Mahabharata — Volume V (Dutt edition) — Chapter 182

MBh 5 182.1

अर्जुन उवाच कथमस्मद्धितार्थं ते कैश्च योगैर्जनार्दन। जरासंघप्रभृतयो घातिताः पृथिवीश्वराः॥

arjuna uvāca kathamasmaddhitārthaṃ te kaiśca yogairjanārdana| jarāsaṃghaprabhṛtayo ghātitāḥ pṛthivīśvarāḥ||

Arjuna said How, O Janardana and by what measures were those lords of earth Jarasandha and others slain, for our welfare?

— tr. M.N. Dutt (1891–96) (public domain)

MBh 5 182.2

श्रीवासुदेव उवाच जरासंघश्चेदिराजो नैषादिश्व महाबलः। यदि स्युर्न हताः पूर्वमिदानीं स्युर्भयंकराः॥

śrīvāsudeva uvāca jarāsaṃghaścedirājo naiṣādiśva mahābalaḥ| yadi syurna hatāḥ pūrvamidānīṃ syurbhayaṃkarāḥ||

Vasudeva said Had not Jarasandha, the ruler of the Chedis and the highly puissant prince of the Nishadas been slain before, they would have become very terrible by this time.

— tr. M.N. Dutt (1891–96) (public domain)

MBh 5 182.3

दुर्योधनस्तानवश्यं वृणुयाद् रथसत्तमान्। तेऽस्मासु नित्यविद्विष्टाः संश्रयेयुश्च कौरवान्॥

duryodhanastānavaśyaṃ vṛṇuyād rathasattamān| te'smāsu nityavidviṣṭāḥ saṃśrayeyuśca kauravān||

Duryodhana would then surely have invited those foremost of car-warriors to embrace his cause and they, ever hostile to us, must have chosen the Kaurava party.

— tr. M.N. Dutt (1891–96) (public domain)

MBh 5 182.4

ते हि वीरा महेष्वासाः कृतास्रा दृढयोधिनः। धार्तराष्ट्रां चमूं कृत्स्नां रक्षेयुरमरा इव॥

te hi vīrā maheṣvāsāḥ kṛtāsrā dṛḍhayodhinaḥ| dhārtarāṣṭrāṃ camūṃ kṛtsnāṃ rakṣeyuramarā iva||

They all were brave, fierce bowmen, accomplished in the use of weapons and firm in battle; and they would have then defended the Dhritarashtras like so many immortals.

— tr. M.N. Dutt (1891–96) (public domain)

MBh 5 182.5

सूतपुत्रो जरासंघश्चेदिराजो निषादजः। सुयोधनं समाश्रित्य जयेयुः पृथिवीमिमाम्॥

sūtaputro jarāsaṃghaścedirājo niṣādajaḥ| suyodhanaṃ samāśritya jayeyuḥ pṛthivīmimām||

The son of Suta, Jarasandha, the ruler of the Chedis and the prince of the Nishadas, these, united with Suyodhana, mighty have conquered the whole earth.

— tr. M.N. Dutt (1891–96) (public domain)

MBh 5 182.6

योगैरपि हता यैस्ते तन्मे शृणु धनंजय। अजय्या हि विना योगैर्मधे ते दैवतैरपि॥

yogairapi hatā yaiste tanme śṛṇu dhanaṃjaya| ajayyā hi vinā yogairmadhe te daivatairapi||

It was through my tactics that they were slain. Hear from me of those tactics. Indeed even the gods, without the employment of tactics, could not have defeated them in battle.

— tr. M.N. Dutt (1891–96) (public domain)

MBh 5 182.7

एकैको हि पृथक् तेषां समस्तां सुरवाहिनीम्। योधयेत् समरे पार्थ लोकपालाभिरक्षिताम्॥

ekaiko hi pṛthak teṣāṃ samastāṃ suravāhinīm| yodhayet samare pārtha lokapālābhirakṣitām||

Each of them, individually, could have fought with entire army of the celestials, protected by the regents of the worlds themselves, O son of Pritha!

— tr. M.N. Dutt (1891–96) (public domain)

MBh 5 182.8

जरासंधो हि रुषितो रौहिणेयप्रधर्षितः। अस्मद्वधार्थं चिक्षेप गदां वै सर्वघातिनीम्॥

jarāsaṃdho hi ruṣito rauhiṇeyapradharṣitaḥ| asmadvadhārthaṃ cikṣepa gadāṃ vai sarvaghātinīm||

Once on a time, afflicted by the son of Rohini, Jarasandha, excited to the highest pitch of fury, hurled at ourselves a mace capable of slaying at creatures.

