Mahabharata — Volume IV (Dutt edition) — Chapter 98
MBh 4 98.1
संजय उवाच पुत्रं विनिहतं श्रुत्वा इरावन्तं धनंजयः। दुःखेन महताऽऽविष्टो निःश्वसन् पन्नगो यथा।॥
saṃjaya uvāca putraṃ vinihataṃ śrutvā irāvantaṃ dhanaṃjayaḥ| duḥkhena mahatā''viṣṭo niḥśvasan pannago yathā|||
Sanjaya said Hearing his son Iravat slain, Dhananjaya, overwhelmed with grief and sighing like a snake.
— tr. M.N. Dutt (1891–96) (public domain)
MBh 4 98.2
अब्रवीत् समरे राजन् वासुदेवमिदं वचः। इदं नूनं महाप्राज्ञो विदुरो दृष्टवान् पुरा॥ कुरूणा पाण्डवानां च क्षयं घोरं महामतिः। स ततो निवारितवान् धृतराष्ट्र जनेश्ररम्॥
abravīt samare rājan vāsudevamidaṃ vacaḥ| idaṃ nūnaṃ mahāprājño viduro dṛṣṭavān purā|| kurūṇā pāṇḍavānāṃ ca kṣayaṃ ghoraṃ mahāmatiḥ| sa tato nivāritavān dhṛtarāṣṭra janeśraram||
Spoke, O king, these words addressing the son of Vasudeva, even on the field of battle. "Surely the high-minded Vidura of great wisdom divined before hand this dreadful destruction of the Kurus and the Pandavas. It he was therefore that forbade king Dhritarashtra.
— tr. M.N. Dutt (1891–96) (public domain)
MBh 4 98.3
अन्ये च बहवो वीराः संग्रामे मधुसूदन। निहताः कौरवैः संख्ये तथास्माभिश्च कौरवाः॥
anye ca bahavo vīrāḥ saṃgrāme madhusūdana| nihatāḥ kauravaiḥ saṃkhye tathāsmābhiśca kauravāḥ||
Innumerable other heroes, Oslayer of Madhu, have been slain by ourselves and the Kauravas in this sanguinary war.
— tr. M.N. Dutt (1891–96) (public domain)
MBh 4 98.4
अर्थहेतोर्नरश्रेष्ठ क्रियते कर्म कुत्सितम्। धिगर्थान् यत्कृते ह्येव क्रियते ज्ञातिसंक्षयः॥
arthahetornaraśreṣṭha kriyate karma kutsitam| dhigarthān yatkṛte hyeva kriyate jñātisaṃkṣayaḥ||
For the sake of wealth, O foremost of men, vile deeds are being perpetrated. Fie on that wealth for the sake of which this destruction of kinsmen is being perpetrated.
— tr. M.N. Dutt (1891–96) (public domain)
MBh 4 98.5
अधनस्य मृतं श्रेयो न च ज्ञातिवधाद् धनम्। किं न प्राप्स्यामहे कृष्ण हत्वा ज्ञातीन् समागतान्॥
adhanasya mṛtaṃ śreyo na ca jñātivadhād dhanam| kiṃ na prāpsyāmahe kṛṣṇa hatvā jñātīn samāgatān||
Death is preferable, for him who has no wealth, to the acquisition of wealth by the slaughter of his kinsmen. What good 0 Krishna, shall we reap, slaughtering these our kinsmen assembled together.
— tr. M.N. Dutt (1891–96) (public domain)
MBh 4 98.6
दुर्योधनापराधेन शकुनेः सौबलस्य च। क्षत्रिया निधनं यान्ति कर्णदुर्मन्त्रितेन च॥
duryodhanāparādhena śakuneḥ saubalasya ca| kṣatriyā nidhanaṃ yānti karṇadurmantritena ca||
In consequence of the faults of Duryodhana and those of Shakuni the son of Subala, and in consequence of the wicked counsels of Karna, the Kshatriyas are suffering destruction.
— tr. M.N. Dutt (1891–96) (public domain)
MBh 4 98.7
इदानीं च विजानामि सुकृतं मधुसूदन। कृतं राज्ञा महाबाहो याचता च सुयोधनम्॥
idānīṃ ca vijānāmi sukṛtaṃ madhusūdana| kṛtaṃ rājñā mahābāho yācatā ca suyodhanam||
Now, O slayer of Madhu, do I realize what a great act of piety, O mighty-armed, one, did the king (Yudhishthira) do by begging of Suyodhana,
— tr. M.N. Dutt (1891–96) (public domain)
MBh 4 98.8
राज्याधु पञ्च वा ग्रामान् नाकार्षीत् स च दुर्मतिः। दृष्ट्वा हि क्षत्रियाशूराशयानान् धरणीतले॥
rājyādhu pañca vā grāmān nākārṣīt sa ca durmatiḥ| dṛṣṭvā hi kṣatriyāśūrāśayānān dharaṇītale||
Either half of the kingdom or else five villages only. But the pervert Duryodhana turned deaf ears to our solicitations. Beholding these Kshatriyas, all brave warriors, prostrate on the surface of the earth.
