Mahabharata — Volume III (Dutt edition) — Chapter 86

MBh 3 86.1

शल्य उवाच अथैनां रूपिणि साध्वीमुपातिष्ठदुपश्रुतिः। तां वयोरूपसम्पन्नां दृष्ट्वा देवीमुपस्थिताम्॥

śalya uvāca athaināṃ rūpiṇi sādhvīmupātiṣṭhadupaśrutiḥ| tāṃ vayorūpasampannāṃ dṛṣṭvā devīmupasthitām||

Shalya said Then did beautiful Upashruti appear before the chaste one. Ard seeing the goddess possessed of youth and beauty appear before her.

— tr. M.N. Dutt (1891–96) (public domain)

MBh 3 86.2

इन्द्राणी सम्प्रहृष्टात्मा सम्पूज्यनामथाब्रवीत्। इच्छामि त्वामहं ज्ञातुं का त्वं ब्रूहि वरानने॥

indrāṇī samprahṛṣṭātmā sampūjyanāmathābravīt| icchāmi tvāmahaṃ jñātuṃ kā tvaṃ brūhi varānane||

The Queen of Indra became well-pleased and having propitiated her, thus spoke-O you of a beautiful face, 'I want to know you, tell me who you are.'

— tr. M.N. Dutt (1891–96) (public domain)

MBh 3 86.3

उपश्रुतिरुवाच उपश्रुतिरहं देवि तवान्तिकमुपागता। दर्शनं चैव सम्प्राप्ता तव सत्येन भाविनि॥

upaśrutiruvāca upaśrutirahaṃ devi tavāntikamupāgatā| darśanaṃ caiva samprāptā tava satyena bhāvini||

Upashruti said I am, O goddess, Upashruti, who have come to you. O you of noble mind, I have appeared in your sight through your truthfulness.

— tr. M.N. Dutt (1891–96) (public domain)

MBh 3 86.4

पतिव्रता च युक्ता च यमेन नियमेन च। दर्शयिष्यामि ते शक्रं देवं वृत्रनिषूदनम्॥

pativratā ca yuktā ca yamena niyamena ca| darśayiṣyāmi te śakraṃ devaṃ vṛtraniṣūdanam||

You are chest, you observe all the rules of life and you possess the power self control. I shall show you the god Shakra the slayer of Vritra.

— tr. M.N. Dutt (1891–96) (public domain)

MBh 3 86.5

क्षिप्रमन्वेहि भद्रं ते द्रक्ष्यसे सुरसत्तमम्। ततस्तां प्रहितां देवीमिन्द्राणी सा समन्वगात्॥

kṣipramanvehi bhadraṃ te drakṣyase surasattamam| tatastāṃ prahitāṃ devīmindrāṇī sā samanvagāt||

I wish you well, follow me soon, you shall see the best among the gods. Then did the goddess the queen of Indra, follow her w went in advance.

— tr. M.N. Dutt (1891–96) (public domain)

MBh 3 86.6

देवारण्यान्यतिक्रम्य पर्वतांश्च बहूंस्ततः। हिमवन्तमतिक्रम्य उत्तरं पार्श्वमागमत्॥

devāraṇyānyatikramya parvatāṃśca bahūṃstataḥ| himavantamatikramya uttaraṃ pārśvamāgamat||

Having gone through many forests of the gods and many mountains and having crossed the Himavat, the northern side was reached by them.

— tr. M.N. Dutt (1891–96) (public domain)

MBh 3 86.7

समुद्रं च समासाद्य बहुयोजनविस्तृतम्। आससाद महाद्वीपं नानादुमलतावृतम्॥

samudraṃ ca samāsādya bahuyojanavistṛtam| āsasāda mahādvīpaṃ nānādumalatāvṛtam||

And having crossed the sea which extended over many yojanas they came to a large island which was covered by many trees and creepers.

— tr. M.N. Dutt (1891–96) (public domain)

MBh 3 86.8

तत्रापश्यत् सरो दिव्यं नानाशकुनिभिर्वृतम्। शतयोजनविस्तीर्णं तावदेवायतं शुभम्॥

tatrāpaśyat saro divyaṃ nānāśakunibhirvṛtam| śatayojanavistīrṇaṃ tāvadevāyataṃ śubham||

They there saw a lake, suitable for the gods frequented by many birds and which extended over a hundred yojanas in length and a similar space in breadth.

— tr. M.N. Dutt (1891–96) (public domain)

MBh 3 86.9

तत्र दिव्यानि पद्मानि पञ्चवर्णानि भारत। षट्पदैरुपगीतानि प्रफुल्लानि सहस्रशः॥

tatra divyāni padmāni pañcavarṇāni bhārata| ṣaṭpadairupagītāni praphullāni sahasraśaḥ||

And saw there, O son of Bharata thousands of beautiful lotuses of five colours full blown and around which the bees hummed.

