Mahabharata — Volume III (Dutt edition) — Chapter 38
MBh 3 38.1
वैशम्पायन उवाच स राजधान्या निर्याय वैराटिरकुतोभयः। प्रयाहीत्यब्रवीत् सूतं यत्र ते कुरवो गताः॥
vaiśampāyana uvāca sa rājadhānyā niryāya vairāṭirakutobhayaḥ| prayāhītyabravīt sūtaṃ yatra te kuravo gatāḥ||
Vaishampayana said Having come out of the metropolis the brave son of Virata said to his charioteer:-"Go where the Kurus are."
— tr. M.N. Dutt (1891–96) (public domain)
MBh 3 38.2
समवेताम् कुरून् सर्वाढिागीषूनवजित्य वै। गास्तेषां क्षिप्रमादाय पुनरेष्याम्यहं पुरम्॥
samavetām kurūn sarvāḍhiāgīṣūnavajitya vai| gāsteṣāṃ kṣipramādāya punareṣyāmyahaṃ puram||
Having vanquished all the Kurus who have come here for victory and quickly rescued the kine I shall come back to the city of Virata.
— tr. M.N. Dutt (1891–96) (public domain)
MBh 3 38.3
ततस्तांश्चोदयामास सदश्वान् पाण्डुनन्दनः। ते हया नरसिंहेन नोदिता वातरंहसः। आलिखन्त इवाकाशमूहः काञ्चनमालिनः॥
tatastāṃścodayāmāsa sadaśvān pāṇḍunandanaḥ| te hayā narasiṃhena noditā vātaraṃhasaḥ| ālikhanta ivākāśamūhaḥ kāñcanamālinaḥ||
Thereupon the son of Pandu urged on the beautiful horses. Being urged on by that foremost of men, those horses, endued with the velocity of wind.
— tr. M.N. Dutt (1891–96) (public domain)
MBh 3 38.4
नातिदूरमथो गत्वा मत्स्यपुत्रधनंजयौ। अवेक्षताममित्रघ्नौ कुरूणां बलिनां बलम्॥
nātidūramatho gatvā matsyaputradhanaṃjayau| avekṣatāmamitraghnau kurūṇāṃ balināṃ balam||
Adorned with gold necklaces, seemed to run through the sky. And not going very far, the son of Matsya and Dhananjaya.
— tr. M.N. Dutt (1891–96) (public domain)
MBh 3 38.5
श्मशानमभितो गत्वा आससाद कुरूनथ। तां शमीमन्ववीक्षेतां व्यढानीकांश्च सर्वशः॥
śmaśānamabhito gatvā āsasāda kurūnatha| tāṃ śamīmanvavīkṣetāṃ vyaḍhānīkāṃśca sarvaśaḥ||
Those two repressors of enemies espied the army of the powerful Kurus. And going towards the cremation ground they reached the Kurus.
— tr. M.N. Dutt (1891–96) (public domain)
MBh 3 38.6
तदनीकं महत् तेषां विबभौ सागरोपमम्। सर्पमाणमिवाकाशे वनं बहुलपादपम्॥
tadanīkaṃ mahat teṣāṃ vibabhau sāgaropamam| sarpamāṇamivākāśe vanaṃ bahulapādapam||
And they saw their army arranged in battle array. That huge army appeared like an ocean.
— tr. M.N. Dutt (1891–96) (public domain)
MBh 3 38.7
ददृशे पार्थिवो रेणुर्जनितस्तेन सर्पता। दृष्टिप्रणाशो भूतानां दिवस्पृक् कुरुसत्तम॥
dadṛśe pārthivo reṇurjanitastena sarpatā| dṛṣṭipraṇāśo bhūtānāṃ divaspṛk kurusattama||
Or like a forest full of many trees moving through the sky. Then was seen the dust of the earth raise by the moving army.
