi yamasādanam|
Possessed of soft and curling hair-ends, of tender years, of eyes like those of a young gazelle graced with the tread of an infuriate elephant, resembling an offshoot of a Shala tree. Of sweet speeches attended with smiles, modest, ever ready to carry out the behests of his venerables, achieving in tender years, feats worthy of mature age, sweet-spoken, free from animosity. Of mighty energy and prowess, of eyes resembling large lotus-petals, ever merciful towards his followers, self-possessed, never pursuing mean objects and men. Ever grateful, endued with the knowledge of all things, unretreating and accomplished in the use of all kinds of weapons, ever delighting in battle and ever enhancing the terror of his adversaries. Always intent on bringing about the welfare of his own party, ever desirous of seeing victory secured by his own sires, never striking first in battle, never daunted in fight. Oh! if, I do not see such a son of mine, I shall carry me to the abode of Death.
— tr. M.N. Dutt (1891–96) (public domain)
MBh 5 72.27
रथेषु गण्यमानेषु गणितं तं महारथम्॥ मयाध्यर्धगुणं संख्ये तरुणं बाहुशालिनम्।
ratheṣu gaṇyamāneṣu gaṇitaṃ taṃ mahāratham|| mayādhyardhaguṇaṃ saṃkhye taruṇaṃ bāhuśālinam|
WEHRI forei fari anae ia 2113811
— tr. M.N. Dutt (1891–96) (public domain)
MBh 5 72.28
यदि पुत्रं न पश्यामि यास्यामि यमसादनम्।
yadi putraṃ na paśyāmi yāsyāmi yamasādanam|
In the tale of car-warriors, always counted with the mighty car-warriors. Possessed of mighty arins, of tender years, one and a half times superior to me in battle, always a favourite of myself, Pradyumna and Keshava. Oh, if I do not see that son of mine, I shall go to the regions of Death,
— tr. M.N. Dutt (1891–96) (public domain)
MBh 5 72.29
सुनसं सुललाटान्तं स्वक्षिभ्रदशनच्छदम्॥ अपश्यतस्तद्वदनं का शान्तिर्हदयस्य मे।
sunasaṃ sulalāṭāntaṃ svakṣibhradaśanacchadam|| apaśyatastadvadanaṃ kā śāntirhadayasya me|
Graced with a beautiful nose and fore-head and eyes and eyebrows and teeth and lips. Oh, without seeing that countenance of his, I shall enjoy no peace of mind.
— tr. M.N. Dutt (1891–96) (public domain)
MBh 5 72.30
तन्त्रीस्वनमुखं रम्यं पुंस्कोकिलसमध्वनिम्॥ अशृण्वतः स्वनं तस्य का शान्तिर्हृदयस्य मे।
tantrīsvanamukhaṃ ramyaṃ puṃskokilasamadhvanim|| aśṛṇvataḥ svanaṃ tasya kā śāntirhṛdayasya me|
Delightful like the warding of a lyre, charming and melodious like the voice of a cuckoo. Oh, without hearing that voice of his what peace can my heart enjoy?
— tr. M.N. Dutt (1891–96) (public domain)
MBh 5 72.31
रूपं चाप्रतिमं तस्य त्रिदशेश्चापि दुर्लभम्॥ अपश्यतो हि वीरस्य का शान्तिर्हृदयस्य मे।
rūpaṃ cāpratimaṃ tasya tridaśeścāpi durlabham|| apaśyato hi vīrasya kā śāntirhṛdayasya me|
His beauty that was unequaled and scarce even among the heaven-dwelling gods. Oh, without beholding that beauty of his, what peace can my heart enjoy?
— tr. M.N. Dutt (1891–96) (public domain)
MBh 5 72.32
अभिवादनदक्षं तं पितॄणां वचने रतम्॥ नाद्याहं यदि पश्यामि का शान्तिर्हृदयस्य मे।
abhivādanadakṣaṃ taṃ pitṝṇāṃ vacane ratam|| nādyāhaṃ yadi paśyāmi kā śāntirhṛdayasya me|
Skillful in congratulating and welcoming others, obedient to the commands of his sires. If I do not see that son of mine, what peace can my heart enjoy?
