Mahabharata — Volume V (Dutt edition) — Chapter 193
MBh 5 193.1
संजय उवाच सात्वतस्य तु तत् कर्म दृष्ट्वा दुर्योधनादयः। शैनेयं सर्वतः क्रुद्धा वारयामासुरञ्जसा॥
saṃjaya uvāca sātvatasya tu tat karma dṛṣṭvā duryodhanādayaḥ| śaineyaṃ sarvataḥ kruddhā vārayāmāsurañjasā||
Sanjaya said Then beholding those feats of that one of the Satvata race, Duryodhana and others, filled with rage, quickly encompassed the grandson of Shini on all sides.
— tr. M.N. Dutt (1891–96) (public domain)
MBh 5 193.2
कृपकर्णौ च समरे पुत्राश्च तव मारिष। शैनेयं त्वरयाभ्येत्य विनिघ्नन् निशितैः शरैः॥
kṛpakarṇau ca samare putrāśca tava māriṣa| śaineyaṃ tvarayābhyetya vinighnan niśitaiḥ śaraiḥ||
Kripa and Karma and your sons, O sire, quickly assailing Shini's grandson in the battle, began to pierce him with sharp arrows.
— tr. M.N. Dutt (1891–96) (public domain)
MBh 5 193.3
युधिष्ठिरस्ततो राजा माद्रीपुत्रौ च पाण्डवौ। भीमसेनश्च बलवान् सात्यकि पर्यवारयन्॥
yudhiṣṭhirastato rājā mādrīputrau ca pāṇḍavau| bhīmasenaśca balavān sātyaki paryavārayan||
Thereupon king Yudhishthira, the two sons of Madri begotten by Pandu and the mighty Bhimasena rushed to protect him of the Satvata race.
— tr. M.N. Dutt (1891–96) (public domain)
MBh 5 193.4
कर्णश्च शरवर्षेण गौतमश्च महारथः। दुर्योधनादयस्ते च शैनेयं पर्यवारयन्॥
karṇaśca śaravarṣeṇa gautamaśca mahārathaḥ| duryodhanādayaste ca śaineyaṃ paryavārayan||
Karna and the son of Gotama, that mighty car-warrior and Duryodhana and others, then covered Shini's grandson with their shafts.
— tr. M.N. Dutt (1891–96) (public domain)
MBh 5 193.5
तां वृष्टिं सहसा राजन्नुत्थितां घोररूपिणीम्। वारयामास शैनेयो योधयंस्तान् महारथान्॥
tāṃ vṛṣṭiṃ sahasā rājannutthitāṃ ghorarūpiṇīm| vārayāmāsa śaineyo yodhayaṃstān mahārathān||
Then fighting, O king, (fearlessly) on with those warriors, that scion of Shini's race checked that awful shower of pouring arrows which had been begun so suddenly.
— tr. M.N. Dutt (1891–96) (public domain)
MBh 5 193.6
तेषामस्राणि दिव्यानि संहितानि महात्मनाम्। वारयामास विधिवद् दिव्यैरस्त्रैर्महामृधे॥
teṣāmasrāṇi divyāni saṃhitāni mahātmanām| vārayāmāsa vidhivad divyairastrairmahāmṛdhe||
In that great battle, with his various celestial weapons, he duly baffled the celestial weapons of his high-souled opponents, that were aimed at him.
— tr. M.N. Dutt (1891–96) (public domain)
MBh 5 193.7
क्रूरमायोधनं जज्ञे तस्मिन् राजसमागमे। रुद्रस्येव हि क्रुद्धस्य निघ्नतस्तान् पशून् पुरा॥
krūramāyodhanaṃ jajñe tasmin rājasamāgame| rudrasyeva hi kruddhasya nighnatastān paśūn purā||
The field of battle looked dreadful during the progress of that encounter between royal con batants and if resembled the scene of of the field where in days of yore Rudra, filled with rage, had slaughtered all creatures.
— tr. M.N. Dutt (1891–96) (public domain)
MBh 5 193.8
हस्तानामुत्तमाङ्गानां कार्मुकाणां च भारत।
hastānāmuttamāṅgānāṃ kārmukāṇāṃ ca bhārata|
Human arms and heads and bows and torn umbrellas and chamaras, O Bharata.
— tr. M.N. Dutt (1891–96) (public domain)
MBh 5 193.9
छत्राणां चापविद्धानां चामराणां च संचयैः॥ राशयः स्म व्यदृश्यन्त तत्र तत्र रणाजिरे। भग्नचकै रथैश्चापि पातितैश्च महाध्वजैः॥
chatrāṇāṃ cāpaviddhānāṃ cāmarāṇāṃ ca saṃcayaiḥ|| rāśayaḥ sma vyadṛśyanta tatra tatra raṇājire| bhagnacakai rathaiścāpi pātitaiśca mahādhvajaiḥ||
Where seen in heaps on that field of battle. With broken-wheeled cars, with fallen arms.
— tr. M.N. Dutt (1891–96) (public domain)
MBh 5 193.10
सादिभिश्च हतैः शूरैः संकीर्णा वसुधाभवत्। बाणपातनिकृत्तास्तु योधास्ते कुरुसत्तम॥
sādibhiśca hataiḥ śūraiḥ saṃkīrṇā vasudhābhavat| bāṇapātanikṛttāstu yodhāste kurusattama||
And with heroic horsemen lying slain, the earth became impassable. O foremost of the Kurus, the warriors lacerated with the falling shafts.
— tr. M.N. Dutt (1891–96) (public domain)
MBh 5 193.11
चेष्टन्तो विविधाचेष्टा व्यदृश्यन्त महाहवे। वर्तमाने तथा युद्धे घोरे देवासुरोपमे॥
ceṣṭanto vividhāceṣṭā vyadṛśyanta mahāhave| vartamāne tathā yuddhe ghore devāsuropame||
Were seen to roll in various movements on the ground in that great battle. During the progress of that terrible battle resembling that between the Gods and the Asuras in days of yore.
