Mahabharata — Volume III (Dutt edition) — Chapter 194
MBh 3 194.1
धृतराष्ट्र उवाच भगवन्नेवमेवैतद् यथा वदसि नारद। इच्छामि चाहमप्येवं न त्वीशो भगवन्नहम्॥
dhṛtarāṣṭra uvāca bhagavannevamevaitad yathā vadasi nārada| icchāmi cāhamapyevaṃ na tvīśo bhagavannaham||
Dhritarashtra said O you endued with divine prosperity, it is as you say O Narada, and I too wish the same thing, but you endued with heavenly prosperity, I am not the master.
— tr. M.N. Dutt (1891–96) (public domain)
MBh 3 194.2
वैशम्पायन उवाच एवमुक्त्वा ततः कृष्णमभ्यभाषत कौरवः। स्वयं लोक्यं च मामात्य धर्म्यं न्याय्यं च केशव॥
vaiśampāyana uvāca evamuktvā tataḥ kṛṣṇamabhyabhāṣata kauravaḥ| svayaṃ lokyaṃ ca māmātya dharmyaṃ nyāyyaṃ ca keśava||
Vaishampayana said Saying this the descendant of Kurus said to Krishna "O Keshava, you have said to me what leads to (the attainment of) heaven, to the benefit of the world and which is virtuous and just.
— tr. M.N. Dutt (1891–96) (public domain)
MBh 3 194.3
न त्वहं स्ववशस्तात क्रियमाणं न मे प्रियम्। अङ्ग दुर्योधनं कृष्ण मन्दं शास्त्रातिगं मम॥ अनुनेतुं महाबाहो यतस्व पुरुषोत्तम। न शृणोति महाबाहो वचनं साधुभाषितम्॥
na tvahaṃ svavaśastāta kriyamāṇaṃ na me priyam| aṅga duryodhanaṃ kṛṣṇa mandaṃ śāstrātigaṃ mama|| anunetuṃ mahābāho yatasva puruṣottama| na śṛṇoti mahābāho vacanaṃ sādhubhāṣitam||
But I am not my own master, O you of long arms; O best of men, try persuade, O Krishna, my wicked son Duryodhana, who disregards injunctions of the scriptures who never dose what is pleasing to me and never listens to good words.
— tr. M.N. Dutt (1891–96) (public domain)
MBh 3 194.4
गान्धार्याश्च हृषीकेश विदुरस्य च धीमतः। अन्येषां चैव सुहृदां भीष्मादीनां हितैषिणाम्॥
gāndhāryāśca hṛṣīkeśa vidurasya ca dhīmataḥ| anyeṣāṃ caiva suhṛdāṃ bhīṣmādīnāṃ hitaiṣiṇām||
The son of Gandhari ( does not listen to the advice of) the wise Vidura, O Hrishikesha, as also to that of other friends and of such well wishers as Bhishma and others.
— tr. M.N. Dutt (1891–96) (public domain)
MBh 3 194.5
स त्वं पापमति क्रूरं पापचित्तमचेतनम्। अनुशाधि दुरात्मानं स्वयं दुर्योधनं नृपम्॥
sa tvaṃ pāpamati krūraṃ pāpacittamacetanam| anuśādhi durātmānaṃ svayaṃ duryodhanaṃ nṛpam||
Therefore do yourself instruct the ruler of men, Duryodhana, of wicked soul crooked of evil intellect, of sinful heart and senseless.
— tr. M.N. Dutt (1891–96) (public domain)
MBh 3 194.6
सुहृत्कार्यं तु सुमहत् कृतं ते स्याज्जनार्दन। ततोऽभ्यावृत्य वार्ष्णेयो दुर्योधनममर्षणम्॥
suhṛtkāryaṃ tu sumahat kṛtaṃ te syājjanārdana| tato'bhyāvṛtya vārṣṇeyo duryodhanamamarṣaṇam||
Then will a very great duty of a friend have been done by you, O Janardana.” Then did the son of Vrishni addressing the wrathful Duryodhana,
— tr. M.N. Dutt (1891–96) (public domain)
MBh 3 194.7
अब्रवीन्मधुरां वाचं सर्वधर्मार्थतत्त्ववित्। दुर्योधन निबोधेदं मद्वाक्यं कुरुसत्तम॥
abravīnmadhurāṃ vācaṃ sarvadharmārthatattvavit| duryodhana nibodhedaṃ madvākyaṃ kurusattama||
Say these sweet words, conversant as he was with all virtues and worldly profit: “O Duryodhana, listen to this speech of mine, O you best among the Kurus,
— tr. M.N. Dutt (1891–96) (public domain)
MBh 3 194.8
शर्मार्थं ते विशेषण सानुबन्धस्य भारत। महाप्राज्ञकुले जातः साध्वेतत् कर्तुमर्हसि॥
śarmārthaṃ te viśeṣaṇa sānubandhasya bhārata| mahāprājñakule jātaḥ sādhvetat kartumarhasi||
Especially for the benefit of yourself and of your followers, O Bharata. Born as you are in a family of very wise men. it is indeed proper that you should do this honorable act.