— tr. M.N. Dutt (1891–96) (public domain)
MBh 5 72.33
सुकुमारः सदा वीरो महार्हशयनोचितः॥ भूमावनाथवच्छेते नूनं नाथवतां वरः।
sukumāraḥ sadā vīro mahārhaśayanocitaḥ|| bhūmāvanāthavacchete nūnaṃ nāthavatāṃ varaḥ|
Brought up in all luxury, always heroic and accustomed to lie on precious beds. He lies today on the bare earth like one helpless, though he is foremost of all who have others to look after them.
— tr. M.N. Dutt (1891–96) (public domain)
MBh 5 72.34
शयानं समुपासन्ति यं पुरा परमस्त्रिय॥ तमद्य विप्रविद्धाङ्गमुपासन्त्यशिवाः शिवाः।
śayānaṃ samupāsanti yaṃ purā paramastriya|| tamadya vipraviddhāṅgamupāsantyaśivāḥ śivāḥ|
He upon whom, when on his bed, the most beautiful women used to attend. Oh! even he, his bodies mutilated with with shafts, has inauspicious jackals prowling over the field to attend upon him today!
— tr. M.N. Dutt (1891–96) (public domain)
MBh 5 72.35
यः पुरा बोध्यते सुप्तः सूतमागधबन्दिभिः॥ बोधयन्त्यद्य तं नूनं श्वापदा विकृतैः स्वनैः।
yaḥ purā bodhyate suptaḥ sūtamāgadhabandibhiḥ|| bodhayantyadya taṃ nūnaṃ śvāpadā vikṛtaiḥ svanaiḥ|
He who formerly used to be awakened from his sleep by songsters, ministrels and panegyrists. Oh! even he shall today be roused by the fierce yells of the beasts of prey.
— tr. M.N. Dutt (1891–96) (public domain)
MBh 5 72.36
छत्रच्छायासमुचितं तस्य तद् वदनं शुभम्॥ नूनमद्य रजोध्वस्तं रणरेणुः करिष्यति।
chatracchāyāsamucitaṃ tasya tad vadanaṃ śubham|| nūnamadya rajodhvastaṃ raṇareṇuḥ kariṣyati|
That auspicious and charming countenances of his, worthy of being shaded by umbrellas. Shall today be soiled with the dust rising from the field of battle.
— tr. M.N. Dutt (1891–96) (public domain)
MBh 5 72.37
हा पुत्रकावितृप्तस्य सततं पुत्रदर्शने॥ भाग्यहीनस्य कालेन यथा मे नीयसे बलात्।
hā putrakāvitṛptasya satataṃ putradarśane|| bhāgyahīnasya kālena yathā me nīyase balāt|
Oh! my dear child, I, who was never satiated with looking at you. Alas! unfortunate that I am I have been forcibly bereft of you by Death.
— tr. M.N. Dutt (1891–96) (public domain)
MBh 5 72.38
सा च संयमनी नूनं सदा सुकृतिनां गतिः॥ स्वभाभि सिता रम्या त्वयात्पर्थं विराजते।
sā ca saṃyamanī nūnaṃ sadā sukṛtināṃ gatiḥ|| svabhābhi sitā ramyā tvayātparthaṃ virājate|
Surely the mansion of Death, that goal of persons of pious deeds. That delightful palace, has today been illumined by your splendour and so has been made highly charming by you.
— tr. M.N. Dutt (1891–96) (public domain)
MBh 5 72.39
नूनं वैवस्वतश्च त्वां वरुणश्च प्रियातिथिम्॥ शतक्रतुर्धनेशश्च प्राप्तमर्चन्त्यभीरुकम्।
nūnaṃ vaivasvataśca tvāṃ varuṇaśca priyātithim|| śatakraturdhaneśaśca prāptamarcantyabhīrukam|
"Surely Yama, Varuna, Indra of hundred sacrifices and Kubera, receiving yourself as a welcome guest, are making preparations for worshipping you.”
