Mahabharata — Volume IV (Dutt edition) — Chapter 106
MBh 4 106.1
संजय उवाच अर्जुनस्तान् नरव्याघ्रः सुशर्मानुचरान् नृपान्। अनयत् प्रेतराजस्य सदनं सायकैः शितैः॥
saṃjaya uvāca arjunastān naravyāghraḥ suśarmānucarān nṛpān| anayat pretarājasya sadanaṃ sāyakaiḥ śitaiḥ||
Sanjaya said Then that foremost of of men Arjuna, conveyed, with his whetted shafts, the kings that followed Susharma to the abode of the lord of departed spirits.
— tr. M.N. Dutt (1891–96) (public domain)
MBh 4 106.2
सुशर्मापि ततो बाणैः पार्थं विव्याध संयुगे। वासुदेवं च सप्तत्या पार्थं च नवभिः पुनः॥
suśarmāpi tato bāṇaiḥ pārthaṃ vivyādha saṃyuge| vāsudevaṃ ca saptatyā pārthaṃ ca navabhiḥ punaḥ||
Thereupon in that battle Susharma pierced Pritha's son with many shafts; he then pierced the son of Vasudeva with seventy shafts and Arjuna again with nine.
— tr. M.N. Dutt (1891–96) (public domain)
MBh 4 106.3
तं निवार्य शरौघेण शक्रसूनुर्महारथः। सुशर्मणो रणे योद्धान् प्राहिणोद् यमसादनम्॥
taṃ nivārya śaraugheṇa śakrasūnurmahārathaḥ| suśarmaṇo raṇe yoddhān prāhiṇod yamasādanam||
Baffling those arrows with his showers of arrows, that mighty car-warrior, the son of Shakra, dispatched the warriors that supported Susharma to the mansion of Death.
— tr. M.N. Dutt (1891–96) (public domain)
MBh 4 106.4
ते वध्यमानाः पार्थेन कालेनेव युगक्षये। व्यद्रवन्त रणे राजन् भये जाते महारथाः॥
te vadhyamānāḥ pārthena kāleneva yugakṣaye| vyadravanta raṇe rājan bhaye jāte mahārathāḥ||
Thus slaughtered by Pritha's son, as if by the Destroyer himself at the expiration of a Yuga, those mighty car-warriors, seized with panic, ran from the field of battle.
— tr. M.N. Dutt (1891–96) (public domain)
MBh 4 106.5
उत्सृज्य तुरगान् केचिद् रथान् केचिच्च मारिष। गजानन्ये समुत्सृज्य प्राद्रवन्त दिशो दश॥
utsṛjya turagān kecid rathān kecicca māriṣa| gajānanye samutsṛjya prādravanta diśo daśa||
Some leaving their horses, some their cars, and some their elephants. O sire, fled in all the directions of the compass.
— tr. M.N. Dutt (1891–96) (public domain)
MBh 4 106.6
अपरे तु तदाऽऽदाय वाजिनागरथान् रणे। त्वरया परया युक्ताः प्राद्रवन्त विशाम्पते॥
apare tu tadā''dāya vājināgarathān raṇe| tvarayā parayā yuktāḥ prādravanta viśāmpate||
Others, on the other hand, seizing steeds, elephants and chariots in that battle, fled away, O ruler of men, at the top of their speed.
— tr. M.N. Dutt (1891–96) (public domain)
MBh 4 106.7
पादाताश्चापि शस्त्राणि समुत्सृज्य महारणे। निरपेक्षा व्यधावन्त तेन तेन स्म भारत॥
pādātāścāpi śastrāṇi samutsṛjya mahāraṇe| nirapekṣā vyadhāvanta tena tena sma bhārata||
In that fierce fight, foot-soldiers, abandoning their weapons, and without paying any heed to any one, fled, O Bharata, hither and thither.
— tr. M.N. Dutt (1891–96) (public domain)
MBh 4 106.8
वार्यमाणाः सुबहुशस्वैगर्तेन सुशर्मणा। तथान्यैः पार्थिवश्रेष्ठैर्न व्यतिष्ठन्त संयुगे॥
vāryamāṇāḥ subahuśasvaigartena suśarmaṇā| tathānyaiḥ pārthivaśreṣṭhairna vyatiṣṭhanta saṃyuge||
Through they were repeatedly forbidden by the Trigarta ruler Susharma as also by many other foremost sovereigns they did not tarry on the field any longer.
