Mahabharata — Volume III (Dutt edition) — Chapter 70
MBh 3 70.1
वैशम्पायन उवाच ततस्तृतीये दिवसे भ्रातरः पञ्च पाण्डवाः। स्नाता: शुक्लाम्बरधराः समये चरितव्रताः॥ युधिष्ठिरं पुरस्कृत्य सर्वाभरणभूषिताः। द्वारि मत्ता यथा नागा भ्राजमाना महारथाः॥
vaiśampāyana uvāca tatastṛtīye divase bhrātaraḥ pañca pāṇḍavāḥ| snātā: śuklāmbaradharāḥ samaye caritavratāḥ|| yudhiṣṭhiraṃ puraskṛtya sarvābharaṇabhūṣitāḥ| dvāri mattā yathā nāgā bhrājamānā mahārathāḥ||
Vaishampayana said Thereupon, on the third day, being bathed and wearing white clothes and adorned with all ornaments, the five brothers, having observed their vows in due time and placed Yudhishthira before them, appeared at the gate like five infuriated elephants.
— tr. M.N. Dutt (1891–96) (public domain)
MBh 3 70.2
विराटस्य सभां गत्वा भूमिपालासनेष्वथ। निषेदुः पावकप्रख्याः सर्वे धिष्ण्येष्विवागनयः॥
virāṭasya sabhāṃ gatvā bhūmipālāsaneṣvatha| niṣeduḥ pāvakaprakhyāḥ sarve dhiṣṇyeṣvivāganayaḥ||
Having entered the assembly hall of the king Virata, they sat on thrones reserved for kings and shone there like fire on the sacrificial altar.
— tr. M.N. Dutt (1891–96) (public domain)
MBh 3 70.3
तेषु तत्रोपविष्टेषु विराटः पृथिवीपतिः। आजगाम सभां कर्तुं राजकार्याणि सर्वशः॥
teṣu tatropaviṣṭeṣu virāṭaḥ pṛthivīpatiḥ| ājagāma sabhāṃ kartuṃ rājakāryāṇi sarvaśaḥ||
They, having taken their seats, the Emperor Virata came there to perform his manifold royal duties.
— tr. M.N. Dutt (1891–96) (public domain)
MBh 3 70.4
श्रीमतः पाण्डवान् दृष्ट्वा ज्वलतः पावकानिव। मुहूर्तमिव च ध्यात्वा सरोषः पृथिवीपतिः॥
śrīmataḥ pāṇḍavān dṛṣṭvā jvalataḥ pāvakāniva| muhūrtamiva ca dhyātvā saroṣaḥ pṛthivīpatiḥ||
Beholding the beautiful Pandavas, who shone there like burning fire, the king thought for a moment and was worked up with anger.
— tr. M.N. Dutt (1891–96) (public domain)
MBh 3 70.5
अथ मत्स्योऽब्रवीत् कवं देवरूपमिव स्थितम्। मरुद्गणैरुपासीनं त्रिदशानामिवेश्वरम्॥
atha matsyo'bravīt kavaṃ devarūpamiva sthitam| marudgaṇairupāsīnaṃ tridaśānāmiveśvaram||
Then the king of Matsya's said to Kanka, who was seated there like the king of gods attended by the Maruts.
— tr. M.N. Dutt (1891–96) (public domain)
MBh 3 70.6
स किलाक्षातिवापस्त्वं सभास्तारो मया वृतः। अथ राजासने कस्मादुपविष्टस्त्वलंकृतः॥
sa kilākṣātivāpastvaṃ sabhāstāro mayā vṛtaḥ| atha rājāsane kasmādupaviṣṭastvalaṃkṛtaḥ||
You were a player at dice and were appointed by me as a courtier. Why do you, adorned with ornaments, sit on a royal throne?”