— tr. M.N. Dutt (1891–96) (public domain)
MBh 5 72.40
एवं विलप्य बहुधा भिन्नपोतो वणिग् यथा॥ दुःखेन महताऽऽविष्टो युधिष्ठिरमपृच्छत।
evaṃ vilapya bahudhā bhinnapoto vaṇig yathā|| duḥkhena mahatā''viṣṭo yudhiṣṭhiramapṛcchata|
Thus copiously lamenting like a trader whose ship has been broken and being possessed by great grief Arjuna thus
— tr. M.N. Dutt (1891–96) (public domain)
MBh 5 72.41
कच्चित्स कदनं कृत्वा परेषां कुरुनन्दन॥ स्वर्गतोऽभिमुख: संख्ये युध्यमानो नरर्षभैः।
kaccitsa kadanaṃ kṛtvā pareṣāṃ kurunandana|| svargato'bhimukha: saṃkhye yudhyamāno nararṣabhaiḥ|
"O delighter of the Kurus, spreading a terrible, slaughter among the enemy's host, did my son ascend to heaven having fought with many foremost of men in battle?
— tr. M.N. Dutt (1891–96) (public domain)
MBh 5 72.42
स नूनं बहुभिर्यत्तैर्युध्यमानो नरर्षभैः॥ असहायः सहायार्थी मामनुध्यातवान् ध्रुवम्।
sa nūnaṃ bahubhiryattairyudhyamāno nararṣabhaiḥ|| asahāyaḥ sahāyārthī māmanudhyātavān dhruvam|
"Surely fighting carefully in battle, he, single-handed and needing assistance, repeatedly thought of me!
— tr. M.N. Dutt (1891–96) (public domain)
MBh 5 72.43
पीड्यमानः शरैस्तीक्ष्णैः कर्णद्रोणकृपादिभिः॥ नानालिङ्गैः सुधौतागैर्मम पुत्रोऽल्पचेतनः। इह मे स्यात् परित्राणं पितेति स पुनः पुनः॥ इतयेवं विलपन् मन्ये नृशंसैर्भुवि पातितः।
pīḍyamānaḥ śaraistīkṣṇaiḥ karṇadroṇakṛpādibhiḥ|| nānāliṅgaiḥ sudhautāgairmama putro'lpacetanaḥ| iha me syāt paritrāṇaṃ piteti sa punaḥ punaḥ|| itayevaṃ vilapan manye nṛśaṃsairbhuvi pātitaḥ|
Afflicted by Karna and Drona and Kripa and others, with exceedingly sharp shafts of various shape and well-polished tips, my son of smalll strength must have repeatedly thought-"My father will surely rescue me from this difficulty.” I think, when thus thinking of me he was felled to ground by those ruthless warriors.
— tr. M.N. Dutt (1891–96) (public domain)
MBh 5 72.44
अथवा मत्प्रसूत: स स्वस्रीयो माधवस्य च॥ सुभद्रायां च सम्भूतो न चैवं वक्तुमर्हति।
athavā matprasūta: sa svasrīyo mādhavasya ca|| subhadrāyāṃ ca sambhūto na caivaṃ vaktumarhati|
"Or it may be, that being begotten by myself and being the nephew of Madhava, being born out of Subhadra's womb, he did not utter such exclamations.
— tr. M.N. Dutt (1891–96) (public domain)
MBh 5 72.45
वज्रसारमयं नूनं हृदयं सुठलं मम॥ अपश्यतो दीर्घ बाहुं रक्ताक्षं यन्न दीर्यते।
vajrasāramayaṃ nūnaṃ hṛdayaṃ suṭhalaṃ mama|| apaśyato dīrgha bāhuṃ raktākṣaṃ yanna dīryate|
Surely my heart is made of the hardest adamant. In as much as, it does not burst open for my not seeing that one of mighty arms and red eyes.
