Mahabharata — Volume III (Dutt edition) — Chapter 4
MBh 3 4.1
युधिष्ठिर उवाच कर्माण्युक्तानि युष्माभिर्यानि यानि करिष्यथ। मम चापि यथा बुद्धिरुचिता विधिनिश्चयात्॥
yudhiṣṭhira uvāca karmāṇyuktāni yuṣmābhiryāni yāni kariṣyatha| mama cāpi yathā buddhirucitā vidhiniścayāt||
Yudhishthira said In consonance with the ordinance, the works which you will perform have been already described by you, and I have also said according to my discretion the office which I shall perform.
— tr. M.N. Dutt (1891–96) (public domain)
MBh 3 4.2
पुरोहितोऽयमस्माकमग्निहोत्राणि रक्षतु। सूदपौरोगवैः सार्द्ध दुपदस्य निवेशने॥
purohito'yamasmākamagnihotrāṇi rakṣatu| sūdapaurogavaiḥ sārddha dupadasya niveśane||
Let this our priest go back to the house of Drupada with our charioteer and cooks, and preserve our Agnihotra fires.
— tr. M.N. Dutt (1891–96) (public domain)
MBh 3 4.3
इन्द्रसेनमुखाश्चेमे रथानादाय केवलान्। यान्तु द्वारवतीं शीघ्रमिति मे वर्तते मतिः॥
indrasenamukhāśceme rathānādāya kevalān| yāntu dvāravatīṃ śīghramiti me vartate matiḥ||
Let these people with Indrasena as their head repair speedily with empty cars to the city of Amaravati. This is my wish.
— tr. M.N. Dutt (1891–96) (public domain)
MBh 3 4.4
इमाश्च नार्यो द्रौपद्याः सर्वाश्च परिचारिकाः। पाञ्चालानेव गच्छन्तु सूदपौरोगवैः सह॥
imāśca nāryo draupadyāḥ sarvāśca paricārikāḥ| pāñcālāneva gacchantu sūdapaurogavaiḥ saha||
Let all these attending maids of Draupadi go to the Panchalas with our charioteers and cooks.
— tr. M.N. Dutt (1891–96) (public domain)
MBh 3 4.5
सर्वैरपि च वक्तव्यं न प्राज्ञायन्त पाण्डवाः। गता ह्यस्मानपाहाय सर्वे द्वैतवनादिति॥
sarvairapi ca vaktavyaṃ na prājñāyanta pāṇḍavāḥ| gatā hyasmānapāhāya sarve dvaitavanāditi||
All of them also must say this "we do not know the Pandavas, they have all departed from Dvaitavana leaving us alone here."
— tr. M.N. Dutt (1891–96) (public domain)
MBh 3 4.6
वैशम्पायन उवाच एवं तेऽन्योन्यमामन्त्र्य कर्माण्युक्त्वा पृथक् पृथक् धौम्यमामन्त्रयामासुः स च तान् मन्त्रमब्रवीत्॥
vaiśampāyana uvāca evaṃ te'nyonyamāmantrya karmāṇyuktvā pṛthak pṛthak dhaumyamāmantrayāmāsuḥ sa ca tān mantramabravīt||
Vaishampayana said Thus having consulted one another and mentioned their own respective duties they asked the advice of Dhaumya and he also gave his advice.
— tr. M.N. Dutt (1891–96) (public domain)
MBh 3 4.7
धौम्य उवाच विहितं पाण्डवाः सर्वं ब्राह्मणेषु सुहृत्सु च। याने प्रहरणे चैव तथैवाग्निषु भारत॥
dhaumya uvāca vihitaṃ pāṇḍavāḥ sarvaṃ brāhmaṇeṣu suhṛtsu ca| yāne praharaṇe caiva tathaivāgniṣu bhārata||
O Pandavas, you have made arrangements in regard to the Brahmanas, friends, weapons and also in regard to the fires.
