Mahabharata — Volume III (Dutt edition) — Chapter 196
MBh 3 196.1
वैशम्पायन उवाच धृतराष्ट्रवचः श्रुत्वा भीष्मद्रोणौ समव्यथौ। दुर्योधनमिदं वाक्यमूचतुः शासनातिगम्॥
vaiśampāyana uvāca dhṛtarāṣṭravacaḥ śrutvā bhīṣmadroṇau samavyathau| duryodhanamidaṃ vākyamūcatuḥ śāsanātigam||
Vaishampayana said Hearing the words of Dhritarashtra the two, sympathizing with Dhritarashtra said, word to Duryodhana who did not act according to the instructions of his elders.
— tr. M.N. Dutt (1891–96) (public domain)
MBh 3 196.2
यावत् कृष्णावसंनद्धौ यावत् तिष्ठति गाण्डिवम्। यावद् धौम्यो न मेधाग्नौ जुहोतीह द्विषद्बलम्॥
yāvat kṛṣṇāvasaṃnaddhau yāvat tiṣṭhati gāṇḍivam| yāvad dhaumyo na medhāgnau juhotīha dviṣadbalam||
So long as the two Krishna's are not clad in coats of mail, so long as the Gandiva bow is lying still, so long as Dhaumya the priest of the Pandavas does not make offerings to the fire of war, and thereby burns up the strength of their enemy,
— tr. M.N. Dutt (1891–96) (public domain)
MBh 3 196.3
यावन्न प्रेक्षते क्रुद्धः सेनां तव युधिष्ठिरः। ह्रीनिषेवो महेष्वासस्तावच्छाम्यतु वैशसम्॥
yāvanna prekṣate kruddhaḥ senāṃ tava yudhiṣṭhiraḥ| hrīniṣevo maheṣvāsastāvacchāmyatu vaiśasam||
So long as Yudhishthira who is endued with modesty and a great bow-man does not look on your army with wrath, let hostilities cease.
— tr. M.N. Dutt (1891–96) (public domain)
MBh 3 196.4
यावन्न दृश्यते पार्थः स्वेऽप्यनीके व्यवस्थितः। भीमसेनो महेष्वासस्तावच्छाम्यतु वैशसम्॥
yāvanna dṛśyate pārthaḥ sve'pyanīke vyavasthitaḥ| bhīmaseno maheṣvāsastāvacchāmyatu vaiśasam||
So long as the son of Pritha, the great bowman Bhimasena is not seen to take up his position in the division of his own army, let hostilities cease,
— tr. M.N. Dutt (1891–96) (public domain)
MBh 3 196.5
यावन्न चरते मार्गान् पृतनामभिधर्षयन्। भीमसेनो गदापाणिस्तावत् संशाम्य पाण्डवैः॥
yāvanna carate mārgān pṛtanāmabhidharṣayan| bhīmaseno gadāpāṇistāvat saṃśāmya pāṇḍavaiḥ||
Let there be peace with Pandavas so long as Bhimasena, with the mace in his hands, does not come this way vanquishing his opponents.
— tr. M.N. Dutt (1891–96) (public domain)
MBh 3 196.6
यावन्न शातयत्याजौ शिरांसि गजयोधिनाम्। गदया वीरघातिन्या फलानीव वनस्पतेः॥
yāvanna śātayatyājau śirāṃsi gajayodhinām| gadayā vīraghātinyā phalānīva vanaspateḥ||
So long as he dose not cut off the heads of warriors fighting on elephants and make them by his hero killing mace roll like the fruits of the palmyra,
— tr. M.N. Dutt (1891–96) (public domain)
MBh 3 196.7
कालेन परिपक्वानि तावच्छाम्यतु वैशसम्। नकुलः सहदेवश्च धृष्टद्युम्नश्च पार्षतः॥
kālena paripakvāni tāvacchāmyatu vaiśasam| nakulaḥ sahadevaśca dhṛṣṭadyumnaśca pārṣataḥ||
Which are ripening on their proper time having come, let hostilities cease. So long as Nakula and Sahadeva and Dhrishtadyumna, the son of Prishata,
— tr. M.N. Dutt (1891–96) (public domain)
MBh 3 196.8
विराटश्च शिखण्डी च शैशुपालिश्च दंशिताः। यावन्न प्रविशन्त्येते नक्रा इव महार्णवम्॥
virāṭaśca śikhaṇḍī ca śaiśupāliśca daṃśitāḥ| yāvanna praviśantyete nakrā iva mahārṇavam||
And Virata and Sikhandi and the son of Shishupala clad in their coats of mail, do not penetrate into your army like crocodiles in the great sea,
— tr. M.N. Dutt (1891–96) (public domain)
MBh 3 196.9
कृतास्त्राः क्षिप्रमस्यन्तस्तावच्छाम्यतु वैशसम्। यावन्न सुकुमारेषु शरीरेषु महीक्षिताम्॥ गाघ्रपत्राः पतन्त्युचास्तावच्छाम्यतु वैशसम्। चन्दनागुरुदिग्धेषु हारनिष्कघरेषु च। नोर:सु यावद् योधानां महेष्वासैर्महेषवः॥
kṛtāstrāḥ kṣipramasyantastāvacchāmyatu vaiśasam| yāvanna sukumāreṣu śarīreṣu mahīkṣitām|| gāghrapatrāḥ patantyucāstāvacchāmyatu vaiśasam| candanāgurudigdheṣu hāraniṣkaghareṣu ca| nora:su yāvad yodhānāṃ maheṣvāsairmaheṣavaḥ||
Showering arrows, as they are masters in weapon, let hostilities cease. So long as in the delicate bodies of the rulers of the earth terrible arrows with wings do not fall, let hostilities cease. So long as on the breasts of those warriors smeared with sandal and other sweet scented unguents and bedecked with golden garlands and gems, do not fall the dreadful weapons of iron and steel shot by mighty bowmen,
— tr. M.N. Dutt (1891–96) (public domain)
MBh 3 196.10
कृतास्त्रैः क्षिप्रमस्यद्भिर्दूरपातिभिरायसाः। अभिलक्ष्यैर्निपात्यन्ते तावच्छाम्यतु वैशसम्॥
kṛtāstraiḥ kṣipramasyadbhirdūrapātibhirāyasāḥ| abhilakṣyairnipātyante tāvacchāmyatu vaiśasam||
Masters in the use of weapons who can shoot from a long distance and with good aim, let hostilities cease.
