Mahabharata — Volume III (Dutt edition) — Chapter 25
MBh 3 25.1
वैशम्पायन उवाच कीचकस्य तु घातेन अत्याहितं चिन्तयित्वा व्यस्मयन्त पृथग् जनाः॥ सानुजस्य विशाम्पते।
vaiśampāyana uvāca kīcakasya tu ghātena atyāhitaṃ cintayitvā vyasmayanta pṛthag janāḥ|| sānujasya viśāmpate|
Vaishampayana said O king, at the destruction of Kichaka and his brothers and thinking of this calamity, people were filled with surprise.
— tr. M.N. Dutt (1891–96) (public domain)
MBh 3 25.2
तस्मिन् पुरे जनपदे संजल्पोऽभूच्च सङ्घशः। शौर्याद्धि वल्लभो राज्ञो महासत्त्वः स कीचकः॥
tasmin pure janapade saṃjalpo'bhūcca saṅghaśaḥ| śauryāddhi vallabho rājño mahāsattvaḥ sa kīcakaḥ||
All over the city and provinces, it was widely known that the kings Vallabha and Kichaka were both brave and powerful heroes.
— tr. M.N. Dutt (1891–96) (public domain)
MBh 3 25.3
आसीत् प्रहर्ता सैन्यानां दारामर्शी च दुर्मतिः। स हतः खलु पापात्मा गन्धर्वैर्दुष्टपूरुषः॥
āsīt prahartā sainyānāṃ dārāmarśī ca durmatiḥ| sa hataḥ khalu pāpātmā gandharvairduṣṭapūruṣaḥ||
The wicked-minded Kichaka was the oppressor of men and the ravisher of soldier's wives; that vicious, wicked man has been slain by the Gandharvas.
— tr. M.N. Dutt (1891–96) (public domain)
MBh 3 25.4
इत्यजल्पन् महाराज परानीकविनाशनम्। देशे देशे मनुष्याश्च कीचकं दुष्प्रधर्षणम्॥
ityajalpan mahārāja parānīkavināśanam| deśe deśe manuṣyāśca kīcakaṃ duṣpradharṣaṇam||
It is in this way, O great king, that people of various countries spoke about the irrepressible Kichaka, the slayer of hostile armies.
— tr. M.N. Dutt (1891–96) (public domain)
MBh 3 25.5
अथ वै धार्तराष्ट्रेण प्रयुक्ता ये बहिश्चराः। मृगयित्वा बहून् ग्रामान् राष्ट्राणि नगराणि च॥
atha vai dhārtarāṣṭreṇa prayuktā ye bahiścarāḥ| mṛgayitvā bahūn grāmān rāṣṭrāṇi nagarāṇi ca||
In the meantime spies, engaged by Dhritarashtra's son, searching many villages, provinces and cities.
— tr. M.N. Dutt (1891–96) (public domain)
MBh 3 25.6
संविधाय यथादृष्टं यथादेशप्रदर्शनम्। कृतकृत्या न्यवर्तन्त ते चरा नगरं प्रति॥
saṃvidhāya yathādṛṣṭaṃ yathādeśapradarśanam| kṛtakṛtyā nyavartanta te carā nagaraṃ prati||
Accomplishing all they had been commanded and seeing all countries, returned to the city; being successful (in one thing).
— tr. M.N. Dutt (1891–96) (public domain)
MBh 3 25.7
तत्र दृष्ट्वा तु राजानं कौरव्यं धृतराष्ट्रजम्। द्रोणकर्णकृपैः साधु भीष्मेण च महात्मना॥ संगतं भ्रातृभिश्चापि त्रिगर्तेश्च महारथैः। दुर्योधनं सभामध्ये आसीनमिदमब्रुवन्॥
tatra dṛṣṭvā tu rājānaṃ kauravyaṃ dhṛtarāṣṭrajam| droṇakarṇakṛpaiḥ sādhu bhīṣmeṇa ca mahātmanā|| saṃgataṃ bhrātṛbhiścāpi trigarteśca mahārathaiḥ| duryodhanaṃ sabhāmadhye āsīnamidamabruvan||
Then beholding Dhritarashtra's son, king Duryodhana of the Kuru race, seated in his court, with Drona, Karna, Kripa, the noble Bhishma, his brothers and the great heroes, the Trigarthas, they said to him.