— tr. M.N. Dutt (1891–96) (public domain)
MBh 4 98.9
निन्दामि भृशमात्मानं धिगस्तु क्षत्रजीविकाम्। अशक्तमिति मामेते ज्ञास्यन्ते क्षत्रिया रणे।॥
nindāmi bhṛśamātmānaṃ dhigastu kṣatrajīvikām| aśaktamiti māmete jñāsyante kṣatriyā raṇe|||
I can not but reproach myself. Fie on the life of a Kshatriya. These Kshatriyas may consider me incapable of batting any longer,
— tr. M.N. Dutt (1891–96) (public domain)
MBh 4 98.10
युद्धं तु मे न रुचितं ज्ञातिभिर्मधुसूदन। संचोदय हयाशीघ्रं धार्तराष्ट्रचमूं प्रति॥
yuddhaṃ tu me na rucitaṃ jñātibhirmadhusūdana| saṃcodaya hayāśīghraṃ dhārtarāṣṭracamūṃ prati||
But, O slayer of Madhu, this battle with my kinsmen does not at all please me. However, swiftly drive the horses towards the army of the sons of Dhritarashtra.
— tr. M.N. Dutt (1891–96) (public domain)
MBh 4 98.11
प्रतरिष्ये महापारं भुजाभ्यां समरोदधिम्। नायं यापयितुं कालो विद्यते माधव क्वचित्॥
pratariṣye mahāpāraṃ bhujābhyāṃ samarodadhim| nāyaṃ yāpayituṃ kālo vidyate mādhava kvacit||
I shall cross this ocean of battle incapable of being crossed by the strength of my arms. Surely, O Madhava, this is not the time for the display of feminine sentiments."
— tr. M.N. Dutt (1891–96) (public domain)
MBh 4 98.12
एवमुक्तस्तु पार्थेन केशवः परवीरहा। चोदयामास तानश्वान् पाण्डुरान् वातरंहसः॥
evamuktastu pārthena keśavaḥ paravīrahā| codayāmāsa tānaśvān pāṇḍurān vātaraṃhasaḥ||
Thus spoken to by the son of Pritha that slayer of hostile heroes Keshava, urged on those cream colored steeds endued with the fleetness of the wind.
— tr. M.N. Dutt (1891–96) (public domain)
MBh 4 98.13
अथ शब्दो महानासीत् तव सैन्यस्य भारत। मारुतोद्धतवेगस्य सागरस्येव पर्वणि॥
atha śabdo mahānāsīt tava sainyasya bhārata| mārutoddhatavegasya sāgarasyeva parvaṇi||
Thereupon a deafening uproar was set up by your troops. O Bharata, like that of the ocean lashed into fury by the wind in the day of the new moon or the full moon.
— tr. M.N. Dutt (1891–96) (public domain)
MBh 4 98.14
अपराह्ने महाराज संग्रामः समपद्यत। पर्जन्यसमनिर्घोषो भीष्मस्य सह पाण्डवैः॥
aparāhne mahārāja saṃgrāmaḥ samapadyata| parjanyasamanirghoṣo bhīṣmasya saha pāṇḍavaiḥ||
Then in the afternoon, O mighty monarch, the battle that was fought between Bhishma and the Pandavas, resembled in its din the rumble of the rain clouds Parjanya.
— tr. M.N. Dutt (1891–96) (public domain)
MBh 4 98.15
ततो राजंस्तव सुता भीमसेनमुपाद्रवन्। परिवार्य रणे द्रोणं वसवो वासवं यथा॥
tato rājaṃstava sutā bhīmasenamupādravan| parivārya raṇe droṇaṃ vasavo vāsavaṃ yathā||
Then your sons, O king, surrounding Drona like the Vasus encircling Vasava, assailed Bhimasena.
— tr. M.N. Dutt (1891–96) (public domain)
MBh 4 98.16
ततः शान्तनवो भीष्मः कृपश्च रथिनां वरः। भगदत्तः सुशर्मा च धनंजयमुपाद्रवन्।॥
tataḥ śāntanavo bhīṣmaḥ kṛpaśca rathināṃ varaḥ| bhagadattaḥ suśarmā ca dhanaṃjayamupādravan|||
Thereafter Bhishma the son of Shantanu, Kripa the foremost of car-warriors, Bhagadatta and Susharma rushed against Dhananjaya.
— tr. M.N. Dutt (1891–96) (public domain)
MBh 4 98.17
पुत्रास्तु तव कौन्तेयं हार्दिक्यो बाह्निकश्चैव सात्यकिं समभिद्रुतौ। अम्बष्ठकस्तु नृपतिरभिमन्युमवस्थितः॥
putrāstu tava kaunteyaṃ hārdikyo bāhnikaścaiva sātyakiṃ samabhidrutau| ambaṣṭhakastu nṛpatirabhimanyumavasthitaḥ||
The son of Hridika and Balhika both assailed Satyaki. King Ambashtaka encountered Abhimanyu.
— tr. M.N. Dutt (1891–96) (public domain)
MBh 4 98.18
शेषास्त्वन्ये महाराज शेषानेव महारथान्। ततः प्रववृते युद्धं घोररूपं भयावहम्॥
śeṣāstvanye mahārāja śeṣāneva mahārathān| tataḥ pravavṛte yuddhaṃ ghorarūpaṃ bhayāvaham||
The rest of the warriors, O mighty monarch, engaged with other great car-warriors of the hostile party. Then commenced an awful engagement whose aspect was indeed terrible.
— tr. M.N. Dutt (1891–96) (public domain)
MBh 4 98.19
भीमसेनस्तु सम्प्रेक्ष्य पुत्रांस्तव जनेश्वर। प्रजज्वाल रणे क्रुद्धो हविषा हव्यवाडिव॥
bhīmasenastu samprekṣya putrāṃstava janeśvara| prajajvāla raṇe kruddho haviṣā havyavāḍiva||
Bhimasena beholding your sons, O ruler of me, in battle, blazed forth in anger like the sacrificial fire blazing forth with clarified butter.
