Mahabharata — Volume III (Dutt edition) — Chapter 235
MBh 3 235.1
भीष्म उवाच सुदक्षिणस्तु काम्बोजो रथ एकगुणो मतः तवार्थसिद्धिमाकाङ्क्षन् योत्स्यते समरे परैः॥
bhīṣma uvāca sudakṣiṇastu kāmbojo ratha ekaguṇo mataḥ tavārthasiddhimākāṅkṣan yotsyate samare paraiḥ||
Bhishma said In my opinion Sudakshina, of Kamboja, is equal to one Ratha and he will fight in the battle with the enemy desiring the success of your objects.
— tr. M.N. Dutt (1891–96) (public domain)
MBh 3 235.2
एतस्य रथसिंहस्य तवार्थं राजसत्तम। पराक्रमं यथेन्द्रस्य द्रक्ष्यन्ति कुरवो युधि॥
etasya rathasiṃhasya tavārthaṃ rājasattama| parākramaṃ yathendrasya drakṣyanti kuravo yudhi||
The prowess of this best among car warriors excited on your behalf, O best among kings, the Kurus in battle with see equal to that of Indra himself.
— tr. M.N. Dutt (1891–96) (public domain)
MBh 3 235.3
एतस्य रथवंशे हि तिग्मवेगप्रहारिणः। काम्बोजानां महाराज शलभानामिवायतिः॥
etasya rathavaṃśe hi tigmavegaprahāriṇaḥ| kāmbojānāṃ mahārāja śalabhānāmivāyatiḥ||
The best of car warriors under him are strikers with fierce force. The Kambojas, o great king, will cover like the land like a swarm of locusts.
— tr. M.N. Dutt (1891–96) (public domain)
MBh 3 235.4
नीलो माहिष्मतीवासो नीलवर्मा रथस्तव। रथवंशेन कदनं शत्रूणां वै करिष्यति॥
nīlo māhiṣmatīvāso nīlavarmā rathastava| rathavaṃśena kadanaṃ śatrūṇāṃ vai kariṣyati||
Nil of Mahishmati clad in a blue coat of mail is a Ratha of your army and with the car warriors under him he will work havoc among the enemy.
— tr. M.N. Dutt (1891–96) (public domain)
MBh 3 235.5
कृतवैरः पुरा चैव सहदेवेन मारिष। योत्स्यते सततं राजंस्तवार्थं कुरुनन्दन॥
kṛtavairaḥ purā caiva sahadevena māriṣa| yotsyate satataṃ rājaṃstavārthaṃ kurunandana||
My child, in former days, he was made an enemy by Sahadeva, and he will ever fight on your behalf, O you delighter of the Kuru race.
— tr. M.N. Dutt (1891–96) (public domain)
MBh 3 235.6
विन्दानुविन्दावावन्त्यौ संमतौ रथसत्तमौ। कृतिनौ समरे तात दृढवीर्यपराक्रमौ॥
vindānuvindāvāvantyau saṃmatau rathasattamau| kṛtinau samare tāta dṛḍhavīryaparākramau||
In my opinion Vindu and Anuvindu, the princes of Avanti, accomplished in battle and of firm strength and prowess are two of the best Rathas.
— tr. M.N. Dutt (1891–96) (public domain)
MBh 3 235.7
एतौ तौ पुरुषव्याघ्रौ रिपुसैन्यं प्रधक्ष्यतः। गदाप्रासासिनाराचैस्तोमरैश्च करच्युतैः॥
etau tau puruṣavyāghrau ripusainyaṃ pradhakṣyataḥ| gadāprāsāsinārācaistomaraiśca karacyutaiḥ||
These two best among men will consume the army of enemy with maces, bearded darts, swords, muskets and long shafts hurled from their hands.
