Mahabharata — Volume III (Dutt edition) — Chapter 57

MBh 3 57.1

वैशम्पायन उवाच दृष्ट्वा व्यूढान्यनीकानि कुरूणां कुरुनन्दन। तत्र वैराटिमामन्त्र्य पार्थो वचनमब्रवीत्॥

vaiśampāyana uvāca dṛṣṭvā vyūḍhānyanīkāni kurūṇāṃ kurunandana| tatra vairāṭimāmantrya pārtho vacanamabravīt||

Vaishampayana said Seeing the Kuru army arranged in order of battle, the son of Pandu, Partha, addressing Virata's son said :

— tr. M.N. Dutt (1891–96) (public domain)

MBh 3 57.2

जाम्बूनदमयी वेदी ध्वजे यस्य प्रदृश्यते। तस्य दक्षिणतो याहि कृपः शारद्वतो यतः॥

jāmbūnadamayī vedī dhvaje yasya pradṛśyate| tasya dakṣiṇato yāhi kṛpaḥ śāradvato yataḥ||

Do you go where Kripa, the son of Sharadvata is, by the southern side of the car the flag of which has an emblem of a golden altar.

— tr. M.N. Dutt (1891–96) (public domain)

MBh 3 57.3

वैशम्पायन उवाच धनंजयवचः श्रुत्वा वैराटिस्त्वरितस्ततः। हयान् रजतसंकाशान् हेमभाण्डानचोदयत्॥

vaiśampāyana uvāca dhanaṃjayavacaḥ śrutvā vairāṭistvaritastataḥ| hayān rajatasaṃkāśān hemabhāṇḍānacodayat||

Hearing the words of Arjuna, Virata's son, without loss of time, urged his silver white steeds decked in golden armour.

— tr. M.N. Dutt (1891–96) (public domain)

MBh 3 57.4

आनुपूर्व्यात् तु तत् सर्वमास्थाय जवमुत्तमम्। प्राहिणोच्चन्द्रसंकाशान् कुपितानिव तान् हयान्॥

ānupūrvyāt tu tat sarvamāsthāya javamuttamam| prāhiṇoccandrasaṃkāśān kupitāniva tān hayān||

Making them one by one proceed by swifter course, he urged those those horses resembling the moon as if they were angry.

— tr. M.N. Dutt (1891–96) (public domain)

MBh 3 57.5

स गत्वा कुरुसेनायाः समीपं हयकोविदः। पुनरावर्तयामास तान् हयान् वातरंहसः॥

sa gatvā kurusenāyāḥ samīpaṃ hayakovidaḥ| punarāvartayāmāsa tān hayān vātaraṃhasaḥ||

Well-versed in the management of horses, Uttara, having neared the Kuru army, turned back his horses, fleet as the wind.

— tr. M.N. Dutt (1891–96) (public domain)

MBh 3 57.6

प्रदक्षिणमुपावृत्य मण्डलं सव्यमेव च। कुरून् सम्मोहयामास मत्स्यो यानेन तत्त्ववित्॥

pradakṣiṇamupāvṛtya maṇḍalaṃ savyameva ca| kurūn sammohayāmāsa matsyo yānena tattvavit||

A skillful charioteer as he was the Matsya Prince, sometimes wheeling about, sometimes proceeding in circles and again turning to the left, bewildered the Kurus.

— tr. M.N. Dutt (1891–96) (public domain)

MBh 3 57.7

कृपस्य रथमास्थाय वैराटिरकुतोभयः। प्रदक्षिणमुपावृत्य तस्थौ तस्याग्रतो बली॥

kṛpasya rathamāsthāya vairāṭirakutobhayaḥ| pradakṣiṇamupāvṛtya tasthau tasyāgrato balī||

Going round, the powerful and fearless son of Virata, approached Kripa's car and stood before him.

— tr. M.N. Dutt (1891–96) (public domain)

MBh 3 57.8

ततोऽर्जुनः शङ्खवरं देवदत्तं महारवम्। प्रदध्मौ बलमास्थाय नाम विश्राव्य चात्मनः॥

tato'rjunaḥ śaṅkhavaraṃ devadattaṃ mahāravam| pradadhmau balamāsthāya nāma viśrāvya cātmanaḥ||

Then Arjuna with force blew that great conch Devadatta emitting a great sound and announced his name.