— tr. M.N. Dutt (1891–96) (public domain)
MBh 5 72.46
कथं बाले महेष्वासा नृशंसा मर्मभेदिनः॥ स्वस्रीये वासुदेवस्य मम पुत्रेऽक्षिपञ्शरान्।
kathaṃ bāle maheṣvāsā nṛśaṃsā marmabhedinaḥ|| svasrīye vāsudevasya mama putre'kṣipañśarān|
How could the fierce bowmen (of the Kaurava) hosts, ruthless and cruel, have sped their arrows capable of penetrating to the very vitals, at that boy of tender years, that son of mine and the nephew of Madhava?
— tr. M.N. Dutt (1891–96) (public domain)
MBh 5 72.47
यो मां नित्यमदीनात्मा प्रत्युद्गम्याभिनन्दति॥ उपायान्तं रिपून हत्वा सोऽद्य मां किं न पश्यति।
yo māṃ nityamadīnātmā pratyudgamyābhinandati|| upāyāntaṃ ripūna hatvā so'dya māṃ kiṃ na paśyati|
He of generous soul who everyday used to come out to receive me when I returned after having slain my foes, will he not see me today?
— tr. M.N. Dutt (1891–96) (public domain)
MBh 5 72.48
नूनं स पातितः शेते धरण्यां रुधिरोक्षितः॥ शोभयन् मेदिनीं गात्रैरादित्य इव पातितः।
nūnaṃ sa pātitaḥ śete dharaṇyāṃ rudhirokṣitaḥ|| śobhayan medinīṃ gātrairāditya iva pātitaḥ|
Alas, he lies today prostrate on the field of battle weltering in his blood and enhancing the beauty of the earth with the splendour of his limbs and looking like the sun dropped from the firmament.
— tr. M.N. Dutt (1891–96) (public domain)
MBh 5 72.49
सुभद्रामनुशोचामि या पुत्रपपलायिनम्॥ रणे विनिहतं श्रुत्वा शोकार्ता वै विनक्ष्यति।
subhadrāmanuśocāmi yā putrapapalāyinam|| raṇe vinihataṃ śrutvā śokārtā vai vinakṣyati|
I am indeed also destined to grieve for Subhadra who hearing that her unretreating son has been slain in battle, shall be struck with sorrow and shall give up her life?
— tr. M.N. Dutt (1891–96) (public domain)
MBh 5 72.50
सुभद्रः वक्ष्यते किं मामभिमन्युमपश्यती॥ द्रौपदी चैव दुःखाते ते च वक्ष्यामि किं त्वहम्।
subhadraḥ vakṣyate kiṃ māmabhimanyumapaśyatī|| draupadī caiva duḥkhāte te ca vakṣyāmi kiṃ tvaham|
Oh! what will Subhadra say to me when she will not behold Abhimanyu (her son)! Alas, what also shall I tell to Draupadi overwhelmed with great grief?
— tr. M.N. Dutt (1891–96) (public domain)
MBh 5 72.51
वज्रसारमयं नूनं हृदयं यन्न यास्यति॥ सहस्रधा वधूं दृष्ट्वा रुदतीं शोककर्शिताम्।
vajrasāramayaṃ nūnaṃ hṛdayaṃ yanna yāsyati|| sahasradhā vadhūṃ dṛṣṭvā rudatīṃ śokakarśitām|
Surely my heart is made of the hardest adamant, in as much as it will not be splintered into thousand fragments when I shall behold my daughter-in-law (Abhimanyu's wife), bewail, afflicted with the burden of her grief.
— tr. M.N. Dutt (1891–96) (public domain)
MBh 5 72.52
हप्तानां धार्तराष्ट्राणां सिंहनादो मया श्रुतः॥ युयुत्सुश्चापि कृष्णेन श्रुतो वीरानुपालभन्।
haptānāṃ dhārtarāṣṭrāṇāṃ siṃhanādo mayā śrutaḥ|| yuyutsuścāpi kṛṣṇena śruto vīrānupālabhan|
I heard indeed the war-cries of the Dhritarashtras, elated with pride and Krishna also heard Yuyutsu admonishing the heroes in the following terms.
