Mahabharata — Volume III (Dutt edition) — Chapter 189
MBh 3 189.1
नारद उवाच गालवं वैनतेयोऽथ प्रहसन्निदमब्रवीत्। दिष्ट्या कृतार्थं पश्यामि भवन्तमिह वै द्विज।।।।
nārada uvāca gālavaṃ vainateyo'tha prahasannidamabravīt| diṣṭyā kṛtārthaṃ paśyāmi bhavantamiha vai dvija||||
Narada said The son of Vinata, seeing Galava, said to him thus laughing. “It is by good luck that I see you successful here, O twice-born one".
— tr. M.N. Dutt (1891–96) (public domain)
MBh 3 189.2
गालवस्तु वचः श्रुत्वा वैनतेयेन भाषितम्। चतुर्भागावशिष्टं तदाचख्यौ कार्यमस्य हि॥
gālavastu vacaḥ śrutvā vainateyena bhāṣitam| caturbhāgāvaśiṣṭaṃ tadācakhyau kāryamasya hi||
Galava too, hearing those words spoken by the son of Vinata, informed him that a fourth part of the work yet remained to be done.
— tr. M.N. Dutt (1891–96) (public domain)
MBh 3 189.3
सुपर्णस्त्वब्रवीदेनं गालवं वदतां वरः। प्रयत्नस्तेन कर्तव्यो नैष सम्पत्स्यते तव॥
suparṇastvabravīdenaṃ gālavaṃ vadatāṃ varaḥ| prayatnastena kartavyo naiṣa sampatsyate tava||
Suparna, the foremost among speakers then said to Galava. “No pains should be taken by you for this for you will not get it.
— tr. M.N. Dutt (1891–96) (public domain)
MBh 3 189.4
पुरा हि कान्यकुब्जे वै गाधेः सत्यवतीं सुताम्। भार्यार्थेऽवरयत् कन्यामृचीकस्तेन भाषितः॥
purā hi kānyakubje vai gādheḥ satyavatīṃ sutām| bhāryārthe'varayat kanyāmṛcīkastena bhāṣitaḥ||
In days of old, in Kanyakubja, Richika chose the damsel Satyavati, the daughter of Gadhi, for his wife and he was thus spoken to by Gadhi.
— tr. M.N. Dutt (1891–96) (public domain)
MBh 3 189.5
एकतः श्यामकर्णानां हयानां चन्द्रवर्चसाम्। भगवन् दीयतां मह्यं सहस्रमिति गालव॥
ekataḥ śyāmakarṇānāṃ hayānāṃ candravarcasām| bhagavan dīyatāṃ mahyaṃ sahasramiti gālava||
You give me a thousand horses white as the moon and black of one ear.
— tr. M.N. Dutt (1891–96) (public domain)
MBh 3 189.6
ऋचीकस्तु तथेत्युक्त्वा वरुणस्यालयं गतः। अश्वतीर्थं हयाँल्लब्ध्वा दत्तवान् पार्थिवाय वै॥
ṛcīkastu tathetyuktvā varuṇasyālayaṃ gataḥ| aśvatīrthaṃ hayā~llabdhvā dattavān pārthivāya vai||
Richika too saying “very-well” went to the abode of Varuna and from there obtaining the horses from the Ashvatirtha gave them to the ruler of the earth.
— tr. M.N. Dutt (1891–96) (public domain)
MBh 3 189.7
इष्ट्वा ते पुण्डरीकेण दत्ता राज्ञा द्विजातिषु। तेभ्यो द्वे द्वे शते क्रीत्वा प्राप्ते तैः पार्थिवैस्तदा॥
iṣṭvā te puṇḍarīkeṇa dattā rājñā dvijātiṣu| tebhyo dve dve śate krītvā prāpte taiḥ pārthivaistadā||
They were presented to the twice-born one by king Pundarika who performed a sacrificial ceremony; and of them, (the horses) the rulers of the earth (to whom you have applied) obtained two hundred each by purchase from the Brahmanas at the time.
— tr. M.N. Dutt (1891–96) (public domain)
MBh 3 189.8
अपराण्यपि चत्वारि शतानि द्विजसत्तम। नीयमानानि संतारे हृतान्यासन् वितस्तया॥
aparāṇyapi catvāri śatāni dvijasattama| nīyamānāni saṃtāre hṛtānyāsan vitastayā||
The other four hundred, O best among the twice-born while being led across (the Vitasta river) were robbed by the river.