— tr. M.N. Dutt (1891–96) (public domain)

MBh 3 86.10

सरसस्तस्य मध्ये तु पद्मिनी महती शुभा। गौरेणोन्नतनालेन पद्मेन महता वृता॥

sarasastasya madhye tu padminī mahatī śubhā| gaureṇonnatanālena padmena mahatā vṛtā||

Having penetrated into a particular lotus and entered into stalk, along with her (Sachi) they there saw the performer of a hundred sacrifices who had entered the stalk.

— tr. M.N. Dutt (1891–96) (public domain)

MBh 3 86.11

पद्मस्य भित्त्वा नालं च विवेश सहिता तया। विसतन्तुप्रविष्टं च तत्रापश्यच्छतक्रतुम्॥

padmasya bhittvā nālaṃ ca viveśa sahitā tayā| visatantupraviṣṭaṃ ca tatrāpaśyacchatakratum||

Seeing her lord staying there in a diminutive form, the goddess too assumed a diminutive form and so did Upashruti.

— tr. M.N. Dutt (1891–96) (public domain)

MBh 3 86.12

तं दृष्ट्वा च सुसूक्ष्मेण रूपेणावस्थितं प्रभुम्। सूक्ष्मरूपधरा देवी बभूवोपश्रुतिश्च सा॥

taṃ dṛṣṭvā ca susūkṣmeṇa rūpeṇāvasthitaṃ prabhum| sūkṣmarūpadharā devī babhūvopaśrutiśca sā||

Beholding there Indra in a form of very minute, goddesses Upashruti and Indrani also became in the form of minuteness.

— tr. M.N. Dutt (1891–96) (public domain)

MBh 3 86.13

इन्द्रं तुष्टाव चेन्द्राणी विश्रुतैः पूर्वकर्मभिः। स्तूयमानस्ततो देवः शचीमाह पुरन्दरः॥

indraṃ tuṣṭāva cendrāṇī viśrutaiḥ pūrvakarmabhiḥ| stūyamānastato devaḥ śacīmāha purandaraḥ||

And the queen of Indra propitiated Indra by reciting the deeds done by him in olden days and the god Purandara, being thus propitiated, said to Sachi.

— tr. M.N. Dutt (1891–96) (public domain)

MBh 3 86.14

किमर्थमसि सम्प्राप्ता विज्ञातश्च कथं त्वहम्। ततः सा कथयामास नहुषस्य विचेष्टितम्॥

kimarthamasi samprāptā vijñātaśca kathaṃ tvaham| tataḥ sā kathayāmāsa nahuṣasya viceṣṭitam||

With what object have you come here and by what means came you to know that I was here. Then did she narrate the attempt of Nahusha.

— tr. M.N. Dutt (1891–96) (public domain)

MBh 3 86.15

इन्द्रत्वं त्रिषु लोकेषु प्राप्य वीर्यसमन्वितः। दाविष्टश्च दुष्टात्मा मामुवाच शतक्रतो॥

indratvaṃ triṣu lokeṣu prāpya vīryasamanvitaḥ| dāviṣṭaśca duṣṭātmā māmuvāca śatakrato||

Having obtained the lordship of the three worlds and so being vain of his strength and being haughty the evil minded one asked me to attend on him, Operformer of a hundred sacrifices.

— tr. M.N. Dutt (1891–96) (public domain)

MBh 3 86.16

उपतिष्ठेति स. क्रूरः कालं च कृतवान् मम। यदि न त्रास्यसि विभो करिष्यति स मां वशे॥

upatiṣṭheti sa. krūraḥ kālaṃ ca kṛtavān mama| yadi na trāsyasi vibho kariṣyati sa māṃ vaśe||

And the evil minded one has granied me time (to do his bidding). If you do not save me, O lord, he will bring me under his sway.

— tr. M.N. Dutt (1891–96) (public domain)

MBh 3 86.17

एतेन चाहं सम्प्राप्ता द्रुतं शक्र तवान्तिकम्। जहि रौद्रं महाबाहो नहुषं पापनिश्चयम्॥

etena cāhaṃ samprāptā drutaṃ śakra tavāntikam| jahi raudraṃ mahābāho nahuṣaṃ pāpaniścayam||

For this reason have I come to you so soon O Shakra, O you with long arms slay Nahusha of wicked purposes.

— tr. M.N. Dutt (1891–96) (public domain)

MBh 3 86.18

प्रकाशयात्मनाऽऽत्मानं दैत्यदानवसूदन। तेजः समाप्नुहि विभो देवराज्यं प्रशाधि च॥

prakāśayātmanā''tmānaṃ daityadānavasūdana| tejaḥ samāpnuhi vibho devarājyaṃ praśādhi ca||

O you slayer of Daityas and Danavas, hide no longer your ownself. O lord, assume your own strength and rule the kingdom of the gods.

— tr. M.N. Dutt (1891–96) (public domain)