Mahabharata — Volume III (Dutt edition) — Chapter 79
MBh 3 79.1
वैशम्पायन उवाच पुरोहितं ते प्रस्थाप्य नगरं नागसाह्वयम्। दूतान् प्रस्थापयामासुः पार्थिवेभ्यस्ततस्ततः॥
vaiśampāyana uvāca purohitaṃ te prasthāpya nagaraṃ nāgasāhvayam| dūtān prasthāpayāmāsuḥ pārthivebhyastatastataḥ||
Vaishampayana said His (Drupada's) priest, having gone towards the city called after the elephant, the Pandavas sent in messengers to the rulers in the several parts.
— tr. M.N. Dutt (1891–96) (public domain)
MBh 3 79.2
प्रस्थाप्य दूतानन्यत्र द्वारकां पुरुषर्षभः। स्वयं जगाम कौरव्यः कुन्तीपुत्रो धनंजयः॥
prasthāpya dūtānanyatra dvārakāṃ puruṣarṣabhaḥ| svayaṃ jagāma kauravyaḥ kuntīputro dhanaṃjayaḥ||
Having sent messengers elsewhere, the best among men, Dhananjaya, the son of Kunti, of race Kuru himself, went to Dwraka.
— tr. M.N. Dutt (1891–96) (public domain)
MBh 3 79.3
गते द्वारवती कृष्णे बलदेवे च माधवे। सह वृष्ण्यन्धकैः सर्वैर्भोजैश्च शतशस्तदा।॥
gate dvāravatī kṛṣṇe baladeve ca mādhave| saha vṛṣṇyandhakaiḥ sarvairbhojaiśca śataśastadā|||
sons The of Madhu, Krishna and Balarama, in company with the Vrishni race and Andhaka and Bhoja by hundreds, having gone to Dvaravati.
— tr. M.N. Dutt (1891–96) (public domain)
MBh 3 79.4
सर्वमागमयामास पाण्डवानां विचेष्टितम्। धृतराष्ट्रात्मजो राजा गूढैः प्रणिहितैश्चरैः॥
sarvamāgamayāmāsa pāṇḍavānāṃ viceṣṭitam| dhṛtarāṣṭrātmajo rājā gūḍhaiḥ praṇihitaiścaraiḥ||
The son of Dhritarashtra, himself a king, by sending scouts, privately, came to know all that had been done by the Pandavas.
— tr. M.N. Dutt (1891–96) (public domain)
MBh 3 79.5
स श्रुत्वा माधवं यान्त सदश्वैरनिलोपमैः। बलेन नातिमहता द्वारकामभ्ययात् पुरीम्॥
sa śrutvā mādhavaṃ yānta sadaśvairanilopamaiḥ| balena nātimahatā dvārakāmabhyayāt purīm||
Having heard that Madhava was on his way he set out for the city of Dwraka, with a retinue not large and good horses which could be compared to the wind.
— tr. M.N. Dutt (1891–96) (public domain)
MBh 3 79.6
तमेव दिवसं चापि कौन्तेयः पाण्डुनन्दनः। आनर्तनगरी रम्या जगामाशु धनंजयः॥
tameva divasaṃ cāpi kaunteyaḥ pāṇḍunandanaḥ| ānartanagarī ramyā jagāmāśu dhanaṃjayaḥ||
That very day had Dhananjaya, the son of Kunti, of the race of Pandu, arrived at the beautiful city of the Anartas.
— tr. M.N. Dutt (1891–96) (public domain)
MBh 3 79.7
तौ यात्वा पुरुषव्याघ्रौ द्वारकां कुरुनन्दनौ। सुप्तं ददृशतुः कृष्णं शयानं चाभिजग्मतुः॥
tau yātvā puruṣavyāghrau dvārakāṃ kurunandanau| suptaṃ dadṛśatuḥ kṛṣṇaṃ śayānaṃ cābhijagmatuḥ||
The two sons of Kuru, foremost among men, having reached Dwraka, saw Krishna asleep and went near him as he lay.
— tr. M.N. Dutt (1891–96) (public domain)
MBh 3 79.8
ततः शयाने गोविन्दे प्रविवेश सुयोधनः। उच्छीर्षतश्च कृष्णस्य निषसाद वरासने॥
tataḥ śayāne govinde praviveśa suyodhanaḥ| ucchīrṣataśca kṛṣṇasya niṣasāda varāsane||
And as Govinda lay, Suyodhana entered and sat him down on the floor which he used as a seat near the head of Krishna.
