Mahabharata — Volume III (Dutt edition) — Chapter 184
MBh 3 184.1
नारद उवाच अथाह गालवं दीनं सुपर्णः पततां वरः। निर्मितं वाह्निना भूमौ वायुना शोधितं तथा। यस्माद्धिरण्मयं सर्वं हिरण्यं तेन चोच्यते॥
nārada uvāca athāha gālavaṃ dīnaṃ suparṇaḥ patatāṃ varaḥ| nirmitaṃ vāhninā bhūmau vāyunā śodhitaṃ tathā| yasmāddhiraṇmayaṃ sarvaṃ hiraṇyaṃ tena cocyate||
Narada said Then did Suparna, the foremost among those possessed of wings, say to the grieving Greeted: "Created by Fire in the Earth and reared up by wind, wealth is called Hiranya for the earth itself named Hiranmaya.
— tr. M.N. Dutt (1891–96) (public domain)
MBh 3 184.2
धत्ते धारयते चेदमेतस्मात् कारणाद् धनम्। तदेतत् त्रिषु लोकेषु धनं तिष्ठति शाश्वतम्॥
dhatte dhārayate cedametasmāt kāraṇād dhanam| tadetat triṣu lokeṣu dhanaṃ tiṣṭhati śāśvatam||
Since it supports and maintains the (creatures of the earth Therefore is it called wealth (Dhana); and the wealth is in the three worlds from time immemorial for meeting this purpose.
— tr. M.N. Dutt (1891–96) (public domain)
MBh 3 184.3
नित्यं प्रोष्ठपदाभ्यां च शुक्रे धनपतौ तथा। मनुष्येभ्यः समादत्ते शुक्रश्चित्तार्जितं धनम्॥
nityaṃ proṣṭhapadābhyāṃ ca śukre dhanapatau tathā| manuṣyebhyaḥ samādatte śukraścittārjitaṃ dhanam||
On a Friday when either of the two constellations is ascendant, Agni, creating wealth by dint of his will, confers it upon mankind for multiplying the possessions of the giver of riches (Kubera).
— tr. M.N. Dutt (1891–96) (public domain)
MBh 3 184.4
अजैकपादहिर्बुध्यै रक्ष्यते धनदेन च। एवं न शक्यते लब्धुमलब्धव्यं द्विजर्षभ। ऋते च धनमश्वानां नावाप्तिर्विद्यते तव।॥
ajaikapādahirbudhyai rakṣyate dhanadena ca| evaṃ na śakyate labdhumalabdhavyaṃ dvijarṣabha| ṛte ca dhanamaśvānāṃ nāvāptirvidyate tava|||
That wealth is guarded by the Ajaikapada and the Ahibrudhnyas as also by the giver of wealth (Kubera): such being the case, O best among the twice-born, it is very difficult to get that wealth.
— tr. M.N. Dutt (1891–96) (public domain)
MBh 3 184.5
स त्वं याचात्र राजानं कंचिद् राजर्षिवंशजम्। अपीड्य राजा पौरान् हि यो नौ कुर्यात् कृतार्थिनौ॥
sa tvaṃ yācātra rājānaṃ kaṃcid rājarṣivaṃśajam| apīḍya rājā paurān hi yo nau kuryāt kṛtārthinau||
Except by wealth there exists possibility of your getting the horses. Such being the case do you ask some king born in some family of royal Rishi who can make us successful without oppressing his subjects.
— tr. M.N. Dutt (1891–96) (public domain)
MBh 3 184.6
अस्ति सोमान्ववाये मे जातः कश्चिन्नृपः सखा। अभिगच्छावहे तं वै तस्यास्ति विभवो भुवि॥
asti somānvavāye me jātaḥ kaścinnṛpaḥ sakhā| abhigacchāvahe taṃ vai tasyāsti vibhavo bhuvi||
There is a king born in the dynasty of the moon, who is my friend and we shall approach him for he has great wealth in this world.
— tr. M.N. Dutt (1891–96) (public domain)
MBh 3 184.7
ययाति म राजर्षिर्नाहुषः सत्यविक्रमः। स दास्यति मया चोक्तो भवता चार्थितः स्वयम्॥
yayāti ma rājarṣirnāhuṣaḥ satyavikramaḥ| sa dāsyati mayā cokto bhavatā cārthitaḥ svayam||
He is the royal Rishi named Yayati, son of Nahusha, who is of truly great strength, and he will himself give (what we want, when he is asked you and (your suit is) recommended by me. no
— tr. M.N. Dutt (1891–96) (public domain)
MBh 3 184.8
विभवश्चास्य सुमहानासीद् धनपतेरिव। एवं गुस्धन विद्वन् दानेनैव विशोधय॥
vibhavaścāsya sumahānāsīd dhanapateriva| evaṃ gusdhana vidvan dānenaiva viśodhaya||
His wealth is as great as that of the lord of riches and O learned man, repay your debt by accepting this large wealth as present.
— tr. M.N. Dutt (1891–96) (public domain)
MBh 3 184.9
तथा तौ कथयन्तौ च चिन्तयन्तौ च यत् क्षमम्। प्रतिष्ठाने नरपतिं ययातिं प्रत्युपस्थितौ॥
tathā tau kathayantau ca cintayantau ca yat kṣamam| pratiṣṭhāne narapatiṃ yayātiṃ pratyupasthitau||
Thus conversing and thus thinking on what could be done they came to the palace of Yayati, the lord of men.