— tr. M.N. Dutt (1891–96) (public domain)
MBh 5 72.53
अशक्रुवन्तो बीभत्सुं बालं हत्वा महारथाः॥ किं मोदध्यवमधर्मज्ञाः पाण्डवं दृश्यतां बलम्।
aśakruvanto bībhatsuṃ bālaṃ hatvā mahārathāḥ|| kiṃ modadhyavamadharmajñāḥ pāṇḍavaṃ dṛśyatāṃ balam|
0 mighty car-warriors, not being able to defeat Vibhatsu and slaying this boy of tender years. What do you rejoice? O inost unrighteous ones, now shall you feel the mighty of the son of Pandu.
— tr. M.N. Dutt (1891–96) (public domain)
MBh 5 72.54
किं तयोर्विप्रियं कृत्वा केशवार्जुनयोर्मधे॥ सिंहवन्नदथ प्रीताः शोककाल उपस्थिते। आगमिष्यति वः क्षिप्रं फलं पापस्य कर्मणः॥ अधर्मो हि कृतस्तीव्रः कथं स्यादफलश्चिरम्।
kiṃ tayorvipriyaṃ kṛtvā keśavārjunayormadhe|| siṃhavannadatha prītāḥ śokakāla upasthite| āgamiṣyati vaḥ kṣipraṃ phalaṃ pāpasya karmaṇaḥ|| adharmo hi kṛtastīvraḥ kathaṃ syādaphalaściram|
Having done an injury to Keshava and Arjuna in battle why do you roar like lions in delight. Verily your hour for grief has come. The fruits of you sinful acts will soon overtake you all. went away, You have committed a heinous crime not long will it delay in bearing the ripe fruit for you!'
— tr. M.N. Dutt (1891–96) (public domain)
MBh 5 72.55
इति तान् परिभाषन् वै वैश्यापुत्रो महामतिः॥ अपायाच्छस्त्रमुत्सृज्य कोपदुःखसमन्वितः।
iti tān paribhāṣan vai vaiśyāputro mahāmatiḥ|| apāyācchastramutsṛjya kopaduḥkhasamanvitaḥ|
Having spoken to them (the enemy) thus, the highly intelligent son of a Vaishya went away, leaving aside his weapons and leaving the Kauravas with wrath and sorrow.
— tr. M.N. Dutt (1891–96) (public domain)
MBh 5 72.56
किमर्थमेतन्नाख्यातं त्वया कृष्ण रणे मम॥ अधाक्षं तानहं क्रूरांस्तदा सर्वान् महारथान्।
kimarthametannākhyātaṃ tvayā kṛṣṇa raṇe mama|| adhākṣaṃ tānahaṃ krūrāṃstadā sarvān mahārathān|
Why, O Krishna, did you not tell me all this in the course of fight? I would then have burnt down all those cruel car-warriors of the enemy's host.
— tr. M.N. Dutt (1891–96) (public domain)
MBh 5 72.57
संजय उवाच पुत्रशोकार्दितं पार्थं ध्यायन्तं साश्रुलोचनम्॥ निगृह्य वासुदेवस्तं पुत्राधिभिरभिप्लुतम्। मैवमित्यब्रवीत् कृष्णस्तीव्रशोकसमन्वितम्॥
saṃjaya uvāca putraśokārditaṃ pārthaṃ dhyāyantaṃ sāśrulocanam|| nigṛhya vāsudevastaṃ putrādhibhirabhiplutam| maivamityabravīt kṛṣṇastīvraśokasamanvitam||
Sanjaya said Thereafter the son of Vasudeva, consoling Pritha's (Arjuna) who overwhelmed with sorrow on account of his son, was exceedingly thoughtful, whose eyes were overflowing with tears and who, indeed, was afflicted by the grief generated by the slaughter of his son, said to him, "Do you not give way to grief."
— tr. M.N. Dutt (1891–96) (public domain)
MBh 5 72.58
सर्वेषामेष वै पन्थाः शूराणामनिवर्तिनाम्। क्षत्रियाणां विशेषेण येषां युद्धेन जीविका॥
sarveṣāmeṣa vai panthāḥ śūrāṇāmanivartinām| kṣatriyāṇāṃ viśeṣeṇa yeṣāṃ yuddhena jīvikā||
This indeed is the inevitable fate of all those heroes who never think of retreating. Specially of the Kshatriyas who live by war. Of unretreating heroes fighting in battle, this.
