Mahabharata — Volume III (Dutt edition) — Chapter 78
MBh 3 78.1
दुपद उवाच भूतानां प्राणिनः श्रेष्ठाः प्राणिनां बुद्धिजीविनः। बुद्धिमत्सु नराः श्रेष्ठा नरेष्वपि द्विजातयः॥
dupada uvāca bhūtānāṃ prāṇinaḥ śreṣṭhāḥ prāṇināṃ buddhijīvinaḥ| buddhimatsu narāḥ śreṣṭhā nareṣvapi dvijātayaḥ||
Drupada said Of all beings, those that have life are superior. Of those that have life, those that live with the help of their intelligence are superior, those that have intelligence man is superior and among men, those that are twice-born are superior.
— tr. M.N. Dutt (1891–96) (public domain)
MBh 3 78.2
द्विजेषु वैद्याः श्रेयांसो वैद्येषु कृतबुद्धयः। कृतबुद्धिषु कर्तारः कर्तृषु ब्रह्मवादिनः॥
dvijeṣu vaidyāḥ śreyāṃso vaidyeṣu kṛtabuddhayaḥ| kṛtabuddhiṣu kartāraḥ kartṛṣu brahmavādinaḥ||
Among the twice-born, those that know the Vedas are superior and among the Vedaknowing people whose understanding is cultured are superior and among people with cultured understanding those living practical lives are superior and among practical people those that know Brahma are superior.
— tr. M.N. Dutt (1891–96) (public domain)
MBh 3 78.3
स भवान् कृतबुद्धीनां प्रधान इति मे मतिः। कुलेन च विशिष्टोऽसि वयसा च श्रुतेन च॥
sa bhavān kṛtabuddhīnāṃ pradhāna iti me matiḥ| kulena ca viśiṣṭo'si vayasā ca śrutena ca||
I am of opinion that you are the chief among those who have cultured understanding, you come of a respectable family and you are aged both in years and in learning.
— tr. M.N. Dutt (1891–96) (public domain)
MBh 3 78.4
प्रज्ञया सदृशश्चासि शुक्रेणाङ्गिरसेन च। विदितं चापि ते सर्वं यथावृत्तः स कौरवः॥
prajñayā sadṛśaścāsi śukreṇāṅgirasena ca| viditaṃ cāpi te sarvaṃ yathāvṛttaḥ sa kauravaḥ||
Your wisdom is equal to that of Shukra or the son of Angirasa and it is known to you what sort of a man the Kaurava is.
— tr. M.N. Dutt (1891–96) (public domain)
MBh 3 78.5
पाण्डवश्च यथावृत्तः कुन्तीपुत्रो युधिष्ठिरः। धृतराष्ट्रस्य विदिते वञ्चिताः पाण्डवाः परैः॥
pāṇḍavaśca yathāvṛttaḥ kuntīputro yudhiṣṭhiraḥ| dhṛtarāṣṭrasya vidite vañcitāḥ pāṇḍavāḥ paraiḥ||
Also what sort of a man Yudhishthira and the son of Kunti the descendant of Pandu is. The sons Pandu were dispossessed (of their kingdom) with the help of the knowledge of Dhritarashtra.
— tr. M.N. Dutt (1891–96) (public domain)
MBh 3 78.6
विदुरेणानुनीतोऽपि पुत्रमेवानुवर्तते। शकुनिर्बुद्धिपूर्वं हि कुन्तीपुत्रं समाह्वयत्॥
vidureṇānunīto'pi putramevānuvartate| śakunirbuddhipūrvaṃ hi kuntīputraṃ samāhvayat||
Though he is advised by Vidura, he follows the instructions of his son and it was at the instigation of Shakuni that he challenged the son of Kunti.
— tr. M.N. Dutt (1891–96) (public domain)
MBh 3 78.7
अनक्षज्ञं मताक्षः सन् क्षत्रवृत्ते स्थितं शुचिम्। ते तथा वञ्चयित्वा तु धर्मराज युधिष्ठिरम्॥
anakṣajñaṃ matākṣaḥ san kṣatravṛtte sthitaṃ śucim| te tathā vañcayitvā tu dharmarāja yudhiṣṭhiram||
Adepts at the play, they robbed the virtuous king Yudhishthira who was holy, attached to the rules of the Kshatriya class and unskillful at the game of dice.
— tr. M.N. Dutt (1891–96) (public domain)
MBh 3 78.8
न कस्याञ्चिदवस्थायां राज्यं दास्यन्ति वै स्वयम्। भवांस्तु धर्मसंयुक्तं धृतराष्ट्र ब्रुवन् वचः॥
na kasyāñcidavasthāyāṃ rājyaṃ dāsyanti vai svayam| bhavāṃstu dharmasaṃyuktaṃ dhṛtarāṣṭra bruvan vacaḥ||
On no account whatever will they give back the kingdom voluntarily. You, too who will speak words of virtue to Dhritarashtra.
— tr. M.N. Dutt (1891–96) (public domain)
MBh 3 78.9
मनांसि तस्य योधानां ध्रुवमावर्तयिष्यति। विदुरश्चापि तद् वाक्यं साधयिष्यति तावकम्॥ भीष्मद्रोणकृपादीनां भेदं संजनयिष्यति। अमात्येषु च भिन्नेषु योधेषु विमुखेषु च॥
manāṃsi tasya yodhānāṃ dhruvamāvartayiṣyati| viduraścāpi tad vākyaṃ sādhayiṣyati tāvakam|| bhīṣmadroṇakṛpādīnāṃ bhedaṃ saṃjanayiṣyati| amātyeṣu ca bhinneṣu yodheṣu vimukheṣu ca||
Will certainly gain the hearts of his soldiers. And Vidura also by men of your words will try to create disaffection in minds the minds of Bhishma, Drona Kripa and others. With difference opinion among the ministers and disaffection in the soldiers.
