Mahabharata — Volume III (Dutt edition) — Chapter 175
MBh 3 175.1
कण्व उवाच गरुडस्तत्र शुश्राव यथावृत्तं महाबलः। आयुःप्रदानं शक्रेण कृतं नागस्य भारत॥
kaṇva uvāca garuḍastatra śuśrāva yathāvṛttaṃ mahābalaḥ| āyuḥpradānaṃ śakreṇa kṛtaṃ nāgasya bhārata||
Kanya said In the meantime Garuda endued with great might, heard what had happened, namely the bestowal of a long life on the Naga by Shakra, OBharata.
— tr. M.N. Dutt (1891–96) (public domain)
MBh 3 175.2
पक्षवातेन महता रुद्ध्वा त्रिभुवनं खगः। सुपर्णः परमक्रुद्धो वासवं समुपाद्रवत्॥
pakṣavātena mahatā ruddhvā tribhuvanaṃ khagaḥ| suparṇaḥ paramakruddho vāsavaṃ samupādravat||
And Suparna, the wanderer of the sky, obstructing the there worlds as it were by the heavy wind caused by his wings and being very, came to Vasava.
— tr. M.N. Dutt (1891–96) (public domain)
MBh 3 175.3
गरुड उवाच भगवन् किमवज्ञानाद् वृत्तिः प्रतिहता मम। कामकारवरं दत्त्वा पुनश्चलितवानसि॥
garuḍa uvāca bhagavan kimavajñānād vṛttiḥ pratihatā mama| kāmakāravaraṃ dattvā punaścalitavānasi||
Garuda said O lord, for what shortcoming on my part have you, forbidden me my subsistence-having granted me a boon of your own accord you have withheld it.
— tr. M.N. Dutt (1891–96) (public domain)
MBh 3 175.4
निसर्गात् सर्वभूतानां सर्वभूतेश्वरेण मे। आहारो विहितो धात्रा किमर्थं वार्यते त्वया॥
nisargāt sarvabhūtānāṃ sarvabhūteśvareṇa me| āhāro vihito dhātrā kimarthaṃ vāryate tvayā||
Since the very creation of all creatures my food has been settled by the Supreme Being, the of all creatures and for what reason have you interfered with it.
— tr. M.N. Dutt (1891–96) (public domain)
MBh 3 175.5
वृतश्चैष महानागः स्थापितः समयश्च अनेन च मया भर्तव्यः प्रसवो महान्॥
vṛtaścaiṣa mahānāgaḥ sthāpitaḥ samayaśca anena ca mayā bhartavyaḥ prasavo mahān||
This great Naga had been chosen by me (for my food) and the limit of his time had been fixed by me and on him was I to have subsisted, 0 lord, as also my numerous progeny.
— tr. M.N. Dutt (1891–96) (public domain)
MBh 3 175.6
एतस्मिंस्तु तथाभूते नान्यं हिंसित्तमुत्सहे। क्रीडसे कामकारेण देवराज यथेच्छकम्॥
etasmiṃstu tathābhūte nānyaṃ hiṃsittamutsahe| krīḍase kāmakāreṇa devarāja yathecchakam||
I dare not now kill another of the species, which is used such (i.e., on whom you have granted a boon); you play as you like, of your own will, O king the gods.
— tr. M.N. Dutt (1891–96) (public domain)
MBh 3 175.7
सोऽहं प्राणान् विमोक्ष्यामि तथा परिजनो मम। ये च भृत्या मम गृहे प्रीतिमान् भव वासव॥
so'haṃ prāṇān vimokṣyāmi tathā parijano mama| ye ca bhṛtyā mama gṛhe prītimān bhava vāsava||
Reduced to this I shall lose my life as also will the members of my family and these that are attendants at my house. Be gratified Vasava.
— tr. M.N. Dutt (1891–96) (public domain)
MBh 3 175.8
एतच्चैवाहमर्हामि भूयश्च बलवृत्रहन्। त्रैलोकस्येश्वरो योऽहं परभृत्यत्वमागतः॥
etaccaivāhamarhāmi bhūyaśca balavṛtrahan| trailokasyeśvaro yo'haṃ parabhṛtyatvamāgataḥ||
O slayer of Bala and Vritra, this indeed do I deserve not; though lord of the three worlds I have been reduced to the state of a servant of another.
