Mahabharata — Volume III (Dutt edition) — Chapter 29
MBh 3 29.1
वैशम्पायन उवाच तत: शारद्वतो वाक्यमित्युवाच कृपस्तदा। युक्तं प्राप्तं च वृद्धेन पाण्डवान् प्रति भाषितम्॥
vaiśampāyana uvāca tata: śāradvato vākyamityuvāca kṛpastadā| yuktaṃ prāptaṃ ca vṛddhena pāṇḍavān prati bhāṣitam||
Vaishampayana said Thereupon Sharadvata's son Kripa said the following words: “What the aged Bhishma has said about the Pandavas is reasonable and suited to the occasion.
— tr. M.N. Dutt (1891–96) (public domain)
MBh 3 29.2
धर्मार्थसहितं श्लक्ष्णं तत्त्वतश्च सहेतुकम्। तत्रानुरूपं भीष्मेण ममाप्यत्र गिरं शृणु।॥
dharmārthasahitaṃ ślakṣṇaṃ tattvataśca sahetukam| tatrānurūpaṃ bhīṣmeṇa mamāpyatra giraṃ śṛṇu|||
Consistent with Dharma and Artha, praise worthy, reasonable, truthful and is worthy of him. Hear my words on this.
— tr. M.N. Dutt (1891–96) (public domain)
MBh 3 29.3
तेषां चैव गतिस्तीर्थैर्वासश्चैषां प्रचिन्त्यताम्। नीतिर्विधीयतां चापि साम्प्रतं या हिता भवेत्॥
teṣāṃ caiva gatistīrthairvāsaścaiṣāṃ pracintyatām| nītirvidhīyatāṃ cāpi sāmprataṃ yā hitā bhavet||
It is proper for you to find out the way they have followed and their whereabouts through spies and adopt what may conduce to your well-being.
— tr. M.N. Dutt (1891–96) (public domain)
MBh 3 29.4
नावज्ञेयो रिपुस्तात प्राकृतोऽपि बुभूषता। किं पुनः पाण्डवास्तात सर्वास्त्रकुशला रणे॥
nāvajñeyo ripustāta prākṛto'pi bubhūṣatā| kiṃ punaḥ pāṇḍavāstāta sarvāstrakuśalā raṇe||
O my child, one seeking his welfare should not disregard an enemy, even if he be an ordinary man, what to speak of the Pandavas, well-versed in forms of warfare.
— tr. M.N. Dutt (1891–96) (public domain)
MBh 3 29.5
तस्मात् सत्रं प्रविष्टेषु पाण्डवेषु महात्मसु। गूढभावेषु छन्नेषु काले चोदयमागते॥ स्वराष्ट्र परराष्ट्रे च ज्ञातव्यं बलमात्मनः। उदयः पाण्डवानां च प्राप्ते काले न संशयः॥
tasmāt satraṃ praviṣṭeṣu pāṇḍaveṣu mahātmasu| gūḍhabhāveṣu channeṣu kāle codayamāgate|| svarāṣṭra pararāṣṭre ca jñātavyaṃ balamātmanaḥ| udayaḥ pāṇḍavānāṃ ca prāpte kāle na saṃśayaḥ||
When the time for the return of the highsoul Pandavas comes, who are now passing their days in close disguise in woods you should gauge your own strength in your own kingdom and in those of other kings. Forsooth, the time of the return of the Pandavas is near at hand.
— tr. M.N. Dutt (1891–96) (public domain)
MBh 3 29.6
निवृत्तसमयाः पार्था महात्मानो महाबलाः। महोत्साहा भविष्यन्ति पाण्डवा ह्यमितौजसः॥
nivṛttasamayāḥ pārthā mahātmāno mahābalāḥ| mahotsāhā bhaviṣyanti pāṇḍavā hyamitaujasaḥ||
When the time of their exile shall be over, the high-minded and the greatly powerful son of Pritha, of incomparable prowess, shall be brimful with energy.