— tr. M.N. Dutt (1891–96) (public domain)
MBh 4 106.9
तद् बलं प्रद्रुतं दृष्ट्वा पुत्रो दुर्योधनस्तव। पुरस्कृत्य रणे भीष्मं सर्वसैन्यपुरस्कृतः॥
tad balaṃ pradrutaṃ dṛṣṭvā putro duryodhanastava| puraskṛtya raṇe bhīṣmaṃ sarvasainyapuraskṛtaḥ||
Seeing that army thus routed, your son Duryodhana, placing Bhishma at the head of all the troops, and himself marching in the van.
— tr. M.N. Dutt (1891–96) (public domain)
MBh 4 106.10
सर्वोद्योगेन महता धनंजयमुपाद्रवत्। त्रिगर्ताधिपतेरर्थे जीवितस्य विशाम्पते।॥
sarvodyogena mahatā dhanaṃjayamupādravat| trigartādhipaterarthe jīvitasya viśāmpate|||
Assaulted Dhananjaya putting forth all his energies, desirous of saving, o ruler of men, the life of the king of the Trigaretas.
— tr. M.N. Dutt (1891–96) (public domain)
MBh 4 106.11
स एकः समरे तस्थौ किरन् बहुविधाञ्शरान्। भ्रातृभिः सहितः सर्वैः शेषा हि प्रद्रुता नराः॥
sa ekaḥ samare tasthau kiran bahuvidhāñśarān| bhrātṛbhiḥ sahitaḥ sarvaiḥ śeṣā hi pradrutā narāḥ||
Susharına alone, accompanied by his brother, was standing against Arjuna in battle, scattering various kinds of shafts, the rest of his men having ran away.
— tr. M.N. Dutt (1891–96) (public domain)
MBh 4 106.12
तथैव पाण्डवा राजन सर्वोद्योगेन दंशिताः। प्रययुः फाल्गुनार्थाय यत्र भीष्मो व्यतिष्ठत॥
tathaiva pāṇḍavā rājana sarvodyogena daṃśitāḥ| prayayuḥ phālgunārthāya yatra bhīṣmo vyatiṣṭhata||
So also, O king, the Pandavas, clad in armour, rushed, with all their energies, to the spot where Bhishma was, desirous of rescuing Partha.
— tr. M.N. Dutt (1891–96) (public domain)
MBh 4 106.13
ज्ञायमाना रणे वीर्यं घोरं गाण्डीवधन्वनः। हाहाकारकृतोत्साहा भीष्मं जग्मुः समन्ततः॥
jñāyamānā raṇe vīryaṃ ghoraṃ gāṇḍīvadhanvanaḥ| hāhākārakṛtotsāhā bhīṣmaṃ jagmuḥ samantataḥ||
Though perfectly cognisant of the dreadful prowess of the Pandava heroes with loud cries of 'Oh!' and 'Alas!' advanced towards Bhishma from all sides.
— tr. M.N. Dutt (1891–96) (public domain)
MBh 4 106.14
ततस्तालध्वजः शूरः पाण्डवानां वरूथिनीम्। छादया समरे शरैः संनतपर्वभिः॥
tatastāladhvajaḥ śūraḥ pāṇḍavānāṃ varūthinīm| chādayā samare śaraiḥ saṃnataparvabhiḥ||
Then that hero, owning the standard bearing the device of the palmyra tree, covered the Pandava host in that battle with straightknotted shafts.
— tr. M.N. Dutt (1891–96) (public domain)
MBh 4 106.15
एकीभूतास्ततः सर्वे कुरवः सह पाण्डवैः। अयुध्यन्त महाराज मध्यं प्राप्ते दिवाकरे॥
ekībhūtāstataḥ sarve kuravaḥ saha pāṇḍavaiḥ| ayudhyanta mahārāja madhyaṃ prāpte divākare||
When the sun reached the meridian, O mighty sovereign, the Kurus mingling pell-mell with the Pandavas fought on fiercely.
