Mahabharata — Volume III (Dutt edition) — Chapter 212
MBh 3 212.1
संजय उवाच कर्णस्य वचनं श्रुत्वा केशवः परवीरहा। उवाच प्रहसन् वाक्यं स्मितपूर्वमिदं यथा॥
saṃjaya uvāca karṇasya vacanaṃ śrutvā keśavaḥ paravīrahā| uvāca prahasan vākyaṃ smitapūrvamidaṃ yathā||
Sanjaya said Keshava, that slayer of heroes of the enemies, hearing the words of Karna said these words laughingly.
— tr. M.N. Dutt (1891–96) (public domain)
MBh 3 212.2
श्रीभगवानुवाच अपि त्वां न लभेत् कर्ण राज्यलम्भोपपादनम्। मया दत्तां हि पृथिवीं न प्रशासितुमिच्छसि॥
śrībhagavānuvāca api tvāṃ na labhet karṇa rājyalambhopapādanam| mayā dattāṃ hi pṛthivīṃ na praśāsitumicchasi||
"Desire you not then to gain this kingdom by the means I have indicated, O Karna? Desire you not to rule this earth given by me to you.
— tr. M.N. Dutt (1891–96) (public domain)
MBh 3 212.3
ध्रुवो जयः पाण्डवानामितीदं न संशयः कश्चन विद्यतेऽत्र। जयध्वयो दृश्यते पाण्डवस्य समुच्छ्रितो वानरराज उग्रः॥
dhruvo jayaḥ pāṇḍavānāmitīdaṃ na saṃśayaḥ kaścana vidyate'tra| jayadhvayo dṛśyate pāṇḍavasya samucchrito vānararāja ugraḥ||
The sure success of the Pandavas will follow in this case, there is no doubt of it; the fierce triumphal banner, of the son of Pandu who has the figure of the monkey on his banner, is already hoisted.
— tr. M.N. Dutt (1891–96) (public domain)
MBh 3 212.4
दिव्या मयाया विहिता भौमनेन समुच्छ्रिता इन्द्रकेतुप्रकाशा। दिव्यानि भूतानि जयावहानि दृश्यन्ति चैवात्र भयानकानि॥
divyā mayāyā vihitā bhaumanena samucchritā indraketuprakāśā| divyāni bhūtāni jayāvahāni dṛśyanti caivātra bhayānakāni||
It rises up into the air, endued with celestial illusion by Bhaumana for in the banner are seen many fierce celestial creatures indicating victory.
— tr. M.N. Dutt (1891–96) (public domain)
MBh 3 212.5
न सज्जते शैलवनस्पतिभ्य ऊर्ध्वं तिर्यगयोजनमात्ररूपः। श्रीमान् ध्वजः कर्ण धनंजयस्य समुच्छ्रितः पावकतुल्यरूपः॥
na sajjate śailavanaspatibhya ūrdhvaṃ tiryagayojanamātrarūpaḥ| śrīmān dhvajaḥ karṇa dhanaṃjayasya samucchritaḥ pāvakatulyarūpaḥ||
It is not impeded by hills or trees and it occupies the space of a Yojana upwards as also all around; this prosperous banner banner of Dhananjaya, O Karna, is hosted up and looks like fire itself.
— tr. M.N. Dutt (1891–96) (public domain)
MBh 3 212.6
यदा द्रक्ष्यसि संग्रामे श्वेताश्रं कृष्णसारथिम्। ऐन्द्रमस्त्रं विकुर्वाणमुभे चाप्यग्निमारुते॥
yadā drakṣyasi saṃgrāme śvetāśraṃ kṛṣṇasārathim| aindramastraṃ vikurvāṇamubhe cāpyagnimārute||
When you will see in the battle Arjuna, driving on a chariot drawn by white horses and driven by Krishna, making use of the Aindra weapon, as also the weapons of Agni and Marut.
