Mahabharata — Volume III (Dutt edition) — Chapter 246
MBh 3 246.1
होत्रवाहन उवाच रामं द्रक्ष्यसि भद्रे त्वं जामदग्न्यं महावने। उग्रे तपसि वर्तन्तं सत्यसंधं महाबलम्॥
hotravāhana uvāca rāmaṃ drakṣyasi bhadre tvaṃ jāmadagnyaṃ mahāvane| ugre tapasi vartantaṃ satyasaṃdhaṃ mahābalam||
Hotravahana said “You will see Rama, the son of Jamadagni, devoted to truth and endued with great strength in the great forest, practicing hard asceticism.
— tr. M.N. Dutt (1891–96) (public domain)
MBh 3 246.2
महेन्द्रं वै गिरिश्रेष्ठं रामो नित्यमुपास्ति ह। ऋषयो वेदविद्वांसो गन्धर्वाप्सरसस्तथा।।
mahendraṃ vai giriśreṣṭhaṃ rāmo nityamupāsti ha| ṛṣayo vedavidvāṃso gandharvāpsarasastathā||
Rama ever dwells on that highest among the mountains, called Mahendra. Rishis conversant with the Vedas and Gandharavas and Apsaras also live there.
— tr. M.N. Dutt (1891–96) (public domain)
MBh 3 246.3
तत्र गच्छस्व भद्रं ते ब्रूयाश्चैनं वचो मम। अभिवाद्य च तं मूर्धां तपोवृद्धं दृढव्रतम्॥
tatra gacchasva bhadraṃ te brūyāścainaṃ vaco mama| abhivādya ca taṃ mūrdhāṃ tapovṛddhaṃ dṛḍhavratam||
Go there and may you fare well. Tell him these words of mine after saluting that old devotee of firm vows by bowing down your head.
— tr. M.N. Dutt (1891–96) (public domain)
MBh 3 246.4
ब्रूयाचैनं पुनर्भद्रे यत् ते कार्यं मनीषितम्। मयि संकीतिते रामः सर्वं तत् ते करिष्यति॥
brūyācainaṃ punarbhadre yat te kāryaṃ manīṣitam| mayi saṃkītite rāmaḥ sarvaṃ tat te kariṣyati||
Tell him what you want, gentle ladyhearing my name Rama will do all you ask of him.
— tr. M.N. Dutt (1891–96) (public domain)
MBh 3 246.5
मम रामः सखा वत्से प्रीतियुक्तः सुहृच्च मे। जमदग्निसुतो वीरः सर्वशस्त्रभृतां वरः॥
mama rāmaḥ sakhā vatse prītiyuktaḥ suhṛcca me| jamadagnisuto vīraḥ sarvaśastrabhṛtāṃ varaḥ||
Rama is my friend, child, and he is my well-wisher and is highly pleased with me that hero, the son Jamadagni and the foremost of all wielders of weapons.
— tr. M.N. Dutt (1891–96) (public domain)
MBh 3 246.6
एवं ब्रुवति कन्यां तु पार्थिवे होत्रवाहने। अकृतव्रणः प्रादुरासीद् रामस्यानुचरः प्रियः॥
evaṃ bruvati kanyāṃ tu pārthive hotravāhane| akṛtavraṇaḥ prādurāsīd rāmasyānucaraḥ priyaḥ||
While Hotravahana that ruler of the earth was thus speaking to that girl, the devoted follower of Rama, Akritavrana, presented himself there.
— tr. M.N. Dutt (1891–96) (public domain)
MBh 3 246.7
ततस्ते मुनयः सर्वे समुत्तस्थुः सहस्रशः। स च राजा वयोवृद्धः सृञ्जयो होत्रवाहनः॥
tataste munayaḥ sarve samuttasthuḥ sahasraśaḥ| sa ca rājā vayovṛddhaḥ sṛñjayo hotravāhanaḥ||
Then did all those Rishis by thousands as also Hotravahana, the king of the Srinjayas, old in years, stand up.
