Mahabharata — Volume III (Dutt edition) — Chapter 173
MBh 3 173.1
नारद उवाच इयं भोगवती नाम पुरी वासुकिपालिता। यादृशी देवराजस्य पुरीवर्याऽमरावती॥
nārada uvāca iyaṃ bhogavatī nāma purī vāsukipālitā| yādṛśī devarājasya purīvaryā'marāvatī||
Narada said This city is named Bhogavati, ruled by Vasuki, which is similar to the city of the king of the gods-Amaravati.
— tr. M.N. Dutt (1891–96) (public domain)
MBh 3 173.2
एष शेषः स्थितो नागो येनेयं धार्यते सदा। तपसा लोकमुख्येन प्रभावसहिता मही॥
eṣa śeṣaḥ sthito nāgo yeneyaṃ dhāryate sadā| tapasā lokamukhyena prabhāvasahitā mahī||
This one staying here is Shesha the Naga, by whom is ever upheld the earth with all her greatness by force of his austerities which is the best in this world.
— tr. M.N. Dutt (1891–96) (public domain)
MBh 3 173.3
श्वेताचलनिभाकारो दिव्याभरणभूषितः। सहस्रं धारयन् मूर्धा ज्वालाजिह्वो महाबलः॥
śvetācalanibhākāro divyābharaṇabhūṣitaḥ| sahasraṃ dhārayan mūrdhā jvālājihvo mahābalaḥ||
His body is of the size of the Shvetachala or white mountain and decked with diverse sorts of ornaments and holding a thousand heads with tongues like blazing fire. His strength and prowess are great.
— tr. M.N. Dutt (1891–96) (public domain)
MBh 3 173.4
इह नानाविधाकारा नानाविधविभूषणाः। सुरसायाः सुता नागा निवसन्ति गतव्यथाः॥
iha nānāvidhākārā nānāvidhavibhūṣaṇāḥ| surasāyāḥ sutā nāgā nivasanti gatavyathāḥ||
Here live, passed the reach of pain, the sons of Surasa, Nagas, of many species and sizes and with diverse sorts of ornaments.
— tr. M.N. Dutt (1891–96) (public domain)
MBh 3 173.5
मणिस्वस्तिकचक्राङ्काः कमण्डलुकलक्षणाः। सहस्रसंख्यां बलिनः सर्वे रौद्रा: स्वभावतः॥
maṇisvastikacakrāṅkāḥ kamaṇḍalukalakṣaṇāḥ| sahasrasaṃkhyāṃ balinaḥ sarve raudrā: svabhāvataḥ||
And having the mark of gem, Svastika, circles and Kamandulu-all of them, each with the strength of a thousand, are by nature fierce.
— tr. M.N. Dutt (1891–96) (public domain)
MBh 3 173.6
सहस्रशिरसः केचित् केचित् पञ्चशताननाः। शतशीर्षास्तथा केचित् केचित् त्रिशिरसोऽपि च॥
sahasraśirasaḥ kecit kecit pañcaśatānanāḥ| śataśīrṣāstathā kecit kecit triśiraso'pi ca||
Some of them are thousand headed, some have five hundred faces, some, again, have a hundred heads and some three.
— tr. M.N. Dutt (1891–96) (public domain)
MBh 3 173.7
द्विपञ्चशिरसः केचित् केचित् सप्तमुखास्तथा। महाभोगा महाकायाः पर्वताभोगभोगिनः॥
dvipañcaśirasaḥ kecit kecit saptamukhāstathā| mahābhogā mahākāyāḥ parvatābhogabhoginaḥ||
Some have twice five heads, some have seven faces and all of them are addicted to great pleasures and have huge bodies resembling the mountains of this earth.
— tr. M.N. Dutt (1891–96) (public domain)
MBh 3 173.8
बहूनीह सहस्राणि प्रयुतान्यर्बुदानि च। नागानामेकवंशानां यथाश्रेष्ठं तु मे शृणु॥
bahūnīha sahasrāṇi prayutānyarbudāni ca| nāgānāmekavaṃśānāṃ yathāśreṣṭhaṃ tu me śṛṇu||
There are many thousands and millions and hundreds of millions of unaccountable Nagas, listen to me as I say the few names of the foremost among them of a single race.