— tr. M.N. Dutt (1891–96) (public domain)
MBh 3 4.8
त्वया रक्षा विधातव्या कृष्णायाः फाल्गुनेन च। विदितं वो यथा सर्वं लोकवृत्तमिदं तव।॥ विदिते चापि वक्तव्यं सुहृद्भिरनुरागतः। एष धर्मश्च कामश्च अर्थश्चैव सनातनः॥ अतोऽहमपि वक्ष्यामि हेतुमत्र निबोधत।
tvayā rakṣā vidhātavyā kṛṣṇāyāḥ phālgunena ca| viditaṃ vo yathā sarvaṃ lokavṛttamidaṃ tava||| vidite cāpi vaktavyaṃ suhṛdbhiranurāgataḥ| eṣa dharmaśca kāmaśca arthaścaiva sanātanaḥ|| ato'hamapi vakṣyāmi hetumatra nibodhata|
You and Falguna (Arjuna) are to protect। Krishna. O kings, the characters of men are properly known to you all. Inspite of your knowledge, it behoves the friends to describe them out of their regard for you and that is reckoned as the everlasting virtue, pleasure and profit. Therefore I shall say something-you should attend.
— tr. M.N. Dutt (1891–96) (public domain)
MBh 3 4.9
हन्तेमां राजवसतिं राजपुत्रा ब्रवीम्यहम्॥ यथा राजकुलं प्राप्य सर्वान् दोषांस्तरिष्यथ। दुर्वसं चैव कौरव्य जानता राजवेश्मनि॥ अमानितैर्मानितैर्वा अज्ञातैः परिवत्सरम्। ततश्चतुर्दशे वर्षे चरिष्यथ यथासुखम्॥
hantemāṃ rājavasatiṃ rājaputrā bravīmyaham|| yathā rājakulaṃ prāpya sarvān doṣāṃstariṣyatha| durvasaṃ caiva kauravya jānatā rājaveśmani|| amānitairmānitairvā ajñātaiḥ parivatsaram| tataścaturdaśe varṣe cariṣyatha yathāsukham||
Alas! it is woeful to stay with a king, I shall tell you. O princes, how you shall avert the calamities while residing in the royal premises. O Kauravas, whether respected or not, may you pass thus at the royal residence undiscovered by those who know you. Then in the fourteenth year you will act according to your own pleasure.
— tr. M.N. Dutt (1891–96) (public domain)
MBh 3 4.10
दृष्टद्वारो लभेद् द्रष्टुं राजस्वेषु न विश्वसेत्। तदेवासनमन्विच्छेद् यत्र नाभिपतेत् परः॥
dṛṣṭadvāro labhed draṣṭuṃ rājasveṣu na viśvaset| tadevāsanamanvicched yatra nābhipatet paraḥ||
One ought to obtain previous permission should he want to appear before the king. As regards royal secrets one should not give credit when they are mentioned; one should rather court that seat where no one can defeat him.
— tr. M.N. Dutt (1891–96) (public domain)
MBh 3 4.11
यो न यानं न पर्यत न पीठं न गजं रथम्। आरोहेत् सम्मतोऽस्मीति स राजवसतिं वसेत्॥
yo na yānaṃ na paryata na pīṭhaṃ na gajaṃ ratham| ārohet sammato'smīti sa rājavasatiṃ vaset||
He alone can live in a royal residence who does not, with the confidence that he is a favorite, make use of the king's car, vehicle, or bedstead, or seat, or elephant or chariot.
— tr. M.N. Dutt (1891–96) (public domain)
MBh 3 4.12
यत्र यत्रैनमासीनं शङ्करन् दुष्टचारिणः। न तत्रोपविशेद् यो वै स राजवसतिं वसेत्॥
yatra yatrainamāsīnaṃ śaṅkaran duṣṭacāriṇaḥ| na tatropaviśed yo vai sa rājavasatiṃ vaset||
He alone can live in a royal house who sits on a seat the occupation of which cannot create any suspicion in the minds of the wicked.