— tr. M.N. Dutt (1891–96) (public domain)
MBh 4 106.16
सात्यकिः कृतवर्माणं विद्ध्वा पञ्चभिराशुगैः। अतिष्ठदाहवे शूरः किरन् बाणान् सहस्रशः॥
sātyakiḥ kṛtavarmāṇaṃ viddhvā pañcabhirāśugaiḥ| atiṣṭhadāhave śūraḥ kiran bāṇān sahasraśaḥ||
Then the heroic Satyaki piercing Kritavarina with five swift-coursing arrows stood in the field shooting shafts by hundreds and by thousands.
— tr. M.N. Dutt (1891–96) (public domain)
MBh 4 106.17
तथैव दुपदो राजा द्रोणं विद्ध्वा शितैः शरैः। पुनर्विव्याध सप्तत्या सारथिं चास्य पञ्चभिः॥
tathaiva dupado rājā droṇaṃ viddhvā śitaiḥ śaraiḥ| punarvivyādha saptatyā sārathiṃ cāsya pañcabhiḥ||
So also king Drupada piercing Drona with sharp shafts again pierced the latter with seventy shafts and his charioteer with five shafts.
— tr. M.N. Dutt (1891–96) (public domain)
MBh 4 106.18
भीमसेनस्तु राजानं बाह्रीकं प्रपितामहम्। विद्ध्वा नदन्तमहानादं शार्दूल इव कानने॥
bhīmasenastu rājānaṃ bāhrīkaṃ prapitāmaham| viddhvā nadantamahānādaṃ śārdūla iva kānane||
Bhimasena, piercing the Balhika king, his great grandsire, uttered his war-cry that resembled the tiger's roar in the woods.
— tr. M.N. Dutt (1891–96) (public domain)
MBh 4 106.19
आर्जुनिश्चित्रसेनेन विद्धो बहुभिराशुगैः। अतिष्ठदाहवे शूरः किरन् बाणान् सहस्रशः॥
ārjuniścitrasenena viddho bahubhirāśugaiḥ| atiṣṭhadāhave śūraḥ kiran bāṇān sahasraśaḥ||
The son of Arjuna being pierced by Chitrasena with many swift-coursing arrows, pierced him in return on the breast with three shafts.
— tr. M.N. Dutt (1891–96) (public domain)
MBh 4 106.20
चित्रसेनं त्रिभिर्बाणैर्विव्याध समरे भृशम्। समागतौ तौ तु रणे महामात्रौ व्यरोचताम्॥
citrasenaṃ tribhirbāṇairvivyādha samare bhṛśam| samāgatau tau tu raṇe mahāmātrau vyarocatām||
Encountering one another in battle, those two foremost of men, appeared beautiful, O king, like Venus and Saturn shining in the heavens.
— tr. M.N. Dutt (1891–96) (public domain)
MBh 4 106.21
यथा दिवि महाघोरौ राजन् बुधशनैश्चरौ। तस्याश्वांश्चतुरो हत्वा सूतं च नवभिः शरैः॥
yathā divi mahāghorau rājan budhaśanaiścarau| tasyāśvāṃścaturo hatvā sūtaṃ ca navabhiḥ śaraiḥ||
Then that slayer of hostile heroes, that son of Subhadra, endued with prowess, slaying Chitrasena's four steeds and charioteer with nine shafts, uttered his fierce war-cry.
— tr. M.N. Dutt (1891–96) (public domain)
MBh 4 106.22
ननाद बलवन्नादं सौभद्रः परवीरहा। हताश्वात् तु रथात् तूर्णंसोऽवप्लुत्य महारथः॥
nanāda balavannādaṃ saubhadraḥ paravīrahā| hatāśvāt tu rathāt tūrṇaṃso'vaplutya mahārathaḥ||
Then that mighty car-warrior Chitrasena, jumping down with agility from the car of which the steeds were slain, ascended with quickness, O ruler of men, the chariot of Durmukha.
— tr. M.N. Dutt (1891–96) (public domain)
MBh 4 106.23
आरुरोह रथं तूर्णं दुर्मुखस्य विशाम्पते। द्रोणश्च द्रुपदं भित्त्वा शरैः संनतपर्वभिः॥
āruroha rathaṃ tūrṇaṃ durmukhasya viśāmpate| droṇaśca drupadaṃ bhittvā śaraiḥ saṃnataparvabhiḥ||
The highly puissant Drona also penetrating Draupada with straight shafts, pierced with quickness the latter's charioteer.