— tr. M.N. Dutt (1891–96) (public domain)

MBh 5 182.9

सीमन्तमिव कुर्वाणा नभसः पावकप्रभा। अदृश्यतापतन्ती सा शक्रमुक्ता यथाशनिः॥

sīmantamiva kurvāṇā nabhasaḥ pāvakaprabhā| adṛśyatāpatantī sā śakramuktā yathāśaniḥ||

Sparkling like the tongues of fire, that mace flew towards ourselves dividing the welkin like the line that parts the tresses of woman and with the impetuosity of the thunder hurled by Shakra.

— tr. M.N. Dutt (1891–96) (public domain)

MBh 5 182.10

तामापतन्तीं दृष्टैव गदां रोहिणिनन्दनः। प्रतिघातार्थमस्रं वै स्थूणाकर्णमवासृजत्॥

tāmāpatantīṃ dṛṣṭaiva gadāṃ rohiṇinandanaḥ| pratighātārthamasraṃ vai sthūṇākarṇamavāsṛjat||

Then beholding that mace course towards us, the son of Rohini, for repulsing that mace, hurled the weapon know as Sthanukarna.

— tr. M.N. Dutt (1891–96) (public domain)

MBh 5 182.11

अस्रवेगप्रतिहता सा गदा प्रापतद् भुवि। दारयन्ती धरां देवीं कम्पयन्तीव पर्वतान्॥

asravegapratihatā sā gadā prāpatad bhuvi| dārayantī dharāṃ devīṃ kampayantīva parvatān||

Repulsed by the force of Baladeva's weapon, that mace fell on the earth riving her open and causing the mountains thereon to tremble.

— tr. M.N. Dutt (1891–96) (public domain)

MBh 5 182.12

तत्र सा राक्षसी घोरा जरानाम्नी सुविक्रमा। संदधे सा हि संजातं जरासंधमरिंदमम्॥

tatra sā rākṣasī ghorā jarānāmnī suvikramā| saṃdadhe sā hi saṃjātaṃ jarāsaṃdhamariṃdamam||

There was a terrible Rakshasi, by name Jara, possessed of dreadful mighty. She, O monarch, had put together the different parts of Jarasandha's body and therefore was the latter so named.

— tr. M.N. Dutt (1891–96) (public domain)

MBh 5 182.13

द्वाभ्यां जातो हि मातृभ्यामर्धदेहः पृथक् पृथक्। जरया संधितो यस्माजरासंधस्ततोऽभवत्॥

dvābhyāṃ jāto hi mātṛbhyāmardhadehaḥ pṛthak pṛthak| jarayā saṃdhito yasmājarāsaṃdhastato'bhavat||

From two mothers, the two halves of his body come out separately. And in consequence of those two halves being united by that Rakshasi, he was called Jarasandha.

— tr. M.N. Dutt (1891–96) (public domain)

MBh 5 182.14

सा तु भूमिं गता पार्थ हता ससुतबान्धवा। गदया तेन चास्त्रेण स्थूणाकर्णेन राक्षसी॥

sā tu bhūmiṃ gatā pārtha hatā sasutabāndhavā| gadayā tena cāstreṇa sthūṇākarṇena rākṣasī||

That Rakshasi, that was then within bowels of the death, was slain with her sons and relatives, O son of Pritha, by means of that mace and that weapon Sthanuharana.

— tr. M.N. Dutt (1891–96) (public domain)

MBh 5 182.15

विनाभूत: स गदया जरासंधो महामृधे। निहतो भीमसेनेन पश्यतस्ते धनंजय॥

vinābhūta: sa gadayā jarāsaṃdho mahāmṛdhe| nihato bhīmasenena paśyataste dhanaṃjaya||

Deprived of that mace of his Jarasandha was slain in a fierce encounter by Bhimasena even before your very eyes O Dhananjaya!

— tr. M.N. Dutt (1891–96) (public domain)

MBh 5 182.16

यदि हि स्याद् गदापाणिर्जरासंधः प्रतापवान्। सेन्द्रा देवा न तं हन्तुं रणे शक्ता नरोत्तम॥

yadi hi syād gadāpāṇirjarāsaṃdhaḥ pratāpavān| sendrā devā na taṃ hantuṃ raṇe śaktā narottama||

Had the puissant Jarasandha been then armed with his mace then, O foremost of men, even the celestials, with Indra at their head, could not have succeeded in slaying him in battle.

— tr. M.N. Dutt (1891–96) (public domain)

MBh 5 182.17

त्वद्धितार्थं च नैषादिरङ्गुष्ठेन वियोजितः। द्रोणेनाचार्यकं कृत्वा छद्मना सत्यविक्रमः॥

tvaddhitārthaṃ ca naiṣādiraṅguṣṭhena viyojitaḥ| droṇenācāryakaṃ kṛtvā chadmanā satyavikramaḥ||

For your good also was the mighty son of the Nishadhas, deprived, by a guileful means, of his thuinb, by Drona who assumed the position of his preceptor.