— tr. M.N. Dutt (1891–96) (public domain)
MBh 3 38.8
तदनीकं महद् दृष्ट्वा गजाश्वरथसंकुलम्। कर्णदुर्योधनकृपैर्गुप्तं शान्तनवेन च॥
tadanīkaṃ mahad dṛṣṭvā gajāśvarathasaṃkulam| karṇaduryodhanakṛpairguptaṃ śāntanavena ca||
Which destroyed the vision of creatures and touched the sky, O best of Kurus. Then beholding that huge army abounding in elephants, horses and chariots.
— tr. M.N. Dutt (1891–96) (public domain)
MBh 3 38.9
द्रोणेन च सपुत्रेण महेष्वासेन धीमता। हृष्टरोमा भयोद्विग्नः पार्थं वैराटिरब्रवीत्॥
droṇena ca saputreṇa maheṣvāsena dhīmatā| hṛṣṭaromā bhayodvignaḥ pārthaṃ vairāṭirabravīt||
And protected by Karna, Duryodhana, Bhishma, the highly intelligent and great bowman Drona with his son, Virata's son, worked up with fear and having hairs erect, said to Partha.
— tr. M.N. Dutt (1891–96) (public domain)
MBh 3 38.10
उत्तर उवाच नोत्सहे कुरुभिर्योद्धं रोमहर्षं हि पश्य मे। बहुप्रवीरमत्युग्रं देवैरपि दुरासदम्॥ प्रतियोद्धं न शक्ष्यामि कुरुसैन्यमनन्तकम्। नाशंसे भारती सेनां प्रवेष्टुं भीमकार्मुकम्॥ रथनागाश्वकलिलां पत्तिध्वजसमाकुलाम्। दृष्ट्वैव हि परानाजौ मनः प्रव्यथतीव मे॥
uttara uvāca notsahe kurubhiryoddhaṃ romaharṣaṃ hi paśya me| bahupravīramatyugraṃ devairapi durāsadam|| pratiyoddhaṃ na śakṣyāmi kurusainyamanantakam| nāśaṃse bhāratī senāṃ praveṣṭuṃ bhīmakārmukam|| rathanāgāśvakalilāṃ pattidhvajasamākulām| dṛṣṭvaiva hi parānājau manaḥ pravyathatīva me||
Uttara said I dare not fight with the Kurus: see the hairs of my body have stood erect. I am unable to fight with the vast Kuru army, consisting of many irrepressible heroes and hard to be vanquished even by the celestials. I dare not enter into the army of the Bharatas consisting of the dreadful bowmen, horses, elephants, chariots infantry and flags. My mind is pained at the view of the enemy in the battle-field.
— tr. M.N. Dutt (1891–96) (public domain)
MBh 3 38.11
यत्र द्रोणच भीष्मश्च कृपः कर्णो विविंशतिः। अश्वत्थामा विकर्णश्च सोमदत्तश्च बा िकः॥
yatra droṇaca bhīṣmaśca kṛpaḥ karṇo viviṃśatiḥ| aśvatthāmā vikarṇaśca somadattaśca bā ikaḥ||
Where (stand) Drona, Bhishma, Karna, Kripa, Vivinshati, Ashvatthama, Vikarana, Somadatta, Balhika.
— tr. M.N. Dutt (1891–96) (public domain)
MBh 3 38.12
दुर्योधनस्तथा वीरो राजा च रथिनां वरः। द्युतिमन्तो महेष्वासाः सर्वे युद्धविशारदाः॥
duryodhanastathā vīro rājā ca rathināṃ varaḥ| dyutimanto maheṣvāsāḥ sarve yuddhaviśāradāḥ||
The heroic king Duryodhana, the foremost of car-warriors and other effulgent, great bowmen, all skilled in warfare.
— tr. M.N. Dutt (1891–96) (public domain)
MBh 3 38.13
दृष्ट्वैव हि कुरूनेतान् व्यूढानीकान् प्रहारिणः। हृषितानि च रोमाणि कश्मलं चागतं मम॥
dṛṣṭvaiva hi kurūnetān vyūḍhānīkān prahāriṇaḥ| hṛṣitāni ca romāṇi kaśmalaṃ cāgataṃ mama||
Beholding these Kurus, expert in fight, arrayed in battle order I am beside myself with fear and my hairs have stood erect.