— tr. M.N. Dutt (1891–96) (public domain)
MBh 3 194.9
श्रुतवृत्तोपसम्पन्नः सर्वैः समुदितो गुणैः। दौष्कुलेया दुरात्मानो नृशंसा निरपत्रपाः॥
śrutavṛttopasampannaḥ sarvaiḥ samudito guṇaiḥ| dauṣkuleyā durātmāno nṛśaṃsā nirapatrapāḥ||
You are endue with learning and with good habits of life. Whereas these that are born in low families are wicked souled, Inhuman and shameless.
— tr. M.N. Dutt (1891–96) (public domain)
MBh 3 194.10
त एतदीदृशं कुर्युर्यथा त्वं तात मन्यसे। धर्मार्थयुक्ता लोकेऽस्मिन् प्रवृत्तिर्लक्ष्यते सताम्॥
ta etadīdṛśaṃ kuryuryathā tvaṃ tāta manyase| dharmārthayuktā loke'smin pravṛttirlakṣyate satām||
These latter alone act in the way that you are contemplating; in this world the inclination of honest men seems to lie towards and virtue and worldly profit.
— tr. M.N. Dutt (1891–96) (public domain)
MBh 3 194.11
असतां विपरीता तु लक्ष्यते भरतर्षभ। विपरीता त्वियं वृत्तिरसकृल्लक्ष्यते त्वयि॥
asatāṃ viparītā tu lakṣyate bharatarṣabha| viparītā tviyaṃ vṛttirasakṛllakṣyate tvayi||
And the inclination of bad men seems to lie towards the opposite direction, o best among the Bharatas, this contemplated action of yours seems to lie in this opposite direction.
— tr. M.N. Dutt (1891–96) (public domain)
MBh 3 194.12
अधर्मश्चानुबन्धोऽत्र घोरः प्राणहरो महान्। अनिष्टश्चानिमित्तश्च न च शक्यश्च भारत।॥
adharmaścānubandho'tra ghoraḥ prāṇaharo mahān| aniṣṭaścānimittaśca na ca śakyaśca bhārata|||
In this case, the obstinacy shown by you is vicious, frightful and greatly destructive of life; it will lead to your harm, it is without reason, and is unworthy of being pursued by you long, OBharata.
— tr. M.N. Dutt (1891–96) (public domain)
MBh 3 194.13
तमनर्थं परिहरन्नात्मश्रेयः करिष्यसि। भ्रातॄणामथ भृत्यानां मित्राणां च परंतप॥
tamanarthaṃ pariharannātmaśreyaḥ kariṣyasi| bhrātṝṇāmatha bhṛtyānāṃ mitrāṇāṃ ca paraṃtapa||
Abandoning what is injurious to yourself you should do what is for your benefit and that of your brothers, followers and friends, O you chastiser of your foes.