— tr. M.N. Dutt (1891–96) (public domain)
MBh 3 189.9
एवं न शक्यमप्राप्यं प्राप्तुं गालव कर्हिचित्। इमामश्वशताभ्यां वै द्वाभ्यां तस्मै निवेदय॥
evaṃ na śakyamaprāpyaṃ prāptuṃ gālava karhicit| imāmaśvaśatābhyāṃ vai dvābhyāṃ tasmai nivedaya||
Such being the case, you will not beadle to obtain what is unobtainable by all means; present, therefore, this damsel as a substitute for the two hundred horses to him,
— tr. M.N. Dutt (1891–96) (public domain)
MBh 3 189.10
विश्वामित्राय धर्मात्मन् षड्भिरश्वशतैः सह। ततोऽसि गतसम्मोहः कृतकृत्यो द्विजोत्तम॥
viśvāmitrāya dharmātman ṣaḍbhiraśvaśataiḥ saha| tato'si gatasammohaḥ kṛtakṛtyo dvijottama||
Namely, Vishvamitra, O virtuous-souled one, along with the six hundred horses; then will you be beyond the reach of grief and your desire will be successful, o best among the twice the twice born."
— tr. M.N. Dutt (1891–96) (public domain)
MBh 3 189.11
गालवस्तं तथेत्युक्त्वा सुपर्णसहितस्ततः। आदायाश्वांश्च कन्यां च विश्वामित्रमुपागमत्॥
gālavastaṃ tathetyuktvā suparṇasahitastataḥ| ādāyāśvāṃśca kanyāṃ ca viśvāmitramupāgamat||
Galava then saying to him “very well” along with Suparna, taking the horses and the maiden with him, went to Vishvamitra and said.
— tr. M.N. Dutt (1891–96) (public domain)
MBh 3 189.12
अश्वानां काक्षितार्थानां षडिमानि शतानि वै। शतद्वयेन कन्येय भवता प्रतिगृह्यताम्॥
aśvānāṃ kākṣitārthānāṃ ṣaḍimāni śatāni vai| śatadvayena kanyeya bhavatā pratigṛhyatām||
"Of the horses asked for by you there are six hundred here and this damsel is a substitute for the other two hundred. Let these be accepted by you.
— tr. M.N. Dutt (1891–96) (public domain)
MBh 3 189.13
अस्यां राजर्षिभिः पुत्रा जाता वै धार्मिकास्त्रयः। चतुर्थं जनयत्वेकं भवानपि नरोत्तमम्॥
asyāṃ rājarṣibhiḥ putrā jātā vai dhārmikāstrayaḥ| caturthaṃ janayatvekaṃ bhavānapi narottamam||
On her by Rishis of royal descent three virtuous sons have been begotten; you too beget the fourth who will be the best among mankind.
— tr. M.N. Dutt (1891–96) (public domain)
MBh 3 189.14
पूर्णान्येवं शतान्यष्टौ तुरगाणां भवन्तु ते। भवतो ह्यनृणो भूत्वा तपः कुर्यां यथासुखम्॥
pūrṇānyevaṃ śatānyaṣṭau turagāṇāṃ bhavantu te| bhavato hyanṛṇo bhūtvā tapaḥ kuryāṃ yathāsukham||
Then will you get the full complement of eight hundred horses asked for by you and I too, after having paid off my debt, shall perform asceticism as I please.
— tr. M.N. Dutt (1891–96) (public domain)
MBh 3 189.15
विश्वामित्रस्तु तं दृष्ट्वा गालवं सह पक्षिणा। कन्यां च तां वरारोहामिदमित्यब्रवीद् वचः॥
viśvāmitrastu taṃ dṛṣṭvā gālavaṃ saha pakṣiṇā| kanyāṃ ca tāṃ varārohāmidamityabravīd vacaḥ||
Vishvamitra, seeing Galava along with the bird and also that girl with beautiful hips, said these words.
— tr. M.N. Dutt (1891–96) (public domain)
MBh 3 189.16
किमियं पूर्वमेवेह न दत्ता मम गालवा पुत्रा ममैव चत्वारो भवेयुः कुलभावनाः॥
kimiyaṃ pūrvameveha na dattā mama gālavā putrā mamaiva catvāro bhaveyuḥ kulabhāvanāḥ||
"Why was not this girl presented to me beforehand, OGalava? Then would all the four sons have been mine, every one of whom would have perpetuated a dynasty.