— tr. M.N. Dutt (1891–96) (public domain)
MBh 4 98.20
छादयाञ्चक्रिरे शरैः। प्रावृषीव महाराज जलदा इव पर्वतम्॥
chādayāñcakrire śaraiḥ| prāvṛṣīva mahārāja jaladā iva parvatam||
Your sons, o king, covered that son of Kunti with a shower of arrows like clouds covering a mountain with torrents of rain during the rainy season.
— tr. M.N. Dutt (1891–96) (public domain)
MBh 4 98.21
स च्छाद्यमानो बहुधा पुत्रैस्तव विशाम्पते। क्किणी संलिहन् वीरः शार्दूल इव दर्पितः॥
sa cchādyamāno bahudhā putraistava viśāmpate| kkiṇī saṃlihan vīraḥ śārdūla iva darpitaḥ||
Then, O ruler of men, when thus covered with arrows by your sons, that hero Bhima, agile as a tiger, began to lick the corners of his mouth.
— tr. M.N. Dutt (1891–96) (public domain)
MBh 4 98.22
व्यूढोरस्कं ततो भीमः पातयामास भारत। क्षुरप्रेण सुतीक्ष्णेन सोऽभवद् गतजीवितः॥
vyūḍhoraskaṃ tato bhīmaḥ pātayāmāsa bhārata| kṣurapreṇa sutīkṣṇena so'bhavad gatajīvitaḥ||
Thereafter, 0 Bharata, he felled Vyudoraska with a sharp arrow furnished with a head like that of a horse-shoe; and the letter was deprived of his life.
— tr. M.N. Dutt (1891–96) (public domain)
MBh 4 98.23
अपरेण तु भल्लेन पीतेन न निशितेन तु। अपातयत् कुण्डलिनं सिंहः क्षुद्रमृगं यथा॥
apareṇa tu bhallena pītena na niśitena tu| apātayat kuṇḍalinaṃ siṃhaḥ kṣudramṛgaṃ yathā||
Then again with an well tempered and well sharpened broad-headed shaft, he felled Kundalin, like a lion felling a smell deer.
— tr. M.N. Dutt (1891–96) (public domain)
MBh 4 98.24
ततः सुनिशितान् पीतान् समादत्त शिलीमुखान्। ससर्ज त्वरया युक्तः पुत्रास्ते प्राप्य मारिष॥
tataḥ suniśitān pītān samādatta śilīmukhān| sasarja tvarayā yuktaḥ putrāste prāpya māriṣa||
Then Bhima fixed on his bow-string arrows well-tempered and of exceeding sharpness. Getting near your sons. O sire, he let these arrows go with great lightness and with good aim.
— tr. M.N. Dutt (1891–96) (public domain)
MBh 4 98.25
प्रेषिता भीमसेनेन शरास्ते दृढधन्वना। अपातयन्त पुत्रांस्ते रथेभ्यः सुमहारथान्॥
preṣitā bhīmasenena śarāste dṛḍhadhanvanā| apātayanta putrāṃste rathebhyaḥ sumahārathān||
These arrows sped by that firm bowman Bhimasena began to overthrow your sons, all mighty car-warriors, from their seats.
— tr. M.N. Dutt (1891–96) (public domain)
MBh 4 98.26
अनाधृष्टिं कुण्डभेदिं वैराटं दीर्घलोचनम्। दीर्घबाहुं सुबाहुं च तथैव कनकध्वजम्॥
anādhṛṣṭiṃ kuṇḍabhediṃ vairāṭaṃ dīrghalocanam| dīrghabāhuṃ subāhuṃ ca tathaiva kanakadhvajam||
Bhima felled Anadhrishti, Kundabheda, Vairata, Deerghalochana, Deerghabhau and Kanakdhvaja.
— tr. M.N. Dutt (1891–96) (public domain)
MBh 4 98.27
प्रपतन्त स्म वीरास्ते विरेजुर्भरतर्षभ। वसन्ते पुष्पशबलाश्शूताः प्रपतिता इव॥
prapatanta sma vīrāste virejurbharatarṣabha| vasante puṣpaśabalāśśūtāḥ prapatitā iva||
When falling, these heroes, O scion of the Bharata race, appeared beautiful like blossoming mango trees falling down in the spring.
— tr. M.N. Dutt (1891–96) (public domain)
MBh 4 98.28
ततः प्रदुद्रुवुः शेषास्तव पुत्रा महाहवे। तं कालमिव मन्यन्तो भीमसेनं महाबलम्॥
tataḥ pradudruvuḥ śeṣāstava putrā mahāhave| taṃ kālamiva manyanto bhīmasenaṃ mahābalam||
Then considering the highly puissant Bhima to be the Destroyer incarnate, the rest of your sons, O ruler of men fled with haste.
— tr. M.N. Dutt (1891–96) (public domain)
MBh 4 98.29
द्रोणस्तु समरे वीरं निर्दहन्तं सुतांस्तव। यथाद्रिं वारिधाराभिः समन्ताद् व्यकिरच्छरैः। :॥
droṇastu samare vīraṃ nirdahantaṃ sutāṃstava| yathādriṃ vāridhārābhiḥ samantād vyakiraccharaiḥ| :||
Then Drona covered that hero (Bhima) who had been consuming your sons, with a shower of shafts, like showers of rain covering the mountain breast.
