Mahabharata — Volume III (Dutt edition) — Chapter 93
MBh 3 93.1
वैशम्पायन उवाच तस्य तद् वचनं श्रुत्वा प्रज्ञावृद्धो महाद्युतिः। सम्पूज्यैनं यथाकालं भीष्मो वचनमब्रवीत्॥
vaiśampāyana uvāca tasya tad vacanaṃ śrutvā prajñāvṛddho mahādyutiḥ| sampūjyainaṃ yathākālaṃ bhīṣmo vacanamabravīt||
Vaishampayana said Having heard these words of his, Bhishma, of great luster and old in wisdom, did him due honours and spoke these words to him as suited the occasion.
— tr. M.N. Dutt (1891–96) (public domain)
MBh 3 93.2
दिष्ट्या कुशलिन: सर्वे सह दामोदरेण ते। दिष्ट्या सहायवन्तश्चदिष्ट्या धर्मे च ते रताः॥
diṣṭyā kuśalina: sarve saha dāmodareṇa te| diṣṭyā sahāyavantaścadiṣṭyā dharme ca te ratāḥ||
It is lucky that they all along with Damodara are doing well; it is lucky that have secured aid and it is lucky that they are intent on acting virtuously.
— tr. M.N. Dutt (1891–96) (public domain)
MBh 3 93.3
दिष्ट्या च संधिकामास्ते भ्रातरः कुरुनन्दनाः। दिष्ट्या न युद्धमनसः पाण्डवाः सह बान्धवैः॥
diṣṭyā ca saṃdhikāmāste bhrātaraḥ kurunandanāḥ| diṣṭyā na yuddhamanasaḥ pāṇḍavāḥ saha bāndhavaiḥ||
And it is lucky that our cousins, the sons of Kuru, desire peace, it is lucky that the sons of Pandu are not desirous of war with their relations.
— tr. M.N. Dutt (1891–96) (public domain)
MBh 3 93.4
भवता सत्यमुक्तं तु सर्वमेतन्न संशयः। अतितीक्ष्णं तु ते वाक्यं ब्राह्मण्यादिति मे मतिः॥
bhavatā satyamuktaṃ tu sarvametanna saṃśayaḥ| atitīkṣṇaṃ tu te vākyaṃ brāhmaṇyāditi me matiḥ||
Truth has been spoken by you; it is so; no doubt your words are very sharp; in my opinion that is so because you are a Brahmana.
— tr. M.N. Dutt (1891–96) (public domain)
MBh 3 93.5
असंशयं क्लेशितास्ते वने चेह च पाण्डवाः। प्राप्ताश्च धर्मतः सर्वं पितुर्धनमसंशयम्॥
asaṃśayaṃ kleśitāste vane ceha ca pāṇḍavāḥ| prāptāśca dharmataḥ sarvaṃ piturdhanamasaṃśayam||
Kiritin the son of Pritha is strong, well coached in handling weapons and of mighty prowess; who is there to stand against Dhananjaya the son of Pandu?
— tr. M.N. Dutt (1891–96) (public domain)
MBh 3 93.6
किरीटी बलवान् पार्थः कृतास्त्रश्च महारथः। को हि पाण्डुसुतं युद्धे विषहेत धनंजयम्॥
kirīṭī balavān pārthaḥ kṛtāstraśca mahārathaḥ| ko hi pāṇḍusutaṃ yuddhe viṣaheta dhanaṃjayam||
These sons, of Pandu, have doubtless borne much troubles here and in the forest and rightly speaking they are doubtless entitled to the wealth of their fathers.
— tr. M.N. Dutt (1891–96) (public domain)
MBh 3 93.7
अपि वज्रधरः साक्षात् किमुतान्ये धनुर्भृतः। त्रयाणामपि लोकानां समर्थ इति मे मतिः॥
api vajradharaḥ sākṣāt kimutānye dhanurbhṛtaḥ| trayāṇāmapi lokānāṃ samartha iti me matiḥ||
Even the holder of the thunderbolt himself (cannot withstand him) how can others bearing the bow? He is capable of standing against the three worlds; this is my opinion.