— tr. M.N. Dutt (1891–96) (public domain)
MBh 3 194.14
अधादयशस्याच्च कर्मणस्त्वं प्रमोक्ष्यसे। प्राज्ञैः शूरैर्महोत्साहैरात्मवद्भिर्बहुश्रुतैः॥
adhādayaśasyācca karmaṇastvaṃ pramokṣyase| prājñaiḥ śūrairmahotsāhairātmavadbhirbahuśrutaiḥ||
You will escape the blame of an act which is opposed to virtue and which will lead to notoriety. With the sons of Pandu who are wise, heroic, of great energy, of noble souls and very much conversant with our holy books,
— tr. M.N. Dutt (1891–96) (public domain)
MBh 3 194.15
संधत्स्व पुरुषव्याघ्र पाण्डवैर्भरतर्षभ। तद्धितं च प्रियं चैव धृतराष्ट्रस्य
saṃdhatsva puruṣavyāghra pāṇḍavairbharatarṣabha| taddhitaṃ ca priyaṃ caiva dhṛtarāṣṭrasya
O foremost among men, make peace-it is beneficial to the wise Dhritarashtra and also pleasing to him,
— tr. M.N. Dutt (1891–96) (public domain)
MBh 3 194.16
पितामहस्य द्रोणस्य विदुरस्य महामतेः। कृपस्य सोमदत्तस्य बाह्रीकस्य च धीमतः॥
pitāmahasya droṇasya vidurasya mahāmateḥ| kṛpasya somadattasya bāhrīkasya ca dhīmataḥ||
As also to your grandfather and Drona and Vidura of great intelligence and to Kripa and Somadatta and to the wise Balhika,
— tr. M.N. Dutt (1891–96) (public domain)
MBh 3 194.17
अश्वत्थाम्नो विकर्णस्य संजस्य विविंशतेः। ज्ञातीनां चैव भूयिष्ठं मित्राणां च परंतप॥
aśvatthāmno vikarṇasya saṃjasya viviṃśateḥ| jñātīnāṃ caiva bhūyiṣṭhaṃ mitrāṇāṃ ca paraṃtapa||
And to Ashvathama, and Vikarna, and Sanjaya and Vivingshati and very much so to your cousins and also to your friends, O chastiser of foes.
— tr. M.N. Dutt (1891–96) (public domain)
MBh 3 194.18
शमे शर्म भवेत् तात सर्वस्य जगतस्तथा। ह्रीमानसि कुले जातः श्रुतवाननृशंसवान्। धीमतः॥ तिष्ठ तात पितुः शास्त्रे मातुश्च भरतर्षभ॥
śame śarma bhavet tāta sarvasya jagatastathā| hrīmānasi kule jātaḥ śrutavānanṛśaṃsavān| dhīmataḥ|| tiṣṭha tāta pituḥ śāstre mātuśca bharatarṣabha||
In peace, there will be your benefit, my dear friend, as also that of the entire world; be endued with modesty, for you are born in a noble family, and be learned and human; therefore, my dear friend, do you follow the commands of your father and mother. O best among the Bharatas.
— tr. M.N. Dutt (1891–96) (public domain)
MBh 3 194.19
एतच्छ्रेयो हि मन्यन्ते पिता यच्छास्ति भारत। उत्तमापद्गतः सर्वः पितुः स्मरति शासनम्॥
etacchreyo hi manyante pitā yacchāsti bhārata| uttamāpadgataḥ sarvaḥ pituḥ smarati śāsanam||
People consider that to be conducive to his good which a father commands, O Bharata, and a good man, when meeting with a danger, remembers all the commands of his father.
— tr. M.N. Dutt (1891–96) (public domain)
MBh 3 194.20
रोचते ते पितुस्तात पाण्डवैः सह संगमः। सामात्यस्य कुरुश्रेष्ठ तत् तुभ्यं तात रोचताम्॥
rocate te pitustāta pāṇḍavaiḥ saha saṃgamaḥ| sāmātyasya kuruśreṣṭha tat tubhyaṃ tāta rocatām||
Peace, my dear friend, with the sons of Pandu is pleasing to your father and you foremost among the Kurus, may it prove pleasing to yourself along with your advisers.
— tr. M.N. Dutt (1891–96) (public domain)
MBh 3 194.21
श्रुत्वा यः सुहृदां शास्त्रं मर्यो न प्रतिपद्यते। विपाकान्ते दहत्येनं किम्पाकमिव भक्षितम्॥
śrutvā yaḥ suhṛdāṃ śāstraṃ maryo na pratipadyate| vipākānte dahatyenaṃ kimpākamiva bhakṣitam||
That man, who hearing the advice of his friends, does not act according to it, in the end is consumed like one who has eaten the Kimpaka fruit.
— tr. M.N. Dutt (1891–96) (public domain)
MBh 3 194.22
यस्तु निःश्रेयसं वाक्यं मोहान्न प्रतिपद्यते। स दीर्घसूत्रो हीनार्थः पश्चात्तापेन युज्यते॥
yastu niḥśreyasaṃ vākyaṃ mohānna pratipadyate| sa dīrghasūtro hīnārthaḥ paścāttāpena yujyate||
He, who out of folly, does not act according to the advice, than which nothing is more beneficial, is visited by the effects of procrastination, does not gain his object and is afterwards struck with remorse.