— tr. M.N. Dutt (1891–96) (public domain)
MBh 3 175.9
त्वयि तिष्ठति देवेश न विष्णुः कारणं मम। त्रैलोक्यराज राज्यं हि त्वयि वासव शाश्वतम्॥
tvayi tiṣṭhati deveśa na viṣṇuḥ kāraṇaṃ mama| trailokyarāja rājyaṃ hi tvayi vāsava śāśvatam||
O lord of the celestial whilst you suppress me, I find no cause for going to Vishnu; O Vasava, you are the eternal sovereign of the three worlds.
— tr. M.N. Dutt (1891–96) (public domain)
MBh 3 175.10
जननी कश्यपः पिता। अहमप्युत्सहे लोकान् समन्ताद् वोदुमञ्जसा॥
jananī kaśyapaḥ pitā| ahamapyutsahe lokān samantād vodumañjasā||
O too have daughter of Daksha for my mother and Kashyapa also for my father and I too can venture to bear easily the weight of the three worlds.
— tr. M.N. Dutt (1891–96) (public domain)
MBh 3 175.11
असह्यं सर्वभूतानां ममापि विपुलं बलम्। मयापि सुमहत् कर्म कृतं दैतेयविग्रहे॥
asahyaṃ sarvabhūtānāṃ mamāpi vipulaṃ balam| mayāpi sumahat karma kṛtaṃ daiteyavigrahe||
My great strength too is unendurable by all creature and by me too have been done great deeds in the war the sons of Diti.
— tr. M.N. Dutt (1891–96) (public domain)
MBh 3 175.12
श्रुतश्रीः श्रुतसेनश्च विवस्वान् रोचनामुखः। प्रसृतः कालकाक्षश्च मयापि दितिजा हताः॥
śrutaśrīḥ śrutasenaśca vivasvān rocanāmukhaḥ| prasṛtaḥ kālakākṣaśca mayāpi ditijā hatāḥ||
Shrutashri and Shrutsena, Vivasvata Rochanamukha and Prasrita and Kalka Aksha, these sons of Diti have by me been slain.
— tr. M.N. Dutt (1891–96) (public domain)
MBh 3 175.13
यत् तु ध्वजस्थानगतो यत्नात् परिचराम्यहम्। वहामि चैवानुजं ते तेन मामवमन्यसे॥
yat tu dhvajasthānagato yatnāt paricarāmyaham| vahāmi caivānujaṃ te tena māmavamanyase||
Stationing myself on the flag I fear your younger and attend on him; Therefore do you disregard me.
— tr. M.N. Dutt (1891–96) (public domain)
MBh 3 175.14
ममापि दक्षस्य सुता कोऽन्यो भारसहो ह्यस्ति कोऽन्योऽस्ति बलवत्तरः। मया योऽहं विशिष्टः सन् वहामीमं सबान्धवम्॥
mamāpi dakṣasya sutā ko'nyo bhārasaho hyasti ko'nyo'sti balavattaraḥ| mayā yo'haṃ viśiṣṭaḥ san vahāmīmaṃ sabāndhavam||
What other being can bear that load? What other being is stronger? Though thus qualified, I yet bear your younger brother with his friends.
— tr. M.N. Dutt (1891–96) (public domain)
MBh 3 175.15
अवज्ञाय तु यत् तेऽहं भोजनाद् व्यपरोपितः। तेन मे गौरवं नष्टं त्वतश्चास्माच्च वासव॥
avajñāya tu yat te'haṃ bhojanād vyaparopitaḥ| tena me gauravaṃ naṣṭaṃ tvataścāsmācca vāsava||
Since however disregarding me, O Vishnu, as for yourself, you have interfered with my subsistence, you have made me lose my respect, as your brother has done.
— tr. M.N. Dutt (1891–96) (public domain)
MBh 3 175.16
अदित्यां य इमे जाता बलविक्रमशालिनः। त्वमेषां किल सर्वेषां बलेन बलवत्तरः॥
adityāṃ ya ime jātā balavikramaśālinaḥ| tvameṣāṃ kila sarveṣāṃ balena balavattaraḥ||
Among those endued with might and prowess that are begotten in the race of Aditi-you are the strongest in might.