— tr. M.N. Dutt (1891–96) (public domain)
MBh 3 189.17
प्रतिगृह्णामि ते कन्यामेकपुत्रफलाय वै। अश्वाश्चाश्रममासाद्य चरन्तु मम सर्वशः॥
pratigṛhṇāmi te kanyāmekaputraphalāya vai| aśvāścāśramamāsādya carantu mama sarvaśaḥ||
I shall accept this girl from you to beget on her one son and let the horses having been taken to my hermitage roam about at their will in all directions.
— tr. M.N. Dutt (1891–96) (public domain)
MBh 3 189.18
स तया रममाणोऽथ विश्वामित्रो महाद्युतिः। आत्मजं जनयामास माधवी पुत्रमष्टकम्॥
sa tayā ramamāṇo'tha viśvāmitro mahādyutiḥ| ātmajaṃ janayāmāsa mādhavī putramaṣṭakam||
Vishvamitra, of great effulgence, then roaming and sporting with her, Madhvi brought forth a male child named Ashtaka.
— tr. M.N. Dutt (1891–96) (public domain)
MBh 3 189.19
जातमात्रं सुतं तं च विश्वामित्रो महामुनिः। संयोज्यार्थस्तथा धर्मैरश्वैस्तैः समयोजयत्॥
jātamātraṃ sutaṃ taṃ ca viśvāmitro mahāmuniḥ| saṃyojyārthastathā dharmairaśvaistaiḥ samayojayat||
At the moment he was born, the great Muni Vishvamitra instructed him in both virtue and worldly good and presented to him those horses.
— tr. M.N. Dutt (1891–96) (public domain)
MBh 3 189.20
अथाष्टकः पुरं प्रायात् तदा सोमपुरप्रभम्। निर्यात्य कन्यां शिष्याय कौशिकोऽपि वनं ययौ॥
athāṣṭakaḥ puraṃ prāyāt tadā somapuraprabham| niryātya kanyāṃ śiṣyāya kauśiko'pi vanaṃ yayau||
Then did Ashtaka go to the city which was like the city of the moon and the son of Kushika (Vishvamitra) too went to the woods after having returned the damsel to his disciple.
— tr. M.N. Dutt (1891–96) (public domain)
MBh 3 189.21
गालवोऽपि सुपर्णेन सह निर्यात्य दक्षिणाम्। मनसाऽतिप्रतीतेन कन्यामिदमुवाच ह॥
gālavo'pi suparṇena saha niryātya dakṣiṇām| manasā'tipratītena kanyāmidamuvāca ha||
Galava too, along with Suparna, was light of heart having succeeded in making the final present he had promised, and said this to the girl.
— tr. M.N. Dutt (1891–96) (public domain)
MBh 3 189.22
जातो दानपतिः पुत्रस्त्वया शूरस्तथापरः। सत्यधर्मरतश्चान्यो यज्वा चापि तथाऽपरः॥
jāto dānapatiḥ putrastvayā śūrastathāparaḥ| satyadharmarataścānyo yajvā cāpi tathā'paraḥ||
"By you has been brought forth a son who is the foremost among the givers of wealth, a second one who is a great hero, another who is ever attached to virtue and another who is ever attached to virtue and truth and the fourth who is a great performer of sacrificial ceremonies.
— tr. M.N. Dutt (1891–96) (public domain)
MBh 3 189.23
तदागच्छ वरारोहे तारितस्ते पिता सुतैः। चत्वारश्चैव राजानस्तथा चाहं सुमध्यमे॥
tadāgaccha varārohe tāritaste pitā sutaiḥ| catvāraścaiva rājānastathā cāhaṃ sumadhyame||
Therefore do you come, O you of beautiful hips, your father has obtained salvation by your sons and also the four kings (their fathers) and so also have been I, O you of slender waist."
— tr. M.N. Dutt (1891–96) (public domain)
MBh 3 189.24
गालवस्त्वभ्यनुज्ञाय सुपर्णं पन्नगाशनम्। पितुर्निर्यात्य तां कन्यां प्रययौ वनमेव ह॥
gālavastvabhyanujñāya suparṇaṃ pannagāśanam| piturniryātya tāṃ kanyāṃ prayayau vanameva ha||
Galava, then having permitted Suparna who subsisted on serpents to go away and returning the damsel to his father, went to the forest.
— tr. M.N. Dutt (1891–96) (public domain)