— tr. M.N. Dutt (1891–96) (public domain)
MBh 3 78.10
पुनरेकत्रकरणं तेषां कर्म भविष्यति। एतस्मिन्नन्तरे पार्थाः सुखमेकाग्रबुद्धयः॥ सेनाकर्म करिष्यन्ति द्रव्याणां चैव संचयम्। विद्यमानेषु च स्वेषु लम्बमाने तथा त्वयि॥
punarekatrakaraṇaṃ teṣāṃ karma bhaviṣyati| etasminnantare pārthāḥ sukhamekāgrabuddhayaḥ|| senākarma kariṣyanti dravyāṇāṃ caiva saṃcayam| vidyamāneṣu ca sveṣu lambamāne tathā tvayi||
It will be their duty to make them agree and join one another; and in the meantime the very wise sons of Pritha will easily make preparations for the war and collect stores.
— tr. M.N. Dutt (1891–96) (public domain)
MBh 3 78.11
न तथा ते करिष्यन्ति सेनाकर्म न संशयः। एतत् प्रयोजनं चात्र प्राधान्येनोपलभ्यते॥
na tathā te kariṣyanti senākarma na saṃśayaḥ| etat prayojanaṃ cātra prādhānyenopalabhyate||
While you are still there and their men are delaying, they no doubt will not be able to make preparations. This is necessary and here it seems imperative.
— tr. M.N. Dutt (1891–96) (public domain)
MBh 3 78.12
संगत्या धृतराष्ट्रश्च कुर्याद् धर्म्यं वचस्तव। स भवान् धर्मयुक्तश्च धन॑ तेषु समाचरन्॥
saṃgatyā dhṛtarāṣṭraśca kuryād dharmyaṃ vacastava| sa bhavān dharmayuktaśca dhana̭ teṣu samācaran||
Yourself, being virtuous, should behave virtuously with them and Dhritarashtra, on your meeting him, may act in conformity with your virtuous words.
— tr. M.N. Dutt (1891–96) (public domain)
MBh 3 78.13
कृपालुषु परिक्लेशान् पाण्डवीयान् प्रकीर्तयन्। वृद्धेषु कुलधर्मं च ब्रुवन् पूर्वैरनुष्ठितम्॥
kṛpāluṣu parikleśān pāṇḍavīyān prakīrtayan| vṛddheṣu kuladharmaṃ ca bruvan pūrvairanuṣṭhitam||
By detailing those that are kind the hardships of the Pandavas and telling before old people the virtuous acts in the family done by their ancestors,
— tr. M.N. Dutt (1891–96) (public domain)
MBh 3 78.14
विभेत्स्यति मनांस्येषामिति मे नात्र संशयः। न च तेभ्यो भयं तेऽस्ति ब्राह्मणो ह्यसि वेदवित्॥
vibhetsyati manāṃsyeṣāmiti me nātra saṃśayaḥ| na ca tebhyo bhayaṃ te'sti brāhmaṇo hyasi vedavit||
I have no doubt you will estrange the minds of the men and you need not have any fear for them for you are a Veda knowing Brahmin,
— tr. M.N. Dutt (1891–96) (public domain)
MBh 3 78.15
दूतकर्मणि युक्तश्च स्थविरश्च विशेषतः। स भवान् पुष्ययोगेन मुहूर्तेन जयेन च। कौरवेयान् प्रयात्वाशु कौन्तेयस्यार्थसिद्धये॥
dūtakarmaṇi yuktaśca sthaviraśca viśeṣataḥ| sa bhavān puṣyayogena muhūrtena jayena ca| kauraveyān prayātvāśu kaunteyasyārthasiddhaye||
And engaged in the post of an ambassador especially as you are aged. You therefore set out quick for the accomplishment of the interests of the son of Kunti the moment called Jaya and at the position of the planets named Pushya.
— tr. M.N. Dutt (1891–96) (public domain)
MBh 3 78.16
वैशम्पायन उवाच तथानुशिष्टः प्रययौ दुपदेन महात्मना। पुरोधा वृत्तसम्पन्नो नगरं नागसाह्वयम्॥
vaiśampāyana uvāca tathānuśiṣṭaḥ prayayau dupadena mahātmanā| purodhā vṛttasampanno nagaraṃ nāgasāhvayam||
Vaishampayana said Being instructed in this way by the noblehearted Drupada the priest went to the city called after the elephant.
— tr. M.N. Dutt (1891–96) (public domain)
MBh 3 78.17
शिष्यैः परिवृतो विद्वान् नीतिशास्त्रार्थकोविदः। पाण्डवानां हितार्थाय कौरवान् प्रति जग्मिवान्॥
śiṣyaiḥ parivṛto vidvān nītiśāstrārthakovidaḥ| pāṇḍavānāṃ hitārthāya kauravān prati jagmivān||
The priest, who was learned in scriptures of ethics and economy went to the city of Kauravas with his disciples.
— tr. M.N. Dutt (1891–96) (public domain)