— tr. M.N. Dutt (1891–96) (public domain)
MBh 3 38.14
वैशम्पायन उवाच अविजातो विजातस्य मौाद् धूर्तस्य पश्यतः। परिदेवयते मन्दः सकाशे सव्यसाचिनः॥
vaiśampāyana uvāca avijāto vijātasya mauād dhūrtasya paśyataḥ| paridevayate mandaḥ sakāśe savyasācinaḥ||
Vaishampayana said The coward and foolish Uttara began to bewail out of foolishness before Savyasachin who was high-spirited and disguised. Uttara said
— tr. M.N. Dutt (1891–96) (public domain)
MBh 3 38.15
त्रिगर्तान् मे पिता यातः शून्ये सम्प्रणिधाय माम्। सर्वां सेनामुपादाय न मे सन्तीह सैनिकाः॥
trigartān me pitā yātaḥ śūnye sampraṇidhāya mām| sarvāṃ senāmupādāya na me santīha sainikāḥ||
My sire has gone out to fight with Trigartas taking the entire army with him and leaving me alone in the empty city there are no soldiers for me.
— tr. M.N. Dutt (1891–96) (public domain)
MBh 3 38.16
सोऽहमेको बहून् बालः कृतास्त्रानकृतश्रमः। प्रतियोद्धुं न शक्ष्यामि निवर्तस्व बृहन्नले॥
so'hameko bahūn bālaḥ kṛtāstrānakṛtaśramaḥ| pratiyoddhuṃ na śakṣyāmi nivartasva bṛhannale||
Single-handed and a mere stripling as I am I have not toiled much over the use of arms. I am not capable of fighting with all these skilled in arms; desist therefore, O Brihannala.
— tr. M.N. Dutt (1891–96) (public domain)
MBh 3 38.17
बृहन्नलोवाच भयेन दीनरूपोऽसि द्विषतां हर्षवर्धनः। न च तावत् कृतं कर्म परैः किंचिद् रणाजिरे॥
bṛhannalovāca bhayena dīnarūpo'si dviṣatāṃ harṣavardhanaḥ| na ca tāvat kṛtaṃ karma paraiḥ kiṃcid raṇājire||
Brihannala said You are pale with fear; why do you increase the delight of your enemies? Even now you have done nothing with your enemies in the field of action.
— tr. M.N. Dutt (1891–96) (public domain)
MBh 3 38.18
स्वयमेव च मामात्य वह मां कौरवान् प्रति। सोऽहं त्वां तत्र नेष्यामि यत्रैते बहुला ध्वजाः॥
svayameva ca māmātya vaha māṃ kauravān prati| so'haṃ tvāṃ tatra neṣyāmi yatraite bahulā dhvajāḥ||
You yourself told me "Take me to the Kauravas” and I shall take you there where there are many flags.
— tr. M.N. Dutt (1891–96) (public domain)
MBh 3 38.19
मध्यमामिषगृध्राणां कुरूणामाततायिनाम्। नेष्यामि त्वां महाबाहो पृथिव्यामपि युध्यताम्॥
madhyamāmiṣagṛdhrāṇāṃ kurūṇāmātatāyinām| neṣyāmi tvāṃ mahābāho pṛthivyāmapi yudhyatām||
0 you having large arms, I shall take you to the Kurus ready to fight (for kine) like hawks for meat, (even) if they are prepared to fight for the earth.
— tr. M.N. Dutt (1891–96) (public domain)
MBh 3 38.20
तथा स्त्रीषु प्रतिश्रुत्य पौरुषं पुरुषेषु च। कत्थमानोऽभिनिर्याय किमर्थं न युयुत्ससे॥
tathā strīṣu pratiśrutya pauruṣaṃ puruṣeṣu ca| katthamāno'bhiniryāya kimarthaṃ na yuyutsase||
Vaunting of your manliness while starting before men and women, why do you not desire to fight?