— tr. M.N. Dutt (1891–96) (public domain)

MBh 3 57.9

तस्य शब्दो महानासीद् धम्यमानस्य जिष्णुना। तथा वीर्यवता संख्ये पर्वतस्येव दीर्यतः॥

tasya śabdo mahānāsīd dhamyamānasya jiṣṇunā| tathā vīryavatā saṃkhye parvatasyeva dīryataḥ||

Blown on the battle-field by the powerful Vishnu the sound of that conch appeared like that of the clapping of a mountain.

— tr. M.N. Dutt (1891–96) (public domain)

MBh 3 57.10

पूजयांचक्रिरे शङ्ख कुरवः सहसैनिकाः। अर्जुनेन तथा ध्मातः शतधा यन्न दीर्यते॥

pūjayāṃcakrire śaṅkha kuravaḥ sahasainikāḥ| arjunena tathā dhmātaḥ śatadhā yanna dīryate||

Seeing that the conch was not broken into a hundred pieces when blown by Arjuna, the Kuru warriors spoke highly of it.

— tr. M.N. Dutt (1891–96) (public domain)

MBh 3 57.11

दिवमावृत्य शब्दस्तु निवृत्तः शुश्रुवे पुनः। सृष्टो मघवता वज्रः प्रपतन्निव पर्वते॥

divamāvṛtya śabdastu nivṛttaḥ śuśruve punaḥ| sṛṣṭo maghavatā vajraḥ prapatanniva parvate||

Having reached the very sky that sound came back and was heard again like that of thunderbolt when hurled by Indra against a mountain.

— tr. M.N. Dutt (1891–96) (public domain)

MBh 3 57.12

एतस्मिन्नन्तरे वीरो बलवीर्यसमन्वितः। अर्जुनं प्रति संरब्धः कृपः परमदुर्जयः। अमृष्यमाणस्तं शब्दं कृपः शारद्वतस्तदा॥ अर्जुनं प्रति संरब्धो युद्धार्थी स महारथः। महोदधिजमादाय दध्मौ वेगेन वीर्यवान्॥

etasminnantare vīro balavīryasamanvitaḥ| arjunaṃ prati saṃrabdhaḥ kṛpaḥ paramadurjayaḥ| amṛṣyamāṇastaṃ śabdaṃ kṛpaḥ śāradvatastadā|| arjunaṃ prati saṃrabdho yuddhārthī sa mahārathaḥ| mahodadhijamādāya dadhmau vegena vīryavān||

Unable to bear that sound and desirous of fighting that heroic, powerful and undaunted car-warrior, Sharadvata's son Kripa of great strength and prowess, enraged with Arjuna, took up the conch born in a great ocean and blew it with great force.

— tr. M.N. Dutt (1891–96) (public domain)

MBh 3 57.13

स तु शब्देन लोकांस्त्रीनावृत्य रथिनां वरः। धनुरादाय सुमहज्ज्याशब्दमकरोत् तदा॥

sa tu śabdena lokāṃstrīnāvṛtya rathināṃ varaḥ| dhanurādāya sumahajjyāśabdamakarot tadā||

Covering the three worlds with the sound thereof and taking up the huge bow he twanged it.

— tr. M.N. Dutt (1891–96) (public domain)

MBh 3 57.14

तौ रथौ सूर्यसंकाशौ योत्स्यमानौ महाबलौ। शारदाविव जीमूतौ व्यरोचेतां व्यवस्थितौ॥

tau rathau sūryasaṃkāśau yotsyamānau mahābalau| śāradāviva jīmūtau vyarocetāṃ vyavasthitau||

While those two highly powerful carwarriors, resembling the sun, fought with each other they appeared like two autumnal clouds.

— tr. M.N. Dutt (1891–96) (public domain)

MBh 3 57.15

ततः शारद्वतस्तूर्णं पार्थं दशभिराशुगैः। विव्याध परवीरघ्नं निशितैर्मर्मभेदिभिः॥

tataḥ śāradvatastūrṇaṃ pārthaṃ daśabhirāśugaiḥ| vivyādha paravīraghnaṃ niśitairmarmabhedibhiḥ||

Then Sharadvata's son speedily wounded Partha, the slayer of hostile heroes with ten swift coursing sharpened arrows capable of piercing into the very vitals.

— tr. M.N. Dutt (1891–96) (public domain)

MBh 3 57.16

पार्थोऽपि विश्रुतं लोके गाण्डीवं परमायुधम्। विकृष्य चिक्षेप बहून् नाराचान् मर्मभेदिनः॥

pārtho'pi viśrutaṃ loke gāṇḍīvaṃ paramāyudham| vikṛṣya cikṣepa bahūn nārācān marmabhedinaḥ||

And drawing his huge bow Gandiva wellknown in the world Partha too discharged many Narachas capable of piercing into the very vitals.

