Mahabharata — Volume III (Dutt edition) — Chapter 186
MBh 3 186.1
नारद उवाच हर्यश्वस्त्वब्रवीद् राजा विचिन्त्य बहुधा ततः। दीर्घमुष्णं च निःश्वस्य प्रजाहेतोर्नृपोत्तमः॥
nārada uvāca haryaśvastvabravīd rājā vicintya bahudhā tataḥ| dīrghamuṣṇaṃ ca niḥśvasya prajāhetornṛpottamaḥ||
Narada said The king Haryashva, the best among rulers of men, having thought in his mind for a long time, said having drawn a long and hot sigh about the birth of a son.
— tr. M.N. Dutt (1891–96) (public domain)
MBh 3 186.2
उन्नतेषूनता षट्सु सूक्ष्मा सूक्ष्मेषु पञ्चसु। गम्भीरा त्रिषु गम्भीरेष्वियं रक्ता च पञ्चसु॥
unnateṣūnatā ṣaṭsu sūkṣmā sūkṣmeṣu pañcasu| gambhīrā triṣu gambhīreṣviyaṃ raktā ca pañcasu||
“Those six limbs that ought to be elevated are elevated (in this girl) and the seven ought to be slender are so; the three that ought to be deep are deep and the five that ought to be red are red.
— tr. M.N. Dutt (1891–96) (public domain)
MBh 3 186.3
बहुदेवासुरालोका बहुगन्धर्वदर्शना। बहुलक्षणसम्पन्ना बहुप्रसवधारिणी॥
bahudevāsurālokā bahugandharvadarśanā| bahulakṣaṇasampannā bahuprasavadhāriṇī||
She is fit be looked at by many gods, Asuras and men and by many Gandharvas and she is endued with many auspicious signs and capable of bringing forth many children.
— tr. M.N. Dutt (1891–96) (public domain)
MBh 3 186.4
समर्थेयं जनयितुं चक्रवर्तिनमात्मजम्। ब्रूहि शुल्कं द्विजश्रेष्ठ समीक्ष्य विभवं मम॥
samartheyaṃ janayituṃ cakravartinamātmajam| brūhi śulkaṃ dvijaśreṣṭha samīkṣya vibhavaṃ mama||
I am competent to beget on her a son who will be an emperor; speak about the dowry, O foremost the twice born, having paid due regard to the state of my wealth.
— tr. M.N. Dutt (1891–96) (public domain)
MBh 3 186.5
गालव उवाच एकतः श्यामकर्णानां शतान्यष्टौ प्रयच्छ मे। हयानां चन्द्रशुभ्राणां देशजानां वपुष्मताम्॥
gālava uvāca ekataḥ śyāmakarṇānāṃ śatānyaṣṭau prayaccha me| hayānāṃ candraśubhrāṇāṃ deśajānāṃ vapuṣmatām||
Galava said Give me eight hundred horses, white as the moon, born in this country, and with plump bodies, cach having one ear black.
— tr. M.N. Dutt (1891–96) (public domain)
MBh 3 186.6
ततस्तव भवित्रीयं पुत्राणां जननी शुभा। अरणीव हुताशानां योनिरायतलोचना॥
tatastava bhavitrīyaṃ putrāṇāṃ jananī śubhā| araṇīva hutāśānāṃ yonirāyatalocanā||
Then will this blessed maiden with large eyes, be the mother of your children as the fire stick is mother of fire.
— tr. M.N. Dutt (1891–96) (public domain)
MBh 3 186.7
नारद उवाच एतच्छ्रुत्वा वचो राजा हर्यश्वः काममोहितः। उवाच गालव दीनो राजर्षिर्ऋषिसत्तमम्॥
nārada uvāca etacchrutvā vaco rājā haryaśvaḥ kāmamohitaḥ| uvāca gālava dīno rājarṣirṛṣisattamam||
Narada said The king Haryashva, that royal sage, hearing these words, senseless with passion, said sorrowfully to that best among the Rishis.