— tr. M.N. Dutt (1891–96) (public domain)
MBh 5 72.59
एष वै युध्यमानानां शूराणामनिवर्तिनाम्। विहिता सर्वशास्त्रज्ञैर्गतिर्मतिमतां वर॥
eṣa vai yudhyamānānāṃ śūrāṇāmanivartinām| vihitā sarvaśāstrajñairgatirmatimatāṃ vara||
O foremost of intelligent beings, has been specified to be the finale by those who are conversant with the meanings of our sacred scriptures. Death in battle is the inevitable fate of heroes who do not fly away from the field.
— tr. M.N. Dutt (1891–96) (public domain)
MBh 5 72.60
ध्रुवं हि युद्धे मरणं शूराणामनिवर्तिनाम्। गतः पुण्यकृतां लोकानभिमन्यु संशयः॥
dhruvaṃ hi yuddhe maraṇaṃ śūrāṇāmanivartinām| gataḥ puṇyakṛtāṃ lokānabhimanyu saṃśayaḥ||
Undoubtedly Abhimanyu has gone to the regions of those who perform pious deeds; and, O foremost of the Bharatas, even this is coveted by all heroes.
— tr. M.N. Dutt (1891–96) (public domain)
MBh 5 72.61
एतच्च सर्ववीराणां काक्षितं भरतर्षभ। संग्रामेऽभिमुखो मृत्युं प्राप्नुयादिति मानद॥
etacca sarvavīrāṇāṃ kākṣitaṃ bharatarṣabha| saṃgrāme'bhimukho mṛtyuṃ prāpnuyāditi mānada||
O Bharata, you are renowned for honouring others, listen that all chivalrous persons are passionate and consider it their prime objective to die while facing bravely the enemy.
— tr. M.N. Dutt (1891–96) (public domain)
MBh 5 72.62
स च वीरान् रणे हत्वा राजपुत्रान् महाबलान्। वीरैराकाइक्षितं मृत्युं सम्प्रापतोऽभिमुखं रणे॥
sa ca vīrān raṇe hatvā rājaputrān mahābalān| vīrairākāikṣitaṃ mṛtyuṃ samprāpato'bhimukhaṃ raṇe||
That they may fall in battle facing their enemies. As regards Abhimanyu, he, having slain in battle many heroic and mighty princes.
— tr. M.N. Dutt (1891–96) (public domain)
MBh 5 72.63
मा शुचः पुरुषव्याघ्र पूर्वैरेष सनातनः। धर्मकृद्भिः कृतो धर्मः क्षत्रियाणां रणे क्षयः॥
mā śucaḥ puruṣavyāghra pūrvaireṣa sanātanaḥ| dharmakṛdbhiḥ kṛto dharmaḥ kṣatriyāṇāṃ raṇe kṣayaḥ||
Hath reaped that death in battle which is so much desired by the heroes, O foremost of men, do not lament. The ancient sages have specified this to be the enduring merit of the Kshatriyas, viz., their fall in battle.
— tr. M.N. Dutt (1891–96) (public domain)
MBh 5 72.64
इमे ते भ्रातरः सर्वे दीना भरतसत्तम। त्वयि शोकसमाविष्टे नृपाश्च सुहृदस्तव॥
ime te bhrātaraḥ sarve dīnā bharatasattama| tvayi śokasamāviṣṭe nṛpāśca suhṛdastava||
O foremost of the Bharatas, these your brothers are highly distressed. As also these monarchs and these your relatives, beholding you plunged in sorrow.
— tr. M.N. Dutt (1891–96) (public domain)
MBh 5 72.65
एतांश्च वचसा साम्ना समाश्वासय मानद। विदितं वेदितव्यं ते न शोकं कर्तुमर्हसि॥
etāṃśca vacasā sāmnā samāśvāsaya mānada| viditaṃ veditavyaṃ te na śokaṃ kartumarhasi||
"O bestower of honour, do you console them with comforting speech. Everything worthy of being know is known to you. It behoves you not to indulge in grief.”
