Mahabharata — Volume III (Dutt edition) — Chapter 242
MBh 3 242.1
दुर्योधन उवाच किमर्थं भरतश्रेष्ठ नैव हन्याः शिखण्डिनम्। उद्यतेषुमथो दृष्ट्वा समरेष्वाततायिनम्॥
duryodhana uvāca kimarthaṃ bharataśreṣṭha naiva hanyāḥ śikhaṇḍinam| udyateṣumatho dṛṣṭvā samareṣvātatāyinam||
Duryodhana said For what reason, ( chief among the Bharatas, will you not slay Shikhandin even though you see him ready to strike you in battle.
— tr. M.N. Dutt (1891–96) (public domain)
MBh 3 242.2
पूर्वमुक्त्वा महाबाहो पञ्चालान् सह सोमकैः। हनिष्यामीति गाङ्गेय तन्मे ब्रूहि पितामहः॥
pūrvamuktvā mahābāho pañcālān saha somakaiḥ| haniṣyāmīti gāṅgeya tanme brūhi pitāmahaḥ||
You said before, O you of long arms: I shall slay the Panchalas with the Somakas. O son of Ganga, tell me how is this, O grand father.
— tr. M.N. Dutt (1891–96) (public domain)
MBh 3 242.3
भीष्म उवाच शृणु दुर्योधन कथां सहैभिर्वसुधाधिपः। यदर्थं युधि सम्प्रेक्ष्य नाहं हन्यां शिखण्डिनम्॥३।
bhīṣma uvāca śṛṇu duryodhana kathāṃ sahaibhirvasudhādhipaḥ| yadarthaṃ yudhi samprekṣya nāhaṃ hanyāṃ śikhaṇḍinam||3|
Bhishma said Listen, O Duryodhana, to that story along with these rulers of the universe, namely the reason for which I shall not slay Shikhandin even though I see him in battle.
— tr. M.N. Dutt (1891–96) (public domain)
MBh 3 242.4
महाराजो मम पिता शान्तनुर्लोकविश्रुतः। दिष्टान्तमाप धर्मात्मा समये भरतर्षभ॥
mahārājo mama pitā śāntanurlokaviśrutaḥ| diṣṭāntamāpa dharmātmā samaye bharatarṣabha||
0 great king, my father the virtuoussouled Shantanu, well known in this world, went the way of the world in due time, O best among the Bharatas.
— tr. M.N. Dutt (1891–96) (public domain)
MBh 3 242.5
ततोऽहं भरतश्रेष्ठ प्रतिज्ञां परिपालयन्। चित्राङ्गदं भ्रातरं वै महाराज्येऽभ्यषेचयम्॥
tato'haṃ bharataśreṣṭha pratijñāṃ paripālayan| citrāṅgadaṃ bhrātaraṃ vai mahārājye'bhyaṣecayam||
Then did I, O chief among the Bharatas, observing my vows, install my brother Chitrangada on the throne.
— tr. M.N. Dutt (1891–96) (public domain)
MBh 3 242.6
तस्मिंश्च निधनं प्राप्ते सत्यवत्या मते स्थितः। विचित्रवीर्यं राजानमभ्यषिञ्च यथाविधि॥
tasmiṃśca nidhanaṃ prāpte satyavatyā mate sthitaḥ| vicitravīryaṃ rājānamabhyaṣiñca yathāvidhi||
He too being dead, following the wishes of Satyavati 1 duly appointed Vichitravirya in the kingship.
— tr. M.N. Dutt (1891–96) (public domain)
MBh 3 242.7
मयाभिषिक्तो राजेन्द्र यवीयानपि धर्मतः। विचित्रवीर्यो धर्मात्मा मामेव समुदैक्षत॥
mayābhiṣikto rājendra yavīyānapi dharmataḥ| vicitravīryo dharmātmā māmeva samudaikṣata||
Installed by me, O chief among kings, my younger brother the virtuous souled Vichitravirya looked up to me in everything.
— tr. M.N. Dutt (1891–96) (public domain)
MBh 3 242.8
तस्य दारक्रियां तात चिकीर्षुरहमप्युत। अनुरूपादिव कुलादित्येव च मनो दधे॥
tasya dārakriyāṃ tāta cikīrṣurahamapyuta| anurūpādiva kulādityeva ca mano dadhe||
I, too being desirous of getting his wives, set my heart on procuring suitable girls from good families.