— tr. M.N. Dutt (1891–96) (public domain)
MBh 3 38.21
न चेद् विजित्य गास्तास्त्वं गृहान् वै प्रतियास्यसि। प्रहसिष्यन्ति वीरास्त्वां नरा नार्यश्च संगताः॥
na ced vijitya gāstāstvaṃ gṛhān vai pratiyāsyasi| prahasiṣyanti vīrāstvāṃ narā nāryaśca saṃgatāḥ||
If you, without defeating them and taking back your kine, return home, all men and women, O hero, when they will meet, will laugh at you.
— tr. M.N. Dutt (1891–96) (public domain)
MBh 3 38.22
अहमप्यत्र सैरन्ध्या ख्याता सारथ्यकर्मणि। न च शक्ष्याम्यनिर्जित्य गाः प्रयातुं पुरं प्रति॥
ahamapyatra sairandhyā khyātā sārathyakarmaṇi| na ca śakṣyāmyanirjitya gāḥ prayātuṃ puraṃ prati||
As for me I had been highly spoken of by Sairandhri for my skill as a charioteer. I shall not therefore be able to return to the city without taking the kine. correction compelete
— tr. M.N. Dutt (1891–96) (public domain)
MBh 3 38.23
स्तोत्रेण चैव सैरन्ध्यास्तव वाक्येन तेन च। कथं न युध्येयमहं कुरून् सर्वान् स्थिरो भव॥
stotreṇa caiva sairandhyāstava vākyena tena ca| kathaṃ na yudhyeyamahaṃ kurūn sarvān sthiro bhava||
For Sairandhri's eulogy, and your words (I have come here); why should I not therefore fight with the Kurus; be quiet.
— tr. M.N. Dutt (1891–96) (public domain)
MBh 3 38.24
उत्तर उवाच कामं हरन्तु मत्स्यानां भूयांसः कुरवो धनम्। प्रहसन्तु च मां नार्यो नरा वापि बृहन्नले॥
uttara uvāca kāmaṃ harantu matsyānāṃ bhūyāṃsaḥ kuravo dhanam| prahasantu ca māṃ nāryo narā vāpi bṛhannale||
Uttara said Let the Kurus take away the profuse riches of the Matsya's a they like; let men and women laugh at me, O Brihannala.
— tr. M.N. Dutt (1891–96) (public domain)
MBh 3 38.25
संग्रामे न च कार्यं मे गावो गच्छन्तु चापि मे। शून्यं मे नगरं चापि पितुश्चैव बिभेग्यहम्॥
saṃgrāme na ca kāryaṃ me gāvo gacchantu cāpi me| śūnyaṃ me nagaraṃ cāpi pituścaiva bibhegyaham||
Let the kine go any where, let my city be desolate, let me fear my father, but I shall not enter into battle.
— tr. M.N. Dutt (1891–96) (public domain)
MBh 3 38.26
वैशम्पायन उवाच इत्युक्त्वा प्राद्रवत् भीतो रथात् प्रस्कन्ध कुण्डली। त्यक्त्वा मानं च दर्षं च विसृज्य सशरं धनुः॥
vaiśampāyana uvāca ityuktvā prādravat bhīto rathāt praskandha kuṇḍalī| tyaktvā mānaṃ ca darṣaṃ ca visṛjya saśaraṃ dhanuḥ||
Vaishampayana said Saying this, that one, adorned with earrings, got down from the chariot, and leaving behind, in fear, his bow and arrows fled away at the sacrifice of his honour and pride.
— tr. M.N. Dutt (1891–96) (public domain)
MBh 3 38.27
बृहन्नलोवाच नैष शूरैः स्मृतो धर्मः क्षत्रियस्य पलायनम्। श्रेयस्तु मरणं युद्धे न भीतस्य पलायनम्॥
bṛhannalovāca naiṣa śūraiḥ smṛto dharmaḥ kṣatriyasya palāyanam| śreyastu maraṇaṃ yuddhe na bhītasya palāyanam||
Brihannala said To fly is not the practice of the brave and the Kshatriyas; death in battle is preferable to flight in fear.