— tr. M.N. Dutt (1891–96) (public domain)
MBh 3 194.23
यस्तु निःश्रेयसं श्रुत्वा प्राक् तदेवाभिपद्यते। आत्मनो मतमुत्सृज्य स लोके सुखमेधते॥
yastu niḥśreyasaṃ śrutvā prāk tadevābhipadyate| ātmano matamutsṛjya sa loke sukhamedhate||
He, who having heard that, than which nothing is more beneficial, acts up to it abandoning his own opinions, gets happiness in this world.
— tr. M.N. Dutt (1891–96) (public domain)
MBh 3 194.24
योऽर्थकामस्य वचनं प्रातिकूल्यान मृष्यते। शृणोति प्रतिकूलानि द्विषतां वशमेति सः॥
yo'rthakāmasya vacanaṃ prātikūlyāna mṛṣyate| śṛṇoti pratikūlāni dviṣatāṃ vaśameti saḥ||
He, who does not act to the advice of one who desires his good thinking it to be against his interests and listens to what is really so (against his interests), comes under the power of his enemies.
— tr. M.N. Dutt (1891–96) (public domain)
MBh 3 194.25
सतां मतमतिक्रम्य योऽसतां वर्तते मते। शोचन्ते व्यसने तस्य सुहृदो न चिरादिव॥
satāṃ matamatikramya yo'satāṃ vartate mate| śocante vyasane tasya suhṛdo na cirādiva||
The friends of him, who disregarding the opinions of the honest, follows that of dishonest men, soon grave at his distress,
— tr. M.N. Dutt (1891–96) (public domain)
MBh 3 194.26
मुख्यानमात्यानुत्सृज्य यो निहीनान् निषेवते। स घोरामापदं प्राप्य नोत्तारमधिगच्छति॥
mukhyānamātyānutsṛjya yo nihīnān niṣevate| sa ghorāmāpadaṃ prāpya nottāramadhigacchati||
He, who abandoning his principal advisers according to the injunctions of inferior ones, meets with grave dangers and does not come out of them safe.
— tr. M.N. Dutt (1891–96) (public domain)
MBh 3 194.27
योऽसत्सेवीवृथाचारो न श्रोता सुहृदां सताम्। परान् वृणीते स्वान् द्वेष्टि तं गौस्त्यजति भारत॥
yo'satsevīvṛthācāro na śrotā suhṛdāṃ satām| parān vṛṇīte svān dveṣṭi taṃ gaustyajati bhārata||
He, who acts according to the advice of dishonest men, who behaves falsely and does not listen to the advice of good friends and prefers others to those who are his own, is cast off by the earth, O Bharata.
— tr. M.N. Dutt (1891–96) (public domain)
MBh 3 194.28
स त्वं विरुध्य तैवीरैरन्येभ्यस्त्राणमिच्छसि। अशिष्टेभ्योऽसमर्थेभ्यो मूढेभ्यो भरतर्षभ।॥
sa tvaṃ virudhya taivīrairanyebhyastrāṇamicchasi| aśiṣṭebhyo'samarthebhyo mūḍhebhyo bharatarṣabha|||
Yourself, being opposed to those heroes, desire to be served by those who are strangers to you, and who are dishonest, incompetent and fools, O best among the Bharatas.
— tr. M.N. Dutt (1891–96) (public domain)
MBh 3 194.29
को हि शक्रसमान् ज्ञातीनतिक्रम्य महारथान्। अन्येभ्यस्त्राणमाशंसेत् त्वदन्यो भुवि मानवः॥
ko hi śakrasamān jñātīnatikramya mahārathān| anyebhyastrāṇamāśaṃset tvadanyo bhuvi mānavaḥ||
What man, besides yourself in this world, abandoning kinsmen who are mighty carwarriors and each equal to Shakra himself, expects safely with the help of others.
— tr. M.N. Dutt (1891–96) (public domain)
MBh 3 194.30
जन्मप्रभृति कौन्तेया नित्यं विनिकृतास्त्वया। न च ते जातु कुप्यन्ति धर्मात्मानो हि पाण्डवा॥
janmaprabhṛti kaunteyā nityaṃ vinikṛtāstvayā| na ca te jātu kupyanti dharmātmāno hi pāṇḍavā||
Ever since their birth, have the sons of Kunti been persecuted by you but those virtuous-souled sons of Pandu are not vindictive at your conduct.