— tr. M.N. Dutt (1891–96) (public domain)
MBh 3 242.9
तथाऽश्रौषं महाबाहो तिस्रः कन्याः स्वयंवराः। रूपेणाप्रतिमाः सर्वाः काशिराजसुतास्तदा।
tathā'śrauṣaṃ mahābāho tisraḥ kanyāḥ svayaṃvarāḥ| rūpeṇāpratimāḥ sarvāḥ kāśirājasutāstadā|
At the time, I heard, O you of long arms, that these were three girls, the daughters of the king of the Kashis going to elect bridegrooms, all of whom were unrivaled in beauty.
— tr. M.N. Dutt (1891–96) (public domain)
MBh 3 242.10
अम्बां चैवाम्बिकां चैव तथैवाम्बालिकामपि॥ राजानश्च समाहूताः पृथिव्यां भरतर्षभ। अम्बा ज्येष्ठाभवत् तासामम्बिकात्वथ मध्यमा॥
ambāṃ caivāmbikāṃ caiva tathaivāmbālikāmapi|| rājānaśca samāhūtāḥ pṛthivyāṃ bharatarṣabha| ambā jyeṣṭhābhavat tāsāmambikātvatha madhyamā||
They were Amba, Ambika, and Ambalika and all the rulers of the earth were invited, O foremost of the Bharatas. Amba was the elder among them, Ambika the second,
— tr. M.N. Dutt (1891–96) (public domain)
MBh 3 242.11
अम्बालिका च राजेन्द्र राजकन्या यवीयसी। सोऽहमेकरथेनैव गतः काशिपतेः पुरीम्॥
ambālikā ca rājendra rājakanyā yavīyasī| so'hamekarathenaiva gataḥ kāśipateḥ purīm||
And Ambalika, O chief among kings, was the youngest princess. Then did I on a single chariot, go to the capital of the king of the Kashis,
— tr. M.N. Dutt (1891–96) (public domain)
MBh 3 242.12
अपश्यं ता महाबाहो तिस्रः कन्या: स्वलंकृताः। राज्ञश्चैव समाहूतान् पार्थिवान् पृथिवीपते॥
apaśyaṃ tā mahābāho tisraḥ kanyā: svalaṃkṛtāḥ| rājñaścaiva samāhūtān pārthivān pṛthivīpate||
And saw, O you of long arms, the three girls with their persons ornamented and the kings of the carth who were invited, O lord of the world
— tr. M.N. Dutt (1891–96) (public domain)
MBh 3 242.13
ततोऽहं तान् नृपान् सर्वानाहूय समरे स्थितान्। रथमारोपयांचने कन्यास्ता भरतर्षभ॥
tato'haṃ tān nṛpān sarvānāhūya samare sthitān| rathamāropayāṃcane kanyāstā bharatarṣabha||
Then did I, challenging all those rulers of the earth to fight, carried by force, the girls to my chariot, O best of the Bharatas.
— tr. M.N. Dutt (1891–96) (public domain)
MBh 3 242.14
वीर्यशुल्काश्च ता ज्ञात्वा समारोप्य रथं तदा। अवोचं पार्थिवान् सर्वानहं तत्र समागतान्।
vīryaśulkāśca tā jñātvā samāropya rathaṃ tadā| avocaṃ pārthivān sarvānahaṃ tatra samāgatān|
Knowing that prowess constituted their dower, I took them over to my chariot and said to all those rulers of the earth who were assembled there.
— tr. M.N. Dutt (1891–96) (public domain)
MBh 3 242.15
भीष्मः शान्तनवः कन्या हरतीति पुनः पुनः॥ ये यतध्वं परं शक्त्या सर्वे मोक्षाय पार्थिवाः। प्रसह्य हि हराम्येष मिषतां वो नरर्षभाः॥
bhīṣmaḥ śāntanavaḥ kanyā haratīti punaḥ punaḥ|| ye yatadhvaṃ paraṃ śaktyā sarve mokṣāya pārthivāḥ| prasahya hi harāmyeṣa miṣatāṃ vo nararṣabhāḥ||
Bhishma, the son of Shantanu, again and again takes these girls away by force; try, 0 rulers of the earth, with all your might to liberate them. By force do I take them away, O best among men, in your very sight,
— tr. M.N. Dutt (1891–96) (public domain)
MBh 3 242.16
ततस्ते पृथिवीपालाः समुत्पेतुरुदायुधाः। योगो योग इति क्रुद्धाः सारथीनभ्यचोदयन्॥
tataste pṛthivīpālāḥ samutpeturudāyudhāḥ| yogo yoga iti kruddhāḥ sārathīnabhyacodayan||
Then did those lords of the earth rise up with weapons open and wrathfully they urged their drivers, saying, “Make ready the cars, make ready the cars."