— tr. M.N. Dutt (1891–96) (public domain)
MBh 3 196.11
अभिवादयमानं त्वां शिरसा राजकुञ्जरः। पाणिभ्यां प्रतिगृह्णातु धर्मराजो युधिष्ठिरः॥
abhivādayamānaṃ tvāṃ śirasā rājakuñjaraḥ| pāṇibhyāṃ pratigṛhṇātu dharmarājo yudhiṣṭhiraḥ||
Let the virtuous king Yudhishthira, that best of kings take you by the hand while you are saluting him with your head bowed down.
— tr. M.N. Dutt (1891–96) (public domain)
MBh 3 196.12
ध्वजाङ्कुशपताकाङ्क दक्षिणं ते सुदक्षिणः। स्कन्धे निक्षिपतां बाहुं शान्तये भरतर्षभ॥
dhvajāṅkuśapatākāṅka dakṣiṇaṃ te sudakṣiṇaḥ| skandhe nikṣipatāṃ bāhuṃ śāntaye bharatarṣabha||
Let that one who has performed many sacrifices comfort you, by placing his righi arm, marked with the sign of a banner and hook on you shoulders.
— tr. M.N. Dutt (1891–96) (public domain)
MBh 3 196.13
रत्नौषधिसमेतेन रक्ताङ्गुलितलेन च। उपविष्टस्य पृष्ठं ते पाणिना परिमार्जतु॥
ratnauṣadhisametena raktāṅgulitalena ca| upaviṣṭasya pṛṣṭhaṃ te pāṇinā parimārjatu||
Let him put his hands with fingers bedecked with gems and the palm red, on your back while you are seated.
— tr. M.N. Dutt (1891–96) (public domain)
MBh 3 196.14
शालस्कन्धो महाबाहुस्त्वां स्वजानो वृकोदरः। साम्नाभिवदतां चापि शान्तये भरतर्षभ॥
śālaskandho mahābāhustvāṃ svajāno vṛkodaraḥ| sāmnābhivadatāṃ cāpi śāntaye bharatarṣabha||
Let him, whose shoulders are broad as the trunk of Shala trees, Vrikodara, of long arms, embrace you and with good will greet you for the sake of peace, O best among the Bharatas.
— tr. M.N. Dutt (1891–96) (public domain)
MBh 3 196.15
अर्जुनेन यमाभ्यां च त्रिभिस्तैरभिवादितः। मूर्ध्नि तान् समुपाघ्राय प्रेम्णाभिवद पार्थिव॥
arjunena yamābhyāṃ ca tribhistairabhivāditaḥ| mūrdhni tān samupāghrāya premṇābhivada pārthiva||
Being saluted by the three, Arjuna and the twins, you smell their head and converse in terms of peace, O ruler of the earth.
— tr. M.N. Dutt (1891–96) (public domain)
MBh 3 196.16
दृष्ट्वा त्वां पाण्डवैवीरैर्धातृभिः सह संगतम्। यावदानन्दजाश्रूणि प्रमुञ्चन्तु नराधिपाः॥
dṛṣṭvā tvāṃ pāṇḍavaivīrairdhātṛbhiḥ saha saṃgatam| yāvadānandajāśrūṇi pramuñcantu narādhipāḥ||
Let all these rulers of men shed tears of joy at beholding yourself united in peace with your brothers who are heroes.
— tr. M.N. Dutt (1891–96) (public domain)
MBh 3 196.17
घुष्यतां राजधानीषु सर्वसम्पन्महीक्षिताम्। पृथिवी भ्रातृभावेन भुज्यतां विज्वरो भव॥
ghuṣyatāṃ rājadhānīṣu sarvasampanmahīkṣitām| pṛthivī bhrātṛbhāvena bhujyatāṃ vijvaro bhava||
Proclaim it in the several capitals and among all the rulers of the earth; enjoy the sovereignty of the earth like brothers and be freed from all troubles.
— tr. M.N. Dutt (1891–96) (public domain)