Mahabharata — Volume III (Dutt edition) — Chapter 34
MBh 3 34.1
वैशम्पायन उवाच एवमुक्ते तु सव्रीडः सुशर्माऽऽसीदधोमुखः। स मुक्तोऽभ्येत्य राजानमभिवाद्य प्रतस्थिवान्॥
vaiśampāyana uvāca evamukte tu savrīḍaḥ suśarmā''sīdadhomukhaḥ| sa mukto'bhyetya rājānamabhivādya pratasthivān||
Vaishampayana said Thus addressed Susharma was filled with shame and bent down his head. And liberated and bowing to the king he went away.
— tr. M.N. Dutt (1891–96) (public domain)
MBh 3 34.2
विसृज्य तु सुशर्माणं पाण्डवास्ते हतद्विषः। स्वबाहुबलसम्पन्ना ह्रीनिषेवा यतव्रताः॥ संग्रामशिरसो मध्ये तां रात्रिं सुखिनोऽवसन्। ततो विराटः कौन्तेयानतिमानुषविक्रमान्। अर्चयामास वित्तेन मानेन च महारथान्॥
visṛjya tu suśarmāṇaṃ pāṇḍavāste hatadviṣaḥ| svabāhubalasampannā hrīniṣevā yatavratāḥ|| saṃgrāmaśiraso madhye tāṃ rātriṃ sukhino'vasan| tato virāṭaḥ kaunteyānatimānuṣavikramān| arcayāmāsa vittena mānena ca mahārathān||
Having released Susharma, the Pandavas, then enemies slain, endowed with the strength of arms, observant of vows, and modest, passed that night happily in the midst of the battle-field. Then Virata honoured, with wealth and respect, those mighty car-warriors, the of Kunti, who were gifted with superhuman prowess.
— tr. M.N. Dutt (1891–96) (public domain)
MBh 3 34.3
विराट उवाच यथैव मम रत्नानि युष्माकं तानि वै तथा। कार्यं कुरुत वै सर्वे यथाकामं यथासुखम्॥
virāṭa uvāca yathaiva mama ratnāni yuṣmākaṃ tāni vai tathā| kāryaṃ kuruta vai sarve yathākāmaṃ yathāsukham||
sons Virata said All these my jewels are as much mine as yours; do you all work as you like and as may conduce to your happiness.
— tr. M.N. Dutt (1891–96) (public domain)
MBh 3 34.4
ददाम्यलंकृताः कन्या वसूनि विविधानि च। मनसश्चाप्यभिप्रेतं युद्धे शत्रुनिबर्हणाः॥
dadāmyalaṃkṛtāḥ kanyā vasūni vividhāni ca| manasaścāpyabhipretaṃ yuddhe śatrunibarhaṇāḥ||
O repressors of foes in battle, I shall center upon you women adorned with ornaments, plentiful riches and other things that you may like.
— tr. M.N. Dutt (1891–96) (public domain)
MBh 3 34.5
युष्माकं विक्रमादद्य मुक्तोऽहं स्वस्तिमानिह। तस्माद् भवन्तो मत्स्यानामीश्वराः सर्व एव हि॥
yuṣmākaṃ vikramādadya mukto'haṃ svastimāniha| tasmād bhavanto matsyānāmīśvarāḥ sarva eva hi||
By your prowess today I have been saved from peril. I am now crowned with victory. Do you all become the kings of Matsya's.
— tr. M.N. Dutt (1891–96) (public domain)
MBh 3 34.6
वैशम्पायन उवाच तथेतिवादिनं मत्स्यं कौरवेयाः पृथक् पृथक्। ऊचुः प्राढालयः सर्वे युधिष्ठिरपुरोगमाः॥
vaiśampāyana uvāca tathetivādinaṃ matsyaṃ kauraveyāḥ pṛthak pṛthak| ūcuḥ prāḍhālayaḥ sarve yudhiṣṭhirapurogamāḥ||
Vaishampayana said Those Kauravas, headed by Yudhishthira, with folded heads, said each severally to the king of the Matsya who had addressed them thus.
— tr. M.N. Dutt (1891–96) (public domain)
MBh 3 34.7
प्रतिनन्दाम ते वाक्यं सर्वं चैव विशाम्पते। एतेनैव प्रतीताः स्म यत् त्वं मुक्तोऽद्य शत्रुभिः॥
pratinandāma te vākyaṃ sarvaṃ caiva viśāmpate| etenaiva pratītāḥ sma yat tvaṃ mukto'dya śatrubhiḥ||
O king, we have been perfectly pleased with what you have said. It is a matter of gratification to us that you have been released from the enemies.
— tr. M.N. Dutt (1891–96) (public domain)
MBh 3 34.8
ततोऽब्रवीत् प्रीतमना मत्स्यराजो युधिष्ठिरम्। पुनरेव महाबाहुर्विराटो राजसत्तमः॥
tato'bravīt prītamanā matsyarājo yudhiṣṭhiram| punareva mahābāhurvirāṭo rājasattamaḥ||
Then the mighty armed, Virata, the king of Matsya's, the foremost of monarchs, again delightedly said to Yudhishthira.