— tr. M.N. Dutt (1891–96) (public domain)
MBh 4 98.30
तत्राद्भुतमपश्याम कुन्तीपुत्रस्य पौरुषम्। द्रोणेन वार्यमाणोऽपिनजघ्ने यत् सुतांस्तव॥
tatrādbhutamapaśyāma kuntīputrasya pauruṣam| droṇena vāryamāṇo'pinajaghne yat sutāṃstava||
Then indeed we beheld the wonderful prowess of the son of Kunti, in as much as, though opposed by Drona himself, he succeeded in slaughtering your sons.
— tr. M.N. Dutt (1891–96) (public domain)
MBh 4 98.31
यथा गोवृषभो वर्ष संधारयति खात् पतत्। भीमस्तथा द्रोणमुक्तं शरवर्षमदीधरत्॥
yathā govṛṣabho varṣa saṃdhārayati khāt patat| bhīmastathā droṇamuktaṃ śaravarṣamadīdharat||
Just as a heifer bears the shower of rain falling from the skies, so did Bhima bear the arrowy downpour discharged by Drona, like one undaunted.
— tr. M.N. Dutt (1891–96) (public domain)
MBh 4 98.32
अद्भुतं च महाराज तत्र चक्रे वृकोदरः। यत् पुत्रास्तेऽवधीत् संख्ये द्रोणं चैव न्यवारयत्॥
adbhutaṃ ca mahārāja tatra cakre vṛkodaraḥ| yat putrāste'vadhīt saṃkhye droṇaṃ caiva nyavārayat||
Really, O mighty monarch, Vrikodara achieved marvellous feats, in as much as he succeeded in slaying your sons and opposing Drona simultaneously.
— tr. M.N. Dutt (1891–96) (public domain)
MBh 4 98.33
पुत्रेषु तव वीरेषु चिक्रीडार्जुनपूर्वजः। मृगेष्विव महाराज चरन् व्याघ्रो महाबलः॥
putreṣu tava vīreṣu cikrīḍārjunapūrvajaḥ| mṛgeṣviva mahārāja caran vyāghro mahābalaḥ||
Then the elder brother of Arjuna played amidst your heroic sons like, O monarch, a powerful tiger roving amidst a herd of deer.
— tr. M.N. Dutt (1891–96) (public domain)
MBh 4 98.34
यथा हि पशुमध्यस्थो दारयेत पशून् वृकः। वृकोदरस्तव सुतांस्तथा व्यद्रावयद् रणे॥
yathā hi paśumadhyastho dārayeta paśūn vṛkaḥ| vṛkodarastava sutāṃstathā vyadrāvayad raṇe||
Just a wolf, remaining inside a herd of cattle, chases and terrifies them, so, in that battle, did Vrikodara crush and frighten your sons.
— tr. M.N. Dutt (1891–96) (public domain)
MBh 4 98.35
गाङ्गेयो भगदत्तश्च गौतमश्च महारथाः। पाण्डवं रभसं युद्धे वारयामासुरर्जुनम्॥
gāṅgeyo bhagadattaśca gautamaśca mahārathāḥ| pāṇḍavaṃ rabhasaṃ yuddhe vārayāmāsurarjunam||
The son of Ganga, Bhagadatta, the mighty car-warrior Gautami's son, all opposed in battle Arjuna himself the son of Pandu.
— tr. M.N. Dutt (1891–96) (public domain)
MBh 4 98.36
अस्त्रैरस्त्राणि संवार्य तेषां सोऽतिरथो रणे। प्रवीरांस्तव सैन्येषु प्रेषयामास मृत्यवे॥
astrairastrāṇi saṃvārya teṣāṃ so'tiratho raṇe| pravīrāṃstava sainyeṣu preṣayāmāsa mṛtyave||
Then that Atiratha checking the enemies weapons with his own weapons, dispatched many mighty heroes of the hostile rank to the regions of Death.
— tr. M.N. Dutt (1891–96) (public domain)
MBh 4 98.37
अभिमन्युस्तु राजानमम्बष्ठं लोकविश्रुतम्। विरथं रथिनां श्रेष्ठं वारयामास सायकैः॥
abhimanyustu rājānamambaṣṭhaṃ lokaviśrutam| virathaṃ rathināṃ śreṣṭhaṃ vārayāmāsa sāyakaiḥ||
Then Abhimanyu with his shafts, deprived that foremost of car-warriors, viz., king Ambashta of world-wide fame, of his car.
— tr. M.N. Dutt (1891–96) (public domain)
MBh 4 98.38
विरथो वध्यमानस्तु सौभद्रेण यशस्विना। अवप्लुत्य रथात् तूर्णमम्बष्ठो वसुधाधिपः॥
viratho vadhyamānastu saubhadreṇa yaśasvinā| avaplutya rathāt tūrṇamambaṣṭho vasudhādhipaḥ||
Deprived of his car and wondered by the illustrious son of Subhadra, he quickly jumped down from his car in shame and O lord of men.
— tr. M.N. Dutt (1891–96) (public domain)
MBh 4 98.39
असिं चिक्षेप समरे सौभद्रस्य महात्मनः। आरुरोह रथं चैव हार्दिक्यस्य महाबलः॥
asiṃ cikṣepa samare saubhadrasya mahātmanaḥ| āruroha rathaṃ caiva hārdikyasya mahābalaḥ||
Hurled his sword at the high-souled son of Subhadra. Thereafter that highly-powerful hero ascended the car of the son of Hridika.
