Mahabharata — Volume III (Dutt edition) — Chapter 258
MBh 3 258.1
दुर्योधन उवाच कथं शिखण्डी गाङ्गेय कन्या भूत्वा पुरा तदा। पुरुषोऽभूद् युधिश्रेष्ठ तन्मे ब्रूहि पितामह॥
duryodhana uvāca kathaṃ śikhaṇḍī gāṅgeya kanyā bhūtvā purā tadā| puruṣo'bhūd yudhiśreṣṭha tanme brūhi pitāmaha||
Duryodhana said Tell me, O grandsire, how Shikhandin, who had been before a daughter, O son of Ganga, became a man. O foremost of warriors.
— tr. M.N. Dutt (1891–96) (public domain)
MBh 3 258.2
भीष्म उवाच भार्या तु तस्य राजेन्द्र दुपदस्य महीपतेः। महिषी दयिता ह्यासीदपुत्रा च विशाम्पते।॥
bhīṣma uvāca bhāryā tu tasya rājendra dupadasya mahīpateḥ| mahiṣī dayitā hyāsīdaputrā ca viśāmpate|||
Bhishma said The chosen and beloved queen of king Drupada, O great king, was childless at first, O monarch.
— tr. M.N. Dutt (1891–96) (public domain)
MBh 3 258.3
एतस्मिन्नेव काले तु दुपदो वै महीपतिः। अपत्यार्थ महाराज तोषयामास शङ्करम्॥
etasminneva kāle tu dupado vai mahīpatiḥ| apatyārtha mahārāja toṣayāmāsa śaṅkaram||
And during this time the highly intelligent king Drupada, pleased by worship, O mighty king, the God Shankara for the sake of offspring.
— tr. M.N. Dutt (1891–96) (public domain)
MBh 3 258.4
अस्मद्वधार्थ निश्चित्य तपो घोरं समास्थितः। ऋते कन्यां महादेव पुत्रो मे स्यादिति ब्रुवन्॥
asmadvadhārtha niścitya tapo ghoraṃ samāsthitaḥ| ṛte kanyāṃ mahādeva putro me syāditi bruvan||
Resolving to bring about my destruction, he took to the severest penances, and said “Let mine be a son, and not a daughter, 0 Mahadeva;
— tr. M.N. Dutt (1891–96) (public domain)
MBh 3 258.5
भगवन् पुत्रमिच्छामि भीष्मं प्रतिचिकीर्षया। इत्युक्तो देवदेवेन स्त्रीपुमांस्ते भविष्यति॥
bhagavan putramicchāmi bhīṣmaṃ praticikīrṣayā| ityukto devadevena strīpumāṃste bhaviṣyati||
O God, I desire a son, to revenge myself on Bhishma.” Then this was said (to him) by Mahadeva, "Your son shall be both male and female.
— tr. M.N. Dutt (1891–96) (public domain)
MBh 3 258.6
निवर्तस्व महीपाल नैतज्जात्वन्यथा भवेत्। स तु गत्वा न नगरं भार्यामिदमुवाच ह॥
nivartasva mahīpāla naitajjātvanyathā bhavet| sa tu gatvā na nagaraṃ bhāryāmidamuvāca ha||
Desist therefore, O protector of the earth, it shall never be otherwise." He (king Drupada) entering his city said to his wife.
— tr. M.N. Dutt (1891–96) (public domain)
MBh 3 258.7
कृतो यत्नो महादेवस्तपसाऽऽराधितो मया। कन्या भृत्वा पुमान् भावी इति चोक्तोऽस्मि शम्भुना।।७।
kṛto yatno mahādevastapasā''rādhito mayā| kanyā bhṛtvā pumān bhāvī iti cokto'smi śambhunā||7|
"I have made a great exertion; O goddess, I have worshipped Shambhu by penances, and I have been told by him. “Your offspring) will first be a female and will then become a man."
— tr. M.N. Dutt (1891–96) (public domain)
MBh 3 258.8
पुनः पुनर्याच्यमानो दिष्टमित्यब्रवीच्छिवः। न तदन्यच्च भविता भवितव्यं हि तत् तथा॥
punaḥ punaryācyamāno diṣṭamityabravīcchivaḥ| na tadanyacca bhavitā bhavitavyaṃ hi tat tathā||
Though repeatedly solicited, Shiva only said “It is decreed by destiny. It shall not be otherwise, but when as I have told you”.
— tr. M.N. Dutt (1891–96) (public domain)
MBh 3 258.9
ततः सा नियता भूत्वा ऋतुकाले मनस्विनी। पत्नी दुपदराजस्य दुपदं प्रविवेश ह॥
tataḥ sā niyatā bhūtvā ṛtukāle manasvinī| patnī dupadarājasya dupadaṃ praviveśa ha||
Thereupon that lady of great force of mind kept her mind rigidly pure and the wife of king Drupada, at the proper time went to king Drupada.
— tr. M.N. Dutt (1891–96) (public domain)
MBh 3 258.10
लेभे गर्भ यथाकालं विधिदृष्टेन कर्मणा। पार्षतस्य महीपाल यथा मां नारदोऽब्रवीत्॥
lebhe garbha yathākālaṃ vidhidṛṣṭena karmaṇā| pārṣatasya mahīpāla yathā māṃ nārado'bravīt||
Agreeably to the decrees of destiny the wife of Prishata, in due time, conceived, as Narada informed me, O ruler of the Earth.