— tr. M.N. Dutt (1891–96) (public domain)
MBh 3 4.13
न चानुशिष्याद् राजानमपृच्छन्तं कदाचन। तूष्णीं त्वेनमुपासीत काले समभिपूजयेत्॥ असूयन्ति हि राजानो जनाननृतवादिनः। तथैव चावमन्यन्ते मन्त्रिणं वादिनं मृषा॥
na cānuśiṣyād rājānamapṛcchantaṃ kadācana| tūṣṇīṃ tvenamupāsīta kāle samabhipūjayet|| asūyanti hi rājāno janānanṛtavādinaḥ| tathaiva cāvamanyante mantriṇaṃ vādinaṃ mṛṣā||
Unasked no one should even offer a counsel to the king; one should pay respect to never him with reticence and homage in time. Kings wish to have those who babble and hate counsellors who tell lies.
— tr. M.N. Dutt (1891–96) (public domain)
MBh 3 4.14
नैषां दारेषु कुर्वीत मैत्री प्राज्ञः कदाचन। अन्तःपुरचरा ये च द्वेष्टि यानहिताश्च ये॥
naiṣāṃ dāreṣu kurvīta maitrī prājñaḥ kadācana| antaḥpuracarā ye ca dveṣṭi yānahitāśca ye||
A wise man should contract friendship with the wife of the king nor with the other inmates of his seraglio, nor with those whom the despises and who are hostile to him.
— tr. M.N. Dutt (1891–96) (public domain)
MBh 3 4.15
विदिते चास्य कुर्वीत कार्याणि सुलघून्यपि। एवं विचरतो राज्ञि न क्षतिर्जायते क्वचित्॥
vidite cāsya kurvīta kāryāṇi sulaghūnyapi| evaṃ vicarato rājñi na kṣatirjāyate kvacit||
One about the king should perform the act, however greatly insignificant may be in his presence. There would be no harm to him should he behave himself towards the king in the way.
— tr. M.N. Dutt (1891–96) (public domain)
MBh 3 4.16
गच्छन्नपि परां भूमिमपृष्टो ह्यनियोजितः। जात्यन्ध इव मन्येत मर्यादामनुचिन्तयन्॥
gacchannapi parāṃ bhūmimapṛṣṭo hyaniyojitaḥ| jātyandha iva manyeta maryādāmanucintayan||
Holding even the highest office one should, until he is asked or commanded, regard himself as born-blind in consideration of the dignity of his position).
— tr. M.N. Dutt (1891–96) (public domain)
MBh 3 4.17
न हि पुत्रं न नप्तारं न भ्रातरमरिंदमाः। समतिक्रान्तमर्यादं पूजयन्ति नराधिपाः॥
na hi putraṃ na naptāraṃ na bhrātaramariṃdamāḥ| samatikrāntamaryādaṃ pūjayanti narādhipāḥ||
Because the kings show no consideration even to their sons, grandsons and brothers when they are found to disregarded their dignity.
— tr. M.N. Dutt (1891–96) (public domain)
MBh 3 4.18
यत्नाच्चोपचरेदेनमग्निवद् देववत् त्विह। अनृतेनोपचीर्णो हि हन्यादेव न संशयः॥
yatnāccopacaredenamagnivad devavat tviha| anṛtenopacīrṇo hi hanyādeva na saṃśayaḥ||
In this world a king should be carefully served like the fire-god or any other deity; one that plays false to the king is killed by him; this admits of no doubt.
— tr. M.N. Dutt (1891–96) (public domain)
MBh 3 4.19
यद् यद् भर्तानुयुट्टीत तत् तदेवानुवर्तयेत्। प्रमादमवलेपं च कोप च परिवर्जयते॥
yad yad bhartānuyuṭṭīta tat tadevānuvartayet| pramādamavalepaṃ ca kopa ca parivarjayate||
One should follow what the master directs, and renounce carelessness, pride and anger.