— tr. M.N. Dutt (1891–96) (public domain)
MBh 3 29.7
तस्माद् बलं च कोषश्च नीतिश्चापि विधीयताम्। यथा कालोदये प्राप्ते सम्यक् तैः संदधामहे॥
tasmād balaṃ ca koṣaśca nītiścāpi vidhīyatām| yathā kālodaye prāpte samyak taiḥ saṃdadhāmahe||
Therefore (replenish) your treasury and (increase) your forces; and take recourse to a sound policy to conclude an advantageous treaty with them, when the proper time of their return comes.
— tr. M.N. Dutt (1891–96) (public domain)
MBh 3 29.8
तात बुद्ध्यापि तत् सर्वं बुध्यस्व बलमात्मनः। नियतं सर्वमित्रेषु बलवत्स्वबलेषु च॥
tāta buddhyāpi tat sarvaṃ budhyasva balamātmanaḥ| niyataṃ sarvamitreṣu balavatsvabaleṣu ca||
Knowing all this, determine your own strength, O my child, with respect to your allies, weak and powerful.
— tr. M.N. Dutt (1891–96) (public domain)
MBh 3 29.9
उच्चावचं बलं ज्ञात्वा मध्यस्थं चापि भारत। प्रहृष्टमप्रहृष्टं च संदधाम तथा परैः॥
uccāvacaṃ balaṃ jñātvā madhyasthaṃ cāpi bhārata| prahṛṣṭamaprahṛṣṭaṃ ca saṃdadhāma tathā paraiḥ||
Determining the efficiency, weakness or indifference of your forces, as well as who amongst them are satisfied and dissatisfied we should enter into fight with our enemies or form a treaty.
— tr. M.N. Dutt (1891–96) (public domain)
MBh 3 29.10
साम्ना दानेन भेदेन दण्डेन बलिकर्मणा। न्यायेनाक्रम्य च परान् बलाच्चानभ्य दुर्बलान्॥ सान्त्वयित्वा तु मित्राणि बलं चाभाष्यतां सुखम्। सुकोषबलसंवृद्धः सम्यक् सिद्धिमवाप्स्यसि॥
sāmnā dānena bhedena daṇḍena balikarmaṇā| nyāyenākramya ca parān balāccānabhya durbalān|| sāntvayitvā tu mitrāṇi balaṃ cābhāṣyatāṃ sukham| sukoṣabalasaṃvṛddhaḥ samyak siddhimavāpsyasi||
Resorting to the expedients of conciliation, disunion, chastisement, bribery, presents and fair conduct attack your-enemies and vanquish the weak by strength and reconcile the allies and soldiers by sweet speeches. When you shall be able to reinforce your army and replenish your treasury success shall be yours.
— tr. M.N. Dutt (1891–96) (public domain)
MBh 3 29.11
योत्स्यसे चापि बलिभिररिभिः प्रत्युपस्थितैः। अन्यस्त्वं पाण्डवैर्वापि हीनैः स्वबलवाहनैः
yotsyase cāpi balibhiraribhiḥ pratyupasthitaiḥ| anyastvaṃ pāṇḍavairvāpi hīnaiḥ svabalavāhanaiḥ
You shall then be able to fight with the powerful enemies who will come-what of Pandavas, weak in soldiers and animals.
— tr. M.N. Dutt (1891–96) (public domain)
MBh 3 29.12
एवं सर्वं विनिश्चित्य व्यवसायं स्वधर्मतः। यथाकालं मनुष्येन्द्र चिरं सुखमवाप्स्यसि॥
evaṃ sarvaṃ viniścitya vyavasāyaṃ svadharmataḥ| yathākālaṃ manuṣyendra ciraṃ sukhamavāpsyasi||
Having determined all these expedients according to the practice of your order, you shall, O king of men, acquire lasting happiness in due time.
— tr. M.N. Dutt (1891–96) (public domain)