Mahabharata — Volume III (Dutt edition) — Chapter 50
MBh 3 50.1
अश्वत्थामोवाच न च तावज्जिता गावो न च सीमान्तरं गताः। न हास्तिनपुरं प्राप्तास्त्वं च कर्ण विकत्थसे॥
aśvatthāmovāca na ca tāvajjitā gāvo na ca sīmāntaraṃ gatāḥ| na hāstinapuraṃ prāptāstvaṃ ca karṇa vikatthase||
Ashvathama said The kine have not yet been acquired. Nor have they gone over the boundary. Nor have they gone to Hastinapur. Why do you, Karna, boast?
— tr. M.N. Dutt (1891–96) (public domain)
MBh 3 50.2
संग्रामांश्च बहूञ्जित्वा लब्ध्वा च विपुलं धनम्। विजित्य च परां सेनां नाहुः किंचन पौरुषम्॥
saṃgrāmāṃśca bahūñjitvā labdhvā ca vipulaṃ dhanam| vijitya ca parāṃ senāṃ nāhuḥ kiṃcana pauruṣam||
Even having won many a battle, amassed a vast fortune, vanquished their enemies, armies, truly heroic men do not utter a single word of their prowess.
— tr. M.N. Dutt (1891–96) (public domain)
MBh 3 50.3
दहत्यग्निरवाक्यस्तु तूष्णीं भाति दिवाकरः। तूष्णीं धारयते लोकान् वसुधा सचराचरान्॥
dahatyagniravākyastu tūṣṇīṃ bhāti divākaraḥ| tūṣṇīṃ dhārayate lokān vasudhā sacarācarān||
Fire burns silently and silently does the sun shine. And the earth does bear creatures mobile and immobile without a single word.
— tr. M.N. Dutt (1891–96) (public domain)
MBh 3 50.4
चातुर्वर्ण्यस्य कर्माणि विहितानि स्वयम्भुवा। धनं यैरधिगन्तव्यं यच्च कुर्वन् न दुष्यति॥
cāturvarṇyasya karmāṇi vihitāni svayambhuvā| dhanaṃ yairadhigantavyaṃ yacca kurvan na duṣyati||
The actions of the four orders have been ordained by the Self Sprung (Brahma) so that they may acquire wealth without committing a sinful act.
— tr. M.N. Dutt (1891–96) (public domain)
MBh 3 50.5
अधीत्य ब्राह्मणो वेदान् याजयेत यजेत वा। क्षत्रियो धनुराश्रित्य यजेच्चैव न याजयेत्॥
adhītya brāhmaṇo vedān yājayeta yajeta vā| kṣatriyo dhanurāśritya yajeccaiva na yājayet||
Having studied the Vedas, the Brahmanas should perform sacrifices and officiate as priests. Resorting to their vows the Kshatriyas should perform sacrifices and never officiate as priests.
— tr. M.N. Dutt (1891–96) (public domain)
MBh 3 50.6
वैश्योऽधिगम्य वित्तानि ब्रह्मकर्माणि कारयेत्। शूद्रः शुश्रूषणं कुर्यात् त्रिषु वर्णेषु नित्यशः। वन्दनायोगविधिभिर्वैतसी वृत्तिमास्थितः॥
vaiśyo'dhigamya vittāni brahmakarmāṇi kārayet| śūdraḥ śuśrūṣaṇaṃ kuryāt triṣu varṇeṣu nityaśaḥ| vandanāyogavidhibhirvaitasī vṛttimāsthitaḥ||
Having amassed wealth the Vaishyas should perform the Vedic rites there with. A Shudra should always attend to and serve the other three orders, having recourse to flattery as the means of livelihood and behaving (cringlingly) like the cane.
