Mahabharata — Volume IV (Dutt edition) — Chapter 75
MBh 4 75.1
संजय उवाच अथ राजन् महाबाहुः सात्यकिर्युद्धदुर्मदः। विकृष्य चापं समरे भारसाहमनुत्तमम्॥ प्रामुञ्चत् पुखसंयुक्ताशरानाशीविषोपमान्। प्रगाढं लघु चित्रं च दर्शयन् हस्तलाघवम्॥
saṃjaya uvāca atha rājan mahābāhuḥ sātyakiryuddhadurmadaḥ| vikṛṣya cāpaṃ samare bhārasāhamanuttamam|| prāmuñcat pukhasaṃyuktāśarānāśīviṣopamān| pragāḍhaṃ laghu citraṃ ca darśayan hastalāghavam||
Sanjaya said Then O king, the mighty-armed Satyaki, invincible in battle, drawing in that battle, an excellent bow capable of bearing a great strain, Discharged numerous arrows furnished with wings and resembling snakes of virulent venom, displaying at the same time his great and wonderful lightness of hands.
— tr. M.N. Dutt (1891–96) (public domain)
MBh 4 75.2
तस्य विक्षिपतचापं शरानन्यांश्च मुञ्चतः। आददानस्य भूयश्च संदधानस्य चापरान्॥ क्षिपतश्च परांस्तस्य रणे शत्रून् विनिघ्नतः। ददृशे रूपमत्यर्थं मेघस्येव प्रवर्षतः॥
tasya vikṣipatacāpaṃ śarānanyāṃśca muñcataḥ| ādadānasya bhūyaśca saṃdadhānasya cāparān|| kṣipataśca parāṃstasya raṇe śatrūn vinighnataḥ| dadṛśe rūpamatyarthaṃ meghasyeva pravarṣataḥ||
While slaying the enemy in that battle so swiftly did he draw his bow take out his arrows (from his quiver), place them on his bowstring, discharge them at the foe, and again take out other arrows and let them off, that he appeared to be highly beautiful like a mass of clouds pouring showers of rain.
— tr. M.N. Dutt (1891–96) (public domain)
MBh 4 75.3
तमुदीर्यन्तमालोक्य राजा दुर्योधनस्ततः। स्थानामयुतं तस्य प्रेषयामास भारत।।५।
tamudīryantamālokya rājā duryodhanastataḥ| sthānāmayutaṃ tasya preṣayāmāsa bhārata||5|
The king Duryodhana beholding him swell like a raging fire, O Bharata dispatched against him a division consisting of ten thousand cars.
— tr. M.N. Dutt (1891–96) (public domain)
MBh 4 75.4
तांस्तु सर्वान् महेष्वासान् सात्यकिः सत्यविक्रमः। जघान परमेष्वासो दिव्येनास्त्रेण वीर्यवान्।॥
tāṃstu sarvān maheṣvāsān sātyakiḥ satyavikramaḥ| jaghāna parameṣvāso divyenāstreṇa vīryavān|||
Then Satyaki of infallible prowess endued with great strength that mighty bow man slew all those excellent bowmen with weapons of celestial make.
— tr. M.N. Dutt (1891–96) (public domain)
MBh 4 75.5
स कृत्वा दारुणं कर्म प्रगृहीतशरासनः। आससाद ततो वीरो भूरिश्रवसमाहवे॥
sa kṛtvā dāruṇaṃ karma pragṛhītaśarāsanaḥ| āsasāda tato vīro bhūriśravasamāhave||
Having accomplished that fierce feat and grasping his bow, that hero encountered Bhurishravas as in that battle.
— tr. M.N. Dutt (1891–96) (public domain)
MBh 4 75.6
स हि संदृश्य सेनां ते युयुधानेन पातिताम्। अभ्यधावत संक्रुद्धः कुरूणां कीर्तिवर्धनः॥
sa hi saṃdṛśya senāṃ te yuyudhānena pātitām| abhyadhāvata saṃkruddhaḥ kurūṇāṃ kīrtivardhanaḥ||
Bhurishravas that enhancer of the glory of the Kurus, seeing that division of his troops felled by Yuyudhana (Satyaki) waiting wroth rushed against Satyaki.