— tr. M.N. Dutt (1891–96) (public domain)
MBh 3 212.7
गाण्डीवस्य च निर्घोषं विस्फूर्जितमिवाशनेः। न तदा भविता त्रेता न कृतं द्वापरं न च॥
gāṇḍīvasya ca nirghoṣaṃ visphūrjitamivāśaneḥ| na tadā bhavitā tretā na kṛtaṃ dvāparaṃ na ca||
And when you will hear the twang of the Gandiva bow piercing as it were the sky like the thunder, then will the Treta, Krita and Dvapara Yugas pass away.
— tr. M.N. Dutt (1891–96) (public domain)
MBh 3 212.8
यदा द्रक्ष्यसि संग्रामे कुन्तीपुत्रं युधिष्ठिरम्। जपहोमसमायुक्तं स्वां रक्षन्तं महाचमूम्॥
yadā drakṣyasi saṃgrāme kuntīputraṃ yudhiṣṭhiram| japahomasamāyuktaṃ svāṃ rakṣantaṃ mahācamūm||
When you will see Yudhishthira the son of Kunti in battle, endued with Japa and Homa and engaged in protecting his own vast army.
— tr. M.N. Dutt (1891–96) (public domain)
MBh 3 212.9
आदित्यमिव दुर्धर्षं तपन्तं शत्रुवाहिनीम्। न तदा भविता त्रेता न कृतं द्वापरं न च॥
ādityamiva durdharṣaṃ tapantaṃ śatruvāhinīm| na tadā bhavitā tretā na kṛtaṃ dvāparaṃ na ca||
Hard to be vanquished like Aditya and trembling the army of his enemy, then will the Treta, Krita, and Dvapara Yuga pass away.
— tr. M.N. Dutt (1891–96) (public domain)
MBh 3 212.10
यदा द्रक्ष्यसि संग्रामे भीमसेनं महाबलम्। दुःशासनस्य रुधिरं पीत्वा नृत्यन्तमाहवे॥
yadā drakṣyasi saṃgrāme bhīmasenaṃ mahābalam| duḥśāsanasya rudhiraṃ pītvā nṛtyantamāhave||
When you will see Bhimasena of great strength in the field dancing in this great battle drinking the blood of Dushasana,
— tr. M.N. Dutt (1891–96) (public domain)
MBh 3 212.11
प्रभिन्नमिव मातङ्गं प्रतिद्विरदघातिनम्। न तदा भविता त्रेता न कृतं द्वापरं न च॥
prabhinnamiva mātaṅgaṃ pratidviradaghātinam| na tadā bhavitā tretā na kṛtaṃ dvāparaṃ na ca||
Like an infuriated elephant with his temples rent after vanquishing an opponent then will the Treta, Krita and Dvapara Yugas pass away.
— tr. M.N. Dutt (1891–96) (public domain)
MBh 3 212.12
यदा द्रक्ष्यसि संग्रामे द्रोणं शान्तनवं कृपम्। सुयोधनं च राजानं सैन्धवं च जयद्रथम्॥
yadā drakṣyasi saṃgrāme droṇaṃ śāntanavaṃ kṛpam| suyodhanaṃ ca rājānaṃ saindhavaṃ ca jayadratham||
When you will see in the battle Drona, and the son of Shantanu and Kripa, Suyodhana, the king of the Sindhus and Jayadratha,
— tr. M.N. Dutt (1891–96) (public domain)
MBh 3 212.13
युद्धायापततस्तूर्णं वारितान् सव्यसाचिना। न तदा भविता त्रेता न कृतं द्वापरं न च॥
yuddhāyāpatatastūrṇaṃ vāritān savyasācinā| na tadā bhavitā tretā na kṛtaṃ dvāparaṃ na ca||
Rushing to the fight with great impetuosity opposed by Savyasachin Yugas pass away.