— tr. M.N. Dutt (1891–96) (public domain)
MBh 3 175.17
सोऽहं पक्षैकदेशेन वहामि त्वां गतक्लमः। विमृशं त्वं शनैस्तात को न्वत्र बलवानिति॥
so'haṃ pakṣaikadeśena vahāmi tvāṃ gataklamaḥ| vimṛśaṃ tvaṃ śanaistāta ko nvatra balavāniti||
I bear you who are such on one portion of my wings without experiencing any fatigue. Think, O dear as to who is the stronger.
— tr. M.N. Dutt (1891–96) (public domain)
MBh 3 175.18
कण्व उवाच स तस्य वचनं श्रुत्वा खगस्योदर्कदारुणम्। अक्षोभ्यं क्षोभयंस्तार्क्ष्यमुवाच रथचक्रभृत्॥
kaṇva uvāca sa tasya vacanaṃ śrutvā khagasyodarkadāruṇam| akṣobhyaṃ kṣobhayaṃstārkṣyamuvāca rathacakrabhṛt||
Kanva said The wielder of the discus, having heard the words marked with vanity of the wanderer of the sky, which were at the same time indicative of peril, said to Tarkshya, who was annoyed, annoying him the more.
— tr. M.N. Dutt (1891–96) (public domain)
MBh 3 175.19
गरुत्मन् मन्यसेऽऽत्मानं बलवन्तं सुदुर्बलम्। अलमस्मत्समक्षं ते स्तोतुमात्मानमण्डज॥
garutman manyase''tmānaṃ balavantaṃ sudurbalam| alamasmatsamakṣaṃ te stotumātmānamaṇḍaja||
"O Garuda, you consider yourself strong, though you are weak. It is not right that you should thus speak in flattering terms of yourself in presence, O you born of egg.
— tr. M.N. Dutt (1891–96) (public domain)
MBh 3 175.20
त्रैलोक्वमपि मे कृत्स्नमशक्तं देहधारणे। अहमेवात्मनाऽऽत्मानं बहामि त्वां च धारये॥
trailokvamapi me kṛtsnamaśaktaṃ dehadhāraṇe| ahamevātmanā''tmānaṃ bahāmi tvāṃ ca dhāraye||
The three worlds, even when united together are incapable are incapable of bearing the load of my body; I myself bear the weight of my-self and also uphold you.
— tr. M.N. Dutt (1891–96) (public domain)
MBh 3 175.21
इमं तावन्ममैकं त्वं बाहुं सव्येतरं वह। यद्येनं धारयस्येकं सफलं ते विकस्थितम्॥
imaṃ tāvanmamaikaṃ tvaṃ bāhuṃ savyetaraṃ vaha| yadyenaṃ dhārayasyekaṃ saphalaṃ te vikasthitam||
To prove your words, bear the weight of my right arm and if you can carry it then what you say will have some reason in it."
— tr. M.N. Dutt (1891–96) (public domain)
MBh 3 175.22
ततः स भगवांस्तस्य स्कन्धे बाहुं समासजत्। निपपात स भारा” विह्वलो नष्टचेतनः॥
tataḥ sa bhagavāṃstasya skandhe bāhuṃ samāsajat| nipapāta sa bhārā” vihvalo naṣṭacetanaḥ||
Then did that prosperous being place his arm on his shoulder. He fell down struck by the lord stupefied and deprived of his senses.
— tr. M.N. Dutt (1891–96) (public domain)
MBh 3 175.23
यावान् हि भारः कृत्स्नायाः पृथिव्याः पर्वतैः सह। एकस्या देहशाखायास्तावद् भारममन्यत॥
yāvān hi bhāraḥ kṛtsnāyāḥ pṛthivyāḥ parvataiḥ saha| ekasyā dehaśākhāyāstāvad bhāramamanyata||
The weight, that was in the earth united with the mountains, was in one branch of the body (of Vishnu).
— tr. M.N. Dutt (1891–96) (public domain)
MBh 3 175.24
न त्वेनं पीडयामास बलेन बलवत्तरः। ततो हि जीवितं तस्य न व्यनीनशदच्युतः॥
na tvenaṃ pīḍayāmāsa balena balavattaraḥ| tato hi jīvitaṃ tasya na vyanīnaśadacyutaḥ||
The one who was by far the stronger did not press him (Garuda) with any force and thus was he alive for Achyuta did not want to kill him.
