Mahabharata — Volume V (Dutt edition) — Chapter 105
MBh 5 105.1
धृतराष्ट्र उवाच ध्वजान् बहुविधाकारान् भ्राजमानानति श्रिया। पार्थानां मामकानां च तान् ममाचक्ष्व संजय॥
dhṛtarāṣṭra uvāca dhvajān bahuvidhākārān bhrājamānānati śriyā| pārthānāṃ māmakānāṃ ca tān mamācakṣva saṃjaya||
Dhritarashtra said O Sanjaya, describe to me the numerous standards, decked beautifully, belonging both to the warriors of the Parthas and to our warriors?
— tr. M.N. Dutt (1891–96) (public domain)
MBh 5 105.2
संजय उवाच ध्वजान् बहुविधाकाराशृणु तेषां महात्मनाम्। रूपतो वर्णतश्चैव नामतश्च निबोध मे॥
saṃjaya uvāca dhvajān bahuvidhākārāśṛṇu teṣāṃ mahātmanām| rūpato varṇataścaiva nāmataśca nibodha me||
Sanjaya said Hear from me of the diverse kinds of standards belonging to those illustrious warriors. Listen to me, as I go on describing their name, their appearance and their hue.
— tr. M.N. Dutt (1891–96) (public domain)
MBh 5 105.3
तेषां तु रथमुख्यानां रथेषु विविधा ध्वजाः। प्रत्यदृश्यन्त राजेन्द्र ज्वलिता इव पावकाः॥
teṣāṃ tu rathamukhyānāṃ ratheṣu vividhā dhvajāḥ| pratyadṛśyanta rājendra jvalitā iva pāvakāḥ||
O king, on the chariots of those foremost of car-warriors were seen various kinds of standards shining like blazing fire.
— tr. M.N. Dutt (1891–96) (public domain)
MBh 5 105.4
काञ्चनाः काञ्चनापीडाः काञ्चनस्रगलंकृताः। काञ्चनानीव शृङ्गाणि काञ्चनस्य महागिरेः॥
kāñcanāḥ kāñcanāpīḍāḥ kāñcanasragalaṃkṛtāḥ| kāñcanānīva śṛṅgāṇi kāñcanasya mahāgireḥ||
Made of gold or adorned with gold or decked with garlands of gold, looking like the golden peak of the mighty Meru mountain. The standards of those warriors were of variegated hue and of great beauty.
— tr. M.N. Dutt (1891–96) (public domain)
MBh 5 105.5
अनेकवर्णा विविधा ध्वजाः परमशोभनाः। ते ध्वजा: संवृतास्तेषां पताकाभिः समन्ततः॥ नानावर्णविरागाभिः शुशुभुः सर्वतो वृताः।
anekavarṇā vividhā dhvajāḥ paramaśobhanāḥ| te dhvajā: saṃvṛtāsteṣāṃ patākābhiḥ samantataḥ|| nānāvarṇavirāgābhiḥ śuśubhuḥ sarvato vṛtāḥ|
Those standards also were adorned with fluttering flags on all sides. Having steamers of variegated hue tied to them all round, those standards appeared highly charming.
— tr. M.N. Dutt (1891–96) (public domain)
MBh 5 105.6
पताकाश्च ततस्तास्तु श्वसनेन समीरिताः॥ नृत्यमाना व्यदृश्यन्त रङ्गमध्ये विलासिकाः।
patākāśca tatastāstu śvasanena samīritāḥ|| nṛtyamānā vyadṛśyanta raṅgamadhye vilāsikāḥ|
Those streamers also moved by the wind. Looked like beautiful damsels dancing in the midst of arenas erected for sport.
— tr. M.N. Dutt (1891–96) (public domain)
MBh 5 105.7
इन्द्रायुधसवर्णाभाः पताका भरतर्षभ॥ दोधूयमाना रथिनां शोभयन्ति महारथान्।
indrāyudhasavarṇābhāḥ patākā bharatarṣabha|| dodhūyamānā rathināṃ śobhayanti mahārathān|
Resembling the rainbow in hue, those streamers, 0 best of the Bharata race. Belonging to those car-warriors, fluttering in the air, beautified their cars.
