Mahabharata — Volume V (Dutt edition) — Chapter 195
MBh 5 195.1
धृतराष्ट्र उवाच अधर्मेण हतं श्रुत्वा धृष्टद्युम्नेन संजय। ब्राह्मणं पितरं वृद्धमश्वत्थामा किमब्रवीत्॥
dhṛtarāṣṭra uvāca adharmeṇa hataṃ śrutvā dhṛṣṭadyumnena saṃjaya| brāhmaṇaṃ pitaraṃ vṛddhamaśvatthāmā kimabravīt||
Dhritarashtra said Hearing of the slaughter of his aged and Brahma-knowing sire by Dhristadyumna in an unfair battle, 0 Sanjaya, what did Ashvatthaman say.
— tr. M.N. Dutt (1891–96) (public domain)
MBh 5 195.2
मानवं वारुणाग्नेयं ब्राह्ममस्त्रं च वीर्यवान्। ऐन्द्र नारायणं चैव यस्मिन् नित्यं प्रतिष्ठितम्॥
mānavaṃ vāruṇāgneyaṃ brāhmamastraṃ ca vīryavān| aindra nārāyaṇaṃ caiva yasmin nityaṃ pratiṣṭhitam||
He who is puissant and in whom human and Varuna and Agneya and Brahma and Aindra and Narayana weapons are always present?
— tr. M.N. Dutt (1891–96) (public domain)
MBh 5 195.3
तमधर्मेण धर्मिष्ठं धृष्टद्युम्नेन संयुगे। श्रुत्वा निहतमाचार्यं सोऽश्वत्थामा किमब्रवीत्॥
tamadharmeṇa dharmiṣṭhaṃ dhṛṣṭadyumnena saṃyuge| śrutvā nihatamācāryaṃ so'śvatthāmā kimabravīt||
Hearing that the pious preceptor has been slain in battle by unfair means by Dhristadyumna what did that Ashvatthama say?
— tr. M.N. Dutt (1891–96) (public domain)
MBh 5 195.4
येन रामादवाप्येह धनुर्वेदं महात्मना। प्रोक्तान्यस्राणि दिव्यानि पुत्राय गुणकाक्षिणा॥
yena rāmādavāpyeha dhanurvedaṃ mahātmanā| proktānyasrāṇi divyāni putrāya guṇakākṣiṇā||
The illustrious Drona having mastered the science of bowmanship had imparted its knowledge to that son of his desirous of seeing the latter accomplished in every way.
— tr. M.N. Dutt (1891–96) (public domain)
MBh 5 195.5
एकमेव हि लोकेऽस्मिन्नात्मनो गुणवत्तरम्। इच्छन्ति पुरुषाः पुत्रं लोके नान्यं कथंचन॥
ekameva hi loke'sminnātmano guṇavattaram| icchanti puruṣāḥ putraṃ loke nānyaṃ kathaṃcana||
There is only one person in the world whom people can desire to be superior to themselves in accomplishments and that person is one's own son.
— tr. M.N. Dutt (1891–96) (public domain)
MBh 5 195.6
आचार्याणां भवन्त्येव रहस्यानि महात्मनाम्। तानि पुत्राय वा दधुः शिष्यायानुगताय वा॥
ācāryāṇāṃ bhavantyeva rahasyāni mahātmanām| tāni putrāya vā dadhuḥ śiṣyāyānugatāya vā||
This is the mystery about all illustrious preceptors, that they impart the knowledge of their respective sciences of their sons or to their beloved pupils.
— tr. M.N. Dutt (1891–96) (public domain)
MBh 5 195.7
स शिष्यः प्राप्य तत् सर्वं सविशेषं च संजया शूरः शारद्वतीपुत्रः संख्ये द्रोणादनन्तरः॥
sa śiṣyaḥ prāpya tat sarvaṃ saviśeṣaṃ ca saṃjayā śūraḥ śāradvatīputraḥ saṃkhye droṇādanantaraḥ||
O Sanjaya, the heroic son of Saradvata's daughter, being the disciple of his own sire has obtained all that knowledge in every detail and has become a second Drona.