— tr. M.N. Dutt (1891–96) (public domain)
MBh 3 246.8
ततो दृष्ट्वा कृतातिथ्यमन्योन्यं ते वनौकसः। सहिता भरतश्रेष्ठ निषेदुः परिवार्य तम्॥
tato dṛṣṭvā kṛtātithyamanyonyaṃ te vanaukasaḥ| sahitā bharataśreṣṭha niṣeduḥ parivārya tam||
Seeing him those dwellers of the forest united together did him the rites of hospitality and then sat down surrounding him, O chief among the Bharatas.
— tr. M.N. Dutt (1891–96) (public domain)
MBh 3 246.9
ततस्ते कथयामासुः कथास्तास्ता मनोरमाः। धन्या दिव्याश्च राजेन्द्र प्रीतिहर्षमुदा युताः॥
tataste kathayāmāsuḥ kathāstāstā manoramāḥ| dhanyā divyāśca rājendra prītiharṣamudā yutāḥ||
Then they began to converse cheerfully and delightfully on subjects that delighted one's heart and which were blessed and divine, O chief among kings.
— tr. M.N. Dutt (1891–96) (public domain)
MBh 3 246.10
ततः कथान्ते राजर्षिर्महात्मा होत्रवाहनः। राम श्रेष्ठं महर्षीणामपृच्छदकृतव्रणम्॥
tataḥ kathānte rājarṣirmahātmā hotravāhanaḥ| rāma śreṣṭhaṃ maharṣīṇāmapṛcchadakṛtavraṇam||
Then at the end of the conversation, the royal sage Hotravahana, endued with a large soul, asked Akritavrana about Rama the foremost among the great Rishis.
— tr. M.N. Dutt (1891–96) (public domain)
MBh 3 246.11
क्व सम्प्रति महाबाहो जामदग्न्यः प्रतापवान्। अकृतव्रण शक्यो वै दुष्टुं वेदविदां वरः॥
kva samprati mahābāho jāmadagnyaḥ pratāpavān| akṛtavraṇa śakyo vai duṣṭuṃ vedavidāṃ varaḥ||
“Where can I see at present the mighty son of Jamadagni, O you of long arms, 0 Akritavrana, that foremost among those conversant with the Vedas.
— tr. M.N. Dutt (1891–96) (public domain)
MBh 3 246.12
अकृतव्रण उवाच भवन्तमेव सततं रामः कीर्तयति प्रभो। सृञ्जयो मे प्रियसखो राजर्षिरिति पार्थिव॥
akṛtavraṇa uvāca bhavantameva satataṃ rāmaḥ kīrtayati prabho| sṛñjayo me priyasakho rājarṣiriti pārthiva||
Akritavrana said Rama ever speaks of you, my lord, saying: The royal sage Srinjaya, that ruler of the earth, is my dear friend.
— tr. M.N. Dutt (1891–96) (public domain)
MBh 3 246.13
इह रामः प्रभाते श्वो भवितेति मतिर्मम। द्रष्टास्येनमिहायान्तं तवं दर्शनकाझ्या॥
iha rāmaḥ prabhāte śvo bhaviteti matirmama| draṣṭāsyenamihāyāntaṃ tavaṃ darśanakājhyā||
I think Rama will be here on the morrow. You will see him come here owing to your desire for seeing him.
— tr. M.N. Dutt (1891–96) (public domain)
MBh 3 246.14
इयं च कन्या राजर्षे किमर्थं वनमागता। कस्य चेयं तव च का भवतीच्छामि वेदितुम्॥
iyaṃ ca kanyā rājarṣe kimarthaṃ vanamāgatā| kasya ceyaṃ tava ca kā bhavatīcchāmi veditum||
O royal sage, why is the lady come to the forest, whose daughter is she and what is she to you? I desire to know it.
— tr. M.N. Dutt (1891–96) (public domain)
MBh 3 246.15
होत्रवाहन उवाच दौहित्रीयं मम विभो काशिराजसुता प्रिया। ज्येष्ठा स्वयंवरे तस्थौ भगिनीभ्यां सहानघ॥
hotravāhana uvāca dauhitrīyaṃ mama vibho kāśirājasutā priyā| jyeṣṭhā svayaṃvare tasthau bhaginībhyāṃ sahānagha||
Hotravahana said She is my grand child, my lord, the beloved daughter of the king of the Kashis. O sinless one, she was desirous of choosing her own husband along with her two sisters.