— tr. M.N. Dutt (1891–96) (public domain)
MBh 3 79.9
ततः किरीटी तस्यानुप्रविवेश महामनाः। पश्चाच्चैव स कृष्णस्य प्रह्वोऽतिष्ठत् कृताञ्जलिः॥
tataḥ kirīṭī tasyānupraviveśa mahāmanāḥ| paścāccaiva sa kṛṣṇasya prahvo'tiṣṭhat kṛtāñjaliḥ||
Then did enter the large-minded one, wearing a crown and stood with the hands clasped near the foot of Krishna.
— tr. M.N. Dutt (1891–96) (public domain)
MBh 3 79.10
प्रतिबुद्धः स वार्ष्णेयो ददर्शाग्रे किरीटिनम्। स तयोः स्वागतं कृत्वा यथावत् प्रतिपूज्य तौ॥
pratibuddhaḥ sa vārṣṇeyo dadarśāgre kirīṭinam| sa tayoḥ svāgataṃ kṛtvā yathāvat pratipūjya tau||
The son of Vrishni, having awakened, first saw the one wearing a crown and welcomed them and did them due honours.
— tr. M.N. Dutt (1891–96) (public domain)
MBh 3 79.11
तदागमनजं हेतुं पप्रच्छ मधुसूदनः। ततो दुर्योधनः कृष्णमुवाच प्रहसन्निव॥
tadāgamanajaṃ hetuṃ papraccha madhusūdanaḥ| tato duryodhanaḥ kṛṣṇamuvāca prahasanniva||
The son of Madhu asked the cause of their coming and Duryodhana said as if in jest-
— tr. M.N. Dutt (1891–96) (public domain)
MBh 3 79.12
विग्रहेऽस्मिन् भवान् साह्यं मम दातुमिहार्हति। समं हि भवतः सख्यं मम चैवार्जुनेऽपि च॥
vigrahe'smin bhavān sāhyaṃ mama dātumihārhati| samaṃ hi bhavataḥ sakhyaṃ mama caivārjune'pi ca||
"It is befitting that you should lend me your help in this war, for your friendship with myself and that with Arjuna are equal.
— tr. M.N. Dutt (1891–96) (public domain)
MBh 3 79.13
तथा सम्बन्धकं तुल्यमस्माकं त्वयि माधव। अहं चाभिगतः पूर्वं त्वामद्य मधुसूदन॥
tathā sambandhakaṃ tulyamasmākaṃ tvayi mādhava| ahaṃ cābhigataḥ pūrvaṃ tvāmadya madhusūdana||
And, O slayer of Madhu our relations with you are the same and this day I have come first to you.
— tr. M.N. Dutt (1891–96) (public domain)
MBh 3 79.14
पूर्वं चाभिगतं सन्तो भजन्ते पूर्वसारिणः। त्वं च श्रेष्ठतमो लोके सतामद्य जनार्दन। सततं सम्मतश्चैव सद्वृत्तमनुपालय॥
pūrvaṃ cābhigataṃ santo bhajante pūrvasāriṇaḥ| tvaṃ ca śreṣṭhatamo loke satāmadya janārdana| satataṃ sammataścaiva sadvṛttamanupālaya||
From the time of our ancestors, good men have befriended him who has been the first to come; and you, O Janardana, are the best person in this world; therefore act after this good example which has always been followed."
— tr. M.N. Dutt (1891–96) (public domain)
MBh 3 79.15
कृष्ण उवाच भवानभिगतः पूर्वमत्र मे नास्ति संशयः। दृष्टस्तु प्रथमं राजन् मया पार्थो धनंजयः॥
kṛṣṇa uvāca bhavānabhigataḥ pūrvamatra me nāsti saṃśayaḥ| dṛṣṭastu prathamaṃ rājan mayā pārtho dhanaṃjayaḥ||
Srikrishna said I have not the slightest doubt that you came here first, but Dhananjaya, the son of Pritha has been, O king, first seen by me.
— tr. M.N. Dutt (1891–96) (public domain)
MBh 3 79.16
तव पूर्वाभिगमनात् पूर्वं चाप्यस्य दर्शनात्। साहाय्यमुभयोरेव करिष्यामि सुयोधन॥
tava pūrvābhigamanāt pūrvaṃ cāpyasya darśanāt| sāhāyyamubhayoreva kariṣyāmi suyodhana||
O Suyodhana, yourself having come first and he having been seen by me first, I shall help both of you.
