Mahabharata — Volume IV (Dutt edition) — Chapter 54
MBh 4 54.1
धृतराष्ट्र उवाच कथं द्रोणो महेष्वासः पाञ्चाल्यश्चापि पार्षतः। उभौ समीतयुर्यत्तौ तन्ममाचक्ष्व संजय॥
dhṛtarāṣṭra uvāca kathaṃ droṇo maheṣvāsaḥ pāñcālyaścāpi pārṣataḥ| ubhau samītayuryattau tanmamācakṣva saṃjaya||
Dhritarashtra said O Sanjaya, tell me how that great bowman Drona and the Panchala prince, the scion of the Prishata race, fought with each other in that great battle.
— tr. M.N. Dutt (1891–96) (public domain)
MBh 4 54.2
दिष्टमेव परं मन्ये पौरुषादिति मे मतिः। यत्र शान्तनवो भीष्मो नातरद् युधि पाण्डवम्॥
diṣṭameva paraṃ manye pauruṣāditi me matiḥ| yatra śāntanavo bhīṣmo nātarad yudhi pāṇḍavam||
When Shantanu's son, Bhishma, could not escape the son of Pandu (Arjuna) in battle, O Sanjaya, I consider Destiny to be supreme over exertion.
— tr. M.N. Dutt (1891–96) (public domain)
MBh 4 54.3
भीष्मो हि समरे क्रुद्धो हन्याल्लोकांश्चराचरान्। स कथं पाण्डवं युद्धे नातरत् संजयौजसा॥
bhīṣmo hi samare kruddho hanyāllokāṃścarācarān| sa kathaṃ pāṇḍavaṃ yuddhe nātarat saṃjayaujasā||
When enraged in battle Bhishma could destroy all the mobile and immobile creatures; O Sanjaya, why could he not then escape the Pandava (Arjuna) in battle with his great prowess?
— tr. M.N. Dutt (1891–96) (public domain)
MBh 4 54.4
संजय उवाच शृणु राजन् स्थिरो भूत्वा युद्धमेतत् सुदारुणम्। न शक्याः पाण्डवा जेतुं देवैरपि सवासवैः॥
saṃjaya uvāca śṛṇu rājan sthiro bhūtvā yuddhametat sudāruṇam| na śakyāḥ pāṇḍavā jetuṃ devairapi savāsavaiḥ||
Sanjaya said O king, hear about this fearful battle. The son of Pandu (Arjuna) is incapable of being vanquished by even the celestials with Indra at their head.
— tr. M.N. Dutt (1891–96) (public domain)
MBh 4 54.5
द्रोणस्तु निशितैर्बाणैधृष्टद्युम्नमविध्यत। सारथिं चास्य भल्लेन रथनीडादपातयत्॥
droṇastu niśitairbāṇaidhṛṣṭadyumnamavidhyata| sārathiṃ cāsya bhallena rathanīḍādapātayat||
With various kinds of arrows, Drona wounded Dhrishtadyumna and he cut down his charioteer from his place on the car.
— tr. M.N. Dutt (1891–96) (public domain)
MBh 4 54.6
तथाऽस्य चतुरो वाहांश्चतुर्भिः सायकोत्तमैः। पीडयामास संक्रुद्धो धृष्टद्युम्नस्य मारिष॥
tathā'sya caturo vāhāṃścaturbhiḥ sāyakottamaiḥ| pīḍayāmāsa saṃkruddho dhṛṣṭadyumnasya māriṣa||
O sire, the angry warrior, (Drona) also with four arrows, wounded the four excellent horses of Dhrishtadyumna.
— tr. M.N. Dutt (1891–96) (public domain)
MBh 4 54.7
धृष्टद्युम्नस्ततो द्रोणं नवत्या निशितैः शरैः। विव्याध प्रहसन् वीरस्तिष्ठ तिष्ठेति चाब्रवीत्॥
dhṛṣṭadyumnastato droṇaṃ navatyā niśitaiḥ śaraiḥ| vivyādha prahasan vīrastiṣṭha tiṣṭheti cābravīt||
The brave Dhrishtadyumna also wounded Drona with nine sharp arrows, exclaiming “Wait" "Wait".
