Mahabharata — Volume IV (Dutt edition) — Chapter 96
MBh 4 96.1
संजय उवाच स्वसैन्यं निहतं दृष्ट्वा राजा दुर्योधनः स्वयम्। अभ्यधावत संक्रुद्धो भीमसेनमरिंदमम्॥
saṃjaya uvāca svasainyaṃ nihataṃ dṛṣṭvā rājā duryodhanaḥ svayam| abhyadhāvata saṃkruddho bhīmasenamariṃdamam||
Sanjaya said There upon king Duryodhana, seeing his own troops slain inflamed with wrath, rushed against that subduer of foes namely Bhimasena.
— tr. M.N. Dutt (1891–96) (public domain)
MBh 4 96.2
प्रगृह्य सुमहच्चापमिन्द्राशनिसमस्वनम्। महता शरवर्षेण पाण्डवं समवाकिरत्॥
pragṛhya sumahaccāpamindrāśanisamasvanam| mahatā śaravarṣeṇa pāṇḍavaṃ samavākirat||
Grasping a huge bow effulgent like the thunder bolt of Indra himself, he covered the son of Pandu with a thick shower of arrows.
— tr. M.N. Dutt (1891–96) (public domain)
MBh 4 96.3
अर्धचन्द्रं च संधाय सुतीक्ष्ण लोमवाहिनम्। भीमसेनस्य चिच्छेद चापं क्रोधसमन्वितः॥
ardhacandraṃ ca saṃdhāya sutīkṣṇa lomavāhinam| bhīmasenasya ciccheda cāpaṃ krodhasamanvitaḥ||
Fixing on his bow string a crescent shaped and exceedingly sharp arrow furnished with wings of down, and inflamed with rage, he burst asunder the bow of Bhimasena.
— tr. M.N. Dutt (1891–96) (public domain)
MBh 4 96.4
तदन्तरं च सम्प्रेक्ष्य त्वरमाणो महारथः। प्रसंदधे शितं बाणं गिरीणामपि दारणम्॥
tadantaraṃ ca samprekṣya tvaramāṇo mahārathaḥ| prasaṃdadhe śitaṃ bāṇaṃ girīṇāmapi dāraṇam||
At this opportunity, that mighty car-warrior Duryodhana without the least delay placed on his bow string another sharp arrow capable of penetrating even through the very mountains.
— tr. M.N. Dutt (1891–96) (public domain)
MBh 4 96.5
तेनोरसि महाराज भीमसेनमताडयत्। स गाढविद्धो व्यथितः सृक्किणी परिसंलिहन्॥
tenorasi mahārāja bhīmasenamatāḍayat| sa gāḍhaviddho vyathitaḥ sṛkkiṇī parisaṃlihan||
Then that mighty armed hero, with that arrow struck Bhimasena on the breast. The latter thus pierced deeply, smarting with pain, and licking the corners of his mouth,
— tr. M.N. Dutt (1891–96) (public domain)
MBh 4 96.6
समाललम्बे तेजस्वी ध्वजं हेमपरिष्कृतम्। तथा विमनसं दृष्ट्वा भीमसेनं घटोत्कचः॥
samālalambe tejasvī dhvajaṃ hemapariṣkṛtam| tathā vimanasaṃ dṛṣṭvā bhīmasenaṃ ghaṭotkacaḥ||
Caught hold of the staff of his standard decked with gold (for support). Thereupon Ghatotkacha seeing Bhimasena thus depressed.
— tr. M.N. Dutt (1891–96) (public domain)
MBh 4 96.7
क्रोधेनाभिप्रजज्वाल दिघक्षन्निव पावकः। अभिमन्युमुखाश्चापि पाण्डवानां महारथाः॥
krodhenābhiprajajvāla dighakṣanniva pāvakaḥ| abhimanyumukhāścāpi pāṇḍavānāṃ mahārathāḥ||
Blazed up with rage, like a conflagration capable of consuming everything. The mighty car-warriors of the Pandava host headed by Abhimanyu,
— tr. M.N. Dutt (1891–96) (public domain)
MBh 4 96.8
समभ्यधावन् क्रोशन्तो राजानं जातसम्भ्रमाः। सम्प्रेक्ष्येतान् सम्पतत:संक्रुद्धाञ्जातसम्भ्रमान्॥
samabhyadhāvan krośanto rājānaṃ jātasambhramāḥ| samprekṣyetān sampatata:saṃkruddhāñjātasambhramān||
Now rushed impetuously at the king uttering their fierce war-cries. Beholding those enraged warriors rush with impetuosity.
