Mahabharata — Volume III (Dutt edition) — Chapter 83
MBh 3 83.1
शल्य उवाच ऋषयोऽथाब्रुवन् सर्वे देवाश्च त्रिदिवेश्वराः। अयं वै नहुष: श्रीमान् देवराज्येऽभिषिच्यताम्॥
śalya uvāca ṛṣayo'thābruvan sarve devāśca tridiveśvarāḥ| ayaṃ vai nahuṣa: śrīmān devarājye'bhiṣicyatām||
Shalya said Then did all the gods and Yakshas with the Kinnaras say 'Anoint this handsome Nahusha in the kingship of the gods.'
— tr. M.N. Dutt (1891–96) (public domain)
MBh 3 83.2
तेजस्वी च यशस्वी च धार्मिकश्चैव नित्यदा। ते गत्वा त्वब्रुवन् सर्वे राजा नो भव पार्थिव॥
tejasvī ca yaśasvī ca dhārmikaścaiva nityadā| te gatvā tvabruvan sarve rājā no bhava pārthiva||
He is powerful, enjoys fame and is ever virtuous. Going to him they said-'O ruler of the earth be our king.'
— tr. M.N. Dutt (1891–96) (public domain)
MBh 3 83.3
स तानुवाच नहुषो देवानृषिगणंस्तथा। पितृभिः सहितान् राजन् परीप्सन हितमात्मनः॥
sa tānuvāca nahuṣo devānṛṣigaṇaṃstathā| pitṛbhiḥ sahitān rājan parīpsana hitamātmanaḥ||
Thus, O king, did Nahusha, who wished their welfare, address the gods and the Rishis who were accompanied by our ancestors.
— tr. M.N. Dutt (1891–96) (public domain)
MBh 3 83.4
दुर्बलोऽहं न मे शक्तिर्भवतां परिपालने। बलवाञ्जायते राजा बलं शक्रे हि नित्यदा॥
durbalo'haṃ na me śaktirbhavatāṃ paripālane| balavāñjāyate rājā balaṃ śakre hi nityadā||
I am weak; it is not in my power to protect you. The powerful should make kings, (and) power ever graced Shakra.
— tr. M.N. Dutt (1891–96) (public domain)
MBh 3 83.5
तमब्रुवन् पुनः सर्वे देवा ऋषिपुरोगमाः। अस्माकं तपसा युक्तः पाहि राज्यं त्रिविष्टपे॥
tamabruvan punaḥ sarve devā ṛṣipurogamāḥ| asmākaṃ tapasā yuktaḥ pāhi rājyaṃ triviṣṭape||
All the gods and the foremost among the Rishis said to him, Endued with the virtue of devotion, protect our kingdom in heaven.
— tr. M.N. Dutt (1891–96) (public domain)
MBh 3 83.6
परस्परभयं घोरमस्माकं हि न संशयः। अभिषिच्यस्व राजेन्द्र भव राजा त्रिविष्टपे॥
parasparabhayaṃ ghoramasmākaṃ hi na saṃśayaḥ| abhiṣicyasva rājendra bhava rājā triviṣṭape||
All of us doubtless have grave fears; be anointed our king, foremost among monarchs, be the king of heaven.
— tr. M.N. Dutt (1891–96) (public domain)
MBh 3 83.7
देवदानवयक्षाणामृषीणां रक्षसां तथा। पितृगन्धर्वभूतानां चक्षुर्विषयवर्तिनाम्॥ तेज आदास्यसे पश्यन् बलवांश्च भविष्यसि। धर्म पुरस्कृत्य सदा सर्वलोकाधिपो भव॥
devadānavayakṣāṇāmṛṣīṇāṃ rakṣasāṃ tathā| pitṛgandharvabhūtānāṃ cakṣurviṣayavartinām|| teja ādāsyase paśyan balavāṃśca bhaviṣyasi| dharma puraskṛtya sadā sarvalokādhipo bhava||
You will absorb the power, of the gods, the Danavas, the Yakshas. Rishis the Rakshasas, the Pitris, the Gandharvas and all other beings within the range of your sight as soon as you see them. Setting virtue always above all other considerations be the lord of all worlds.
— tr. M.N. Dutt (1891–96) (public domain)
MBh 3 83.8
ब्रह्मर्षीश्चापि देवांश्च गोपायस्व त्रिविष्टपे। अभिषिक्तः स राजेन्द्र ततो राजा त्रिविष्टपे॥
brahmarṣīścāpi devāṃśca gopāyasva triviṣṭape| abhiṣiktaḥ sa rājendra tato rājā triviṣṭape||
Protect also the Brahmarshis and the gods in heaven. And that chief among the kings being anointed the king in heaven.