— tr. M.N. Dutt (1891–96) (public domain)
MBh 3 246.16
इयमम्बेति विख्याता ज्येष्ठा काशिपतेः सुता। अम्बिकाम्बालिके कन्ये कनीयस्यौ तपोधन॥
iyamambeti vikhyātā jyeṣṭhā kāśipateḥ sutā| ambikāmbālike kanye kanīyasyau tapodhana||
This eldest daughter of the ruler of the Kashis is known as Amba and, O you whose only wealth is devotion, his two younger daughters are called Ambika and Ambalika.
— tr. M.N. Dutt (1891–96) (public domain)
MBh 3 246.17
समेतं पार्थिवं क्षत्रं काशिपूर्यां ततोऽभवत्। कन्यानिमित्तं विप्रर्षे तत्रासीदुत्सवो महान्॥
sametaṃ pārthivaṃ kṣatraṃ kāśipūryāṃ tato'bhavat| kanyānimittaṃ viprarṣe tatrāsīdutsavo mahān||
Then was there assembled in the city of Kashi, the entire body of Kshatriya rulers of the earth and there were great rejoicing there, O regenerate Rishi of those princes.
— tr. M.N. Dutt (1891–96) (public domain)
MBh 3 246.18
ततः किल महावीर्यो भीष्मः शान्तनवो नृपान्। अधिक्षिप्य महातेजास्तिस्रः कन्या जहारताः॥
tataḥ kila mahāvīryo bhīṣmaḥ śāntanavo nṛpān| adhikṣipya mahātejāstisraḥ kanyā jahāratāḥ||
Then did Bhishma, the son of Shantanu, endued with great heroism and energy overthrowing all those rulers of the earth, take away the three girls by force.
— tr. M.N. Dutt (1891–96) (public domain)
MBh 3 246.19
निर्जित्य पृथिवीपालानथं भीष्मो गजाह्वयम्। आजगाम विशुद्धात्मा कन्याभिः सह भारतः॥
nirjitya pṛthivīpālānathaṃ bhīṣmo gajāhvayam| ājagāma viśuddhātmā kanyābhiḥ saha bhārataḥ||
Bhishma of sinless soul, having conquered those rulers of the earth came to the city called after the elephant in company with those girls, OBharata.
— tr. M.N. Dutt (1891–96) (public domain)
MBh 3 246.20
सत्यवत्यै निवेद्याथ विवाहं समनन्तरम्। भ्रातुर्विचित्रवीर्यस्य समाज्ञापयत प्रभुः॥
satyavatyai nivedyātha vivāhaṃ samanantaram| bhrāturvicitravīryasya samājñāpayata prabhuḥ||
That lord after submitting the case to Satyavati ordered for the wedding of his brother Vichitravirya.
— tr. M.N. Dutt (1891–96) (public domain)
MBh 3 246.21
तं तु वैवाहिकं दृष्ट्वा कन्येयं समुपार्जितम्। अब्रवीत् तत्र गाङ्गेयं मन्त्रिमध्ये द्विजर्षभ॥
taṃ tu vaivāhikaṃ dṛṣṭvā kanyeyaṃ samupārjitam| abravīt tatra gāṅgeyaṃ mantrimadhye dvijarṣabha||
This girl, seeing all the arrangements made for the wedding, said there to the son of Ganga in the midst of his councillors, O best among the twice-born.
— tr. M.N. Dutt (1891–96) (public domain)
MBh 3 246.22
मया शाल्वपतिर्वीरो मनसाभिवृतः पतिः। न मामर्हसि धर्मज्ञ दातुं भ्रात्रेऽन्यमानसाम्॥
mayā śālvapatirvīro manasābhivṛtaḥ patiḥ| na māmarhasi dharmajña dātuṃ bhrātre'nyamānasām||
The heroic king of Shalva has been chosen by me as my husband; O you conversant with virtue, it is not proper that you should give me, who am desirous of another, up in your brother.
