Mahabharata — Volume V (Dutt edition) — Chapter 62

MBh 5 62.1

नारद उवाच मान्धाता चेद्यौवनाश्वो मृतः सृञ्जय शुश्रुम। देवासुरमनुष्याणां त्रैलोक्यविजयी नृपः॥

nārada uvāca māndhātā cedyauvanāśvo mṛtaḥ sṛñjaya śuśruma| devāsuramanuṣyāṇāṃ trailokyavijayī nṛpaḥ||

Narada said O Srinjaya, we also heard that Yuvanasva's son, king Mandhata, who vanquished the celestials, the Asuras and the gods and the worlds, had to undergo death.

— tr. M.N. Dutt (1891–96) (public domain)

MBh 5 62.2

यं देवावश्विनौ गर्भात् पितुः पूर्वे चकर्षतुः। मृगयां विचरन् राजा तृषितः क्लान्तवाहनः॥

yaṃ devāvaśvinau garbhāt pituḥ pūrve cakarṣatuḥ| mṛgayāṃ vicaran rājā tṛṣitaḥ klāntavāhanaḥ||

The twin Asvinas, (the celestial physicians) drew him out of his fathers womb. Once on a time when out hunting, king Yuvanasva became thirsty and his steed became exhausted.

— tr. M.N. Dutt (1891–96) (public domain)

MBh 5 62.3

धूमं दृष्ट्वागमत् सत्रं पृषदाज्यमवाप सः। तं दृष्ट्वा युवनाश्वस्य जठरे सूनुतां गतम्॥

dhūmaṃ dṛṣṭvāgamat satraṃ pṛṣadājyamavāpa saḥ| taṃ dṛṣṭvā yuvanāśvasya jaṭhare sūnutāṃ gatam||

Seeing at a distance, a curl of smoke, the monarch (guided by it) reached a sacrificial compound and he drank the sacrificial butter that lay scattered there. (Thereupon the monarch conceived). Then seeing the king quick with child.

— tr. M.N. Dutt (1891–96) (public domain)

MBh 5 62.4

गर्भाद्धि जहतुर्देवावश्विनौ भिषजां वरी। तं दृष्ट्वा पितुरुत्सङ्गे शयानं देववर्चसम्॥

garbhāddhi jahaturdevāvaśvinau bhiṣajāṃ varī| taṃ dṛṣṭvā piturutsaṅge śayānaṃ devavarcasam||

The two foremost of celestials physicians, the twin Asvins drew out the child from the kings womb. Then beholding the new-born babe of divine radiance lie on the lap of his father. one

— tr. M.N. Dutt (1891–96) (public domain)

MBh 5 62.5

अन्योन्यमब्रुवन् देवाः कमयं धास्यतीति वै। मामेवायं धयत्वग्रे इति ह स्माह वासवः॥

anyonyamabruvan devāḥ kamayaṃ dhāsyatīti vai| māmevāyaṃ dhayatvagre iti ha smāha vāsavaḥ||

The gods spoke to another saying-'Whom shall this child suck.' Then Vasava said-"Let this child suck, my finger first.'

— tr. M.N. Dutt (1891–96) (public domain)

MBh 5 62.6

ततोऽगुलिभ्यो हीन्द्रस्य प्रादुरासीत् पयोऽमृतम्। मां धास्यतीति कारुण्याद् यदिन्द्रो ह्यन्वकम्पयत्॥

tato'gulibhyo hīndrasya prādurāsīt payo'mṛtam| māṃ dhāsyatīti kāruṇyād yadindro hyanvakampayat||

Thereupon from the fingers of Indra nectareous milk flowed out. Because Indra had, out of compassion for the child, said “Let him suck me.'

— tr. M.N. Dutt (1891–96) (public domain)

MBh 5 62.7

तस्मात्तु मान्धातेत्येवं नाम तस्याद्भुतं कृतम्। ततस्तु धारां पयसो धृतस्य च महात्मनः॥ तस्यास्ये यौवनाश्वस्य पाणिरिन्द्रस्य चास्रवत्। अपिबत् पाणिमिन्द्रस्य स चाप्यहाभ्यवर्धत॥

tasmāttu māndhātetyevaṃ nāma tasyādbhutaṃ kṛtam| tatastu dhārāṃ payaso dhṛtasya ca mahātmanaḥ|| tasyāsye yauvanāśvasya pāṇirindrasya cāsravat| apibat pāṇimindrasya sa cāpyahābhyavardhata||

Therefore the celestials designated him as Mandhatri. Then streams of milk and clarified butter flowed into the mouth of Yuvanasva's son from the finger of the high-souled Indra. He then drank the nectar flowing from Indra's hand and thus went on growing.

— tr. M.N. Dutt (1891–96) (public domain)

MBh 5 62.8

सोऽभवद् द्वादशसमो द्वादशाहेन वीर्यवान्। इमं च पृथिवीं कृत्स्नामेकाहा स व्यजीजयत्॥

so'bhavad dvādaśasamo dvādaśāhena vīryavān| imaṃ ca pṛthivīṃ kṛtsnāmekāhā sa vyajījayat||

In twelve days he became twelve cubits in stature and was also endued with great prowess. And he conquered this extensive earth in the course of a single day.

— tr. M.N. Dutt (1891–96) (public domain)

MBh 5 62.9

धर्मात्मा धृतिमान् वीरः सत्यसंधो जितेन्द्रियः। जनमेजयं सुधन्वानं गयं पूरुं बृहद्रथम्॥ असितं च नृगं चैव मान्धाता मनुजोऽजयत्।

dharmātmā dhṛtimān vīraḥ satyasaṃdho jitendriyaḥ| janamejayaṃ sudhanvānaṃ gayaṃ pūruṃ bṛhadratham|| asitaṃ ca nṛgaṃ caiva māndhātā manujo'jayat|

Of righteous soul, endued with great intelligence and heroic and devoted to truth and of controlled passions, Mandhatri conquered, through the force of his bow, Janarmejaya, Sudhanva, Gaya, Puru, Brihadratha, Asita and king Nriga.