— tr. M.N. Dutt (1891–96) (public domain)
MBh 3 93.8
भीष्मे ब्रुवति तद् वाक्यं धृष्टमाक्षिप्य मन्युना। दुर्योधनं समालोक्य कर्णो वचनमब्रवीत्॥
bhīṣme bruvati tad vākyaṃ dhṛṣṭamākṣipya manyunā| duryodhanaṃ samālokya karṇo vacanamabravīt||
While Bhishma was speaking Karna, having interrupted his words in anger and insolence and looking at Duryodhana, said-
— tr. M.N. Dutt (1891–96) (public domain)
MBh 3 93.9
न तत्राविदितं ब्रह्माल्लोके भूतेन केनचित्। पुनरुक्तेन किं तेन भाषितेन पुनः पुनः॥
na tatrāviditaṃ brahmālloke bhūtena kenacit| punaruktena kiṃ tena bhāṣitena punaḥ punaḥ||
Brahmana, what you say is not unknown in this world nor by any being; why do you repeat it again and again?
— tr. M.N. Dutt (1891–96) (public domain)
MBh 3 93.10
दुर्योधनार्थं शकुनि ते निर्जितवान् पुरा। समयेन गतोऽरण्यं पाण्डुपुत्रो युधिष्ठिरः॥
duryodhanārthaṃ śakuni te nirjitavān purā| samayena gato'raṇyaṃ pāṇḍuputro yudhiṣṭhiraḥ||
In days of old, Shakuni on behalf of Duryodhana defeated (Yudhishthira) at a game of dice and it was according to a stipulation that Yudhishthira the son of Pandu went to the forest.
— tr. M.N. Dutt (1891–96) (public domain)
MBh 3 93.11
स तं समयमाश्रित्य राज्यं नेच्छति पैतृकम्। बलमाश्रित्य मत्स्यानां पञ्चालानां च मूर्खवत्॥
sa taṃ samayamāśritya rājyaṃ necchati paitṛkam| balamāśritya matsyānāṃ pañcālānāṃ ca mūrkhavat||
He now, like a fool disregarding that stipulation, wants his paternal wealth depending on the armies supplied him by the Matsyas and by the king of Panchala.
— tr. M.N. Dutt (1891–96) (public domain)
MBh 3 93.12
दुर्योधनो भयाद् विद्वन् न दद्यात् पादमन्ततः। धर्मतस्तु महीं कृत्स्नां प्रदद्याच्छत्रवेऽपि च॥
duryodhano bhayād vidvan na dadyāt pādamantataḥ| dharmatastu mahīṃ kṛtsnāṃ pradadyācchatrave'pi ca||
O learned one, Duryodhana will not yield even one foot of ground through fear, but responding to the call of virtue he will yield even the entire world to his enemy.
— tr. M.N. Dutt (1891–96) (public domain)
MBh 3 93.13
यदि काक्षन्ति ते राज्यं पितृपैतामहं पुनः। यथाप्रतिज्ञं कालं तं चरन्तु वनमाश्रिताः॥
yadi kākṣanti te rājyaṃ pitṛpaitāmahaṃ punaḥ| yathāpratijñaṃ kālaṃ taṃ carantu vanamāśritāḥ||
If they want back the kingdom of their forefathers let them, as stipulated, reside in the forest to the end of the period (agreed on).
— tr. M.N. Dutt (1891–96) (public domain)
MBh 3 93.14
ततो दुर्योधनस्याङ्के वर्तन्तामकुतोभयाः। अधार्मिकी तु मा बुद्धि मौात् कुर्वन्तु केवलात्।।१४।
tato duryodhanasyāṅke vartantāmakutobhayāḥ| adhārmikī tu mā buddhi mauāt kurvantu kevalāt||14|
Then may they come to seek refuse with Duryodhana without any fear; let them not through folly adopt an unrighteous course,
— tr. M.N. Dutt (1891–96) (public domain)
MBh 3 93.15
अथ ते धर्ममुत्सृज्य युद्धमिच्छन्ति पाण्डवाः। आसाद्येमान् कुरुश्रेष्ठान् स्मरिष्यन्ति वचो मम॥
atha te dharmamutsṛjya yuddhamicchanti pāṇḍavāḥ| āsādyemān kuruśreṣṭhān smariṣyanti vaco mama||
If the sons of Pandu, bidding adieu to a righteous course, desire war, then will they, after coming face to face with these foremost among the race of Kurus, have occasion to remember my words.