— tr. M.N. Dutt (1891–96) (public domain)
MBh 4 54.8
ततः पुनरमेयात्मा भारद्वाजः प्रतापवान्। शरैः प्रच्छादयामास धृष्टद्युम्नममर्षणम्॥
tataḥ punarameyātmā bhāradvājaḥ pratāpavān| śaraiḥ pracchādayāmāsa dhṛṣṭadyumnamamarṣaṇam||
Thereupon the greatly powerful and high souled son of Bharadvaja (Drona) covered with his arrows the angry Dhrishtadyumna.
— tr. M.N. Dutt (1891–96) (public domain)
MBh 4 54.9
आददे च शरं घोरं पार्षतान्तचिकीर्षया। शक्राशनिसमस्पर्श कालदण्डमिवापरम्॥
ādade ca śaraṃ ghoraṃ pārṣatāntacikīrṣayā| śakrāśanisamasparśa kāladaṇḍamivāparam||
He then took up a terrible arrow for the destruction of the Prishata prince. It resembled in force the thunder-bolt of Shakra. It looked like a second rod of Yama.
— tr. M.N. Dutt (1891–96) (public domain)
MBh 4 54.10
हाहाकारो महानासीत् सर्वसैन्येषु भारत। तमिषु संधितं दृष्ट्वा भारद्वाजेन संयुगे॥
hāhākāro mahānāsīt sarvasainyeṣu bhārata| tamiṣu saṃdhitaṃ dṛṣṭvā bhāradvājena saṃyuge||
O descendant of Bharata, seeing that arrow aimed by the son of Bharadvaja, all the troops cried "Oh" and "Alas".
— tr. M.N. Dutt (1891–96) (public domain)
MBh 4 54.11
तत्राद्भुतमपश्याम धृष्टद्युम्नस्य पौरुषम्। यदेकः समरे वीरस्तस्थौ गिरिरिवाचलः॥
tatrādbhutamapaśyāma dhṛṣṭadyumnasya pauruṣam| yadekaḥ samare vīrastasthau giririvācalaḥ||
But we then saw the great prowess of Dhrishtadyumna. He stood immovable like a mountain in that battle.
— tr. M.N. Dutt (1891–96) (public domain)
MBh 4 54.12
तं च दीप्तं शरं घोरमायान्तं मृत्युमात्मनः। चिच्छेदं शरवृष्टिं च भारद्वाजे मुमोच ह॥
taṃ ca dīptaṃ śaraṃ ghoramāyāntaṃ mṛtyumātmanaḥ| cicchedaṃ śaravṛṣṭiṃ ca bhāradvāje mumoca ha||
He cut down that terrible and blazing arrow which was rushing towards him like his own death. He then poured a shower of arrows on the son of Bharadvaja.
— tr. M.N. Dutt (1891–96) (public domain)
MBh 4 54.13
तत उच्चुक्रुशुः सर्वे पञ्चालाः पाण्डवैः सह। धृष्टद्युम्नेन तत् कर्म कृतं दृष्ट्वा सुदुष्करम्॥
tata uccukruśuḥ sarve pañcālāḥ pāṇḍavaiḥ saha| dhṛṣṭadyumnena tat karma kṛtaṃ dṛṣṭvā suduṣkaram||
Seeing that very great difficult feat achieved by Dhrishtadyumna, the Panchalas and the Pandavas were all filled with delight. They, again and again, sent forth loud shouts.
— tr. M.N. Dutt (1891–96) (public domain)
MBh 4 54.14
ततः शक्तिं महावेगां स्वर्णवैदूर्यभूषिताम्। द्रोणस्य निधनाकाक्षी चिक्षेप स पराक्रमी॥
tataḥ śaktiṃ mahāvegāṃ svarṇavaidūryabhūṣitām| droṇasya nidhanākākṣī cikṣepa sa parākramī||
Then with the desire of killing him, that greatly powerful prince shot at Drona a dart of great force adorned with gold and Vaidurya gems.
— tr. M.N. Dutt (1891–96) (public domain)
MBh 4 54.15
तामापतन्ती सहसा शक्तिं कनकभूषिताम्। त्रिधा चिच्छेद समरे भारद्वाजो हसन्निव॥
tāmāpatantī sahasā śaktiṃ kanakabhūṣitām| tridhā ciccheda samare bhāradvājo hasanniva||
Thereupon the son of Bharadvaja smilingly cut down into three parts that dart adorned with gold and gems that was coming towards him with great force.