— tr. M.N. Dutt (1891–96) (public domain)
MBh 3 258.11
ततो दधार सा देवी गर्भ राजीवलोचना। तां स राजा प्रियां भार्यां दुपदः कुरुनन्दन॥
tato dadhāra sā devī garbha rājīvalocanā| tāṃ sa rājā priyāṃ bhāryāṃ dupadaḥ kurunandana||
And that goddess, whose eyes resembled the petals on the lotus, continued to hold her fetus. And to that dear wife, O son of Kuru, king Drupada,
— tr. M.N. Dutt (1891–96) (public domain)
MBh 3 258.12
पुत्रस्नेहान्महाबाहुः सुखं पर्यचरत् तदा। सर्वानभिप्रायकृतान् भार्याऽलभत कौरव॥
putrasnehānmahābāhuḥ sukhaṃ paryacarat tadā| sarvānabhiprāyakṛtān bhāryā'labhata kaurava||
The mighty-armed one, on account of his affection for his son, ordered all that was agreeable. And O Kaurava, his wife obtained everything that she desired.
— tr. M.N. Dutt (1891–96) (public domain)
MBh 3 258.13
अपुत्रस्य सतो राज्ञो दुपदस्य महीपतेः। यथाकालं तु सा देवी महिषी दुपदस्य ह॥
aputrasya sato rājño dupadasya mahīpateḥ| yathākālaṃ tu sā devī mahiṣī dupadasya ha||
And in due time that goddess, the queen of the childless lord of earth, king Drupada,
— tr. M.N. Dutt (1891–96) (public domain)
MBh 3 258.14
कन्यां प्रवररूपां तु प्राजायत नराधिपा अपुत्रस्य तु राज्ञः सा दुपदस्य मनस्विनी॥
kanyāṃ pravararūpāṃ tu prājāyata narādhipā aputrasya tu rājñaḥ sā dupadasya manasvinī||
Even that lady of great force of mind, O lord of men, gave birth to a daughter of great beauty.
— tr. M.N. Dutt (1891–96) (public domain)
MBh 3 258.15
ख्यापयामास राजेन्द्रं पुत्रो ह्येष ममेति वै। ततः स राजा द्रुपदः प्रच्छन्नाया नराधिप॥
khyāpayāmāsa rājendraṃ putro hyeṣa mameti vai| tataḥ sa rājā drupadaḥ pracchannāyā narādhipa||
O great king, thereupon the king Drupada gave out to all, this is my son, and for this daughter, who was concealed.
— tr. M.N. Dutt (1891–96) (public domain)
MBh 3 258.16
पुत्रवत् पुत्रकार्याणि सर्वाणि समकारयत्। रक्षणं चैव मन्त्रस्य महिषी द्रुपदस्य सा॥ चकार सर्वयत्नेन ब्रुवाणा पुत्र इत्युत। न च तां वेद नगरे कश्चिदन्यत्र पार्षतात्॥
putravat putrakāryāṇi sarvāṇi samakārayat| rakṣaṇaṃ caiva mantrasya mahiṣī drupadasya sā|| cakāra sarvayatnena bruvāṇā putra ityuta| na ca tāṃ veda nagare kaścidanyatra pārṣatāt||
O lord of men, (he) caused all the necessary rites to be performed just as if it were a son. And the imperial wife of Drupada protected the secret with all due care, saying, "This is a son indeed.” And neither did any one else other than the son of Prishata know (the child to be a) daughter, in all that city.
— tr. M.N. Dutt (1891–96) (public domain)
MBh 3 258.17
श्रद्दधानो हि तद्वाक्यं देवस्याच्युततेजसः। छादयामास तां कन्यां पुमानिति च सोऽब्रवीत्॥
śraddadhāno hi tadvākyaṃ devasyācyutatejasaḥ| chādayāmāsa tāṃ kanyāṃ pumāniti ca so'bravīt||
Reverencing the words of that god of immeasurable glory, he kept to himself that she was a daughter, and said, “This is a male child."
— tr. M.N. Dutt (1891–96) (public domain)
MBh 3 258.18
जातकर्माणि सर्वाणि कारयामास पार्थिवः। पुंवद्विधानयुक्तानि शिखण्डीति च तां विदुः॥
jātakarmāṇi sarvāṇi kārayāmāsa pārthivaḥ| puṃvadvidhānayuktāni śikhaṇḍīti ca tāṃ viduḥ||
And that king caused all the rites prescribed for a son during infancy to be performed according to all due ordinances, and named her Shikhandin.
— tr. M.N. Dutt (1891–96) (public domain)
MBh 3 258.19
अहमेकस्तु चारेण वचनान्नारदस्य च। ज्ञातवान् देववाक्येन अम्बायास्तपसा तथा॥
ahamekastu cāreṇa vacanānnāradasya ca| jñātavān devavākyena ambāyāstapasā tathā||
I alone, by means of spies, and through the words of Narada, and through the words of the god (Shiva) and also from the austerities of Amba, was informed (of the child being a son).
— tr. M.N. Dutt (1891–96) (public domain)