— tr. M.N. Dutt (1891–96) (public domain)

MBh 3 57.17

तान् प्राप्ताञ्छितैर्बाणैर्नाराचान् रक्तभोजनान्। कृपश्चिच्छेद पार्थस्य शतशोऽथ सहस्रशः॥

tān prāptāñchitairbāṇairnārācān raktabhojanān| kṛpaściccheda pārthasya śataśo'tha sahasraśaḥ||

Then with sharpened arrows "Kripa sundered into hundreds and thousands of pieces those blood-drinking shafts before they could reach (him).

— tr. M.N. Dutt (1891–96) (public domain)

MBh 3 57.18

ततः पार्थस्तु संक्रुद्धश्चित्रान् मार्गान् प्रदर्शयन्। दिशः संछादयन् बाणैः प्रदिशश्च महारथः। एकच्छायमिवाकाशमकरोत् सर्वतः प्रभुः॥

tataḥ pārthastu saṃkruddhaścitrān mārgān pradarśayan| diśaḥ saṃchādayan bāṇaiḥ pradiśaśca mahārathaḥ| ekacchāyamivākāśamakarot sarvataḥ prabhuḥ||

Thereupon displaying various movements in anger, the great car-warrior Partha covered all sides with a downpour of arrows.

— tr. M.N. Dutt (1891–96) (public domain)

MBh 3 57.19

प्राच्छादयदमेयात्मा पार्थः शरशतैः कृपम्। स शरैरर्दितः क्रुद्धः शितैरग्निशिखोपमैः॥

prācchādayadameyātmā pārthaḥ śaraśataiḥ kṛpam| sa śarairarditaḥ kruddhaḥ śitairagniśikhopamaiḥ||

Covering the entire sky with his arrows, that powerful warrior of exceeding energy, the son of Pritha assailed Kripa with hundreds of shafts.

— tr. M.N. Dutt (1891–96) (public domain)

MBh 3 57.20

तूर्णं दशसहस्रेण पार्थमप्रतिमौजसम्। अर्दयित्वा महात्मानं ननर्द समरे कृपः॥ ततः कनकपर्वाग्रैर्वीरः संनतपर्वभिः। त्वरन् गाण्डीवनिर्मुक्तैरर्जुनस्तस्य वाजिनः॥ चतुर्भिश्चतुरस्तीक्ष्णैरविध्यत् परमेषुभिः। हया निशितैर्बाणैर्व्वलद्भिरिव पन्नगैः। उत्पेतुः सहसा सर्वे कृपः स्थानादथाच्यवत्॥ च्युतं तु गौतमं स्थानात् समीक्ष्य कुरुनन्दनः।

tūrṇaṃ daśasahasreṇa pārthamapratimaujasam| ardayitvā mahātmānaṃ nanarda samare kṛpaḥ|| tataḥ kanakaparvāgrairvīraḥ saṃnataparvabhiḥ| tvaran gāṇḍīvanirmuktairarjunastasya vājinaḥ|| caturbhiścaturastīkṣṇairavidhyat parameṣubhiḥ| hayā niśitairbāṇairvvaladbhiriva pannagaiḥ| utpetuḥ sahasā sarve kṛpaḥ sthānādathācyavat|| cyutaṃ tu gautamaṃ sthānāt samīkṣya kurunandanaḥ|

Afflicted with those sharpened shafts resembling flame of fire and worked up with anger, Kripa, assailing soon the high-souled Partha of incomparable energy with ten thousand shafts, sent out a war cry in battle. Then the heroic Arjuna taking up his bow speedily bored through the four horses of his enemy with four dreadful straight and gold winged arrows shot from the Gandiva. Then pierced by sharpened arrows resembling flames of fire those horses all on a sudden sprang up and Kripa fell off from his place. Then seeing Gautama dislodged the son of Kunti.