— tr. M.N. Dutt (1891–96) (public domain)
MBh 5 105.8
सिंहलाङ्गलमुग्रास्यं ध्वजं वानरलक्षणम्॥ धनञ्जयस्य संग्रामे प्रत्यदृश्यत भैरवम्।
siṃhalāṅgalamugrāsyaṃ dhvajaṃ vānaralakṣaṇam|| dhanañjayasya saṃgrāme pratyadṛśyata bhairavam|
The standard, having for its device the ape of fierce face and lion-like tail. Of Dhananjaya, seemed to strike terror into the hearts of his foes. That foremost of apes, O king, adorned as he was with banners.
— tr. M.N. Dutt (1891–96) (public domain)
MBh 5 105.9
स वानरवरो राजन् पताकाभिरलंकृतः॥ त्रासयामास तत् सैन्यं ध्वजो गाण्डीवधन्वनः।
sa vānaravaro rājan patākābhiralaṃkṛtaḥ|| trāsayāmāsa tat sainyaṃ dhvajo gāṇḍīvadhanvanaḥ|
That device on the standard of the wielder of Gandiva, frightened all your troops, O king.
— tr. M.N. Dutt (1891–96) (public domain)
MBh 5 105.10
तथैव सिंहलाङ्गलं द्रोणपुत्रस्य भारत॥ ध्वजाग्रं समपश्याम गलसूर्यसमप्रभम्।
tathaiva siṃhalāṅgalaṃ droṇaputrasya bhārata|| dhvajāgraṃ samapaśyāma galasūryasamaprabham|
We beheld the standard-top of Drona's son, resembling the tail of the lion and effulgent like the newly-risen sun, O Bharata.
— tr. M.N. Dutt (1891–96) (public domain)
MBh 5 105.11
काञ्चनं पवनोद्भूतं शक्रध्वजसमप्रभम्॥ नन्दनं कौरवेन्द्राणां द्रौणेर्लक्ष्म समुच्छ्रितम्।
kāñcanaṃ pavanodbhūtaṃ śakradhvajasamaprabham|| nandanaṃ kauravendrāṇāṃ drauṇerlakṣma samucchritam|
Made of gold, fluttering in the air and of the effulgence of the device on the standard of Drona's son like the standard of Shakra floated on highly inspiring the foremost of the Kurus with delight.
— tr. M.N. Dutt (1891–96) (public domain)
MBh 5 105.12
हस्तिकक्ष्या पुनहैमी बभूवाधिस्थेर्ध्वजः॥ आहवे खं महाराज ददृशे पूरयन्निव।
hastikakṣyā punahaimī babhūvādhistherdhvajaḥ|| āhave khaṃ mahārāja dadṛśe pūrayanniva|
The standard of Adhiratha's son bore the device of an elephants-girth made of gold. In that battle, it appeared O mighty king, to fire the whole firmament.
— tr. M.N. Dutt (1891–96) (public domain)
MBh 5 105.13
पताका काञ्चनी स्रग्वी ध्वजे कर्णस्य संयुगे॥ नृत्यतीव रथोपस्थे श्वसनेन समीरिता।
patākā kāñcanī sragvī dhvaje karṇasya saṃyuge|| nṛtyatīva rathopasthe śvasanena samīritā|
The banners attached to it decked with garlands of flowers and adorned with gold and moved by the wind, seemed to dance on the top of his chariot.
— tr. M.N. Dutt (1891–96) (public domain)
MBh 5 105.14
आचार्यस्य तु पाण्डूनां ब्राह्मणस्य तपस्विनः॥ गोवृषो गौतमस्यासीत् कृपस्य सुपरिष्कृतः। स तेन भ्राजते राजन् गोवृषेण महारथः॥ त्रिपुरनरथो यद्वद् गोवृषेण विराजता।
ācāryasya tu pāṇḍūnāṃ brāhmaṇasya tapasvinaḥ|| govṛṣo gautamasyāsīt kṛpasya supariṣkṛtaḥ| sa tena bhrājate rājan govṛṣeṇa mahārathaḥ|| tripuranaratho yadvad govṛṣeṇa virājatā|
The preceptor of the Pandavas, that Brahman devoted to ascetic observances, viz., Kripa the son of Gautama, had for his device an excellent bovine bull. O king, the illustrious Kripa with that bovine bull on his standard, looked as effulgent as the Destroyer of the three-fortresses (Mahadeva) looks with his bull.