— tr. M.N. Dutt (1891–96) (public domain)
MBh 3 70.7
वैशम्पायन उवाच परिहासेप्सया वाक्यं विराटस्य निशम्य तत्। स्मयमानोऽर्जुनो राजन्निदं वचनमब्रवीत्॥
vaiśampāyana uvāca parihāsepsayā vākyaṃ virāṭasya niśamya tat| smayamāno'rjuno rājannidaṃ vacanamabravīt||
Hearing the words of Virata, Arjuna, as if smiling, said the following words to the king:
— tr. M.N. Dutt (1891–96) (public domain)
MBh 3 70.8
अर्जुन उवाच इन्द्रस्यार्धासनं राजन्नयमारोढुमर्हति। ब्रह्मण्यः श्रुतवांस्त्यगी यज्ञशीलो दृढव्रतः॥
arjuna uvāca indrasyārdhāsanaṃ rājannayamāroḍhumarhati| brahmaṇyaḥ śrutavāṃstyagī yajñaśīlo dṛḍhavrataḥ||
This man, o king, is worthy of even sharing a seat with Indra. Respectful toward Brahmanas, well read in Shrutis, even engaged in the performance of sacrifices, selfsacrificing, of firm vows,
— tr. M.N. Dutt (1891–96) (public domain)
MBh 3 70.9
एष विग्रहवान् धर्म एष वीर्यवतां वरः। एष बुद्ध्याधिको लोके तपसां च परायणम्॥
eṣa vigrahavān dharma eṣa vīryavatāṃ varaḥ| eṣa buddhyādhiko loke tapasāṃ ca parāyaṇam||
He is in fact the embodiment of Virtue and the foremost of the powerful. He is of superior intelligence in this world and intent on the performance of ascetic rites.
— tr. M.N. Dutt (1891–96) (public domain)
MBh 3 70.10
एषोऽस्त्रं विविधं वेत्ति त्रैलोक्ये सचराचरे। न चैवान्यः पुमान् वेत्ति न वेत्स्यति कदाचन॥
eṣo'straṃ vividhaṃ vetti trailokye sacarācare| na caivānyaḥ pumān vetti na vetsyati kadācana||
He knows the use of various weapons. No creature in the three worlds, either amongst the mobile or immobile, knows this like him, nor will know it.
— tr. M.N. Dutt (1891–96) (public domain)
MBh 3 70.11
न देवा नासुराः केचिन्न मनुष्या न राक्षसाः। गन्धर्वयक्षप्रवराः सकिन्नरमहोरगाः॥
na devā nāsurāḥ kecinna manuṣyā na rākṣasāḥ| gandharvayakṣapravarāḥ sakinnaramahoragāḥ||
Neither the celestials, Asuras, human beings. Rakshasas, Gandharvas, the leading Yakshas, Kinnaras, or serpents (are like him).
— tr. M.N. Dutt (1891–96) (public domain)
MBh 3 70.12
दीर्घदर्शी महातेजाः पौरजानपदप्रियः। पाण्डवानामतिरथो यज्ञधर्मपरो वशी॥
dīrghadarśī mahātejāḥ paurajānapadapriyaḥ| pāṇḍavānāmatiratho yajñadharmaparo vaśī||
He is far-sighted, highly energetic, beloved of the citizens and villagers, the foremost of car-warriors among the sons of Pandu, the performer of sacrifices, pious, and selfcontrolled.
