Mahabharata — Volume III (Dutt edition) — Chapter 26
MBh 3 26.1
वैशम्पायन उवाच ततो दुर्योधनो राजा ज्ञात्वा तेषां वचस्तदा। चिरमन्तर्मना भूत्वा प्रत्युवाच सभासदः॥
vaiśampāyana uvāca tato duryodhano rājā jñātvā teṣāṃ vacastadā| ciramantarmanā bhūtvā pratyuvāca sabhāsadaḥ||
Vaishampayana said Thereupon hearing their words, the king Duryodhana thought in his mind and then said to his courtiers.
— tr. M.N. Dutt (1891–96) (public domain)
MBh 3 26.2
सुदुःखा खलु कार्याणां गतिर्विज्ञातुमन्ततः। तस्मात् सर्वे निरीक्षध्वं क्व नु ते पाण्डवा गताः।।२।
suduḥkhā khalu kāryāṇāṃ gatirvijñātumantataḥ| tasmāt sarve nirīkṣadhvaṃ kva nu te pāṇḍavā gatāḥ||2|
It is very difficult to ascertain definitely the tide of affairs. Do you all ascertain where the Pandavas have gone.
— tr. M.N. Dutt (1891–96) (public domain)
MBh 3 26.3
अल्पावशिष्टं कालस्य गतभूयिष्ठमन्ततः। तेषामज्ञातचर्यायामस्मिन् वर्षे त्रयोदशे॥
alpāvaśiṣṭaṃ kālasya gatabhūyiṣṭhamantataḥ| teṣāmajñātacaryāyāmasmin varṣe trayodaśe||
Of these thirteen years which they have to pass hidden from us all, the greater portion has well-high elapsed and only a little remains.
— tr. M.N. Dutt (1891–96) (public domain)
MBh 3 26.4
अस्य वर्षस्य शेषं चेद् व्यतीयुरिह पाण्डवाः। निवृत्तसमयास्ते हि सत्यव्रतपरायणाः॥
asya varṣasya śeṣaṃ ced vyatīyuriha pāṇḍavāḥ| nivṛttasamayāste hi satyavrataparāyaṇāḥ||
And if they can truly pass the remaining portion of this year hidden from our view in pursuance of their vow they will then have fulfilled their pledge.
— tr. M.N. Dutt (1891–96) (public domain)
MBh 3 26.5
क्षरन्त इव नागेन्द्राः सर्वे ह्याशीविषोपमाः। दुःखा भवेयुः संरब्धाः कौरवान् प्रति ते ध्रुवम्॥
kṣaranta iva nāgendrāḥ sarve hyāśīviṣopamāḥ| duḥkhā bhaveyuḥ saṃrabdhāḥ kauravān prati te dhruvam||
Forsooth, they, worked up with anger, will torment the Kauravas like the elephants in rut or virulent snakes.
— tr. M.N. Dutt (1891–96) (public domain)
MBh 3 26.6
सर्वे कालस्य वेत्तारः कृच्छ्ररूपधराः स्थिताः। प्रविशेयुर्जितक्रोधास्तावदेव पुनर्वनम्॥
sarve kālasya vettāraḥ kṛcchrarūpadharāḥ sthitāḥ| praviśeyurjitakrodhāstāvadeva punarvanam||
Let them, with anger controlled, acquainted with all seasons, living in painful disguise, enter the woods again.
— tr. M.N. Dutt (1891–96) (public domain)
MBh 3 26.7
तस्मात् क्षिप्रं बुभूषध्वं यथा तेऽत्यन्तमव्ययम्। राज्यं निर्द्वन्द्वमव्यग्रं निःसपत्नं चिरं भवेत्॥
tasmāt kṣipraṃ bubhūṣadhvaṃ yathā te'tyantamavyayam| rājyaṃ nirdvandvamavyagraṃ niḥsapatnaṃ ciraṃ bhavet||
Do you all concert measures speedily for this, so that our kingdom may remain without enemies, rivals and diminution.
— tr. M.N. Dutt (1891–96) (public domain)
MBh 3 26.8
अथाब्रवीत् ततः कर्णः क्षिप्रं गच्छन्तु भारत। अन्ये धूर्ता नरा दक्षा निभृताः साधुकारिणः॥
athābravīt tataḥ karṇaḥ kṣipraṃ gacchantu bhārata| anye dhūrtā narā dakṣā nibhṛtāḥ sādhukāriṇaḥ||
Thereupon Karna said : “O descendant of Bharata, let other spies, more, cunning, capable and better fitted for this work, proceed in disguise.
— tr. M.N. Dutt (1891–96) (public domain)
MBh 3 26.9
चरन्तु देशान् संवीताः स्फीताञ्जानपदाकुलान्। तत्र गोष्ठीषु रम्यासु सिद्धप्रव्रजितेषु च।॥
carantu deśān saṃvītāḥ sphītāñjānapadākulān| tatra goṣṭhīṣu ramyāsu siddhapravrajiteṣu ca|||
Let them range all over the country, various provinces over-flowing with population, assemblies of learned men and charming retreats of ascetics.