— tr. M.N. Dutt (1891–96) (public domain)
MBh 5 105.15
मयूरो वृषसेनस्य काञ्चनो मणिरत्नवान्॥ व्याहरिष्यन्निवातिष्ठत् सेनाग्रमुपशोभयन्।
mayūro vṛṣasenasya kāñcano maṇiratnavān|| vyāhariṣyannivātiṣṭhat senāgramupaśobhayan|
Vrishasena had for his device a peacock made of gold and decked with gems and jewels beautifying the van of the army it stood on his standard as if on the point of emitting its notes.
— tr. M.N. Dutt (1891–96) (public domain)
MBh 5 105.16
तेन तस्य रथो भाति मयूरेण महात्मनः॥ यथा स्कन्दस्य राजेन्द्र मयूरेण विराजता।
tena tasya ratho bhāti mayūreṇa mahātmanaḥ|| yathā skandasya rājendra mayūreṇa virājatā|
With that peacock, the car of that illustrious hero appeared as beautiful as the car of Skanda, O king, appears, being decked by his peacock.
— tr. M.N. Dutt (1891–96) (public domain)
MBh 5 105.17
मद्रराजस्य शल्यस्य ध्वजाग्रेऽग्निशिखामिव॥ सौवर्णी प्रतिपश्याम सीतामप्रतिमां शुभाम्।
madrarājasya śalyasya dhvajāgre'gniśikhāmiva|| sauvarṇī pratipaśyāma sītāmapratimāṃ śubhām|
The ruler of the Madras, we beheld, had on his standard-top, the unequalled and charming device of a plough-share, made of gold and looking like a flame of fire.
— tr. M.N. Dutt (1891–96) (public domain)
MBh 5 105.18
सा सीता भ्राजते तस्य रथमास्थाय मारिष॥ सर्वबीजविरूढेव यथा सीता श्रिया वृता।
sā sītā bhrājate tasya rathamāsthāya māriṣa|| sarvabījavirūḍheva yathā sītā śriyā vṛtā|
O sire, that plough-share mounted on his chariot looked beautiful. Like the Goddess of corn incarnate, endued with all beauty and producing every seed.
— tr. M.N. Dutt (1891–96) (public domain)
MBh 5 105.19
वराहः सिन्धुराजस्य राजतोऽभिविराजते॥ ध्वजाग्रेऽलोहितार्काभो हेमजालपरिष्कृतः।
varāhaḥ sindhurājasya rājato'bhivirājate|| dhvajāgre'lohitārkābho hemajālapariṣkṛtaḥ|
The device of a silver boar shone on the standard of the Sindhu king; it was decked with garlands of gold and was of the splendour of the rising sun.
— tr. M.N. Dutt (1891–96) (public domain)
MBh 5 105.20
शुशुभे केतुना तेन राजतेन जयद्रथः॥ यथा देवासुरे युद्धे पुरा पूषा स्म शोभते।
śuśubhe ketunā tena rājatena jayadrathaḥ|| yathā devāsure yuddhe purā pūṣā sma śobhate|
With that device on his standard, Jayadratha appeared as beautiful. As Pusha in the days of yore, in the battle between the celestials and the Asuras.
— tr. M.N. Dutt (1891–96) (public domain)
MBh 5 105.21
सौमदत्तेः पुन पो यज्ञशीलस्य धीमतः॥ ध्वजः सूर्य इवाभाति सोमश्चात्र प्रदृश्यते।
saumadatteḥ puna po yajñaśīlasya dhīmataḥ|| dhvajaḥ sūrya ivābhāti somaścātra pradṛśyate|
The standard of Somadatta's son, ever devoted to the performance of sacrifices was decked with the device of a sacrificial stake. It shone like the sun or the moon.
— tr. M.N. Dutt (1891–96) (public domain)
MBh 5 105.22
स यूपः काञ्चनो राजन् सौमदत्तेर्विगजते॥ राजसूये मखश्रेष्ठे यथा यूपः समुच्छ्रितः।
sa yūpaḥ kāñcano rājan saumadattervigajate|| rājasūye makhaśreṣṭhe yathā yūpaḥ samucchritaḥ|
o king, that golden sacrificial stake decorating the banner of Somadatta's son, looked effulgent. Like the huge stake erected in that foremost of sacrifices, called the Rajasuya.
