Mahabharata — Volume IV (Dutt edition) — Chapter 8
MBh 4 8.1
धृतराष्ट्र उवाच वर्षाणां चैव नामानि पर्वतानां च संजय। आचक्ष्व मे यथातत्त्वं ये च पर्वतवासिनः॥
dhṛtarāṣṭra uvāca varṣāṇāṃ caiva nāmāni parvatānāṃ ca saṃjaya| ācakṣva me yathātattvaṃ ye ca parvatavāsinaḥ||
Dhritarashtra said O Sanjaya, tell me in detail the names of all the Varshas and of all the mountains and also of all that live on these mountains.
— tr. M.N. Dutt (1891–96) (public domain)
MBh 4 8.2
संजय उवाच दक्षिणेन तु श्वेतस्य निषधस्योत्तरेण तु। वर्ष रमणकं नाम जायन्ते तत्र मानवाः॥ शुक्लाभिजनसम्पन्नाः सर्वे सुप्रियदर्शनाः। निःसपत्नाश्च ते सर्वे जायन्ते तत्र मानवाः॥ दश वर्षसहस्राणि शतानि दश पञ्च च। जीवन्ति ते महाराज नित्यं मुदितमानसाः॥
saṃjaya uvāca dakṣiṇena tu śvetasya niṣadhasyottareṇa tu| varṣa ramaṇakaṃ nāma jāyante tatra mānavāḥ|| śuklābhijanasampannāḥ sarve supriyadarśanāḥ| niḥsapatnāśca te sarve jāyante tatra mānavāḥ|| daśa varṣasahasrāṇi śatāni daśa pañca ca| jīvanti te mahārāja nityaṃ muditamānasāḥ||
Sanjaya said On the south of the Shveta mountains and on the north of the Nishadha is the Varsha called Ramanaka. The men that are born there are all white. They are nobly born, and they are all handsome. They have no enemies.
— tr. M.N. Dutt (1891–96) (public domain)
MBh 4 8.3
दक्षिणेन तु नीलस्य निषधस्योत्तरेण तु। वर्ष हिरण्मयं नाम यत्र हैरण्वती नदी॥
dakṣiṇena tu nīlasya niṣadhasyottareṇa tu| varṣa hiraṇmayaṃ nāma yatra hairaṇvatī nadī||
On the south of the Nishadha is the Varsha called Hiranmaya where flow the river Hiranvati.
— tr. M.N. Dutt (1891–96) (public domain)
MBh 4 8.4
यत्र चायं महाराज पक्षिराट् पतगोत्तमः। यक्षानुगा महाराज धनिनः प्रियदर्शनाः॥
yatra cāyaṃ mahārāja pakṣirāṭ patagottamaḥ| yakṣānugā mahārāja dhaninaḥ priyadarśanāḥ||
o king, there lives the king of birds, Garuda. O king, the people there are all handsome and rich, they are all followers of the Yakshas.
— tr. M.N. Dutt (1891–96) (public domain)
MBh 4 8.5
महाबलास्तत्र जना राजन् मुदितमानसाः। एकादश सहस्राणि वर्षाणां ते जनाधिप॥ आयुः प्रमाणं जीवन्ति शतानि दश पञ्च च। शृङ्गाणि च विचित्राणि त्रीण्येव मनुजाधिप।॥
mahābalāstatra janā rājan muditamānasāḥ| ekādaśa sahasrāṇi varṣāṇāṃ te janādhipa|| āyuḥ pramāṇaṃ jīvanti śatāni daśa pañca ca| śṛṅgāṇi ca vicitrāṇi trīṇyeva manujādhipa|||
0 king, the men there possess great strength, and they are ever cheerful. O king, there length of life is eleven thousand and five hundred years. O lord of men, the Shringavat mountain has there beautiful peaks.
— tr. M.N. Dutt (1891–96) (public domain)
MBh 4 8.6
एकं मणिमयं तत्र तथैकं रोक्ममद्भुतम्। सर्वरत्नमयं चैकं भवनैरुपशोभितम्॥
ekaṃ maṇimayaṃ tatra tathaikaṃ rokmamadbhutam| sarvaratnamayaṃ caikaṃ bhavanairupaśobhitam||
One of these (peaks) is made of gold, another is made of jewels and the other is made of all kinds of gems and adorned with large mansions.
— tr. M.N. Dutt (1891–96) (public domain)
MBh 4 8.7
तत्र स्वयंप्रभा देवी नित्यं वसति शाण्डिली। उत्तरेण तु शृङ्गस्य समुद्रान्ते जनाधिप॥
tatra svayaṃprabhā devī nityaṃ vasati śāṇḍilī| uttareṇa tu śṛṅgasya samudrānte janādhipa||
There always dwells the self luminous lady named Shandili. On the north of Shringavat and as far as the sea, O king,
— tr. M.N. Dutt (1891–96) (public domain)
MBh 4 8.8
वर्षमैरावतं नाम तस्माच्छृङ्गमतः परम्। न तत्र सूर्यस्तपति न जीर्यन्ते च मानवाः॥
varṣamairāvataṃ nāma tasmācchṛṅgamataḥ param| na tatra sūryastapati na jīryante ca mānavāḥ||
Is the Varsha called Airavat. As there is this jewelled peak, therefore it is superior to all Varshas. The sun does not produce heat there and men are not subject to decay.