— tr. M.N. Dutt (1891–96) (public domain)
MBh 3 175.25
व्यात्तास्यः सस्तकायश्च विचेता विह्वलः खगः। मुमोच पत्राणि तदा गुरुभारप्रपीडितः॥
vyāttāsyaḥ sastakāyaśca vicetā vihvalaḥ khagaḥ| mumoca patrāṇi tadā gurubhāraprapīḍitaḥ||
Writhing under that heavy load that wanderer of the sky gasped for breath, was stupefied, lost his senses and his energies were all dried up and he was stripped off his feathers.
— tr. M.N. Dutt (1891–96) (public domain)
MBh 3 175.26
स विष्णु शिरसा पक्षी प्रणम्य विनतासुतः। विचेता विह्वलो दीन: किंचिद् वचनमब्रवीत्॥
sa viṣṇu śirasā pakṣī praṇamya vinatāsutaḥ| vicetā vihvalo dīna: kiṃcid vacanamabravīt||
Then the bird, the son of Vinata, bowed with his head to Vishnu and feebly said to him these words, being stupefied and rendered helpless and regretting his folly.
— tr. M.N. Dutt (1891–96) (public domain)
MBh 3 175.27
भगवल्लोकसारस्य सदृशेन वपुष्मता। भुजेन स्वैरमुक्तेन निष्पिष्टोऽस्मि महीतले॥
bhagavallokasārasya sadṛśena vapuṣmatā| bhujena svairamuktena niṣpiṣṭo'smi mahītale||
"O lord, what is the wonder that I should be crushed down to the earth by the arm which belongs to a body which is like the essence of the universe.
— tr. M.N. Dutt (1891–96) (public domain)
MBh 3 175.28
क्षन्तुमर्हसि मे देव विह्वलस्याल्पचेतसः। बलदाहविदग्धस्य पक्षिणो ध्वजवासिनः॥
kṣantumarhasi me deva vihvalasyālpacetasaḥ| baladāhavidagdhasya pakṣiṇo dhvajavāsinaḥ||
It is proper, O lord, that you should forgiven me am rendered helpless, who am of mean intelligence, intoxicated with the vanity of might and but a bird bearing a flag.
— tr. M.N. Dutt (1891–96) (public domain)
MBh 3 175.29
न हि ज्ञातं बलं देव मया ते परमं विभो। तेन मन्याम्यहं वीर्यमात्मनो न समं परैः॥
na hi jñātaṃ balaṃ deva mayā te paramaṃ vibho| tena manyāmyahaṃ vīryamātmano na samaṃ paraiḥ||
O god, O lord, your strength was not known to me and for that reason did I think myself possessed of heroism not equaled by others.
— tr. M.N. Dutt (1891–96) (public domain)
MBh 3 175.30
ततश्चक्रे स भगवान् प्रसादं वै गरुत्मतः। मैवं भूय इति स्नेहात् तदा चैनमुवाच ह॥
tataścakre sa bhagavān prasādaṃ vai garutmataḥ| maivaṃ bhūya iti snehāt tadā cainamuvāca ha||
Then was the god pleased with Garuda and he said is the bird out of affection-"'Do not act so again."
— tr. M.N. Dutt (1891–96) (public domain)
MBh 3 175.31
पादाङ्गुष्ठेन चिक्षेप सुखं गरुडोरसि। ततःप्रभृति राजेन्द्र सह सर्पण वर्तते।॥
pādāṅguṣṭhena cikṣepa sukhaṃ garuḍorasi| tataḥprabhṛti rājendra saha sarpaṇa vartate|||
With the toe of his feet he threw Sumukha on the breast of Garuda and from that time forward O chief of kings, Garuda live (in friendship) with that serpent.
— tr. M.N. Dutt (1891–96) (public domain)
MBh 3 175.32
एवं विष्णुबलाक्रान्तो गर्वनाशमुपागतः। गरुडो बलवान् राजन् वैनतेयो महायशाः॥
evaṃ viṣṇubalākrānto garvanāśamupāgataḥ| garuḍo balavān rājan vainateyo mahāyaśāḥ||
In this way was the haughty Garuda the son of Vinata and great renown, cured of his vanity, being overpowered by the might of Vishnu.
— tr. M.N. Dutt (1891–96) (public domain)
MBh 3 175.33
कण्व उवाच तथा त्वमपि गान्धारे यावत् पाण्डुसुतान् रणे। नासादयसि तान् वीरांस्तावजीवसि पुत्रक॥
kaṇva uvāca tathā tvamapi gāndhāre yāvat pāṇḍusutān raṇe| nāsādayasi tān vīrāṃstāvajīvasi putraka||
Kanva said In the same way, O son of Gandhari, you too, so long as you do not come face to face in battle with those heroes, the sons of Pandu, will be living, O dear, son.
