Mahabharata — Volume III (Dutt edition) — Chapter 17
MBh 3 17.1
वैशम्पायन उवाच सा हता सूतपुत्रेण राजपत्नी यशस्विनी। वधं कृष्णा परीप्सन्ती सेनावाहस्य भामिनी।।।।
vaiśampāyana uvāca sā hatā sūtaputreṇa rājapatnī yaśasvinī| vadhaṃ kṛṣṇā parīpsantī senāvāhasya bhāminī||||
Vaishampayana said Thus outraged by the Suta's son that illustrious princess Krishna of exceeding beauty, brooding over the destruction of the leader of Virata's forces, repaired to her own apartments.
— tr. M.N. Dutt (1891–96) (public domain)
MBh 3 17.2
जगामावासमेवाथ सा तदा द्रुपदात्मजा। कृत्वा शौचं यथान्यायं कृष्णा सा तनुमध्यमा।॥ गात्राणि वाससी चैव प्रक्षाल्य सलिलेन सा। चिन्तयामास रुदती तस्य दुःखस्य निर्णयम्॥
jagāmāvāsamevātha sā tadā drupadātmajā| kṛtvā śaucaṃ yathānyāyaṃ kṛṣṇā sā tanumadhyamā||| gātrāṇi vāsasī caiva prakṣālya salilena sā| cintayāmāsa rudatī tasya duḥkhasya nirṇayam||
Having duly washed her body and clothes with water the slender-waisted Krishna, the daughter of Drupada, began to ponder weepingly on the means of discarding her grief.
— tr. M.N. Dutt (1891–96) (public domain)
MBh 3 17.3
किं करोमि क्व गच्छामि कथं कार्यं भवेन्मम। इत्येवं चिन्तयित्वा सा भीमं वै मनसागमत्॥
kiṃ karomi kva gacchāmi kathaṃ kāryaṃ bhavenmama| ityevaṃ cintayitvā sā bhīmaṃ vai manasāgamat||
What shall I do? Whither shall I go? How can my desire be accomplished? while she was thinking thus she thought of Bhima.
— tr. M.N. Dutt (1891–96) (public domain)
MBh 3 17.4
नान्यः कर्ता ऋते भीमान्ममाद्य मनसः प्रियम्। तत उत्थाय रात्रौ सा विहाय शयनं स्वकम्॥ प्राद्रवन्नाथमिच्छन्ती कृष्णा नाथवती सती। भवनं भीमसेनस्य क्षिप्रमायतलोचना॥ दुःखेन महता युक्ता मानसेन मनस्विनी।
nānyaḥ kartā ṛte bhīmānmamādya manasaḥ priyam| tata utthāya rātrau sā vihāya śayanaṃ svakam|| prādravannāthamicchantī kṛṣṇā nāthavatī satī| bhavanaṃ bhīmasenasya kṣipramāyatalocanā|| duḥkhena mahatā yuktā mānasena manasvinī|
Save and except Bhima there is none else that can do this very day what is agreeable to me. Then afflicted with great woe that largeeyed Krishna of spacious breast and approved chastity, with mighty lords as her protectors, rose up at night, left her own bed and repaired speedily to the abode of Bhimasena, desirous of accosting her lord.
— tr. M.N. Dutt (1891–96) (public domain)
MBh 3 17.5
सैरन्ध्युवाच तस्मिञ्जीवति पापिष्ठे सेनावाहे मम द्विषि॥ तत् कर्म कृतवानद्य कथं निद्रां निषेवसे।
sairandhyuvāca tasmiñjīvati pāpiṣṭhe senāvāhe mama dviṣi|| tat karma kṛtavānadya kathaṃ nidrāṃ niṣevase|
Sairandhri said How can you enjoy the sweets of sleep while that foe of mine, the wretched commander of Virata's forces, lives still, having perpetrated that foul deed today?
— tr. M.N. Dutt (1891–96) (public domain)
MBh 3 17.6
वैशम्पायन उवाच एवमुक्त्वाथ तां शालां प्रविवेश मनस्विनी॥ यस्यां भीमस्तथा शेते मृगराज इव श्वसन्।
vaiśampāyana uvāca evamuktvātha tāṃ śālāṃ praviveśa manasvinī|| yasyāṃ bhīmastathā śete mṛgarāja iva śvasan|
Vaishampayana said Having said this the high-minded Draupadi entered the chamber where Bhima lay asleep snoring like a lion.
— tr. M.N. Dutt (1891–96) (public domain)
MBh 3 17.7
तस्या रूपेण सा शाला भीमस्य च महात्मनः॥ सम्मूर्छितेव कौरव्य प्रजज्वाल च तेजसा। सा वै महानसं प्राप्य भीमसेनं शुचिस्मिता॥ सर्वश्वेतेव माहेयी वने जाता त्रिहायणी।
tasyā rūpeṇa sā śālā bhīmasya ca mahātmanaḥ|| sammūrchiteva kauravya prajajvāla ca tejasā| sā vai mahānasaṃ prāpya bhīmasenaṃ śucismitā|| sarvaśveteva māheyī vane jātā trihāyaṇī|
O son of Kuru! Bhima's kitchen got grandeur and glamour as it was illumined with the divine touch of Draupadi's complexion and her presence. Draupadi with her innocent smile, accessed to great Bhima with her entrance in kitchen like (she) her on born in water (gradually access to heron, ox and elephant), parthiva cow of three years age and she elephant.