— tr. M.N. Dutt (1891–96) (public domain)
MBh 5 193.12
अब्रवीत् क्षत्रियांस्तत्र धर्मराजो युधिष्ठिरः। अभिद्रवत संयत्ताः कुम्भयोनि महारथाः॥
abravīt kṣatriyāṃstatra dharmarājo yudhiṣṭhiraḥ| abhidravata saṃyattāḥ kumbhayoni mahārathāḥ||
The very virtuous king Yudhishthira addressing the Kshatriyas said-"You mighty car-warriors, rush unitedly upon the pot-born Drona.
— tr. M.N. Dutt (1891–96) (public domain)
MBh 5 193.13
एषो हि पार्षतो वीरो भारद्वाजेन संगतः। घटते च यथाशक्ति भारद्वाजस्य नाशने॥
eṣo hi pārṣato vīro bhāradvājena saṃgataḥ| ghaṭate ca yathāśakti bhāradvājasya nāśane||
Yonder is the heroic son of Prisata engaged with the son of Bharadvaja; he is trying to the best of his endeavours to encompass the death of Drona.
— tr. M.N. Dutt (1891–96) (public domain)
MBh 5 193.14
यादृशानि हि रूपाणि दृश्यन्तेऽस्य महारणे। अद्य द्रोणं रणे क्रुद्धो घातयिष्यति पार्षतः॥
yādṛśāni hi rūpāṇi dṛśyante'sya mahāraṇe| adya droṇaṃ raṇe kruddho ghātayiṣyati pārṣataḥ||
Judging from the appearances of his mighty battle, it may be inferred that filled with rage the son of Prisata will today over-throw in battle the son of Bharadvaja.
— tr. M.N. Dutt (1891–96) (public domain)
MBh 5 193.15
ते यूयं सहिता भूत्वा युध्यध्वं कुम्भसम्भवम्। युधिष्ठिरसमाज्ञप्ताः सृञ्जयानां महारथाः॥
te yūyaṃ sahitā bhūtvā yudhyadhvaṃ kumbhasambhavam| yudhiṣṭhirasamājñaptāḥ sṛñjayānāṃ mahārathāḥ||
Therefore do you unitedly rush upon the pot-born Drona. Thus commanded by Yudhishthira, the mighty car-warriors of the Srinjayas.
— tr. M.N. Dutt (1891–96) (public domain)
MBh 5 193.16
अभ्यद्रवन्त संयत्ता भारद्वाजजिघांसवः। तान् समापततः सर्वान् भारद्वाजो महारथः॥ अभ्यवर्तत वेगेन मर्तव्यमिति निश्चितः। प्रयाते सत्यसंधे तु समकम्पत मेदिनी॥
abhyadravanta saṃyattā bhāradvājajighāṃsavaḥ| tān samāpatataḥ sarvān bhāradvājo mahārathaḥ|| abhyavartata vegena martavyamiti niścitaḥ| prayāte satyasaṃdhe tu samakampata medinī||
Impelled by a desire for slaying the son of Bharadvaja, assailed him. The mighty carwarrior the son of Bharadvaja, then received those advancing hosts in fury, knowing death to be inevitable. When Drona of unfailing aim thus advanced, the earth began to tremble.
— tr. M.N. Dutt (1891–96) (public domain)
MBh 5 193.17
ववुर्वाताः सनिर्घातास्रासयाना वरूथिनीम्। पपात महती चोल्का आदित्यानिश्चरन्त्युत॥
vavurvātāḥ sanirghātāsrāsayānā varūthinīm| papāta mahatī colkā ādityāniścarantyuta||
Fierce winds began to blow filling the troops of the enemy with fear. Mighty meteors began to drop down, seeming to issue out of the solar disc.
— tr. M.N. Dutt (1891–96) (public domain)
MBh 5 193.18
दीपयन्ती उभे सेने शंसन्तीव महद् भयम्। जज्वलुश्चैव शस्त्राणि भारद्वाजस्य मारिष॥
dīpayantī ubhe sene śaṃsantīva mahad bhayam| jajvaluścaiva śastrāṇi bhāradvājasya māriṣa||
In their fall they illumined the welkin and foreboded great danger. O sire, the weapons of Bharadvaja's son began to blaze forth.
— tr. M.N. Dutt (1891–96) (public domain)
MBh 5 193.19
रथाः स्वनन्ति चात्यर्थं हयाश्चाश्रूण्यवासृजन्। हतौजा इव चाप्यासीद् भारद्वाजो महारथः॥
rathāḥ svananti cātyarthaṃ hayāścāśrūṇyavāsṛjan| hataujā iva cāpyāsīd bhāradvājo mahārathaḥ||
Cars emitted loud clatters and horses began to shed tears. The mighty car-warrior Drona the son of Bhardvaja, appeared to be devoid of his energy.
— tr. M.N. Dutt (1891–96) (public domain)
MBh 5 193.20
प्रास्फुरन्नयनं चास्य वाम बाहुस्तथैव च। विमनाश्चाभवद् युद्धे दृष्ट्वा पार्षतमग्रतः॥
prāsphurannayanaṃ cāsya vāma bāhustathaiva ca| vimanāścābhavad yuddhe dṛṣṭvā pārṣatamagrataḥ||
His eyes and his left arms began to tremble. And beholding Prishata's son before him, he became cheerless.
— tr. M.N. Dutt (1891–96) (public domain)
MBh 5 193.21
ऋषीणां ब्रह्मवादानां स्वर्गस्य गमनं प्रति। सुयुद्धेन ततः प्राणानुत्स्रष्टमुपचक्रमे॥
ṛṣīṇāṃ brahmavādānāṃ svargasya gamanaṃ prati| suyuddhena tataḥ prāṇānutsraṣṭamupacakrame||
Coincide to this a memory to take a departure in the abode of Brahma as stated by Rishis, well-known to Brahman, decided to abandon leave their lives through fighting in the battle field with chivalry.