— tr. M.N. Dutt (1891–96) (public domain)
MBh 3 173.9
वासुकिस्तक्षकश्चैव कर्कोटकधनंजयौ।। कालियो नहुषश्चैव कम्बलाश्वतरावुभौ॥ बाह्यकुण्डो मणि गस्तथैवापूरणः खगः। वामनश्चैलपत्रश्च कुकुरः कुकुणस्तथा॥ आर्यको नन्दकश्चैव तथा कलशपोतकौ। कैलासकः पिञ्जरको नागश्चैरावतस्तथा॥ सुमनोमुखो दधिमुखः शङ्खो नन्दोपनन्दकौ। आप्तः कोटरकश्चैव शिखी निष्ठुरिकस्तथा॥ तित्तिरिर्हस्तिभद्रश्च कुमुदो माल्यपिण्डकः। द्वौ पद्मौ पुण्डरीकश्च पुष्पो मुद्गरपर्णकः॥ करवीरः पीठरकः संवृत्तो वृत्त एव च। पिण्डारो बिल्वपत्रश्च मूषिकादः शिरीषकः॥ दिलीपः शङ्खशीर्शश्च ज्योतिष्कोऽथापराजितः। कौरव्यो धृतराष्ट्रश्च कुहुरः कृशकस्तथा॥ विरजा धारणश्चैव सुबाहुर्मुखरो जयः। बधिरान्धौ विशुण्डिश्च विरसः सुरसस्तथा॥ एते चान्ये च बहवः कश्यपस्यात्मजाः स्मृताः। मातले पश्य यद्यत्र कश्चित् ते रोचते वरः॥
vāsukistakṣakaścaiva karkoṭakadhanaṃjayau|| kāliyo nahuṣaścaiva kambalāśvatarāvubhau|| bāhyakuṇḍo maṇi gastathaivāpūraṇaḥ khagaḥ| vāmanaścailapatraśca kukuraḥ kukuṇastathā|| āryako nandakaścaiva tathā kalaśapotakau| kailāsakaḥ piñjarako nāgaścairāvatastathā|| sumanomukho dadhimukhaḥ śaṅkho nandopanandakau| āptaḥ koṭarakaścaiva śikhī niṣṭhurikastathā|| tittirirhastibhadraśca kumudo mālyapiṇḍakaḥ| dvau padmau puṇḍarīkaśca puṣpo mudgaraparṇakaḥ|| karavīraḥ pīṭharakaḥ saṃvṛtto vṛtta eva ca| piṇḍāro bilvapatraśca mūṣikādaḥ śirīṣakaḥ|| dilīpaḥ śaṅkhaśīrśaśca jyotiṣko'thāparājitaḥ| kauravyo dhṛtarāṣṭraśca kuhuraḥ kṛśakastathā|| virajā dhāraṇaścaiva subāhurmukharo jayaḥ| badhirāndhau viśuṇḍiśca virasaḥ surasastathā|| ete cānye ca bahavaḥ kaśyapasyātmajāḥ smṛtāḥ| mātale paśya yadyatra kaścit te rocate varaḥ||
They are Vasuki, Takshaka, Karkotaka, Dhananjaya, Kalia and the two, Kambala and Ashvatara, Bahyakunda, Mani, Apurana, Khaga, Vamana, Elapatra, Kukura, Kukuna, Aryaka, Nandaka, Potaka, Kailasaka, Pinjaraka and the Naga Airavata, Sumanmukha. Dadhimukha, Shankha, Nanda, Upanandaka, Apta, Kotaraka, Shikhi and Nisthuraka, Tittiri, Hastibhadra, Kumuda, Malyapindaka, the two Padmas, Pundarika, Pushpa, Mudgaraparnaka, Karavira, Pitharaka, Samvrita, Virtta, Pindara, Mushikada, Shirishaka, Dilipa, Shankhashirsha, Joytishka, Aparajita, Kauravya, Dhritarashtra, Kuhura Krishna, Virajas, Daharana, Subahu, Mukhara, Jaya, Badhira, Andha, Vishundi, Virasa and Surasa, these and many others are known to the son of Kashyapa, O Matali; see if in the region any bridegroom is to your liking.
— tr. M.N. Dutt (1891–96) (public domain)
MBh 3 173.10
कण्व उवाच मातलिस्त्वेकमव्यग्रः सततं संनिरीक्ष्य वै। पप्रच्छ नारदं तत्र प्रीतिमानिव चाभवत्॥
kaṇva uvāca mātalistvekamavyagraḥ satataṃ saṃnirīkṣya vai| papraccha nāradaṃ tatra prītimāniva cābhavat||
Kanva said While Narada was speaking, Matali had been gazing steadfastly; and he asked Narada being highly pleased.
