Mahabharata — Volume III (Dutt edition) — Chapter 30
MBh 3 30.1
वैशम्पायन उवाच अथ राजा त्रिगर्तानां सुशर्मा रथयूथपः। प्राप्तकालमिदं वाक्यमुवाच त्वरितो बली॥ असकृनिकृताः पूर्वं मत्स्यशाल्वेयकैः प्रभो। सूतेनैव च मत्स्यस्य कीचकेन पुनः पुनः॥
vaiśampāyana uvāca atha rājā trigartānāṃ suśarmā rathayūthapaḥ| prāptakālamidaṃ vākyamuvāca tvarito balī|| asakṛnikṛtāḥ pūrvaṃ matsyaśālveyakaiḥ prabho| sūtenaiva ca matsyasya kīcakena punaḥ punaḥ||
Vaishampayana said Vanquished repeatedly by the Matsya king's charioteer, Kichaka, backed by other Matsya's, the powerful king of Trigartas, Susharma, owning many cars, gave vent to the following words at the opportune moment.
— tr. M.N. Dutt (1891–96) (public domain)
MBh 3 30.2
बाधितो बन्धुभिः सार्धं बलाद् बलवता विभो। स कर्णमभ्युदीक्ष्याथ दुर्योधनमभाषत॥
bādhito bandhubhiḥ sārdhaṃ balād balavatā vibho| sa karṇamabhyudīkṣyātha duryodhanamabhāṣata||
O King of the powerful, being forcibly defeated along with his relatives, he, looking askance at Karna, said to Duryodhana.
— tr. M.N. Dutt (1891–96) (public domain)
MBh 3 30.3
असकृन्मत्स्यराज्ञा मे राष्ट्र बाधितमोजसा। प्रणेता कीचकस्तस्य बलवानभवत् पुरा॥
asakṛnmatsyarājñā me rāṣṭra bādhitamojasā| praṇetā kīcakastasya balavānabhavat purā||
My kingdom has been again and again forcibly invaded by the king of Matsya's. Formerly the mighty Kichaka was his general.
— tr. M.N. Dutt (1891–96) (public domain)
MBh 3 30.4
क्रूरोऽमर्षी स दुष्टात्मा भुवि प्रख्यातविक्रमः। निहतः स तु गन्धर्वैः पापकर्मा नृशंसवान्॥
krūro'marṣī sa duṣṭātmā bhuvi prakhyātavikramaḥ| nihataḥ sa tu gandharvaiḥ pāpakarmā nṛśaṃsavān||
Crooked, wrathful, wicked-minded, having his powers kuown all over the world, that crucl and vicious one has been slain by the Gandharvas.
— tr. M.N. Dutt (1891–96) (public domain)
MBh 3 30.5
तस्मिन् विनिहते राजा हतदर्पो निराश्रयः। भविष्यति निरुत्साहो विराट इति मे पतिः॥
tasmin vinihate rājā hatadarpo nirāśrayaḥ| bhaviṣyati nirutsāho virāṭa iti me patiḥ||
He being slain, the king Virata, me-thinks, shorn of pride an refugc, will lose energy.
— tr. M.N. Dutt (1891–96) (public domain)
MBh 3 30.6
तत्र यात्रा मम मता यदि ते रोचतेऽनघ। कौरवाणां च सर्वेषां कर्णस्य च महात्मनः॥
tatra yātrā mama matā yadi te rocate'nagha| kauravāṇāṃ ca sarveṣāṃ karṇasya ca mahātmanaḥ||
I think, O sinless one, we should go there, if it pleases you as well as all the Kauravas and the high-souled Karna.
— tr. M.N. Dutt (1891–96) (public domain)
MBh 3 30.7
एतत् प्राप्तमहं मन्ये कार्यमात्ययिकं हि नः। राष्ट्रं तस्याभियास्यामो बहुधान्यसमाकुलम्॥
etat prāptamahaṃ manye kāryamātyayikaṃ hi naḥ| rāṣṭraṃ tasyābhiyāsyāmo bahudhānyasamākulam||
I consider, this accident, which has occurred, as favorable to us. Let us all go to his kingdom abounding in corn.
— tr. M.N. Dutt (1891–96) (public domain)
MBh 3 30.8
आददामोऽस्य रत्नानि विविधानि वसूनि च। ग्रामान राष्ट्राणि वा तस्य हरिष्यामो विभागशः॥
ādadāmo'sya ratnāni vividhāni vasūni ca| grāmāna rāṣṭrāṇi vā tasya hariṣyāmo vibhāgaśaḥ||
We will all take his various jewels and wealth and divide amongst ourselves his villages and provinces.
— tr. M.N. Dutt (1891–96) (public domain)
MBh 3 30.9
अथवा गोसहस्राणि शुभानि च बहूनि च। विविधानि हरिष्यामः प्रतिपीड्य पुरं बलात्॥
athavā gosahasrāṇi śubhāni ca bahūni ca| vividhāni hariṣyāmaḥ pratipīḍya puraṃ balāt||
Invading his city by force we shall carry away his thousands of excellent kine of varicus kinds.