— tr. M.N. Dutt (1891–96) (public domain)

MBh 5 62.10

उदेति च यतः सूर्यो यत्र च प्रतितिष्ठति॥ तत् सर्वं योवनाश्वस्य मान्धातुः क्षेत्रमुच्यते।

udeti ca yataḥ sūryo yatra ca pratitiṣṭhati|| tat sarvaṃ yovanāśvasya māndhātuḥ kṣetramucyate|

The hill where the sun rises and the hill where it sets, all the land lying between these two hills, is called the dominion of the king Mandhatri, the son of Yuvanasva.

— tr. M.N. Dutt (1891–96) (public domain)

MBh 5 62.11

सोऽश्वमेधशतैरिष्ट्वा राजसूयशतेन च॥ अददद् रोहितान् मत्स्यान् ब्राह्मणेभ्यो विशाम्पते। हैरण्यान् यो जनोत्सेधानायताञ्शतयोजनम्॥

so'śvamedhaśatairiṣṭvā rājasūyaśatena ca|| adadad rohitān matsyān brāhmaṇebhyo viśāmpate| hairaṇyān yo janotsedhānāyatāñśatayojanam||

Having accomplished a hundred horsesacrifices and a hundred Rajasuya sacrifices also. He gave away to the Brahmanas, O ruler of men, some Rohita fish made of gold that were ten yojanas in length and one yojana in breadth.

— tr. M.N. Dutt (1891–96) (public domain)

MBh 5 62.12

बहुप्रकारान् सुस्वादून् भक्ष्यभोज्यान्नपर्वतान्। अतिरिक्तं ब्राह्मणेभ्यो भुञ्जानो हीयते जनः॥

bahuprakārān susvādūn bhakṣyabhojyānnaparvatān| atiriktaṃ brāhmaṇebhyo bhuñjāno hīyate janaḥ||

Piles of delicate and tasteful foods and edibles, after the Brahmanas had been entertained, were partaken of by other people and greatly enhanced their joy.

— tr. M.N. Dutt (1891–96) (public domain)

MBh 5 62.13

भक्ष्यान्नपाननिचयाः शुशुभुस्त्वन्नपर्वताः। घृतह्रदाः सूपकूपाः दधिफेना गुडोदकाः॥ रुरुधुः पर्वतान् नद्यो मधुक्षीरवहाः शुभाः।

bhakṣyānnapānanicayāḥ śuśubhustvannaparvatāḥ| ghṛtahradāḥ sūpakūpāḥ dadhiphenā guḍodakāḥ|| rurudhuḥ parvatān nadyo madhukṣīravahāḥ śubhāḥ|

Enormous quantities of food, viands edibles and drinks and potion and piles of cooked rice were there and shone beautiful. Many rivers, having lakes of clarified butter, with various kinds of soup for their mud, curds for their forth and honey for their water, looking charming and flowing in currents of milk and honey, wended round the mountains of solid edibles.

— tr. M.N. Dutt (1891–96) (public domain)

MBh 5 62.14

देवासुरा नरा यक्षा गन्धर्वोरगपक्षिणः॥ विप्रास्तत्रागताश्चासन् वेदवेदाङ्गपारगाः। ब्राह्मणा ऋषयश्चापि नासंस्तत्राविपश्चितः॥

devāsurā narā yakṣā gandharvoragapakṣiṇaḥ|| viprāstatrāgatāścāsan vedavedāṅgapāragāḥ| brāhmaṇā ṛṣayaścāpi nāsaṃstatrāvipaścitaḥ||

Gods, Asuras, men, Jakshas, Gandharvas, snakes, birds and many Vipras, learned in the Vedas and their auxiliaries, came at this sacrifices. Among the Brahmanas and the sages who came there, there was none who was not learned.

— tr. M.N. Dutt (1891–96) (public domain)

MBh 5 62.15

समुद्रान्तां वसुमती वसुपूर्णां तु सर्वतः। स तां ब्राह्मणसात्कृत्वा जगामास्तं तदा नृपः॥

samudrāntāṃ vasumatī vasupūrṇāṃ tu sarvataḥ| sa tāṃ brāhmaṇasātkṛtvā jagāmāstaṃ tadā nṛpaḥ||

King Mandhatri having given away as gift the earth bounded by the ocean and replete with all sorts of wealth, to the Brahmanas, at last set like the sun itself.

— tr. M.N. Dutt (1891–96) (public domain)

MBh 5 62.16

गतः पुण्यकृतां लोकान् व्याप्य स्वयशसा दिशः। स चेन्ममार सृञ्जय चतुर्भद्रतरस्त्वया॥ पुत्रात् पुण्यतरस्तुभ्यं मा पुत्रमनुतप्यथाः। अयज्वानमदाक्षिण्यमभि श्वैत्येत्युदाहरत्॥

gataḥ puṇyakṛtāṃ lokān vyāpya svayaśasā diśaḥ| sa cenmamāra sṛñjaya caturbhadratarastvayā|| putrāt puṇyatarastubhyaṃ mā putramanutapyathāḥ| ayajvānamadākṣiṇyamabhi śvaityetyudāharat||

Then having filled the quarters with his fame, he repaired to the regions of righteous. Even when such a king, O Srinjaya, died, who was superior to you in all the four cardinal qualities and consequently much more superior to your son-you should not lament for your son saying-'Oh Shvaitya'-who performed no sacrifice and made no sacrificial gifts.

— tr. M.N. Dutt (1891–96) (public domain)