— tr. M.N. Dutt (1891–96) (public domain)
MBh 3 242.17
ते स्थैर्गजसंकाशैर्गजैश्च गजयोधिनः। पुष्टैश्चाश्चैर्महीपालाः समुत्पेतुरुदायुधाः॥
te sthairgajasaṃkāśairgajaiśca gajayodhinaḥ| puṣṭaiścāścairmahīpālāḥ samutpeturudāyudhāḥ||
Then did they rise up with weapons ready, car-warriors on chariots resembling herds of elephant-warriors on elephants and others ruler of the earth on plump horses.
— tr. M.N. Dutt (1891–96) (public domain)
MBh 3 242.18
ततस्ते मां महीपाला: सर्व एवं विशाम्पते। रथवातेन महता सर्वतः पर्यवारयन्॥
tataste māṃ mahīpālā: sarva evaṃ viśāmpate| rathavātena mahatā sarvataḥ paryavārayan||
Then did all those rulers of the earth, O lord of the universe, surround me on an all sides with a large troupe of chariots.
— tr. M.N. Dutt (1891–96) (public domain)
MBh 3 242.19
तानहं शरवर्षेण समन्तात् पर्यवारयम्। सर्वान् नृपांश्चाप्यजयं देवराडिव दानवान्॥
tānahaṃ śaravarṣeṇa samantāt paryavārayam| sarvān nṛpāṃścāpyajayaṃ devarāḍiva dānavān||
Then, with a shower of arrows I arrested their rush and vanquished all those rulers of the earth like of the gods vanquishing the Danavas.
— tr. M.N. Dutt (1891–96) (public domain)
MBh 3 242.20
अपातयं शरैर्दीप्तैः प्रहसन् भरतर्षभ। तेषामापततां चित्रान् ध्वजान् हेमपरिष्कृतान्॥
apātayaṃ śarairdīptaiḥ prahasan bharatarṣabha| teṣāmāpatatāṃ citrān dhvajān hemapariṣkṛtān||
By blazing arrows did I laughingly fell down their diverse banners ornamented with gold, O best among the Bharatas.
— tr. M.N. Dutt (1891–96) (public domain)
MBh 3 242.21
एकैकेन हि बाणेन भूमौ पातितवानहम्। हयांस्तेषां गजांश्चैव सारथींचाप्यहं रणे॥
ekaikena hi bāṇena bhūmau pātitavānaham| hayāṃsteṣāṃ gajāṃścaiva sārathīṃcāpyahaṃ raṇe||
By one arrow did I lay each to the ground with their horses, elephants, and drivers in battle.
— tr. M.N. Dutt (1891–96) (public domain)
MBh 3 242.22
ते निवृत्ताश्च भग्नाश्च दृष्ट्वा तल्लाघवं मम। अथाहं हास्तिनपुरमायां जित्वा महीक्षितः॥
te nivṛttāśca bhagnāśca dṛṣṭvā tallāghavaṃ mama| athāhaṃ hāstinapuramāyāṃ jitvā mahīkṣitaḥ||
Seeing that lightness of hand on my part, they broke up and turned back and vanquishing those kings I came to the city called after the elephant.
— tr. M.N. Dutt (1891–96) (public domain)
MBh 3 242.23
ततोऽहं ताश्च कन्या वै भ्रातुरर्थाय भारत। तच्च कर्म महाबाहो सत्यवत्यै न्यवेदयम्॥
tato'haṃ tāśca kanyā vai bhrāturarthāya bhārata| tacca karma mahābāho satyavatyai nyavedayam||
Then did I make over, O Bharata, those girls to my brother, and submitted that deed, O you of long arms, to Satyavati for information.
— tr. M.N. Dutt (1891–96) (public domain)