— tr. M.N. Dutt (1891–96) (public domain)
MBh 3 25.8
चरा ऊचुः कृतोऽस्माभिः परो यत्नस्तेषामन्वेषणे सदा। पाण्डवानां मनुष्येन्द्र तस्मिन् महति कानने॥
carā ūcuḥ kṛto'smābhiḥ paro yatnasteṣāmanveṣaṇe sadā| pāṇḍavānāṃ manuṣyendra tasmin mahati kānane||
The spies said O king of men, we have with great care searched the sons of Pandu in that huge forest.
— tr. M.N. Dutt (1891–96) (public domain)
MBh 3 25.9
निर्जने मृगसंकीर्णे नानादुमलताकुले। लताप्रतानबहुले नानागुल्मसमावृते॥
nirjane mṛgasaṃkīrṇe nānādumalatākule| latāpratānabahule nānāgulmasamāvṛte||
Solitary, abounding in wild animals, filled with various trees, creepers, entwining creepers and various groves.
— tr. M.N. Dutt (1891–96) (public domain)
MBh 3 25.10
न च विद्मो गता येन पार्थाः सुदृढविक्रमाः। मार्गमाणाः पदन्यासं तेषु तेषु तथा तथा॥
na ca vidmo gatā yena pārthāḥ sudṛḍhavikramāḥ| mārgamāṇāḥ padanyāsaṃ teṣu teṣu tathā tathā||
1But we haven failed to find out the way (stamped) with their footsteps, by which the highly powerful sons of Pritha might have gone.
— tr. M.N. Dutt (1891–96) (public domain)
MBh 3 25.11
गिरिकूटेषु तुङ्गेषु नानाजनपदेषु च। जनाकीर्णेषु देशेषु खवटेषु पुरेषु च।॥
girikūṭeṣu tuṅgeṣu nānājanapadeṣu ca| janākīrṇeṣu deśeṣu khavaṭeṣu pureṣu ca|||
On mountain summits, in fastness, in various countries, in provinces filled with men, in encampments and cities.
— tr. M.N. Dutt (1891–96) (public domain)
MBh 3 25.12
नरेन्द्र बहुशोऽन्विष्टा नैव विद्यश्च पाण्डवान्। अत्यन्तं वा विनष्टास्ते भद्रं तुभ्यं नरर्षभ॥
narendra bahuśo'nviṣṭā naiva vidyaśca pāṇḍavān| atyantaṃ vā vinaṣṭāste bhadraṃ tubhyaṃ nararṣabha||
We have made many inquires, O king, but we have not found out the Pandavas; may good betide you. O king; it seems they have perished.
— tr. M.N. Dutt (1891–96) (public domain)
MBh 3 25.13
वर्मन्यन्वेष्यमाणा वै रथिनां रथिसत्तम। न हि विद्मो गतिं तेषां वासं हि नरसत्तम॥
varmanyanveṣyamāṇā vai rathināṃ rathisattama| na hi vidmo gatiṃ teṣāṃ vāsaṃ hi narasattama||
O foremost of car-warriors, we pursued (also) the track of those car-warriors, but O foremost of men, we have not found out their whereabouts and movements.
— tr. M.N. Dutt (1891–96) (public domain)
MBh 3 25.14
किंचित्काले मनुष्येन्द्र सूतानामनुगा वयम्। मृगयित्वा यथान्यायं वेदितार्थाः स्म तत्त्वतः॥
kiṃcitkāle manuṣyendra sūtānāmanugā vayam| mṛgayitvā yathānyāyaṃ veditārthāḥ sma tattvataḥ||
O king of men, for sometime we pursued their charioteers; and making due enquiries we have got at the truth.