— tr. M.N. Dutt (1891–96) (public domain)
MBh 4 106.24
सारथिं चास्य विव्याध त्वरमाणः पराक्रमी। पीड्यमानस्ततो राजा द्रुपदो वाहिनीमुखे॥
sārathiṃ cāsya vivyādha tvaramāṇaḥ parākramī| pīḍyamānastato rājā drupado vāhinīmukhe||
Thereupon king Drupada thus afflicted before the army, fled, borne away by fleet steeds, remembering his former enmity.
— tr. M.N. Dutt (1891–96) (public domain)
MBh 4 106.25
अपायाज्जवनैरश्वैः पूर्ववैरमनुस्मरन्। भीमसेनस्तु राजानं मुहूर्तादिव बाह्निकम्॥
apāyājjavanairaśvaiḥ pūrvavairamanusmaran| bhīmasenastu rājānaṃ muhūrtādiva bāhnikam||
Bhimasena in a moment deprived king Balhika of his horses, car and driver, before the very eyes of the troops.
— tr. M.N. Dutt (1891–96) (public domain)
MBh 4 106.26
व्यश्वसूतरथं चक्रे सर्वसैन्यस्य पश्यतः। ससम्भ्रमो महाराज संशयं परमं गतः॥
vyaśvasūtarathaṃ cakre sarvasainyasya paśyataḥ| sasambhramo mahārāja saṃśayaṃ paramaṃ gataḥ||
Thus involved in a perilous situation and seized with panic, O mighty monarch, that foremost of me Balhika, jumping down from his own vehicle,
— tr. M.N. Dutt (1891–96) (public domain)
MBh 4 106.27
अवप्लुत्य ततो वाहाद् बाह्लीकः पुरुषोत्तमः। आरुरोह रथं तूर्णं लक्ष्मणस्य महारणे॥
avaplutya tato vāhād bāhlīkaḥ puruṣottamaḥ| āruroha rathaṃ tūrṇaṃ lakṣmaṇasya mahāraṇe||
Ascended, in that fierce battle, that of Lakshmana. Satyaki, having repulsed Kritavarma in battle,
— tr. M.N. Dutt (1891–96) (public domain)
MBh 4 106.28
सात्यकिः कृतवर्माणं वारयित्वा महारणे। शरैर्बहुविधै राजन्नाससाद पितामहम्॥
sātyakiḥ kṛtavarmāṇaṃ vārayitvā mahāraṇe| śarairbahuvidhai rājannāsasāda pitāmaham||
Approached the grandsire Bhishma, shooting various kinds of arrows. Then he, having pierced the grandsire with sixty whetted shafts furnished with feathery wings,
— tr. M.N. Dutt (1891–96) (public domain)
MBh 4 106.29
न विद्ध्वा भारतं षष्ट्या निशितैर्लोमवाहिभिः। नृत्यन्निव रथोपस्थे विधुन्वानो महद् धनुः॥
na viddhvā bhārataṃ ṣaṣṭyā niśitairlomavāhibhiḥ| nṛtyanniva rathopasthe vidhunvāno mahad dhanuḥ||
Seemed to dance on the terrace of his car, wielding his massive bow. Thereupon the grandsire hurled at him a mighty lance made entirely of iron,
— tr. M.N. Dutt (1891–96) (public domain)
MBh 4 106.30
तस्यायसीं महाशक्तिं चिक्षेपाथ पितामहः। हेमचित्रां महावेगां नागकन्योपमां शुभाम्॥ तामापतन्ती सहसा मृत्युकल्पां सुदुर्जयाम्। व्यंसयामास वार्ष्णेयो लाघवेन महायशाः॥
tasyāyasīṃ mahāśaktiṃ cikṣepātha pitāmahaḥ| hemacitrāṃ mahāvegāṃ nāgakanyopamāṃ śubhām|| tāmāpatantī sahasā mṛtyukalpāṃ sudurjayām| vyaṃsayāmāsa vārṣṇeyo lāghavena mahāyaśāḥ||
Decked with gold, charged with great velocity and loO king beautiful like a daughter of a Naga. (Beholding) that irresistible lance swiftly course towards himself like death itself,