— tr. M.N. Dutt (1891–96) (public domain)
MBh 4 96.9
भारद्वाजोऽब्रवीद् वाक्यं तावकानां महारथान्। क्षिप्रं गच्छत भद्रं वो राजानं परिरक्षत॥
bhāradvājo'bravīd vākyaṃ tāvakānāṃ mahārathān| kṣipraṃ gacchata bhadraṃ vo rājānaṃ parirakṣata||
The son of Bharadvaja spoke these words to the mighty car-warriors of your army "Good betide you all die yourselves and strive to rescue the king.
— tr. M.N. Dutt (1891–96) (public domain)
MBh 4 96.10
संशयं परमं प्राप्तं मज्जन्तं व्यसनार्णवे। एते क्रुद्धा महेष्वासाः पाण्डवानां महारथाः॥
saṃśayaṃ paramaṃ prāptaṃ majjantaṃ vyasanārṇave| ete kruddhā maheṣvāsāḥ pāṇḍavānāṃ mahārathāḥ||
Who is now involved in a great predicament and is being sunk into the sea of danger. These irate car-warriors of the Pandava army, these fierce bow-men,
— tr. M.N. Dutt (1891–96) (public domain)
MBh 4 96.11
भीमसेनं पुरस्कृत्य दुर्योधनमुपाद्रवन्। नानाविधानि शस्त्राणि विसृजन्तो जये धृताः॥
bhīmasenaṃ puraskṛtya duryodhanamupādravan| nānāvidhāni śastrāṇi visṛjanto jaye dhṛtāḥ||
Placing Bhimasena at their head, are rushing at Duryodhana, hurling diverse kinds of weapons, determined to secure success,
— tr. M.N. Dutt (1891–96) (public domain)
MBh 4 96.12
नदन्तो भैरवान् नादांस्त्रासयन्तश्च भूमिपान्। तदाचार्यवचः श्रुत्वा सौमदत्तिपुरोगमाः॥
nadanto bhairavān nādāṃstrāsayantaśca bhūmipān| tadācāryavacaḥ śrutvā saumadattipurogamāḥ||
Roaring out their fierce war-cries and frightening thereby the rulers rulers of earth belonging to our party.” Hearing these words of the preceptor, your warriors headed by Somadatta,
— tr. M.N. Dutt (1891–96) (public domain)
MBh 4 96.13
तावकाः समवर्तन्त पाण्डवानामनीकिनीम्। कृपो भूरिश्रवाः शल्यो द्रोणपुत्रो विविंशतिः॥
tāvakāḥ samavartanta pāṇḍavānāmanīkinīm| kṛpo bhūriśravāḥ śalyo droṇaputro viviṃśatiḥ||
Rushed against the ranks of the Pandavas, Kripa, Bhurishravas, Shalya, the son of Drona, Vivingshati,
— tr. M.N. Dutt (1891–96) (public domain)
MBh 4 96.14
चित्रसेनो विकर्णश्च सैन्धवोऽथ बृहद्बलः। आवन्त्यौ च महेष्वासौ कौरवं पर्यवारयन्॥
citraseno vikarṇaśca saindhavo'tha bṛhadbalaḥ| āvantyau ca maheṣvāsau kauravaṃ paryavārayan||
Chitrasena, Vikarna, the ruler of the Sindhus, Brihadbala and the two Avanti princes, both great bow-men, all in a body surrounded the Kuru ruler (for the aiding him).