— tr. M.N. Dutt (1891–96) (public domain)
MBh 3 4.20
समर्थनासु सर्वासु हितं च प्रियमेव च। संवर्णयेत् तदेवास्य प्रियादपि हितं भवेत्॥
samarthanāsu sarvāsu hitaṃ ca priyameva ca| saṃvarṇayet tadevāsya priyādapi hitaṃ bhavet||
After carefully pondering over all things one should relate to the king what is both agreeable and profitable; but one must say what is beneficial in preference to what is merely agreeable.
— tr. M.N. Dutt (1891–96) (public domain)
MBh 3 4.21
अनुकूलो भवेच्चास्य सर्वार्थेषु कथासु च। अप्रियं चाहितं यत् स्यात् तदस्मै नानुवर्णयेत्॥
anukūlo bhaveccāsya sarvārtheṣu kathāsu ca| apriyaṃ cāhitaṃ yat syāt tadasmai nānuvarṇayet||
In all matters and works one ought to be well-disposed towards the king and should never relate to him what is disagreeable and unprofitable.
— tr. M.N. Dutt (1891–96) (public domain)
MBh 3 4.22
नाहमस्य प्रियोऽस्मीति मत्वा सेवेत पण्डितः। अप्रमत्तश्च सततं हितं कुर्यात् प्रियं च यत्॥
nāhamasya priyo'smīti matvā seveta paṇḍitaḥ| apramattaśca satataṃ hitaṃ kuryāt priyaṃ ca yat||
Thinking that one is not his favourite, one should serve the king, always do him what is good and pleasant without neglect.
— tr. M.N. Dutt (1891–96) (public domain)
MBh 3 4.23
नास्यानिष्टानि सेवेत नाहितैः सह संवदेत्। स्वस्थानान्न विकम्पेत स राजवसतिं वसेत्॥
nāsyāniṣṭāni seveta nāhitaiḥ saha saṃvadet| svasthānānna vikampeta sa rājavasatiṃ vaset||
He alone can live in a royal house who does not swerve from his place, nor does him any injury, nor associates with those who are unfriendly to him (the king).
— tr. M.N. Dutt (1891–96) (public domain)
MBh 3 4.24
दक्षिणं वाथ वामं वा पार्श्वमासीत् पण्डितः। रक्षिणां ह्यात्तशस्त्राणां स्थानं पश्चाद् विधीयते॥ नित्यं हि प्रतिषिद्धं तु पुरस्तादासनं महत्। न च संदर्शने किञ्चित् प्रवृत्तमपि संजयेत्॥
dakṣiṇaṃ vātha vāmaṃ vā pārśvamāsīt paṇḍitaḥ| rakṣiṇāṃ hyāttaśastrāṇāṃ sthānaṃ paścād vidhīyate|| nityaṃ hi pratiṣiddhaṃ tu purastādāsanaṃ mahat| na ca saṃdarśane kiñcit pravṛttamapi saṃjayet||
Learned men should sit either on the right or the left side of the king, because the place behind him is reverend, for the guards furnished with arms and seats in his front are always forbidden.
— tr. M.N. Dutt (1891–96) (public domain)
MBh 3 4.25
अपि ह्येतद् दरिद्राणां व्यलीकस्थानमुत्तमम्। न मृषाभिहितं राज्ञां मनुष्येषु प्रकाशयेत्॥
api hyetad daridrāṇāṃ vyalīkasthānamuttamam| na mṛṣābhihitaṃ rājñāṃ manuṣyeṣu prakāśayet||
No one should give publicity to what transpires in the very presence of the king because even for those who are very favourite it is looked upon as the height of impertinence.