— tr. M.N. Dutt (1891–96) (public domain)
MBh 3 235.8
युद्धाभिकामौ समरे क्रीडन्ताविव यूथपौ। यूथमध्ये महाराज विचरन्तौ कृतान्तवत्॥
yuddhābhikāmau samare krīḍantāviva yūthapau| yūthamadhye mahārāja vicarantau kṛtāntavat||
Desirous of war they will act in battle each like Yama like two sporting elephants moving in the midst of a herd, O king.
— tr. M.N. Dutt (1891–96) (public domain)
MBh 3 235.9
त्रिगर्ता भ्रातरः पञ्च रथोदारा मता मम। कृतवैराश्च पार्थस्ते विराटनगरे तदा॥
trigartā bhrātaraḥ pañca rathodārā matā mama| kṛtavairāśca pārthaste virāṭanagare tadā||
In my opinion, the five Trigarta brothers are Rathas and they were made enemies by the sons of Pritha while in the city of Virata.
— tr. M.N. Dutt (1891–96) (public domain)
MBh 3 235.10
मकरा इव राजेन्द्र समुद्धततरङ्गिणीम्। गङ्गा विक्षोभयिष्यन्ति पार्थानां युधि वाहिनीम्॥
makarā iva rājendra samuddhatataraṅgiṇīm| gaṅgā vikṣobhayiṣyanti pārthānāṃ yudhi vāhinīm||
In the battle, they will agitate the army of the son of Pritha like Makaras agitating the Ganga swollen with its waves.
— tr. M.N. Dutt (1891–96) (public domain)
MBh 3 235.11
ते रथाः पञ्च राजेन्द्र येषां सत्यरथो मुखम्। एते योत्स्यन्ति संग्रामे संस्मरन्तः पुराकृतम्॥
te rathāḥ pañca rājendra yeṣāṃ satyaratho mukham| ete yotsyanti saṃgrāme saṃsmarantaḥ purākṛtam||
They are Rathas, O chief among kings, at whose head is Satyaratha and they will fight in the battle remembering the former wrongs.
— tr. M.N. Dutt (1891–96) (public domain)
MBh 3 235.12
व्यलीकं पाण्डवेयेन भीमसेनानुजेन ह। दिशो विजयता राजन् श्वेतवाहेन भारत॥
vyalīkaṃ pāṇḍaveyena bhīmasenānujena ha| diśo vijayatā rājan śvetavāhena bhārata||
They were injured by Bhima's younger brother Arjuna, the son of Pandu, O king, when on a car drawn by white steeds, O Bharata, he went out to conquer all the quarters.
— tr. M.N. Dutt (1891–96) (public domain)
MBh 3 235.13
ते हनिष्यन्ति पार्थानां तानासाद्य महारथान्। वरान् वरान् महेष्वासान् क्षत्रियाणां धुरन्धरान्॥
te haniṣyanti pārthānāṃ tānāsādya mahārathān| varān varān maheṣvāsān kṣatriyāṇāṃ dhurandharān||
Having encountered many car warriors, chiefs of bowmen and leaders of Kshatriyas on the side of Parthas they will forsooth kill them
— tr. M.N. Dutt (1891–96) (public domain)
MBh 3 235.14
लक्ष्मणस्तव पुत्रश्च तथा दुःशासनस्य च। उभौ तौ पुरुषव्याघ्रौ संग्रामेष्वपलायिनौ॥
lakṣmaṇastava putraśca tathā duḥśāsanasya ca| ubhau tau puruṣavyāghrau saṃgrāmeṣvapalāyinau||
Your son Lakshmana and the son of Dushasana, both these foremost among men can never fly back from the battle.
— tr. M.N. Dutt (1891–96) (public domain)
MBh 3 235.15
तरुणौ सुकुमारौ च राजपुत्रौ तरस्विनौ। युद्धानां च विशेषज्ञौ प्रणेतारौ च सर्वशः॥
taruṇau sukumārau ca rājaputrau tarasvinau| yuddhānāṃ ca viśeṣajñau praṇetārau ca sarvaśaḥ||
The two young and delicate princes are of light hand and know all the details of fighting and are in every way fit to be leaders.