— tr. M.N. Dutt (1891–96) (public domain)
MBh 4 96.15
ते विंशतिपदं गत्वा सम्प्रहारं प्रचक्रिरे। पाण्डवा धार्तराष्ट्राश्च परस्परजिघांसवः॥
te viṃśatipadaṃ gatvā samprahāraṃ pracakrire| pāṇḍavā dhārtarāṣṭrāśca parasparajighāṃsavaḥ||
Proceeding only twenty steps, the Pandavas and the Dhritarashtra's began to strike one another, out of a desire for slaying one another.
— tr. M.N. Dutt (1891–96) (public domain)
MBh 4 96.16
एवमुक्त्वा महाबाहुर्महद् विस्फार्ये कार्मुकम्। भारद्वाजस्ततो भीमं षड्विंशत्या समार्पयत्॥
evamuktvā mahābāhurmahad visphārye kārmukam| bhāradvājastato bhīmaṃ ṣaḍviṃśatyā samārpayat||
The mighty-armed son of Bharadvaja also, having spoken the above words, stretched his mighty bow and afflicted Bhima with twenty ! six shafts.
— tr. M.N. Dutt (1891–96) (public domain)
MBh 4 96.17
भूयश्चैनं महाबाहुः शरैः शीघ्रमवाकिरत्। पर्वतं वारिधाराभिः प्रावृषीव बलाहकः॥
bhūyaścainaṃ mahābāhuḥ śaraiḥ śīghramavākirat| parvataṃ vāridhārābhiḥ prāvṛṣīva balāhakaḥ||
Then again that hero of mighty-arms speedily covered him with a shower of arrows, like clouds covering the mountains with rains in the rainy season.
— tr. M.N. Dutt (1891–96) (public domain)
MBh 4 96.18
तं प्रत्यविध्यद् दशभिर्भीमसेनः शिलीमुखैः। त्वरमाणो महेष्वासः सव्ये पार्श्वे महाबलः॥
taṃ pratyavidhyad daśabhirbhīmasenaḥ śilīmukhaiḥ| tvaramāṇo maheṣvāsaḥ savye pārśve mahābalaḥ||
But the highly puissant Bhimasena, that fierce bow-man, without the least delay, pierced Drona in return in his left side with ten shafts of great sharpness.
— tr. M.N. Dutt (1891–96) (public domain)
MBh 4 96.19
स गाढविद्धो व्यथितो वयोवृद्धश्च भारत। प्रणष्टसंज्ञः सहसा रथोपस्थ उपाविशत्॥
sa gāḍhaviddho vyathito vayovṛddhaśca bhārata| praṇaṣṭasaṃjñaḥ sahasā rathopastha upāviśat||
Thus deeply pierced and overwhelmed with pain, the preceptor worn out as he was with age, squatted down on the terrace of his chariot being deprived of his consciousness.
— tr. M.N. Dutt (1891–96) (public domain)
MBh 4 96.20
गुरुं प्रव्यथितं दृष्ट्वा राजा दुर्योधनः स्वयम्। द्रौणायनिश्च संक्रुद्धौ भीमसेनमभिद्रुतौ॥
guruṃ pravyathitaṃ dṛṣṭvā rājā duryodhanaḥ svayam| drauṇāyaniśca saṃkruddhau bhīmasenamabhidrutau||
Beholding him (Drona) highly pained, king Duryodhana himself and the irate son of na.
— tr. M.N. Dutt (1891–96) (public domain)
MBh 4 96.21
तावापतन्तौ सम्प्रेक्ष्य कालान्तकयमोपमौ। भीमसेनो महाबाहुर्गदामादाय सत्वरम्॥
tāvāpatantau samprekṣya kālāntakayamopamau| bhīmaseno mahābāhurgadāmādāya satvaram||
Seeing them both rush against himself like the Destroyer him at the end of a Yuga, the mighty-armed Bhimasena speedily took up a mace;
— tr. M.N. Dutt (1891–96) (public domain)
MBh 4 96.22
अवप्लुत्य रथात् तूर्णं तस्थौ गिरिरिवाचलः। समुद्यम्य गदां गुर्वी यमदण्डोपमां रणे॥
avaplutya rathāt tūrṇaṃ tasthau giririvācalaḥ| samudyamya gadāṃ gurvī yamadaṇḍopamāṃ raṇe||
And jumping down from his car he stood fixed like the immovable hills, uplifting his heavy mace that resembled the bludgeon of Death himself.