— tr. M.N. Dutt (1891–96) (public domain)

MBh 3 57.21

ते नाविध्यत् परवीरघ्नो रक्षमाणोऽस्य गौरवम्॥ स तु लब्ध्वा पुनः स्थानं गौतमः सव्यसाचिनम्। विव्याध दशभिर्बाणैस्त्वरितः कङ्कपत्रिभिः॥ ततः पार्थो धनुस्तस्य भल्लेन निशितेन ह। चिच्छेदैकेन भूयश्च हस्तावापमथाहरत्॥ अथास्य कवचं बाणैर्निशितैर्मर्मभेदिभिः। व्यधमन्न च पार्थोऽस्य शरीरमवपीडयत्॥ तस्य निर्मुच्यमानस्य कवचात् काय आवभौ।

te nāvidhyat paravīraghno rakṣamāṇo'sya gauravam|| sa tu labdhvā punaḥ sthānaṃ gautamaḥ savyasācinam| vivyādha daśabhirbāṇaistvaritaḥ kaṅkapatribhiḥ|| tataḥ pārtho dhanustasya bhallena niśitena ha| cicchedaikena bhūyaśca hastāvāpamathāharat|| athāsya kavacaṃ bāṇairniśitairmarmabhedibhiḥ| vyadhamanna ca pārtho'sya śarīramavapīḍayat|| tasya nirmucyamānasya kavacāt kāya āvabhau|

The slayer of hostile heroes, did not wound him for keeping his prestige. Again regaining his position Gautama speedily pierced Savyasachin with ten sharpened and Kanka feathered arrows. Then with one sharpened arrow Partha cut off his bow and gloves. Then he cut off Kripa's coat of mail with sharp arrows capable of piercing to the very vitals but he did not wound him. Then divested of the coat of mail his body appeared.

— tr. M.N. Dutt (1891–96) (public domain)

MBh 3 57.22

समये मुच्यमानस्य सर्पस्येव तनुर्यथा॥ छिन्ने धनुषि पार्थेन सोऽन्यदादाय कार्मुकम्।

samaye mucyamānasya sarpasyeva tanuryathā|| chinne dhanuṣi pārthena so'nyadādāya kārmukam|

Like a serpent casting off its coating at the proper time. On his bow being cut off by Partha, taking up another.

— tr. M.N. Dutt (1891–96) (public domain)

MBh 3 57.23

चकार गौतमः सज्यं तदद्भुतमिवाभवत्॥ स तदप्यस्य कौन्तेयश्चिच्छेद नतपर्वणा।

cakāra gautamaḥ sajyaṃ tadadbhutamivābhavat|| sa tadapyasya kaunteyaściccheda nataparvaṇā|

Gautama made it ready. And it appeared wonderful. The son of Kunti cut off that too with arrows having depressed knots.

— tr. M.N. Dutt (1891–96) (public domain)

MBh 3 57.24

एवमन्यानि चापानि बहूनि कृतहस्तवत्। शारद्वतस्य चिच्छेद पाण्डवः परवीरहा॥

evamanyāni cāpāni bahūni kṛtahastavat| śāradvatasya ciccheda pāṇḍavaḥ paravīrahā||

In this way that slayer of hostile heroes, the son of Pandu, cut off other bows as soon as they were taken up, one after the other, by the son of Sharadvata.

— tr. M.N. Dutt (1891–96) (public domain)

MBh 3 57.25

सच्छिन्नधनुरादाय रथशक्तिं प्रतापवान्। प्राहिणोत् पाण्डुपुत्राय प्रदीप्तामशनीमिव।॥

sacchinnadhanurādāya rathaśaktiṃ pratāpavān| prāhiṇot pāṇḍuputrāya pradīptāmaśanīmiva|||

Having all his bows thus sundered that highly powerful hero took up a javelin from his car resembling a lightning and hurled it at the son of Pandu.

— tr. M.N. Dutt (1891–96) (public domain)

MBh 3 57.26

तामर्जुनस्तदाऽऽयान्तीं शक्तिं हेमविभूषिताम्। वियद्गतां महोल्काभां चिच्छेद दशभिः शरैः॥

tāmarjunastadā''yāntīṃ śaktiṃ hemavibhūṣitām| viyadgatāṃ maholkābhāṃ ciccheda daśabhiḥ śaraiḥ||

While that golden javelin came coursing through the sky, burning like a huge fire-brand Arjuna cut it off with ten arrows.

— tr. M.N. Dutt (1891–96) (public domain)

MBh 3 57.27

सापतद् शतधा छिन्ना भूमौ पार्थेन धीमता॥ युगपच्चैव भल्लैस्तु ततः सज्यधनुः कृपः।

sāpatad śatadhā chinnā bhūmau pārthena dhīmatā|| yugapaccaiva bhallaistu tataḥ sajyadhanuḥ kṛpaḥ|

As soon as that fell on the ground sundered into a hundred pieces by the intelligent Partha, Kripa took up another ready bow.