— tr. M.N. Dutt (1891–96) (public domain)
MBh 5 193.22
ततश्चतुर्दिशं सैन्यैर्दुपदस्याभिसंवृतः। निर्दहन् क्षत्रियव्रातान् द्रोणः पर्यचरद् रणे॥
tataścaturdiśaṃ sainyairdupadasyābhisaṃvṛtaḥ| nirdahan kṣatriyavrātān droṇaḥ paryacarad raṇe||
Then desirous of the compass were covered with the troops of Drupada's son. Consuming hosts of Kshatriyas Drona then careered on the field of battle. care
— tr. M.N. Dutt (1891–96) (public domain)
MBh 5 193.23
हत्वा विंशतिसाहस्रान् क्षत्रियानरिमर्दनः। दशायुतानि करिणामवधीद् विशिखैः शितैः॥
hatvā viṃśatisāhasrān kṣatriyānarimardanaḥ| daśāyutāni kariṇāmavadhīd viśikhaiḥ śitaiḥ||
Then that crusher of foes having slain twenty thousand Kshatriyas, slew another hundred thousands with whetted shafts of keen points.
— tr. M.N. Dutt (1891–96) (public domain)
MBh 5 193.24
सोऽतिष्ठदाहवे यत्तो विधूमोऽग्निरिव ज्वलन्। क्षत्रियाणामभावाय ब्राह्ममस्रं समास्थितः॥
so'tiṣṭhadāhave yatto vidhūmo'gniriva jvalan| kṣatriyāṇāmabhāvāya brāhmamasraṃ samāsthitaḥ||
Then exerting himself with he remained in the battle-field and appeared like a blazing fire without even a curl of smoke. For the destruction of the Kshatriyas. he then grasped the Brahma weapons.
— tr. M.N. Dutt (1891–96) (public domain)
MBh 5 193.25
पाञ्चाल्यं विरथं भीमो हतसर्वायुधं बली। सुविषण्णं महात्मानं त्वरमाणः समभ्ययात्॥
pāñcālyaṃ virathaṃ bhīmo hatasarvāyudhaṃ balī| suviṣaṇṇaṃ mahātmānaṃ tvaramāṇaḥ samabhyayāt||
Then the self-controlled Bhima beholding the prince of the Panchalas carless and weaponless, quickly rushed to the rescue of that high-souled warrior.
— tr. M.N. Dutt (1891–96) (public domain)
MBh 5 193.26
ततः स्वरथमारोप्य पाञ्चाल्यमरिमर्दनः। अब्रवीदभिसम्प्रेक्ष्य द्रोणमस्यन्तमन्तिकाम्॥
tataḥ svarathamāropya pāñcālyamarimardanaḥ| abravīdabhisamprekṣya droṇamasyantamantikām||
Then beholding the prince of the Panchalas strike Drona from a near point Bhima, that subduer of foes, took him up on his car and
— tr. M.N. Dutt (1891–96) (public domain)
MBh 5 193.27
न त्वदन्य इहाचार्यं योद्धमुत्सहते पुमान्। त्वरख प्राग् वधायैव त्वयि भारः समाहितः॥
na tvadanya ihācāryaṃ yoddhamutsahate pumān| tvarakha prāg vadhāyaiva tvayi bhāraḥ samāhitaḥ||
Except yourself there is none who can fight with the preceptor in such close quarters; therefore be quick in compassing his slaughter, inasmuch as the burden rests wholly on you.
— tr. M.N. Dutt (1891–96) (public domain)
MBh 5 193.28
स तथोक्तो महाबाहुः सर्वभारसहं धनुः। अभिपत्याददे क्षिप्रमायुधप्रवरं दृढम्॥
sa tathokto mahābāhuḥ sarvabhārasahaṃ dhanuḥ| abhipatyādade kṣipramāyudhapravaraṃ dṛḍham||
Thus spoken to by Bhima, the mightyarmed Dhristadyumna, quickly took up a strong and new bow of very superior make and capable of bearing a great strain.
— tr. M.N. Dutt (1891–96) (public domain)
MBh 5 193.29
संरब्धश्च शरानस्यन् द्रोणं दुर्वारणं रणे। विवारयिषुराचार्यं शरवर्षैरवाकिरत्॥
saṃrabdhaśca śarānasyan droṇaṃ durvāraṇaṃ raṇe| vivārayiṣurācāryaṃ śaravarṣairavākirat||
Worked up with rage and discharging his arrows in that battle at the indomitable Drona, Dhristadyumna covered the preceptor with arrows with a desire to withstand him.
— tr. M.N. Dutt (1891–96) (public domain)
MBh 5 193.30
तौ न्यवारयतां श्रेष्ठौ संरब्धौ रणशोभिनौ। उदीरयेतां ब्राह्माणि दिव्यान्यस्राण्यनेकशः॥
tau nyavārayatāṃ śreṣṭhau saṃrabdhau raṇaśobhinau| udīrayetāṃ brāhmāṇi divyānyasrāṇyanekaśaḥ||
Those two ornaments of battle, those two superior warriors, filled with rage, then resisted one another and invoked into existence many celestial and Brahma weapons.
— tr. M.N. Dutt (1891–96) (public domain)
MBh 5 193.31
स महास्त्रैर्महाराज द्रोणमाच्छादयद् रणे। निहत्य सर्वाण्यस्राणि भारद्वाजस्य पार्षतः॥
sa mahāstrairmahārāja droṇamācchādayad raṇe| nihatya sarvāṇyasrāṇi bhāradvājasya pārṣataḥ||
Then, O mighty monarch, Dhristadyumna covered Drona in that battle with many weapons. Destroying all those weapons of Bharadvaja's son, the prince of the Panchalas.