— tr. M.N. Dutt (1891–96) (public domain)
MBh 4 96.23
तमुद्यतगदं दृष्ट्वा कैलासमिव शृङ्गिणम्। कौरवो द्रोणपुत्रश्च सहितावभ्यधावताम्॥
tamudyatagadaṃ dṛṣṭvā kailāsamiva śṛṅgiṇam| kauravo droṇaputraśca sahitāvabhyadhāvatām||
Beholding him stand with his uplifted mace like the crested Kailasa mountain, the Kuru king and the son of Drona, united together, rushed against him.
— tr. M.N. Dutt (1891–96) (public domain)
MBh 4 96.24
तावापतन्तौ सहितौ त्वरितौ बलिनां वरौ। अभ्यधावत वेगेन त्वरमाणो वृकोदरः॥
tāvāpatantau sahitau tvaritau balināṃ varau| abhyadhāvata vegena tvaramāṇo vṛkodaraḥ||
Thereupon the highly puissant Bhimasena also rushed with impetuosity against those two foremost of powerful heroes who were rushing united against himself.
— tr. M.N. Dutt (1891–96) (public domain)
MBh 4 96.25
तमापतन्तं सम्प्रेक्ष्य संक्रुद्धं भीमदर्शनम्। समभ्यधावंस्त्वरिताः कौरवाणां महारथाः॥
tamāpatantaṃ samprekṣya saṃkruddhaṃ bhīmadarśanam| samabhyadhāvaṃstvaritāḥ kauravāṇāṃ mahārathāḥ||
Beholding the engaged Bhima of terrible expression thus fall upon them, the mighty carwarriors of the Kaurava host proceeded to meet him without delay.
— tr. M.N. Dutt (1891–96) (public domain)
MBh 4 96.26
भारद्वाजमुखाः सर्वे भीमसेनजिघांसया। नानाविधानि शस्त्राणि भीमस्योरस्यपातयन्॥
bhāradvājamukhāḥ sarve bhīmasenajighāṃsayā| nānāvidhāni śastrāṇi bhīmasyorasyapātayan||
Headed by the son of Bharadvaja, those heroes, out of a desire for slaying Bhimasena, hurled at the latter's breast weapons of diverse descriptions.
— tr. M.N. Dutt (1891–96) (public domain)
MBh 4 96.27
सहिताः पाण्डवं सर्वे पीडयन्तः समन्ततः। तं दृष्ट्वा संशयं प्राप्तं पीड्यमानं महारथम्॥
sahitāḥ pāṇḍavaṃ sarve pīḍayantaḥ samantataḥ| taṃ dṛṣṭvā saṃśayaṃ prāptaṃ pīḍyamānaṃ mahāratham||
Thus united together, they sorely pressed that son of Pandu (Bhima) on all sides. Beholding that mighty car-warrior thus involved in a predicament and thus afflicted,
— tr. M.N. Dutt (1891–96) (public domain)
MBh 4 96.28
अभिमन्युप्रभृतयः पाण्डवानां महारथाः। अभ्यधावन् परीप्सन्तः प्राणांस्त्यक्त्वा सुदुस्त्यजान्।।२८।
abhimanyuprabhṛtayaḥ pāṇḍavānāṃ mahārathāḥ| abhyadhāvan parīpsantaḥ prāṇāṃstyaktvā sudustyajān||28|
The mighty car-warriors of the Pandava host, such as Abhimanyu and others, rushed, forward desirous of rescuing him, setting their own dear lives at naught.