— tr. M.N. Dutt (1891–96) (public domain)
MBh 3 50.7
वर्तमाना यथाशास्त्रं प्राप्य चापि महीमिमाम्। सत्कुर्वन्ति महाभागा गुरून् सुविगुणानपि॥
vartamānā yathāśāstraṃ prāpya cāpi mahīmimām| satkurvanti mahābhāgā gurūn suviguṇānapi||
Duly following the the scriptures they obtained this entire earth and those great men always act respectfully to their elders even if the latter prove adverse to them,
— tr. M.N. Dutt (1891–96) (public domain)
MBh 3 50.8
प्राप्य द्यूतेन को राज्यं क्षत्रियस्तोष्टुमर्हति। तथा नृशंसरूपोऽयं धार्तराष्ट्रश्च निघृणः॥
prāpya dyūtena ko rājyaṃ kṣatriyastoṣṭumarhati| tathā nṛśaṃsarūpo'yaṃ dhārtarāṣṭraśca nighṛṇaḥ||
What Kshatriya on this earth expresses joy for having acquired a kingdom by gambling like this wicked and shameless son of Dhritarashtra?
— tr. M.N. Dutt (1891–96) (public domain)
MBh 3 50.9
तथाधिगम्य वित्तानि को विकत्थेद् विचक्षणः। निकृत्या वञ्चनायोगैश्चरन् वैतंसिको यथा।॥
tathādhigamya vittāni ko vikatthed vicakṣaṇaḥ| nikṛtyā vañcanāyogaiścaran vaitaṃsiko yathā|||
Having acquired riches in this way by deceit and fraud like a seller of meat what wise man would boast of it?
— tr. M.N. Dutt (1891–96) (public domain)
MBh 3 50.10
कतमद् द्वैरथं युद्धं यत्राजैषीर्धनंजयम्। नकुलं सहदेवं वा धनं येषां त्वया हतम्॥
katamad dvairathaṃ yuddhaṃ yatrājaiṣīrdhanaṃjayam| nakulaṃ sahadevaṃ vā dhanaṃ yeṣāṃ tvayā hatam||
In what single combat did you ever defeat Dhananjaya, Nakula or Sahadeva although you have robbed them of their riches?
— tr. M.N. Dutt (1891–96) (public domain)
MBh 3 50.11
युधिष्ठिरो जित: कस्मिन् भीमश्च बलिनां वरः। इन्द्रप्रस्थं त्वया कस्मिन् संग्रामे निर्जितं पुरा॥
yudhiṣṭhiro jita: kasmin bhīmaśca balināṃ varaḥ| indraprasthaṃ tvayā kasmin saṃgrāme nirjitaṃ purā||
Has Yudhishthira, or Bhima the foremost of the strong, been defeated by you? In what battle was Indraprastha conquered by you?
— tr. M.N. Dutt (1891–96) (public domain)
MBh 3 50.12
तथैव कतमद् युद्धं यस्मिन् कृष्णा जिता त्वया। एकवस्त्रा सभां नीता दुष्टकर्मन् रजस्वला॥
tathaiva katamad yuddhaṃ yasmin kṛṣṇā jitā tvayā| ekavastrā sabhāṃ nītā duṣṭakarman rajasvalā||
By what battle did you win Krishna, that, O you of wicked deeds, you did drag her to the assembly when she was in her course and had one cloth on?
— tr. M.N. Dutt (1891–96) (public domain)
MBh 3 50.13
मूलमेषां महत् कृत्तं साराथी चन्दनं यथा। कर्म कारयिथाः सूत तत्र किं विदुरोऽब्रवीत्॥
mūlameṣāṃ mahat kṛttaṃ sārāthī candanaṃ yathā| karma kārayithāḥ sūta tatra kiṃ viduro'bravīt||
You have cut the great root of the Sala tree. Actuated by greed when you made them work as slaves what did Vidura say?
— tr. M.N. Dutt (1891–96) (public domain)
MBh 3 50.14
यथाशक्ति मनुष्याणां शममालक्षयामहे। अन्येषामपि सत्त्वानामपि कीटपिपीलिकैः।
yathāśakti manuṣyāṇāṃ śamamālakṣayāmahe| anyeṣāmapi sattvānāmapi kīṭapipīlikaiḥ|
Men and others, even insects and ants show forgiveness as much as lies in their power.
