Mahabharata — Volume III (Dutt edition) — Chapter 169
MBh 3 169.1
नारद उवाच एतत् तु नागलोकस्य नाभिस्थाने स्थितं पुरम्। पातालमिति विख्यातं दैत्यदानवसेवितम्॥
nārada uvāca etat tu nāgalokasya nābhisthāne sthitaṃ puram| pātālamiti vikhyātaṃ daityadānavasevitam||
Narada said This city, situated in the very heart of the region of the Nagas, is known as Patalam, inhabited by the Daityas and Danavas.
— tr. M.N. Dutt (1891–96) (public domain)
MBh 3 169.2
इदमद्भिः समं प्राप्ता ये केचिद् भुवि जङ्गमाः। प्रविशन्तो महानादं नदन्ति भयपीडिताः॥
idamadbhiḥ samaṃ prāptā ye kecid bhuvi jaṅgamāḥ| praviśanto mahānādaṃ nadanti bhayapīḍitāḥ||
The few creatures of the earth, who are brought here by the current of the water, when entering the region give out loud shrieks being struck with fear.
— tr. M.N. Dutt (1891–96) (public domain)
MBh 3 169.3
अत्रासुरोऽग्निः सततं दीप्यते वारिभोजनः। व्यापारेण धृतात्मानं निबद्धं समबुध्यत॥
atrāsuro'gniḥ satataṃ dīpyate vāribhojanaḥ| vyāpāreṇa dhṛtātmānaṃ nibaddhaṃ samabudhyata||
In these regions, the fire, called Asura fire, which is fed by water, continually blazes forth. Held in great respect, it regards itself as confined (by the gods).
— tr. M.N. Dutt (1891–96) (public domain)
MBh 3 169.4
अत्रामृतं सुरैः पीत्वा निहितं निहतारिभिः। अतः सोमस्य हानिश्च वृद्धिश्चैव प्रदृश्यते॥
atrāmṛtaṃ suraiḥ pītvā nihitaṃ nihatāribhiḥ| ataḥ somasya hāniśca vṛddhiścaiva pradṛśyate||
Here the gods, who had slain their enemies, having drunk the nectar kept the residue there. It is from here proceed the growth and decline of the moon, which we see.
— tr. M.N. Dutt (1891–96) (public domain)
MBh 3 169.5
अत्रादित्यो हयशिराः काले पर्वणि पर्वणि। उत्तिष्ठति सुवर्णाख्यो वाग्भिरापूरयञ्जगत्॥
atrādityo hayaśirāḥ kāle parvaṇi parvaṇi| uttiṣṭhati suvarṇākhyo vāgbhirāpūrayañjagat||
Here the son of Aditi, with his head like that of the horse, on every festive occasion, rises up, making the world, called Suvarna, filled with the sound of Vedic hymns and mantras.
— tr. M.N. Dutt (1891–96) (public domain)
MBh 3 169.6
यस्मादलं समस्तास्ताः पतन्ति जलमूर्तयः। तस्मात् पातालमित्येव ख्यायते पुरमुत्तमम्॥
yasmādalaṃ samastāstāḥ patanti jalamūrtayaḥ| tasmāt pātālamityeva khyāyate puramuttamam||
Since all those objects, having the form of water, fall on it; therefore is this excellent region known by the name of Patalam.
— tr. M.N. Dutt (1891–96) (public domain)
MBh 3 169.7
ऐरावणोऽस्मात् सलिलं गृहीत्वा जगतो हितः। मेघेष्वामुञ्चते शीतं यन्महेन्द्रः प्रवर्षति॥
airāvaṇo'smāt salilaṃ gṛhītvā jagato hitaḥ| megheṣvāmuñcate śītaṃ yanmahendraḥ pravarṣati||
Airavata, taking up cold water from here for the good of the world, gives them to the clouds and the great Indra showers this water as rain.
— tr. M.N. Dutt (1891–96) (public domain)
MBh 3 169.8
अत्र नानाविधाकारास्तिमयो नैकरूपिणः। अप्सु सोमप्रभां पीत्वा वसन्ति जलचारिणः॥
atra nānāvidhākārāstimayo naikarūpiṇaḥ| apsu somaprabhāṃ pītvā vasanti jalacāriṇaḥ||
Here aquatic animals of many species and shapes and fishes of different sorts, such as Timi and others, live, subsisting on a drink from the water which is like the beams of the moon.
— tr. M.N. Dutt (1891–96) (public domain)
MBh 3 169.9
अत्र सूर्यांशुभिर्भिन्नाः पातालतलमाश्रिताः। मृता हि दिवसे सूत पुनर्जीवन्ति वै निशि॥
atra sūryāṃśubhirbhinnāḥ pātālatalamāśritāḥ| mṛtā hi divase sūta punarjīvanti vai niśi||
Some beings, living in this nether world, the Patalam, pierced by the rays of the sun, are dead in the day time, O Suta and are revived again at night.
— tr. M.N. Dutt (1891–96) (public domain)
MBh 3 169.10
उदयन् नित्यशश्चात्र चन्द्रमा रश्मिबाहुभिः। अमृतं स्पृश्य संस्पर्शात् संजीवयति देहिनः॥
udayan nityaśaścātra candramā raśmibāhubhiḥ| amṛtaṃ spṛśya saṃsparśāt saṃjīvayati dehinaḥ||
For the moon, rising in these regions every night, by her beams which are her arms as it were, brings nectar in contact with them; and from that are the creatures revived.