— tr. M.N. Dutt (1891–96) (public domain)
MBh 5 193.32
सवसातीशिबींश्चैव बाह्रीकान् कौरवानपि। रक्षिष्यमाणान् संग्रामे द्रोणं व्यधमदच्युतः॥
savasātīśibīṃścaiva bāhrīkān kauravānapi| rakṣiṣyamāṇān saṃgrāme droṇaṃ vyadhamadacyutaḥ||
That warrior of unfading renown, began to consume the Vasatis, the Shinis, the Valhikas and the Kurus who were then engaged in protecting Drona.
— tr. M.N. Dutt (1891–96) (public domain)
MBh 5 193.33
धृष्टद्युम्नस्तथा राजन् गभस्तिभिरिवांशुमान्। बभौ प्रच्छादयन्नाशाः शरजालैः समन्ततः॥
dhṛṣṭadyumnastathā rājan gabhastibhirivāṃśumān| babhau pracchādayannāśāḥ śarajālaiḥ samantataḥ||
O king, discharging numerous shafts on all sides, Dhristadyumna at that time appeared beautiful like the sun of myriad rays.
— tr. M.N. Dutt (1891–96) (public domain)
MBh 5 193.34
तस्य द्रोणो धनुश्छित्त्वा विद्ध्वा चैनं शिलीमुखैः। मर्माण्यभ्यहनद् भूयः स व्यथां परमामगात्॥
tasya droṇo dhanuśchittvā viddhvā cainaṃ śilīmukhaiḥ| marmāṇyabhyahanad bhūyaḥ sa vyathāṃ paramāmagāt||
Drona however once more cut-off the prince's bow and pierced the vitals of the prince himself with large number of shafts. Thus wounded the prince was greatly pained.
— tr. M.N. Dutt (1891–96) (public domain)
MBh 5 193.35
ततो भीमो दृढक्रोधो द्रोणस्याश्लिष्य तं रथम्। शनकैरिव राजेन्द्र द्रोणं वचनमब्रवीत्॥
tato bhīmo dṛḍhakrodho droṇasyāśliṣya taṃ ratham| śanakairiva rājendra droṇaṃ vacanamabravīt||
Thereupon Bhima of great fury holding the chariot of Drona, distinctly spoke those words to him
— tr. M.N. Dutt (1891–96) (public domain)
MBh 5 193.36
यदि नाम न युध्येरशिक्षिता ब्रह्मबन्धवः। स्वकर्मभिरसंतुष्टा न स्म क्षत्रं क्षयं व्रजेत्॥
yadi nāma na yudhyeraśikṣitā brahmabandhavaḥ| svakarmabhirasaṃtuṣṭā na sma kṣatraṃ kṣayaṃ vrajet||
If vile Brahmanas dissatisfied with the duties of their own order but versed in the use of weapons, did not fight, then the Kshatriya a order would not have become reduced in numerical strength.
— tr. M.N. Dutt (1891–96) (public domain)
MBh 5 193.37
अहिंसां सर्वभूतेषु धर्म ज्यायस्तरं विदुः। तस्य च ब्राह्मणो मूलं भवांश्च ब्रह्मवित्तमः॥
ahiṃsāṃ sarvabhūteṣu dharma jyāyastaraṃ viduḥ| tasya ca brāhmaṇo mūlaṃ bhavāṃśca brahmavittamaḥ||
Sparing life has been declared to be most excellent of all virtues. The Brahmana is the toot of that virtue. You are again the foremost of all men conversant with Brahma.
— tr. M.N. Dutt (1891–96) (public domain)
MBh 5 193.38
श्वपाकवम्लेच्छगणान् हत्वा चान्याद् पृथग्विधान्। अज्ञानान्मूढवद् ब्रह्मन् पुत्रदारधनेप्सया॥ एकस्यार्थे बहून् हत्वा पुत्रस्याधर्मविद्यया। स्वकर्मस्थान् विकर्मस्थो न व्यपत्रसे कथम्॥
śvapākavamlecchagaṇān hatvā cānyād pṛthagvidhān| ajñānānmūḍhavad brahman putradāradhanepsayā|| ekasyārthe bahūn hatvā putrasyādharmavidyayā| svakarmasthān vikarmastho na vyapatrase katham||
Like Chandala, slaying numerous Mlechchas and diverse other warriors, who however are all engaged in performing the duties of their order, moved to the deed by folly and ignorance, O Brahmana and by the desire of benefiting your family and son, indeed for the sake of your only son indeed slaying all like one ignorant of his duties and disregarding your own avocation why do you not feel ashamed?
— tr. M.N. Dutt (1891–96) (public domain)
MBh 5 193.39
यस्यार्थे शस्त्रमादाय यमपेक्ष्य च जीवसि। च साद्य पतितः शेते पृष्ठे नावेदितस्तव॥
yasyārthe śastramādāya yamapekṣya ca jīvasi| ca sādya patitaḥ śete pṛṣṭhe nāveditastava||
He for whose sake you have taken up arms and for whom you live, he, deprived of life, today lies on the field of battle, unknown to you and behind your back.
— tr. M.N. Dutt (1891–96) (public domain)
MBh 5 193.40
धर्मराजस्य तद् वाक्यं नाभिशङ्कितुमर्हसि। एवमुक्तस्ततो द्रोणो भीमेनोत्सृज्य तद् धनुः॥
dharmarājasya tad vākyaṃ nābhiśaṅkitumarhasi| evamuktastato droṇo bhīmenotsṛjya tad dhanuḥ||
It behoves you not to doubt the words the very virtuous king Yudhishthira has told you, Thus addressed by Bhima, Drona, laid his bow aside.