— tr. M.N. Dutt (1891–96) (public domain)
MBh 4 75.7
इन्द्रायुधसवर्णं तु विस्फार्य सुमहद् धनुः। सृष्टवान् वज्रसंकाशाशरानाशीविषोपमान्॥ सहस्रशो महाराज दर्शयन् पाणिलाघवम्। शरांस्तान् मृत्युसंस्पर्शान् सात्यकेश्च पदानुगाः॥ न विषेहुस्तदा राजन् दुद्रुवुस्ते समन्ततः। विहाय सात्यकि राजन् समरे युद्धदुर्मदम्॥
indrāyudhasavarṇaṃ tu visphārya sumahad dhanuḥ| sṛṣṭavān vajrasaṃkāśāśarānāśīviṣopamān|| sahasraśo mahārāja darśayan pāṇilāghavam| śarāṃstān mṛtyusaṃsparśān sātyakeśca padānugāḥ|| na viṣehustadā rājan dudruvuste samantataḥ| vihāya sātyaki rājan samare yuddhadurmadam||
Stretching his mighty bow that resembled that of Indra himself (rain-bow) in hue, he, O monarch, discharged thousands of arrows that looked like snakes of virulent poison, that were endued with the energy of the thunderbolt itself displaying in the act his wonderful lightness of hands. Thereupon the followers of Satyaki unable to bear those shafts of fatal touch, O monarch, fled in all directions, abandoning, O king, in battle Satyaki ever invincible in fight.
— tr. M.N. Dutt (1891–96) (public domain)
MBh 4 75.8
तं दृष्ट्वा युयुधानस्य सुता दश महाबलाः। महारथाः सभाख्याताश्चित्रवर्मायुधध्वजाः॥
taṃ dṛṣṭvā yuyudhānasya sutā daśa mahābalāḥ| mahārathāḥ sabhākhyātāścitravarmāyudhadhvajāḥ||
Seeing this, the ten highly powerful sons of Yudhishthira, all mighty car-warriors of great fame, clad in armours of best make possessing various weapons and diverse standards.
— tr. M.N. Dutt (1891–96) (public domain)
MBh 4 75.9
समासाद्य महेष्वासं भूरिश्रवसमाहवे। ऊचुः सर्वे सुसंरब्धा यूपकेतुं महारणे॥
samāsādya maheṣvāsaṃ bhūriśravasamāhave| ūcuḥ sarve susaṃrabdhā yūpaketuṃ mahāraṇe||
Approaching in that fierce conflict that mighty bowmen named Bhurishravas, who bore the device of a sacrificial stake on his standard, thus addressed the latter in wrath in that dreadful fight.
— tr. M.N. Dutt (1891–96) (public domain)
MBh 4 75.10
भो भोः कौरवदायाद सहास्माभिर्महाबल। एहि युध्यस्व संग्रामे समस्तैः पृथगेव वा॥
bho bhoḥ kauravadāyāda sahāsmābhirmahābala| ehi yudhyasva saṃgrāme samastaiḥ pṛthageva vā||
"O kinsman of the Kauravas, O mighty one, come give us battle; fight with us either jointly or separately.
— tr. M.N. Dutt (1891–96) (public domain)
MBh 4 75.11
अस्मान् वा त्वं पराजित्य यशः प्राप्नुहि संयुगे। वयं वा त्वां पराजित्य प्रीतिं धास्यामहे पितुः॥
asmān vā tvaṃ parājitya yaśaḥ prāpnuhi saṃyuge| vayaṃ vā tvāṃ parājitya prītiṃ dhāsyāmahe pituḥ||
Vanquishing ourselves in battle you may earn great glory, or crushing you in combat we shall attain to great gratification”.