— tr. M.N. Dutt (1891–96) (public domain)
MBh 3 70.13
महर्षिकल्पो राजर्षिः सर्वलोकेषु विश्रुतः। बलवान् धृतिमान् दक्षः सत्यवादी जितेन्द्रियः। धनैश्च सञ्चयैश्चैव शक्रवैश्रवणोपमः॥
maharṣikalpo rājarṣiḥ sarvalokeṣu viśrutaḥ| balavān dhṛtimān dakṣaḥ satyavādī jitendriyaḥ| dhanaiśca sañcayaiścaiva śakravaiśravaṇopamaḥ||
A royal saint like a great Rishi as he is, he is celebrated all over the world. He is powerful, intelligent, capable, truthful and selfcontrolled. In wealth he is equal to Indra and in amassed wealth to Kubera,
— tr. M.N. Dutt (1891–96) (public domain)
MBh 3 70.14
यथा मनुर्महातेजा लोकानां परिरक्षिता। एवमेष महातेजाः प्रजानुग्रहकारकः॥
yathā manurmahātejā lokānāṃ parirakṣitā| evameṣa mahātejāḥ prajānugrahakārakaḥ||
He is the preserver of the world like the highly powerful Manu himself. Highly powerful and kind to his subjects.
— tr. M.N. Dutt (1891–96) (public domain)
MBh 3 70.15
अयं कुरूणामृषभो धर्मराजो युधिष्ठिरः। अस्य कीर्तिः स्थिता लोके सूर्यस्येवोद्यतः प्रभा।।१६।
ayaṃ kurūṇāmṛṣabho dharmarājo yudhiṣṭhiraḥ| asya kīrtiḥ sthitā loke sūryasyevodyataḥ prabhā||16|
He is the best in Kuru dynasty and known as Dharmaraja Yudhishthira. As the pleasant and cool radiance of the rising sun, his pleasure pouring fame has been spreaded throughout the world.
— tr. M.N. Dutt (1891–96) (public domain)
MBh 3 70.16
संसरन्ति दिशः सर्वा यशसोऽस्य इवांशवः। उदितस्येव सूर्यस्य तेजसोऽनु गभस्तयः॥
saṃsaranti diśaḥ sarvā yaśaso'sya ivāṃśavaḥ| uditasyeva sūryasya tejaso'nu gabhastayaḥ||
As the sun rays spread in all directions on sun rise due to radiation, his fame with its nectar pouring white rays is spreading in all directions.
— tr. M.N. Dutt (1891–96) (public domain)
MBh 3 70.17
एनं दशसहस्राणि कुञ्जराणां तरस्विनाम्। अन्वयुः पृष्ठतो राजन् यावदध्यावसत् कुरून्॥
enaṃ daśasahasrāṇi kuñjarāṇāṃ tarasvinām| anvayuḥ pṛṣṭhato rājan yāvadadhyāvasat kurūn||
O king, during his dwelling in Kuru country, as much as ten thousand mighty elephants used to follow him.
— tr. M.N. Dutt (1891–96) (public domain)
MBh 3 70.18
त्रिंशदेनं सहस्राणि रथाः काञ्चनमालिनः। सदश्वरूपसम्पन्नाः पृष्ठतोऽनुययुस्तदा।॥
triṃśadenaṃ sahasrāṇi rathāḥ kāñcanamālinaḥ| sadaśvarūpasampannāḥ pṛṣṭhato'nuyayustadā|||
Similarly, thirty thousand chariots trimmed with garments made of gold and best quality horses used to follow him while in Kuru country.
— tr. M.N. Dutt (1891–96) (public domain)
MBh 3 70.19
एनमष्टशताः सूताः सुमृष्टमणिकुण्डलाः। अब्रुवन् मागधैः सार्धं पुरा शक्रमिवर्षयः॥
enamaṣṭaśatāḥ sūtāḥ sumṛṣṭamaṇikuṇḍalāḥ| abruvan māgadhaiḥ sārdhaṃ purā śakramivarṣayaḥ||
As all sages chant pray lord Indra, he was carlier prayed by eight hundred soothsayers and Magadha (clown) bearing gem-studded car-rings.
— tr. M.N. Dutt (1891–96) (public domain)
MBh 3 70.20
एनं नित्यमुपासन्त कुरवः किंकरा यथा। सर्वे च राजन् राजानो धनेश्वरमिवामराः॥
enaṃ nityamupāsanta kuravaḥ kiṃkarā yathā| sarve ca rājan rājāno dhaneśvaramivāmarāḥ||
O king! As the gods pray Kubera, the treasurer, all kings and Kauravas used to follow his orders daily like servants.