— tr. M.N. Dutt (1891–96) (public domain)
MBh 4 98.40
आपतन्तं तु निस्त्रिंशं युद्धमार्गविशारदः। लाघवाद् व्यंसयामास सौभद्रः परवीरहा॥
āpatantaṃ tu nistriṃśaṃ yuddhamārgaviśāradaḥ| lāghavād vyaṃsayāmāsa saubhadraḥ paravīrahā||
Then that slayer of hostile hero, namely Abhimanyu, versed in all the modes, of warfare, beholding the swiftly advancing sword, evaded its strike by the agility of his movements.
— tr. M.N. Dutt (1891–96) (public domain)
MBh 4 98.41
व्यंसितं वीक्ष्य निस्त्रिंशं सौभद्रेण रणे तदा। साधु साध्विति सैन्यानां प्रणादोऽभूद् विशाम्पते॥
vyaṃsitaṃ vīkṣya nistriṃśaṃ saubhadreṇa raṇe tadā| sādhu sādhviti sainyānāṃ praṇādo'bhūd viśāmpate||
Beholding the sword thus baffled by the son of Subhadra, in that battle, the troops, O ruler of men, set up an uproar crying 'well-done' 'well-done'.
— tr. M.N. Dutt (1891–96) (public domain)
MBh 4 98.42
धृष्टद्युम्नमुखास्त्वन्ये तव सैन्यमयोधयन्। तथैव तावकाः सर्वे पाण्डुसैन्यमयोधयन्॥
dhṛṣṭadyumnamukhāstvanye tava sainyamayodhayan| tathaiva tāvakāḥ sarve pāṇḍusainyamayodhayan||
Other warriors of the Pandava host headed by Dhrishtadyumna himself, engaged with your warriors; so also your warriors fought against the troops of the Pandavas.
— tr. M.N. Dutt (1891–96) (public domain)
MBh 4 98.43
तत्राक्रन्दो महानासीत् तव तेषां च भारत। निघ्नतां दृढमन्योन्यं कुर्वतां कर्म दुष्करम्॥
tatrākrando mahānāsīt tava teṣāṃ ca bhārata| nighnatāṃ dṛḍhamanyonyaṃ kurvatāṃ karma duṣkaram||
Then when they were thus slaughtering one another mercilessly and achieving feats difficult of being accomplished, fierce was the battle that raged between your and their warriors.
— tr. M.N. Dutt (1891–96) (public domain)
MBh 4 98.44
अन्योन्यं हि रणे शूराः केशेष्वाक्षिप्यमानिनः। नखदन्तैरयुध्यन्त मुष्टिभिर्जानुभिस्तथा॥
anyonyaṃ hi raṇe śūrāḥ keśeṣvākṣipyamāninaḥ| nakhadantairayudhyanta muṣṭibhirjānubhistathā||
In that battle the warriors, O sire, dragging one another by the hair, fought on striking one another with their finger-nails, their teeth, their blows and thighs,
— tr. M.N. Dutt (1891–96) (public domain)
MBh 4 98.45
तलैश्चैवाथ निस्त्रिंशैर्बाहुभिश्च सुसंस्थितैः। विवरं प्राप्य चान्योन्यमनयन् यमसादनम्॥
talaiścaivātha nistriṃśairbāhubhiśca susaṃsthitaiḥ| vivaraṃ prāpya cānyonyamanayan yamasādanam||
Their sabers and palms and sinewy arms. Availing themselves of another's one weaknesses, they dispatched one another to the regions of Death.
— tr. M.N. Dutt (1891–96) (public domain)
MBh 4 98.46
न्यहनच्च पिता पुत्रं पुत्रश्च पितरं तथा। व्याकुलीकृतसर्वाङ्गा युयुधुस्तत्र मानवा॥
nyahanacca pitā putraṃ putraśca pitaraṃ tathā| vyākulīkṛtasarvāṅgā yuyudhustatra mānavā||
Father slew son and son slew father in that battle men fought on making the best use of all limbs.
— tr. M.N. Dutt (1891–96) (public domain)
MBh 4 98.47
रणे चारूणि चापानि हेमपृष्ठानि मारिष। हतानामपविद्धानि कलापाश्च महाधनाः॥
raṇe cārūṇi cāpāni hemapṛṣṭhāni māriṣa| hatānāmapaviddhāni kalāpāśca mahādhanāḥ||
Beautiful bows with their staves decked with gold, O Bharata, loosened from the hold of slain warriors, and precious ornaments,
— tr. M.N. Dutt (1891–96) (public domain)
MBh 4 98.48
जातरूपमयैः पुखैः राजतैर्निशिताः शराः। तैलधौता व्यराजन्त निर्मुक्तभुजगोपमाः॥
jātarūpamayaiḥ pukhaiḥ rājatairniśitāḥ śarāḥ| tailadhautā vyarājanta nirmuktabhujagopamāḥ||
And whetted shafts furnished with golden or Argentine wings and cleansed with oil and resembling snakes that have recently cast of their slough, bone on the field (as they lay scattered thereon).
— tr. M.N. Dutt (1891–96) (public domain)
MBh 4 98.49
हस्तिदन्तत्सरून् खङ्गाञ्जातरूपपरिष्कृतान्। चर्माणि चापविद्धानि रुक्मचित्राणि धन्विनाम्॥
hastidantatsarūn khaṅgāñjātarūpapariṣkṛtān| carmāṇi cāpaviddhāni rukmacitrāṇi dhanvinām||
Swords with hilts made of ivory and decked with gold, and bucklers, belonging to bowmen, embossed with gold, lay scattered on the field, loosened from the grasp of their wielders.