— tr. M.N. Dutt (1891–96) (public domain)
MBh 3 194.31
मिथ्योपचरितास्तात जन्मप्रभृति बान्धवाः। त्वयि सम्यङ्महाबाहो प्रतिपन्ना यशस्विनः॥
mithyopacaritāstāta janmaprabhṛti bāndhavāḥ| tvayi samyaṅmahābāho pratipannā yaśasvinaḥ||
O friend, ever since birth the sons of Pandu have been treated with deception but those renowned men, O you of long arms, have treated you generously.
— tr. M.N. Dutt (1891–96) (public domain)
MBh 3 194.32
त्वयापि प्रतिपत्तव्यं तथैव भरतर्षभ। स्वेषु बन्धुषु मुख्येषु मा मन्युवशमन्वगाः॥
tvayāpi pratipattavyaṃ tathaiva bharatarṣabha| sveṣu bandhuṣu mukhyeṣu mā manyuvaśamanvagāḥ||
By you too should they be treated in the same way, O you best among the race of Bharata; do not show anger towards your own kinsmen.
— tr. M.N. Dutt (1891–96) (public domain)
MBh 3 194.33
त्रिवर्गयुक्तः प्राज्ञानामारम्भो भतर्षभ। धर्मार्थावनुरुध्यन्ते त्रिवर्गासम्भवे नराः॥
trivargayuktaḥ prājñānāmārambho bhatarṣabha| dharmārthāvanurudhyante trivargāsambhave narāḥ||
The energy of wise men follows all the three objects (virtue, profit and desire) O best among the race of Bharata and in the event of it being impossible to follow all the three objects people choose virtue and profit.
— tr. M.N. Dutt (1891–96) (public domain)
MBh 3 194.34
पृथक् च विनिविष्टानां धर्मं धीरोऽनुरुध्यते। मध्यमोऽर्थं कलिं बालः काममेवानुरुध्यते॥
pṛthak ca viniviṣṭānāṃ dharmaṃ dhīro'nurudhyate| madhyamo'rthaṃ kaliṃ bālaḥ kāmamevānurudhyate||
If these three are to be pursued separately a wise inan chooses virtue; an indifferent man (i.e. neither wise nor a fool) chooses worldly good, while a boy chooses desire.
— tr. M.N. Dutt (1891–96) (public domain)
MBh 3 194.35
इन्द्रियैः प्राकृतो लोभाद् धर्मं विप्रजहाति यः। कामार्थावनुपायेन लिप्समानो विनश्यति॥
indriyaiḥ prākṛto lobhād dharmaṃ viprajahāti yaḥ| kāmārthāvanupāyena lipsamāno vinaśyati||
The fool, who out of avarice and desire for sexual pleasure, abandons virtue and desires to gain his desire and profit by improper means, is ruined.
— tr. M.N. Dutt (1891–96) (public domain)
MBh 3 194.36
कामार्थों लिप्समानस्तु धर्ममेवादितश्चरेत्। न हि धर्मादपैत्यर्थः कामो वाऽपि कदाचन॥
kāmārthoṃ lipsamānastu dharmamevāditaścaret| na hi dharmādapaityarthaḥ kāmo vā'pi kadācana||
The man, who is desirous of gaining the object of desire or worldly profit, must first of all practice virtue; desire or profit is seldom detached from virtue.
— tr. M.N. Dutt (1891–96) (public domain)
MBh 3 194.37
उपायं धर्ममेवाहुस्त्रिवर्गस्य विशाम्पते। लिप्समानो हि तेनाशु कक्षेऽग्निरिव वर्धते॥
upāyaṃ dharmamevāhustrivargasya viśāmpate| lipsamāno hi tenāśu kakṣe'gniriva vardhate||
It is said that virtue is the means of gaining the three objects, O lord of the universe; and he, who is desirous of getting them by this means increases in prosperity as fire in a heap of dry grass.
— tr. M.N. Dutt (1891–96) (public domain)
MBh 3 194.38
स त्वं तातानुपायेन लिप्ससे भरतर्षभ। आधिराज्यं महद् दापितं प्रथितं सर्वराजसु॥
sa tvaṃ tātānupāyena lipsase bharatarṣabha| ādhirājyaṃ mahad dāpitaṃ prathitaṃ sarvarājasu||
You however, my dear friend, desire to get by improper means a greatly extensive kingdom well known among all the kings.