— tr. M.N. Dutt (1891–96) (public domain)
MBh 4 54.16
शक्तिं विनिहतां दृष्ट्वा धृष्टद्युम्नः प्रतापवान्। ववर्ष शरवर्षाणि द्रोणं प्रति जनेश्वर॥
śaktiṃ vinihatāṃ dṛṣṭvā dhṛṣṭadyumnaḥ pratāpavān| vavarṣa śaravarṣāṇi droṇaṃ prati janeśvara||
O king, having seen his dart thus baffled, and greatly powerful Dhrishtadyumna poured a shower of arrows on Drona.
— tr. M.N. Dutt (1891–96) (public domain)
MBh 4 54.17
शरवर्षं ततस्तत् तु संनिवार्य महायशाः। मध्ये चिच्छेद कार्मुकम्॥
śaravarṣaṃ tatastat tu saṃnivārya mahāyaśāḥ| madhye ciccheda kārmukam||
Then that great car-warrior, Drona, baffling that shower of arrows, cut off the bow of the son of Drupada at a favourable opportunity.
— tr. M.N. Dutt (1891–96) (public domain)
MBh 4 54.18
स च्छिन्नधन्वा समरे गदां गुर्वी महायशाः। द्रोणाय प्रेषयामास गिरिसारमयीं बली॥
sa cchinnadhanvā samare gadāṃ gurvī mahāyaśāḥ| droṇāya preṣayāmāsa girisāramayīṃ balī||
When his bow was thus cut off in that battle, that highly and illustrious warriors hurled on Drona a mace with the firmness of a mountain.
— tr. M.N. Dutt (1891–96) (public domain)
MBh 4 54.19
सा गदा वेगवन्मुक्ता प्रायाद् द्रोणजिघांसया। तत्राद्भुतमपश्याम भारद्वाजस्य विक्रमम्॥
sā gadā vegavanmuktā prāyād droṇajighāṃsayā| tatrādbhutamapaśyāma bhāradvājasya vikramam||
Having been thus hurled by his hand, that fearful mace flew through the sky for the destruction of Drona. Then again we saw the wonderful prowess of Bharadvaja's son.
— tr. M.N. Dutt (1891–96) (public domain)
MBh 4 54.20
द्रोणो दुपदपुत्रस्य लाघवाद् व्यंसयामास गदां हेमविभूषिताम्। व्यंसयित्वा गदां तां च प्रेषयामास पार्षतम्॥ भल्लान् सुनिशितान् पीतान् रुक्मपुंखान् सुदारुणान्। ते तस्य कवचं भित्त्वा पपुः शोणितमाहवे॥
droṇo dupadaputrasya lāghavād vyaṃsayāmāsa gadāṃ hemavibhūṣitām| vyaṃsayitvā gadāṃ tāṃ ca preṣayāmāsa pārṣatam|| bhallān suniśitān pītān rukmapuṃkhān sudāruṇān| te tasya kavacaṃ bhittvā papuḥ śoṇitamāhave||
He baffled that mace decked with gold, and having baffled it, he shot at the Prishata prince many sharp arrows well tempered, and furnished with golden wings. Penetrating the armour of the Prishata prince, they drank his blood.
— tr. M.N. Dutt (1891–96) (public domain)
MBh 4 54.21
अथान्यद् धनुरादाय धृष्टद्युम्नो महारथः। द्रोणं युधि पराक्रम्य शरैर्विव्याध पञ्चभिः॥
athānyad dhanurādāya dhṛṣṭadyumno mahārathaḥ| droṇaṃ yudhi parākramya śarairvivyādha pañcabhiḥ||
Then the illustrious Dhrishtadyumna took up another bow, and with all his strength he wounded Drona with five arrows.
— tr. M.N. Dutt (1891–96) (public domain)
MBh 4 54.22
रुधिराक्तौ ततस्तौ तु शुशुभाते नरर्षभौ। वसन्तसमये राजन् पुष्पिताविव किंशुकौ॥
rudhirāktau tatastau tu śuśubhāte nararṣabhau| vasantasamaye rājan puṣpitāviva kiṃśukau||
Then those two foremost of men, covered with blood, looked as beautiful as the Kinshuka flowers in spring.