— tr. M.N. Dutt (1891–96) (public domain)
MBh 3 50.15
द्रौपद्याः सम्परिक्लेशं न क्षन्तुं पाण्डवोऽर्हति॥ क्षयाय धार्तराष्ट्राणां प्रादुर्भूतो धनंजयः।
draupadyāḥ samparikleśaṃ na kṣantuṃ pāṇḍavo'rhati|| kṣayāya dhārtarāṣṭrāṇāṃ prādurbhūto dhanaṃjayaḥ|
The Pandava can never forgive your distressing Draupadi. Dhananjaya is born for the destruction of Dhritarashtra's sons.
— tr. M.N. Dutt (1891–96) (public domain)
MBh 3 50.16
त्वं पुनः पण्डितो भूत्वा वाचं वक्तुमिहेच्छसि॥ वैरान्तकरणो जिष्णुर्न नः शेषं करिष्यति॥
tvaṃ punaḥ paṇḍito bhūtvā vācaṃ vaktumihecchasi|| vairāntakaraṇo jiṣṇurna naḥ śeṣaṃ kariṣyati||
Appearing as a learned man you are making speeches, but will not Bibhatsu, the slayer of enemies, exterminate us all?
— tr. M.N. Dutt (1891–96) (public domain)
MBh 3 50.17
नैष देवान् न गन्धर्वान् नासुरान् न च राक्षसान्। भयादिह न युध्येत कुन्तीपुत्रो धनंजयः॥
naiṣa devān na gandharvān nāsurān na ca rākṣasān| bhayādiha na yudhyeta kuntīputro dhanaṃjayaḥ||
Dhananjaya, the son of Kunti, never from fear, withdraws himself from fighting even if it be with the Gandharvas, Asuras or Rakshasas.
— tr. M.N. Dutt (1891–96) (public domain)
MBh 3 50.18
यं यमेषोऽतिसंक्रुद्धः संग्रामे निपतिष्यति। वृक्षं गरुत्मान् वेगेन विनिहत्य तमेष्यति॥
yaṃ yameṣo'tisaṃkruddhaḥ saṃgrāme nipatiṣyati| vṛkṣaṃ garutmān vegena vinihatya tameṣyati||
On whom he will fall enraged in battle he will over-throw him like a tree by the velocity of Garuda.
— tr. M.N. Dutt (1891–96) (public domain)
MBh 3 50.19
त्वत्तो विशिष्टं वीर्येण धनुष्यमरराट्समम्। वासुदेवसमं युद्धे तं पार्थं को न पूजयेत्॥
tvatto viśiṣṭaṃ vīryeṇa dhanuṣyamararāṭsamam| vāsudevasamaṃ yuddhe taṃ pārthaṃ ko na pūjayet||
Who will not praise Partha, who is superior to yourself in prowess, equal to the king of the gods in bowmanship and equal to Vasudeva himself in battle?
— tr. M.N. Dutt (1891–96) (public domain)
MBh 3 50.20
देवं दैवेन युध्येत मानुषेण च मानुषम्। अस्त्रं ह्यस्त्रेण यो हन्यात् कोऽर्जुनेन समः पुमान्।।२०
devaṃ daivena yudhyeta mānuṣeṇa ca mānuṣam| astraṃ hyastreṇa yo hanyāt ko'rjunena samaḥ pumān||20
What man is equal to Arjuna who counteracts the celestials weapons with celestials and human weapons with human?
— tr. M.N. Dutt (1891–96) (public domain)
MBh 3 50.21
पुत्रादनन्तरं शिष्य इति धर्मविदो विदुः। एतेनापि निमित्तेन प्रियो द्रोणस्य पाण्डवः॥
putrādanantaraṃ śiṣya iti dharmavido viduḥ| etenāpi nimittena priyo droṇasya pāṇḍavaḥ||
Persons conversant with virtue say that a disciple is not different from a son. It is for this reason Arjuna is favourite with Drona.