— tr. M.N. Dutt (1891–96) (public domain)
MBh 3 194.39
आत्मानं तक्षति ह्येष वनं परशुना यथा। यः सम्यग्वर्तमानेषु मिथ्या राजन् प्रवर्तते॥
ātmānaṃ takṣati hyeṣa vanaṃ paraśunā yathā| yaḥ samyagvartamāneṣu mithyā rājan pravartate||
He, who behaves deceitfully towards those following the right path, O king, cuts himself down as the forest by an axe; one does not cut off the intellect of another whose defeat he does not desire.
— tr. M.N. Dutt (1891–96) (public domain)
MBh 3 194.40
न तस्य हि मतिं छिन्द्याद् यस्य नेच्छेत् पराभवम्। अविच्छिन्नमतेरस्य कल्याणे धीयते मतिः। आत्मवान् नावमन्येत त्रिषु लोकेषु भारत॥
na tasya hi matiṃ chindyād yasya necchet parābhavam| avicchinnamaterasya kalyāṇe dhīyate matiḥ| ātmavān nāvamanyeta triṣu lokeṣu bhārata||
For one, whose intellect has been clouded, cannot direct his attention to what is conducive to his good. One who keeps his soul under proper control does not think lightly of anything in the three worlds, O Bharata,
— tr. M.N. Dutt (1891–96) (public domain)
MBh 3 194.41
अप्यन्यं प्राकृतं किंचित् किमु तान् पाण्डवर्षभान्। अमर्षवशमापन्नो न किंचिद् बुध्यते जनः॥
apyanyaṃ prākṛtaṃ kiṃcit kimu tān pāṇḍavarṣabhān| amarṣavaśamāpanno na kiṃcid budhyate janaḥ||
Not even an ordinary creature-not to speak to those foremost among men, those sons of Pandu; a man, who is under the influence of wrath, can not discern anything.
— tr. M.N. Dutt (1891–96) (public domain)
MBh 3 194.42
छिद्यते ह्याततं सर्वं प्रमाणं पश्य भारत। श्रेयस्ते दुर्जनात् तात पाण्डवैः सह संगतम्॥
chidyate hyātataṃ sarvaṃ pramāṇaṃ paśya bhārata| śreyaste durjanāt tāta pāṇḍavaiḥ saha saṃgatam||
All the rank growth must be cut off; O Bharata, look at the proofs; peace with the sons of Pandu is more to your interest than union with wicked people.
— tr. M.N. Dutt (1891–96) (public domain)
MBh 3 194.43
तैर्हि सम्प्रीयमाणस्त्वं सर्वान् कामानवाप्स्यसि। पाण्डवैनिर्मितां भूमि भुञ्जानो राजसत्तम॥
tairhi samprīyamāṇastvaṃ sarvān kāmānavāpsyasi| pāṇḍavainirmitāṃ bhūmi bhuñjāno rājasattama||
Living in peace with them you will succeed in all your objects enjoying the territories built up by the sons of Pandu, O best among kings,
— tr. M.N. Dutt (1891–96) (public domain)
MBh 3 194.44
पाण्डवान् पृष्ठतः कृत्वा त्राणमाशंससेऽन्यतः। दुःशासने दुर्विषहे कर्णे चापि ससौबले॥
pāṇḍavān pṛṣṭhataḥ kṛtvā trāṇamāśaṃsase'nyataḥ| duḥśāsane durviṣahe karṇe cāpi sasaubale||
Keeping the sons of Pandu behind you, you repose your hopes for safety on other sources, namely on Dushasana, Durvisha, Karna and the son of Subala.
— tr. M.N. Dutt (1891–96) (public domain)
MBh 3 194.45
एतेष्वैश्वर्यमाधाय भूतिमिच्छसि भारत। न चैते तव पर्याप्ता ज्ञाने धर्मार्थयोस्तथा॥
eteṣvaiśvaryamādhāya bhūtimicchasi bhārata| na caite tava paryāptā jñāne dharmārthayostathā||
Reposing your kingly prosperity on them you wish for prosperity, O Bharata; but these friends of yours have not sufficient knowledge of virtue of worldly profit.
— tr. M.N. Dutt (1891–96) (public domain)
MBh 3 194.46
विक्रमे चाप्यपर्याप्ताः पाण्डवान् प्रति भारत। न हीमे सर्ववराजानः पर्याप्ताः सहितास्त्वया॥
vikrame cāpyaparyāptāḥ pāṇḍavān prati bhārata| na hīme sarvavarājānaḥ paryāptāḥ sahitāstvayā||
They are not competent too in prowess or in strength, to be a match against the sons of Pandu; nor are all these kings united with you competent,
— tr. M.N. Dutt (1891–96) (public domain)
MBh 3 194.47
क्रुद्धस्य भीमसेनस्य प्रेक्षितुं मुखमाहवे। इदं संनिहितं तात समग्रं पार्थिवं बलम्॥
kruddhasya bhīmasenasya prekṣituṃ mukhamāhave| idaṃ saṃnihitaṃ tāta samagraṃ pārthivaṃ balam||
To look at the face of Bhimasena when exercised by anger in battle field. This entire assembled army of the earth is at your elbow.