— tr. M.N. Dutt (1891–96) (public domain)
MBh 4 75.12
एवमुक्तस्तदा शूरैस्तानुवाच महाबलः। वीर्यश्लाघी नरश्रेष्ठस्तान् दृष्ट्वा समवस्थितान्॥
evamuktastadā śūraistānuvāca mahābalaḥ| vīryaślāghī naraśreṣṭhastān dṛṣṭvā samavasthitān||
Thus spoken to, that foremost of men possessed of great strength and heroism and proud of his prowess, seeing them ready for the fight, thus replied to them.
— tr. M.N. Dutt (1891–96) (public domain)
MBh 4 75.13
साध्विदं कथ्यते वीरा यद्येवं पतिरद्य वः। युध्यध्वं सहिता यत्ता निहनिष्यामि वो रणे॥
sādhvidaṃ kathyate vīrā yadyevaṃ patiradya vaḥ| yudhyadhvaṃ sahitā yattā nihaniṣyāmi vo raṇe||
You have spoken well o heroes; if indeed this be your desire, fight with me in a body putting forth all your endeavors. I will slay all of you in battle.
— tr. M.N. Dutt (1891–96) (public domain)
MBh 4 75.14
एवमुक्ता महेष्वासास्ते वीराः क्षिप्रकारिणः। महता शरवर्षेण अभ्यधावन्नरिंदमम्॥
evamuktā maheṣvāsāste vīrāḥ kṣiprakāriṇaḥ| mahatā śaravarṣeṇa abhyadhāvannariṃdamam||
Thus spoken to those heroes all mighty bowmen and endued with great lightness of hand, poured a thick shower of arrows on that subduer of his enemies.
— tr. M.N. Dutt (1891–96) (public domain)
MBh 4 75.15
सोऽपराह्ने महाराज संग्रामस्तुमुलोऽभवत्। एकस्य च बहूनां च समेतानां रणाजिरे॥
so'parāhne mahārāja saṃgrāmastumulo'bhavat| ekasya ca bahūnāṃ ca sametānāṃ raṇājire||
That afternoon, mighty sovereign a dreadful battle was fought on the field between Bhurishravas alone on side and many united together on the other.
— tr. M.N. Dutt (1891–96) (public domain)
MBh 4 75.16
तमेकं रथिनां श्रेष्ठं शरैस्ते समवाकिरन्। प्रावृषीव यथा मेरुं सिषिचुर्जलदा नृप॥
tamekaṃ rathināṃ śreṣṭhaṃ śaraiste samavākiran| prāvṛṣīva yathā meruṃ siṣicurjaladā nṛpa||
O monarch, they then covered that single handed foremost of car-warriors with an arrow downpour, like rain clouds drenching a mighty cliff in the rainy season.
— tr. M.N. Dutt (1891–96) (public domain)
MBh 4 75.17
तैस्तु मुक्ताशरान् घोरान् यमदण्डाशनिप्रभान्। असम्प्राप्तानसम्भ्रान्तश्चिच्छेदाशु महारथः॥
taistu muktāśarān ghorān yamadaṇḍāśaniprabhān| asamprāptānasambhrāntaścicchedāśu mahārathaḥ||
But they mighty car-warrior cut down those numerous shafts discharged by them, shafts, which resembled the mace of Death or the thunder-bolt itself in their noise, even before they could reach him.
— tr. M.N. Dutt (1891–96) (public domain)
MBh 4 75.18
तत्राद्भुतमपश्याम सौमदत्तेः पराक्रमम्। यदेको बहुभिर्युद्धे समसज्जदभीतवत्॥
tatrādbhutamapaśyāma saumadatteḥ parākramam| yadeko bahubhiryuddhe samasajjadabhītavat||
There we saw wonderful prowess of Bhurishrava, the son of Somadatti, who was fighting alone with many without fear.