— tr. M.N. Dutt (1891–96) (public domain)
MBh 5 72.66
एवमाश्वासितः पार्थः कृष्णेनाद्भुतकर्मणा। ततोऽव्रबीत् तदा भ्रातृन् सर्वान् पार्थः सगद्गदान्॥
evamāśvāsitaḥ pārthaḥ kṛṣṇenādbhutakarmaṇā| tato'vrabīt tadā bhrātṛn sarvān pārthaḥ sagadgadān||
Thus consoled by Krishna of wonderful deeds, the son of Pritha (Arjuna) said to all his brothers these words in a voice choked with griefस दीर्घबाहुः पृथ्वंसो दीर्घराजीवलोचनः।
— tr. M.N. Dutt (1891–96) (public domain)
MBh 5 72.67
अभिमन्युर्यथावृत्तः श्रोतुमिच्छाम्यहं तथा॥
abhimanyuryathāvṛttaḥ śrotumicchāmyahaṃ tathā||
O lord of Earth, that mighty-armed one, that one possessed of eyes large lake lotus petals namely Abhimanyu, how he fought, I desire to know?
— tr. M.N. Dutt (1891–96) (public domain)
MBh 5 72.68
सनागस्यन्दनहयान् द्रक्ष्यध्वं निहतान् मया। संग्रामे सानुबन्धांस्तान् मम पुत्रस्य वैरिणः॥
sanāgasyandanahayān drakṣyadhvaṃ nihatān mayā| saṃgrāme sānubandhāṃstān mama putrasya vairiṇaḥ||
You will see that, I will consume the enemy with their elephants, chariois and steeds in battle all those opponents of my son together with all their blood relations.
— tr. M.N. Dutt (1891–96) (public domain)
MBh 5 72.69
कथं च वः कृतास्त्राणां सर्वेषां शस्त्रपाणिनाम्।। सौभद्रो निधनं गच्छेद वर्जिणापि समागतः॥
kathaṃ ca vaḥ kṛtāstrāṇāṃ sarveṣāṃ śastrapāṇinām|| saubhadro nidhanaṃ gaccheda varjiṇāpi samāgataḥ||
You all are accomplished in the use of weapons and are even now armed with weapons. How then could Subhadra's son be slain in battle, even if it were the wielder of the thunder-bolt whom he might have encountered?
— tr. M.N. Dutt (1891–96) (public domain)
MBh 5 72.70
यद्येवमहमज्ञास्यमशक्तान् रक्षणे मम। पुत्रस्य पाण्डुपञ्चालान् मया गुप्तो भवेत् ततः॥
yadyevamahamajñāsyamaśaktān rakṣaṇe mama| putrasya pāṇḍupañcālān mayā gupto bhavet tataḥ||
Alas, if I had known that the Pandavas and the Panchalas would be incompetent to protect my son in battle, myself would then have protected him.
— tr. M.N. Dutt (1891–96) (public domain)
MBh 5 72.71
कथं च वो रथस्थानां शरवर्षाणि मुञ्चताम्। नीतोऽभिमन्युनिधनं कदर्थीकृत्य वः परैः॥
kathaṃ ca vo rathasthānāṃ śaravarṣāṇi muñcatām| nīto'bhimanyunidhanaṃ kadarthīkṛtya vaḥ paraiḥ||
You were all then on your chariots and were shooting your arrows; how could then Abhimanyu be slain by the enemy spreading havoc in your troops?
— tr. M.N. Dutt (1891–96) (public domain)
MBh 5 72.72
अहो वः पौरुषं नास्ति न च वोऽस्ति पराक्रमः। यत्राभिमन्युः समरे पश्यतां वो निपातितः॥
aho vaḥ pauruṣaṃ nāsti na ca vo'sti parākramaḥ| yatrābhimanyuḥ samare paśyatāṃ vo nipātitaḥ||
Alas, you possess no manliness! you have no prowess. Inasmuch as even before your very sight Abhimanyu was felled in battle.