— tr. M.N. Dutt (1891–96) (public domain)
MBh 3 38.28
वैशम्पायन उवाच एवमुक्त्वा तु कौन्तेयः सोऽवप्लुत्य रथोत्तमात्। तमन्वधावद् धावन्तं राजपुत्रं धनंजयः॥
vaiśampāyana uvāca evamuktvā tu kaunteyaḥ so'vaplutya rathottamāt| tamanvadhāvad dhāvantaṃ rājaputraṃ dhanaṃjayaḥ||
Vaishampayana said Saying this Dhananjaya, the son of Kunti, coming down from the excellent car, pursued the prince who was thus running away.
— tr. M.N. Dutt (1891–96) (public domain)
MBh 3 38.29
दीर्घा वेणी विधुन्वानः साधु रक्ते च वाससी। विधूय वेणी धावन्तमजानन्तोऽर्जुनं तदा॥ सैनिकाः प्राहसन् केचित् तथारूपमवेक्ष्य तम्। तं शीघ्रमभिधावन्तं सम्प्रेक्ष्य कुरवोऽब्रुवन्॥
dīrghā veṇī vidhunvānaḥ sādhu rakte ca vāsasī| vidhūya veṇī dhāvantamajānanto'rjunaṃ tadā|| sainikāḥ prāhasan kecit tathārūpamavekṣya tam| taṃ śīghramabhidhāvantaṃ samprekṣya kuravo'bruvan||
His long braid of hair and pure white garments were fluttering in the air. Not knowing that Arjuna was running with his long braid of hair flowing and seeing him some soldiers burst out into laughter. And seeing him thus run quickly the Kurus said.
— tr. M.N. Dutt (1891–96) (public domain)
MBh 3 38.30
क एष वेषसंच्छन्नो भस्मन्येव हुताशनः । किंचिदस्य यथा पुंसः किंचिदस्य यथा स्त्रियः॥
ka eṣa veṣasaṃcchanno bhasmanyeva hutāśanaḥ | kiṃcidasya yathā puṃsaḥ kiṃcidasya yathā striyaḥ||
Who is this man who is concealed like fire in ashes. He is partly a man and partly a woman.
— tr. M.N. Dutt (1891–96) (public domain)
MBh 3 38.31
सारूप्यमर्जुनस्येव क्लीपरूपं बिभर्ति च। तदेवैतच्छिरो ग्रीवं तौ बाहू परिघोपमौ। तद्वदेवास्य विक्रान्तं नायमन्यो धनंजयात्॥
sārūpyamarjunasyeva klīparūpaṃ bibharti ca| tadevaitacchiro grīvaṃ tau bāhū parighopamau| tadvadevāsya vikrāntaṃ nāyamanyo dhanaṃjayāt||
Although assuming a neuter form he appears like Arjuna. His is the same, head, same neck, and are the same arms resembling maces.
— tr. M.N. Dutt (1891–96) (public domain)
MBh 3 38.32
अमरेष्विव देवेन्द्रो मानुषेषु धनंजयः। एकः कोऽस्मानुपायायादन्यो लोके धनंजयात्॥
amareṣviva devendro mānuṣeṣu dhanaṃjayaḥ| ekaḥ ko'smānupāyāyādanyo loke dhanaṃjayāt||
His movement is also like his; he cannot be but Dhananjaya. As Indra is amongst the immurtals so is Dhananjaya amongst men.
— tr. M.N. Dutt (1891–96) (public domain)
MBh 3 38.33
एकः पुत्रो विराटस्य शून्ये संनिहितः पुरे। स एष किल निर्यातो बालभावान्न पौरुषात्॥
ekaḥ putro virāṭasya śūnye saṃnihitaḥ pure| sa eṣa kila niryāto bālabhāvānna pauruṣāt||
Excepting Dhananjaya who, in this world, alone can come to fight with us? Only one son of Virata has been left in the empty city.