— tr. M.N. Dutt (1891–96) (public domain)
MBh 4 96.29
अनूपाधिपतिः शूरो भीमस्य दयितः सखा। नालो नीलाम्बुदप्रख्यः संक्रुद्धो द्रौणिमभ्ययात्॥
anūpādhipatiḥ śūro bhīmasya dayitaḥ sakhā| nālo nīlāmbudaprakhyaḥ saṃkruddho drauṇimabhyayāt||
The heroic ruler of the low countries, that dear-loved friend of Bhima, by name Nila, of complexion blue like the clouds, excited with wrath, rushed at the son of Drona.
— tr. M.N. Dutt (1891–96) (public domain)
MBh 4 96.30
स्पर्धते हि महेष्वासो नित्यं द्रोणसुतेन सः। स विस्फार्य महच्चापं द्रौणिं विव्याध पत्रिणा॥
spardhate hi maheṣvāso nityaṃ droṇasutena saḥ| sa visphārya mahaccāpaṃ drauṇiṃ vivyādha patriṇā||
That fierce bowmen (Nila) ever longed for an encounter with the son of Drona. Now stretching his mighty bow he pierced with many a winged shaft the son of Drona,
— tr. M.N. Dutt (1891–96) (public domain)
MBh 4 96.31
यथा शक्रो महाराज पुरा विप्रचित्तिं दुराधर्षं देवतानां भयंकरम्॥
yathā śakro mahārāja purā vipracittiṃ durādharṣaṃ devatānāṃ bhayaṃkaram||
Just as, O mighty monarch, in the days of yore, Shakra pierced the Danava Viprachitti, invincible in battle and the terror of the celestial,
— tr. M.N. Dutt (1891–96) (public domain)
MBh 4 96.32
येन लोकत्रयं क्रोधात् त्रासितं स्वेन तेजसा। तथा नीलेन निर्भिन्नः सुमुक्तेन पतत्त्रिणा॥
yena lokatrayaṃ krodhāt trāsitaṃ svena tejasā| tathā nīlena nirbhinnaḥ sumuktena patattriṇā||
Who, possessed by rage, struck terror into the three worlds by the display of his energy. Thus pierced by Nila with well-directed shafts,
— tr. M.N. Dutt (1891–96) (public domain)
MBh 4 96.33
संजातरुधिरोत्पीडो द्रौणिः क्रोधसमन्वितः। स विस्फार्य धनुश्चित्रमिन्द्राशनिसमस्वनम्॥ विव्याध दानवम्।
saṃjātarudhirotpīḍo drauṇiḥ krodhasamanvitaḥ| sa visphārya dhanuścitramindrāśanisamasvanam|| vivyādha dānavam|
Drona's son, shedding blood profusely became possessed with wrath; then drawing his wonderful bow whose twang resembled Indra's thunder,
— tr. M.N. Dutt (1891–96) (public domain)
MBh 4 96.34
दने नीलविनाशाय मति मतिमतां वरः। ततः संधाय विमलान् भल्लान् कर्मारमार्जितान्॥
dane nīlavināśāya mati matimatāṃ varaḥ| tataḥ saṃdhāya vimalān bhallān karmāramārjitān||
That foremost of intelligent heroes resolved to slay Nila in battle. Thereafter fixing on the bowstring broaded-headed shafts, resplendent and variegated by the forger himself,
— tr. M.N. Dutt (1891–96) (public domain)
MBh 4 96.35
जधान चतुरो वाहान् सारथिं ध्वजमेव च। सप्तमेन च भल्लेन नीलं विव्याध वक्षसि॥
jadhāna caturo vāhān sārathiṃ dhvajameva ca| saptamena ca bhallena nīlaṃ vivyādha vakṣasi||
He (Drona's son) slew with these the four horses of Nila and cut down his standard too. With the seventh arrow, he pierced Nila himself on the chest.