— tr. M.N. Dutt (1891–96) (public domain)
MBh 3 79.17
प्रवारणं तु बालानां पूर्वं कार्यमिति श्रुतिः। तस्मात् प्रवारणं पूर्वमर्हः पार्थो धनंजयः॥
pravāraṇaṃ tu bālānāṃ pūrvaṃ kāryamiti śrutiḥ| tasmāt pravāraṇaṃ pūrvamarhaḥ pārtho dhanaṃjayaḥ||
But the holy books lay down that the younger persons should be aided first, therefore I should first assist Dhananjaya, the son of Pritha.
— tr. M.N. Dutt (1891–96) (public domain)
MBh 3 79.18
मत्संहननतुल्यानां गोपानामर्बुद महत्। नारायणा इति ख्याताः सर्वे संग्रामयोधिनः॥
matsaṃhananatulyānāṃ gopānāmarbuda mahat| nārāyaṇā iti khyātāḥ sarve saṃgrāmayodhinaḥ||
There is that large army of a hundred million of gopas who fight in battle, each of whom is capable of slaying me and who are known as the Narayanas.
— tr. M.N. Dutt (1891–96) (public domain)
MBh 3 79.19
ते वा युधि दुराधर्षा भवन्त्वेकस्य सैनिकाः। अयुध्यमानः संग्रामे न्यस्तशस्त्रोऽहमेकतः॥
te vā yudhi durādharṣā bhavantvekasya sainikāḥ| ayudhyamānaḥ saṃgrāme nyastaśastro'hamekataḥ||
Let them, who are hard to vanquish in battle, be the army of one party of you and let myself who shall not fight, having put off my weapons, take the side of the other.
— tr. M.N. Dutt (1891–96) (public domain)
MBh 3 79.20
आभ्यामन्यतरं पार्थ यत् ते हृद्यतरं मतम्। तद वृणीतां भवानग्रे प्रवार्यस्त्वं हि धर्मतः॥
ābhyāmanyataraṃ pārtha yat te hṛdyataraṃ matam| tada vṛṇītāṃ bhavānagre pravāryastvaṃ hi dharmataḥ||
Of these two, O son of Pritha, choose any one after your liking, for have the right of choosing first.
— tr. M.N. Dutt (1891–96) (public domain)
MBh 3 79.21
वैशम्पायन उवाच एवमुक्तस्तु कृष्णेन कुन्तीपुत्रो धनंजयः। अयुध्यमानं संग्रामे वरयामास केशवम्॥
vaiśampāyana uvāca evamuktastu kṛṣṇena kuntīputro dhanaṃjayaḥ| ayudhyamānaṃ saṃgrāme varayāmāsa keśavam||
Vaishampayana said Dhananjaya the son of Kunti being thus spoken to by Krishna chose Keshava, who was not to fight in the battle.
— tr. M.N. Dutt (1891–96) (public domain)
MBh 3 79.22
नारायणममित्रघ्नं कामाज्जातमजं नृषु। सर्वक्षत्रस्य पुरतो देवदानवयोरपि॥
nārāyaṇamamitraghnaṃ kāmājjātamajaṃ nṛṣu| sarvakṣatrasya purato devadānavayorapi||
(Who was) Narayana himself, the destroyer of those who were not his friends, who had volunteered a birth among men and who was superior to all the Kshatriyas, the gods and the Danavas.
— tr. M.N. Dutt (1891–96) (public domain)
MBh 3 79.23
दुर्योधनस्तु तत् सैन्यं सर्वमावरयत् तदा। सहस्राणां सहस्रं तु योधानां प्राप्य भारत॥ कृष्णं चापहृतं ज्ञात्वा सम्प्राय परमां मुदम्। दुर्योधनस्तु तत् सैन्यं सर्वमादाय पार्थिवः॥ ततोऽभ्ययाद् भीमबलो रौहिणेयं महाबलम्। सर्वं चागमने हेतुं स तस्मै संन्यवेदयत्। प्रत्युवाच ततः शौरिर्द्धार्तराष्ट्रमिदं वचः॥
duryodhanastu tat sainyaṃ sarvamāvarayat tadā| sahasrāṇāṃ sahasraṃ tu yodhānāṃ prāpya bhārata|| kṛṣṇaṃ cāpahṛtaṃ jñātvā samprāya paramāṃ mudam| duryodhanastu tat sainyaṃ sarvamādāya pārthivaḥ|| tato'bhyayād bhīmabalo rauhiṇeyaṃ mahābalam| sarvaṃ cāgamane hetuṃ sa tasmai saṃnyavedayat| pratyuvāca tataḥ śaurirddhārtarāṣṭramidaṃ vacaḥ||
And Duryodhana then chose the whole of that army. And O son of Bharata, having got thousands upon thousands of warriors and knowing (even) that Krishna was lost to him, he became mighty pleased; And O king, Duryodhana having taken that whole army of fearful strength came to the son of Rohini who was of great strength. He submitted to him the whole cause of his coming, upon which the son of Sura said in reply to the son of Dhritarashtra.