— tr. M.N. Dutt (1891–96) (public domain)

MBh 5 182.18

स तु बद्धाङ्गुलित्राणो नैषादिर्दृढविक्रमः। अतिमानी वनचरो बभौ राम इवापरः॥

sa tu baddhāṅgulitrāṇo naiṣādirdṛḍhavikramaḥ| atimānī vanacaro babhau rāma ivāparaḥ||

That prince of the Nishadas of resolute prowess with his finger-protectors tied round them, used to rove in the forest, swelling with his own pride, like a second Rama.

— tr. M.N. Dutt (1891–96) (public domain)

MBh 5 182.19

एकलव्यं हि साङ्गुष्ठमशक्ता देवदानवाः। सराक्षसोरगाः पार्थ विजेतुं युधि कर्हिचित्॥

ekalavyaṃ hi sāṅguṣṭhamaśaktā devadānavāḥ| sarākṣasoragāḥ pārtha vijetuṃ yudhi karhicit||

Retaining the use of his thumb Akalavya could not have been defeated in battle by the Danavas, the celestials, the Rakshasas and the serpents, all united together in battle.

— tr. M.N. Dutt (1891–96) (public domain)

MBh 5 182.20

किमु मानुषमात्रेण शक्य:स्यात् प्रतिवीक्षितुम्। दृढमुष्टिः कृती नित्यमस्यमानो दिवानिशम्॥

kimu mānuṣamātreṇa śakya:syāt prativīkṣitum| dṛḍhamuṣṭiḥ kṛtī nityamasyamāno divāniśam||

Of firm grasp, accomplished in the use of weapons, incessantly shooting his weapons, he could not have been looked at by mere men?

— tr. M.N. Dutt (1891–96) (public domain)

MBh 5 182.21

त्वद्धितार्थं तु स मया हतः संग्राममूर्धनि। चेदिराजश्च विक्रान्तः प्रत्यक्षं निहतस्तव॥

tvaddhitārthaṃ tu sa mayā hataḥ saṃgrāmamūrdhani| cedirājaśca vikrāntaḥ pratyakṣaṃ nihatastava||

For your good, he was slain by me in the van of battle. The powerful ruler of the Chedis was also slain before your very eyes.

— tr. M.N. Dutt (1891–96) (public domain)

MBh 5 182.22

स चाप्यशक्यः संग्रामे जेतुं सर्वसुरासुरैः। वधार्थं तस्य जातोऽहमन्येषां च सुरद्विषाम्॥

sa cāpyaśakyaḥ saṃgrāme jetuṃ sarvasurāsuraiḥ| vadhārthaṃ tasya jāto'hamanyeṣāṃ ca suradviṣām||

He also was incapable of being conquered in battle by the celestials and the Asuras. I suffered this birth only for slaughtering him and other such molesters of the gods.

— tr. M.N. Dutt (1891–96) (public domain)

MBh 5 182.23

त्वत्सहायो नरव्याघ्र लोकानां हितकाम्यया। हिडिम्बवककिर्मीरा भीमसेनेन पातिताः॥

tvatsahāyo naravyāghra lokānāṃ hitakāmyayā| hiḍimbavakakirmīrā bhīmasenena pātitāḥ||

With your aid, in order to achieve the word's welfare, O foremost of men, Hidimba and Vaka and Krimitra had all been slain by Bhimasena.

— tr. M.N. Dutt (1891–96) (public domain)

MBh 5 182.24

रावणेन समप्राणा ब्रह्मयज्ञविनाशनाः। हतस्तथैव मायावी हैडिम्बेनाप्यलायुधः॥

rāvaṇena samaprāṇā brahmayajñavināśanāḥ| hatastathaiva māyāvī haiḍimbenāpyalāyudhaḥ||

Also Alayudha, possessed of potent powers of illusion, has been slain by Hidimva's son. All other Rakshasas, brave like Karna and destroyers of the Brahma, sacrifice, have also been slain.

— tr. M.N. Dutt (1891–96) (public domain)

MBh 5 182.25

हैडिम्बश्चाप्युपायेन शक्त्या कर्णेन घातितः। यदि ह्येनं नाहनिष्यत् कर्णः शक्त्या महामृधे॥

haiḍimbaścāpyupāyena śaktyā karṇena ghātitaḥ| yadi hyenaṃ nāhaniṣyat karṇaḥ śaktyā mahāmṛdhe||

Through our tactics Karna used that Sakti of his in felling the son of Hidimba. If on the other hand, Karna had not slain this Rakshasa by his Sakti.