— tr. M.N. Dutt (1891–96) (public domain)
MBh 3 194.48
अयं भीष्मस्तथा द्रोणः कर्णश्चायं तथा कृपः। भूरिश्रवाः सौमदत्तिरश्वत्थामा जयद्रथः॥
ayaṃ bhīṣmastathā droṇaḥ karṇaścāyaṃ tathā kṛpaḥ| bhūriśravāḥ saumadattiraśvatthāmā jayadrathaḥ||
This Bhishma, Drona, as also this Karna, Kripa as also Bhurishravas, Ashvathama, the son of Somadatta and Janardana,
— tr. M.N. Dutt (1891–96) (public domain)
MBh 3 194.49
अशक्ताः सर्वं एवैते प्रतियोद्धं धनंजयम्। अजेयो ह्यर्जुनः संख्ये सर्वैरपि सुरासुरैः। मानुषैरिप गन्धर्वैर्मा युद्धे चेत आधिथाः॥
aśaktāḥ sarvaṃ evaite pratiyoddhaṃ dhanaṃjayam| ajeyo hyarjunaḥ saṃkhye sarvairapi surāsuraiḥ| mānuṣairipa gandharvairmā yuddhe ceta ādhithāḥ||
All these are incapable of fighting against Dhananjaya. This Arjuna is invincible in battle by all the Gods and Asuras and by all human beings and Gandharvas. Do not fix your mind on battle.
— tr. M.N. Dutt (1891–96) (public domain)
MBh 3 194.50
दृश्यतां वा पुमान् कश्चितं समग्रे पार्थिवे बले। योऽर्जुनं समरे प्राप्य स्वस्तिमानाव्रजेद् गृहान्॥
dṛśyatāṃ vā pumān kaścitaṃ samagre pārthive bale| yo'rjunaṃ samare prāpya svastimānāvrajed gṛhān||
Do you see any man in this entire army who, having met Arjuna face to face in battle, has returned home safe?
— tr. M.N. Dutt (1891–96) (public domain)
MBh 3 194.51
किं ते जनक्षयेणेह कृतेन भरतर्षभ। यस्मिञ्जिते जितं तत् स्यात् पुमानेकः स दृश्यताम्॥५२
kiṃ te janakṣayeṇeha kṛtena bharatarṣabha| yasmiñjite jitaṃ tat syāt pumānekaḥ sa dṛśyatām||52
Of what advantage will a massacre of men be to you, O best among the Bharatas. Show me the man who will defeat the one whose defeat will mean victory to you,
— tr. M.N. Dutt (1891–96) (public domain)
MBh 3 194.52
यः स देवान् सगन्धर्वान् सयक्षासुरपन्नगान्। अजयत् खाण्डवप्रस्थे कस्तं युध्येत मानवः॥
yaḥ sa devān sagandharvān sayakṣāsurapannagān| ajayat khāṇḍavaprasthe kastaṃ yudhyeta mānavaḥ||
Him who vanquished the gods along with the Gandharvas and Yakshas, and Asuras and Serpents in Khandava Prastha-who will fight against that son of Pandavas?
— tr. M.N. Dutt (1891–96) (public domain)
MBh 3 194.53
तथा विराटनगरे श्रूयते महदद्भुतम्। एकस्य च बहूनां च पर्याप्तं तन्निदर्शनम्॥
tathā virāṭanagare śrūyate mahadadbhutam| ekasya ca bahūnāṃ ca paryāptaṃ tannidarśanam||
In the same way in the city of Virata is heard a very strange tale in the fight of one against many; that is a sufficient proof.