— tr. M.N. Dutt (1891–96) (public domain)
MBh 4 75.19
विसृज्य शरवृष्टिं तां दश राजन् महारथाः। परिवार्य महाबाहुं निहन्तुमुपचक्रमुः॥ सौमदत्तिस्ततः क्रुद्धस्तेषां चापानि भारत। चिच्छेद समरे राजन् युध्यमानो महारथैः॥ अथैषां छिन्नधनुषां शरैः संनतपर्वभिः। चिच्छेद समरे राजशिरांसि भरतर्षभ।॥ ते हता न्यपतन् राजन् वज्रभग्ना इव दुमाः।
visṛjya śaravṛṣṭiṃ tāṃ daśa rājan mahārathāḥ| parivārya mahābāhuṃ nihantumupacakramuḥ|| saumadattistataḥ kruddhasteṣāṃ cāpāni bhārata| ciccheda samare rājan yudhyamāno mahārathaiḥ|| athaiṣāṃ chinnadhanuṣāṃ śaraiḥ saṃnataparvabhiḥ| ciccheda samare rājaśirāṃsi bharatarṣabha||| te hatā nyapatan rājan vajrabhagnā iva dumāḥ|
Those ten warriors then completely surrounding that mighty-armed hero, strove to slay him. But, О Bharata, Somdatta's son, inflamed with wrath, cutting off their bows, served their heads in that conflict with arrows of diverse descriptions. Thus slain, they fell down on the ground like trees crushed by the thunderbolt.
— tr. M.N. Dutt (1891–96) (public domain)
MBh 4 75.20
तान् दृष्ट्वा निहतान् वीरो रणे पुत्रान् महाबलान्।॥ वार्ष्णेयो विनदन् राजन् भूरिश्रवसमभ्ययात्।
tān dṛṣṭvā nihatān vīro raṇe putrān mahābalān||| vārṣṇeyo vinadan rājan bhūriśravasamabhyayāt|
Beholding those mighty sons of his slain in battle, that hero of the Vrishni race namely Satyaki rushed against Bhurishravas, O king, thundering out of his war cry.
— tr. M.N. Dutt (1891–96) (public domain)
MBh 4 75.21
रथं रथेन समरे पीडयित्वा महाबलौ॥ तावन्योन्यं हि समरे निहत्य रथवाजिनः।
rathaṃ rathena samare pīḍayitvā mahābalau|| tāvanyonyaṃ hi samare nihatya rathavājinaḥ|
Those two heroes both endued with great prowess, then made their cars collide against one another; and in that conflict slaying the steeds of one another's chariot.
— tr. M.N. Dutt (1891–96) (public domain)
MBh 4 75.22
विरथावभिवल्गन्तौ समेयातां महारथौ॥ प्रगृहीतमहाखड्गौ तौ चर्मवरधारिणौ।
virathāvabhivalgantau sameyātāṃ mahārathau|| pragṛhītamahākhaḍgau tau carmavaradhāriṇau|
And thus deprived of the use of their respective chariots those two mighty powerful heroes jumping down on the grounds, rushed against one another, whirling mighty swords and bucklers.
— tr. M.N. Dutt (1891–96) (public domain)
MBh 4 75.23
शुशुभाते नरव्याघ्रौ युद्धाय समवस्थितौ॥ ततः सात्यकिमभ्येत्य निस्त्रिंशवरधारिणम्।
śuśubhāte naravyāghrau yuddhāya samavasthitau|| tataḥ sātyakimabhyetya nistriṃśavaradhāriṇam|
Then those two foremost of men thus standing prepared for the encounter, appeared exceedingly beautiful. Thereafter approaching Satyaki who was armed with a sword of best make,
— tr. M.N. Dutt (1891–96) (public domain)
MBh 4 75.24
भीमसेनस्त्वरन् राजन् रथमारोपयत् तदा॥ तवापि तनयो राजन् भूरिश्रवसमाहवे। आरोपयद् रथं तूर्णं पश्यतां सर्वधन्विनाम्॥ तस्मिंस्तथा वर्तमाने रणे भीष्मं महारथम्। अयोधयन्त संरब्धाः पाण्डवा भरतर्षभ॥ लोहितायति चादित्ये त्वरमाणो धनंजयः।