— tr. M.N. Dutt (1891–96) (public domain)
MBh 5 193.41
सर्वाण्यत्राणि धर्मात्मा हातुकामोऽभ्यभाषत। कर्ण कर्ण महेष्वास कृप दुर्योधनेति च॥
sarvāṇyatrāṇi dharmātmā hātukāmo'bhyabhāṣata| karṇa karṇa maheṣvāsa kṛpa duryodhaneti ca||
Then desirous of laying all his weapons aside, Bharadvaja's son of illustrious soul, said aloud-"O Karna, O Karna, Ogreat bowman, O Kripa, O Duryodhana.
— tr. M.N. Dutt (1891–96) (public domain)
MBh 5 193.42
संग्रामे क्रियतां यत्नो ब्रवीम्येष पुनः पुनः। पाण्डवेभ्य: शिवं वोऽस्तु शस्रमभ्युत्सृजाम्यहम्॥
saṃgrāme kriyatāṃ yatno bravīmyeṣa punaḥ punaḥ| pāṇḍavebhya: śivaṃ vo'stu śasramabhyutsṛjāmyaham||
Exert your best in the battle: this I tell you repeatedly; may no injury befall you from the Pandavas; I am going to lay aside my weapons.
— tr. M.N. Dutt (1891–96) (public domain)
MBh 5 193.43
इति तत्र महाराज प्राक्रोशद् द्रौणिमेव च। उत्सृज्य च रणे शस्त्रं रथोपस्थे निविश्य च॥
iti tatra mahārāja prākrośad drauṇimeva ca| utsṛjya ca raṇe śastraṃ rathopasthe niviśya ca||
Having spoken thus, O mighty monarch, Drona began to cry out the name of Ashvatthaman at the top of his voice; and laying aside his weapons, he then sat down on the terrace of his car.
— tr. M.N. Dutt (1891–96) (public domain)
MBh 5 193.44
अभयं सर्वभूतानां प्रददौ योगमीयिवान्। तस्य तच्छिद्रमाज्ञाय धृष्टद्युम्नः प्रतापवान्॥
abhayaṃ sarvabhūtānāṃ pradadau yogamīyivān| tasya tacchidramājñāya dhṛṣṭadyumnaḥ pratāpavān||
Then betaking to yoga, he assuredly gave safety to creature. Taking advantage of that opportunity. Dhristadyumna collected all his energies.
— tr. M.N. Dutt (1891–96) (public domain)
MBh 5 193.45
सशरं तद् धनुर्घोरं संन्यस्याथ रथे ततः। खड्गी रथादवप्लुत्य सहसा द्रोणमभ्ययात्॥
saśaraṃ tad dhanurghoraṃ saṃnyasyātha rathe tataḥ| khaḍgī rathādavaplutya sahasā droṇamabhyayāt||
Then placing his dreadful bow with arrows fixed on its string on his car, he jumped down from it armed with a sword and then rushed furiously upon Drona.
— tr. M.N. Dutt (1891–96) (public domain)
MBh 5 193.46
हाहाकृतानि भूतानि मानुषाणीतराणि च। द्रोणं तथागतं दृष्ट्वा धृष्टद्युम्नवशं गतम्॥
hāhākṛtāni bhūtāni mānuṣāṇītarāṇi ca| droṇaṃ tathāgataṃ dṛṣṭvā dhṛṣṭadyumnavaśaṃ gatam||
Then men and other creatures beholding Drona on the point of falling a victim to Dhristadyumna, began to utter loud cries of Oh and Alas.
— tr. M.N. Dutt (1891–96) (public domain)
MBh 5 193.47
हाहाकारं भृशं चक्रुरहो धिगिति चाब्रुवन्। द्रोणोऽपि शस्त्राण्युत्सृज्य परमं सांख्यमास्थितः॥
hāhākāraṃ bhṛśaṃ cakruraho dhigiti cābruvan| droṇo'pi śastrāṇyutsṛjya paramaṃ sāṃkhyamāsthitaḥ||
They bewailed piteously and they cried alas and oh and said fie. Meanwhile Drona, having laid aside his weapons, was peacefully seated on his car.
— tr. M.N. Dutt (1891–96) (public domain)
MBh 5 193.48
तथोक्त्वा योगमास्थाय ज्योतिर्भूतो महातपाः। पुराणं पुरुषं विष्णुं जगाम मनसा परम्॥
tathoktvā yogamāsthāya jyotirbhūto mahātapāḥ| purāṇaṃ puruṣaṃ viṣṇuṃ jagāma manasā param||
Having spoken as before, Drona, had betaken to yoga. Endued with great splendour and possessed of ascetic merit, he had set his heart on that ancient and paramount being viz., Vishnu.
— tr. M.N. Dutt (1891–96) (public domain)
MBh 5 193.49
मुखं किंचित् समुन्नाम्य विष्टभ्य उरमग्रतः। निमीलिताक्षः सत्त्वस्थो निक्षिप्य हृदि धारणाम्॥
mukhaṃ kiṃcit samunnāmya viṣṭabhya uramagrataḥ| nimīlitākṣaḥ sattvastho nikṣipya hṛdi dhāraṇām||
Slightly bending down his face and throwing his breast forward and shutting his eyes and reposing on the quality of goodness and directing his mind on meditation.
— tr. M.N. Dutt (1891–96) (public domain)
MBh 5 193.50
ओमित्येकाक्षरं ब्रह्म ज्योतिर्भूतो महातपाः। स्मरित्वा देवदेवेशमक्षरं परमं प्रभुम्॥
omityekākṣaraṃ brahma jyotirbhūto mahātapāḥ| smaritvā devadeveśamakṣaraṃ paramaṃ prabhum||
And thinking on the monosyllabic Om representing Brahma and recollecting the mighty, paramount and indestructible god of gods and effulgent Drona of great ascetic merit.