— tr. M.N. Dutt (1891–96) (public domain)
MBh 4 98.50
सुवर्णविकृतप्रासान् पट्टिशान् हेमभूषितान्। जातरूपमयाश्च : शक्तीश्च कनकोज्ज्वलाः॥
suvarṇavikṛtaprāsān paṭṭiśān hemabhūṣitān| jātarūpamayāśca : śaktīśca kanakojjvalāḥ||
Lances and dares and battle-axes, and javelins, all decked with gold and of golden hue,
— tr. M.N. Dutt (1891–96) (public domain)
MBh 4 98.51
सुसंनाहाश्च पतिता मुसलानि गुरूणि च। परिधान् पट्टिशांश्चैव भिन्दिपालांश्च मारिष॥
susaṃnāhāśca patitā musalāni gurūṇi ca| paridhān paṭṭiśāṃścaiva bhindipālāṃśca māriṣa||
And, O sire, beautiful coats of mail, heavy and light bludgeons, inaces, battle-axes and small arrows,
— tr. M.N. Dutt (1891–96) (public domain)
MBh 4 98.52
पतितान् विविधांश्चापाश्चित्रान् हेमपरिष्कृतान्। कुथा बहुविधाकाराश्चामरान् व्यजनानि च॥
patitān vividhāṃścāpāścitrān hemapariṣkṛtān| kuthā bahuvidhākārāścāmarān vyajanāni ca||
And diverse-sharped, capricious for elephants, and chamaras and fans and numerous bows variegated and decorated with gold, lay scattered on the field.
— tr. M.N. Dutt (1891–96) (public domain)
MBh 4 98.53
नानाविधानि शस्त्राणि प्रगृह्य पतिता नराः। जीवन्त इव दृश्यन्ते गतसत्त्वा महारथाः॥
nānāvidhāni śastrāṇi pragṛhya patitā narāḥ| jīvanta iva dṛśyante gatasattvā mahārathāḥ||
Men lying on the field with diverse weapons in grasp looked as if alive, though those mighty car-warriors were all deprived of the vital breaths.
— tr. M.N. Dutt (1891–96) (public domain)
MBh 4 98.54
गदाविमथितैर्गात्रैर्मुसलैभिन्नमस्तकाः। गजवाजिरथक्षुण्णाः शेरते स्म नराः क्षितौ॥
gadāvimathitairgātrairmusalaibhinnamastakāḥ| gajavājirathakṣuṇṇāḥ śerate sma narāḥ kṣitau||
With their bodies crushed with strokes of maces, their heads smashed with the blows of bludgeons, and thoroughly mangled by the cars and elephants and steed, men lay on the field.
— tr. M.N. Dutt (1891–96) (public domain)
MBh 4 98.55
तथैवाश्वनृनागानां शरीरैर्विबभौ तदा। संछन्ना वसुधा राजन् पर्वतैरिव सर्वशः॥
tathaivāśvanṛnāgānāṃ śarīrairvibabhau tadā| saṃchannā vasudhā rājan parvatairiva sarvaśaḥ||
Then the surface of the earth covered over with carcasses and corpses of men and elephants and steeds, appeared, O king, as if covered with hillocks.
— tr. M.N. Dutt (1891–96) (public domain)
MBh 4 98.56
समरे पतितैश्चैव शक्त्यष्टिशरतोमरैः। निस्त्रिशैः पट्टिशैः प्रासैरयस्कुन्तैः परश्वधैः॥ परिचैर्भिन्दिपालैश्च शतघ्नीभिश्च मारिष। शरीरैः शस्त्रनिर्भिन्नैः समास्तीर्यत मेदिनी॥
samare patitaiścaiva śaktyaṣṭiśaratomaraiḥ| nistriśaiḥ paṭṭiśaiḥ prāsairayaskuntaiḥ paraśvadhaiḥ|| paricairbhindipālaiśca śataghnībhiśca māriṣa| śarīraiḥ śastranirbhinnaiḥ samāstīryata medinī||
The field of battle was strewn over with fallen dares, swords, arrows, lances, sabers, axes, piked stakes, iron crows, battle-axes, clubs and bludgeons, and Shataghnees and bodies mutilated with weapons.
— tr. M.N. Dutt (1891–96) (public domain)
MBh 4 98.57
विशब्दरल्पशब्दैश्च शोणितौघपरिप्लुतैः। गतासुभिरमित्रघ्न विबभौ निचिता मही॥
viśabdaralpaśabdaiśca śoṇitaughapariplutaiḥ| gatāsubhiramitraghna vibabhau nicitā mahī||
O slayer of enemies, the earth covered with some warriors silent in death, with others weltering in their blood and with some again moaning feebly, became highly beautiful.
— tr. M.N. Dutt (1891–96) (public domain)
MBh 4 98.58
सतलत्रैः सकेयूरैर्बाहूभिश्चन्दनोक्षितैः। हस्तिहस्तोपमैश्छिरूरुभिश्च तरस्विनाम्॥ बद्धचूडामणिवरैः शिरोभिश्च सकुण्डलैः। पातितैर्ऋषभाक्षाणां बभौ भारत मेदिनी॥
satalatraiḥ sakeyūrairbāhūbhiścandanokṣitaiḥ| hastihastopamaiśchirūrubhiśca tarasvinām|| baddhacūḍāmaṇivaraiḥ śirobhiśca sakuṇḍalaiḥ| pātitairṛṣabhākṣāṇāṃ babhau bhārata medinī||
O Bharata, the field of battle assumed a beautiful aspect, being strewn over with arms of mighty warriors smeared with sandal paste and adorned with leather fences and bracelets, as also with well snapped thighs resembling the trunks of elephants, and with severed heads of large-eyed combatants, graced with gems and car-rings.