— tr. M.N. Dutt (1891–96) (public domain)
MBh 3 186.8
द्वे मे शते संनिहिते हयानां यद्विधास्तव। एष्टव्याः शतशस्त्वन्ये चरन्ति मम वाजिनः॥
dve me śate saṃnihite hayānāṃ yadvidhāstava| eṣṭavyāḥ śataśastvanye caranti mama vājinaḥ||
“The kind of horses that you require, two hundred only I have; got; hundreds of other breeds of horses, all worthy of sacrifice, are roaming about (in my kingdom)
— tr. M.N. Dutt (1891–96) (public domain)
MBh 3 186.9
सोऽहमेकमपत्यं वै जनयिष्यामि गालव। अस्यामेतं भवान् काम सम्पादयतु मे वरम्॥
so'hamekamapatyaṃ vai janayiṣyāmi gālava| asyāmetaṃ bhavān kāma sampādayatu me varam||
Such being the case, I shall beget but one child on this damsel, O Galava; kindly act up to this request of mine."
— tr. M.N. Dutt (1891–96) (public domain)
MBh 3 186.10
एतच्छ्रुत्वा तु सा कन्या गालवं वाक्यमब्रवीत्। मम दत्तो वरः कश्चित् केनचिद् ब्रह्मवादिना॥
etacchrutvā tu sā kanyā gālavaṃ vākyamabravīt| mama datto varaḥ kaścit kenacid brahmavādinā||
Hearing these words, the damsel said to Galava: “A boon has granted to me by a certain being conversant with Brahma,
— tr. M.N. Dutt (1891–96) (public domain)
MBh 3 186.11
प्रसूत्यन्ते प्रसूत्यन्ते कन्यैव त्वं भविष्यसि। स त्वं ददस्व मां राज्ञे प्रतिगृह्य हयोत्तमान्॥
prasūtyante prasūtyante kanyaiva tvaṃ bhaviṣyasi| sa tvaṃ dadasva māṃ rājñe pratigṛhya hayottamān||
That after giving birth to each child I shall again be a virgin; therefore do you offer me to this king accepting these best of horses.
— tr. M.N. Dutt (1891–96) (public domain)
MBh 3 186.12
नृपेभ्यो हि चतुर्थ्यस्ते पूर्णान्यष्टौ शतानि मे। भविष्यन्ति तथा पुत्रा मम चत्वार एव च।॥
nṛpebhyo hi caturthyaste pūrṇānyaṣṭau śatāni me| bhaviṣyanti tathā putrā mama catvāra eva ca|||
By going to four kings in succession you will get the full complement of eight hundred (horse) and I too shall have four sons.
— tr. M.N. Dutt (1891–96) (public domain)
MBh 3 186.13
क्रियतामुपसंहारो गुर्वर्थं द्विजसत्तम। एषा तावन्मम प्रज्ञा यथा वा मन्यसे द्विज॥
kriyatāmupasaṃhāro gurvarthaṃ dvijasattama| eṣā tāvanmama prajñā yathā vā manyase dvija||
Give me up therefore in order that you may be able to redeem the pledge made to your spiritual guide; so do I think with my humble wisdom and you can you can as you like.
— tr. M.N. Dutt (1891–96) (public domain)
MBh 3 186.14
एवमुक्तस्तु स मुनिः कन्यया गालवस्तदा। हर्यश्वं पृथिवीपालमिदं वचनमब्रवीत्॥
evamuktastu sa muniḥ kanyayā gālavastadā| haryaśvaṃ pṛthivīpālamidaṃ vacanamabravīt||
was The Muni Galava, being thus addressed by that said these words to the lord of the earth, Haryashva.
— tr. M.N. Dutt (1891–96) (public domain)
MBh 3 186.15
इयं कन्या नरश्रेष्ठ हर्यश्व प्रतिगृह्यताम्। चतुर्भागेन शुल्कस्य जनयस्वैकमात्मजम्॥
iyaṃ kanyā naraśreṣṭha haryaśva pratigṛhyatām| caturbhāgena śulkasya janayasvaikamātmajam||
Accept this maiden, O Haryashva, O foremost among men, by the offer of a fourth part of her dowry and beget on her but one child."