bhīmasenastvaran rājan rathamāropayat tadā|| tavāpi tanayo rājan bhūriśravasamāhave| āropayad rathaṃ tūrṇaṃ paśyatāṃ sarvadhanvinām|| tasmiṃstathā vartamāne raṇe bhīṣmaṃ mahāratham| ayodhayanta saṃrabdhāḥ pāṇḍavā bharatarṣabha|| lohitāyati cāditye tvaramāṇo dhanaṃjayaḥ|
Bhimasena, O monarch, hastily took him up on his chariot. Your son also, O king, in that conflict, speedily took up Bhurishravas on his car before the very eyes of all the assembled bowmen. When thus the battle raged, the son of Pandu (Arjuna), inflamed with wrath began to fight with that mighty car-warrior viz., Bhishma, O foremost of the Bharatas. When then the orb of the day assumed a crimson hue, Dhananjaya displaying great activity,
— tr. M.N. Dutt (1891–96) (public domain)
MBh 4 75.25
पञ्चविंशतिसाहस्रान् निजघान महारथान्॥ ते हि दुर्योधनादिष्टास्तदा पार्थनिबर्हणे।
pañcaviṃśatisāhasrān nijaghāna mahārathān|| te hi duryodhanādiṣṭāstadā pārthanibarhaṇe|
Slew twenty five thousand mighty carwarrior of the hostile host. These warriors, being commanded by Duryodhana to slay the son of Pritha,
— tr. M.N. Dutt (1891–96) (public domain)
MBh 4 75.26
सम्प्राप्यैव गता नाशं शलभा इव पारकम्॥ ततो मत्स्याः केकयाश्च धनुर्वेदविशारदाः।
samprāpyaiva gatā nāśaṃ śalabhā iva pārakam|| tato matsyāḥ kekayāśca dhanurvedaviśāradāḥ|
Approaching him met with their destruction, like insects burning on fire. Thereupon the Matsyas and the Kaikeyas all accomplished in the science of bowmanship,
— tr. M.N. Dutt (1891–96) (public domain)
MBh 4 75.27
परिवत्रुस्तदा पार्थं सहपुत्रं महारथम्॥ एतस्मिन्नेव काले तु सूर्येऽस्तमुपगच्छति।
parivatrustadā pārthaṃ sahaputraṃ mahāratham|| etasminneva kāle tu sūrye'stamupagacchati|
Surrounded the mighty car-warrior Arjuna along with his son. At that moment the sun having gone down below the horizon.
— tr. M.N. Dutt (1891–96) (public domain)
MBh 4 75.28
सर्वेषां चैव सैन्यानां प्रमोहः समजायत॥ अवहारं ततश्चकेनं पिता देवव्रतस्तव। संध्याकाले महाराज सैन्यानां श्रान्तवाहनः॥ पाण्डवानां कुरूणां च परस्परसमागमे।
sarveṣāṃ caiva sainyānāṃ pramohaḥ samajāyata|| avahāraṃ tataścakenaṃ pitā devavratastava| saṃdhyākāle mahārāja sainyānāṃ śrāntavāhanaḥ|| pāṇḍavānāṃ kurūṇāṃ ca parasparasamāgame|
All the warriors were over whelmed with confusion. Then your Sire Devavrata whose steeds were completely exhausted, O mighty sovereign, caused the withdrawal of the force, After that (fierce) encounter between the Kurus and the Pandavas.
— tr. M.N. Dutt (1891–96) (public domain)
MBh 4 75.29
ते सेने भृशसंविग्ने ययतुः स्वं निवेशनम्॥ ततः स्वशिबिरं गत्वा न्यविशंस्तत्र भारत। पाण्डवाः संजयैः सार्धं कुरवश्च यथाविधि॥
te sene bhṛśasaṃvigne yayatuḥ svaṃ niveśanam|| tataḥ svaśibiraṃ gatvā nyaviśaṃstatra bhārata| pāṇḍavāḥ saṃjayaiḥ sārdhaṃ kuravaśca yathāvidhi||
The troops, overwhelmed as they were with great apprehension, retired to their respective encampments. There after repairing to their respective camps. O Bharata, the Pandava along with the Srinjayas, as also the Kurus, duly rested (for the night).
— tr. M.N. Dutt (1891–96) (public domain)