— tr. M.N. Dutt (1891–96) (public domain)
MBh 3 17.8
उपातिष्ठत पाञ्चाली वासितेव नरर्षभम्॥ सा लतेव महाशालं फुल्लं गोमतितीरजम्।
upātiṣṭhata pāñcālī vāsiteva nararṣabham|| sā lateva mahāśālaṃ phullaṃ gomatitīrajam|
The daughter of Panchala embraced the second son of Pandu even as a creeper embraces a vigorous and huge Sala tree on the banks of the Gomati.
— tr. M.N. Dutt (1891–96) (public domain)
MBh 3 17.9
परिष्वजत पाञ्चाली मध्यमं पाण्डुनन्दनम्॥ बाहुभ्यां परिरभ्यैनं प्राबोधयदनिन्दिता। सिंहं सुप्तं वने दुर्गे मृगराजवधूरिव।॥
pariṣvajata pāñcālī madhyamaṃ pāṇḍunandanam|| bāhubhyāṃ parirabhyainaṃ prābodhayadaninditā| siṃhaṃ suptaṃ vane durge mṛgarājavadhūriva|||
Having clasped him with her arms that faultless one roused him from his bed just as lioness awakes a sleeping lion in a solitary forest.
— tr. M.N. Dutt (1891–96) (public domain)
MBh 3 17.10
भीमसेनमुपाश्लिष्यद्धस्तिनीव महागजम्। वीणेव मधुरालापा गान्धारं साधु मूर्छती। अभ्यभाषत पाञ्चाली भीमसेनमनिन्दिता॥
bhīmasenamupāśliṣyaddhastinīva mahāgajam| vīṇeva madhurālāpā gāndhāraṃ sādhu mūrchatī| abhyabhāṣata pāñcālī bhīmasenamaninditā||
Having embraced Bhimasena as a sheelephant embraces her mighty mate, that faultless daughter of Panchala, possessed of a voice sweet as the sound of a Vina, sounding out clearly the Gandharva tune addressed Bhimasena thus.
— tr. M.N. Dutt (1891–96) (public domain)
MBh 3 17.11
उत्तिष्ठोत्तिष्ठ किं शेषे भीमसेन यथा मृतः। नामृतस्य हि पापीयान् भार्यामालभ्य जीवति॥
uttiṣṭhottiṣṭha kiṃ śeṣe bhīmasena yathā mṛtaḥ| nāmṛtasya hi pāpīyān bhāryāmālabhya jīvati||
O Bhimasena, rise up, why do you sleep like a dead one? For a sinful wretch cannot live after insulting the wife of one that is not dead.
— tr. M.N. Dutt (1891–96) (public domain)
MBh 3 17.12
स सम्प्रहाय शयनं राजपुत्र्या प्रबोधितः। उपातिष्ठत मेधाभः पर्यङ्के सोपसंग्रहे॥
sa samprahāya śayanaṃ rājaputryā prabodhitaḥ| upātiṣṭhata medhābhaḥ paryaṅke sopasaṃgrahe||
Being awakened by the princess he, having complexion like that of the clouds, left his bed and sat on the couch furnished with pillows.
— tr. M.N. Dutt (1891–96) (public domain)
MBh 3 17.13
अथाब्रवीद् राजपुत्री कौरव्यो महिषीं प्रियाम्। केनास्यर्थेन सम्प्राप्ता त्वरितेव ममान्तिकम्॥
athābravīd rājaputrī kauravyo mahiṣīṃ priyām| kenāsyarthena samprāptā tvariteva mamāntikam||
Then the son of Kunti addressed his beloved consort saying "For what purpose have you come hither so speedily to me?
— tr. M.N. Dutt (1891–96) (public domain)
MBh 3 17.14
न ते प्रकृतिमान् वर्णः कृशा पाण्डुश्च लक्ष्यसे। आचक्ष्व परिशेषेण सर्वं विद्यामहं यथा॥
na te prakṛtimān varṇaḥ kṛśā pāṇḍuśca lakṣyase| ācakṣva pariśeṣeṇa sarvaṃ vidyāmahaṃ yathā||
Your complexion seems to have lost its natural hue; you appear lean and pale, tell me all in detail that I may know every thing.
— tr. M.N. Dutt (1891–96) (public domain)
MBh 3 17.15
सुखं वा यदि वा दुःखं द्वेष्यं वा यदि वा प्रियम्। यथावत् सर्वमाचक्ष्व श्रुत्वा ज्ञास्यामि यत् क्षमम्।।१९
sukhaṃ vā yadi vā duḥkhaṃ dveṣyaṃ vā yadi vā priyam| yathāvat sarvamācakṣva śrutvā jñāsyāmi yat kṣamam||19
Tell me everything clearly whether it be pleasurable; having heard all I shall do what lies in my power.
— tr. M.N. Dutt (1891–96) (public domain)
MBh 3 17.16
अहमेव हि ते कृष्णा विश्वास्यः सर्वकर्मसु। अहमापत्सु चापि त्वां मोक्षयामि पुनः पुनः॥
ahameva hi te kṛṣṇā viśvāsyaḥ sarvakarmasu| ahamāpatsu cāpi tvāṃ mokṣayāmi punaḥ punaḥ||
In all works of yours, O Krishna, I am your confident, for I alone deliver you from danger again and again.
— tr. M.N. Dutt (1891–96) (public domain)
MBh 3 17.17
शीघ्रमुक्त्वा यथाकामं यत् ते कार्यं विवक्षितम्। गच्छ वै शयनायैव पुरा नान्येन बुध्यते॥
śīghramuktvā yathākāmaṃ yat te kāryaṃ vivakṣitam| gaccha vai śayanāyaiva purā nānyena budhyate||
Telling me quickly what is your wish and what you purpose to do, repair to your bed before others are up.
— tr. M.N. Dutt (1891–96) (public domain)