— tr. M.N. Dutt (1891–96) (public domain)
MBh 3 175.34
भीमः प्रहरतां श्रेष्ठो वायुपुत्रो महाबलः। धनंजयश्चेन्द्रसुतो न हन्यातां तु कं रणे॥
bhīmaḥ praharatāṃ śreṣṭho vāyuputro mahābalaḥ| dhanaṃjayaścendrasuto na hanyātāṃ tu kaṃ raṇe||
Who is there whom Bhima the foremost among opponents, the son of Vayu and possessed of great strength and Dhananjaya the son of Shakra cannot kill in battle.
— tr. M.N. Dutt (1891–96) (public domain)
MBh 3 175.35
विष्णुर्वायुश्च शक्रश्च धर्मस्तौ चाश्विनावुभौ। एते देवास्त्वया केन हेतुना वीक्षितुं क्षमाः॥
viṣṇurvāyuśca śakraśca dharmastau cāśvināvubhau| ete devāstvayā kena hetunā vīkṣituṃ kṣamāḥ||
Vishnu, Vayu, Shakra, Dharma and both the Asvinis-all these are gods how are you capable of gazing at?
— tr. M.N. Dutt (1891–96) (public domain)
MBh 3 175.36
तदलं ते विरोधेन शमं गच्छ नृपात्मज) वासुदेवेन तीर्थेन कुलं रक्षितुमर्हसि॥
tadalaṃ te virodhena śamaṃ gaccha nṛpātmaja) vāsudevena tīrthena kulaṃ rakṣitumarhasi||
Fight would therefore be useless; effect peace, O son of a ruler of men, by means of Vasudeva; it is proper that you should save your family.
— tr. M.N. Dutt (1891–96) (public domain)
MBh 3 175.37
प्रत्यक्षदर्शी सर्वस्य नारदोऽयं महातपाः। महात्म्यस्य तदा विष्णोः सोऽयं चक्रगदाधर॥
pratyakṣadarśī sarvasya nārado'yaṃ mahātapāḥ| mahātmyasya tadā viṣṇoḥ so'yaṃ cakragadādhara||
This Narada, of great asceticism, saw all this with his own eyes and this Krishna held the mice and discus of that great souled Vishnu.
— tr. M.N. Dutt (1891–96) (public domain)
MBh 3 175.38
वैशम्पायन उवाच दुर्योधनस्तु तच्छ्रुत्वा निःश्वसन् भृकुटीमुखः। राधेयमभिसम्प्रेक्ष्य जहास स्वनवत् तदा॥
vaiśampāyana uvāca duryodhanastu tacchrutvā niḥśvasan bhṛkuṭīmukhaḥ| rādheyamabhisamprekṣya jahāsa svanavat tadā||
Vaishampayana said Duryodhana, having heard all this, breathing herd with his eye-brows contracted and gazing on the son of Radica, laughed aloud at that time.
— tr. M.N. Dutt (1891–96) (public domain)
MBh 3 175.39
कदर्थीकृत्य तद् वाक्यमृषेः कण्वस्य दुर्मतिः। ऊरूं गजकराकारं ताडयन्निदमब्रवीत्॥
kadarthīkṛtya tad vākyamṛṣeḥ kaṇvasya durmatiḥ| ūrūṃ gajakarākāraṃ tāḍayannidamabravīt||
Without regarding those words of the Rishi Kanva, the one, of evil intellect, said these words slapping his thighs which were of the size of those of an elephant.
— tr. M.N. Dutt (1891–96) (public domain)
MBh 3 175.40
यथैवेश्वरसृष्टोऽस्मि यद् भावि या च मे गतिः। तथा महर्षे वर्तामि किं प्रलापः करिष्यति॥
yathaiveśvarasṛṣṭo'smi yad bhāvi yā ca me gatiḥ| tathā maharṣe vartāmi kiṃ pralāpaḥ kariṣyati||
"Since I have been created by god, I am what he has made me; what will happen must happen and so must my course be shaped. O great Rishi, I shall act in that way; what can these useless discussions do?
— tr. M.N. Dutt (1891–96) (public domain)