— tr. M.N. Dutt (1891–96) (public domain)
MBh 3 34.9
एहि त्वामभिषेक्ष्यामि मत्स्यराजस्तु नो भवान्॥ मनसश्चाप्यभिप्रेतं यथेष्टं भुवि दुर्लभम्।
ehi tvāmabhiṣekṣyāmi matsyarājastu no bhavān|| manasaścāpyabhipretaṃ yatheṣṭaṃ bhuvi durlabham|
Come, I shall install you and be the king of us, the Matsya's. Whatever you desire in mind, any thing, even though rare on earth,
— tr. M.N. Dutt (1891–96) (public domain)
MBh 3 34.10
तत् तेऽहं सम्प्रदास्यामि सर्वमर्हति नो भवान्॥ रत्नानि गाः सुवर्णं च मणिमुक्तमथापि च।
tat te'haṃ sampradāsyāmi sarvamarhati no bhavān|| ratnāni gāḥ suvarṇaṃ ca maṇimuktamathāpi ca|
I shall confer upon you all-jewels, kine, gold, pearls, jems and all; you deserve every thing.
— tr. M.N. Dutt (1891–96) (public domain)
MBh 3 34.11
वैयाघ्रपद्य विप्रेन्द्र सर्वथैव नमोऽस्तु ते॥ त्वत्कृते ह्यद्य पश्यामि राज्यं संतानमेव च।
vaiyāghrapadya viprendra sarvathaiva namo'stu te|| tvatkṛte hyadya paśyāmi rājyaṃ saṃtānameva ca|
I bow to you, it is for you that once more today I see my kingdom and children.
— tr. M.N. Dutt (1891–96) (public domain)
MBh 3 34.12
यतश्च जातसंरम्भो न च शत्रुवशं गतः॥ ततो युधिष्ठिरो मत्स्यं पुनरेवाभ्यभाषत।
yataśca jātasaṃrambho na ca śatruvaśaṃ gataḥ|| tato yudhiṣṭhiro matsyaṃ punarevābhyabhāṣata|
Through you, afflicted with fear I did not pass into the hands of the enemies." Yudhishthira then again said to the king of Matsya's.
— tr. M.N. Dutt (1891–96) (public domain)
MBh 3 34.13
प्रतिनन्दामि ते वाक्यं मनोज्ञं मत्स्य भाषसे॥ आनृशंस्यपरो नित्यं सुसुखी सततं भव।
pratinandāmi te vākyaṃ manojñaṃ matsya bhāṣase|| ānṛśaṃsyaparo nityaṃ susukhī satataṃ bhava|
O king of Matsya, we highly relish the delightful words you have given vent to. Being humane towards all do you live happily ever and anon.
— tr. M.N. Dutt (1891–96) (public domain)
MBh 3 34.14
गच्छन्तु दूतास्त्वरितं नगरं तव पार्थिव।॥ सुहृदां प्रियमाख्यातुं घोषयन्तु च ते जयम्।
gacchantu dūtāstvaritaṃ nagaraṃ tava pārthiva||| suhṛdāṃ priyamākhyātuṃ ghoṣayantu ca te jayam|
O king, let emissaries speedily go to your city, to communicate this pleasant tidings to your friends and announce your victory.
— tr. M.N. Dutt (1891–96) (public domain)
MBh 3 34.15
ततस्तद्वचनान्मत्स्यो दूतान् राजा समादिशत्।।१६ आचक्षध्वं पुरं गत्वा संग्रामविजयं मम।
tatastadvacanānmatsyo dūtān rājā samādiśat||16 ācakṣadhvaṃ puraṃ gatvā saṃgrāmavijayaṃ mama|
At his words the king of Matsya's dispatched his emissaries, saying: “Going to my city do you announce my victory.
— tr. M.N. Dutt (1891–96) (public domain)
MBh 3 34.16
कुमार्यः समलंकृत्य पर्यागच्छन्तु मे पुरात्॥ वादित्राणि च सर्वाणि गणिकाश्च स्वलंकृताः।
kumāryaḥ samalaṃkṛtya paryāgacchantu me purāt|| vāditrāṇi ca sarvāṇi gaṇikāśca svalaṃkṛtāḥ|
Let damsels and courtezans, adorned with ornaments, come out of the city with various musical instruments.
— tr. M.N. Dutt (1891–96) (public domain)
MBh 3 34.17
एतां चाज्ञां ततः श्रुत्वा राज्ञा मत्स्येन नोदिताः। तामाज्ञां शिरसा कृत्वा प्रस्थिता हृष्टमानसाः॥
etāṃ cājñāṃ tataḥ śrutvā rājñā matsyena noditāḥ| tāmājñāṃ śirasā kṛtvā prasthitā hṛṣṭamānasāḥ||
Hearing this his command and being thus addressed by the Matsya king, they, placing his command on their heads, delightedly went away.
— tr. M.N. Dutt (1891–96) (public domain)
MBh 3 34.18
ते गत्वा तत्र तां रात्रिमथ सूर्योदयं प्रति। विराटस्य पुराभ्याशे दूता जयमघोषयन्॥
te gatvā tatra tāṃ rātrimatha sūryodayaṃ prati| virāṭasya purābhyāśe dūtā jayamaghoṣayan||
Going to the city that very night they announced, at the hour of sun-rise, the victory of the king.
— tr. M.N. Dutt (1891–96) (public domain)