— tr. M.N. Dutt (1891–96) (public domain)
MBh 3 25.15
प्राप्ता द्वारवती सूता विना पार्थः परंतप। न तत्र कृष्णा राजेन्द्र पाण्डवाश्च महाव्रताः॥
prāptā dvāravatī sūtā vinā pārthaḥ paraṃtapa| na tatra kṛṣṇā rājendra pāṇḍavāśca mahāvratāḥ||
O slayer of enemies, the charioteers reached, Dvaravati without the son of Pritha. O king, there is neither Krishna nor are the Pandavas of great vows.
— tr. M.N. Dutt (1891–96) (public domain)
MBh 3 25.16
सर्वथा विप्रणष्टास्ते नमस्ते भरतर्षभ। न हि विद्मो मतिं तेषां वासं वापि महात्मनाम्॥
sarvathā vipraṇaṣṭāste namaste bharatarṣabha| na hi vidmo matiṃ teṣāṃ vāsaṃ vāpi mahātmanām||
They have all perished. We bow to you. O foremost of Bharata. We do no know the movements and whereabouts of those highsouled ones.
— tr. M.N. Dutt (1891–96) (public domain)
MBh 3 25.17
पाण्डवानां प्रवृत्तिं च विद्मः कर्मापि वा कृतम्। स नः शाधि मनुष्येन्द्र अत ऊर्ध्वं विशाम्पते॥
pāṇḍavānāṃ pravṛttiṃ ca vidmaḥ karmāpi vā kṛtam| sa naḥ śādhi manuṣyendra ata ūrdhvaṃ viśāmpate||
We know of the inclination of ht Pandavas and some of their deeds. After this, give us instructions, O king, O lord of men.
— tr. M.N. Dutt (1891–96) (public domain)
MBh 3 25.18
अन्वेषणे पाण्डवानां भूयः किं करवामहे। इमां च नः प्रियां वीर वाचं भद्रवतीं शृणु॥
anveṣaṇe pāṇḍavānāṃ bhūyaḥ kiṃ karavāmahe| imāṃ ca naḥ priyāṃ vīra vācaṃ bhadravatīṃ śṛṇu||
As to what we should again do in our search after the Pandavas. O heroes, listen to these pleasing words tending to your wellbeing.
— tr. M.N. Dutt (1891–96) (public domain)
MBh 3 25.19
येन त्रिगर्ता निहता बलेन महता नृप। सूतेन राज्ञो मत्स्यस्य कीचकेन बलीयसा॥
yena trigartā nihatā balena mahatā nṛpa| sūtena rājño matsyasya kīcakena balīyasā||
Oking, the Trigarthas were repeatedly vanquished by the great prowess of Kichaka, the charioteer of the king of Matsya.
— tr. M.N. Dutt (1891–96) (public domain)
MBh 3 25.20
स हतः पतितः शेते गन्धर्वैर्निशि भारत। अदृश्यमानैर्दुष्टात्मा भ्रातृभिः सह सोदरैः॥
sa hataḥ patitaḥ śete gandharvairniśi bhārata| adṛśyamānairduṣṭātmā bhrātṛbhiḥ saha sodaraiḥ||
O descendant of Bharata, that vicioussouled one lies slain on earth with his brother by some invisible Gandharvas at night.
— tr. M.N. Dutt (1891–96) (public domain)
MBh 3 25.21
प्रियमेतदुपश्रुत्य शत्रूणां च पराभवम्। कृतकृत्यश्च कौरव्य विधत्स्व यदनन्तरम्॥
priyametadupaśrutya śatrūṇāṃ ca parābhavam| kṛtakṛtyaśca kauravya vidhatsva yadanantaram||
Hearing this pleasant news of the defeat of our enemy, do you decide, O Kauravya, as to what you should do hereafter.
— tr. M.N. Dutt (1891–96) (public domain)