— tr. M.N. Dutt (1891–96) (public domain)
MBh 4 54.23
अमर्षितस्ततो राजन् पराक्रम्य चमूमुखे। द्रोणो द्रुपदपुत्रस्य पुनश्चिच्छेद कार्मुकम्॥ अथैनं छिन्नधन्वानं शरैः संनतपर्वभिः। अभ्यवर्षदमेयात्मा वृष्ट्या मेघ इवाचलम्॥
amarṣitastato rājan parākramya camūmukhe| droṇo drupadaputrasya punaściccheda kārmukam|| athainaṃ chinnadhanvānaṃ śaraiḥ saṃnataparvabhiḥ| abhyavarṣadameyātmā vṛṣṭyā megha ivācalam||
Then that high-souled hero, (Drona) cut down his bow and with countless arrows covered the Prishata prince (Dhrishtadyumna) on all sides as clouds shower rains on a mountain.
— tr. M.N. Dutt (1891–96) (public domain)
MBh 4 54.24
सारथिं चास्य भल्लेन रथनीडादपातयत्। अथास्य चतुरो वाहांश्चतुर्भिनिशितैः शरैः॥ पातयामास समरे सिंहनादं ननाद च। ततोऽपरेण भल्लेन हस्ताच्चापमथाच्छिनत्॥
sārathiṃ cāsya bhallena rathanīḍādapātayat| athāsya caturo vāhāṃścaturbhiniśitaiḥ śaraiḥ|| pātayāmāsa samare siṃhanādaṃ nanāda ca| tato'pareṇa bhallena hastāccāpamathācchinat||
He felled his adversary's charioteer from his place, he also cut down his four horses with four sharp arrows. With another arrows he cut off the leathern fence of Dhrishtadyumna's hand.
— tr. M.N. Dutt (1891–96) (public domain)
MBh 4 54.25
स च्छिन्नधन्वा विरथो हताश्वो हतसारथिः। गदापाणिरवारोहत् ख्यापयन् पौरुषं महत्॥
sa cchinnadhanvā viratho hatāśvo hatasārathiḥ| gadāpāṇiravārohat khyāpayan pauruṣaṃ mahat||
When his bow was thus cut down again, when he was thus deprived of his car and when his steeds were thus killed and his charioteer overthrown, the Panchala prince, displaying great prowess, jumped down from his car with a mace in hand.
— tr. M.N. Dutt (1891–96) (public domain)
MBh 4 54.26
तामस्य विशिखैस्तूर्णं पातयामास भारत। रथादनवरूढस्य तदद्भूतमिवाभवत्॥
tāmasya viśikhaistūrṇaṃ pātayāmāsa bhārata| rathādanavarūḍhasya tadadbhūtamivābhavat||
But, O descendant of Bharata, before he could come down from his car, Drona cut down his mace into may fragments. It was a wonderful feat.
— tr. M.N. Dutt (1891–96) (public domain)
MBh 4 54.27
ततः स विपुलं चर्म शतचन्द्रं च भानुमत्। खङ्गं च विपुलं दिव्यं प्रगृह्य सुभुजो बली।॥
tataḥ sa vipulaṃ carma śatacandraṃ ca bhānumat| khaṅgaṃ ca vipulaṃ divyaṃ pragṛhya subhujo balī|||
Then the mighty armed Panchala prince took up a large and beautiful shelf decked with hundred (golden) moons and also a large sword of excellent make.
— tr. M.N. Dutt (1891–96) (public domain)
MBh 4 54.28
अभिदुद्राव वेगेन द्रोणस्य वधकाझया। आमिषार्थी यथा सिंहो वने मत्तमिव द्विपम्॥
abhidudrāva vegena droṇasya vadhakājhayā| āmiṣārthī yathā siṃho vane mattamiva dvipam||
He, then with great impetuosity, rushed towards Drona with the intention of killing hiin, as a hungry lion runs towards a mad elephant in the forest.
— tr. M.N. Dutt (1891–96) (public domain)
MBh 4 54.29
तत्राद्भुतमपश्याम भारद्वाजस्य पौरुषम्। लाघवं चास्त्रयोगं च बलं बाह्वोश्च भारत॥ यदेनं शरवर्षेण वारयामास पार्षतम्। न शशाक ततो गन्तुं बलवानपि संयुगे॥
tatrādbhutamapaśyāma bhāradvājasya pauruṣam| lāghavaṃ cāstrayogaṃ ca balaṃ bāhvośca bhārata|| yadenaṃ śaravarṣeṇa vārayāmāsa pārṣatam| na śaśāka tato gantuṃ balavānapi saṃyuge||
Then we again saw the wonderful prowess of Bharadvaja's son, wonderful was the lightness of hands in using the weapon, and also his strength of arms. He alone checked the Prishata prince with a shower of arrows. Though he possessed great prowess, he could not proceed further.