— tr. M.N. Dutt (1891–96) (public domain)
MBh 5 105.23
शलस्य तु महाराज राजतो द्विरदो महान्॥ केतुः काञ्चनचित्राङ्गैर्मयूरैरुपशोभितः। स केतुः शोभयामास सैन्यं ते भरतर्षभ।॥
śalasya tu mahārāja rājato dvirado mahān|| ketuḥ kāñcanacitrāṅgairmayūrairupaśobhitaḥ| sa ketuḥ śobhayāmāsa sainyaṃ te bharatarṣabha|||
Shalya's standard bearing the device of a silver-elephant, О king, as adorned on all sides with peacocks made of gold. O foremost of the
— tr. M.N. Dutt (1891–96) (public domain)
MBh 5 105.24
स्तदा।
stadā|
Bharatas, that standard enhanced the beauty of your troops.
— tr. M.N. Dutt (1891–96) (public domain)
MBh 5 105.25
यथा श्वेतो महानागो देवराजचमूं तथा। नागो मणिमयो राज्ञो ध्वजः कनकसंवृतः॥
yathā śveto mahānāgo devarājacamūṃ tathā| nāgo maṇimayo rājño dhvajaḥ kanakasaṃvṛtaḥ||
Like the prodigious white elephant adorning the host of the ruler of the celestials. On the gold-decked standard of king Duryodhana, was the device of an elephant embossed with gems.
— tr. M.N. Dutt (1891–96) (public domain)
MBh 5 105.26
किंकिणीशतसंहादो भ्राजंचित्रो रथोत्तमे। व्यभ्राजत भृशं राजन् पुत्रस्तव विशाम्पते॥ ध्वजेन महता संख्ये कुरूणामृषभस्त
kiṃkiṇīśatasaṃhādo bhrājaṃcitro rathottame| vyabhrājata bhṛśaṃ rājan putrastava viśāmpate|| dhvajena mahatā saṃkhye kurūṇāmṛṣabhasta
O king, that standard stood on the chariot of that hero, tinkling with the sound of a hundred bells. Then O monarch, in that battle with that huge standard, that foremost of the Kurus viz., your son appeared highly beautiful.
— tr. M.N. Dutt (1891–96) (public domain)
MBh 5 105.27
नवैते तव वाहिन्यामुच्छ्रिताः परमध्वजाः॥ व्यदीपयंस्ते पृतनां युगान्तादित्यसन्निभाः।
navaite tava vāhinyāmucchritāḥ paramadhvajāḥ|| vyadīpayaṃste pṛtanāṃ yugāntādityasannibhāḥ|
These nine excellent standards rose high amidst your troops and they lighted up your army, even like the suns that rise at the end of a Yuga.
— tr. M.N. Dutt (1891–96) (public domain)
MBh 5 105.28
दशमस्त्वर्जुनस्यासीदेक एव महाकपिः॥ अदीप्यतार्जुनो येन हिमवानिव वह्निना।
daśamastvarjunasyāsīdeka eva mahākapiḥ|| adīpyatārjuno yena himavāniva vahninā|
The tenth standard there, was the mighty ape belonging to Arjuna with that standard Arjuna looked like a mountain lighted up by fire.
— tr. M.N. Dutt (1891–96) (public domain)
MBh 5 105.29
ततश्चित्राणि शुभ्राणि सुमहान्ति महारथाः॥ कार्मुकाण्याददुस्तूर्णमर्जुनार्थे परंतपाः।
tataścitrāṇi śubhrāṇi sumahānti mahārathāḥ|| kārmukāṇyādadustūrṇamarjunārthe paraṃtapāḥ|
Then many mighty car-warriors all afflicters of their foes, quickly took up, for opposing Arjuna, their huge, white and variegated bows.
— tr. M.N. Dutt (1891–96) (public domain)
MBh 5 105.30
तथैव धनुरायच्छत् पार्थः शत्रुविनाशनः॥ गाण्डीवं दिव्यकर्मा तद् राजन् दुर्मन्त्रिते तव।
tathaiva dhanurāyacchat pārthaḥ śatruvināśanaḥ|| gāṇḍīvaṃ divyakarmā tad rājan durmantrite tava|
So also Pritha's son of godly achievements took up his bow capable of slaughtering the foe, namely the Gandiva; and all this was owing to your crooked policy.