— tr. M.N. Dutt (1891–96) (public domain)
MBh 3 212.14
यदा द्रक्ष्यसि संग्रामे माद्रीपुत्रौ महाबलौ। वाहिनीं धार्तराष्ट्राणां क्षोभयन्तौ गजाविव॥
yadā drakṣyasi saṃgrāme mādrīputrau mahābalau| vāhinīṃ dhārtarāṣṭrāṇāṃ kṣobhayantau gajāviva||
When you will see in the battle the two sons of Madri endued with great strength making a havoc in the army of the sons of Dhritarashtra like two elephants.
— tr. M.N. Dutt (1891–96) (public domain)
MBh 3 212.15
विगाढे शस्त्रसम्पाते परवीररथारुजौ। न तदा भविता त्रेता न कृतं द्वापरं न च॥
vigāḍhe śastrasampāte paravīrarathārujau| na tadā bhavitā tretā na kṛtaṃ dvāparaṃ na ca||
Those car-warriors driving on engaged in the throwing of weapons then will the Treta, Kripa and Dvapara Yugas cease to exist.
— tr. M.N. Dutt (1891–96) (public domain)
MBh 3 212.16
ब्रूयाः कर्ण इतो गत्वा द्रोणं शान्तनवं कृपम्। सौम्योऽयं वर्तते मासः सुप्रापयवसेन्धनः॥
brūyāḥ karṇa ito gatvā droṇaṃ śāntanavaṃ kṛpam| saumyo'yaṃ vartate māsaḥ suprāpayavasendhanaḥ||
Going from here, O Karna, tell Drona, the son of Shantanu and Kripa that the present month is a charming one with plenty of food, drink and fuel. a car
— tr. M.N. Dutt (1891–96) (public domain)
MBh 3 212.17
सौषधिवनस्फीतः फलवानल्पमक्षिकः। निष्पको रसवत्तोयो नात्युष्णशिशिरः सुखः॥
sauṣadhivanasphītaḥ phalavānalpamakṣikaḥ| niṣpako rasavattoyo nātyuṣṇaśiśiraḥ sukhaḥ||
All plants and herbs are luxuriant in their growth now, the trees are laden with fruits and there are flies; the ponds are free from mire and their water pleasant to drink and neither hot nor cold, for it is a pleasant time.
— tr. M.N. Dutt (1891–96) (public domain)
MBh 3 212.18
सप्तमाच्चापि दिवसादमावास्या भविष्यति। संग्रामो युज्यतां तस्यां तामाहुः शक्रदेवताम्॥
saptamāccāpi divasādamāvāsyā bhaviṣyati| saṃgrāmo yujyatāṃ tasyāṃ tāmāhuḥ śakradevatām||
In seven days will there be full moon and on that day let us engage in fight; for this is the day favorite to Shakra.
— tr. M.N. Dutt (1891–96) (public domain)
MBh 3 212.19
तथा राज्ञो वदेः सर्वान् ये युद्धायाभ्युपागताः। यद् वो मनीषितं तद् वै सर्वं सम्पादयाम्यहम्॥
tathā rājño vadeḥ sarvān ye yuddhāyābhyupāgatāḥ| yad vo manīṣitaṃ tad vai sarvaṃ sampādayāmyaham||
Then speak also to all the kings who are assembled to fight what you desire. I shall fulfill your wishes in every way.
— tr. M.N. Dutt (1891–96) (public domain)
MBh 3 212.20
राजानो राजपुत्राश्च दुर्योधनवशानुगाः। प्राप्य शस्त्रेण निधनं प्राप्स्यन्ति गतिमुत्तमाम्॥
rājāno rājaputrāśca duryodhanavaśānugāḥ| prāpya śastreṇa nidhanaṃ prāpsyanti gatimuttamām||
The king and princes, who are under the leadership of Duryodhana, will meet, by coming in contact with weapons, with death and attain to very excellent salvation.
— tr. M.N. Dutt (1891–96) (public domain)