— tr. M.N. Dutt (1891–96) (public domain)
MBh 3 246.23
तच्छ्रुत्वा वचनं भीष्मः सम्मन्त्र्य सह मन्त्रिभिः। निश्चित्य विससर्जेमां सत्यवत्या मते स्थितः॥
tacchrutvā vacanaṃ bhīṣmaḥ sammantrya saha mantribhiḥ| niścitya visasarjemāṃ satyavatyā mate sthitaḥ||
Bhishma, hearing those words and consulting with his ministers, came to a decision and following the opinion of Satyavati sent her away,
— tr. M.N. Dutt (1891–96) (public domain)
MBh 3 246.24
अनुज्ञाता तु भीष्मेण शाल्वं सौभपतिं ततः। कन्येयं मुदिता तत्र काले वचनमब्रवीत्॥
anujñātā tu bhīṣmeṇa śālvaṃ saubhapatiṃ tataḥ| kanyeyaṃ muditā tatra kāle vacanamabravīt||
Permitted by Bhishma this girl rejoicing went to Shalva the lord of Saubha in due time and said these words:
— tr. M.N. Dutt (1891–96) (public domain)
MBh 3 246.25
विसर्जिताऽस्मि भीष्मेण धर्मं मां प्रतिपादय। मनसाभिवृतः पूर्वं मया त्वं पार्थिवर्षभ॥
visarjitā'smi bhīṣmeṇa dharmaṃ māṃ pratipādaya| manasābhivṛtaḥ pūrvaṃ mayā tvaṃ pārthivarṣabha||
I have been dismissed by Bhishma; act righteously towards me for you had before been chosen by me as my husband, O best among the rulers of the earth.
— tr. M.N. Dutt (1891–96) (public domain)
MBh 3 246.26
प्रत्याचख्यौ च शाल्वोऽस्याश्चारित्रस्याभिशङ्कितः। सेयं तपोवनं प्राप्ता तापस्येऽभिरता भृशम्॥
pratyācakhyau ca śālvo'syāścāritrasyābhiśaṅkitaḥ| seyaṃ tapovanaṃ prāptā tāpasye'bhiratā bhṛśam||
Shalva, however being suspicious about her character, rejected her and she, coming to this hermitage, has become greatly bent on practicing asceticism.
— tr. M.N. Dutt (1891–96) (public domain)
MBh 3 246.27
मया च प्रत्यभिज्ञाता वंशस्य परिकीर्तनात्। अस्य दुःखस्य चोत्पत्तिं भीष्ममेवेह मन्यते॥
mayā ca pratyabhijñātā vaṃśasya parikīrtanāt| asya duḥkhasya cotpattiṃ bhīṣmameveha manyate||
She was recognized by me owing to her describing her parentage and she thinks Bhishma as the origin of this calamity of hers.
— tr. M.N. Dutt (1891–96) (public domain)
MBh 3 246.28
अम्बोवाच भगवन्नेवमेवेह यथाऽऽह पृथिवीपतिः। शरीरकर्ता मातुर्मे सृञ्जयो होत्रवाहनः॥
ambovāca bhagavannevameveha yathā''ha pṛthivīpatiḥ| śarīrakartā māturme sṛñjayo hotravāhanaḥ||
Amba said O lord, it is even as this ruler of the earth has said; the progenitor of my mother's self is this Hotravahana of the Srinjaya race.
— tr. M.N. Dutt (1891–96) (public domain)
MBh 3 246.29
न झुत्सहे स्वनगरं प्रतियातुं तपोधन। अपमानभयाच्चैव व्रीडया च महामुने॥
na jhutsahe svanagaraṃ pratiyātuṃ tapodhana| apamānabhayāccaiva vrīḍayā ca mahāmune||
I do not desire to go back to my father's city, O you whose wealth consists in asceticism, from fear of disgrace and out of shame, O great Muni.
— tr. M.N. Dutt (1891–96) (public domain)
MBh 3 246.30
यत् तु मां भगवान् रामो वक्ष्यति द्विजसत्तम। तन्मे कार्यतमं कार्यमिति मे भगवन् मतिः॥
yat tu māṃ bhagavān rāmo vakṣyati dvijasattama| tanme kāryatamaṃ kāryamiti me bhagavan matiḥ||
0 best among the twice-born, it is my opinion that what the lord Rama points out to me would be my supreme duty, my lord.
— tr. M.N. Dutt (1891–96) (public domain)