— tr. M.N. Dutt (1891–96) (public domain)
MBh 3 4.26
असूयन्ति हि राजानो नराननृतवादिनः। तथैव चावमन्यन्ते नरान् पण्डितमानिनः॥
asūyanti hi rājāno narānanṛtavādinaḥ| tathaiva cāvamanyante narān paṇḍitamāninaḥ||
One should not reveal to others any lie, that has been told by the king for he is annoyed with those who report his lies and also despise those who regard themselves as learned.
— tr. M.N. Dutt (1891–96) (public domain)
MBh 3 4.27
शूरोऽस्मीति न दृप्तः स्याद् बुद्धिमानिति वा पुनः। प्रियमेवाचरन् राज्ञः प्रियो भवति भोगवान्॥
śūro'smīti na dṛptaḥ syād buddhimāniti vā punaḥ| priyamevācaran rājñaḥ priyo bhavati bhogavān||
A person that does not take pride in thinking "I am heroic and intelligent," and conducts himself agreeably to the wishes of the king is worthy of royal favour and amenities of life.
— tr. M.N. Dutt (1891–96) (public domain)
MBh 3 4.28
ऐश्वर्यं प्राप्य दुष्प्रापं प्रियं प्राप्य च राजतः। अप्रमत्तो भवेद् राज्ञः प्रियेषु च हितेषु च॥
aiśvaryaṃ prāpya duṣprāpaṃ priyaṃ prāpya ca rājataḥ| apramatto bhaved rājñaḥ priyeṣu ca hiteṣu ca||
A person, obtaining from the king wealth and other agreeable things hard to acquire, must employ himself assiduously in doing for him what is both pleasant and profitable.
— tr. M.N. Dutt (1891–96) (public domain)
MBh 3 4.29
यस्य कोपो महाबाधः प्रसादश्च महाफलः। कस्तस्य मनसापीच्छेदनर्थं प्राज्ञसम्मतः॥
yasya kopo mahābādhaḥ prasādaśca mahāphalaḥ| kastasya manasāpīcchedanarthaṃ prājñasammataḥ||
What person, that is agreeable to the wise, can even contemplate a wrong to him, whose wrath is a great trouble and whose propitiation is productive of great fruits?
— tr. M.N. Dutt (1891–96) (public domain)
MBh 3 4.30
न चोष्ठौ न भुजौ जानू न च वाक्यं समाक्षिपेत्। सदा वातं च वाचं च ष्ठीवनं चाचरेच्छनैः॥
na coṣṭhau na bhujau jānū na ca vākyaṃ samākṣipet| sadā vātaṃ ca vācaṃ ca ṣṭhīvanaṃ cācarecchanaiḥ||
In the presence of the king no one should move his lips, anus and thighs and one should speak gently, spit slowly and break wind softly.
— tr. M.N. Dutt (1891–96) (public domain)
MBh 3 4.31
हास्यवस्तुषु चान्यस्य वर्तमानेषु केषुचित्। नातिगाढं प्रहृष्येत न चाप्युन्मत्तवद्धसेत्॥
hāsyavastuṣu cānyasya vartamāneṣu keṣucit| nātigāḍhaṃ prahṛṣyeta na cāpyunmattavaddhaset||
In the presence of the king if any laughable matter is mooted, a person should not enjoy it with the utmost reserve, nor should he laugh like a maniac.
— tr. M.N. Dutt (1891–96) (public domain)
MBh 3 4.32
न चातिधैर्येण चरेद् गुरुतां हि व्रजेत् ततः। स्मितं तु मृदुपूर्वेण दर्शयेत प्रसादजम्॥ लाभे न हर्षयेद् यस्तु न व्यथेद् योऽवमानितः। असम्मूढश्च यो नित्यं स राजवसतिं वसेत्॥
na cātidhairyeṇa cared gurutāṃ hi vrajet tataḥ| smitaṃ tu mṛdupūrveṇa darśayeta prasādajam|| lābhe na harṣayed yastu na vyathed yo'vamānitaḥ| asammūḍhaśca yo nityaṃ sa rājavasatiṃ vaset||
No person should restrain himself to the reserve, for in that case he should lead him to an unnecessary gravity. But he should smile with modesty and without betraying any mistaken interest as regards real cause of the mirth. He that is always on his guard, and is neither exalted by reward nor feels wronged by disgrace, is alone worthy of residing in a royal palace.