— tr. M.N. Dutt (1891–96) (public domain)
MBh 3 83.9
धर्मं पुरस्कृत्य तदा सर्वलोकाधिपोऽभवत्। सुदुर्लभं वरं लब्ध्वा प्राप्य राज्यं त्रिविष्टपे॥ धर्मात्मा सततं भूत्वा कामात्मा समपद्यत।
dharmaṃ puraskṛtya tadā sarvalokādhipo'bhavat| sudurlabhaṃ varaṃ labdhvā prāpya rājyaṃ triviṣṭape|| dharmātmā satataṃ bhūtvā kāmātmā samapadyata|
And placing virtue above everything else became the protector of the worlds. Being granted a rare boon and obtaining the kingdom in heaven, he gave himself up to gratifying every wish of his, though before this he had ever been a virtuous being.
— tr. M.N. Dutt (1891–96) (public domain)
MBh 3 83.10
देवोद्यानेषु सर्वेषु नन्दनोपवनेषु च॥ कैलासे हिमवत्पृष्ठे मन्दरे श्वेतपर्वते। सह्ये महेन्द्र मलये समुद्रेषु सरित्सु च॥ अप्सरोभिः परिवृतो देवकन्यासमावृतः। नहुषो देवराजोऽथ क्रीडन् बहुविधं तदा॥ शृण्वन् दिव्या बहुविधाः कथाः श्रुतिमनोहराः। वादित्राणि च सर्वाणि गीतं च मधुरस्वनम्॥
devodyāneṣu sarveṣu nandanopavaneṣu ca|| kailāse himavatpṛṣṭhe mandare śvetaparvate| sahye mahendra malaye samudreṣu saritsu ca|| apsarobhiḥ parivṛto devakanyāsamāvṛtaḥ| nahuṣo devarājo'tha krīḍan bahuvidhaṃ tadā|| śṛṇvan divyā bahuvidhāḥ kathāḥ śrutimanoharāḥ| vāditrāṇi ca sarvāṇi gītaṃ ca madhurasvanam||
In all the gardens of the gods and in the pleasure gardens, on the Kailasa and on the brow of the Himavat, on the Mandara and on the white mountains, on the Shalya, on the Mahendra and on the Malaya in the seas and in the lakes surrounded by fairies and nymphs. Nahusha, the king of the gods, spent his time in many sorts of sports and hearing many sorts of। stories relating to the gods, which were sweet to listen to. (He spent his time also) with all sorts of musical instruments and sweet sounding songs.
— tr. M.N. Dutt (1891–96) (public domain)
MBh 3 83.11
विश्वावसुर्नारदश्च गन्धर्वाप्सरसां गणाः। ऋतवः षट् च देवेन्द्रं मूर्तिमन्त उपस्थिताः॥
viśvāvasurnāradaśca gandharvāpsarasāṃ gaṇāḥ| ṛtavaḥ ṣaṭ ca devendraṃ mūrtimanta upasthitāḥ||
Vishvavasu, Narada, Gandharvas and celestial nymphs and the six personified, attended on him. seasons
— tr. M.N. Dutt (1891–96) (public domain)
MBh 3 83.12
मारुतः सुरभिर्वाति मनोज्ञः सुखशीतलः। एवं च क्रीडतस्तस्य नहुषस्य दुरात्मनः॥ सम्प्राप्ता दर्शनं देवी शक्रस्य महिषी प्रिया।
mārutaḥ surabhirvāti manojñaḥ sukhaśītalaḥ| evaṃ ca krīḍatastasya nahuṣasya durātmanaḥ|| samprāptā darśanaṃ devī śakrasya mahiṣī priyā|
Breezes, fragrant, cooling and charming too blew on him. The goddess, the dearly beloved Queen of Shakra, caught the gaze of the high-minded Nahusha, given thus to sporting.