— tr. M.N. Dutt (1891–96) (public domain)
MBh 3 169.11
अन्ने तेऽधर्मनिरता बद्धाः कालेन पीडिताः। दैतेया निवसन्ति स्म वासवेन हतश्रियः॥
anne te'dharmaniratā baddhāḥ kālena pīḍitāḥ| daiteyā nivasanti sma vāsavena hataśriyaḥ||
Here are iroprisoned these wicked and unrighteous sons of Diti afflicted with misfortune. They live here being dispossessed of their prosperity by Vasava.
— tr. M.N. Dutt (1891–96) (public domain)
MBh 3 169.12
अत्र भूतपतिर्नाम सर्वभूतमहेश्वरः। भूतये सर्वभूतानामचरत् तप उत्तमम्॥
atra bhūtapatirnāma sarvabhūtamaheśvaraḥ| bhūtaye sarvabhūtānāmacarat tapa uttamam||
Here the great Lord of all creatures, by name Bhutpati, practiced austere asceticism for the good of all creatures.
— tr. M.N. Dutt (1891–96) (public domain)
MBh 3 169.13
अत्र गोवतिनो विप्राः स्वाध्यायम्नायकर्शिताः। त्यक्तप्राण जितस्वर्गा निवसन्ति महर्षयः॥
atra govatino viprāḥ svādhyāyamnāyakarśitāḥ| tyaktaprāṇa jitasvargā nivasanti maharṣayaḥ||
Here live the great Rishis those Brahmanas attached to the vow, called go, who have been emaciated with the recitation of the Vedas and who abandoning the pleasures of this life have secured heaven.
— tr. M.N. Dutt (1891–96) (public domain)
MBh 3 169.14
यत्रतत्रशयो नित्यं येन केनचिदाशितः। पेन केनचिदाच्छन्नः स गोव्रत इहोच्यते॥
yatratatraśayo nityaṃ yena kenacidāśitaḥ| pena kenacidācchannaḥ sa govrata ihocyate||
He, who ever sleeps at any place he likes, who lives on with what others place before him, is safe to be attached to the Go vows in this world.
— tr. M.N. Dutt (1891–96) (public domain)
MBh 3 169.15
ऐरावणो नागराजो वामनः कुमुदोञ्जनः। प्रसूताः सुप्रतीकस्य वंशे वारणसत्तमाः॥
airāvaṇo nāgarājo vāmanaḥ kumudoñjanaḥ| prasūtāḥ supratīkasya vaṃśe vāraṇasattamāḥ||
Here in the race of Supratika are born those best among elephants, namely Airavana, the king among elephants, Kumuda, Vamana and Arjuna.
— tr. M.N. Dutt (1891–96) (public domain)
MBh 3 169.16
पश्य यद्यत्र ते कश्चिद् रोचते गुणतो वरः। वरयिष्यामि तं गत्वा यत्नमास्थाय मातले॥
paśya yadyatra te kaścid rocate guṇato varaḥ| varayiṣyāmi taṃ gatvā yatnamāsthāya mātale||
See if in these regions there is any bridegroom who pleases you by his accomplishments. If so, I shall, after respectfully going to him, solicit him to accept your daughter, O Matali.
— tr. M.N. Dutt (1891–96) (public domain)
MBh 3 169.17
अण्डमेतज्जले न्यस्तं दीप्यमानमिव श्रिया। आ प्रजानां निसर्गाद् नै नोद्भिद्यति न सर्पति॥
aṇḍametajjale nyastaṃ dīpyamānamiva śriyā| ā prajānāṃ nisargād nai nodbhidyati na sarpati||
This one, placed here in these waters, is an egg, which is shining as it were with beauty. From the very creation of this universe it is here; and it neither moves away, nor is hatched.
— tr. M.N. Dutt (1891–96) (public domain)
MBh 3 169.18
नास्य जाति निसर्ग वा कथ्यमानं शृणोमि वै। पितरं मातर चापि नास्य जानाति कश्चन॥
nāsya jāti nisarga vā kathyamānaṃ śṛṇomi vai| pitaraṃ mātara cāpi nāsya jānāti kaścana||
I have never heard of its species or birth spoken of. No body knows any one as its father or mother.
— tr. M.N. Dutt (1891–96) (public domain)
MBh 3 169.19
अतः किल महानग्निरन्तकाले समुत्थितः। धक्ष्यते मातले सर्वं त्रैलोक्यं सचराचरम्॥
ataḥ kila mahānagnirantakāle samutthitaḥ| dhakṣyate mātale sarvaṃ trailokyaṃ sacarācaram||
From this, at the time of the dissolution of the universe, springs up a fire, which consumes, O Matali, the three entire worlds with all their mobile and immobile creatures.
— tr. M.N. Dutt (1891–96) (public domain)
MBh 3 169.20
मातलिस्त्वब्रवीच्छ्रुत्वा नारदस्याथ भाषितम्। न मेऽत्र रोचते कश्चिदन्यतो व्रज माचिरम्॥
mātalistvabravīcchrutvā nāradasyātha bhāṣitam| na me'tra rocate kaścidanyato vraja māciram||
Matali too having heard what Narada said, answered-“None in these regions pleases me. Let me go elsewhere without delay.”
— tr. M.N. Dutt (1891–96) (public domain)