— tr. M.N. Dutt (1891–96) (public domain)
MBh 5 195.8
रामस्य तु समः शस्त्रे पुरंदरसमो युधि। कार्तवीर्यसमो वीर्य बृहस्पतिसमो मतौ॥
rāmasya tu samaḥ śastre puraṃdarasamo yudhi| kārtavīryasamo vīrya bṛhaspatisamo matau||
In knowledge of weapons, Ashvatthaman is like Rama himself; in battle he is like Purandar, in prowess he equals Kartavirya and in wisdom hc matches Brihaspati.
— tr. M.N. Dutt (1891–96) (public domain)
MBh 5 195.9
महीधरसमः स्थैर्ये तेजसाग्निसमो युवा। समुद्र इव गाम्भीर्ये क्रोधे चाशीविषोपमः॥
mahīdharasamaḥ sthairye tejasāgnisamo yuvā| samudra iva gāmbhīrye krodhe cāśīviṣopamaḥ||
Youthful in years, he resembles a mountain in endurance and fire in cnergy. In gravity he is equal to the ocean and in anger to a snake of virulent poison.
— tr. M.N. Dutt (1891–96) (public domain)
MBh 5 195.10
र रथी प्रथमो लोके दृढधन्वा जितकमः। शीघ्रोऽनिल इवाक्रन्दे चरन् क्रुद्ध इवान्तकः॥
ra rathī prathamo loke dṛḍhadhanvā jitakamaḥ| śīghro'nila ivākrande caran kruddha ivāntakaḥ||
He is the first car-warrior in the world and indefatigable and resolute bowman. He equals the wind in speed; and in the thick of fight he careers like the Destroyer in person. or the
— tr. M.N. Dutt (1891–96) (public domain)
MBh 5 195.11
अस्यता येन संग्रामे धरण्यभिनिपीडिता। यो न व्यथति संग्रामे वीरः सत्यपराक्रमः॥
asyatā yena saṃgrāme dharaṇyabhinipīḍitā| yo na vyathati saṃgrāme vīraḥ satyaparākramaḥ||
Shooting his arrows in battle he had afflicted the earth herself. Brave and of great prowess, he is never exhausted in battle.
— tr. M.N. Dutt (1891–96) (public domain)
MBh 5 195.12
वेदस्नातो व्रतस्नातो धनुर्वेदे च पारगः। महोदधिरिवाक्षोभ्यो रामो दाशरथिर्यथा॥
vedasnāto vratasnāto dhanurvede ca pāragaḥ| mahodadhirivākṣobhyo rāmo dāśarathiryathā||
Purified by the recital of the Vedas and by the observance of the vows, he has thoroughly mastered the science of bow-manship. He is incapable of being ruffled and resembled in this direction the mighty ocean Dasaratha's son Raina himself.
— tr. M.N. Dutt (1891–96) (public domain)
MBh 5 195.13
तमधर्मेण धर्मिष्ठं धृष्टद्युम्नेन संयुगे। श्रुत्वा निहतमाचार्यमश्वत्थामा किमब्रवीत्॥
tamadharmeṇa dharmiṣṭhaṃ dhṛṣṭadyumnena saṃyuge| śrutvā nihatamācāryamaśvatthāmā kimabravīt||
Hearing that the righteous preceptor has been slain in battle by unfair means by Dhristadyumna what indeed did Ashvatthaman sky?
— tr. M.N. Dutt (1891–96) (public domain)
MBh 5 195.14
धृष्टद्युम्नस्य यो मृत्युः सृष्टस्तेन महात्मना। यथा द्रोणस्य पाञ्चाल्यो यज्ञसेनसुतोऽभवत्॥
dhṛṣṭadyumnasya yo mṛtyuḥ sṛṣṭastena mahātmanā| yathā droṇasya pāñcālyo yajñasenasuto'bhavat||
Ashvatthaman was destined to become the slayer of Dhristadyumna the son of Yajnasena, even as this latter was ordained to be the slayer of Drona.
— tr. M.N. Dutt (1891–96) (public domain)
MBh 5 195.15
तं नृशंसेन पापेन क्रूरेणादीर्घदर्शिना। श्रुत्वा निहतमाचार्यमश्वत्थामा किमब्रवीत्॥
taṃ nṛśaṃsena pāpena krūreṇādīrghadarśinā| śrutvā nihatamācāryamaśvatthāmā kimabravīt||
What, alas, did Ashvatthman say, hearing that the Preceptor has been slain by that sinful, cruel and mean Dhristadyumna of little foresight?
— tr. M.N. Dutt (1891–96) (public domain)