— tr. M.N. Dutt (1891–96) (public domain)
MBh 3 38.34
सत्रेण नूनं छन्नं हि चरन्तं पार्थमर्जुनम्। उत्तर: सारथिं नगराद् बहिः॥ स नो मन्यामहे दृष्ट्वा भीत एष पलायते। तं नूनमेष धावन्तं जिघृक्षति धनंजयः॥
satreṇa nūnaṃ channaṃ hi carantaṃ pārthamarjunam| uttara: sārathiṃ nagarād bahiḥ|| sa no manyāmahe dṛṣṭvā bhīta eṣa palāyate| taṃ nūnameṣa dhāvantaṃ jighṛkṣati dhanaṃjayaḥ||
He has come out of childishness and not of heroism. Uttara must have issued out of the city making Arjuna the son of Pritha his charioteer who is living in disguise. It appears to us that he, seeing us, is flying away in fear. And forsooth Dhananjaya is following him to bring him back.
— tr. M.N. Dutt (1891–96) (public domain)
MBh 3 38.35
वैशम्पायन उवाच इति स्म कुरवः सर्वे विमृशन्तः पृथक् पृथक्। न च व्यवसितुं किंचिदुत्तरं शक्नुवन्ति ते॥ छन्नं तथा तं सत्रेण पाण्डवं प्रेक्ष्य भारत। उत्तरं तु प्रधावन्तमभिद्रुत्य धनंजयः। गत्वा पदशतं तूर्णं केशपक्षे परामृशत्॥ सोऽर्जुनेन परामृष्टः पर्यदेवयदार्तवत्। बहुलं कृपणं चैव विराटस्य सुतस्तदा॥ कृत्वा निर्यातो
vaiśampāyana uvāca iti sma kuravaḥ sarve vimṛśantaḥ pṛthak pṛthak| na ca vyavasituṃ kiṃciduttaraṃ śaknuvanti te|| channaṃ tathā taṃ satreṇa pāṇḍavaṃ prekṣya bhārata| uttaraṃ tu pradhāvantamabhidrutya dhanaṃjayaḥ| gatvā padaśataṃ tūrṇaṃ keśapakṣe parāmṛśat|| so'rjunena parāmṛṣṭaḥ paryadevayadārtavat| bahulaṃ kṛpaṇaṃ caiva virāṭasya sutastadā|| kṛtvā niryāto
O Bharata, seeing the son of Pandu in disguise all the Kurus thus thought separately but they could not arrive at a conclusion. Dhananjaya however, quickly following the fleeing Uttara, seized him within a hundred steps by the hair. Held by Arjuna the son of Virata began to lament piteously like one forlorn.
— tr. M.N. Dutt (1891–96) (public domain)
MBh 3 38.36
उत्तर उवाच शृणुयास्त्वं हि कल्याणि बृहन्नले सुमध्यमे। निवर्तय रथं क्षिप्रं जीवन् भद्राणि पश्यति॥
uttara uvāca śṛṇuyāstvaṃ hi kalyāṇi bṛhannale sumadhyame| nivartaya rathaṃ kṣipraṃ jīvan bhadrāṇi paśyati||
Uttara said Hear, O youthful Brihannala, turn back the chariot. He, who lives, secures prosperity.
— tr. M.N. Dutt (1891–96) (public domain)
MBh 3 38.37
शातकुम्भम्य शुद्धस्य शतं निष्कान् ददामि ते। मणीनष्टौ च वैदूर्यान् हेमबद्धान् महाप्रभान्॥ हेमदण्डप्रतिच्छन्नं रथं युक्तं च सुव्रतैः। मत्तांश्च दश मातङ्गान् मुञ्च मां त्वं बृहन्नले॥
śātakumbhamya śuddhasya śataṃ niṣkān dadāmi te| maṇīnaṣṭau ca vaidūryān hemabaddhān mahāprabhān|| hemadaṇḍapraticchannaṃ rathaṃ yuktaṃ ca suvrataiḥ| mattāṃśca daśa mātaṅgān muñca māṃ tvaṃ bṛhannale||
I will give you a hundred coins of pure gold, eight highly brilliant jems Vaidurya set with gold, one car with a golden flag-staff and drawn by excellent horses and ten infuriated elephants. Release me, Brihannala.