— tr. M.N. Dutt (1891–96) (public domain)
MBh 4 96.36
स गाढविद्धो व्यथितो रथोपस्थ उपाविशत्। मोहितं वीक्ष्य राजानं नीलमध्चयोपमम्॥
sa gāḍhaviddho vyathito rathopastha upāviśat| mohitaṃ vīkṣya rājānaṃ nīlamadhcayopamam||
Thus deeply pierced and sorely pained, Nila squatted down on the terrace of his car. Beholding king Nila, of appearance like a mass of blue clouds, thus confounded,
— tr. M.N. Dutt (1891–96) (public domain)
MBh 4 96.37
घटोत्कचोऽभिसंक्रुद्धो ज्ञातिभिः परिवारितः। अभिदुद्राव वेगेन द्रौणिमाहवशोभिनम्॥
ghaṭotkaco'bhisaṃkruddho jñātibhiḥ parivāritaḥ| abhidudrāva vegena drauṇimāhavaśobhinam||
Ghatotkacha excited with wrath and surrounded by his kinsmen, impetuously rushed against Drona's son that ornament of battle.
— tr. M.N. Dutt (1891–96) (public domain)
MBh 4 96.38
तथेतरे चाभ्यधावन् राक्षसा युद्धदुर्मदाः। तमापतन्तं सम्प्रेक्ष्य राक्षसं घोरदर्शनम्॥
tathetare cābhyadhāvan rākṣasā yuddhadurmadāḥ| tamāpatantaṃ samprekṣya rākṣasaṃ ghoradarśanam||
Other inferior Rakshasas invincible in battle also rushed to the fight. Seeing that Rakshasa of dreadful aspect make towards himself,
— tr. M.N. Dutt (1891–96) (public domain)
MBh 4 96.39
अभ्यधावत तेजस्वी भारद्वाजात्मजस्त्वरन्। निजघान च संक्रुद्धो राक्षसान् भीमदर्शनान्॥
abhyadhāvata tejasvī bhāradvājātmajastvaran| nijaghāna ca saṃkruddho rākṣasān bhīmadarśanān||
The highly puissant son of Bharadvaja, without the least delay rushed against the former and excited with wrath he slew many Rakshasas of dreadful visage,
— tr. M.N. Dutt (1891–96) (public domain)
MBh 4 96.40
येऽभवन्नग्रतः क्रुद्धा राक्षसस्य पुरःसराः। विमुखांश्चैव तान् दृष्ट्वा द्रौणिचापच्युतैः शरैः॥
ye'bhavannagrataḥ kruddhā rākṣasasya puraḥsarāḥ| vimukhāṃścaiva tān dṛṣṭvā drauṇicāpacyutaiḥ śaraiḥ||
Who were stationed in the front of in Ghatotkacha; beholding his own troops turn faces away from the field of battle, in consequence of the shafts shot from the bow of Drona,
— tr. M.N. Dutt (1891–96) (public domain)
MBh 4 96.41
अक्रुद्ध्यत महाकायो भीमसेनिर्घटोत्कचः। प्रादुश्चक्रे ततो माया घोररूपां सुदारुणाम्॥
akruddhyata mahākāyo bhīmasenirghaṭotkacaḥ| prāduścakre tato māyā ghorarūpāṃ sudāruṇām||
The huge-bodied Ghatotkacha, the son of Bhimasena became wrought up with rage, and brought into existence an awful and terrible illusion.
— tr. M.N. Dutt (1891–96) (public domain)
MBh 4 96.42
मोहयन् समरे द्रौणि मायावी राक्षसाधिपः। ततस्ते तावकाः सर्वे मायया विमुखीकृताः॥
mohayan samare drauṇi māyāvī rākṣasādhipaḥ| tataste tāvakāḥ sarve māyayā vimukhīkṛtāḥ||
Then therewith that ruler of the Rakshasas of potent illusive powers, confounded in battle Drona's son. Then all your warriors were repulsed through the illusion of the Rakshasa.
— tr. M.N. Dutt (1891–96) (public domain)
MBh 4 96.43
अन्योन्यं समपश्यन्त निकृत्ता मेदिनीतले। विचेष्टमानाः कृपणाः शोणितेन परिप्लुताः॥
anyonyaṃ samapaśyanta nikṛttā medinītale| viceṣṭamānāḥ kṛpaṇāḥ śoṇitena pariplutāḥ||
They (your warriors) saw one another mangled and lying on the surface of the battle field, writhing in convulsions, distressed and weltering their own blood.