— tr. M.N. Dutt (1891–96) (public domain)
MBh 5 72.73
आत्मानमेव गहेयं यदहं वै सुदुर्बलान्। युष्मानाज्ञाय निर्यातो भीरूनकृतनिश्चयान्॥
ātmānameva gaheyaṃ yadahaṃ vai sudurbalān| yuṣmānājñāya niryāto bhīrūnakṛtaniścayān||
It is better I should blame myself, since knowing you all to be cowards, sneaking and irresolute, I went away.
— tr. M.N. Dutt (1891–96) (public domain)
MBh 5 72.74
आहोस्विद् भूषणार्थाय वर्म शस्त्रायुधानि वः। वाचस्तु वक्तुं संसत्सु मम पुत्रमरक्षताम्॥
āhosvid bhūṣaṇārthāya varma śastrāyudhāni vaḥ| vācastu vaktuṃ saṃsatsu mama putramarakṣatām||
Alas! are your armours, weapons, offensive and defensive, mere decorations of your persons? Are your eloquence mere empty words suited to an assembly only? For, you all failed to protect my son.
— tr. M.N. Dutt (1891–96) (public domain)
MBh 5 72.75
एवमुक्त्वा ततो वाक्यं तिष्ठंश्चापवरासिमान्। न स्माशक्यत बीभत्सुः केनचित्प्रसमीक्षितुम्॥
evamuktvā tato vākyaṃ tiṣṭhaṃścāpavarāsimān| na smāśakyata bībhatsuḥ kenacitprasamīkṣitum||
Having spoken these words, Arjuna sat down armed with his bow and excellent sword. Then none was able to look at Vibhatsu.
— tr. M.N. Dutt (1891–96) (public domain)
MBh 5 72.76
तमन्तकमिव क्रुद्धं नि:श्वसन्तं मुहुर्मुहुः। पुत्रशोकाभिसंतप्तमश्रुपूर्णमुखं तदा॥
tamantakamiva kruddhaṃ ni:śvasantaṃ muhurmuhuḥ| putraśokābhisaṃtaptamaśrupūrṇamukhaṃ tadā||
Who then resembled the enraged destroyer, repeatedly drawing long and heavy sighs. Then his friends could not speak to Arjuna or look at him who was burning with the grief on account of his son's death and whose countenance was then over-flooded with tears.
— tr. M.N. Dutt (1891–96) (public domain)
MBh 5 72.77
न भाषितुं शक्नुवन्ति द्रष्टुं वा सुहृदोऽर्जुनम्। अन्यत्र वासुदेवाद्वा ज्येष्ठाद्वा पाण्डुनन्दनात्॥
na bhāṣituṃ śaknuvanti draṣṭuṃ vā suhṛdo'rjunam| anyatra vāsudevādvā jyeṣṭhādvā pāṇḍunandanāt||
Except the son of Vasudeva or the eldest son of Pandu, none then ventured to speak to Arjuna.
— tr. M.N. Dutt (1891–96) (public domain)
MBh 5 72.78
सर्वास्ववस्थासु हितावर्जुनस्य मनोनुगौ। बहुमानात् प्रियत्वाच्च तावेनं वक्तुमर्हतः॥
sarvāsvavasthāsu hitāvarjunasya manonugau| bahumānāt priyatvācca tāvenaṃ vaktumarhataḥ||
These two (Yudhishthira and Krishna) were always agreeable to Arjuna. These two were only competent to address him all occasions, in as much as they were held in great veneration and dear love.
— tr. M.N. Dutt (1891–96) (public domain)
MBh 5 72.79
ततस्तं पुत्रशोकेन भृशं पीडितमानसम्। राजीवलोचनं कुद्धं राजा वचनमब्रवीत्॥
tatastaṃ putraśokena bhṛśaṃ pīḍitamānasam| rājīvalocanaṃ kuddhaṃ rājā vacanamabravīt||
Then the king addressed the following words to that one possessed of eyes like lotus petals, whose heart was then aching with the sorrow caused by the (untimely) demise of his son and who was excited to the highest pitch of fury. on
— tr. M.N. Dutt (1891–96) (public domain)