— tr. M.N. Dutt (1891–96) (public domain)
MBh 5 105.31
तवापराधाद् राजानो निहता बहुशो युधि॥ नानादिग्भ्यः समाहूताः सहयाः सरथद्विपाः।
tavāparādhād rājāno nihatā bahuśo yudhi|| nānādigbhyaḥ samāhūtāḥ sahayāḥ sarathadvipāḥ|
Through your fault, in that battle, were slain numerous kings, invited from various countries, with their steeds and elephants and chariots.
— tr. M.N. Dutt (1891–96) (public domain)
MBh 5 105.32
तेषामासीद् व्यतिक्षेपौ गर्जतामितरेतरम्॥ दुर्योधनमुखानां च पाण्डूनामृषभस्य च।
teṣāmāsīd vyatikṣepau garjatāmitaretaram|| duryodhanamukhānāṃ ca pāṇḍūnāmṛṣabhasya ca|
Then roaring at one another they fall upon one another, headed as they were by Duryodhana on one side and by that foremost of the Pandavas on the other.
— tr. M.N. Dutt (1891–96) (public domain)
MBh 5 105.33
तत्राद्भुतं परं चक्रे कौन्तेयः कृष्णसारथिः॥ यदेको बहुभिः सार्धं समागच्छदभीतवत्।
tatrādbhutaṃ paraṃ cakre kaunteyaḥ kṛṣṇasārathiḥ|| yadeko bahubhiḥ sārdhaṃ samāgacchadabhītavat|
Then that son of Kunti having Krishna for his charioteer, inspired his foes with wonder. Inasmuch as he, though single handed, dauntlessly encountered the numerous odds against him;
— tr. M.N. Dutt (1891–96) (public domain)
MBh 5 105.34
अशोभत महाबाहुर्गाण्डीवं विक्षिपन् धनुः॥ जिगीषुस्तान् नरव्याघ्रो जिघांसुश्च जयद्रथम्।
aśobhata mahābāhurgāṇḍīvaṃ vikṣipan dhanuḥ|| jigīṣustān naravyāghro jighāṃsuśca jayadratham|
Then that mighty armed one appeared beautiful stretching his bow Gandiva desirous of defeating those best of men ranged against him and of slaughtering Jayadratha the ruler of the Sindhus.
— tr. M.N. Dutt (1891–96) (public domain)
MBh 5 105.35
तत्रार्जुनो नरव्याघ्रः शरैर्मुक्तैः सहस्रशः॥ अदृश्यांस्तावकान् योधान् प्रचक्रे शत्रुतापनः।
tatrārjuno naravyāghraḥ śarairmuktaiḥ sahasraśaḥ|| adṛśyāṃstāvakān yodhān pracakre śatrutāpanaḥ|
That foremost of men, that scorcher of his foes, viz., Arjuna discharging his arrows by thousands, made all the soldiers of your army invisible.
— tr. M.N. Dutt (1891–96) (public domain)
MBh 5 105.36
ततस्तेऽपि नरव्याघ्राः पार्थं सर्वे महारथाः॥ अदृश्यं समरे चक्रुः सायकौघैः समन्ततः।
tataste'pi naravyāghrāḥ pārthaṃ sarve mahārathāḥ|| adṛśyaṃ samare cakruḥ sāyakaughaiḥ samantataḥ|
Thereupon those mighty car-warriors, those best of men, also rendered Pritha's son invisible in that battle, with the shower of their shafts poured from all sides.
— tr. M.N. Dutt (1891–96) (public domain)
MBh 5 105.37
संवृते नरसिंहैस्तु कुरूणामृषभेऽर्जुने। महानासीत् समुद्भूतस्तस्य सैन्यस्य नि:स्वनः॥
saṃvṛte narasiṃhaistu kurūṇāmṛṣabhe'rjune| mahānāsīt samudbhūtastasya sainyasya ni:svanaḥ||
Thus when that foremost of the Kurus Arjuna had been surrounded by those foremost of men, the uproar that was raised in your army was indeed very great and deafening. of men, the uproar that was raised in your army was indeed very great and deafening.
— tr. M.N. Dutt (1891–96) (public domain)