— tr. M.N. Dutt (1891–96) (public domain)
MBh 5 193.51
दिवमाक्रामदाचार्यः साक्षात् सद्भिर्द्धराक्रमाम्। द्वौ सूर्याविति नो बुद्धिरासीत् तस्मिस्तथागते॥
divamākrāmadācāryaḥ sākṣāt sadbhirddharākramām| dvau sūryāviti no buddhirāsīt tasmistathāgate||
The preceptor of the Kurus and the Pandavas, went to heaven, which is so difficult of being attained even by the virtuous. Indeed when Drona proceeded to heaven, it appeared to us that there were two suns in the sky.
— tr. M.N. Dutt (1891–96) (public domain)
MBh 5 193.52
एकाग्रमिव चासीच ज्योतिर्भिः पूरितं नमः। समपद्यत चार्काभे भारद्वाजदिवाकरे॥
ekāgramiva cāsīca jyotirbhiḥ pūritaṃ namaḥ| samapadyata cārkābhe bhāradvājadivākare||
The whole welkin was ablaze and appeared to be one vast sheet of equal light when the sun-like Bharadvaja, of solar splendour, proceeded towards heaven.
— tr. M.N. Dutt (1891–96) (public domain)
MBh 5 193.53
निमेषमात्रेण च तज्जयोतिरन्तरधीयत। आसीत् किलकिलाशब्दः प्रहृष्टानां दिवौकसाम्॥
nimeṣamātreṇa ca tajjayotirantaradhīyata| āsīt kilakilāśabdaḥ prahṛṣṭānāṃ divaukasām||
But within an wink of time however, that light disappeared and then tumultuous noise of the delighted celestials were heard there,
— tr. M.N. Dutt (1891–96) (public domain)
MBh 5 193.54
ब्रह्मलोकगते द्रोणे धृष्टद्युम्ने च मोहिते। वयमेव तदाद्राक्ष्म पञ्च मानुषयोनयः॥
brahmalokagate droṇe dhṛṣṭadyumne ca mohite| vayameva tadādrākṣma pañca mānuṣayonayaḥ||
When Drona thus ascended to heaven, Dhristadyumna was standing beside him stupefied; only we five amongst mortal creatures beheld.
— tr. M.N. Dutt (1891–96) (public domain)
MBh 5 193.55
योगयुक्तं महात्मानं गच्छन्तं परमां गतिम्। अहं धनंजयः पार्थो कृपः शारद्वतस्तथा॥
yogayuktaṃ mahātmānaṃ gacchantaṃ paramāṃ gatim| ahaṃ dhanaṃjayaḥ pārtho kṛpaḥ śāradvatastathā||
The illustrious Drona, lost in yoga and meditation, ascend to the highest regions of blessedness. These five were, myself, Pritha's son Dhananjaya, Ashvatthaman, the son of Drona.
— tr. M.N. Dutt (1891–96) (public domain)
MBh 5 193.56
वासुदेवश्च वार्ष्णेयो धर्मपुत्रश्च पाण्डवः। अन्ये त सर्वे नापश्यन् भारद्वाजस्य धीमतः॥ महिमानं महाराज योगयुक्तस्य गच्छतः। ब्रह्मलोकं महद् दिव्यं देवगुह्यं हि तत् परम्॥
vāsudevaśca vārṣṇeyo dharmaputraśca pāṇḍavaḥ| anye ta sarve nāpaśyan bhāradvājasya dhīmataḥ|| mahimānaṃ mahārāja yogayuktasya gacchataḥ| brahmalokaṃ mahad divyaṃ devaguhyaṃ hi tat param||
Vasudeva of the Vrisni race and king Yudhishthira the virtuous son of Pandu, All else could not seen the halo of glory that surrounded the intelligent son of Bharadvaja as he ascended, rapt up in yoga, to the Brahma regions, which are mysterious even to the gods and which is the highest of all celestial regions.
— tr. M.N. Dutt (1891–96) (public domain)
MBh 5 193.57
गतिं परमिकां प्राप्तमजानन्तो नृयोनयः। नापश्यन् गच्छमानं हि तं सार्धमृषिपुङ्गवैः॥ आचार्यं योगमास्थाय ब्रह्मलोकमरिंदमम्। वितुन्नाङ्गं शरव्रातैस्तायुधमसृकक्षरम्॥
gatiṃ paramikāṃ prāptamajānanto nṛyonayaḥ| nāpaśyan gacchamānaṃ hi taṃ sārdhamṛṣipuṅgavaiḥ|| ācāryaṃ yogamāsthāya brahmalokamariṃdamam| vitunnāṅgaṃ śaravrātaistāyudhamasṛkakṣaram||
In fact all human beings were then unaware of the fact that Drona had attained to the highest mode of existence. None of them could then descry the preceptor, that subduer of foes, ascend to the region of Brahma, devoted to yoga, in company with the best of sages, his body mangled with arrows and steeped in blood after he had set aside his weapons.
— tr. M.N. Dutt (1891–96) (public domain)
MBh 5 193.58
धिक्कृतः पार्षतस्तं तु सर्वभूतैः परामृशत्। तस्य मूर्धानमालम्ब्य गतसत्त्वस्य देहिनः॥
dhikkṛtaḥ pārṣatastaṃ tu sarvabhūtaiḥ parāmṛśat| tasya mūrdhānamālambya gatasattvasya dehinaḥ||
Prisata's meanwhile, though all creatures cried fie on him, yet casting his eyes on the lifeless Drona's head, began to drag it (by the hair.)
— tr. M.N. Dutt (1891–96) (public domain)
MBh 5 193.59
किंचिद्रब्रुवतः कायाद् विचकर्तासिना शिरः। हर्षेण महता युक्तो भारद्वाजे निपातिते॥
kiṃcidrabruvataḥ kāyād vicakartāsinā śiraḥ| harṣeṇa mahatā yukto bhāradvāje nipātite||
Then with his sword he lopped that head off the trunk of his foe who remained silent all the while. Then upon the slaughter of Bharadvaja's son he was filled with delight.