— tr. M.N. Dutt (1891–96) (public domain)
MBh 3 4.33
राजानं राजपुत्रं वा संवर्णयति यः सदा। अमात्यः पण्डितो भूत्वा स चिरं तिष्ठते प्रियः॥
rājānaṃ rājaputraṃ vā saṃvarṇayati yaḥ sadā| amātyaḥ paṇḍito bhūtvā sa ciraṃ tiṣṭhate priyaḥ||
The learned courtier who always describes the king and princes in suitable terms can stay long as a favorite in a royal residence.
— tr. M.N. Dutt (1891–96) (public domain)
MBh 3 4.34
प्रगृहीतश्च योऽमात्यो निगृहीतस्त्वकारणैः। न निर्वदति राजानं लभते सम्पदं पुनः॥
pragṛhītaśca yo'mātyo nigṛhītastvakāraṇaiḥ| na nirvadati rājānaṃ labhate sampadaṃ punaḥ||
The favored counsel or who refrains from speaking ill of the king, if ever deprived of royal grace for some causes, regains his prosperity.
— tr. M.N. Dutt (1891–96) (public domain)
MBh 3 4.35
प्रत्यक्षं च परोक्षं च गुणवादी विचक्षणः। उपजीवी भवेद् राज्ञो विषये योऽपि वा भवेत्॥
pratyakṣaṃ ca parokṣaṃ ca guṇavādī vicakṣaṇaḥ| upajīvī bhaved rājño viṣaye yo'pi vā bhavet||
The person, who earns his livelihood through the favour of the king or lives in his dominion, if prudent, must eulogize him both in his presence and behind him.
— tr. M.N. Dutt (1891–96) (public domain)
MBh 3 4.36
अमात्यो हि बलाद् भोत्तुंक्क राजानं प्रार्थयेत यः। न स तिष्ठेच्चिरं स्थानं गच्छेच्च प्राणसंशयम्॥
amātyo hi balād bhottuṃkka rājānaṃ prārthayeta yaḥ| na sa tiṣṭhecciraṃ sthānaṃ gacchecca prāṇasaṃśayam||
The courtier, who desires to gain his end by using force on the king, does not hold his place long and incurs the danger of losing his life.
— tr. M.N. Dutt (1891–96) (public domain)
MBh 3 4.37
श्रेयः दृष्ट्वा परं राज्ञा न संवदेत्। विशेषयेच्च राजानं योग्यभूमिषु सर्वदा॥
śreyaḥ dṛṣṭvā paraṃ rājñā na saṃvadet| viśeṣayecca rājānaṃ yogyabhūmiṣu sarvadā||
No person should, for the sake of his own interest, hold communion with the king's enemies, nor should one always come forward to instruct the king on all occasions, however suitable they may be.
— tr. M.N. Dutt (1891–96) (public domain)
MBh 3 4.38
अम्लानो बलवाञ्छूरश्छायेवानुगतः सदा। सत्यवादी मृदुर्दान्तः स राजवसतिं वसेत्॥
amlāno balavāñchūraśchāyevānugataḥ sadā| satyavādī mṛdurdāntaḥ sa rājavasatiṃ vaset||
He, who is cheerful mighty, brave, truthful, gentle and of subdued passions, and who always follows the king like a shadow, is alone capable of living in a royal palace.
— tr. M.N. Dutt (1891–96) (public domain)
MBh 3 4.39
अन्यस्मिन् प्रेष्यमाणे तु पुरस्ताद् यः समुत्पतेत्। अहं किं करवाणीति स राजवसतिं वसेत्॥ सदाऽऽत्मनो
anyasmin preṣyamāṇe tu purastād yaḥ samutpatet| ahaṃ kiṃ karavāṇīti sa rājavasatiṃ vaset|| sadā''tmano
He who steps forward saying "pray, I will do it," when another is entrusted with a work, is alone worthy of living in a royal residence.