— tr. M.N. Dutt (1891–96) (public domain)
MBh 3 184.10
प्रतिगृह्य च सत्कारैरर्घ्यपाद्यादिकं वरम्। पृष्टश्चागमने हेतुमुवाच विनतासुतः॥
pratigṛhya ca satkārairarghyapādyādikaṃ varam| pṛṣṭaścāgamane hetumuvāca vinatāsutaḥ||
Having accepted the usual warm welcome and Arghya a and water for washing the feet etc. they were asked the reason of their coming and the son of Vinata thus explained the reasons:
— tr. M.N. Dutt (1891–96) (public domain)
MBh 3 184.11
अयं मे नाहुष सखा गालवस्तपसो निधिः। विश्वामित्रस्य शिष्योऽभूत् वर्धाण्ययुतशो नृप॥
ayaṃ me nāhuṣa sakhā gālavastapaso nidhiḥ| viśvāmitrasya śiṣyo'bhūt vardhāṇyayutaśo nṛpa||
O you born in the race of Nahusha, this is my friend Galava, the ocean of austerities who became the pupil of Vishvamitra for many tens of thousands years, Oruler of men.
— tr. M.N. Dutt (1891–96) (public domain)
MBh 3 184.12
सोऽयं तेनाभ्यनुज्ञात उपकारेप्सया द्विजः। तमाह भगवन् किं ते ददानि गुरुदक्षिणाम्॥
so'yaṃ tenābhyanujñāta upakārepsayā dvijaḥ| tamāha bhagavan kiṃ te dadāni gurudakṣiṇām||
This twice born one, then being commanded to go away by Vishvamitra, with a view to give him a present said to him; O lord, the time has come when I should make some final present to my spiritual guide.
— tr. M.N. Dutt (1891–96) (public domain)
MBh 3 184.13
असकृत् तेन चोक्तेन किंचिदागतमन्युना। अयमुक्तः प्रयच्छेति जानता विभवं लघु॥
asakṛt tena coktena kiṃcidāgatamanyunā| ayamuktaḥ prayaccheti jānatā vibhavaṃ laghu||
Knowing that his means were small he did not ask for anything but being addressed again and again, was thus commanded: You who have said this, make me this present.
— tr. M.N. Dutt (1891–96) (public domain)
MBh 3 184.14
एकतः श्यामकर्णानां शुभ्राणां शुद्धजन्मनाम्। अष्टौ शतानि मे देहि हयानां चन्द्रवर्चसाम्॥
ekataḥ śyāmakarṇānāṃ śubhrāṇāṃ śuddhajanmanām| aṣṭau śatāni me dehi hayānāṃ candravarcasām||
Give me eight hundred horses white as the rays of the moon, of good birth and black of one ear.
— tr. M.N. Dutt (1891–96) (public domain)
MBh 3 184.15
गुर्वर्थो दीयतामेष यदि गालव मन्यसे। इत्येवमाह सक्रोधो विश्वामित्रस्तपोधनः॥
gurvartho dīyatāmeṣa yadi gālava manyase| ityevamāha sakrodho viśvāmitrastapodhanaḥ||
Make this present to your spiritual guide if you think fit, O Galava. Thus did the great ascetic Vishvamitra address him in anger.
— tr. M.N. Dutt (1891–96) (public domain)
MBh 3 184.16
सोऽयं शोकेन महता तप्यमानो द्विजर्षभः। अशक्तः प्रतिकर्तुं तद् भवन्तं शरणं गतः॥
so'yaṃ śokena mahatā tapyamāno dvijarṣabhaḥ| aśaktaḥ pratikartuṃ tad bhavantaṃ śaraṇaṃ gataḥ||
This best among the twice born, is for this reason, being consumed by heavy grief being unable to redeem his pledge and therefore he has come under your protection.
— tr. M.N. Dutt (1891–96) (public domain)
MBh 3 184.17
प्रतिगृह्य नरव्याघ्र त्वत्तो भिक्षां गतव्यथः। कृत्वापवर्ग गुरवे चरिष्यति महत् तपः॥
pratigṛhya naravyāghra tvatto bhikṣāṃ gatavyathaḥ| kṛtvāpavarga gurave cariṣyati mahat tapaḥ||
Having accepted from you along, O you best among men and thus being beyond the reach of sorrow after fulfilling his pledge to his spiritual guide, he will practice great asceticism.
— tr. M.N. Dutt (1891–96) (public domain)
MBh 3 184.18
तपसः संविभागेन भवन्तमपि योक्ष्यते। स्वेन राजर्षितपसा पूर्णं त्वां पूरयिष्यति॥
tapasaḥ saṃvibhāgena bhavantamapi yokṣyate| svena rājarṣitapasā pūrṇaṃ tvāṃ pūrayiṣyati||
With a portion of the fruit of his austerities will you also be rewarded for with his own devotion will he enrich you, O royal Rishi, who are rich in earthly treasures.
— tr. M.N. Dutt (1891–96) (public domain)
MBh 3 184.19
यावन्ति रोमाणि हये भवन्तीह नरेश्वर। तावन्तो वाजिनो लोकान् प्राप्नुवन्ति महीपते॥
yāvanti romāṇi haye bhavantīha nareśvara| tāvanto vājino lokān prāpnuvanti mahīpate||
As many hairs as there are in the bodies of horses, O lord of men, so many horses will you obtain in this world, O lord of the earth.
— tr. M.N. Dutt (1891–96) (public domain)
MBh 3 184.20
पात्रं प्रतिग्रहस्यायं दातुं पात्रं तथा भवान्। शो क्षीरमिवासिक्तं भवत्वेतत् तथोपमम्॥
pātraṃ pratigrahasyāyaṃ dātuṃ pātraṃ tathā bhavān| śo kṣīramivāsiktaṃ bhavatvetat tathopamam||
He is a fit party to receive gifts and you too are a fit party to make presents, and the present that you now make to him will be like milk kept in deposit in a conch shell (available at any moment).
— tr. M.N. Dutt (1891–96) (public domain)