— tr. M.N. Dutt (1891–96) (public domain)
MBh 4 54.30
निवीरितस्तु द्रोणेन धृष्टद्युम्नो महारथः। न्यवारयच्छरौघांस्तांश्चर्मणा कृतहस्तवत्॥
nivīritastu droṇena dhṛṣṭadyumno mahārathaḥ| nyavārayaccharaughāṃstāṃścarmaṇā kṛtahastavat||
We then saw that the great car-warrior Dhrishtadyumna stood where he was. He warded off those showers of arrows using his arms with great dexterity.
— tr. M.N. Dutt (1891–96) (public domain)
MBh 4 54.31
ततो भीमो महाबाहुः सहसाऽभ्यपतद् बली। साहाय्यकारी समरे पार्षतस्य महात्मनः॥
tato bhīmo mahābāhuḥ sahasā'bhyapatad balī| sāhāyyakārī samare pārṣatasya mahātmanaḥ||
Then the greatly strong and mighty Bhimasena soon came there with the desire of helping the Prishata prince in that combat.
— tr. M.N. Dutt (1891–96) (public domain)
MBh 4 54.32
स द्रोणं निशितैर्बाणै राजन् विव्याध सप्तभिः। पार्षतं च रथं तूर्णं स्वकमारोहयत् तदा॥
sa droṇaṃ niśitairbāṇai rājan vivyādha saptabhiḥ| pārṣataṃ ca rathaṃ tūrṇaṃ svakamārohayat tadā||
O king, he wounded Drona with seven sharp arrows. He soon took up the Prishata prince on a car.
— tr. M.N. Dutt (1891–96) (public domain)
MBh 4 54.33
ततो दुर्योधनो राजन् भानुमन्तमचोदयत्। सैन्येन महता युक्तं भारद्वाजस्य रक्षणे॥
tato duryodhano rājan bhānumantamacodayat| sainyena mahatā yuktaṃ bhāradvājasya rakṣaṇe||
Then king Duryodhana asked the ruler of Kalinga to go to the rescue of Bharadvaja's son with a large number of troops.
— tr. M.N. Dutt (1891–96) (public domain)
MBh 4 54.34
ततः सा महती सेना कलिङ्गानां जनेश्वर। भीममभ्युद्ययौ तूर्णं तव पुत्रस्य शासनात्॥
tataḥ sā mahatī senā kaliṅgānāṃ janeśvara| bhīmamabhyudyayau tūrṇaṃ tava putrasya śāsanāt||
O lord of men, then those countless Kalingas rushed against Bhima at the command of your son.
— tr. M.N. Dutt (1891–96) (public domain)
MBh 4 54.35
पाञ्चाल्यमथं संत्यज्य द्रोणोऽपि रथिनां वरः। विराटदुपदौ वृद्धौ वारयामास संयुगे।॥
pāñcālyamathaṃ saṃtyajya droṇo'pi rathināṃ varaḥ| virāṭadupadau vṛddhau vārayāmāsa saṃyuge|||
Then that foremost of car-warriors Drona abandoned the Panchala prince and met Virata and Drupada both together.
— tr. M.N. Dutt (1891–96) (public domain)
MBh 4 54.36
धृष्टद्युम्नोऽपि समरे धर्मराजानमभ्ययात्। ततः प्रववृते युद्धं तुमुलं लोमहर्षणम्॥
dhṛṣṭadyumno'pi samare dharmarājānamabhyayāt| tataḥ pravavṛte yuddhaṃ tumulaṃ lomaharṣaṇam||
Dhrishtadyumna then went to support Yudhishthira in battle. Then a fearful and hair stirring battle was fought.
— tr. M.N. Dutt (1891–96) (public domain)
MBh 4 54.37
कलिङ्कानां च समरे भीमस्य च महात्मनः। जगतः प्रक्षयकरं घोररूपं भयावहम्॥
kaliṅkānāṃ ca samare bhīmasya ca mahātmanaḥ| jagataḥ prakṣayakaraṃ ghorarūpaṃ bhayāvaham||
Between the Kalingas and the illustrious Bhima, a battle which was fearful and all destroying.
— tr. M.N. Dutt (1891–96) (public domain)