— tr. M.N. Dutt (1891–96) (public domain)

MBh 5 182.26

मया वध्योऽभविष्यत् स भैमसेनिर्घटोत्कचः। मया न निहतः पूर्वमेष युष्पत्प्रियेप्सया॥

mayā vadhyo'bhaviṣyat sa bhaimasenirghaṭotkacaḥ| mayā na nihataḥ pūrvameṣa yuṣpatpriyepsayā||

Then it would have been my (painful) duty to slay Bhimasena's son Ghatotkacha. It was only for pleasing you that I did not slay him before.

— tr. M.N. Dutt (1891–96) (public domain)

MBh 5 182.27

एष हि ब्राह्मणद्वेषी यज्ञद्वेषी च राक्षसः। धर्मस्य लोप्ता पापात्मा तस्मादेष निपातितः॥

eṣa hi brāhmaṇadveṣī yajñadveṣī ca rākṣasaḥ| dharmasya loptā pāpātmā tasmādeṣa nipātitaḥ||

This Rakshasa was a contumner of the Brahmanas and a destroyer of sacrifices; this wicked-souled one inimical to the performance of sacrifices and therefore has he been slain thus.

— tr. M.N. Dutt (1891–96) (public domain)

MBh 5 182.28

व्यंसिता चाप्युपायेन शक्रदत्ता मयानघ। ये हि धर्मस्य लोप्तारो वध्यास्ते मम पाण्डव॥

vyaṃsitā cāpyupāyena śakradattā mayānagha| ye hi dharmasya loptāro vadhyāste mama pāṇḍava||

O sinless one, through our tactics the Sakti given to him by Shakra has been also rendered useless. O son of Pandu, those who destroy righteousness are all slayable by me. was

— tr. M.N. Dutt (1891–96) (public domain)

MBh 5 182.29

कार्यः धर्मसंस्थापनार्थं हि प्रतिज्ञैषा ममाव्यया। ब्रह्म सत्यं दमः शौचं धर्मो ह्रीः श्रीकृतिः क्षमा॥ यत्र तत्र रमे नित्यमहं सत्येन ते शपे। न विषादस्त्वया कर्ण वैकर्तनं प्रति॥

kāryaḥ dharmasaṃsthāpanārthaṃ hi pratijñaiṣā mamāvyayā| brahma satyaṃ damaḥ śaucaṃ dharmo hrīḥ śrīkṛtiḥ kṣamā|| yatra tatra rame nityamahaṃ satyena te śape| na viṣādastvayā karṇa vaikartanaṃ prati||

This vow has been taken for establishing righteousness. Where there are the Vedas, truth, self-control, purity, righteousness, humility, prosperity, wisdom and forbearance, there I am also to be found. You need not now be at all anxious about the slaughter of Karna.

— tr. M.N. Dutt (1891–96) (public domain)

MBh 5 182.30

उपदेक्ष्याम्युपायं ते येन ते प्रसहिष्यसि। सुयोधनं चापि रणे हनिष्यति वृकोदरः॥

upadekṣyāmyupāyaṃ te yena te prasahiṣyasi| suyodhanaṃ cāpi raṇe haniṣyati vṛkodaraḥ||

I shall tell you the means through which you shall be able to slay Karna. Vrikodara also will slay Suyodhana in battle.

— tr. M.N. Dutt (1891–96) (public domain)

MBh 5 182.31

तस्यापि च वधोपायं वक्ष्यामि तव पाण्डव। वर्धते तुमुलस्त्वेष शब्दः परचमूं प्रति॥

tasyāpi ca vadhopāyaṃ vakṣyāmi tava pāṇḍava| vardhate tumulastveṣa śabdaḥ paracamūṃ prati||

O son of Pandu, I shall also tell you the means by which that one's slaughter will be compassed. But now, the tumult of the hostile cry is increasing every moment.

— tr. M.N. Dutt (1891–96) (public domain)

MBh 5 182.32

विद्रवन्ति च सैन्यानि त्वदीयानि दिशो दश। लब्धलक्ष्या हि कौरव्या विधमन्ति चमू तव। दहत्येष च वः सैन्यं द्रोणः प्रहरतां वरः॥

vidravanti ca sainyāni tvadīyāni diśo daśa| labdhalakṣyā hi kauravyā vidhamanti camū tava| dahatyeṣa ca vaḥ sainyaṃ droṇaḥ praharatāṃ varaḥ||

Your own troops also are flying away in all the ten directions of compass; the Kaurava warriors, having reached their aim, are now killing your troops. Yonder indeed does Drona, that foremost of smiters, consume our ranks.

— tr. M.N. Dutt (1891–96) (public domain)