— tr. M.N. Dutt (1891–96) (public domain)
MBh 3 38.38
वैशम्पायन उवाच एवमादीनि वाक्यानि विलपन्तमचेतसम्। प्रहस्य पुरुषव्याघ्रो रथस्यान्तिकमानयत्॥
vaiśampāyana uvāca evamādīni vākyāni vilapantamacetasam| prahasya puruṣavyāghro rathasyāntikamānayat||
Vaishampayana said Holding him forcibly who was bewailing in these strains being beside himself that foremost of men brought him near the car.
— tr. M.N. Dutt (1891–96) (public domain)
MBh 3 38.39
अथैनमब्रवीत् पार्थो भयार्तं नष्टचेतसम्। यदि नोत्सहसे योद्धं शत्रुभिः शत्रुकर्षण। एहि मे त्वं हयान् यच्छ युध्यमानस्य शत्रुभिः॥
athainamabravīt pārtho bhayārtaṃ naṣṭacetasam| yadi notsahase yoddhaṃ śatrubhiḥ śatrukarṣaṇa| ehi me tvaṃ hayān yaccha yudhyamānasya śatrubhiḥ||
Partha then said to him who was stricken with fear and deprived of his senses. “O repressor of foes, if you do not like to fight with your enemies, come, govern the horses while I fight with them.
— tr. M.N. Dutt (1891–96) (public domain)
MBh 3 38.40
प्रयाह्येतद् रथानीकं मद्बाहुबलरक्षितः। अप्रधृष्यतमं घोरं गुप्तं वीरैमहारथैः॥ मा भैस्त्वं राजपुत्राय क्षत्रियोऽसि परंतप।
prayāhyetad rathānīkaṃ madbāhubalarakṣitaḥ| apradhṛṣyatamaṃ ghoraṃ guptaṃ vīraimahārathaiḥ|| mā bhaistvaṃ rājaputrāya kṣatriyo'si paraṃtapa|
Protected by the strength of my arms do you enter into the dreadful and inaccessible collection of arms guarded by brave and powerful horses. Fear not, O repressor of foes, for you are the foremost of princes and a Kshatriya.
— tr. M.N. Dutt (1891–96) (public domain)
MBh 3 38.41
कथं पुरुषशार्दूल शत्रुमध्ये विषीदसि॥ अहं वै कुरुभिर्योत्स्ये विजेष्यामि च ते पशून्।
kathaṃ puruṣaśārdūla śatrumadhye viṣīdasi|| ahaṃ vai kurubhiryotsye vijeṣyāmi ca te paśūn|
Why are you pulled down in the midst of enemies O foremost of men? I shall fight with the Kurus and release your animals.
— tr. M.N. Dutt (1891–96) (public domain)
MBh 3 38.42
प्रविश्यैतद् रथानीकमप्रधृष्यं दुरासदम्॥ यन्ता भव नरश्रेष्ठ योत्स्येऽहं कुरुभिः सह।
praviśyaitad rathānīkamapradhṛṣyaṃ durāsadam|| yantā bhava naraśreṣṭha yotsye'haṃ kurubhiḥ saha|
Entering into the formidable and impenetrable army. Be you my charioteer, O foremost of men, I shall fight with the Kurus.
— tr. M.N. Dutt (1891–96) (public domain)
MBh 3 38.43
एवं ब्रुवाणो बीभत्सुर्वैराटिमपराजितः। समाश्वास्य मुहूर्तं तमुत्तरं भरतर्षभ॥
evaṃ bruvāṇo bībhatsurvairāṭimaparājitaḥ| samāśvāsya muhūrtaṃ tamuttaraṃ bharatarṣabha||
Thus speaking to Uttara, the son of Virata, Bibhatsu, never defeated in battle, excited him for the time being, O foremost of Viratas.
— tr. M.N. Dutt (1891–96) (public domain)
MBh 3 38.44
तत एनं विचेष्टन्तमकामं भयपीडितम्। रथमारोपयामास पार्थः प्रहरतां वरः॥
tata enaṃ viceṣṭantamakāmaṃ bhayapīḍitam| rathamāropayāmāsa pārthaḥ praharatāṃ varaḥ||
Then Partha, the foremost of repressors took upon the car that unwilling and fainting prince, assailed with fear.
— tr. M.N. Dutt (1891–96) (public domain)