— tr. M.N. Dutt (1891–96) (public domain)
MBh 3 79.24
बलदेव उवाच विदितं ते नरव्याघ्र सर्वं भवितुमर्हति। यन्मयोक्तं विराटस्य पुरा वैवाहिके तदा॥
baladeva uvāca viditaṃ te naravyāghra sarvaṃ bhavitumarhati| yanmayoktaṃ virāṭasya purā vaivāhike tadā||
O you best among men, it is fitting that what was said by me at the time of the marriage, should be known to you.
— tr. M.N. Dutt (1891–96) (public domain)
MBh 3 79.25
निगृह्योक्तो हृषीकेशस्त्वदर्थं कुरुनन्दन। मया सम्बन्धकं तुल्यमिति राजन् पुनः पुनः॥
nigṛhyokto hṛṣīkeśastvadarthaṃ kurunandana| mayā sambandhakaṃ tulyamiti rājan punaḥ punaḥ||
O you son of Kuru, for your sake did I speak contradicting what Hrishikesha had said. O king! again and again did I point out that our relations with both of you were equal.
— tr. M.N. Dutt (1891–96) (public domain)
MBh 3 79.26
न च तद् वाक्यमुक्तं वै केशवं प्रत्यपद्यत। न चाहमुत्सहे कृष्णं विना स्थातुमपि क्षणम्॥
na ca tad vākyamuktaṃ vai keśavaṃ pratyapadyata| na cāhamutsahe kṛṣṇaṃ vinā sthātumapi kṣaṇam||
And what I said, Keshava did not accept. I cannot for a moment exist separated from Krishna.
— tr. M.N. Dutt (1891–96) (public domain)
MBh 3 79.27
नाहं सहायः पार्थस्य नापि दुर्योधनस्य वै। इति मे निश्चिता बुद्धिर्वासुदेवमवेक्ष्य ह॥
nāhaṃ sahāyaḥ pārthasya nāpi duryodhanasya vai| iti me niścitā buddhirvāsudevamavekṣya ha||
I am no helper of either the son of Pritha or that of Duryodhana; such is the unalterable resolution I have come to after the opinion formed by Krishna.
— tr. M.N. Dutt (1891–96) (public domain)
MBh 3 79.28
जातोऽसि भारते वंशे सर्वपार्थिवपूजिते। गच्छ युद्धस्व धर्मेण क्षात्रेण पुरुषर्षभा॥
jāto'si bhārate vaṃśe sarvapārthivapūjite| gaccha yuddhasva dharmeṇa kṣātreṇa puruṣarṣabhā||
You are born in the race of Bharata, honored by all rulers of the earth; O you best among men, go and fight in strict accordance with the rules of honour and those of the military class."
— tr. M.N. Dutt (1891–96) (public domain)
MBh 3 79.29
वैशम्पायन उवाच इत्येवमुक्तस्तु तदा परिष्वज्य हलायुधम्। कृष्णं चापहतं ज्ञात्वा युद्धान्मने जितं जयम्॥
vaiśampāyana uvāca ityevamuktastu tadā pariṣvajya halāyudham| kṛṣṇaṃ cāpahataṃ jñātvā yuddhānmane jitaṃ jayam||
Being thus addressed he embraced him who used the plough as a weapon and knowing that Krishna had gone over to the other side he regarded as through a victory had already been achieved in battle.
— tr. M.N. Dutt (1891–96) (public domain)
MBh 3 79.30
सोऽभ्ययात् कृतवर्माणं धृतराष्ट्रसुतो नृपः। कृतवर्मा ददौ तस्य सेनामक्षौहिणी तदा॥
so'bhyayāt kṛtavarmāṇaṃ dhṛtarāṣṭrasuto nṛpaḥ| kṛtavarmā dadau tasya senāmakṣauhiṇī tadā||
The son of Dhritarashtra, himself a king, then went to Kritavarma and Kritavarma gave him an army counting an Akshauhini.