— tr. M.N. Dutt (1891–96) (public domain)
MBh 3 186.16
प्रतिगृह्य स तां कन्यां गालवं प्रतिनन्द्य च। समये देशकाले च लब्धवान् सुतमीप्सितम्॥
pratigṛhya sa tāṃ kanyāṃ gālavaṃ pratinandya ca| samaye deśakāle ca labdhavān sutamīpsitam||
He, having accepted that girl and having pleased Galava, got the wished for son at the proper time and place.
— tr. M.N. Dutt (1891–96) (public domain)
MBh 3 186.17
ततो वसुमना नाम वसुभ्यो वसुमत्तरः। वसुप्रख्यो नरपतिः स बभूव वसुप्रदः॥
tato vasumanā nāma vasubhyo vasumattaraḥ| vasuprakhyo narapatiḥ sa babhūva vasupradaḥ||
The prince thereafter named Vasumanas who in wealth was richest and lived to be a king as wealthy as one of the Vasus himself and a giver of wealth.
— tr. M.N. Dutt (1891–96) (public domain)
MBh 3 186.18
अथ काले पुनर्धीमान् गालवः प्रत्युपस्थितः। उपसंगम्य चोवाच हर्यश्वं प्रीतमानसम्॥
atha kāle punardhīmān gālavaḥ pratyupasthitaḥ| upasaṃgamya covāca haryaśvaṃ prītamānasam||
In proper time, the wise Galava again presented himself there and having approached Haryashva said to him whose desire had been satisfied.
— tr. M.N. Dutt (1891–96) (public domain)
MBh 3 186.19
जातो नृप सुतस्तेऽयं बालो भास्करसंनिभः। कालो गन्तुं नरश्रेष्ठ भिक्षार्थमपरं नृपम्॥
jāto nṛpa sutaste'yaṃ bālo bhāskarasaṃnibhaḥ| kālo gantuṃ naraśreṣṭha bhikṣārthamaparaṃ nṛpam||
"O ruler of men, you have begotten this son, a boy similar to the sun in effulgence and it is time for me to go another ruler of men to ask for alms."
— tr. M.N. Dutt (1891–96) (public domain)
MBh 3 186.20
हर्यश्वः सत्यवचने स्थितः स्थित्वा च पौरुषे। दुर्लभत्वाद्धयानां च प्रददौ माधवीं पुनः॥
haryaśvaḥ satyavacane sthitaḥ sthitvā ca pauruṣe| durlabhatvāddhayānāṃ ca pradadau mādhavīṃ punaḥ||
Haryashva, who was ever ready to abide by his words and who made manliness the basis of his action, gave back Madhvi as he could not procure all the horses himself.
— tr. M.N. Dutt (1891–96) (public domain)
MBh 3 186.21
माधवी च पुनर्दीप्तां परित्यज्य नृपश्रियम्। कुमारी कामतो भूत्वा गालवं पृष्ठतोऽन्वयात्॥
mādhavī ca punardīptāṃ parityajya nṛpaśriyam| kumārī kāmato bhūtvā gālavaṃ pṛṣṭhato'nvayāt||
Madhvi, too abandoning that effulgent royal propriety, become a maiden again of her own will and followed Galava.
— tr. M.N. Dutt (1891–96) (public domain)
MBh 3 186.22
त्वय्येव तावत् तिष्ठन्तु हया इत्युक्तवान् द्विजः। प्रययौ कन्यया सार्धं दिवोदासं प्रजेश्वरम्॥
tvayyeva tāvat tiṣṭhantu hayā ityuktavān dvijaḥ| prayayau kanyayā sārdhaṃ divodāsaṃ prajeśvaram||
"Let the horse remain with you for the present, in company with the maiden, to Divodasa, the ruler of men.
— tr. M.N. Dutt (1891–96) (public domain)