— tr. M.N. Dutt (1891–96) (public domain)
MBh 4 106.31
अनासाद्य तु वार्ष्णेयं शक्तिः परमदारुणा। न्यपतद् धरणीपृष्ठे महोल्केव महाप्रभा॥
anāsādya tu vārṣṇeyaṃ śaktiḥ paramadāruṇā| nyapatad dharaṇīpṛṣṭhe maholkeva mahāprabhā||
That high formed hero of the Vrishni race baffled it with the swiftness (of his movements); and that dreadful lance, even without reaching him of the Vrishni race,
— tr. M.N. Dutt (1891–96) (public domain)
MBh 4 106.32
वार्ष्णेयस्तु ततो राजन् स्वां शक्तिं कनकप्रभाम्। वेगवद् गृह्य चिक्षेप पितामहरथं प्रति॥ वार्ष्णेयभुजवेगेन प्रणुन्ना सा महाहवे। अभिदुद्राव वेगेन कालरात्रिर्यथा नरम्॥
vārṣṇeyastu tato rājan svāṃ śaktiṃ kanakaprabhām| vegavad gṛhya cikṣepa pitāmaharathaṃ prati|| vārṣṇeyabhujavegena praṇunnā sā mahāhave| abhidudrāva vegena kālarātriryathā naram||
O king! Satyaki also picked up the Sakti having golden radiance and threw it with full might on the chariot of Bhishma. That Sakti so thrown with full might by Satyaki rushed rapidly towards Bhishma in that great war. It appeared as if the Kalaratri (the night of devastation) is forwarding to grip the man.
— tr. M.N. Dutt (1891–96) (public domain)
MBh 4 106.33
तामापतन्ती सहसा द्विधा चिच्छेद भारत। क्षुरप्राभ्यां सुतीक्ष्णाभ्यां सा व्यशीर्यत मेदिनीम्॥
tāmāpatantī sahasā dvidhā ciccheda bhārata| kṣuraprābhyāṃ sutīkṣṇābhyāṃ sā vyaśīryata medinīm||
Flew swiftly, like the last night (of worldly existence) of a doomed man. Then 0 Bharata, Bhishma cut in twin that swift coursing lance,
— tr. M.N. Dutt (1891–96) (public domain)
MBh 4 106.34
छित्त्वा शक्तिं तु गाङ्गेयः सात्यकिं नवभिः शरैः। आजघानोरसि क्रुद्धः प्रसञ्छत्रुकर्शनः॥ ततः सरथनागाश्वाः पाण्डवाः पाण्डुपूर्वजाः। परिववू रणे भीष्मं माघवत्राणकारणात्॥
chittvā śaktiṃ tu gāṅgeyaḥ sātyakiṃ navabhiḥ śaraiḥ| ājaghānorasi kruddhaḥ prasañchatrukarśanaḥ|| tataḥ sarathanāgāśvāḥ pāṇḍavāḥ pāṇḍupūrvajāḥ| parivavū raṇe bhīṣmaṃ māghavatrāṇakāraṇāt||
With two sharp arrows having horse shoeheads; and the lance fell down on the ground. Having severed that lance, the son of Ganga, that grinder of foes, waxing wroth and smiling the while, pierced Satyaki on the breast with nine arrows. Thereupon with all their chariots, elephants and horses, the Pandavas, O elder brother of Pandu,
— tr. M.N. Dutt (1891–96) (public domain)
MBh 4 106.35
ततः प्रववृते युद्धे तुमुलं लोमहर्षणम्। पाण्डवानां कुरूणां च समरे विजयैषिणाम्॥
tataḥ pravavṛte yuddhe tumulaṃ lomaharṣaṇam| pāṇḍavānāṃ kurūṇāṃ ca samare vijayaiṣiṇām||
Surrounded Bhishma on all sides, in order to rescue him of Madhu's race. Then between the Kurus and the Pandavas, both desirous of securing victory, commenced a fierce fight making the hair stand erect.
— tr. M.N. Dutt (1891–96) (public domain)