— tr. M.N. Dutt (1891–96) (public domain)
MBh 5 193.60
सिंहनादरवं चक्रे भ्रामयन् खङ्गमाहवे। आकर्णपलितः श्यामो वयसाशीतिपञ्चकः॥
siṃhanādaravaṃ cakre bhrāmayan khaṅgamāhave| ākarṇapalitaḥ śyāmo vayasāśītipañcakaḥ||
Dhristadyumna began to send up loud warcries whirling his sword all the while in the air. son With his hoary locks flowing down his ears, of a dark complexion that old man of eighty-five years.
— tr. M.N. Dutt (1891–96) (public domain)
MBh 5 193.61
त्वत्कृते व्यचरत् संख्ये स तु षोडशवर्षवत्। उक्तवांश्च महाबाहुः कुन्तीपुत्रो धनंजयः॥
tvatkṛte vyacarat saṃkhye sa tu ṣoḍaśavarṣavat| uktavāṃśca mahābāhuḥ kuntīputro dhanaṃjayaḥ||
For your sake used to career on the field of battle, like a boy of sixteen. The mighty-armed Dhananjaya, that son of Kunti, had said (before
— tr. M.N. Dutt (1891–96) (public domain)
MBh 5 193.62
जीवन्तमानयाचार्य मा वधी?पदात्मजा न हन्तव्यो न हन्तव्य इति ते सैनिकाच ह॥
jīvantamānayācārya mā vadhī?padātmajā na hantavyo na hantavya iti te sainikāca ha||
"O son of Drupada, bring the preceptor alive. Do not slay him. He should not be slain, he should not be slain.” Even thus did you troops also.
— tr. M.N. Dutt (1891–96) (public domain)
MBh 5 193.63
उत्क्रोशन्नर्जुनश्चैव सानुक्रोशस्तमाव्रजत्। क्रोशमानेऽर्जुने चैव पार्थिवेषु च सर्वशः॥
utkrośannarjunaścaiva sānukrośastamāvrajat| krośamāne'rjune caiva pārthiveṣu ca sarvaśaḥ||
Cry out; especially Arjuna had exclaimed aloud melting with compassion for his preceptor. But unmindful of the cries of Arjuna and those of other rulers of the earth.
— tr. M.N. Dutt (1891–96) (public domain)
MBh 5 193.64
धृष्टद्युम्नोऽवधीद् द्रोणं रथतल्पे नरर्षभम्। शोणितेन परिक्लिन्नो रथाद् भूमिमथापतत्॥ लोहिताङ्ग इवादित्यो दुर्धर्षः समपद्यता एवं तं निहतं संख्ये ददृशे सैनिको जनः॥
dhṛṣṭadyumno'vadhīd droṇaṃ rathatalpe nararṣabham| śoṇitena pariklinno rathād bhūmimathāpatat|| lohitāṅga ivādityo durdharṣaḥ samapadyatā evaṃ taṃ nihataṃ saṃkhye dadṛśe sainiko janaḥ||
O foremost of men, Dhristadyumna slew Drona in the terrace of his own car. Then that indomitable subduer of foes, his body stained with blood, jumped down from the car on the earth, looking red like the (newly-risen) solar disc. Thus the soldiers behold Drona slain in the battle.
— tr. M.N. Dutt (1891–96) (public domain)
MBh 5 193.65
धृष्टद्युम्नस्तु तद् राजन् भारद्वाजशिरोऽहरत्। तावकानां महेष्वासः प्रमुखे तत् समाक्षिपत्॥
dhṛṣṭadyumnastu tad rājan bhāradvājaśiro'harat| tāvakānāṃ maheṣvāsaḥ pramukhe tat samākṣipat||
Thereafter, O king, that furied bowman Dhristadyumna, threw that large head of Bharadvaja's son at the front ranks of your troops.
— tr. M.N. Dutt (1891–96) (public domain)
MBh 5 193.66
ते तु दृष्ट्वा शिरो राजन् भारद्वाजस्य तावकाः। पलायनकृतोत्साहा दुद्रुवुः सर्वतो दिशम्॥
te tu dṛṣṭvā śiro rājan bhāradvājasya tāvakāḥ| palāyanakṛtotsāhā dudruvuḥ sarvato diśam||
Then the troops beholding that head of Bharadvaja's son, felt inclined to fly and O king, without much hesitation they took to their heels.
— tr. M.N. Dutt (1891–96) (public domain)
MBh 5 193.67
द्रोणस्तु दिवमास्थाय नक्षत्रमथमाविशत्। अहमेव तदाद्राक्षं द्रोणस्य निधनं नृप॥
droṇastu divamāsthāya nakṣatramathamāviśat| ahameva tadādrākṣaṃ droṇasya nidhanaṃ nṛpa||
Meanwhile Drona proceeding to the heavens entered the stellar path. I only saw the (true circumstances of the) death of Drona.
— tr. M.N. Dutt (1891–96) (public domain)
MBh 5 193.68
ऋषेः प्रसादात् कृष्णस्य सत्यवत्याः सुतस्य च। विधूमामिह संयान्तीमुल्कां प्रज्वलितामिव॥ अपश्याम दिवं स्तब्वा गच्छन्तं तं महाद्युतिम्। हते द्रोणे निरुत्साहान् कुरून् पाण्डवसृञ्जयाः॥
ṛṣeḥ prasādāt kṛṣṇasya satyavatyāḥ sutasya ca| vidhūmāmiha saṃyāntīmulkāṃ prajvalitāmiva|| apaśyāma divaṃ stabvā gacchantaṃ taṃ mahādyutim| hate droṇe nirutsāhān kurūn pāṇḍavasṛñjayāḥ||
Through the grace of the sage KrishnaDvaipayana, the son of Satyavati. I then beheld that effulgent one proceeding, after his ascension to the sky, like a blazing flame-beam free from even a curl of smoke flying through the welkin. Upon the slaughter of Drona, the Kurus, the Pandavas and the Srinjayas, all became depressed.