— tr. M.N. Dutt (1891–96) (public domain)
MBh 4 98.59
कवचैः शोणितादिग्धैविप्रकीर्णश्च काञ्चनैः। रराज सुभृशं भूमिः शान्तार्चिभिरिवानलैः॥
kavacaiḥ śoṇitādigdhaiviprakīrṇaśca kāñcanaiḥ| rarāja subhṛśaṃ bhūmiḥ śāntārcibhirivānalaiḥ||
Covered over with blood-soiled amours and golden ornaments, the field of battle appeared most beautiful as of scattered over with fires of mild flames.
— tr. M.N. Dutt (1891–96) (public domain)
MBh 4 98.60
विप्रविद्धैः कलापैश्च पतितैश्च शरासनैः। विप्रकीर्णैः शरैश्चैव रुक्मपुखैः समन्ततः॥
vipraviddhaiḥ kalāpaiśca patitaiśca śarāsanaiḥ| viprakīrṇaiḥ śaraiścaiva rukmapukhaiḥ samantataḥ||
With ornaments of various kinds loosened from their places, with bows fallen about, with shafts of golden wings lying about,
— tr. M.N. Dutt (1891–96) (public domain)
MBh 4 98.61
रथैश्च सर्वतो भग्नैः किङ्किणीजालभूषितैः। वाजिभिश्च हतैर्बाणैः स्रस्तजिह्वः सशोणितैः॥
rathaiśca sarvato bhagnaiḥ kiṅkiṇījālabhūṣitaiḥ| vājibhiśca hatairbāṇaiḥ srastajihvaḥ saśoṇitaiḥ||
With many broken cars decked with rows of bells, with numerous slain steeds bespattered with gore and their tongues protruding,
— tr. M.N. Dutt (1891–96) (public domain)
MBh 4 98.62
अनुकर्णैः पताकाभिरुपासङ्गैर्ध्वजैरपि। प्रवीराणां महाशङ्कुर्विप्रकीर्णैश्च पाण्डुरैः॥
anukarṇaiḥ patākābhirupāsaṅgairdhvajairapi| pravīrāṇāṃ mahāśaṅkurviprakīrṇaiśca pāṇḍuraiḥ||
With car-bottons, and standards quivers, pennons, huge milk white conchs, belonging to mighty warrior,
— tr. M.N. Dutt (1891–96) (public domain)
MBh 4 98.63
स्रस्तहस्तैश्च मातङ्गैः शयानैर्विबभौ मही। नानारूपैरलंकारैः प्रमदैवाभ्यलकृता॥
srastahastaiśca mātaṅgaiḥ śayānairvibabhau mahī| nānārūpairalaṃkāraiḥ pramadaivābhyalakṛtā||
With trunkless elephants, scattered on the field, the earth appeared charming like a damsel adorned with various of ornaments.
— tr. M.N. Dutt (1891–96) (public domain)
MBh 4 98.64
दन्तिभिश्चापरैस्तत्र सप्रसैर्गाढवैदनैः। करैः शब्दं विमुञ्चद्भिः शीकरं च मुमुर्मुहुः॥ विबभौ तद् रणस्थानं स्यन्दमानैरिवाचलैः। नानारागैः कम्बलैश्च परिस्तोमैश्च दन्तिनाम्॥
dantibhiścāparaistatra saprasairgāḍhavaidanaiḥ| karaiḥ śabdaṃ vimuñcadbhiḥ śīkaraṃ ca mumurmuhuḥ|| vibabhau tad raṇasthānaṃ syandamānairivācalaiḥ| nānārāgaiḥ kambalaiśca paristomaiśca dantinām||
Then also with other elephants pierced with lances and pained to the extreme, and repeatedly uttering shrinks of agony with their trunks, the field of battle appeared beautiful as if covered with moving mountains. With blankets of various colors, and caparisons of elephants, sorts
— tr. M.N. Dutt (1891–96) (public domain)
MBh 4 98.65
वैदूर्यमणिदण्डैश्च पतितैरङ्कुशैः शुभैः। घण्डाभिश्च गजेन्द्राणां पतिताभिः समन्ततः॥
vaidūryamaṇidaṇḍaiśca patitairaṅkuśaiḥ śubhaiḥ| ghaṇḍābhiśca gajendrāṇāṃ patitābhiḥ samantataḥ||
With well-shaped hooks having their handles decked with lapses, with bells of huge elephants scattered here and there.