— tr. M.N. Dutt (1891–96) (public domain)
MBh 3 194.54
युद्धे येन महादेवः साक्षात् संतोषितः शिवः। तमजेयमनाधृष्यं विजेतुं जिष्णुमच्युतम्। आशंससीह समरे वीरमर्जुनमूर्जितम्॥
yuddhe yena mahādevaḥ sākṣāt saṃtoṣitaḥ śivaḥ| tamajeyamanādhṛṣyaṃ vijetuṃ jiṣṇumacyutam| āśaṃsasīha samare vīramarjunamūrjitam||
Do you wish to defeat that unconquerable, irrepressible and undetoriating Jishnu, the heroic Arjuna when enraged in battle, by whom in an encounter even Mahadeva was gratified?
— tr. M.N. Dutt (1891–96) (public domain)
MBh 3 194.55
मद् द्वितीयं पुनः पार्थं कः प्रार्थयितुमर्हति। युद्धे प्रतीपमायान्तमपि साक्षात् पुरंदरः॥
mad dvitīyaṃ punaḥ pārthaṃ kaḥ prārthayitumarhati| yuddhe pratīpamāyāntamapi sākṣāt puraṃdaraḥ||
Who can wish to defeat him having me as his help when he goes to the battle field like Indra (himself)?
— tr. M.N. Dutt (1891–96) (public domain)
MBh 3 194.56
बाहुभ्यामुद्वहेद् भूमि दहेत् क्रुद्ध इमाः प्रजाः। पातयेत् त्रिदिवाद् देवान् योऽर्जुनं समरे जयेत्॥
bāhubhyāmudvahed bhūmi dahet kruddha imāḥ prajāḥ| pātayet tridivād devān yo'rjunaṃ samare jayet||
He, who would defeat Arjuna in battle, could bear the earth with his arms and being excited with wrath could burn up all earthy creatures, and could hurl down the gods from heaven.
— tr. M.N. Dutt (1891–96) (public domain)
MBh 3 194.57
पश्य पुत्रांस्तथा भ्रातृज्ञातीन् सम्बन्धिनस्तथा। त्वत्कृते न विनश्येयुरिमे भरतसत्तमाः॥
paśya putrāṃstathā bhrātṛjñātīn sambandhinastathā| tvatkṛte na vinaśyeyurime bharatasattamāḥ||
Look at your sons and at your brothers and at your kinsmen and other relations; let them not be destroyed by an act done by you, O you best among the race of Bharata.
— tr. M.N. Dutt (1891–96) (public domain)
MBh 3 194.58
अस्तु शेषं कौरवाणां मा पराभूदिदं कुलम्। कुलन इति नोच्येथा नष्टकीर्तिनराधिप॥
astu śeṣaṃ kauravāṇāṃ mā parābhūdidaṃ kulam| kulana iti nocyethā naṣṭakīrtinarādhipa||
Let not this race of Kurus be exterminated ard let not yourself be spoken of as the destroyer of the race and be of great notoriety, O lord of men.
— tr. M.N. Dutt (1891–96) (public domain)
MBh 3 194.59
त्वामेव स्थापयिष्यन्ति यौवराज्ये महारथाः। महाराज्येऽपि पितरं धृतराष्ट्रं जनेश्वरम्॥
tvāmeva sthāpayiṣyanti yauvarājye mahārathāḥ| mahārājye'pi pitaraṃ dhṛtarāṣṭraṃ janeśvaram||
Those mighty car warriors will establish yourself as the viceroy and your father Dhritarashtra, the lord of men, as the emperor.
— tr. M.N. Dutt (1891–96) (public domain)
MBh 3 194.60
मा तात श्रियमायान्तीमवमंस्थाः समुद्यताम्। अर्धं प्रदाय पार्थेभ्यो महतीं श्रियमाप्नुहि॥
mā tāta śriyamāyāntīmavamaṃsthāḥ samudyatām| ardhaṃ pradāya pārthebhyo mahatīṃ śriyamāpnuhi||
Do you not, my dear friend, disregard this prosperity which has appeared in the horizon and is about to come to you; having given half to the sons of Pritha attain to great prosperity.
— tr. M.N. Dutt (1891–96) (public domain)
MBh 3 194.61
पाण्डवैः संशमं कृत्वा कृत्वा च सुहृदां वचः। सम्प्रीयमाणोमित्रैश्च चिरं भद्राण्यवाप्सस्यसि॥
pāṇḍavaiḥ saṃśamaṃ kṛtvā kṛtvā ca suhṛdāṃ vacaḥ| samprīyamāṇomitraiśca ciraṃ bhadrāṇyavāpsasyasi||
Having effected peace with the sons of Pandu and listening to the advice to your friends and living in peace with your friends will you ever attain to blessing.
— tr. M.N. Dutt (1891–96) (public domain)