— tr. M.N. Dutt (1891–96) (public domain)
MBh 3 93.16
भीष्म उवाच किं नु राधेय वाचा ते कर्म तत् स्मर्तुमर्हसि। एक एव यदा पार्थः षड्रस्थाञ्जितवान् युधि॥
bhīṣma uvāca kiṃ nu rādheya vācā te karma tat smartumarhasi| eka eva yadā pārthaḥ ṣaḍrasthāñjitavān yudhi||
Bhishma said O son of Radha, why do you talk so much? It is fitting that you should remember his deeds; alone the son of Pritha vanquished in battle six charioteers.
— tr. M.N. Dutt (1891–96) (public domain)
MBh 3 93.17
बहुशो जीयमानस्य कर्म दृष्टं तदैव ते। न चेदेवं करिष्यामो यदयं ब्राह्मणोऽब्रवीत्। ध्रुवं यधि हतास्तेन भक्षयिष्याम पांसुकान्॥
bahuśo jīyamānasya karma dṛṣṭaṃ tadaiva te| na cedevaṃ kariṣyāmo yadayaṃ brāhmaṇo'bravīt| dhruvaṃ yadhi hatāstena bhakṣayiṣyāma pāṃsukān||
You have seen the deeds of him who had been victories on many occasions; if we do not do what this Brahmana has said most certainly shall we be killed by him.
— tr. M.N. Dutt (1891–96) (public domain)
MBh 3 93.18
वैशम्पायन उवाच धृतराष्ट्रस्ततो भीष्ममनुमान्य प्रसाद्य च। अवभय॑ च राधेयमिदं वचनमब्रवीत्॥
vaiśampāyana uvāca dhṛtarāṣṭrastato bhīṣmamanumānya prasādya ca| avabhaya̭ ca rādheyamidaṃ vacanamabravīt||
Vaishampayana said Then Dhritarashtra, having pleased Bhishma by approving of his words and having rebuked the son of Radha, said these words.
— tr. M.N. Dutt (1891–96) (public domain)
MBh 3 93.19
अस्मद्धितं वाक्यमिदं भीष्मः शान्तनवोऽब्रवीत्। पाण्डवानां हितं चैव सर्वस्य जगतस्तथा॥
asmaddhitaṃ vākyamidaṃ bhīṣmaḥ śāntanavo'bravīt| pāṇḍavānāṃ hitaṃ caiva sarvasya jagatastathā||
What Bhishma, the son of Shantanu, has said is calculated to promote sur interests and those of the entire world.
— tr. M.N. Dutt (1891–96) (public domain)
MBh 3 93.20
चिन्तयित्वा तु पार्थेभ्यः प्रेषयिष्यामि संजयम्। स भवान् प्रति यात्वद्य पाण्डवानेव मा चिरम्॥
cintayitvā tu pārthebhyaḥ preṣayiṣyāmi saṃjayam| sa bhavān prati yātvadya pāṇḍavāneva mā ciram||
After mature deliberation, shall I send Sanjaya to the sons of Pritha, therefore do you go back at once this day to the sons of Pandu.
— tr. M.N. Dutt (1891–96) (public domain)
MBh 3 93.21
स तं सत्कृत्य कौरव्यः प्रेषयामास पाण्डवान्। सभामध्ये समाहूय संजयं वाक्यमब्रवीत्॥
sa taṃ satkṛtya kauravyaḥ preṣayāmāsa pāṇḍavān| sabhāmadhye samāhūya saṃjayaṃ vākyamabravīt||
And the son of Kuru, having done him honours, sent him to the sons of Pandu and having summoned Sanjaya to the council, said these words.
— tr. M.N. Dutt (1891–96) (public domain)