— tr. M.N. Dutt (1891–96) (public domain)
MBh 3 235.16
रथौ तौ कुरुशार्दूल मतौ मे रथसत्तमौ। क्षत्रधर्मरतौ वीरौ महत् कर्म करिष्यतः॥
rathau tau kuruśārdūla matau me rathasattamau| kṣatradharmaratau vīrau mahat karma kariṣyataḥ||
These two, O foremost among the Kurus, i am of opinion, are Rathas, and the heroes attached as they are to the duties of the Kshatriya will perform noble deeds.
— tr. M.N. Dutt (1891–96) (public domain)
MBh 3 235.17
दण्डधारौ महाराज रथ एको नरर्षभ। योत्स्यते तव संग्रामे स्वेन सैन्येन पालितः॥
daṇḍadhārau mahārāja ratha eko nararṣabha| yotsyate tava saṃgrāme svena sainyena pālitaḥ||
That foremost among men, Dandadhara, O great king, is a Ratha and he will fight in your battle protected by his own army.
— tr. M.N. Dutt (1891–96) (public domain)
MBh 3 235.18
बृहद्बलस्तथा राजा कौसल्यो रथसत्तमः। रथो मम मतस्तात महावेगपराक्रमः॥
bṛhadbalastathā rājā kausalyo rathasattamaḥ| ratho mama matastāta mahāvegaparākramaḥ||
Brihadbala, too, O king, the prince of the Shalyas, is one of the best among car warriors and is a Ratha, in my opinion, of great impetuosity and prowess.
— tr. M.N. Dutt (1891–96) (public domain)
MBh 3 235.19
एष योत्स्यति संग्रामे स्वान् बन्धून् सम्प्रहर्षयन्। उग्रायुधो महेष्वासो धार्तराष्ट्रहिते रतः॥
eṣa yotsyati saṃgrāme svān bandhūn sampraharṣayan| ugrāyudho maheṣvāso dhārtarāṣṭrahite rataḥ||
He will fight in the battle delighting his own friends, a wielder of terrible weapons as he is and a mighty bowman devoted to the good of the son of Dhritarashtra.
— tr. M.N. Dutt (1891–96) (public domain)
MBh 3 235.20
कृपः शारद्वतो राजन् रथयूथपयूथपः। प्रियान् प्राणान् परित्यज्य प्रधक्ष्यति रिपूंस्तव॥
kṛpaḥ śāradvato rājan rathayūthapayūthapaḥ| priyān prāṇān parityajya pradhakṣyati ripūṃstava||
Kripa, the son of Sharadvata, Oking, is the general of the commanders of the Rathas, and careless of his dear life he will consume your enemies.
— tr. M.N. Dutt (1891–96) (public domain)
MBh 3 235.21
गौतमस्य महर्षर्य आचार्यस्य शरद्वतः। कार्तिकेय इवाजेयः शरस्तम्बात् सुतोऽभवत्॥
gautamasya maharṣarya ācāryasya śaradvataḥ| kārtikeya ivājeyaḥ śarastambāt suto'bhavat||
The son of the great Rishi Gautama, or the preceptor Sharadvata, born on a clump of health, is invincible as the war god Kartikeya himself.
— tr. M.N. Dutt (1891–96) (public domain)
MBh 3 235.22
एष सेना: सुबहुला विविधायुधकार्मुकाः। अग्निवत् समरे तात चरिष्यति विनिर्दहन्॥
eṣa senā: subahulā vividhāyudhakārmukāḥ| agnivat samare tāta cariṣyati vinirdahan||
Destroying this army strong in numbers and furnished with diverse weapons and bows he will roll in the battle like blazing fire.
— tr. M.N. Dutt (1891–96) (public domain)