— tr. M.N. Dutt (1891–96) (public domain)

MBh 3 57.28

तमाशु निशितैः पार्थं बिभेद दशभिः शरैः॥ ततः पार्थो महातेजा विशिखानग्नितेजसः। चिक्षेप समरे क्रुद्धस्त्रयोदश शिलाशितान्॥ अथास्य युगमेकेन चतुर्भिश्चतुरो हयान्। षष्ठेन च शिरः कायाच्छरेण रथसारथेः॥ त्रिभिस्त्रिवेणुं समरे द्वाभ्यामक्षं महारथः।

tamāśu niśitaiḥ pārthaṃ bibheda daśabhiḥ śaraiḥ|| tataḥ pārtho mahātejā viśikhānagnitejasaḥ| cikṣepa samare kruddhastrayodaśa śilāśitān|| athāsya yugamekena caturbhiścaturo hayān| ṣaṣṭhena ca śiraḥ kāyācchareṇa rathasāratheḥ|| tribhistriveṇuṃ samare dvābhyāmakṣaṃ mahārathaḥ|

And immediately struck Partha with ten sharp arrows. Then the highly energetic Partha, worked up with rage, discharged thirteen sharp and fiery arrow3; with one he cut off the yoke, with four the four horses and with the sixth he cut off the head of the charioteer with three, the great car-warrior, pierced in battle, the three bamboo poles, and with two his two wheels.

— tr. M.N. Dutt (1891–96) (public domain)

MBh 3 57.29

द्वादशेन तु भल्लेन चकर्तास्य ध्वजं तदा॥ ततो वज्रनिकाशेन फाल्गुनः प्रहसन्निव। त्रयोदशेनेन्द्रसमः कृपं वक्षस्यविध्यत॥ सच्छिन्नधन्वा विरथो हताश्वो हतसारथिः। गदापाणिरवप्लुत्य तूर्णं चिक्षेप तां गदाम्॥ सा च मुक्ता गदा गुर्वी कृपेण सुपरिष्कृता। अर्जुनेन शरैर्नुन्ना प्रतिमार्गमथागमत्॥ तं तु योधाः परीप्सन्तः शारद्वतममर्षणम्। सर्वतः समरे पार्थं शरवर्षेरवाकिरन्॥ ततो विराटस्य सुतः सव्यमावृत्य वाजिनः। यमकं मण्डलं कृत्वा तान् योधान् प्रत्यवारयत्॥ ततः कृपमुपादाय विरथं ते नरर्षभाः। अपजहुर्महावेगा कुन्तीपुत्राद् धनंजयात्॥

dvādaśena tu bhallena cakartāsya dhvajaṃ tadā|| tato vajranikāśena phālgunaḥ prahasanniva| trayodaśenendrasamaḥ kṛpaṃ vakṣasyavidhyata|| sacchinnadhanvā viratho hatāśvo hatasārathiḥ| gadāpāṇiravaplutya tūrṇaṃ cikṣepa tāṃ gadām|| sā ca muktā gadā gurvī kṛpeṇa supariṣkṛtā| arjunena śarairnunnā pratimārgamathāgamat|| taṃ tu yodhāḥ parīpsantaḥ śāradvatamamarṣaṇam| sarvataḥ samare pārthaṃ śaravarṣeravākiran|| tato virāṭasya sutaḥ savyamāvṛtya vājinaḥ| yamakaṃ maṇḍalaṃ kṛtvā tān yodhān pratyavārayat|| tataḥ kṛpamupādāya virathaṃ te nararṣabhāḥ| apajahurmahāvegā kuntīputrād dhanaṃjayāt||

With the twelfth arrow he cut off his most excellent standard, and with the thirteenth resembling the thunder-bolt, Phalguni the equal of Indra, as if smiling, struck Kripa on the breast. Then with his bow cut off, dislodged from his car, his horses and charioteer slain, leaping down and taking up a mace, he soon hurled it at Arjuna. That shining and greatly polished mace hurled by him, came back baffled by Arjuna's shafts. Then to rescue the revengeful son of Sharadvata, all the soldiers covered Partha in battle on all sides with a downpour of shafts. Then turning the horses to the left and making the circle called Yamaka, Virata's son withstood all those warriors. Then taking Kripa with them, who had been dislodged from his car, all those leading warriors led him away from Dhananjaya, the son of Kunti. f

— tr. M.N. Dutt (1891–96) (public domain)