— tr. M.N. Dutt (1891–96) (public domain)
MBh 3 173.11
स्थितो य एष पुरतः कौरव्यस्यार्यकस्य तु। द्युतिमान् दर्शनीयश्च कस्यैष कुलनन्दनः॥
sthito ya eṣa purataḥ kauravyasyāryakasya tu| dyutimān darśanīyaśca kasyaiṣa kulanandanaḥ||
This one standing before Aryaka of the Kauravya race-this effulgent being worthy to look at-whose race dose he delight?
— tr. M.N. Dutt (1891–96) (public domain)
MBh 3 173.12
कः पिता जननी चास्य कतमस्यैष भोगिनः। वंशस्य कस्यैष महान् केतुभूत इव स्थितः॥
kaḥ pitā jananī cāsya katamasyaiṣa bhoginaḥ| vaṃśasya kasyaiṣa mahān ketubhūta iva sthitaḥ||
Who is his mother and what race dose he come from? Of what race dose he stand like the flagstaff?
— tr. M.N. Dutt (1891–96) (public domain)
MBh 3 173.13
प्रणिधानेन धैर्येण रूपेण वयसा च मे। मनः प्रविष्टो देवर्षे गुणकेश्याः पतिर्वरः॥
praṇidhānena dhairyeṇa rūpeṇa vayasā ca me| manaḥ praviṣṭo devarṣe guṇakeśyāḥ patirvaraḥ||
By his intelligence, patience, beauty and age is my heart attracted, O divine Rishi. He will make husband for Gunakeshi.
— tr. M.N. Dutt (1891–96) (public domain)
MBh 3 173.14
कण्व उवाच मातलिं प्रीतमनसं दृष्ट्वा सुमुखदर्शनात्। निवेदयामास तदा माहात्म्यं जन्म कर्म च॥
kaṇva uvāca mātaliṃ prītamanasaṃ dṛṣṭvā sumukhadarśanāt| nivedayāmāsa tadā māhātmyaṃ janma karma ca||
Kanya said Seeing Matali, of cheerful mind owing to his seeing Sumukha, Narada informed him the greatness, the birth and the works of that youth.
— tr. M.N. Dutt (1891–96) (public domain)
MBh 3 173.15
नारद उवाच ऐरावतकुले जात: सुमुखो नाम नागराट्। आर्यकस्य मतः पौत्रो दौहित्रो वामनस्य च॥
nārada uvāca airāvatakule jāta: sumukho nāma nāgarāṭ| āryakasya mataḥ pautro dauhitro vāmanasya ca||
Narad said Born in the race of Airavata, he is the chief of the Nagas, named Sumukha, the grandson of Aryaka and on his mother's side he is the grandson of Vamana.
— tr. M.N. Dutt (1891–96) (public domain)
MBh 3 173.16
एतस्य हि पिता नागश्चिकुरो नाम मातले। नचिराद् वैनतेयेन पञ्चत्वमुपपादितः॥
etasya hi pitā nāgaścikuro nāma mātale| nacirād vainateyena pañcatvamupapāditaḥ||
His father is the Naga named Chikura, O Matali and quite recently he was killed by the son of Vinata.
— tr. M.N. Dutt (1891–96) (public domain)
MBh 3 173.17
ततोऽब्रवीत् प्रीतमना मातलि रदं वचः। एष मे रुचितस्तात जामाता भुजगोत्तमः॥
tato'bravīt prītamanā mātali radaṃ vacaḥ| eṣa me rucitastāta jāmātā bhujagottamaḥ||
Then did Matali, being of heart, speak to Narada these words-'O Sire, this best of the Naga race selected son-in-law.'
— tr. M.N. Dutt (1891–96) (public domain)
MBh 3 173.18
क्रियतामत्र यत्नो वै प्रीतिमानस्यनेन वै। अस्मै नागाय वै दातुं प्रियां दुहितरं मुने।॥
kriyatāmatra yatno vai prītimānasyanena vai| asmai nāgāya vai dātuṃ priyāṃ duhitaraṃ mune|||
Accomplish; take some pains, for I am pleased with him-O Muni, take some pains to bestow on this Naga my beloved daughter.
— tr. M.N. Dutt (1891–96) (public domain)