— tr. M.N. Dutt (1891–96) (public domain)
MBh 4 8.9
चन्द्रमाश्च सनक्षत्रो ज्योतिर्भूत इवावृतः। पद्मप्रभाः पद्मवर्णाः पद्मपत्रनिभेक्षणा:॥ पद्मपत्रसुगन्धाश्च जायन्ते तत्र मानवाः। अनिष्यन्दा इष्टगन्धा निरहारा जितेन्द्रियाः॥
candramāśca sanakṣatro jyotirbhūta ivāvṛtaḥ| padmaprabhāḥ padmavarṇāḥ padmapatranibhekṣaṇā:|| padmapatrasugandhāśca jāyante tatra mānavāḥ| aniṣyandā iṣṭagandhā nirahārā jitendriyāḥ||
The moon with the stars is the only source of light there. Possessing the radiance and complexion of the lotus and eyes that resemble lotus-petals, the men born there have the fragrance of the lotus. With winkless eyes and with charming fragrance, they move about without taking food. They are completely selfcontrolled.
— tr. M.N. Dutt (1891–96) (public domain)
MBh 4 8.10
देवलोकच्युताः सर्वे तथा विरजसो नृप। त्रयोदश सहस्राणि वर्षाणां ते जनाधिप॥१४॥ आयुःप्रमाणं जीवन्ति नरा भरतसत्तम। क्षीरोदस्य समुद्रस्य तथैवोत्तरतः प्रभुः।
devalokacyutāḥ sarve tathā virajaso nṛpa| trayodaśa sahasrāṇi varṣāṇāṃ te janādhipa||14|| āyuḥpramāṇaṃ jīvanti narā bharatasattama| kṣīrodasya samudrasya tathaivottarataḥ prabhuḥ|
They have all descended from the land of the celestial. O king, they are all without sin of any kind. O best of the Bharata race, the length of their life is thirteen thousand years. On the north of the milky ocean the lord.
— tr. M.N. Dutt (1891–96) (public domain)
MBh 4 8.11
हरिर्वसति वैकुण्ठः शकटे कनकामये॥ अष्टचक्रं हि तद् यान् भूतयुक्तं मनोजवम्।
harirvasati vaikuṇṭhaḥ śakaṭe kanakāmaye|| aṣṭacakraṃ hi tad yān bhūtayuktaṃ manojavam|
The eternal Hari lives on His golden chariot. That chariot is furnished with eight wheels. Innumerable supernatural creatures are placed there each having the fleetness of mind.
— tr. M.N. Dutt (1891–96) (public domain)
MBh 4 8.12
अग्निवर्णं महातेजो जाम्बूनदविभूषितम्॥ स प्रभुः सर्वभूतानां विभुश्च भरतर्षभ।
agnivarṇaṃ mahātejo jāmbūnadavibhūṣitam|| sa prabhuḥ sarvabhūtānāṃ vibhuśca bharatarṣabha|
Its complexion is like that of the fire. It possesses great velocity and it is adorned with gold. O best of the Bharata race. He is the lord of all creatures and possesses every kind of prosperity.
— tr. M.N. Dutt (1891–96) (public domain)
MBh 4 8.13
संक्षेपो विस्तरश्चैव कर्ता कारयिता तथा॥ पृथिव्यापस्तथाऽऽकाशं वायुस्तेजश्च पार्थिव। स यज्ञः सर्वभूतानामास्यं तस्य हुताशनः॥
saṃkṣepo vistaraścaiva kartā kārayitā tathā|| pṛthivyāpastathā''kāśaṃ vāyustejaśca pārthiva| sa yajñaḥ sarvabhūtānāmāsyaṃ tasya hutāśanaḥ||
He is finite and He is infinite. He is the doer as well as the instrument of action. O king, He is earth, water, ether air and fire. He is the sacrifice of all creatures and fire is His mouth.
— tr. M.N. Dutt (1891–96) (public domain)
MBh 4 8.14
वैशम्पायन उवाच एवमुक्त: संजयेन धृतराष्ट्रो महामनाः। ध्यानमन्वगमद् राजन् पुत्रान् प्रति जनाधिप॥
vaiśampāyana uvāca evamukta: saṃjayena dhṛtarāṣṭro mahāmanāḥ| dhyānamanvagamad rājan putrān prati janādhipa||
Vaishampayana said O king, having been thus addressed by Sanjaya, the illustrious king Dhritarashtra meditated long about his sons.
— tr. M.N. Dutt (1891–96) (public domain)
MBh 4 8.15
स विचिन्त्य महातेजाः पुनरेवाब्रवीद् वचः। असंशयं सूतपुत्र कालः संक्षिपते जगत्।॥
sa vicintya mahātejāḥ punarevābravīd vacaḥ| asaṃśayaṃ sūtaputra kālaḥ saṃkṣipate jagat|||
endued as he was with great energy he, having thus reflected, said these words to Sanjaya. "O Suta's son, there is no doubt that it is Time that destroys the universe.
— tr. M.N. Dutt (1891–96) (public domain)
MBh 4 8.16
सृजते च पुनः सर्वं विद्यति नेह शाश्वतम्। नरो नारायणश्चैव सर्वज्ञः सर्वभूतहत्॥ देवा वैकुण्ठमित्याहुनरा विष्णुमिति प्रभुम्॥
sṛjate ca punaḥ sarvaṃ vidyati neha śāśvatam| naro nārāyaṇaścaiva sarvajñaḥ sarvabhūtahat|| devā vaikuṇṭhamityāhunarā viṣṇumiti prabhum||
It is Time that again creates every thing. Nothing is ever-lasting in this world. It is omniscient Nara and Narayana that destroy all creatures. The celestial call Him Vaikuntha, men call Him the Lord Vishnu.
— tr. M.N. Dutt (1891–96) (public domain)