— tr. M.N. Dutt (1891–96) (public domain)
MBh 3 4.40
आन्तरे चैव बाह्ये च राज्ञा यश्चाथ सर्वदा। आदिष्टो नैव कम्पेत स राजवसतिं वसेत्॥
āntare caiva bāhye ca rājñā yaścātha sarvadā| ādiṣṭo naiva kampeta sa rājavasatiṃ vaset||
He who never fears when commanded by the king to do work, wither in or out of his dominion, is alone fit for living in the royal premises.
— tr. M.N. Dutt (1891–96) (public domain)
MBh 3 4.41
यो वै गृहेभ्यः प्रवसन् प्रियाणां नानुसंस्मरेत्। दुःखेन सुखमन्विच्छेत् स राजवसतिं वसेत्॥
yo vai gṛhebhyaḥ pravasan priyāṇāṃ nānusaṃsmaret| duḥkhena sukhamanvicchet sa rājavasatiṃ vaset||
He alone, can live in a royal palace, who, although staying away from home, never remembers his beloved ones and suffers misery in the expectation of future happiness.
— tr. M.N. Dutt (1891–96) (public domain)
MBh 3 4.42
समवेषं न कुर्वीत नोच्चैः संनिहितो वसेत्। न मन्त्रं बहुधा कुर्यादेवं राज्ञः प्रियो भवेत्॥
samaveṣaṃ na kurvīta noccaiḥ saṃnihito vaset| na mantraṃ bahudhā kuryādevaṃ rājñaḥ priyo bhavet||
One should not dress like the king, should not burst out into a loud laughter in the presence of the king, nor should one divulge royal counsels; behaving in this way one may become favourite of the king.
— tr. M.N. Dutt (1891–96) (public domain)
MBh 3 4.43
न कर्मणि नियुक्तः सन् धनं किञ्चिदपि स्पृशेत्। प्राप्नोति हि हरन् द्रव्यं बन्धनं यदि वा वधम्॥
na karmaṇi niyuktaḥ san dhanaṃ kiñcidapi spṛśet| prāpnoti hi haran dravyaṃ bandhanaṃ yadi vā vadham||
Appointed to a work one should not lay hands on money; if one does it he runs the risk of being imprisoned or put to death.
— tr. M.N. Dutt (1891–96) (public domain)
MBh 3 4.44
यानं वस्त्रमलङ्कारं यच्चान्यत् सम्प्रयच्छति। तदेव धारयेन्नित्यमेवं प्रियतरो भवेत्॥
yānaṃ vastramalaṅkāraṃ yaccānyat samprayacchati| tadeva dhārayennityamevaṃ priyataro bhavet||
One should always use the cars, the robes, the ornaments and other things which the king bestows; and by doing this one should win the royal favour.
— tr. M.N. Dutt (1891–96) (public domain)
MBh 3 4.45
एवं संयम्य चित्तानि यत्नतः पाण्डुनन्दनाः। संवत्सरमिमं तात तथाशीला बुभूषत। अथ स्वविषयं प्राप्य यथाकामं करिष्यथ॥
evaṃ saṃyamya cittāni yatnataḥ pāṇḍunandanāḥ| saṃvatsaramimaṃ tāta tathāśīlā bubhūṣata| atha svaviṣayaṃ prāpya yathākāmaṃ kariṣyatha||
O sons of Pandu, thus controlling your minds with great efforts, spend, O children, this year, adorned with good manners. Then regaining your kingdom you may act according to your own pleasure.