— tr. M.N. Dutt (1891–96) (public domain)
MBh 3 70.21
एष सर्वान् महीपालान् करदान् समकारयत्। वैश्यानिव महाभागो विवशान् स्ववशानपि॥
eṣa sarvān mahīpālān karadān samakārayat| vaiśyāniva mahābhāgo vivaśān svavaśānapi||
This great man had made all kings tax payers like Vaishyas (by subjugation) and by directing them varied ways (viz. all kings used to pay him taxes imposed).
— tr. M.N. Dutt (1891–96) (public domain)
MBh 3 70.22
अष्टाशीतिसहस्राणि स्नातकानां महात्मनाम्। उपजीवन्ति राजानमेनं सुचरितव्रतम्॥
aṣṭāśītisahasrāṇi snātakānāṃ mahātmanām| upajīvanti rājānamenaṃ sucaritavratam||
This great resolute had employed as much as eighty eight thousand learned graduates (Snatakas) and he used to consult with them daily.
— tr. M.N. Dutt (1891–96) (public domain)
MBh 3 70.23
एष वृद्धाननाथांश्च पङ्गुनन्धांश्च मानवान्। पुत्रवत् पालयामास प्रजा धर्मेण वै विभुः॥
eṣa vṛddhānanāthāṃśca paṅgunandhāṃśca mānavān| putravat pālayāmāsa prajā dharmeṇa vai vibhuḥ||
He used to provide senior people, orphans, handicapped and blind people of state with proper maintenance. This king used to defend his subjects like son with all legitimate means and resources.
— tr. M.N. Dutt (1891–96) (public domain)
MBh 3 70.24
एष धर्मे दमे चैव क्रोधे चापि जितव्रतः। महाप्रसादो ब्रह्मण्यः सत्यवादी च पार्थिवः॥
eṣa dharme dame caiva krodhe cāpi jitavrataḥ| mahāprasādo brahmaṇyaḥ satyavādī ca pārthivaḥ||
This king has resolved to control the sensory organs, always prepared to execute all what is legitimate and has ail extreme control on anger. He is kind hearted, devotee to Brahmins and truthful.
— tr. M.N. Dutt (1891–96) (public domain)
MBh 3 70.25
शीघ्रं तापेन चैतस्य तप्यते स सुयोधनः। सगणः सह कर्णेन सौबलेनापि वा विभुः॥
śīghraṃ tāpena caitasya tapyate sa suyodhanaḥ| sagaṇaḥ saha karṇena saubalenāpi vā vibhuḥ||
By virtue of his valour, Duryodhana in spite of being so mighty shortly punished for his evil tricks with Karna, Shakuni and all other attendants.
— tr. M.N. Dutt (1891–96) (public domain)
MBh 3 70.26
न शक्यन्ते ह्यस्य गुणाः प्रसंख्यातुं नरेश्वर। एष धर्मपरो नित्यमानृशंसश्च पाण्डवः॥ एवं युक्तो महाराजः पाण्डव: पार्थिवर्षभः। कथं नार्हति राजार्हमासनं पृथिवीपते।॥
na śakyante hyasya guṇāḥ prasaṃkhyātuṃ nareśvara| eṣa dharmaparo nityamānṛśaṃsaśca pāṇḍavaḥ|| evaṃ yukto mahārājaḥ pāṇḍava: pārthivarṣabhaḥ| kathaṃ nārhati rājārhamāsanaṃ pṛthivīpate|||
O king! His great virtues cannot be counted. He, the son of Pandu is generous and always religion abiding. Oking! Why is Yudhishthira, the son of Pandu not entitled to the position of a king in spite of the best virtues resting in his personality?
— tr. M.N. Dutt (1891–96) (public domain)