— tr. M.N. Dutt (1891–96) (public domain)
MBh 3 79.31
स तेन सर्वसैन्येन भीमेन कुरुनन्दनः। वृतः परिययौ हृष्टः सुहृदः सम्प्रहर्षयन्॥
sa tena sarvasainyena bhīmena kurunandanaḥ| vṛtaḥ pariyayau hṛṣṭaḥ suhṛdaḥ sampraharṣayan||
The son of Kuru, surrounded by all those troops, which were terrible looking, went forward with a light heart causing delight to his friends.
— tr. M.N. Dutt (1891–96) (public domain)
MBh 3 79.32
ततः पीताम्बरधरो जगत्स्रष्टा जनार्दनः। गते दुर्योधने कृष्णः किरीटिनमथाब्रवीत्। अयुध्यमानः कां बुद्धिमास्थायाहं वृतस्त्वया॥
tataḥ pītāmbaradharo jagatsraṣṭā janārdanaḥ| gate duryodhane kṛṣṇaḥ kirīṭinamathābravīt| ayudhyamānaḥ kāṃ buddhimāsthāyāhaṃ vṛtastvayā||
Duryodhana having departed, the creator of the world, Janardana, with yellow robes on, said to the wearer of the crown-"Knowing that I shall not take any part in the battle, why have you chosen me?"
— tr. M.N. Dutt (1891–96) (public domain)
MBh 3 79.33
अर्जुन उवाच भवान् समर्थस्तानं सर्वान् निहन्तु नात्र संशयः। निहन्तुमहमष्येकः समर्थः पुरुषर्षभ॥
arjuna uvāca bhavān samarthastānaṃ sarvān nihantu nātra saṃśayaḥ| nihantumahamaṣyekaḥ samarthaḥ puruṣarṣabha||
Arjuna said "There is no doubt that you can slay all of them. O foremost among men, I too, alone, am able to slay them all.
— tr. M.N. Dutt (1891–96) (public domain)
MBh 3 79.34
भवांस्तु कीर्तिमाँल्लोके तद् यशस्त्वां गमिष्यति। यशसां चाहमप्यर्थी तस्मादसि मया वृतः॥
bhavāṃstu kīrtimā~lloke tad yaśastvāṃ gamiṣyati| yaśasāṃ cāhamapyarthī tasmādasi mayā vṛtaḥ||
In this world you are an illustrious man and I shall attain to eminence similar to yours by killing them single-handed. I too am a seeker after fame and so will you be surrounded by me.
— tr. M.N. Dutt (1891–96) (public domain)
MBh 3 79.35
सारथ्यं तु त्वया कार्यमिति मे मानसं सदा। चिररात्रेप्सितं कामं तद् भवान् कर्तुमर्हति॥
sārathyaṃ tu tvayā kāryamiti me mānasaṃ sadā| cirarātrepsitaṃ kāmaṃ tad bhavān kartumarhati||
It has been my desire to have the office of the charioteer filled by you and it is fitting that you should fulfill this desire which has been felt by me for a long time.
— tr. M.N. Dutt (1891–96) (public domain)
MBh 3 79.36
वासुदेव उवाच उपपत्रमिदं पार्थ यत् स्पर्धसि मया सह। सारथ्यं ते करिष्यामि कामः सम्पद्यतां तव॥
vāsudeva uvāca upapatramidaṃ pārtha yat spardhasi mayā saha| sārathyaṃ te kariṣyāmi kāmaḥ sampadyatāṃ tava||
Vasudeva said It is fitting, O son of Pritha, that you measure yourself with me. I shall act as your charioteer, let your desire be fulfilled.
— tr. M.N. Dutt (1891–96) (public domain)
MBh 3 79.37
वैशम्पयान उवाच एवं प्रमुदितः पार्थः कृष्णेन सहितस्तदा। वृतो दशाहप्रवरैः पुनरायाद् युधिष्ठिरम्॥
vaiśampayāna uvāca evaṃ pramuditaḥ pārthaḥ kṛṣṇena sahitastadā| vṛto daśāhapravaraiḥ punarāyād yudhiṣṭhiram||
Vaishampayana said Being thus rendered glad, the son of Pritha, in company with Krishna and surrounded by the chiefs of the Dasharha race, came back to Yudhishthira.
— tr. M.N. Dutt (1891–96) (public domain)