— tr. M.N. Dutt (1891–96) (public domain)
MBh 3 4.46
युधिष्ठिर उवाच अनुशिष्टाः स्म भद्रं ते नैतद् वक्तास्ति कश्चन्। कुन्तीमृते मातरं नो विदुरं वा महामतिम्॥
yudhiṣṭhira uvāca anuśiṣṭāḥ sma bhadraṃ te naitad vaktāsti kaścan| kuntīmṛte mātaraṃ no viduraṃ vā mahāmatim||
Yudhishthira said By you we have been instructed; let good betide you. There is no one else who could say so except our mother Kunti and the highininded Vidura,
— tr. M.N. Dutt (1891–96) (public domain)
MBh 3 4.47
यदेवानन्तरं कार्य तद् भवान् कर्तुमर्हति। तारणायास्य दुःखस्य प्रस्थानाय जयाय च॥
yadevānantaraṃ kārya tad bhavān kartumarhati| tāraṇāyāsya duḥkhasya prasthānāya jayāya ca||
Now it behoves you to do all that is necessary for our departure, for the removal of our woes and for the achievement of victory over foe.
— tr. M.N. Dutt (1891–96) (public domain)
MBh 3 4.48
वैशम्पायन उवाच एवमुक्तस्ततो राज्ञा धौम्योऽथ द्विजसत्तमः। अकरोद् विधिवत् सर्वं प्रस्थाने यद् विधीयते॥
vaiśampāyana uvāca evamuktastato rājñā dhaumyo'tha dvijasattamaḥ| akarod vidhivat sarvaṃ prasthāne yad vidhīyate||
Vaishampayana said Thus addressed by the king, Dhaumya, the best of the twice-born, arranged all that was necessary for their departure.
— tr. M.N. Dutt (1891–96) (public domain)
MBh 3 4.49
तेषां समिध्य तानग्नीन् मन्त्रवच्च जुहाव सः। समृद्धिवृद्धिलाभाय पृथिवीविजयाय च॥
teṣāṃ samidhya tānagnīn mantravacca juhāva saḥ| samṛddhivṛddhilābhāya pṛthivīvijayāya ca||
Lighting up fires, he offered with Mantras the oblations on them that they might gain prosperity and success and spread their conquest all over the earth.
— tr. M.N. Dutt (1891–96) (public domain)
MBh 3 4.50
अग्नीन् प्रदक्षिणीकृत्य ब्राह्मणांश्च तपोधनान्। याज्ञसेनी पुरस्कृत्य षडेवाथ प्रवव्रजुः॥
agnīn pradakṣiṇīkṛtya brāhmaṇāṃśca tapodhanān| yājñasenī puraskṛtya ṣaḍevātha pravavrajuḥ||
Then the six, having circumbulated the fire and the Brahmanas whose only treasure is austerity, departed with Yajnseni ahead of them.
— tr. M.N. Dutt (1891–96) (public domain)
MBh 3 4.51
गतेषु तेषु वीरेषु धौम्योऽथ जपतां वरः। अग्निहोत्राण्युपादाय पाञ्चालानभ्यगच्छत॥
gateṣu teṣu vīreṣu dhaumyo'tha japatāṃ varaḥ| agnihotrāṇyupādāya pāñcālānabhyagacchata||
These heroes having departed, Dhaumya, the great among ascetics, took their Agnihotra fires and started for Panchalas.
— tr. M.N. Dutt (1891–96) (public domain)
MBh 3 4.52
इन्द्रसेनाद्रयश्चैव यथोक्ताः प्राप्य यादवान्। रथानश्वांश्च रक्षन्तः सुखमूषुः सुसंवृताः॥
indrasenādrayaścaiva yathoktāḥ prāpya yādavān| rathānaśvāṃśca rakṣantaḥ sukhamūṣuḥ susaṃvṛtāḥ||
Indrasena and others as mentioned before, after having gone to the Yadavas spent their days happily and privately in looking after the horses and cars of the Pandavas.
— tr. M.N. Dutt (1891–96) (public domain)