— tr. M.N. Dutt (1891–96) (public domain)
MBh 3 30.10
कौरवैः सह संगत्य त्रिगर्तेश्च विशाम्पते। गास्तस्यापहरामोऽद्य सर्वेश्चैव सुसंहताः॥
kauravaiḥ saha saṃgatya trigarteśca viśāmpate| gāstasyāpaharāmo'dya sarveścaiva susaṃhatāḥ||
O emperor, uniting the Kaurava army with Trigarta, we will today carry away his collections of kine with all.
— tr. M.N. Dutt (1891–96) (public domain)
MBh 3 30.11
निबनीमोऽस्य पौरुषम्। हत्वा चास्य चमूं कृत्स्नां वशमेवानयामहे॥
nibanīmo'sya pauruṣam| hatvā cāsya camūṃ kṛtsnāṃ vaśamevānayāmahe||
Arranging our army we shall destroy his manliness; or completely destroying his army we shall bring him under our subjection.
— tr. M.N. Dutt (1891–96) (public domain)
MBh 3 30.12
तं वशे न्यायतः कृत्वा सुखं वत्स्यामहे वयम्। भवतां बलवृद्धिश्च भविष्यति न संशयः॥
taṃ vaśe nyāyataḥ kṛtvā sukhaṃ vatsyāmahe vayam| bhavatāṃ balavṛddhiśca bhaviṣyati na saṃśayaḥ||
Having brought him under our control by lawful means we shall live happily in our kingdom and undoubtedly your power shall increase.
— tr. M.N. Dutt (1891–96) (public domain)
MBh 3 30.13
तच्छ्रुत्वा वचनं तस्य कर्णो राजानमब्रवीत्। सूक्तं सुशर्मणा वाक्यं प्राप्तकालं हितं च नः॥ संविभागेन कृत्वा तु
tacchrutvā vacanaṃ tasya karṇo rājānamabravīt| sūktaṃ suśarmaṇā vākyaṃ prāptakālaṃ hitaṃ ca naḥ|| saṃvibhāgena kṛtvā tu
Hearing those words Karna said to the king Susharman has spoken well; it is a good opportunity and is likely to be beneficial to us.
— tr. M.N. Dutt (1891–96) (public domain)
MBh 3 30.14
तस्मात् क्षिप्रं विनिर्यामो योजयित्वा वरूथिनीम्। विभज्य चाप्यनीकानि यथा वा मन्यसेऽनघ॥
tasmāt kṣipraṃ viniryāmo yojayitvā varūthinīm| vibhajya cāpyanīkāni yathā vā manyase'nagha||
If you like, O sinless one, we shall speedily issue out by collecting our forces and arranging them in divisions.
— tr. M.N. Dutt (1891–96) (public domain)
MBh 3 30.15
प्राज्ञो वा कुरुवृद्धोऽयं सर्वेषां नः पितामहः। आचार्यश्च यथा द्रोणः कृपः शारद्वतस्तथा। मन्यन्ते ते यथा सर्वे तथा यात्रा विधीयताम्॥
prājño vā kuruvṛddho'yaṃ sarveṣāṃ naḥ pitāmahaḥ| ācāryaśca yathā droṇaḥ kṛpaḥ śāradvatastathā| manyante te yathā sarve tathā yātrā vidhīyatām||
Or so arrange the expedition, as is liked by Sharadvata's son Kripa, the preceptor Drona and the wise and the aged grand-father of the Kurus; O king of the earth, consulting with each other we shall speedily start to gainour end.
— tr. M.N. Dutt (1891–96) (public domain)
MBh 3 30.16
सम्मन्त्र्य चाशु गच्छामः साधनार्थं महीपतेः। किं च नः पाण्डवैः कार्यं हीनार्थबलपौरुषैः॥
sammantrya cāśu gacchāmaḥ sādhanārthaṃ mahīpateḥ| kiṃ ca naḥ pāṇḍavaiḥ kāryaṃ hīnārthabalapauruṣaiḥ||
What business have we with the Pandavas who have been shorn of wealth, army and manliness. They have either gone away for good or repaired to the abode of Yama.
— tr. M.N. Dutt (1891–96) (public domain)
MBh 3 30.17
अत्यन्तं वा प्रणष्टास्ते प्राप्ता वापि यमक्षयम्। यामो राजन् निरुद्विग्ना विराटनगरं वयम्। आदास्यामो हि गास्तस्य विविधानि वसूनि च॥
atyantaṃ vā praṇaṣṭāste prāptā vāpi yamakṣayam| yāmo rājan nirudvignā virāṭanagaraṃ vayam| ādāsyāmo hi gāstasya vividhāni vasūni ca||
Shorn of anxiety, O king, we will repair to the city of Virata and bring his kine and diverse wealth.