— tr. M.N. Dutt (1891–96) (public domain)
MBh 3 50.22
यथा त्वमकरो तमिन्द्रप्रस्थं यथाऽऽहरः। यथाऽऽनैषीः सभां कृष्णां तथा युध्यस्व पाण्डवम्॥
yathā tvamakaro tamindraprasthaṃ yathā''haraḥ| yathā''naiṣīḥ sabhāṃ kṛṣṇāṃ tathā yudhyasva pāṇḍavam||
Do you fight with the Pandavas in the same way by which you defeated them at dice, by which you conquered Indraprastha and dragged Krishna to the assembly hall.
— tr. M.N. Dutt (1891–96) (public domain)
MBh 3 50.23
अयं ते मातुल: प्राज्ञः क्षत्रधर्मस्य कोविदः। दुर्दूतदेवी गान्धारः शकुनियुध्यतामिह॥
ayaṃ te mātula: prājñaḥ kṣatradharmasya kovidaḥ| durdūtadevī gāndhāraḥ śakuniyudhyatāmiha||
Let your uncle the deceitful gambler Shakuni, the prince of Gandhara, fully versed in the duties of the Kshatriyas, fight now.
— tr. M.N. Dutt (1891–96) (public domain)
MBh 3 50.24
नाक्षान् क्षिपति गाण्डीवं न कृतं द्वापरं न च। ज्वलतो निशितान् बाणांस्तांस्तान् क्षिपति गाण्डिवम्॥
nākṣān kṣipati gāṇḍīvaṃ na kṛtaṃ dvāparaṃ na ca| jvalato niśitān bāṇāṃstāṃstān kṣipati gāṇḍivam||
The Gandiva (bow) does not cast dice such as, the Krita or Dwapara but it discharges burning and sharpened arrows.
— tr. M.N. Dutt (1891–96) (public domain)
MBh 3 50.25
न हि गाण्डीवनिर्मुक्ता गार्धपक्षाः सुतेजनाः। नान्तरेष्ववतिष्ठन्ते गिरीणामपि दारणाः॥
na hi gāṇḍīvanirmuktā gārdhapakṣāḥ sutejanāḥ| nāntareṣvavatiṣṭhante girīṇāmapi dāraṇāḥ||
The dreadful arrows, shot from Gandiva of great might and winged like vultures, can rend even the mountains.
— tr. M.N. Dutt (1891–96) (public domain)
MBh 3 50.26
अन्तकः पवनो मृत्युस्तथाग्निर्वडवामुखः। कुर्युरेते क्वचिच्छेषं न तु क्रुद्धो धनंजयः॥
antakaḥ pavano mṛtyustathāgnirvaḍavāmukhaḥ| kuryurete kvaciccheṣaṃ na tu kruddho dhanaṃjayaḥ||
The regent of Dead, the god of air and the horse-faced god of fire, leave some thing behind but Dhananjaya, worked up with anger, never does so.
— tr. M.N. Dutt (1891–96) (public domain)
MBh 3 50.27
यथा सभायां द्यूतं त्वं मातुलेन सहाकरोः। तथा युध्यस्व संग्रामे सौबलेन सुरक्षितः॥
yathā sabhāyāṃ dyūtaṃ tvaṃ mātulena sahākaroḥ| tathā yudhyasva saṃgrāme saubalena surakṣitaḥ||
As backed by your uncle you played at dice in the assembly hall so do you now fight well-protected by Subala's son?
— tr. M.N. Dutt (1891–96) (public domain)
MBh 3 50.28
युध्यन्तां कामतो योधा नाहं योत्स्ये धनंजयम्। मत्स्यो ह्यस्माभिरायोध्यो यद्यागच्छेद् गवां पदम्॥२८।
yudhyantāṃ kāmato yodhā nāhaṃ yotsye dhanaṃjayam| matsyo hyasmābhirāyodhyo yadyāgacched gavāṃ padam||28|
Let any one else, if he likes, fight, I shall not fight with Dhananjaya. We shall fight with the king of Matsya's if he comes following the track of kine.
— tr. M.N. Dutt (1891–96) (public domain)