— tr. M.N. Dutt (1891–96) (public domain)
MBh 3 83.13
स तां संदृश्य दुष्टात्मा प्राह सर्वान् सभासदः॥ इन्द्रस्य महिषी देवी कस्मान्मां नोपतिष्ठति। अहमिन्द्रोऽस्मि देवानां लोकानां च तथेश्वरः॥ आगच्छतु शची मह्यं क्षिप्रमद्य निवेशनम्।
sa tāṃ saṃdṛśya duṣṭātmā prāha sarvān sabhāsadaḥ|| indrasya mahiṣī devī kasmānmāṃ nopatiṣṭhati| ahamindro'smi devānāṃ lokānāṃ ca tatheśvaraḥ|| āgacchatu śacī mahyaṃ kṣipramadya niveśanam|
Seeing her the evil minded one thus addressed his courtiers-"Why does not the goddess, the queen of Indra, attend on me. As the lord of the gods and the worlds, I am Indra. Let Sachi come to my palace this day at once."
— tr. M.N. Dutt (1891–96) (public domain)
MBh 3 83.14
तच्छ्रुत्वा दुर्मना देवी बृहस्पतिमुवाच ह॥ रक्ष मां नहुषाद् ब्रह्मंस्त्वामस्मि शरणं गता। सर्वलक्षणसम्पन्नां ब्रह्मंस्त्वं मां प्रभाषसे॥ देवराजस्य दयितामत्यन्तं सुखभागिनीम्। अवैधव्येन युक्तां चाप्येकपत्नी पतिव्रताम्॥
tacchrutvā durmanā devī bṛhaspatimuvāca ha|| rakṣa māṃ nahuṣād brahmaṃstvāmasmi śaraṇaṃ gatā| sarvalakṣaṇasampannāṃ brahmaṃstvaṃ māṃ prabhāṣase|| devarājasya dayitāmatyantaṃ sukhabhāginīm| avaidhavyena yuktāṃ cāpyekapatnī pativratām||
Hearing this speech of the evil minded one the goodness said to Brihaspati-'Protect me from Nahusha O Brahmana. I throw myself entirely under your protection. O Brahmana, do you speak of me as having all the auspicious marks on my person, as the consort of the king of the gods and so exceedingly prosperous. Before this have you spoken of me as being (ever) without widowhood, an only wife and strictly chaste.
— tr. M.N. Dutt (1891–96) (public domain)
MBh 3 83.15
उक्तवानसि मां पूर्वमृतां तां कुरु वै गिरम्। नोक्तपूर्वं च भगवन् वृथा ते किंचिदीश्वर॥ तस्मादेतद् भवेत् सत्यं त्वयोक्तं द्विजसत्तम।
uktavānasi māṃ pūrvamṛtāṃ tāṃ kuru vai giram| noktapūrvaṃ ca bhagavan vṛthā te kiṃcidīśvara|| tasmādetad bhavet satyaṃ tvayoktaṃ dvijasattama|
O god, let this speech of your be made true. O lord, what you have said has never before proved false, therefore, O you foremost among the twice-born, let this said by you be true.
— tr. M.N. Dutt (1891–96) (public domain)
MBh 3 83.16
बृहस्पतिरथोवाच शक्राणी भयमोहिताम्॥ यदुक्ताऽसि मया देवि सत्यं ध्रुवम्। तद् भविता द्रक्ष्यसे देवराजानमिन्द्रं शीघ्रमिहागतम्॥ न भेतव्यं च नहुषात् सत्यमेतद् ब्रवीमि ते। समानयिष्ये शक्रेण न चिराद् भवतीमहम्॥
bṛhaspatirathovāca śakrāṇī bhayamohitām|| yaduktā'si mayā devi satyaṃ dhruvam| tad bhavitā drakṣyase devarājānamindraṃ śīghramihāgatam|| na bhetavyaṃ ca nahuṣāt satyametad bravīmi te| samānayiṣye śakreṇa na cirād bhavatīmaham||
Then did Brihaspati address the panicstricken queen of Indra-"What has been said by me, O goddess, will most certainly prove true. You will soon see the king of the gods, Indra, come here. Nahusha need not be feared by you. I speak this truly. I shall without delay bring Indra near you.
— tr. M.N. Dutt (1891–96) (public domain)
MBh 3 83.17
अथ शुश्राव नहुषः शक्राणी शरणं गताम्। बृहस्पतेरङ्गिरसचक्रोध स नृपस्तदा॥
atha śuśrāva nahuṣaḥ śakrāṇī śaraṇaṃ gatām| bṛhaspateraṅgirasacakrodha sa nṛpastadā||
Nahusha heard that the queen of Indra had placed herself under the protection of Brihaspati the son of Angirasa and the king became very angry.
— tr. M.N. Dutt (1891–96) (public domain)