— tr. M.N. Dutt (1891–96) (public domain)
MBh 3 30.18
वैशम्पायन उवाच ततो दुर्योधनो राजा वाक्यमादाय तस्य तत्। वैकर्तनस्य कर्णस्य क्षिप्रमाज्ञापयत् स्वयम्॥ शासने नित्यसंयुक्तं दुःशासनमनन्तरम्। सह वृद्धस्तु सम्मन्त्र्य क्षिप्रं योजय वाहिनीम्॥
vaiśampāyana uvāca tato duryodhano rājā vākyamādāya tasya tat| vaikartanasya karṇasya kṣipramājñāpayat svayam|| śāsane nityasaṃyuktaṃ duḥśāsanamanantaram| saha vṛddhastu sammantrya kṣipraṃ yojaya vāhinīm||
Vaishampayana said Thereupon accepting the words of Karna, the son of Vikartana, the king Duryodhana, himself speedily commanded Dushasana, born immediately after him, and always obeying his behest: “Consulting with our elders, arrange our army without any delay."
— tr. M.N. Dutt (1891–96) (public domain)
MBh 3 30.19
ते यथोद्देशं च गच्छामः सहितास्तत्र कौरवैः। सुशर्मा च यथोद्दिष्टं देशं यातु महारथः।
te yathoddeśaṃ ca gacchāmaḥ sahitāstatra kauravaiḥ| suśarmā ca yathoddiṣṭaṃ deśaṃ yātu mahārathaḥ|
We, with all the Kauravas will go to the place, appointed. Let the mighty car-warrior Susharma also go as commanded.
— tr. M.N. Dutt (1891–96) (public domain)
MBh 3 30.20
त्रिगर्तेः सहितो राजा समग्रबलवानहः॥ प्रागेव हि सुसंवीतो मत्स्यस्य विषयं प्रति।
trigarteḥ sahito rājā samagrabalavānahaḥ|| prāgeva hi susaṃvīto matsyasya viṣayaṃ prati|
Accompanied by Trigartas and the entire army and conveyances to the kingdom of Matsya concealing his intention.
— tr. M.N. Dutt (1891–96) (public domain)
MBh 3 30.21
जघन्यतो वयं तत्र यास्यामो दिवसान्तरे! विषयं मत्स्यराजस्य सुसमृद्धं सुसंहताः॥
jaghanyato vayaṃ tatra yāsyāmo divasāntare! viṣayaṃ matsyarājasya susamṛddhaṃ susaṃhatāḥ||
Following them, we will start the next day, well-prepared, for the prosperous territory of the king of Matsya's.
— tr. M.N. Dutt (1891–96) (public domain)
MBh 3 30.22
यान्तु सहितास्तत्र विराटनगरं प्रति। क्षिप्रं गोपान् समासाद्य गृह्णन्तु विपुलं धनम्॥
yāntu sahitāstatra virāṭanagaraṃ prati| kṣipraṃ gopān samāsādya gṛhṇantu vipulaṃ dhanam||
Let them with (Trigarta) go to the city of Virata and securing speedily his kine, let them take his immense wealth.
— tr. M.N. Dutt (1891–96) (public domain)
MBh 3 30.23
गवां शतसहस्राणि श्रीमन्ति गुणवन्ति च। वयमप्यनुगृहीमो द्विधा कृत्वा वरूथिनीम्॥
gavāṃ śatasahasrāṇi śrīmanti guṇavanti ca| vayamapyanugṛhīmo dvidhā kṛtvā varūthinīm||
Going there in two detachments we will also take his thousand excellent kine endued with all qualities.
— tr. M.N. Dutt (1891–96) (public domain)
MBh 3 30.24
वैशम्पायन उवाच ते स्म गत्वा यथोद्दिष्टां दिशं वह्वेर्महीपते। संनद्धा रथिनः सर्वे सपदाता बलोत्कटाः॥ प्रति वैरं चिकीर्षन्तो गोषु गृद्धा महाबलाः। आदातुं गा: सुशर्माथ कृष्णपक्षस्य सप्तमीम्॥ अपरे दिवसे सर्वे राजन् सम्भूय कौरवाः। अष्टम्यां ते न्यगृह्णन्त गोकुलानि सहस्रशः॥
vaiśampāyana uvāca te sma gatvā yathoddiṣṭāṃ diśaṃ vahvermahīpate| saṃnaddhā rathinaḥ sarve sapadātā balotkaṭāḥ|| prati vairaṃ cikīrṣanto goṣu gṛddhā mahābalāḥ| ādātuṃ gā: suśarmātha kṛṣṇapakṣasya saptamīm|| apare divase sarve rājan sambhūya kauravāḥ| aṣṭamyāṃ te nyagṛhṇanta gokulāni sahasraśaḥ||
king, those heroes, Trigartas, accompanied by their terribly powerful infantry, proceeded towards the south east। wishing to fight with Virata in order to take possession of his kine. Susharma also started on the dark half of the month. Then on the day following the Kauravas, accompanied by their army, began to seize kine by thousands.
— tr. M.N. Dutt (1891–96) (public domain)