— tr. M.N. Dutt (1891–96) (public domain)
MBh 5 193.69
अभ्यद्रवन् महावेगास्ततः सैन्यं व्यदीर्यत। निहता हतभूयिष्ठाः संग्रामे निशितैः शरैः॥
abhyadravan mahāvegāstataḥ sainyaṃ vyadīryata| nihatā hatabhūyiṣṭhāḥ saṃgrāme niśitaiḥ śaraiḥ||
And every body fled in great haste. The army then broke away. Many had been slain and many wounded with keen arrows.
— tr. M.N. Dutt (1891–96) (public domain)
MBh 5 193.70
तावका निहते द्रोणे गतासव इवाभवन्। पराजयमथावाप्य परत्र च महद् भयम्॥
tāvakā nihate droṇe gatāsava ivābhavan| parājayamathāvāpya paratra ca mahad bhayam||
Upon the death of Drona, your troops appeared to be senseless. Having suffered a defeat and being inspired with fear about the future.
— tr. M.N. Dutt (1891–96) (public domain)
MBh 5 193.71
उभयेनैव ते हीना नाविन्दन् धृतिमात्मनः। अन्विच्छन्तः शरीरं तु भारद्वाजस्य पार्थिवाः॥
ubhayenaiva te hīnā nāvindan dhṛtimātmanaḥ| anvicchantaḥ śarīraṃ tu bhāradvājasya pārthivāḥ||
The Kurus lost the benefit of this as well as of the next world. Really they lost all selfcontrol. The rulers of earth then searching for the body of Bharadvaja's son.
— tr. M.N. Dutt (1891–96) (public domain)
MBh 5 193.72
नान्वगच्छन् महाराज कबन्धायुतसंकुले। पाण्डवास्तु जयं लब्ध्वा परत्र च महद् यशः॥
nānvagacchan mahārāja kabandhāyutasaṃkule| pāṇḍavāstu jayaṃ labdhvā paratra ca mahad yaśaḥ||
Could not find it out in consequence of the field being covered over with numerous headless trunks. The Pandavas on the other hand, having obtained victory here and prospects of fame in the future.
— tr. M.N. Dutt (1891–96) (public domain)
MBh 5 193.73
बाणशङ्खरवांश्चक्रुः सिंहनादांश्च पुष्कलान्। भीमसेनस्ततो राजन् धृष्टद्युम्नश्च पार्षतः॥
bāṇaśaṅkharavāṃścakruḥ siṃhanādāṃśca puṣkalān| bhīmasenastato rājan dhṛṣṭadyumnaśca pārṣataḥ||
Began to make loud sounds with their arrows and conches conches and they uttered tremendous war-cries. Then Bhimasena and Prisata's son Dhristadyumna.
— tr. M.N. Dutt (1891–96) (public domain)
MBh 5 193.74
वरूथिन्यामनृत्येतां परिष्वज्य परस्परम्। अब्रवीच तदा भीमः पार्षतं शत्रुतापनम्॥
varūthinyāmanṛtyetāṃ pariṣvajya parasparam| abravīca tadā bhīmaḥ pārṣataṃ śatrutāpanam||
Embraced each other in the midst of the Pandava host which looked upon them both. Then that afflicter of foes Bhima addressing Prisata's son said
— tr. M.N. Dutt (1891–96) (public domain)
MBh 5 193.75
भूयोऽहं त्वां विजयिनं परिष्वज्यामि पार्षत। सूतपुत्रे हते पापे धार्तराष्ट्रे च संयुगे॥
bhūyo'haṃ tvāṃ vijayinaṃ pariṣvajyāmi pārṣata| sūtaputre hate pāpe dhārtarāṣṭre ca saṃyuge||
"O son of Prisata, I will again embrace your victorious self, when the sinful sons of Suta and Dhritarashtra will be slain in the battle.
— tr. M.N. Dutt (1891–96) (public domain)
MBh 5 193.76
एतावदुक्त्वा भीमस्तु हर्षेण महता युतः। बाहुशब्देन पृथिवीं कम्पयामास पाण्डवः॥
etāvaduktvā bhīmastu harṣeṇa mahatā yutaḥ| bāhuśabdena pṛthivīṃ kampayāmāsa pāṇḍavaḥ||
Having spoken thus much and filled with joy, Pandu's son Bhima, caused the earth to tremble with the sound of his arm-strokes.
— tr. M.N. Dutt (1891–96) (public domain)
MBh 5 193.77
तस्य शब्देन वित्रस्ताः प्राद्रवंस्तावका युधि। क्षत्रधर्मं समुत्सृज्य पलायनपरायणाः॥
tasya śabdena vitrastāḥ prādravaṃstāvakā yudhi| kṣatradharmaṃ samutsṛjya palāyanaparāyaṇāḥ||
At that sound your troops, panic stricken, began to fly away; and disregarding the duties of Kshatriyas they exerted themselves in flying away.
— tr. M.N. Dutt (1891–96) (public domain)
MBh 5 193.78
पाण्डवास्तु जयं लब्ध्वा हृष्टा ह्यासन् विशाम्पते। अरिक्षयं च संग्रामे तेन ते सुखमाप्नुवन्॥
pāṇḍavāstu jayaṃ labdhvā hṛṣṭā hyāsan viśāmpate| arikṣayaṃ ca saṃgrāme tena te sukhamāpnuvan||
The Pandavas, having obtained victory were transported with joy, O ruler of men; and great was their happiness at the destruction of their foes in battle.
— tr. M.N. Dutt (1891–96) (public domain)