— tr. M.N. Dutt (1891–96) (public domain)
MBh 4 96.44
द्रोणं दुर्योधनं शल्यमश्वत्थामानमेव च। प्रायशश्च महेष्वासा ये प्रधानाः स्म कौरवाः॥
droṇaṃ duryodhanaṃ śalyamaśvatthāmānameva ca| prāyaśaśca maheṣvāsā ye pradhānāḥ sma kauravāḥ||
Drona, Duryodhana, Shalya Ashvathama, and other foremost bowmen of the Kaurava host were seen to fly away from the field of battle.
— tr. M.N. Dutt (1891–96) (public domain)
MBh 4 96.45
विध्वस्ता रथिनः सर्वे राजानश्च निपातिताः। हयाश्चैव हयारोहाः संनिकृत्ताः सहस्रशः॥
vidhvastā rathinaḥ sarve rājānaśca nipātitāḥ| hayāścaiva hayārohāḥ saṃnikṛttāḥ sahasraśaḥ||
All the car-warriors appeared to be smashed, the kings fells, the horses and cavalry hacked to pieces by thousands.
— tr. M.N. Dutt (1891–96) (public domain)
MBh 4 96.46
तद् दृष्ट्वा तावकं सैन्यं विद्रुतं शिबिरं प्रति। मम प्राक्रोशतो राजंस्तथा देवव्रतस्य च॥
tad dṛṣṭvā tāvakaṃ sainyaṃ vidrutaṃ śibiraṃ prati| mama prākrośato rājaṃstathā devavratasya ca||
Beholding this (illusive) your warriors, 0 king, ran towards the encampments, although myself and Devavrata cried at the top of our voice saying, O king,
— tr. M.N. Dutt (1891–96) (public domain)
MBh 4 96.47
युध्यध्वं मा पलायध्वं मायैषा राक्षसी रणे। घटोत्कचप्रमुक्तेति नातिष्ठन्त विमोहिताः॥
yudhyadhvaṃ mā palāyadhvaṃ māyaiṣā rākṣasī raṇe| ghaṭotkacapramukteti nātiṣṭhanta vimohitāḥ||
scene "Go on fighting, fly not, this illusion has been set forth by Ghatotkacha?" But confounded as they were, they did not stop;
— tr. M.N. Dutt (1891–96) (public domain)
MBh 4 96.48
नैव ते श्रद्दधुर्मीता वदतोरावयोर्वचः। तांश्च प्रद्रवतो दृष्ट्वा जयं प्राप्ताश्च पाण्डवाः॥
naiva te śraddadhurmītā vadatorāvayorvacaḥ| tāṃśca pradravato dṛṣṭvā jayaṃ prāptāśca pāṇḍavāḥ||
They also did not believe the words we uttered, as they were inspired with terror. Beholding them fly, the Pandavas winning victory.
— tr. M.N. Dutt (1891–96) (public domain)
MBh 4 96.49
घटोत्कचेन सहिताः सिंहनादान् प्रचक्रिरे। शङ्खदुन्दुभिनिर्घोषैः समन्तान्नेदिरे भृशम्॥
ghaṭotkacena sahitāḥ siṃhanādān pracakrire| śaṅkhadundubhinirghoṣaiḥ samantānnedire bhṛśam||
Began to shout their war-cries, being joined by Ghatotkacha himself. They uttered continued yells of triumph, which became mixed with the blare of conchs and sound of drums.
— tr. M.N. Dutt (1891–96) (public domain)
MBh 4 96.50
एवं तव बलं सर्वं हैडिम्बेन दुरात्मना। सूर्यास्तमनवेलायां प्रभग्नं विद्रुतं दिशः॥
evaṃ tava balaṃ sarvaṃ haiḍimbena durātmanā| sūryāstamanavelāyāṃ prabhagnaṃ vidrutaṃ diśaḥ||
Thus it was that your whole army was broken and routed in all directions by the wicked-souled son of Hidimba at the time when the sun set.
— tr. M.N. Dutt (1891–96) (public domain)