— tr. M.N. Dutt (1891–96) (public domain)
MBh 4 98.66
विपाटितविचित्राभिः कुथाभिरङ्कुशैस्तथा। ग्रैवेयश्चित्ररूपैश्च रुक्मकक्ष्याभिरेव च॥
vipāṭitavicitrābhiḥ kuthābhiraṅkuśaistathā| graiveyaścitrarūpaiśca rukmakakṣyābhireva ca||
With clean housing of wonderful workmanship, with the skins of Ranku deer, with beautiful neck-laces and golden girths,
— tr. M.N. Dutt (1891–96) (public domain)
MBh 4 98.67
यन्त्रैश्च बहुधाच्छिन्नस्तोमरैश्चापि काञ्चनैः। अश्वानां रेणुकपिलै रुक्मच्छन्नैरुरश्छदैः॥
yantraiśca bahudhācchinnastomaraiścāpi kāñcanaiḥ| aśvānāṃ reṇukapilai rukmacchannairuraśchadaiḥ||
With many broken implements of war, with golden dares, with many gold fringed breast plates of steeds soiled with dust,
— tr. M.N. Dutt (1891–96) (public domain)
MBh 4 98.68
सादिनां भुजगैश्छिन्नैः पतितैः साङ्गदैस्तथा। प्रासैश्च विमलैस्तीक्ष्णैर्विमलाभिस्तथर्टिभिः॥
sādināṃ bhujagaiśchinnaiḥ patitaiḥ sāṅgadaistathā| prāsaiśca vimalaistīkṣṇairvimalābhistatharṭibhiḥ||
With served arms of horse soldiers, adorned with bracelets and scattered about, with well polished lances of keep points and with resplendent swords,
— tr. M.N. Dutt (1891–96) (public domain)
MBh 4 98.69
उष्णीषैश्च तथा चित्रैविप्रविब्रैस्ततस्ततः। विचित्रैर्बाणवर्धेश्च जातरूपपरिष्कृतैः॥
uṣṇīṣaiśca tathā citraivipravibraistatastataḥ| vicitrairbāṇavardheśca jātarūpapariṣkṛtaiḥ||
With variegated turbans fallen off and lying about, with wonderful crescent shaped arrows of golden effulgence,
— tr. M.N. Dutt (1891–96) (public domain)
MBh 4 98.70
अश्वास्तरपरिस्तोमै राङ्कवैर्मुदितैस्तथा। नरेन्द्रचूडामणिभिर्विचित्रैश्च महाधनैः॥
aśvāstaraparistomai rāṅkavairmuditaistathā| narendracūḍāmaṇibhirvicitraiśca mahādhanaiḥ||
With housings of steeds with skins of Ranku deer, torn and soiled, with beautiful and precious gems that had graced the turbans of the kings,
— tr. M.N. Dutt (1891–96) (public domain)
MBh 4 98.71
छत्रैस्तथापविद्धैश्च चामरैर्व्यजनैरपि। पोन्दुद्युतिभिश्चैव वदनैश्चारुकुण्डलैः॥
chatraistathāpaviddhaiśca cāmarairvyajanairapi| pondudyutibhiścaiva vadanaiścārukuṇḍalaiḥ||
With umbrellas, and chamaras and fans scattered about, with moon-like or lotus-like faces of warriors conspicuous with charming ear-rings,
— tr. M.N. Dutt (1891–96) (public domain)
MBh 4 98.72
क्लप्तश्मश्रुभिरत्यर्थं वीराणां समलंकृतैः। अपविद्धैर्महाराज सुवर्णोज्ज्वकुण्डलैः॥
klaptaśmaśrubhiratyarthaṃ vīrāṇāṃ samalaṃkṛtaiḥ| apaviddhairmahārāja suvarṇojjvakuṇḍalaiḥ||
And graced with well clipped beards and beautified, O king, with Kundalas of golden effulgence,
— tr. M.N. Dutt (1891–96) (public domain)
MBh 4 98.73
ग्रहनक्षत्रशबला द्यौरिवासीद् वसुन्धरा। एवमेते महासेने मृदृिते तत्र भारत॥
grahanakṣatraśabalā dyaurivāsīd vasundharā| evamete mahāsene mṛdṛite tatra bhārata||
The earth looked like the sky be-spangled with the stars and the planets. Thus, O Bharata, the two mighty armies crushed one another,
— tr. M.N. Dutt (1891–96) (public domain)
MBh 4 98.74
परस्परं समासाद्य तव तेषां च संयुगे। तेषु श्रान्तेषु भग्नेषु मृदितेषु च भारत॥
parasparaṃ samāsādya tava teṣāṃ ca saṃyuge| teṣu śrānteṣu bhagneṣu mṛditeṣu ca bhārata||
Encountering one another in battle. When, O Bharata, the two armies were crushed and exhausted and completely broken,
— tr. M.N. Dutt (1891–96) (public domain)
MBh 4 98.75
रात्रिः समभवत् तत्र नापश्याम ततोऽनुगान्। ततोऽवहारं सैन्यानां प्रचक्रुः कुरुपाण्डवाः॥
rātriḥ samabhavat tatra nāpaśyāma tato'nugān| tato'vahāraṃ sainyānāṃ pracakruḥ kurupāṇḍavāḥ||
The hideous pall of night fell over the earth and the fight could no longer be discerned. Then the Kurus and the Pandavas withdrew their forces from the field.
— tr. M.N. Dutt (1891–96) (public domain)
MBh 4 98.76
रजनीमुखे सुरौद्रे तु वर्तमाने महाभये। अवहारं ततः कृत्वा सहिताः कुरुपाण्डवाः। न्यविशन्त यथाकालं गत्वा स्वशिबिरं तदा॥
rajanīmukhe suraudre tu vartamāne mahābhaye| avahāraṃ tataḥ kṛtvā sahitāḥ kurupāṇḍavāḥ| nyaviśanta yathākālaṃ gatvā svaśibiraṃ tadā||
When that hideous night, fierce and dreadful, set in, both the Kurus and the Pandavas, having withdrawn their forces, entered their encampments and retired to their respective tents.
— tr. M.N. Dutt (1891–96) (public domain)