— tr. M.N. Dutt (1891–96) (public domain)
MBh 3 26.10
परिचारेषु तीर्थेषु विविधेष्वाकरेषु च। विज्ञातव्या मनुष्यैस्तैस्तर्कया सुविनीतया॥
paricāreṣu tīrtheṣu vividheṣvākareṣu ca| vijñātavyā manuṣyaistaistarkayā suvinītayā||
In inner apartments, places of pilgrimage, mines and various other places (they should be searched after) with vigilance and humility.
— tr. M.N. Dutt (1891–96) (public domain)
MBh 3 26.11
विविधैस्तत्परैः सम्यक् तज्जैनिपुणसंवृतैः। अन्वेष्टव्याः सुनिपुणैः पाण्डवाश्छन्नवासिनः॥
vividhaistatparaiḥ samyak tajjainipuṇasaṃvṛtaiḥ| anveṣṭavyāḥ sunipuṇaiḥ pāṇḍavāśchannavāsinaḥ||
The Pandavas, living in disguise, should be searched after by a number of expert spies, devoted to this work, themselves disguised and well acquainted with the object of search.
— tr. M.N. Dutt (1891–96) (public domain)
MBh 3 26.12
नदीकुट्ठोषु तीर्थेषु ग्रामेषु नगरेषु च। आश्रमेषु च रम्येषु पर्वतेषु गुहासु च॥
nadīkuṭṭhoṣu tīrtheṣu grāmeṣu nagareṣu ca| āśrameṣu ca ramyeṣu parvateṣu guhāsu ca||
On the banks of the rivers, in sacred shrines, villages, cities, hermitages, charming mountains and caves.
— tr. M.N. Dutt (1891–96) (public domain)
MBh 3 26.13
अथाग्रजानन्तरजः पापभावानुरागवान्। ज्येष्ठं दुःशासनस्तत्र भ्राता भ्रातरमब्रवीत्॥
athāgrajānantarajaḥ pāpabhāvānurāgavān| jyeṣṭhaṃ duḥśāsanastatra bhrātā bhrātaramabravīt||
Thereupon his younger brother Dushasana, taking delight in sins, said before his elder brother.
— tr. M.N. Dutt (1891–96) (public domain)
MBh 3 26.14
येषु नः प्रत्ययो राजंश्चारेषु मनुजाधिप। ते यान्तु दत्तदेया वै भूयस्तान् परिमार्गितुम्॥
yeṣu naḥ pratyayo rājaṃścāreṣu manujādhipa| te yāntu dattadeyā vai bhūyastān parimārgitum||
O king, O lord of men, let those spies, in whom we have confidence, receive their remuneration in advance and proceed in search of them.
— tr. M.N. Dutt (1891–96) (public domain)
MBh 3 26.15
एतच्च कर्णो यत् प्राह सर्वमीहामहे तथा। यथोद्दिष्टं चराः सर्वे मृगयन्तु यतस्ततः॥
etacca karṇo yat prāha sarvamīhāmahe tathā| yathoddiṣṭaṃ carāḥ sarve mṛgayantu yatastataḥ||
This and what Karna has said have my full approbation. As directed let all those spies search at all those places.
— tr. M.N. Dutt (1891–96) (public domain)
MBh 3 26.16
एते चान्ये च भूयांसो देशाद् देशं यथाविधि। न तु तेषां गतिर्वासः प्रवृत्तिश्चोपलभ्यते॥
ete cānye ca bhūyāṃso deśād deśaṃ yathāvidhi| na tu teṣāṃ gatirvāsaḥ pravṛttiścopalabhyate||
Let those and others make a due search in various countries. My belief is that their movements and whereabouts are not to be known.
— tr. M.N. Dutt (1891–96) (public domain)
MBh 3 26.17
अत्यन्तं वा निगूढास्ते पारं चोर्मिमतो गताः। व्यालैश्चापि महारण्ये भक्षिताः शूरमानिनः॥
atyantaṃ vā nigūḍhāste pāraṃ cormimato gatāḥ| vyālaiścāpi mahāraṇye bhakṣitāḥ śūramāninaḥ||
They are living in very great secrecy; or perhaps they have gone to the other side of the ocean. Those respecters of heroes might have been devoured by wild animals in that huge forest.
— tr. M.N. Dutt (1891–96) (public domain)
MBh 3 26.18
अथवा विषमं प्राप्य विनष्टाः शाश्वतीः समाः। तस्मान्मानसमव्यग्रं कृत्वा त्वं कुरुनन्दन। कुरु कार्यं महोत्साहं मन्यसे यन्नराधिप॥
athavā viṣamaṃ prāpya vinaṣṭāḥ śāśvatīḥ samāḥ| tasmānmānasamavyagraṃ kṛtvā tvaṃ kurunandana| kuru kāryaṃ mahotsāhaṃ manyase yannarādhipa||
Or overtaken by some dreadful calamity, they have perished for ever. Therefore, O Kuru chief, removing all anxiety from your heart, acquire what you may, working with your energy, O king.
— tr. M.N. Dutt (1891–96) (public domain)